എ.​ഐ സി​ല​ബ​സ് @ കേ​ര​ള

21ാം നൂ​റ്റാ​ണ്ടി​ൽ സാ​​ങ്കേ​തി​ക​വി​ദ്യ​യി​ലു​ണ്ടാ​യ അ​തി​ദ്രു​ത ​വ​ള​ർ​ച്ച​യെ പ​ല​പ്പോ​ഴും ‘നാ​ലാം വ്യ​വ​സാ​യ വി​പ്ല​വം’ എ​ന്ന് വി​ശേ​ഷി​പ്പി​ക്കാ​റു​ണ്ട്. ആ​ർ​ട്ടി​ഫി​ഷ്യ​ൽ ഇ​ന്റ​ലി​ജ​ൻ​സ് (നി​ർ​മി​തബു​ദ്ധി), ജീ​ൻ എ​ഡി​റ്റി​ങ്, റോ​ബോ​ട്ടി​ക്സ് മേ​ഖ​ല​ക​ളി​ലു​ണ്ടാ​യ അ​തി​വേ​ഗ-​അ​പ്ര​തീ​ക്ഷി​ത കു​തി​പ്പ്, മാ​ന​വ​രാ​ശി​യു​ടെ സാ​​ങ്കേ​തി​ക​ജ്ഞാ​ന​ത്തെ​യും അ​തു​വ​ഴി ജീ​വി​ത​നി​ല​വാ​ര​ത്തെ​യും നൂ​റ്റാ​ണ്ടു​ക​ൾ മു​ന്നോ​ട്ടു​കൊ​ണ്ടു​പോ​യി എ​ന്നാ​ണ് നി​രീ​ക്ഷി​ക്ക​പ്പെ​ട്ടി​ട്ടു​ള്ള​ത്. വ​ർ​ത്ത​മാ​നലോ​ക​ത്തി​ന്റെ ഗ​തി​വി​ഗ​തി​ക​ൾ കാ​ൽ​നൂ​റ്റാ​ണ്ട് മു​മ്പു​ള്ള സാ​ഹ​ച​ര്യ​ങ്ങ​ളു​മാ​യി താ​ര​ത​മ്യ​പ്പെ​ടു​ത്തു​മ്പോ​ൾ ആ​ർ​ക്കും എ​ളു​പ്പ​ത്തി​ൽ ബോ​ധ്യ​മാ​കും ഇ​ത്. ഇ​ക്കൂ​ട്ട​ത്തി​ൽ ന​മ്മു​ടെ ദൈ​നം​ദി​ന ജീ​വി​ത​വു​മാ​യി ഏ​റ്റ​വും അ​ടു​ത്തു​നി​ൽ​ക്കു​ന്ന സാ​​ങ്കേ​തി​ക​വി​ദ്യ ഏ​തെ​ന്ന ചോ​ദ്യ​ത്തി​ന് ഒ​റ്റ ഉ​ത്ത​ര​മേ​യു​ള്ളൂ: നി​ർ​മി​തബു​ദ്ധി അ​ഥ​വാ എ.​ഐ. അ​ഞ്ചാം ത​ല​മു​റ ക​മ്പ്യൂ​ട്ട​റു​ക​ൾ​ക്ക് ‘ബു​ദ്ധി​യും യു​ക്തി​യും സാ​മാ​ന്യ​ബോ​ധ​വും’ കൈ​വ​ന്ന​തോ​ടെ യാ​ഥാ​ർ​ഥ്യ​മാ​യ സാ​​ങ്കേ​തി​കവി​ദ്യ​യാ​ണ് എ.​ഐ. മൊ​ബൈ​ൽ ഫോ​ണു​ക​ളി​ല​ട​ക്കം ഈ ​സാ​​​ങ്കേ​തി​ക​വി​ദ്യ​യു​ടെ നി​ര​വ​ധി ആ​പ്ലി​ക്കേ​ഷ​നു​ക​ൾ കാ​ണാം. മ​നു​ഷ്യ ജീ​വി​ത​ത്തി​ന്റെ നി​ര​വ​ധി തു​റ​ക​ളി​ൽ നേ​രി​ട്ട്​ ഇ​ട​പെ​ടു​ന്ന​, പു​തി​യ കാ​ല​ത്ത് മാ​ന​വ​രാ​ശി​ക്ക് ഒ​ഴി​ച്ചു​കൂ​ടാ​ൻ ക​ഴി​യാ​ത്ത​ ഒ​ന്നാ​യും എ.​ഐ മാ​റി​യി​ട്ടു​ണ്ട്; എ​ന്തി​നേ​റെ, ക​ല​യി​ലും സാ​ഹി​ത്യ​ത്തി​ലും സി​നി​മ​യി​ലു​മെ​ല്ലാം എ.​ഐ​യു​ടെ ‘കൈ​ക​ട​ത്ത​ലു’​ക​ളു​ണ്ട്; ചി​ല ഘ​ട്ട​ങ്ങ​ളി​ൽ മ​നു​ഷ്യ​നെ അ​പ്ര​സ​ക്ത​നാ​ക്കും​വി​ധ​മു​ള്ള ഇ​ട​പെ​ട​ലു​ക​ളും കാ​ണാം. ഈ​യ​ർ​ഥ​ത്തി​ൽ, എ.​ഐ​യു​ടെ സാ​ധ്യ​ത​ക​ൾ മാ​ത്ര​മ​ല്ല, അ​തു​ണ്ടാ​ക്കു​ന്ന പ്ര​ത്യാ​ഘാ​ത​ങ്ങ​ളും പ്ര​തി​സ​ന്ധി​ക​ളും സ​മൂ​ഹ​ത്തി​ന്റെ ച​ർ​ച്ചാ​വി​ഷ​യ​മാ​ണ്. അ​തു​കൊ​ണ്ടു​ത​ന്നെ, ഈ ​സാ​​ങ്കേ​തി​കവി​ദ്യ​യെ ന​മു​ക്ക് അ​ഭി​മു​ഖീ​ക​രി​ക്കാ​തെ ത​ര​മി​ല്ല. ആ ​ദി​ശ​യി​ൽ ഏ​റെ ക്രി​യാ​ത്മ​ക​മായ ഇ​ട​പെ​ട​ലാ​ണ് സം​സ്ഥാ​ന പൊ​തു​വി​ദ്യാ​ഭ്യാ​സ വ​കു​പ്പി​ന്റെ ഭാ​ഗ​ത്തു​നി​ന്നു​ണ്ടാ​യി​രി​ക്കു​ന്ന​ത്. പു​തി​യ അ​ധ്യ​യ​നവ​ർ​ഷ​ത്തി​ൽ ന​മ്മു​ടെ കു​ട്ടി​ക​ൾ ഔ​പ​ചാ​രി​ക​മാ​യി​ത്ത​ന്നെ ഈ ​സാ​​ങ്കേ​തി​ക വി​ദ്യ​യെ​ക്കു​റി​ച്ച് പ​ഠി​ക്കാ​നി​രി​ക്കു​ക​യാ​ണ്.

പാ​ഠ്യ​പ​ദ്ധ​തി പ​രി​ഷ്ക​ര​ണ​ത്തി​ന്റെ ഭാ​ഗ​മാ​യി സം​സ്ഥാ​ന​ത്തെ ഏ​ഴാം ക്ലാ​സ് വി​ദ്യാ​ർ​ഥി​ക​ൾ​ക്കാ​ണ് ഇ​ത്ത​വ​ണ നി​ർ​മി​തബു​ദ്ധി പ​ഠ​നം സി​ല​ബ​സി​ൽ ഉ​ൾ​പ്പെ​ടു​ത്തി​യി​രി​ക്കു​ന്ന​ത്. ഐ.​സി.​ടി (ഇ​ൻ​ഫ​ർ​മേ​ഷ​ൻ ക​മ്യൂ​ണി​ക്കേ​ഷ​ൻ ടെ​ക്നോ​ള​ജി) പാ​ഠപു​സ്ത​ക​ത്തി​ലെ പു​തി​യ മാ​റ്റ​ങ്ങ​ൾ ആ​ദ്യഘ​ട്ട​ത്തി​ൽ കേ​ര​ള​ത്തി​ലെ നാ​ല് ല​ക്ഷ​ത്തി​ല​ധി​കം കു​ട്ടി​ക​ൾ​ക്ക് ല​ഭ്യ​മാ​കും. ഇ​ന്ത്യ​യി​ൽ​ത​ന്നെ ഇ​താ​ദ്യ​മാ​യാ​ണ് ഇ​ത്ത​ര​മൊ​രു കാൽവെപ്പ്. പ​ല സം​സ്ഥാ​ന​ങ്ങ​ളി​ലും ചി​ല സ്വകാര്യ വിദ്യാഭ്യാസസ്ഥാ​പ​ന​ങ്ങ​ൾ സ്വ​ന്തം നി​ല​യി​ൽ നി​ർ​മി​തബു​ദ്ധി പ​ഠ​ന​ത്തി​നാ​യി പ്ര​ത്യേ​ക സി​ല​ബ​സു​ക​ൾ ത​യാ​റാ​ക്കി​യി​ട്ടു​ണ്ടെ​ങ്കി​ലും ​പൊ​തു​മേ​ഖ​ല​യി​ൽ എ.​ഐ പാ​ഠ്യ​പ​ദ്ധ​തി​യു​ടെ ഭാ​ഗ​മാ​കു​ന്ന​ത് ആ​ദ്യ​മായാ​ണ്. അതുകൊണ്ടുതന്നെ, ഇ​തി​നു​പി​ന്നി​ൽ പ്ര​വ​ർ​ത്തി​ച്ച കേരള സംസ്ഥാന വി​ദ്യാ​ഭ്യാ​സവ​കു​പ്പും​ പ​രി​ശീ​ല​ക​രുമെ​ല്ലാം അ​ഭി​ന​ന്ദ​ന​മ​ർ​ഹി​ക്കു​ന്നു. കേ​വ​ല​മാ​യി നി​ർ​മി​തബു​ദ്ധി​യെ സം​ബ​ന്ധി​ച്ച അ​റി​വ് പ​ക​രു​ക​യ​ല്ല, ഈ ​സാ​​ങ്കേ​തി​കവി​ദ്യയുടെ സാ​ധ്യ​ത​ക​ളി​ലേ​ക്കു വെ​ളി​ച്ചം വീ​ശു​ന്ന ത​ര​ത്തി​ലാ​ണ് സി​ല​ബ​സ് രൂ​പ​ക​ൽ​പ​ന ചെ​യ്തി​രി​ക്കു​ന്ന​ത്. ഉ​ദാ​ഹ​ര​ണ​ത്തി​ന്, ‘ക​മ്പ്യൂ​ട്ട​ർ വി​ഷ​ൻ’ എ​ന്ന അ​ധ്യാ​യം നോ​ക്കു​ക: മ​നു​ഷ്യ​രു​ടെ മു​ഖ​ഭാ​വം തി​രി​ച്ച​റി​യു​ന്ന എ.​ഐ പ്രോ​ഗ്രാ​മു​ക​ൾ കു​ട്ടി​ക​ളെ സ്വ​യം ത​യാ​റാ​ക്കാ​ൻ പ്രാ​പ്ത​മാ​ക്കു​ന്ന ത​ര​ത്തി​ലാ​ണ് അ​തി​ന്റെ ആ​വി​ഷ്കാ​രം. പ​ഠ​ന​ത്തി​നൊ​ടു​വി​ൽ, ഓ​രോ കു​ട്ടി​യും ഓ​രോ പ്രോ​ഗ്രാ​മു​ക​ൾ ത​യാ​റാ​ക്കു​ന്നു. ഒ​രാ​ളു​ടെ മു​ഖ​ത്തു​ണ്ടാ​കു​ന്ന ഏ​ഴ് ഭാ​വ​ങ്ങ​ൾ​വ​രെ ആ​വി​ഷ്ക​രി​ക്കാ​ൻ സാ​ധി​ക്കു​ന്ന സോ​ഫ്റ്റ്​​വെ​യ​ർ ആ​ണ് ഇ​തി​നാ​യി സ​ജ്ജ​മാ​ക്കി​യി​രി​ക്കു​ന്ന​ത്. ഈ ​പാ​ഠ​ഭാ​ഗ​ങ്ങ​ളി​ലൂ​ടെ കു​ട്ടി​ക​ളു​ടെ വി​ശ​ക​ല​ന​ശേ​ഷി​യും പ്ര​ശ്ന നി​ർ​ധാ​ര​ണ​ശേ​ഷി​യു​മെ​ല്ലാം വ​ർ​ധി​ക്കു​ന്നു. സ്ക്രാ​ച്ച് എ​ന്ന സ്വ​ത​ന്ത്ര സോ​ഫ്റ്റ്​​വെ​യ​റി​ൽ വി​ഷ്വ​ൽ പ്രോ​ഗ്രാ​മി​ങ് എ​ന്ന ക​മ്പ്യൂ​ട്ട​ർ ഭാ​ഷ ഇ​തി​ന​കംത​ന്നെ കു​ട്ടി​ക​ൾ പ​ഠി​ക്കു​ന്നു​ണ്ട്; അ​തി​ന്റെ തു​ട​ർ​ച്ച​യി​ൽ ‘പി​ക്റ്റോ ബ്ലോ​ക്’ എ​ന്ന പാ​ക്കേ​ജി​ലു​ൾ​പ്പെ​ടു​ത്തി പ്രോ​ഗ്രാ​മി​ങ്, എ.​ഐ, റോ​ബോ​ട്ടി​ക്സ് എ​ന്നി​വ​യി​ൽ പ​രി​ശീ​ല​നം ന​ൽ​കു​ക​യാ​ണ് പു​തി​യ പാ​ഠ്യ​പ​ദ്ധ​തി​യു​ടെ ല​ക്ഷ്യം. വ​രും വ​ർ​ഷ​ങ്ങ​ളി​ൽ ഇ​തി​ന്റെ തു​ട​ർ​ച്ച​യു​ണ്ടാ​യാ​ൽ സെ​ക്ക​ൻഡ​റി വി​ദ്യാ​ഭ്യാ​സം പൂ​ർ​ത്തി​യാ​ക്കു​ന്ന ഒ​രു വി​ദ്യാ​ർ​ഥി​ക്ക് എ.​ഐ മേ​ഖ​ല​യി​ൽ സാ​മാ​ന്യ പ​രി​ജ്ഞാ​നം ഉ​റ​പ്പു​വ​രു​ത്താ​നാ​കും.

മാ​റി​ക്കൊ​ണ്ടി​രി​ക്കു​ന്ന ലോ​ക​ത്തി​നും ലോ​ക​ക്ര​മ​ത്തി​നു​മ​നു​സ​രി​ച്ച് വി​ദ്യാ​ഭ്യാ​സ​വും അ​തി​ന്റെ രീ​തി​ക​ളും പ​രി​ഷ്ക​രി​ച്ചു​കൊ​ണ്ടേ​യി​രി​ക്കു​ക എ​ന്ന​ത് സ​മൂ​ഹ​ത്തി​ന്റെ മു​​ന്നോ​ട്ടു​ള്ള കു​തി​പ്പി​ന് അ​ത്യ​ന്താ​പേ​ക്ഷി​ത​മാ​ണ്. നി​ല​വി​ൽ, ലോ​ക​ത്തി​ന്റെ ഗ​തി​യെ നി​യ​ന്ത്രി​ക്കു​ന്ന ചാ​ല​ക​ശ​ക്തി​ക​ളി​ലൊ​ന്നാ​യി എ.​ഐ​യും റോ​ബോ​സാ​പി​യ​നു​ക​ളും മാ​റി​യ സാ​ഹ​ച​ര്യ​ത്തി​ൽ പാ​ഠ്യ​പ​ദ്ധ​തി​ക​ൾ അ​വ​യെ​ക്കൂ​ടി ഉ​ൾ​ക്കൊള്ളു​ന്ന​താ​യി​രി​ക്കു​ക എ​ന്ന​ത് കാ​ല​ത്തി​ന്റെ ആ​വ​ശ്യം മാ​ത്ര​മ​ല്ല, മാ​ന​വ​രാ​ശി​യു​ടെ അ​തി​ജീ​വ​ന​ത്തി​ന്റെകൂ​ടി ഉ​പാ​ധി​യാ​ണ്. ഈ ​യാ​ഥാ​ർ​ഥ്യ​ത്തെ ന​മ്മു​ടെ അ​ധി​കാ​രി​ക​ൾ തി​രി​ച്ച​റി​ഞ്ഞി​രി​ക്കു​ന്നു​വെ​ന്ന​ത് ചെ​റി​യ കാ​ര്യ​മ​ല്ല.​ എ.​ഐ സാ​​ങ്കേ​തി​കവി​ദ്യ​യു​ടെ വേ​ഗ​വും വ​ള​ർ​ച്ച​യും എ​ന്ന​പോ​ലെ, പാ​ഠ്യ​പ​ദ്ധ​തി​യി​ലും ഈ ​പ​രി​ഷ്ക​ര​ണ​ങ്ങ​ൾ ആ​വ​ശ്യ​മാ​ണ്. അ​തു​കൊ​ണ്ടു​ത​ന്നെ, ഇ​പ്പോ​ഴ​ത്തെ തീ​രു​മാ​ന​ങ്ങ​ൾ​ക്ക് തു​ട​ർ​ച്ച​യു​ണ്ടാ​വ​ണം.

ഒ​രു സാ​​ങ്കേ​തി​കവി​ദ്യ എ​ന്ന നി​ല​യി​ൽ നി​ർ​മി​തബു​ദ്ധി​യെ ആ​ശ​ങ്ക​യോ​ടെ​യും വി​മ​ർ​ശ​ന​ബു​ദ്ധി​യോ​ടെ​യും കാ​ണു​ന്നവരുമുണ്ട്​. മാ​ന​വ​രാ​ശി​യു​ടെ സ​ർ​വതോ​മു​ഖ​മാ​യ കു​തി​പ്പി​ന് ഇ​ത് വ​ഴി​വെ​ക്കു​മെന്നു പ​റ​യു​മ്പോ​ഴും, ഈ ​സാ​​ങ്കേ​തി​കവി​ദ്യ സൃ​ഷ്ടി​ച്ചേ​ക്കാ​വു​ന്ന വ​ലി​യ പ്ര​ത്യാ​ഘാ​തങ്ങ​ളെ​ക്കു​റി​ച്ചു​ള്ള വ​സ്തു​താ​പ​ര​വും ​യു​ക്തി​പൂ​ർ​വ​വു​മാ​യ ചി​ല ആ​​ശ​ങ്ക​ക​ളും മു​ന്നി​ലു​ണ്ട്. എ.​​ഐ​യു​ടെ കൗ​തു​ക​ങ്ങ​ളി​ലൂ​ടെ സാ​​ങ്കേ​തി​കവി​ദ്യ​യെ പ​രി​ച​യ​​പ്പെ​ടു​ത്തു​ന്ന നി​ല​വി​ലെ രീ​തി​ശാ​സ്ത്രം ഒ​രി​ക്ക​ലും ഈ ​ആ​ശ​ങ്ക​യെ അ​ട​യാ​ള​പ്പെ​ടു​ത്തു​ന്നി​ല്ല. അ​ക്കാ​ര്യം​കൂ​ടി കു​ട്ടി​ക​ൾ അ​റി​യേ​ണ്ട​തു​ണ്ട്. അ​പ്പോ​ൾ മാ​​ത്ര​മേ, നി​ർ​മി​തബു​ദ്ധി കേ​ന്ദ്രി​ത സാ​​ങ്കേ​തി​കവി​ദ്യ​യും അ​തി​ന്റെ ​പ്ര​യോ​ഗ​ങ്ങ​ളും സ​മൂ​ഹ​ത്തി​ന് പൂ​ർ​ണ​മാ​യും ഗു​ണ​പ​ര​മാ​യി ഭ​വി​ക്കൂ. അ​ത്ത​​രം ആ​ലോ​ച​ന​ക​ളി​ലേ​ക്ക് കു​ട്ടി​ക​ളെ ന​യി​ക്കു​ന്ന പാ​ഠ​ഭാ​ഗ​ങ്ങ​ൾ​കൂ​ടി അ​ടു​ത്ത ഘ​ട്ട​ത്തി​ൽ സി​ല​ബ​സി​ൽ വ​രേ​ണ്ട​തു​ണ്ട്. അ​പ്പോ​ൾ​മാ​ത്ര​മേ, ഇ​തി​നെ സ​മ്പൂ​ർ​ണ മാ​തൃ​ക എ​ന്ന് വി​ശേ​ഷി​പ്പി​ക്കാ​നാ​വൂ.