ലോ​ക കോ​ട​തി​ക്ക് ഒ​രു പ​രീ​ക്ഷ

അ​ന്താ​രാ​ഷ്ട്ര സ​മൂ​ഹ​ത്തി​ന്റെ നീ​തി​ബോ​ധം പ​രീ​ക്ഷി​ക്ക​പ്പെ​ടു​ന്ന മ​റ്റൊ​രു വി​ഷ​യ​മാ​യി ശി​റീ​ൻ അ​ബൂ ആ​ഖി​ല എ​ന്ന മാ​ധ്യ​മ പ്ര​വ​ർ​ത്ത​ക​യു​ടെ മ​ര​ണം ആ​ഗോ​ള​ത​ല​ത്തി​ൽ ശ്ര​ദ്ധ​നേ​ടു​ക​യാ​ണ്. അ​ന്താ​രാ​ഷ്ട്ര ക്രി​മി​ന​ൽ കോ​ട​തി (ഐ.​സി.​സി) എ​ന്ന ലോ​ക കോ​ട​തി​യു​ടെ വി​ശ്വാ​സ്യ​ത​യാ​ണ് ഇ​പ്പോ​ൾ പ​രി​ശോ​ധി​ക്ക​​പ്പെ​ടു​ന്ന​ത്. ഫ​ല​സ്തീ​ൻ അ​ഭ​യാ​ർ​ഥി ക്യാ​മ്പി​ൽ ഇ​സ്രാ​യേ​ൽ സേ​ന ന​ട​ത്തി​യ അ​തി​ക്ര​മം റി​പ്പോ​ർ​ട്ട് ചെ​യ്യാ​നെ​ത്തി​യ അ​ൽ​ജ​സീ​റ റി​പ്പോ​ർ​ട്ട​ർ ശി​റീ​ൻ അ​മേ​രി​ക്ക​ൻ പൗ​ര​ത്വ​മു​ള്ള ഫ​ല​സ്തീ​ൻ​കാ​രി​യാ​ണെ​ന്ന​ത് അ​മേ​രി​ക്ക​യെ​യും സ​മ്മ​ർ​ദ​ത്തി​ലാ​ക്കു​ന്നു​ണ്ട്. അ​ന്താ​രാ​ഷ്ട്ര സ​മൂ​ഹ​വും ഐ​ക്യ​രാ​ഷ്ട്ര​സ​ഭ​യും ഇ​സ്രാ​യേ​ലി​ന്റെ അ​ന്യാ​യ​ങ്ങ​ൾ​ക്കു​നേ​രെ നി​സ്സ​ഹാ​യ​ത പു​ല​ർ​ത്തു​മ്പോ​ൾ ലോ​ക കോ​ട​തി​യു​ടെ നി​ല​പാ​ട് നി​ർ​ണാ​യ​ക​മാ​വു​ക​യാ​ണ്. ക​ഴി​ഞ്ഞ​വ​ർ​ഷം മാ​ർ​ച്ചി​ൽ ഐ.​സി.​സി ഇ​സ്രാ​യേ​ലി​നെ​തി​രെ അ​ന്വേ​ഷ​ണം ന​ട​ത്താ​ൻ തീ​രു​മാ​നി​ച്ച​ത് ഒ​രു വ​ഴി​ത്തി​രി​വാ​യി​രു​ന്നു. അ​ഭി​ഭാ​ഷ​ക കൂ​ട്ടാ​യ്മ​ക​ളും മ​നു​ഷ്യാ​വ​കാ​ശ പ്ര​സ്ഥാ​ന​ങ്ങ​ളും സ​മ​ർ​പ്പി​ച്ച പ​രാ​തി​ക​ളി​ൽ പ്രാ​ഥ​മി​ക പ​രി​ശോ​ധ​ന ന​ട​ത്തി​യ കോ​ട​തി, അ​ധി​നി​വി​ഷ്ട ഗ​സ്സ, വെ​സ്റ്റ് ബാ​ങ്ക്, ഈ​സ്റ്റ് ജ​റൂ​സ​ലം എ​ന്നി​വി​ട​ങ്ങ​ളി​ലെ ഇ​സ്രാ​യേ​ലി ചെ​യ്തി​ക​ൾ അ​ന്വേ​ഷി​ക്കാ​ൻ ത​ങ്ങ​ൾ​ക്കു​ള്ള അ​ധി​കാ​രം നി​യ​മാ​നു​സൃ​തം സ്ഥാ​പി​ച്ച ശേ​ഷ​മാ​ണ് ന​ട​പ​ടി തു​ട​ങ്ങി​യ​ത്. ഇ​സ്രാ​യേ​ൽ യു​ദ്ധ​ക്കു​റ്റ​ങ്ങ​ളും മ​നു​ഷ്യ​ത്വ​ത്തി​നെ​തി​രാ​യ കു​റ്റ​ങ്ങ​ളും ചെ​യ്തു​വോ എ​ന്ന ഈ ​അ​ന്വേ​ഷ​ണം പ്ര​ധാ​ന​മാ​യും 2018ലെ​യും 2021ലെ​യും ചെ​യ്തി​ക​ളെ കേ​ന്ദ്രീ​ക​രി​ച്ചു​ള്ള​താ​ണെ​ങ്കി​ലും അ​വ​യി​ൽ മാ​ത്രം പ​രി​മി​ത​മ​ല്ല. ഇ​ക്ക​ഴി​ഞ്ഞ ഏ​പ്രി​ലി​ൽ തു​ട​ങ്ങി​യ അ​ന്വേ​ഷ​ണ ന​ട​പ​ടി​ക​ൾ​ക്ക് പ്ര​സ​ക്തി​യേ​റ്റും വി​ധം യു.​എ​ൻ ഏ​ജ​ൻ​സി​ക​ളും ബൈ​ത് സ​ലേം എ​ന്ന ഇ​സ്രാ​യേ​ലി മ​നു​ഷ്യാ​വ​കാ​ശ സം​ഘ​ട​ന​യു​മ​ട​ക്കം ഇ​സ്രാ​യേ​ൽ അ​പാ​ർ​തൈ​റ്റ് (വം​ശ​വി​വേ​ച​നം) എ​ന്ന കു​റ്റം ചെ​യ്യു​ന്നു​ണ്ടെ​ന്ന് സ്ഥി​രീ​ക​രി​ക്കു​ക​യും ചെ​യ്തി​ട്ടു​ണ്ട്. ഗു​രു​ത​ര​മാ​യ അ​ത്ത​രം ആ​രോ​പ​ണ​ങ്ങ​ൾ​ക്ക് പി​ന്നാ​ലെ​യാ​ണ് ഇ​പ്പോ​ൾ ശി​റീ​ൻ വ​ധം മ​റ്റൊ​രു യു​ദ്ധ​ക്കു​റ്റ​മാ​യി ഇ​സ്രാ​യേ​ലി​നെ​തി​രെ ഉ​യ​ർ​ത്ത​പ്പെ​ടു​ന്ന​ത്.

അ​ന്വേ​ഷ​ണ​ത്തി​ന് ത​ട​യി​ടാ​ൻ കൂ​ടി​യാ​വ​ണം, ഇ​സ്രാ​യേ​ൽ അ​തി​വേ​ഗം സ്വ​യം ന്യാ​യീ​ക​രി​ച്ച് പ്ര​ചാ​ര​ണം തു​ട​ങ്ങി. ശി​റീ​നെ വെ​ടി​വെ​ച്ച​ത് ഫ​ല​സ്തീ​ൻ​കാ​രാ​ണെ​ന്ന് പ​റ​ഞ്ഞ് ഒ​രു വി​ഡി​യോ ദൃ​ശ്യം പു​റ​ത്തി​റ​ക്കി. എ​ന്നാ​ൽ, ബൈ​ത് സ​ലേം എ​ന്ന ഇ​സ്രാ​യേ​ലി സം​ഘ​ട​ന ത​ന്നെ നേ​രി​ട്ട് സ്ഥ​ല​ത്തു​ചെ​ന്ന് അ​ന്വേ​ഷി​ച്ച്, ആ ​ദൃ​ശ്യം മ​റ്റൊ​രു സ്ഥ​ല​ത്തേ​താ​ണെ​ന്ന് തെ​ളി​യി​ച്ച​തോ​ടെ ഇ​സ്രാ​യേ​ലി സൈ​ന്യം വാ​ദ​മു​ഖം മാ​റ്റി. സൈ​ന്യ​ത്തി​ന്റെ വെ​ടി​യാ​ണ് കാ​ര​ണ​മെ​ന്നു​വ​ന്നാ​ലും അ​ത് ബോ​ധ​പൂ​ർ​വ​മാ​യി​രു​ന്നി​ല്ല എ​ന്നാ​യി വാ​ദം. അ​തേ​സ​മ​യം, സം​ഭ​വ​സ്ഥ​ല​ത്തി​ന്റെ വി​ശ​ദ​രേ​ഖ​ക​ളും സൈ​നി​ക​രു​ടെ ദേ​ഹ​ത്തു​ണ്ടാ​യി​രു​ന്ന കാ​മ​റ​ക​ളി​ലെ ദൃ​ശ്യ​ങ്ങ​ളും പു​റ​ത്തു​വി​ടാ​ൻ അ​വ​ർ ത​യാ​റ​ല്ല. അ​വ ത​ങ്ങ​ൾ​ക്കു​ത​ന്നെ എ​തി​രാ​കും എ​ന്ന​തി​നാ​ലാ​ണ് അ​വ​ർ​ക്ക് ഈ ​വൈ​മു​ഖ്യം എ​ന്ന് മ​റ്റ് സ്വ​ത​ന്ത്ര അ​ന്വേ​ഷ​ണ​ങ്ങ​ൾ വ്യ​ക്ത​മാ​ക്കു​ന്നു​ണ്ട്. വെ​ടി​വെ​പ്പ് സം​ഭ​വം വി​ശ​ദ​മാ​യി പു​ന​രാ​വി​ഷ്ക​രി​ച്ച് പ​ഠി​ച്ച അ​സോ​സി​യേ​റ്റ​ഡ് പ്ര​സ് തീ​ർ​ത്തു​പ​റ​യു​ന്നു, വെ​ടി​വെ​ച്ച​ത് ഇ​സ്രാ​യേ​ലി സൈ​നി​ക​ൻ​ത​​ന്നെ എ​ന്ന്. ഫ​ല​സ്തീ​നി​യ​ൻ അ​തോ​റി​റ്റി​യു​ടെ അ​ന്വേ​ഷ​ണം വെ​ളി​പ്പെ​ടു​ത്തി​യ​ത്, അ​മേ​രി​ക്ക​ൻ നി​ർ​മി​ത റൈ​ഫി​ൾ​കൊ​ണ്ട് തൊ​ടു​ത്ത 5.56 മി​ല്ലി​മീ​റ്റ​ർ ഉ​ണ്ട​യാ​ണ് മ​ര​ണ​കാ​ര​ണ​മെ​ന്നും അ​ത് ഇ​സ്രാ​യേ​ൽ സൈ​നി​ക​ർ ഉ​തി​ർ​ത്ത​താ​ണ് എ​ന്നു​മാ​ണ്. യു.​എ​സ് മാ​ധ്യ​മ​സ്ഥാ​പ​ന​മാ​യ സി.​എ​ൻ.​എ​ൻ വി​സ്ത​രി​ച്ചു​ള്ള സാ​​ങ്കേ​തി​ക, ഫോ​റ​ൻ​സി​ക് പ​ഠ​ന​മാ​ണ് ന​ട​ത്തി​യ​ത്. ഇ​സ്രാ​യേ​ലി സൈ​നി​ക​ൻ വെ​ടി​വെ​ച്ചു എ​ന്ന് മാ​ത്ര​മ​ല്ല, അ​ത് ക​രു​തി​ക്കൂ​ട്ടി​യും കൃ​ത്യ​ത​യോ​ടെ​യും നി​ർ​വ​ഹി​ച്ച​താ​ണെ​ന്നും അ​വ​ർ സ​മ​ർ​ഥി​ക്കു​ന്നു. ഫ​ല​സ്തീ​ൻ​കാ​ര​ല്ല വെ​ടി​വെ​ച്ച​ത് എ​ന്ന​തി​ന് കൃ​ത്യ​മാ​യ തെ​ളി​വു​ക​ൾ ബൈ​ത് സ​ലേം ന​ൽ​കി​യി​ട്ടു​ണ്ട്. നി​ഷ്പ​ക്ഷ​മാ​യ നീ​തി​നി​ർ​വ​ഹ​ണ സം​വി​ധാ​ന​മാ​ണ് ഇ​നി ന​ട​പ​ടി​യെ​ടു​ക്കേ​ണ്ട​ത്. അ​തി​ന് ഐ.​സി.​സി​ക്ക് ക​ഴി​യു​മോ എ​ന്ന് ലോ​കം കാ​ണാ​ൻ പോ​കു​ന്നു. ഏ​താ​യാ​ലും ഇ​തി​ന​കം സ​മ​ർ​പ്പി​ക്ക​പ്പെ​ട്ട പ​രാ​തി​ക​ൾ​ക്ക് പു​റ​മെ ഇ​പ്പോ​ൾ ശി​റീ​ൻ​വ​ധം കൂ​ടി ചേ​ർ​ക്ക​പ്പെ​ടു​ക​യാ​ണ്. വി​വി​ധ കേ​ന്ദ്ര​ങ്ങ​ൾ ​ലോ​ക കോ​ട​തി​ക്ക് മു​മ്പാ​കെ ഔ​പ​ചാ​രി​ക​മാ​യി പ​രാ​തി​ക​ൾ ക​ഴി​ഞ്ഞ ദി​വ​സ​ങ്ങ​ളി​ലാ​യി സ​മ​ർ​പ്പി​ച്ചു. ഫ​ല​സ്തീ​നി​യ​ൻ അ​തോ​റി​റ്റി, അ​ൽ ജ​സീ​റ, അ​ന്താ​രാ​ഷ്ട്ര ജേ​ണ​ലി​സ്റ്റ്സ് ഫെ​ഡ​റേ​ഷ​ൻ (ഐ.​എ​ഫ്.​ജെ), മാ​ധ്യ​മ സ്വാ​ത​ന്ത്ര്യ​ത്തി​നും മ​നു​ഷ്യാ​വ​കാ​ശ​ങ്ങ​ൾ​ക്കും വേ​ണ്ടി പ്ര​വ​ർ​ത്തി​ക്കു​ന്ന 34 സം​ഘ​ട​ന​ക​ളു​ടെ കൂ​ട്ടാ​യ്മ, മൂ​ന്ന് ഫ​ല​സ്തീ​ൻ മ​നു​ഷ്യാ​വ​കാ​ശ സം​ഘ​ട​ന​ക​ൾ തു​ട​ങ്ങി അ​നേ​കം ഭാ​ഗ​ങ്ങ​ളി​ൽ​നി​ന്ന് പ​രാ​തി​ക​ൾ സ​മ​ർ​പ്പി​ക്ക​പ്പെ​ട്ടു​ക​ഴി​ഞ്ഞു.

എ​ന്നാ​ൽ, ഐ.​സി.​സി ഈ​യി​ടെ കാ​ണി​ക്കു​ന്ന മെ​ല്ലെ​പ്പോ​ക്ക് ന​യം അ​തി​ന്റെ വി​ശ്വാ​സ്യ​ത​ക്ക് പ​രി​ക്കേ​ൽ​പി​ച്ചി​ട്ടു​ണ്ട്. ഇ​സ്രാ​യേ​ലി​നെ​തി​രെ അ​ന്വേ​ഷ​ണ ന​ട​പ​ടി​ക​ൾ തു​ട​ങ്ങി​യെ​ങ്കി​ലും മു​ഖ്യ പ്രോ​സി​ക്യൂ​ട്ട​ർ സ്ഥാ​ന​ത്ത് ബ്രി​ട്ടീ​ഷ് അ​ഭി​ഭാ​ഷ​ക​നാ​യ ക​രീം​ഖാ​ൻ വ​ന്ന​തോ​ടെ നി​ശ്ച​ലാ​വ​സ്ഥ​യി​ലാ​ണ​ത്രെ. യു​ക്രെ​യ്നി​ലെ റ​ഷ്യ​ൻ യു​ദ്ധ​ക്കു​റ്റ​മ​ന്വേ​ഷി​ക്കാ​ൻ തി​ടു​ക്കം​കൂ​ട്ടു​ന്ന അ​ദ്ദേ​ഹം ഇ​സ്രാ​യേ​ലി​നെ​തി​രാ​യ പ​രാ​തി​ക​ളി​ൽ ജാ​ഗ്ര​ത കാ​ട്ടു​ന്നി​ല്ല എ​ന്നാ​ണ് ആ​രോ​പ​ണം. അ​ഫ്ഗാ​നി​സ്താ​നി​ൽ അ​മേ​രി​ക്ക ചെ​യ്ത യു​ദ്ധ​ക്കു​റ്റ​ങ്ങ​ള​ന്വേ​ഷി​ക്കാ​ൻ ആ​വ​ശ്യ​മു​യ​ർ​ന്ന​പ്പോ​ൾ അ​മേ​രി​ക്ക​യെ ഒ​ഴി​വാ​ക്കി​യ​ത് ക​രീം​ഖാ​നാ​ണ്. എ​ന്ത് ല​ക്ഷ്യ​ത്തി​നു വേ​ണ്ടി​യാ​ണോ ഐ.​സി.​സി സ്ഥാ​പി​ച്ച​ത്, അ​തു​മാ​യി ശ​രി​ക്കും ചേ​രു​ന്ന​താ​ണ് ഫ​ല​സ്തീ​നി​ലും അ​ഫ്ഗാ​നി​സ്താ​നി​ലും ഇ​റാ​ഖി​ലും അ​ധി​നി​വേ​ശ​ക​ർ ചെ​യ്തു​കൂ​ട്ടി​യ യു​ദ്ധ​ക്കു​റ്റ​ങ്ങ​ൾ. അ​വ അ​ന്വേ​ഷി​ക്ക​പ്പെ​ടാ​തെ​യും ശി​ക്ഷി​ക്ക​പ്പെ​ടാ​തെ​യും പോ​യാ​ൽ അ​ത് ഐ.​സി.​സി​യു​ടെ വി​ശ്വാ​സ്യ​ത മാ​ത്ര​മ​ല്ല, പ്ര​സ​ക്തി​യും ഇ​ല്ലാ​താ​ക്കും. ശി​റീ​ൻ വ​ധം ഇ​സ്രാ​യേ​ൽ​ത​ന്നെ അ​ന്വേ​ഷി​ച്ചാ​ൽ മ​തി എ​ന്നു പ​റ​യു​ന്ന അ​മേ​രി​ക്ക​യാ​ണ് ലോ​ക കോ​ട​തി​യെ​യും ന​യി​ക്കു​ന്ന​തെ​ന്നു വ​ന്നാ​ൽ അ​ത്, അം​ഗ​ത്വ​മെ​ടു​ക്കു​ന്ന​തി​ൽ​നി​ന്ന് അ​മേ​രി​ക്ക മു​മ്പേ പി​ന്മാ​റി​യ ആ ​കോ​ട​തി​യു​ടെ മ​ര​ണ​സാ​ക്ഷ്യ​മാ​കും. കു​റ്റം ചെ​യ്ത​വ​ർ ത​ന്നെ ന്യാ​യാ​ധി​പ​രാ​കു​ന്ന ആ ​രീ​തി​യോ​ട് ലോ​കം രാ​ജി​യാ​കു​മോ എ​ന്ന പ​രീ​ക്ഷ​ണം കൂ​ടി​യാ​ണ് ഇ​പ്പോ​ൾ ഇ​സ്രാ​യേ​ലി​നെ​തി​രെ സ​മ​ർ​പ്പി​ക്ക​പ്പെ​ട്ട പ​രാ​തി​ക​ൾ.