മ​ദ്യ​മാ​ണ് മു​ഖ്യ​പ്ര​തി, അ​തൊ​ഴു​ക്കു​ന്ന​വ​രും

തൃ​ശൂ​ർ നാ​ട്ടി​ക​യി​ൽ അ​ഞ്ചു​മ​നു​ഷ്യ​ർ അ​തി​ദാ​രു​ണ​മാ​യി കൊ​ല്ല​പ്പെ​ട്ട സം​ഭ​വ​ത്തി​ന്‍റെ വി​വ​ര​ണം വാ​യി​ച്ചും ദൃ​ശ്യ​ങ്ങ​ൾ ക​ണ്ടും വി​റ​ങ്ങ​ലി​ച്ച് നി​ൽ​ക്കു​ക​യാ​ണ് കേ​ര​ള​സ​മൂ​ഹം. റോ​ഡി​ന​രി​കെ സു​ര​ക്ഷി​ത​മെ​ന്ന് ക​രു​തി​യ ഓ​ര​ത്ത് താ​ൽ​ക്കാ​ലി​ക​മാ​യി വെ​ച്ച ബാ​രി​ക്കേ​ഡു​ക​ൾ​ക്ക​പ്പു​റം രാ​ത്രി കി​ട​ന്നു​റ​ങ്ങു​ക​യാ​യി​രു​ന്ന കു​ടും​ബ​ത്തി​ലെ ര​ണ്ടു കു​ട്ടി​ക​ള​ട​ക്കം അ​ഞ്ചു​പേ​രു​ടെ ജീ​വ​നാ​ണ് മ​ദ്യ​പി​ച്ച് ല​ക്കു​കെ​ട്ട ഒ​രു​വ​ൻ ഓ​ടി​ച്ച ലോ​റി നി​യ​ന്ത്ര​ണം​വി​ട്ട് പാ​ഞ്ഞു​ക​യ​റി ഇ​ല്ലാ​താ​യ​ത്. ഒ​രു റോ​ഡ​പ​ക​ട​ത്തി​ന്റെ ദൈ​ന്യ​ത​ക്ക​പ്പു​റം ജീ​വി​ത​ത്തി​ലെ നി​സ്സ​ഹാ​യാ​വ​സ്ഥ​ക​ൾ​ക്കു മേ​ൽ ഇ​ര​ച്ചു​ക​യ​റി​യ ട്ര​ക്കി​ന്റെ ച​ക്ര​ങ്ങ​ൾ വി​ളി​ച്ചു പ​റ​ഞ്ഞ സ​ത്യ​ങ്ങ​ളാ​ണ് മ​നഃ​സാ​ക്ഷി​യു​ള്ള മ​ല​യാ​ളി​യെ ഇ​പ്പോ​ൾ മ​ഥി​ക്കു​ന്ന​ത്.

ക​ണ്ണൂ​രി​ൽ​നി​ന്ന് കൊ​ച്ചി​യി​ലേ​ക്ക് പോ​വു​ക​യാ​യി​രു​ന്ന ട്ര​ക്ക് മാ​ഹി​യി​ൽ നി​ർ​ത്തി ഡ്രൈ​വ​റും ക്ലീ​ന​റും ആ​വോ​ളം മോ​ന്തി​യ മ​ദ്യം​ത​ന്നെ ഈ ​ദു​ര​ന്ത​ത്തി​ലെ പ്ര​ഥ​മ വി​ല്ല​ൻ. റോ​ഡി​ലെ എ​ഴു​തി വെ​ച്ച അ​ട​യാ​ള​ങ്ങ​ളൊ​ന്നും പു​ല​ർ​ച്ച മൂ​ന്ന​ര​ക്ക്​ വാ​ഹ​ന​മോ​ടി​ച്ച ക്ലീ​ന​റു​ടെ ക​ണ്ണി​ൽ പെ​ട്ടി​ല്ല​ത്രെ. തു​ട​ർ​ന്ന്​ ഓ​ടി​ക്കാ​ൻ വ​യ്യാ​ത്ത വി​ധം ഡ്രൈ​വ​ർ മ​ദ്യ​ല​ഹ​രി​യി​ൽ മ​യ​ങ്ങി​യ​പ്പോ​ഴാ​ണ​ത്രെ ലൈ​സ​ൻ​സി​ല്ലാ​ത്ത ക്ലീ​ന​ർ വ​ണ്ടി ഏ​റ്റെ​ടു​ത്ത​തും വ​ഴി​യി​ലൊ​ന്നും ഒ​രു പ​രി​ശോ​ധ​ന​യു​മി​ല്ലാ​തെ അ​തു​ ദു​ര​ന്ത​ത്തി​ലേ​ക്ക് ചീ​റി​പ്പാ​ഞ്ഞ​തും.

മ​രി​ച്ച​വ​ർ നാ​ടോ​ടി​ക​ളാ​യി​രു​ന്നെ​ന്നും അ​ല്ലെ​ന്നും ക​രു​തു​ന്ന​വ​രു​ണ്ടെ​ങ്കി​ലും സ്ഥി​ര​മാ​യി താ​മ​സി​ക്കാ​ൻ സ്വ​ദേ​ശ​ത്ത് ഒ​രി​ട​മി​ല്ലാ​ത്ത​തു​കൊ​ണ്ട് അ​വി​ടെ എ​ത്തി​ച്ചേ​ർ​ന്ന​വ​രാ​ണ്​ എ​ന്ന​താ​ണ്​ വാ​സ്ത​വം. ഈ ​രീ​തി​യി​ൽ പ​തി​നാ​യി​ര​ക്ക​ണ​ക്കി​ന് ഭ​വ​ന​ര​ഹി​ത​ർ ക​ട​ത്തി​ണ്ണ​ക​ളെ ​മെ​ത്ത​യാ​ക്കി​യും ആ​കാ​ശ​ത്തെ മേ​ൽ​ക്കൂ​ര​യാ​ക്കി​യും ഉ​റ​ങ്ങു​ന്ന പ​തി​വ്​ ല​ക്ഷം​വീ​ട്​ കോ​ള​നി മു​ത​ൽ ലൈ​ഫ്​ മി​ഷ​ൻ പ​ദ്ധ​തി വ​രെ ന​ട​പ്പാ​യ മാ​തൃ​കാ​കേ​ര​ള​ത്തി​ലും ഉ​ണ്ട്​ എ​ന്ന​തും ന​മ്മെ ഇ​രു​ത്തി​ച്ചി​ന്തി​പ്പി​ക്കേ​ണ്ട​താ​ണ്. ഭ​വ​ന​ര​ഹി​ത​ർ​ക്കു മു​ഴു​വ​ൻ പാ​ർ​പ്പി​ടം ഒ​രു​ക്കു​ക എ​ന്ന ഭീ​മ​ൻ പ്ര​ക്രി​യ ക്ഷി​പ്ര​സാ​ധ്യ​മ​ല്ലെ​ങ്കി​ലും എ​ല്ലാ​വ​ർ​ക്കും സു​ര​ക്ഷി​ത​മാ​യി അ​ന്തി​യു​റ​ങ്ങാ​നു​ള്ള സം​വി​ധാ​ന​ത്തി​ൽ തു​ട​ങ്ങി ക്ര​മേ​ണ പാ​ർ​പ്പി​ട പ്ര​ശ്നം അ​ഭി​സം​ബോ​ധ​ന ചെ​യ്യാ​നെ​ങ്കി​ലും ഭ​ര​ണ​കൂ​ട​ങ്ങ​ൾ മു​ന്നോ​ട്ടു​വ​രേ​ണ്ട​തു​ണ്ട്. ജ​ന​സാ​ന്ദ്ര​ത കൂ​ടു​ത​ലു​ള്ള കേ​ര​ള​ത്തി​ൽ മ​റ്റു സം​സ്ഥാ​ന​ങ്ങ​ളി​ലേ​തി​നേ​ക്കാ​ൾ പ്ര​യാ​സ​ക​ര​മാ​യി​രി​ക്കു​മെ​ങ്കി​ലും സം​സ്ഥാ​ന​ത്തി​ന്‍റെ ഉ​യ​ർ​ന്ന സാ​മൂ​ഹി​ക ബോ​ധ​വും ജീ​വ​കാ​രു​ണ്യ സം​രം​ഭ​ങ്ങ​ളു​ടെ സ​ഹ​ക​ര​ണ​വും ഉ​പ​യോ​ഗ​പ്പെ​ടു​ത്തി​യാ​ൽ പ​രി​ഹാ​ര​ങ്ങ​ൾ​ക്ക് തു​ട​ക്ക​മാ​വും.

ഇ​തു കേ​ര​ള​ത്തി​ലെ റോ​ഡ് സു​ര​ക്ഷ​യു​ടെ മാ​ത്രം പ്ര​ശ്ന​മ​ല്ല. കേ​ര​ള പൊ​ലീ​സി​ന്‍റെ ത​ന്നെ ക​ണ​ക്ക​നു​സ​രി​ച്ച് സം​സ്ഥാ​ന​ത്ത് 2023 ൽ ​ന​ട​ന്ന 48,091 റോ​ഡ​പ​ക​ട​ങ്ങ​ളി​ൽ 3884 പേ​രാ​ണ് മ​രി​ച്ച​ത്. അ​തി​ൽ മ​ദ്യ​പി​ച്ച് വാ​ഹ​ന​മോ​ടി​ച്ച​വ​രു​ടെ എ​ണ്ണം കേ​വ​ലം 21 ആ​ണ്. റോ​ഡ​പ​ക​ട​ങ്ങ​ളു​ടെ ആ​ളോ​ഹ​രി എ​ണ്ണ​ത്തി​ൽ കേ​ര​ളം ര​ണ്ടാ​മ​താ​ണ്. 2023ൽ ​റോ​ഡ​പ​ക​ട മ​ര​ണം 2022 നെ (4104) ​അ​പേ​ക്ഷി​ച്ച് നേ​രി​യ തോ​തി​ൽ കു​റ​ഞ്ഞി​രു​ന്നു. എ​ന്നാ​ൽ, മ​ദ്യ​ല​ഹ​രി​യി​ൽ വ​രു​ത്തു​ന്ന മ​ര​ണ​ങ്ങ​ളു​ടെ കാ​ര്യ​ത്തി​ൽ യാ​ഥാ​ർ​ഥ്യം പൂ​ർ​ണ​മാ​യി പ്ര​തി​ഫ​ലി​ക്കു​ന്നി​ല്ല എ​ന്നു​വേ​ണം ക​രു​താ​ൻ. ഇ​തി​നു കാ​ര​ണം പ​ല​തു​ണ്ടാ​കാം. ഒ​ന്നാ​മ​താ​യി ല​ഹ​രി​യി​ലാ​ണോ എ​ന്ന പ​രി​ശോ​ധ​ന എ​ല്ലാ കേ​സു​ക​ളി​ലും യ​ഥാ​സ​മ​യ​ത്ത് ന​ട​ക്കാ​റി​ല്ല. ര​ക്ത പ​രി​ശോ​ധ​നാ ഫ​ല​ത്തി​ൽ ല​ഹ​രി​യു​ടെ അം​ശം ക​ണ്ടെ​ത്താ​നാ​കാ​തെ പോ​കു​ന്ന സം​ഭ​വ​ങ്ങ​ളു​മു​ണ്ട്. തി​രു​വ​ന​ന്ത​പു​ര​ത്ത് ഒ​രു ഐ.​എ.​എ​സ്‌ ഉ​ദ്യോ​ഗ​സ്ഥ​ൻ മ​ദ്യ​ല​ഹ​രി​യി​ൽ ഓ​ടി​ച്ച കാ​ർ പ​ത്ര​പ്ര​വ​ർ​ത്ത​ക​നെ ഇ​ടി​ച്ച് മ​ര​ണം സം​ഭ​വി​ച്ച ശേ​ഷം അ​യാ​ൾ ല​ഹ​രി പ​രി​ശോ​ധ​ന വൈ​കി​പ്പി​ക്കു​ക​യും ര​ക്ത​പ​രി​ശോ​ധ​ന​യി​ൽ മ​ദ്യ സാ​ന്നി​ധ്യം ക​ണ്ടെ​ത്താ​ൻ ക​ഴി​യാ​തെ പോ​യ​തും ഉ​ദാ​ഹ​ര​ണം.

രാ​ത്രി സ​മ​യ​ത്ത് സം​സ്ഥാ​ന-​ദേ​ശീ​യ ഹൈ​വേ​ക​ളി​ൽ വേ​ണ്ട​ത്ര പ​രി​ശോ​ധ​ന ന​ട​ത്താ​ൻ ആ​വ​ശ്യ​മാ​യ വാ​ഹ​ന​ങ്ങ​ൾ ല​ഭി​ക്കു​ന്നി​ല്ല, അ​തി​നു​ള്ള പ​ണം അ​നു​വ​ദി​ച്ചു കി​ട്ടു​ന്നി​ല്ല​യെ​ന്ന് ഗ​താ​ഗ​ത​മ​ന്ത്രി​ത​ന്നെ പ​രി​ഭ​വി​ക്കു​ന്നു. പ​ദ്ധ​തി​ക​ളു​ടെ​യും വി​ക​സ​ന​ത്തി​ന്‍റെ​യും പു​റം​മോ​ടി​ക്ക്​ ഭ​ര​ണാ​ധി​കാ​രി​ക​ളു​ടെ പ​ടം വെ​ച്ച് മു​ഴു​പേ​ജ് പ​ര​സ്യം ന​ൽ​കാ​നും പ​രി​പാ​ടി സം​ഘ​ടി​പ്പി​ക്കാ​നും പ​ണ​മു​ണ്ട്; എ​ന്നാ​ൽ, രാ​ത്രി പ​ട്രോ​ളി​ങ്ങി​ൽ ജ​ന​ങ്ങ​ൾ​ക്ക് ഇ​ത്ത​രം ഘ​ട്ട​ങ്ങ​ളി​ൽ ല​ഭി​ച്ചി​രു​ന്ന അ​ടി​യ​ന്ത​ര സ​ഹാ​യ​ങ്ങ​ൾ കാ​ര്യ​ക്ഷ​മ​മാ​ക്കാ​ൻ ന​മു​ക്ക്​ ക​ഴി​യു​ന്നി​ല്ല.

രാ​ത്രി​സ​മ​യ​ത്ത് ഏ​റെ വാ​ഹ​ന​ങ്ങ​ൾ ചീ​റി​പ്പാ​യു​ന്ന ദേ​ശീ​യ​പാ​ത​ക്ക​രി​കി​ൽ നി​ല​വി​ലു​ള്ള മ​ദ്യ ല​ഭ്യ​ത​യാ​ണ് മ​റ്റൊ​രു പ്ര​ധാ​ന പ്ര​ശ്നം. ദേ​ശീ​യ​പാ​ത​യു​ടെ 500 മീ​റ്റ​ർ പ​രി​ധി​ക്കു​ള്ളി​ൽ മ​ദ്യ​ഷാ​പ്പു​ക​ൾ പാ​ടി​ല്ല എ​ന്ന 2016ലെ ​സു​പ്രീം​കോ​ട​തി വി​ധി​യെ​ത്തു​ട​ർ​ന്ന് ഒ​ട്ടേ​റെ എ​ണ്ണം അ​ട​ച്ചു​പൂ​ട്ടി​യി​രു​ന്നു. പ​ക്ഷേ, സം​സ്ഥാ​ന​ങ്ങ​ളി​ലെ മ​ദ്യ ലോ​ബി​യും അ​വ​രെ തു​ണ​ക്കു​ന്ന രാ​ഷ്ട്രീ​യ നേ​തൃ​ത്വ​ങ്ങ​ളും നി​യ​മ​പീ​ഠ​ത്തി​ന് മു​ന്നി​ലെ​ത്തി പ്ര​സ്തു​ത നി​രോ​ധ​നം മു​നി​സി​പ്പാ​ലി​റ്റി പ​രി​ധി​ക്കു​ള്ളി​ലെ ദേ​ശീ​യ പാ​ത​ക്ക് ബാ​ധ​ക​മ​ല്ല എ​ന്ന വി​ധി നേ​ടി​യെ​ടു​ത്തു. കേ​ര​ളം പോ​ലു​ള്ള ജ​ന​സാ​ന്ദ്ര​ത​യു​ള്ള സം​സ്ഥാ​ന​ങ്ങ​ളി​ൽ ദേ​ശീ​യ​പാ​ത​യു​ടെ കു​റെ ഭാ​ഗം മു​നി​സി​പ്പാ​ലി​റ്റി അ​തി​ർ​ത്തി​യി​ൽ ത​ന്നെ​യാ​വും. നാ​ട്ടി​ക​യി​ൽ അ​പ​ക​ടം വ​രു​ത്തി​യ​വ​രും ദേ​ശീ​യ​പാ​ത​യോ​ടു ചേ​ർ​ന്നു​ള്ള മാ​ഹി മു​നി​സി​പ്പാ​ലി​റ്റി​യി​ലെ ഹൈ​വേ​യി​ൽ വാ​ഹ​നം നി​ർ​ത്തി എ​ൻ​ജി​ൻ ഓ​ഫാ​ക്കാ​തെ മ​ദ്യ​ക്കു​പ്പി വാ​ങ്ങി ക​യ​റി​യ​താ​വ​ണം. അ​തി​ല്ലെ​ങ്കി​ലും മ​ദ്യ​പി​ക്കേ​ണ്ട​വ​ർ അ​തു ക​ഴി​ക്കി​ല്ലേ എ​ന്ന ചോ​ദ്യ​ത്തി​ന് മ​ദ്യ ല​ഭ്യ​ത ശീ​ല​വും ആ​സ​ക്തി​യും വ​ർ​ധി​പ്പി​ക്കു​മെ​ന്ന അ​നു​ഭ​വം മ​റു​പ​ടി പ​റ​യും. ഭ​ര​ണാ​ധി​കാ​രി​ക​ൾ പ്ര​ശ്നം തി​രി​ച്ച​റി​യു​ക​യും മ​ർ​മ​ത്തി​ൽ ഏ​ശു​ന്ന പ​രി​ഹാ​ര​ങ്ങ​ൾ തേ​ടി നി​യ​മ​വ്യ​വ​സ്ഥ​യും ഭ​ര​ണ​വും കാ​ര്യ​ക്ഷ​മ​മാ​ക്കു​ക​യും ചെ​യ്തി​ല്ലെ​ങ്കി​ൽ ജ​ന​ജീ​വി​തം ദു​ഷ്ക​രം ത​ന്നെ​യാ​വും. അ​ത്ത​രം നി​രു​ത്ത​ര​വാ​ദി​ത്തം കാ​ണി​ക്കു​ന്ന​വ​രെ ഭ​ര​ണ​മേ​ൽ​പി​ക്കാ​തി​രി​ക്കാ​ൻ ജാ​ഗ്ര​ത കാ​ണി​ക്കു​ക​യെ​ന്ന​താ​ണ് ഇ​തി​നു​ള്ള ഏ​ക പ​രി​ഹാ​രം.