ന്യൂനപക്ഷാവകാശ ധ്വംസനത്തെക്കുറിച്ച് യു.എസ് കമീഷൻ

സാ​ർ​വ​ദേ​ശീ​യ മ​ത​സ്വാ​ത​ന്ത്ര്യ​ത്തെ​ക്കു​റി​ച്ച് പ​ഠ​നം ന​ട​ത്തി സ​ർ​ക്കാ​റി​ന് ശി​പാ​ർ​ശ​ക​ൾ സ​മ​ർപ്പി​ക്കാ​ൻ ചു​മ​ത​ല​പ്പെ​ട്ട അ​മേ​രി​ക്ക​ൻ ക​മീ​ഷ​ൻ-​യു.​എ​സ്.​സി.​ഐ.​ആ​ർ.​എ​ഫ് എ​ന്ന ചു​രു​ക്ക​പ്പേ​രി​ലാ​ണ് അ​​റി​യ​പ്പെ​ടു​ന്ന​ത് - 2025ൽ ​സമർപ്പിച്ച വാ​ർ​ഷി​ക റി​പ്പോ​ർ​ട്ടി​ൽ ഇ​ന്ത്യ​യി​ലെ മ​ത​ന്യൂ​ന​പ​ക്ഷ​ങ്ങ​ൾ​ക്കു​നേ​രെ ന​ട​ക്കു​ന്ന ആ​ക്ര​മ​ണ​ങ്ങ​ളി​ലും വി​വേ​ച​ന​ത്തി​ലും രേ​ഖ​പ്പെ​ടു​ത്തി​യ പ്ര​ത്യേ​ക​മാ​യ ഉ​ത്ക​ണ്ഠ ന​രേ​ന്ദ്ര​മോ​ദി സ​ർ​ക്കാ​റി​നെ അ​ലോ​സ​ര​പ്പെ​ടു​ത്തി​യ​തി​ൽ അ​ത്ഭു​ത​മി​ല്ല. മു​സ്‍ലിം, ക്രൈ​സ്ത​വ മ​ത​ന്യൂ​ന​പ​ക്ഷ​ങ്ങ​ൾ​ക്കെ​തി​രെ ശാ​രീ​രി​ക​വും സാം​സ്കാ​രി​ക​വു​മാ​യ ആ​ക്ര​മ​ണ​ങ്ങ​ൾ രാ​ജ്യ​ത്ത് നി​ത്യ​സം​ഭ​വ​ങ്ങ​ളാ​യി മാ​റി​യി​ട്ടു​ണ്ടെ​ന്നുമാ​ത്ര​മ​ല്ല നാ​ളു​ക​ൾ ക​ഴി​യു​ന്തോ​റും പൂ​ർ​വാ​ധി​കം ആ​ശ​ങ്ക​ജ​ന​ക​വും ക​ഠി​ന​വു​മാ​യിത്തീർന്നിരിക്കുകയാ​ണെ​ന്ന​ത് അ​നി​ഷേ​ധ്യ യാ​ഥാ​ർ​ഥ്യ​മാ​ണ്. പാ​ർ​​ല​മെ​ന്റി​ന​ക​ത്തും പു​റ​ത്തും ഇ​തി​നെ​തി​രാ​യ പ്ര​തി​ഷേ​ധം ഉയരു​ന്നു​വെ​ങ്കി​ലും തി​രു​ത്താ​നോ ആ​വ​ർ​ത്തി​ക്കാ​തി​രി​ക്കാ​നു​ള്ള ന​ട​പ​ടി​ക​ൾ സ്വീ​ക​രി​ക്കാ​നോ കേ​ന്ദ്ര-​സം​സ്ഥാ​ന സ​ർ​ക്കാ​റു​ക​ൾ ത​യാ​റ​ല്ല. പ്ര​ത്യു​ത ന​ഗ്ന​സ​ത്യ​ങ്ങ​ളെ​പ്പോ​ലും ക​ണ്ണ​ട​ച്ച് നി​ഷേ​ധി​ക്കാ​നും മ​റച്ചു​പി​ടി​ക്കാ​നും ഗോദി മീ​ഡി​യ​യെ ഉ​പ​യോ​ഗി​ച്ച് അ​വാ​സ്ത​വി​ക പ്ര​ചാ​ര​ണം ന​ട​ത്താ​നു​മാ​ണ് സ​ർ​ക്കാ​റും ഭ​ര​ണ​പ​ക്ഷ പാ​ർ​ട്ടി​ക​ളും ത​ത്ര​പ്പെ​ടു​ന്ന​ത്. യു.​എ.​പി.​എ, എ​ഫ്.​സി.​ആ​ർ.​എ, സി.​എ.​എ പോ​ലു​ള്ള നി​യ​മ​ങ്ങ​ളു​പ​യോ​ഗി​ച്ച് ന്യൂ​ന​പ​ക്ഷ​ങ്ങ​ളെ​യും പൗ​ര​സം​ഘ​ട​ന​​ക​ളെ​യും വേ​ട്ട​യാ​ടു​ക​യാ​ണെ​ന്ന് യു.​എ​സ് ക​മീ​ഷ​ൻ ചൂ​ണ്ടി​ക്കാ​ട്ടു​ന്നു​ണ്ട്. തെ​ര​ഞ്ഞെ​ടു​പ്പ് പ്ര​ചാ​ര​ണ​ങ്ങ​ളു​ടെ ഭാ​ഗ​മാ​യി പ്ര​ധാ​ന​മ​ന്ത്രി ന​രേ​ന്ദ്ര ​മോ​ദി ന​ട​ത്തി​യ വി​ദ്വേ​ഷ പ്ര​സം​ഗ​ങ്ങ​ൾ റി​പ്പോ​ർ​ട്ടി​ൽ പ്ര​ത്യേ​കം പ​രാ​മ​ർ​ശി​ക്കു​ന്നു. എ​ന്നാ​ൽ, മ​ത​സ്വാ​ത​ന്ത്ര്യ​ത്തെ​ക്കു​റി​ച്ച സ്വാ​ഭാ​വി​ക ഉ​ത്​ക​ണ്ഠ​ക​ളേ​ക്കാ​ളു​പ​രി ക​രു​തി​ക്കൂ​ട്ടി​യു​ള്ള ഒ​രു അ​ജ​ണ്ട​യു​ടെ ഭാ​ഗ​മാ​ണീ പ്ര​ചാ​ര​ണ​മെ​ന്നാ​ണ് വി​ദേ​ശ​കാ​ര്യ​ വ​ക്താ​വ് ര​ൺ​ധീ​ർ ജ​യ്സ്വാ​ളി​ന്റെ പ്ര​തി​ക​ര​ണം.

അ​തേ​സ​മ​യം പാ​കി​സ്താ​ൻ, ചൈ​ന, മ്യാ​ന്മർ, ഇ​റാ​ൻ തുടങ്ങിയ ഇന്ത്യയുമായി ചേർച്ചയില്ലാത്ത അയൽരാ​ജ്യ​ങ്ങ​​ൾ മത​ന്യൂ​ന​പ​ക്ഷ​ങ്ങ​ളോ​ട് പുലർത്തുന്ന മോ​ശ​മാ​യ സ​മീ​പ​ന​വും സി.​ഐ.​ആ​ർ.​എ​ഫ് റി​പ്പോ​ർ​ട്ടി​ൽ പ​രാ​മ​ർ​ശി​ക്കു​ന്നു​ണ്ടെ​ന്നോ​ർ​ക്ക​ണം. ഇ​ന്ത്യ​യു​ടെ കാ​ര്യ​ത്തി​ൽ ഈ​യി​ന​ത്തി​ലെ ആ​റാ​മ​ത്തെ റി​പ്പോ​ർ​ട്ടാ​ണെ​ന്ന​തും ശ്ര​ദ്ധേ​യ​മാ​ണ്. ഹോ​ളി, രാ​മ​ന​വ​മി തു​ട​ങ്ങി ഹൈ​ന്ദ​വാ​ഘോ​ഷ​ങ്ങ​ളോ​ട​നു​ബ​ന്ധി​ച്ച് ഉ​ത്ത​രേ​ന്ത്യ​യി​ൽ അ​ര​ങ്ങേ​റാ​റു​ള്ള മു​സ്‍ലിം വി​ദ്വേ​ഷ പ്ര​ചാ​ര​ണ​ങ്ങ​ളും വ​ർ​ഗീ​യാ​ക്ര​മ​ണ​ങ്ങ​ളും തു​ട​ർ​ക്ക​ഥ​യാ​യി​രി​ക്കെ മു​സ്‍ലിം​ക​ൾ​ക്ക് ഏ​റ്റ​വും പ്ര​ധാ​ന​പ്പെ​ട്ട ഈ​ദു​ൽ ​ഫി​ത്ർ സു​ദി​ന​ത്തി​ൽ പൊ​തു​സ്ഥ​ല​ത്തോ വീ​ടു​ക​ളു​ടെ മു​ക​ളി​ലോ പ്രാ​ർ​ഥ​ന ന​ട​ത്തി​ക്കൂ​ടെ​ന്ന യോ​ഗി ആ​ദി​ത്യ​നാ​ഥ് സ​ർ​ക്കാ​റി​​ന്റെ വി​ല​ക്കാ​ണ് ഒ​ടു​വി​ല​ത്തെ സം​ഭ​വ​ങ്ങ​ളി​ലൊ​ന്ന്. ഉ​ത്ത​ര​ഖ​ണ്ഡ് മു​ഖ്യ​മ​ന്ത്രി പു​ഷ്ക​ർ​സി​ങ് ധാ​മി​യാ​ക​ട്ടെ മ​ദ്റ​സ​ക​ൾ ഒ​ന്നൊ​​ന്നാ​യി അ​ട​ച്ചു​പൂ​ട്ടു​ന്ന തി​ര​ക്കി​ലാ​ണി​പ്പോ​ൾ. സം​സ്ഥാ​ന​ത​ല​ത്തി​ൽ ഏ​ക​ സി​വി​ൽ​കോ​ഡ് ന​ട​പ്പാ​ക്കാ​ൻ തു​ട​ക്ക​മി​ട്ട​തും ധാ​മി ത​ന്നെ. ഇ​ത്ത​രം ന്യൂ​ന​പ​ക്ഷ​വി​രു​ദ്ധ ചെ​യ്തി​ക​ൾ ലോ​ക​മാ​ധ്യ​മ​ങ്ങ​ളി​ലൂ​ടെ പു​റ​ത്തു​വ​രു​മ്പോ​ൾ സ​ർ​ക്കാ​റു​ക​ളു​ടെ ക​ണ്ണ​ട​ച്ചു​ള്ള നി​ഷേ​ധ​ങ്ങ​ൾ​​ക്കെ​ന്ത് പ്ര​സ​ക്തി? യു.​എ​സ് ക​മീ​ഷ​നാ​ക​ട്ടെ രാ​ജ്യ​ത്തുവ​ന്ന് നേ​രി​ൽ അ​ന്വേ​ഷി​ച്ചും പ​ഠി​ച്ചു​മാ​ണ് റി​പ്പോ​ർ​ട്ടു​ക​ൾ സ​മ​ർ​പ്പി​ക്കു​ന്ന​തെ​ന്നും മ​റ​ക്ക​രു​ത്. ബൈ​ഡ​ന്റെ കാ​ല​ത്തും ഇ​പ്പോ​ൾ ട്രം​പി​ന്റെ ഊ​ഴ​ത്തി​ലു​മൊ​ക്കെ അ​മേ​രി​ക്ക​യെ ഉ​റ്റ സു​ഹൃ​ത്താ​യാ​ണ് മോ​ദി​യു​ടെ ഇ​ന്ത്യ കാ​ണു​ന്ന​തെ​ന്നി​രി​ക്കെ, മ​നഃ​പൂ​ർ​വ​മാ​യ ഇ​ന്ത്യാവി​രു​ദ്ധ പ്ര​ചാ​ര​ണ​മാണ് സി.​ഐ.​ആ​ർ.​എ​ഫ് ന​ട​ത്തുന്ന​തെ​ന്നാ​രോ​പി​ക്കു​ന്ന​തി​ലെ വി​ശ്വാ​സ്യ​ത ചോ​ദ്യം ചെ​യ്യ​പ്പെ​ടു​മെ​ന്ന് തീ​ർ​ച്ച.

അ​ന്താ​രാ​ഷ്ട്ര മ​ത​സ്വാ​ത​ന്ത്ര്യ നി​യ​മ​പ്ര​കാ​രം കു​റ്റ​ക​ര​മാ​യ മ​ത​സ്വാ​ത​ന്ത്ര്യ ​ലം​ഘ​ന​ത്തി​ലാ​ണ് ഇ​ന്ത്യ ഏ​ർ​പ്പെ​ട്ടി​രി​ക്കു​ന്ന​തെ​ന്ന് ചൂ​ണ്ടി​ക്കാ​ട്ടാ​ൻ നി​ര​വ​ധി ഉ​ദാ​ഹ​ര​ണ​ങ്ങ​ൾ ക​മീ​ഷ​ൻ നി​ര​ത്തു​ന്ന​തോ​ടൊ​പ്പം ഉ​ന്നം​വെ​ച്ചു​ള്ള കൊ​ല​ക​ളും സ്വ​ത്ത് ന​ശീ​ക​ര​ണ​വും ആ​രാ​ധ​നാ​ല​യ ധ്വം​സ​ന​വും ഭീ​ക​ര​വി​രു​ദ്ധ നി​യ​മ​ങ്ങ​ളു​ടെ ദു​രു​പ​യോ​ഗ​വു​മൊ​ക്കെ യു.​എ​സ് ക​മീ​ഷ​ന്റെ വി​ശ​ദ​മാ​യ റി​പ്പോ​ർ​ട്ടി​ലു​ണ്ട്. ഈ ​രാ​ജ്യ​ത്ത് ജീ​വി​ക്കു​ന്ന ക​ണ്ണും കാ​തു​മു​ള്ള ആ​ർ​ക്കും ദി​നേ​ന അ​റി​യാ​നും കാ​ണാ​നും ക​ഴി​യു​ന്ന ഈ ​ആ​സൂ​ത്രി​ത മ​ത​ന്യൂ​ന​പ​ക്ഷ ധ്വം​സ​ന പദ്ധതി രാ​ജ്യ​ത്തി​ന്റെ പ്ര​തിച്ഛാ​യ​യെ മോ​ശ​മാ​യി ബാ​ധി​ക്കു​ന്നു​ണ്ടെ​ന്നത് ന​മ്മു​ടെ സ​ർ​ക്കാ​ർ ക​ണ്ടി​ല്ലെ​ന്ന് ന​ടി​ക്കു​ക​യാ​ണ്. അ​തേ​സ​മ​യം 1947നു​മു​മ്പ് ഇ​ന്ത്യ ഉ​പ​ഭൂ​ഖ​ണ്ഡ​ത്തി​ന്റെ ഭാ​ഗ​മാ​യി​രു​ന്ന പാ​കി​സ്താ​നി​ലും 1971ൽ ​ന​മ്മു​ടെ സൈ​നി​ക പി​ന്തു​ണ​യോ​ടെ നി​ല​വി​ൽ വ​ന്ന ബം​ഗ്ലാ​ദേ​ശി​ലും ആ ​രാ​ജ്യ​ങ്ങ​ളി​ലെ മ​ത​ന്യൂ​ന​പ​ക്ഷ​ങ്ങ​ളു​ടെ നേ​രെ ന​ട​ക്കു​ന്ന അ​ത്യാ​ചാ​ര​ങ്ങ​ളും ക​മീ​ഷ​ൻ കാ​ണാ​​തെ പോ​വു​ന്നി​ല്ല. വി​ശി​ഷ്യാ ഹ​സീ​നാ വാജിദിന്റെ സ്ഥാ​ന​ഭ്രം​ശ​ത്തി​നു​ശേ​ഷം ബം​ഗ്ലാ​ദേ​ശി​ൽ ന​ട​മാ​ടു​ന്ന മ​ത​ന്യൂ​ന​പ​ക്ഷ​വി​രു​ദ്ധ ആ​ക്ര​മ​ണ​ങ്ങ​ൾ ഒ​രു​വി​ധ​ത്തി​ലും ന്യാ​യീ​ക​രി​ക്കാ​വു​ന്ന​ത​ല്ല. ഭ​ര​ണ​ക​ക്ഷി​യാ​യ അ​വാ​മി ലീ​ഗി​ന്റെ ഭാ​ഗ​മാ​യി​രു​ന്നു ഹി​ന്ദു, ബു​ദ്ധ, ക്രൈ​സ്ത​വ ന്യൂ​ന​പ​ക്ഷ​ങ്ങ​ൾ എ​ന്ന​തു​കൊ​ണ്ട് അ​വാ​മി​ ലീ​ഗി​നോ​ടു​ള്ള പ്ര​തി​കാ​രം ജ്വ​ലി​ച്ച​പ്പോ​ൾ മ​ത​ന്യൂ​ന​പ​ക്ഷ​ങ്ങ​ൾ ശ​ര​വ്യ​രാ​യി തീ​ർ​ന്ന​താ​ണെ​ന്ന ന്യാ​യീ​ക​ര​ണ​മെ​ന്താ​യാ​ലും രാ​ഷ്ട്രാ​ന്ത​രീ​യ നി​യ​മ​ങ്ങ​ളു​ടെ ലം​ഘ​നം നീ​തീ​ക​ര​ണ​മ​ർ​ഹി​ക്കു​ന്നി​ല്ല. പു​റ​മെ അ​ത്ത​രം ന്യൂ​ന​പ​ക്ഷ ധ്വം​സ​ന​ങ്ങ​ൾ അ​യ​ൽ​രാ​ജ്യ​മാ​യ ഇ​ന്ത്യ​യി​ലെ മ​ത​ന്യൂ​ന​പ​ക്ഷ​ത്തെ തീ​ർ​ത്തും പ്ര​തി​കൂ​ല​മാ​യാ​ണ് ബാ​ധി​ക്കു​ന്ന​തെ​ന്ന സ​ത്യ​വും ബം​ഗ്ലാ​ദേ​ശി​ലെ ഇ​ട​ക്കാ​ല സ​ർ​ക്കാ​ർ കാ​ണാ​​തെ പോ​വ​രു​ത്. പാ​കി​സ്താ​നി​ലാ​വ​​ട്ടെ ഭീ​ക​ര​ത​യും തീ​വ്ര​വാ​ദ​വും ​കൊ​ടി​കു​ത്തി​വാ​ഴു​ന്ന വ​ർ​ത്ത​മാ​ന​കാ​ല​ത്ത് മ​നു​ഷ്യാ​വ​കാ​ശ ധ്വം​സ​ന​ങ്ങ​ളെ​ക്കു​റി​ച്ച് ഓ​ർ​മി​പ്പി​ക്കു​ന്ന​തു​ത​ന്നെ അ​പ്ര​സ​ക്ത​മാ​യി​ത്തീ​രു​ക​യാ​ണ്. 1992ലെ ​യു.​എ​ൻ പ്ര​ഖ്യാ​പ​നം മ​ത-​ഭാ​ഷ-​വം​ശീ​യ ന്യൂ​ന​പ​ക്ഷ​ങ്ങ​ൾ​ക്ക് ഉ​റ​പ്പു​വ​രു​ത്തി​യ ജീ​വി​ക്കാ​നും വി​ശ്വാ​സ​പ​ര​വും സാം​സ്കാ​രി​ക​വും ഭാ​ഷാ​പ​ര​വു​മൊ​ക്കെ​യാ​യ അ​വ​കാ​ശ​ങ്ങ​ൾ പ​രി​ര​ക്ഷി​ക്കാ​നു​മു​ള്ള സ്വാ​ത​ന്ത്ര്യം ധ്വം​സി​ക്കാ​നോ അവഗണിക്കാനോ യു.​എ​ൻ അം​ഗ​ത്വ​രാ​ജ്യ​ങ്ങ​ൾ​ക്കൊ​ന്നി​നും നിർവാഹമി​ല്ലെ​ന്ന് ഈ​യ​വ​സ​ര​ത്തി​ൽ ഓ​ർ​മി​പ്പി​ക്കാ​തെ വ​യ്യ. സാ​മ്പ​ത്തി​ക​മോ സൈ​നി​ക​മോ ആ​യ ശ​ക്തി​യും അ​ധി​കാ​ര​വും അ​ത്യാ​ചാ​ര​ങ്ങ​ൾ​ക്കും മ​നു​ഷ്യാ​വ​കാ​ശ​ ലം​ഘ​ന​ങ്ങ​ൾ​ക്കും ന്യാ​യ​മാ​വു​ന്നു​മി​ല്ല.