വി​ദേ​ശ​ന​യ​ത്തി​ലെ താ​ള​വും താ​ള​പ്പി​ഴ​യും

ബാ​ഹ്യ​സ​മ്മ​ർ​ദ​ങ്ങ​ൾ​ക്കു മീ​തെ രാ​ജ്യ​താ​ൽ​പ​ര്യ​ത്തി​ന് മു​ൻ​ഗ​ണ​ന ന​ൽ​കു​മ്പോ​ൾ വി​ദേ​ശ​ന​യം എ​ങ്ങ​നെ നേ​ട്ട​മാ​കും എ​ന്ന​തി​ന് ഉ​ദാ​ഹ​ര​ണ​മാ​ണ് ഇ​ന്ത്യ ഇ​റാ​നു​മാ​യി ഒ​പ്പു​വെ​ച്ച ദീ​ർ​ഘ​കാ​ല ക​രാ​ർ. ഇ​റാ​നി​ലെ ചാ ബഹാർ ശഹീദ് ബഹശ്തി തു​റ​മു​ഖ​ത്തി​ന്റെ ന​ട​ത്തി​പ്പ് ഏ​റ്റെ​ടു​ത്തു​കൊ​ണ്ട് പ​ത്തു വ​ർ​ഷ​ത്തെ ക​രാ​റി​ലാ​ണ് നാം ​ഏ​ർ​പ്പെ​ട്ടി​രി​ക്കു​ന്ന​ത്. ഒ​രു വി​ദേ​ശ തു​റ​മു​ഖ​ത്തി​ന്റെ ന​ട​ത്തി​പ്പ് ഇ​താ​ദ്യ​മാ​യാ​ണ് ഇ​ന്ത്യ ഏ​റ്റെ​ടു​ക്കു​ന്ന​ത്. ഊ​ർ​ജ​സ​മ്പ​ന്ന​മാ​യ ഇ​റാ​ന്റെ തെ​ക്കു​കി​ഴ​ക്ക​ൻ തീ​ര​ത്ത് സ്ഥി​തി​ചെ​യ്യു​ന്ന ചാ​ ബ​ഹാ​ർ തു​റ​മു​ഖ​ത്തി​ലെ പ​ങ്കാ​ളി​ത്തം ഇ​റാ​നു​മാ​യു​ള്ള ഇ​ന്ത്യ​യു​ടെ വ്യാ​പാ​ര​ബ​ന്ധം വ​മ്പി​ച്ച തോ​തി​ൽ വ​ർ​ധി​പ്പി​ക്കും. ഇ​ന്ത്യ, ഇ​റാ​ൻ, അ​ഫ്ഗാ​നി​സ്താ​ൻ, അ​ർ​മീ​നി​യ, അ​സ​ർ​ബൈ​ജാ​ൻ, റ​ഷ്യ, മ​ധ്യേ​ഷ്യ, യൂ​റോ​പ് തു​ട​ങ്ങി​യ പ്ര​ദേ​ശ​ങ്ങ​ളി​ലേ​ക്ക് എ​ളു​പ്പ​ത്തി​ൽ ച​ര​ക്കെ​ത്തി​ക്കാ​വു​ന്ന ഇ​ട​നാ​ഴി​യാ​ണ് ചാ​ ബ​ഹാ​ർ. അ​ടി​സ്ഥാ​ന സൗ​ക​ര്യ-​വ്യാ​പാ​ര മേ​ഖ​ല​ക​ളി​ൽ ഇ​റാ​നു​മാ​യി നേ​ര​ത്തേ​യു​ള്ള ന​മ്മു​ടെ ബ​ന്ധം പു​തി​യ ത​ല​ത്തി​ലേ​ക്ക് ഉ​യ​ർ​ത്തു​ന്ന പു​തി​യ ക​രാ​ർ ഇ​രു​രാ​ജ്യ​ങ്ങ​ൾ​ക്കും മാ​ത്ര​മ​ല്ല, മേ​ഖ​ല​യി​ലെ ച​ര​ക്കു​നീ​ക്ക​ത്തി​നും വ​ലി​യ പ്ര​യോ​ജ​നം ചെ​യ്യും. പാ​കി​സ്താ​ൻ വ​ഴി​യ​ല്ലാ​തെ​ത​ന്നെ അ​ഫ്ഗാ​നി​സ്താ​നി​ലേ​ക്കും മ​ധ്യേ​ഷ്യ​യി​ലേ​ക്കും വ​ഴി​തു​റ​ക്കും എ​ന്ന​ത് ചാ​ ബ​ഹാ​ർ തു​റ​മു​ഖം കൊ​ണ്ടു​ള്ള ഒ​രു മെ​ച്ച​മാ​ണ്. ഇ​റാ​നും അ​സ​ർ​ബൈ​ജാ​നും റ​ഷ്യ​യും വ​ഴി യൂ​റോ​പ്പി​ലേ​ക്ക് എ​ത്താ​നും ഇ​തു​വ​ഴി സാ​ധി​ക്കും; ച​ര​ക്കു​നീ​ക്ക​ത്തി​ലെ കാ​ല​താ​മ​സ​വും ചെ​ല​വും ഗ​ണ്യ​മാ​യി കു​റ​ക്കാ​ൻ അ​ങ്ങ​നെ ക​ഴി​യും. അ​മേ​രി​ക്ക​ക്ക് ദാ​സ്യ​വേ​ല ചെ​യ്തി​രു​ന്ന ഷാ ​പ​ഹ്‍ല​വി​യു​ടെ ഭ​ര​ണം 1979ലെ ​ജ​ന​കീ​യ വി​പ്ല​വ​ത്തി​ൽ ത​ക​ർ​ന്ന​തി​നു​ശേ​ഷം ഇ​റാ​ൻ അ​വ​രു​ടെ ക​ണ്ണി​ലെ ക​ര​ടാ​ണ്. 1993ൽ ​പ്ര​ധാ​ന​മ​ന്ത്രി ന​ര​സിം​ഹ​റാ​വു​വാ​ണ് ഇ​റാ​നു​മാ​യു​ള്ള ഇ​ന്ത്യ​യു​ടെ ബ​ന്ധ​ത്തി​ന് തു​ട​ക്കം​കു​റി​ച്ച​ത്. പി​ന്നീ​ട് വാ​ജ്പേ​യി​യു​ടെ കാ​ല​ത്ത് ചാ​ബ​ഹാ​ർ സം​ബ​ന്ധി​ച്ച ധാ​ര​ണ​യി​ലൂ​ടെ ആ ​ബ​ന്ധ​ത്തി​ന് മൂ​ർ​ത്ത​രൂ​പം കൈ​വ​ന്നു.

ത​ങ്ങ​ളു​ടെ സ​ങ്കു​ചി​ത താ​ൽ​പ​ര്യ​ങ്ങ​ൾ​ക്ക​നു​സൃ​ത​മാ​യി മ​റ്റു രാ​ജ്യ​ങ്ങ​ൾ അ​വ​രു​ടെ വി​ദേ​ശ​ന​യം പാ​ക​പ്പെ​ടു​ത്ത​ണ​മെ​ന്ന അ​മേ​രി​ക്ക​യു​ടെ ശാ​ഠ്യം ഇ​ന്ത്യ​യു​ടെ ഇ​റാ​ൻ ബ​ന്ധ​ത്തെ​യും ബാ​ധി​ച്ചി​ട്ടു​ണ്ട്. ചാ​ബ​ഹാ​ർ തു​റ​മു​ഖ​ത്തി​ന്റെ നി​ർ​മാ​ണ​പ്ര​വ​ർ​ത്ത​ന​ത്തി​ൽ ഇ​ന്ത്യ സ​ഹ​ക​രി​ച്ച​പ്പോ​ൾ അ​ത് ത​ട​യാ​ൻ ശ്ര​മ​മു​ണ്ടാ​യി. ഇ​റാ​നെ​തി​രെ അ​മേ​രി​ക്ക​ൻ താ​ൽ​പ​ര്യ​പ്ര​കാ​രം കു​റെ രാ​ജ്യ​ങ്ങ​ളും യു.​എ​ന്നും ഏ​ർ​പ്പെ​ടു​ത്തി​യ ഉ​പ​രോ​ധ​ത്തി​ൽ പ​​ങ്കെ​ടു​ക്കാ​തെ, രാ​ജ്യ​താ​ൽ​പ​ര്യം പ​രി​ഗ​ണി​ച്ച് തു​റ​മു​ഖ​നി​ർ​മാ​ണ​ത്തി​ൽ ചേ​രു​ക​യാ​യി​രു​ന്നു നാം. 2012​ൽ യു.​എ​സ് വി​ദേ​ശ​കാ​ര്യ സെ​ക്ര​ട്ട​റി​യാ​യി​രു​ന്ന ഹി​ല​രി ക്ലി​ന്റ​ൺ ഇ​ന്ത്യ​യെ വി​ര​ട്ടി പി​ന്തി​രി​പ്പി​ക്കാ​ൻ ശ്ര​മി​ച്ചെ​ങ്കി​ലും ന​ട​ന്നി​ല്ല. അ​തേ​സ​മ​യം, ഭാ​ഗി​ക സ​ഹ​ക​ര​ണ​ത്തി​ന​ല്ലാ​തെ ഇ​റാ​നു​മാ​യി പൂ​ർ​ണ​ക​രാ​റി​ലെ​ത്താ​ൻ അ​മേ​രി​ക്ക​യു​ടെ സ​മ്മ​ർ​ദം ത​ട​സ്സ​മാ​യി. ഇ​റാ​നു​മാ​യി ആ​ണ​വ ധാ​ര​ണ​യി​ലെ​ത്തി​യ​തോ​ടെ അ​മേ​രി​ക്ക ഉ​പ​രോ​ധം മ​യ​പ്പെ​ടു​ത്തി​യ ശേ​ഷ​മാ​ണ് 2016ൽ ​പ്ര​ധാ​ന​മ​ന്ത്രി ന​രേ​ന്ദ്ര മോ​ദി ഇ​റാ​നു​മാ​യി ചാ​ ബ​ഹാ​ർ ക​രാ​റി​ൽ ഒ​പ്പി​ടു​ന്ന​ത്. എ​ന്നാ​ൽ, ഡോ​ണ​ൾ​ഡ് ട്രം​പ് പ്ര​സി​ഡ​ന്റാ​വു​ക​യും 2018ൽ ​ഇ​റാ​നെ​തി​രെ വീ​ണ്ടും പൂ​ർ​ണ ഉ​പ​രോ​ധം ഏ​ർ​പ്പെ​ടു​ത്തു​ക​യും ചെ​യ്ത​പ്പോ​ൾ ക​രാ​ർ സ​ന്ദി​ഗ്ധാ​വ​സ്ഥ​യി​ലാ​യി. അ​മേ​രി​ക്ക​യു​ടെ സ​മ്മ​ത​ത്തോ​ടെ ചി​ല ഇ​ള​വു​ക​ൾ ഇ​ന്ത്യ​ക്ക് ല​ഭ്യ​മാ​യ​ത് ന​മ്മു​ടെ മി​ടു​ക്കു​കൊ​ണ്ടാ​ണെ​ന്ന് പ​റ​യാ​നാ​കി​ല്ല. അ​ധി​നി​വി​ഷ്ട അ​ഫ്ഗാ​നി​സ്താ​നി​ൽ അ​മേ​രി​ക്ക പാ​വ​സ​ർ​ക്കാ​റി​നെ സ്ഥാ​പി​ച്ചി​രു​ന്നു. ആ ​രാ​ജ്യ​ത്തേ​ക്ക് ച​ര​ക്കും സ​ഹാ​യ​വു​മെ​ത്തി​ക്കാ​നാ​ണ് ഇ​റാ​ൻ ഉ​പ​രോ​ധ​ത്തി​ൽ അ​യ​വ് വ​രു​ത്തി​യ​ത്. അ​മേ​രി​ക്ക​ൻ താ​ൽ​പ​ര്യ​ങ്ങ​ൾ​ക്ക് വി​ധേ​യ​പ്പെ​ട്ട് ഇ​ന്ത്യ നി​ഷ്ക്രി​യ​മാ​യ​തോ​ടെ 2020ൽ ​ഇ​റാ​ൻ ഇ​ന്ത്യ​യെ കാ​ത്തു​നി​ൽ​ക്കാ​തെ ചാ​ ബ​ഹാ​ർ പ​ദ്ധ​തി ഒ​റ്റ​ക്ക് ന​ട​പ്പാ​ക്കാ​മെ​ന്ന നി​ല​പാ​ടി​ലെ​ത്തി. അ​ഫ്ഗാ​നി​സ്താ​നി​ൽ​നി​ന്ന് അ​മേ​രി​ക്ക​ൻ സാ​ന്നി​ധ്യം തൂ​ത്തെ​റി​ഞ്ഞ് താ​ലി​ബാ​ൻ സ​ർ​ക്കാ​ർ വ​ന്ന​പ്പോ​ൾ ഇ​ന്ത്യ​ക്ക് പ​ഴ​യ ഇ​ള​വു​ക​ൾ ന​ൽ​കേ​ണ്ട ആ​വ​ശ്യം അ​മേ​രി​ക്ക​ക്ക് ഇ​ല്ലാ​താ​യി. ജോ ​ബൈ​ഡ​ന്റെ ഭ​ര​ണ​ത്തി​ലും അ​മേ​രി​ക്ക ഇ​റാ​നെ​തി​രാ​യ ഉ​പ​രോ​ധം മ​റ്റ് രാ​ജ്യ​ങ്ങ​ൾ​ക്കു​മേ​ൽ അ​ടി​ച്ചേ​ൽ​പി​ക്കു​ന്നു​ണ്ട്.

ഈ ​സാ​ഹ​ച​ര്യ​ത്തി​ലാ​ണ് ഇ​നി വ​ഴ​ങ്ങേ​ണ്ടെ​ന്ന നി​ല​പാ​ടോ​ടെ ഇ​ന്ത്യ ചാ​ ബ​ഹാ​ർ തു​റ​മു​ഖ ന​ട​ത്തി​പ്പ് ഏ​റ്റെ​ടു​ക്കു​ന്ന​ത്. അ​മേ​രി​ക്ക ഉ​പ​രോ​ധ ഭീ​ഷ​ണി ഉ​യ​ർ​ത്തു​ന്നു​ണ്ടെ​ങ്കി​ലും അ​ത് ന​ട​ക്കാ​നി​ട​യി​ല്ല. ഒ​ന്നാ​മ​ത്, ഗ​സ്സ വം​ശ​ക്കു​രു​തി​യോ​ടെ അ​മേ​രി​ക്ക​യു​ടെ പ്ര​തിഛാ​യ മോ​ശ​മാ​യി​ട്ടു​ണ്ട്. ര​ണ്ടാ​മ​ത്, പാ​കി​സ്താ​നി​ൽ ചൈ​ന തു​റ​മു​ഖ​നി​ർ​മാ​ണം തു​ട​ങ്ങി​യ​ത് അ​മേ​രി​ക്ക​യെ മാ​റ്റി​ച്ചി​ന്തി​പ്പി​ക്കു​ന്നു​ണ്ടാ​കാം. ഇ​ന്ത്യ​യി​ലാ​ക​ട്ടെ, മോ​ദി സ​ർ​ക്കാ​റി​ന് കീ​ഴി​ൽ ത​ഴ​ച്ചു​വ​ള​രു​ന്ന ച​ങ്ങാ​ത്ത മു​ത​ലാ​ളി​ത്ത​ത്തി​നും തു​റ​മു​ഖ നി​ർ​മാ​ണ​ത്തി​ൽ ക​ണ്ണു​ണ്ടാ​കാം. സാ​ഹ​ച​ര്യ​ങ്ങ​ൾ എ​ന്തൊ​ക്കെ​യാ​യാ​ലും രാ​ജ്യ​ത്തി​ന്റെ താ​ൽ​പ​ര്യ​വു​മാ​യി ചേ​രു​ന്ന ഒ​രു വ​ഴി അ​മേ​രി​ക്ക​യു​ടെ വി​ര​ട്ട​ൽ കൂ​സാ​തെ സ്വീ​ക​രി​ക്കാ​ൻ ക​ഴി​യു​ന്ന​ത് നി​സ്സാ​ര കാ​ര്യ​മ​ല്ല. ശ​രി​യാ​യ വി​ദേ​ശ​ന​യ​ത്തി​ന്റെ ഈ ​മാ​തൃ​ക, പ​ക്ഷേ മ​റ്റു​പ​ല വി​ഷ​യ​ങ്ങ​ളി​ലും ന​മു​ക്ക് സ്വീ​ക​രി​ക്കാ​നാ​കു​ന്നി​ല്ല എ​ന്ന​തും പ​റ​യാ​തെ വ​യ്യ. തെ​ര​ഞ്ഞെ​ടു​പ്പ് പ്ര​ചാ​ര​ണ രം​ഗ​ത്തെ താ​ൽ​ക്കാ​ലി​ക ലാ​ഭ​ത്തി​നു​വേ​ണ്ടി അ​യ​ൽ​പ​ക്ക ബ​ന്ധ​ങ്ങ​ളി​ൽ വി​ള്ള​ൽ വീ​ഴ്ത്താ​വു​ന്ന ഒ​ന്നി​ല​ധി​കം പ​രാ​മ​ർ​ശ​ങ്ങ​ൾ ഈ​യി​ടെ രാ​ജ്യം കേ​ട്ടു. കോ​ൺ​ഗ്ര​സി​നെ ത​മി​ഴ് വോ​ട്ട​ർ​മാ​ർ​ക്കി​ട​യി​ൽ കു​റ്റ​പ്പെ​ടു​ത്താ​ൻ 1974ലെ ​ഇ​ന്ത്യ-​ശ്രീ​ല​ങ്ക ക​രാ​റി​നെ വി​മ​ർ​ശി​ച്ച​പ്പോ​ൾ അ​ത് ഉ​ല​ച്ച​ത് ശ്രീ​ല​ങ്ക​യു​മാ​യു​ള്ള ന​ല്ല ബ​ന്ധ​ത്തെ​യാ​ണ്. പൗ​ര​ത്വ​നി​യ​മ​ത്തെ ന്യാ​യീ​ക​രി​ക്കു​ന്ന കൂ​ട്ട​ത്തി​ൽ അ​യ​ൽ​രാ​ജ്യ​ങ്ങ​ളെ കു​റ്റ​പ്പെ​ടു​ത്തി​യ​തും വി​വേ​ക​രാ​ഹി​ത്യ​മാ​യി. ഇ​ന്ത്യ​യു​മാ​യി ന​ല്ല ബ​ന്ധ​മു​ള്ള ബം​ഗ്ലാ​ദേ​ശി​ൽ വ​രെ തി​രി​ച്ച​ടി​ക​ളു​ണ്ടാ​യി. സ​ങ്കു​ചി​ത​മാ​യ ആ​ഭ്യ​ന്ത​ര രാ​ഷ്ട്രീ​യ​ത്തി​ന്റെ പേ​രി​ലാ​യാ​ലും സ​ങ്കു​ചി​ത​മാ​യ വി​ദേ​ശ താ​ൽ​പ​ര്യ​ങ്ങ​ൾ​ക്ക് വേ​ണ്ടി​യാ​യാ​ലും വി​ദേ​ശ​ന​യം വി​ക​ല​മാ​ക്കി​ക്കൂ​ടാ. ചാ​ ബ​ഹാ​ർ ഒ​രു മാ​തൃ​ക​യാ​ക​ട്ടെ.