കാ​വി​യ​ണി​ഞ്ഞ അ​ഴി​മ​തി​പ്പ​രീ​ക്ഷ​ക​ൾ

‘ക്ര​മ​ക്കേ​ട് ന​ട​ന്നൊ​രു പ​രീ​ക്ഷ​യി​ൽ വി​ജ​യി​ച്ച് ഒ​രാ​ൾ ഡോ​ക്ട​റാ​യാ​ൽ അ​ത് സ​മൂ​ഹ​ത്തി​നു​ണ്ടാ​ക്കു​ന്ന പ്ര​ത്യാ​ഘാ​ത​ങ്ങ​ളെ​ക്കു​റി​ച്ച് ആ​ലോ​ചി​ച്ചി​ട്ടു​​ണ്ടോ? അ​തി​നാ​ൽ, ഇ​ത്ത​രം ​പ്ര​വേ​ശ​ന പ​രീ​ക്ഷ​ക​ളി​ൽ 0.001 ശ​ത​മാ​ന​മാ​ണ് പി​ഴ​വെ​ങ്കി​ൽപോ​ലും അ​ത് തി​രു​ത്താ​നു​ള്ള ജാ​ഗ്ര​ത സ​ർ​ക്കാ​റി​നും പ​രീ​ക്ഷാ ഏ​ജ​ൻ​സി​ക​ൾ​ക്കു​മു​ണ്ട്’ -ദേ​ശീ​യ മെ​ഡി​ക്ക​ൽ പ്ര​വേ​ശ​ന പ​രീ​ക്ഷ​യാ​യ ‘നീ​റ്റ്’ ചോ​ദ്യ​പേ​പ്പ​ർ ചോ​ർ​ച്ച​യു​ടെ പ​ശ്ചാ​ത്ത​ല​ത്തി​ൽ പ​രീ​ക്ഷ റ​ദ്ദാ​ക്ക​ണ​​മെ​ന്നാ​വ​ശ്യ​പ്പെ​ട്ട് ഏതാ​നും ര​ക്ഷി​താ​ക്ക​ൾ സു​പ്രീം​കോ​ട​തി​യി​ൽ സ​മ​ർ​പ്പി​ച്ച റി​ട്ട് ഹ​ര​ജി പ​രി​ഗ​ണി​ക്ക​വെ ജ​സ്റ്റി​സ് വി​ക്രം​നാ​ഥ് ന​ട​ത്തി​യ പ​രാ​മ​ർ​ശ​മാ​ണി​ത്. പ​രീ​ക്ഷ റ​ദ്ദാ​ക്കാ​ൻ ത​ൽ​ക്കാ​ലം കോ​ട​തി വി​സ​മ്മ​തി​ച്ചു​വെ​ങ്കി​ലും പ​രീ​ക്ഷ ഏ​ജ​ൻ​സി​യാ​യ എ​ൻ.​എ.​ടി​യു​ടെ ജാ​ഗ്ര​ത​ക്കു​റ​വി​നെ കോ​ട​തി രൂ​ക്ഷ​മാ​യ ഭാ​ഷ​യി​ൽ വി​മ​ർ​ശി​ക്കു​ക​യു​ണ്ടാ​യി. ഈ ​കേ​സ് പ​രി​ഗ​ണി​ക്കു​മ്പോ​ൾ ചോ​ദ്യ​പേ​പ്പ​ർ ചോ​ർ​ച്ച കേ​വ​ലം ആ​രോ​പ​ണം മാ​ത്ര​മാ​യി​രു​ന്നു; ഏ​താ​നും വി​ദ്യാ​ർ​ഥി​ക​ളു​ടെ ഗ്രേ​സ് മാ​ർ​ക്കി​നെ​ച്ചൊ​ല്ലി​യു​ള്ള ത​ർ​ക്ക​വി​ഷ​യ​വും. എ​ന്നാ​ലി​പ്പോ​ഴ​ത് രാ​ജ്യ​ത്തെ അ​ന്താ​രാ​ഷ്ട്ര സ​മൂഹ​ത്തി​ന് മു​ന്നി​ൽ നാ​ണം കെ​ടു​ത്തു​ന്ന​തും ഇ​ക്കാ​ല​മ​ത്ര​യും കേ​ട്ടി​ട്ടി​ല്ലാ​ത്ത​തു​മാ​യ വ​ലി​യൊ​രു അ​ഴി​മ​തി​യാ​യി ദേ​ശീ​യ പ്ര​വേ​ശ​ന പ​രീ​ക്ഷ​ക​ളും അ​വ​യു​ടെ ന​ട​ത്തി​പ്പും മാ​റി​യി​രി​ക്കു​ന്നു. ഉ​ന്ന​ത​വി​ദ്യാ​ഭ്യാ​സ മേ​ഖ​ല​യി​ൽ ഹി​ന്ദു​ത്വ അ​ജ​ണ്ട ന​ട​പ്പാ​ക്കു​ന്ന​തി​നൊ​പ്പം, ആ ​സം​വി​ധാ​ന​ത്തെ മു​ഴു​വ​നാ​യും അ​ഴി​മ​തി​യു​ടെ​യും സ്വ​ജ​ന​പ​ക്ഷ​പാ​ത​ത്തി​ന്റെ​യും കൂ​ത്ത​ര​ങ്ങാ​ക്കി​യ മോ​ദി ഭ​ര​ണ​കൂ​ടം പ​രീ​ക്ഷാ അ​ഴി​മ​തി​യി​ലൂ​ടെ അ​ര​ക്കോ​ടി​യോ​ളം വ​രു​ന്ന വി​ദ്യാ​ർ​ഥി​ക​ളെ​യും ര​ക്ഷി​താ​ക്ക​ളെ​യു​മാ​ണ് പൊ​രി​വെ​യി​ലി​ൽ നി​ർ​ത്തി​യി​രി​ക്കു​ന്ന​ത്. 23 ല​ക്ഷ​ത്തി​ല​ധി​കം വ​രു​ന്ന വി​ദ്യാ​ർ​ഥി​ക​ൾ എ​ഴു​തി​യ നീ​റ്റ് പ​രീ​ക്ഷ​യു​ടെ ചോ​ദ്യ​പേ​പ്പ​ർ ചോ​ർ​ന്ന​തി​ന്റെ മാ​ത്ര​മ​ല്ല, ഇ​തി​നാ​യി ആ​സൂ​ത്രി​ത​മാ​യ പ​ല നീ​ക്ക​ങ്ങ​ളും ഭ​ര​ണ​കൂ​ട​ത്തി​ന്റെ ഒ​ത്താ​ശ​യോ​ടെ ന​ട​ന്നു​വെ​ന്നു​കൂ​ടി​യാ​ണ് ഇ​തി​ന​കം അ​റ​സ്റ്റി​ലാ​യ വി​ദ്യാ​ർ​ഥി​ക​ളു​ടെ​യും ഇ​ട​നി​ല​ക്കാ​രു​ടെ​യും കു​റ്റ​സ​മ്മ​ത മൊ​ഴി​ക​ളി​ൽ​നി​ന്ന് വ്യ​ക്ത​മാ​കു​ന്ന​ത്. ജൂ​ൺ 18​ന് ന​ട​ന്ന കോ​ള​ജ് അ​ധ്യാ​പ​ക യോ​ഗ്യ​ത പ​രീ​ക്ഷ​യാ​യ ‘നെ​റ്റ്’ ചോ​ദ്യ​​പേ​പ്പ​ർ ഡാ​ർ​ക് നെ​റ്റ് വ​ഴി ചോ​ർ​ന്നു​വെ​ന്ന് ക​ണ്ടെ​ത്തി​യ​തി​നെ​തു​ട​ർ​ന്ന് കേ​ന്ദ്രം ത​ന്നെ ആ ​പ​രീ​ക്ഷ ക​ഴി​ഞ്ഞ​ദി​വ​സം റ​ദ്ദാ​ക്കി​യി​ട്ടു​ണ്ട്. ഒ​രാ​ഴ്ച മു​മ്പ്, നാ​ല് വ​ർ​ഷ ബി​രു​ദ പ്രോ​ഗ്രാ​മു​ക​ളി​ലേ​ക്ക് ന​ട​ന്ന പ്ര​വേ​ശ​ന പ​രീ​ക്ഷ​യും (എ​ൻ.​സി.​ഇ.​ടി) ഇ​തേ കാ​ര​ണ​ത്താ​ൽ റ​ദ്ദാ​ക്കി. മൂ​ന്ന് പ​രീ​ക്ഷ​യു​ടെ​യും ന​ട​ത്തി​പ്പു​കാ​ർ എ​ൻ.​എ.​ടി ത​ന്നെ. ഉ​ന്ന​ത വി​ദ്യാ​ഭ്യാ​സ മേ​ഖ​ല​യി​ൽ ഒ​രു പൊ​തു​പ്ര​വേ​ശ​ന പരീക്ഷ ന​ട​ത്താ​ൻപോ​ലും ക​ഴി​യാ​ത്ത മോ​ദി സ​ർ​ക്കാ​ർ ഇ​ക്കാ​ര്യ​ത്തി​ൽ ക​ന​ത്ത പ​രാ​ജ​യ​മാ​​ണെ​ന്ന​റി​യാ​ൻ ഇ​തി​ൽ​പ​രം എ​ന്തു​വേ​ണം?

രാ​ജ്യം മു​ഴു​ക്കെ വി​ദ്യാ​ർ​ഥി​ക​ളും യു​വ​ജ​ന​ങ്ങ​ളും ര​ക്ഷി​താ​ക്ക​ളും പ്ര​തി​ഷേ​ധ​വു​മാ​യി രം​ഗ​ത്തെ​ത്തി​യി​ട്ടു​ള്ള ഇ​പ്പോ​ഴ​ത്തെ സം​ഭ​വ​വി​കാ​സ​ങ്ങ​ൾ യാ​ദൃ​ച്ഛി​ക​മ​ല്ല. പ​ത്ത് വ​ർ​ഷ​മാ​യി വി​ദ്യാ​ഭ്യാ​സ മേ​ഖ​ല​യി​ൽ ന​ട​ന്നു​കൊ​ണ്ടി​രി​ക്കു​ന്ന കാ​വി​വ​ത്ക​ര​ണ​ത്തി​ന്റെ തു​ട​ർ​ച്ച​യാ​ണ്. മ​റ്റെ​ല്ലാ മേ​ഖ​ല​ക​ളി​ലെ​ന്ന​പോ​ലെ, അ​മി​താ​ധി​കാ​ര പ്ര​യോ​ഗ​ത്തി​ലൂ​ടെ വി​ദ്യാ​ഭ്യാ​സ മേ​ഖ​ല​യി​ലും ഫെ​ഡ​റ​ലി​സം ത​ക​ർ​ത്ത് ത​ങ്ങ​ളു​ടെ അ​ജ​ണ്ട​ക്ക​നു​സ​രി​ച്ച് ​കാ​ര്യ​ങ്ങ​ൾ മാ​റ്റി​യെ​ടു​ക്കു​ക എ​ന്ന​ത് മോ​ദി സ​ർ​ക്കാ​റി​ന്റെ ആ​ദ്യ​ഘ​ട്ട പ​ദ്ധ​തി​ക​ളി​​ലൊ​ന്നാ​യി​രു​ന്നു. സി.​ബി.​എ​സ്.​ഇ​യി​ലും എ​ൻ.​സി.​ഇ.​ആ​ർ.​ടി​യി​ലും യു.​ജി.​സി​യി​ലു​മൊ​ക്കെ​യു​ണ്ടാ​യ സം​ഘ്പ​രി​വാ​ർ അ​നുകൂ​ല സി​ല​ബ​സ് പ​രി​ഷ്കാ​രം മാ​​ത്ര​മ​ല്ല, മൊ​ത്തം സം​വി​ധാ​ന​ത്തെ​ത​ന്നെ ഹി​ന്ദു​ത്വ​യു​ടെ ഉ​പ​ക​ര​ണ​മാ​ക്കി മാ​റ്റാ​നാ​ണ് അ​വ​ർ ശ്ര​മി​ച്ച​ത്. റ​ദ്ദാ​ക്ക​പ്പെ​ട്ട നെ​റ്റ് പ​രീ​ക്ഷ​യി​ലെ ചോ​ദ്യ​ങ്ങ​ൾപോ​ലും ഈ ​വ​ഴി​ക്കു​ള്ള​താ​യി​രു​ന്നു. അ​യോ​ധ്യ​യി​ൽ രാ​മ​ക്ഷേ​ത്ര​ത്തി​ൽ പ്രാ​ണ​പ്ര​തി​ഷ്ഠ ന​ട​ത്തി​യ ദി​വ​സ​മേ​ത്, ത​ല​യ​റു​ക്ക​പ്പെ​ട്ടി​ട്ടും കു​രു​ക്ഷേ​ത്ര​യു​ദ്ധം ക​ണ്ട യോ​ദ്ധാ​വ് ആ​ര്, രാ​മ​ച​രി​ത മാ​ന​സ​ത്തി​ൽ ഹ​നു​മാ​ൻ ഏ​ത് ഖ​ണ്ഡ​ത്തി​ലാ​ണ് പ്ര​ത്യ​ക്ഷ​പ്പെ​ടു​ന്ന​ത് തു​ട​ങ്ങി​യ​വ​​യൊ​ക്കെ​യാ​ണ് അ​ധ്യാ​പ​ക യോ​ഗ്യ​ത പ​രീ​ക്ഷ​ക്കു​ള്ള ചോ​ദ്യ​ങ്ങ​ൾ! ‘നീ​റ്റി​’​ന്റെ കാ​ര്യം നോ​ട്ടു​നി​രോ​ധ​നം പോ​ലെ മ​റ്റൊ​രു അ​ബ​ദ്ധം​കൂ​ടി​യാ​യി​രു​ന്നു. മെ​ഡി​ക്ക​ൽ കോ​ള​ജു​ക​ളി​ലെ പ്ര​വേ​ശ​ന​ത്തി​നാ​യി സം​സ്ഥാ​ന​ങ്ങ​ൾ ന​ട​ത്തി​വ​രു​ന്ന പ​രീ​ക്ഷ​ക​ൾ കു​റ്റ​മ​റ്റ​ത​ല്ലെ​ന്ന് വി​ലയി​രു​ത്തി​യാ​ണ് 2016ൽ ​കേ​ന്ദ്രം ‘നീ​റ്റ്’ കൊ​ണ്ടു​വ​ന്ന​ത്. സ​മ​ഗ്ര​വും ശാ​സ്ത്രീ​യ​വും വ്യ​വ​സ്ഥാ​പി​ത​വു​മാ​യ പ്ര​വേ​ശ​ന പ​രീ​ക്ഷ​യാ​യി​രു​ന്നു കേ​ന്ദ്രം ‘നീ​റ്റി’​ലൂ​ടെ വാ​ഗ്ദാ​നം ചെ​യ്ത​ത്. ആ ​പ​രീ​ക്ഷ​യു​ടെ അ​വ​സ്ഥ​യാ​ണി​പ്പോ​ൾ മാ​ധ്യ​മ​ങ്ങ​ളി​ലൂ​ടെ പു​റ​ത്തു​വ​ന്നു​കൊ​ണ്ടി​രി​ക്കു​ന്ന​ത്. ല​ക്ഷ​ങ്ങ​ൾ ചെ​ല​വ​ഴി​ച്ചാ​ൽ പ​രീ​ക്ഷാ​ത്ത​ലേ​ന്ന് ആ​ർ​ക്കും ചോ​ദ്യ​പേ​പ്പ​ർ നേ​രി​ട്ടെ​ത്തി​ക്കാ​ൻ ശേ​ഷി​യു​ള്ള വ​ൻ റാ​ക്ക​റ്റു​ക​ൾ രാ​ജ്യ​ത്തി​ന്റെ വി​വി​ധ ഭാ​ഗ​ങ്ങ​ളി​ൽ പ്ര​വ​ർ​ത്തി​ക്കു​ന്നു​വെ​ന്ന് ഇ​തി​ന​കം തെ​ളി​ഞ്ഞു​ക​ഴി​ഞ്ഞു. പ​രീ​ക്ഷാ ​ന​ട​ത്തി​പ്പു​കാ​രു​ടെ ക​ഴി​വു​കേ​ട് മാ​ത്ര​മ​ല്ല ഇ​ത്; മ​റി​ച്ച് ല​ക്ഷ​ണ​മൊ​ത്ത അ​ഴി​മ​തി​ത​ന്നെ​യാ​ണ്. അ​ഴി​മ​തി തു​റ​ന്നു​കാ​ണി​ക്ക​പ്പെ​ടു​മ്പോ​ൾ അ​തി​നെ​തി​രെ ശ​ക്ത​മാ​യ ന​ട​പ​ടി സ്വീ​ക​രി​ക്കു​ക​യാ​ണ് ഭ​ര​ണ​കൂ​ടം ചെ​യ്യേ​ണ്ട​ത്. എ​ന്നാ​ൽ, പ​രീ​ക്ഷാ ന​ട​ത്തി​പ്പു​കാ​രെ സം​ര​ക്ഷി​ക്കു​ന്ന നി​ല​പാ​ടാ​ണ് തു​ട​ക്കം മു​ത​ലേ ഇ​ക്കാ​ര്യ​ത്തി​ൽ വി​ദ്യാ​ഭ്യാ​സ വ​കു​പ്പും മ​ന്ത്രി​യും സ്വീ​ക​രി​ച്ചി​ട്ടു​ള്ള​ത്. പ​രീ​ക്ഷ റ​ദ്ദാ​ക്കി​ല്ലെ​ന്ന് വ്യ​ക്ത​മാ​ക്കി​യ കേ​ന്ദ്ര​മ​ന്ത്രി വി​ഷ​യ​ത്തി​ൽ സാ​​ങ്കേ​തി​ക വി​ദ്യ​യെ പ​ഴി​ച്ച് ര​ക്ഷ​പ്പെ​ടാ​നു​ള്ള ത​​ത്ര​പ്പാ​ടി​ലാ​ണ്. പ​ക്ഷേ, ഇ​തു​കൊ​ണ്ടൊ​ന്നും ഈ ​അ​ധ്യാ​യം അ​വ​സാ​നി​ക്കു​ന്ന മ​ട്ടി​ല്ല. ‘നീ​റ്റ്-​നെ​റ്റ്’ അ​ഴി​മ​തി​യി​ൽ രാ​ജ്യ​മെ​ങ്ങും പു​തി​യൊ​രു വി​ദ്യാ​ർ​ഥി പ്ര​ക്ഷോ​ഭം ആ​രം​ഭി​ക്കു​ന്ന​തി​ന്റെ ല​ക്ഷ​ണ​ങ്ങ​ളാ​ണ് കാ​ണു​ന്ന​ത്. ക​ഴി​ഞ്ഞ​ദി​വ​സം, വി​ദ്യാ​ഭ്യാ​സ മ​ന്ത്രാ​ല​യ​മാ​യ ശാ​സ്ത്രി​ഭ​വ​ന് ​മു​ന്നി​ൽ വി​വി​ധ വി​ദ്യാ​ർ​ഥി സം​ഘ​ട​ന​ക​ൾ ന​ട​ത്തി​യ വി​ദ്യാ​ർ​ഥി സ​മ​രം ഇ​തി​ന്റെ സൂ​ച​ന​യാ​ണ്; ആ ​സ​മ​ര​ത്തെ നേ​രി​ട്ട ഭ​ര​ണ​കൂ​ട ന​ട​പ​ടി മ​റ്റൊ​രു സൂ​ച​ന​യും. മ​റു​വ​ശ​ത്ത്, പ്ര​തി​പ​ക്ഷ സ​ഖ്യ​മാ​യ ‘ഇ​ൻ​ഡ്യ’​യും വി​ഷ​യം ഏ​​റ്റെ​ടു​ത്തു ക​ഴി​ഞ്ഞു. മൂ​ന്നാം മോ​ദി സ​ർ​ക്കാ​റി​ന്റെ ആ​ദ്യ പാ​ർ​ല​മെ​ന്റ് സ​മ്മേ​ള​നം നീ​റ്റി​ലും നെ​റ്റി​ലും നീ​റിപ്പു​ക​യു​മെ​ന്ന കാ​ര്യം ഉ​റ​പ്പാ​ണ്. ചു​രു​ക്ക​ത്തി​ൽ, ഉ​ന്ന​ത​വി​ദ്യാ​ഭ്യാ​സ മേ​ഖ​ല​യി​ലെ നി​ല​വാ​ര​ത്ത​ക​ർ​ച്ച​യെ​ച്ചൊ​ല്ലി വ​രും ദി​വ​സ​ങ്ങ​ളി​ൽ വ​ലി​യ​തോ​തി​ലു​ള്ള സ​മ​ര​ങ്ങ​ൾ​ക്ക് രാ​ജ്യം സാ​ക്ഷ്യം​വ​ഹി​ക്കും. കേ​വ​ല​മാ​യ വി​ദ്യാ​ഭ്യാ​സ സ​മ​ര​മ​ല്ല ഇ​ത്; ഹി​ന്ദു​ത്വ​യു​ടെ അ​ധി​നി​വേ​ശ​ത്തി​ൽ​നി​ന്ന് ജനാ​ധി​പ​ത്യ​ത്തെ​യും ഭ​ര​ണ​ഘ​ട​ന​യെ​യും വീ​ണ്ടെ​ടു​ക്കാ​നും നി​ല​നി​ർ​ത്താ​നു​മു​ള്ള പോ​രാ​ട്ട​മാ​ണ്. അ​തി​നാ​ൽ, ജ​നാ​ധി​പ​ത്യ​വാ​ദി​ക​ൾ​ക്ക് ഈ ​സ​മ​ര​ങ്ങ​ളോ​ട് ഐ​ക്യ​പ്പെ​ടാ​നു​ള്ള രാ​ഷ്ട്രീ​യ ബാ​ധ്യ​ത​യു​ണ്ട്.