സ്ഥാ​ന​മോ​ഹി​ക​ളു​ടെ ക​ള​രി

ന​വം​ബ​റി​ൽ നി​യ​മ​സ​ഭ തെ​ര​ഞ്ഞെ​ടു​പ്പ് ന​ട​ക്കാ​നി​രി​ക്കു​ന്ന അ​ഞ്ചു സം​സ്ഥാ​ന​ങ്ങ​ളി​ൽ പ്ര​ധാ​ന​പ്പെ​ട്ട മ​ധ്യ​പ്ര​ദേ​ശി​ലും രാ​ജ​സ്ഥാ​നി​ലും മു​ഖ്യ പാ​ർ​ട്ടി​ക​ളു​ടെ സ്ഥാ​നാ​ർ​ഥി​പ്പ​ട്ടി​ക പു​റ​ത്തു​വ​ന്ന​തോ​ടെ പൊ​ട്ടി​ത്തെ​റി മു​മ്പൊ​രി​ക്ക​ലു​മി​ല്ലാ​ത്ത​വി​ധം ക​ന​ത്തി​രി​ക്കു​ന്നു എ​ന്നാ​ണ് വാ​ർ​ത്ത​ക​ൾ. പ​ട്ടാ​ള​ച്ചി​ട്ട​യി​ൽ വാ​ർ​ത്തെ​ടു​ത്ത​തും മ​റ്റു സം​ഘ​ട​ന​ക​ൾ​ക്കൊ​ന്നും അ​വ​കാ​ശ​പ്പെ​ടാ​നാ​വാ​ത്ത അ​ച്ച​ട​ക്ക​ത്തി​ന്റെ കു​ത്ത​കാ​വ​കാ​ശ​വു​മു​ള്ള ആ​ർ.​എ​സ്.​എ​സി​നാ​ൽ നി​യ​ന്ത്രി​ക്ക​പ്പെ​ടു​ന്ന ബി.​ജെ.​പി​യി​ലാ​ണ് പ​ണ്ടേ ആ​ൾ​ക്കൂ​ട്ട പാ​ർ​ട്ടി​യാ​യ കോ​ൺ​ഗ്ര​സി​ലേ​തി​നേ​ക്കാ​ൾ ഉ​ഗ്ര​മാ​യ ഉ​രു​ൾ​പൊ​ട്ട​ൽ.

മ​ധ്യ​പ്ര​ദേ​ശി​ൽ 2018ലെ ​ഇ​ല​ക്​ഷ​നി​ൽ കേ​വ​ലഭൂ​രി​പ​ക്ഷം നേ​ടി അ​ധി​കാ​ര​ത്തി​ലേ​റി​യ കോ​ൺ​ഗ്ര​സ് സ​ർ​ക്കാ​റി​നെ, എ.​ഐ.​സി.​സി അ​ധ്യ​ക്ഷ​സ്ഥാ​ന​ത്തു​പോ​ലും പ്ര​തി​ഷ്ഠി​ക്ക​പ്പെ​ടു​മെ​ന്ന് പ്ര​വ​ചി​ക്ക​പ്പെ​ട്ട ജ്യോ​തി​രാ​ദി​ത്യ സി​ന്ധ്യ​യെ കേ​ന്ദ്ര കാ​ബി​ന​റ്റി​ൽ സ്ഥാ​നം ഉ​റ​പ്പു​ന​ൽ​കി അ​നു​യാ​യി​ക​ളോ​ടൊ​പ്പം കൂ​റു​മാ​റ്റി​യെ​ടു​ത്ത് ത​ട്ടി​ക്കൂ​ട്ടി​യ​താ​ണ് നി​ല​വി​ലെ ശിവരാജ്​ സിങ് ചൗഹാന്റെ നേ​തൃ​ത്വ​ത്തി​ലെ ഹി​ന്ദു​ത്വ സ​ർ​ക്കാ​ർ. പ​ക്ഷേ, കാ​വി​ഭ​ര​ണ​ത്തി​നെ​തി​രെ നി​ല​നി​ൽ​ക്കു​ന്ന വ്യാ​പ​ക​മാ​യ അ​തൃ​പ്തി വീ​ണ്ടു​മൊ​രൂ​ഴം ത​ര​പ്പെ​ടു​ത്താ​നു​ള്ള ബി.​ജെ.​പി​യു​ടെ മോ​ഹ​ത്തി​ന് ത​ട​യി​ടു​മെ​ന്ന ഭീ​തി നി​ൽ​ക്കു​മ്പോ​ഴാ​ണ് പാ​ർ​ട്ടി ടി​ക്ക​റ്റ് നി​ഷേ​ധി​ക്ക​പ്പെ​ട്ട​വ​രു​ടെ അ​ഭൂ​ത​പൂ​ർ​വ​മാ​യ പ്ര​തി​ഷേ​ധം.

22 സീ​റ്റു​ക​ളി​ൽ പ്ര​ഖ്യാ​പി​ക്ക​പ്പെ​ട്ട സ്ഥാ​നാ​ർ​ഥി​ക​ൾ​ക്കെ​തി​രാ​യ രോ​ഷ​ത്തോ​ടൊ​പ്പം ആ​റു സീ​റ്റു​ക​ളി​ൽ വി​ഘ​ടി​ത​രു​ടെ രാ​ജി​പ്ര​ഖ്യാ​പ​ന​വും വ​ന്നി​രി​ക്കു​ന്നു. മു​ൻമ​ന്ത്രി റ​ു​സ്തം സി​ങ്ങാ​ണ് രാ​ജി​വെ​ച്ച​വ​രി​ൽ ഒ​രാ​ൾ. ഈ ​റി​ട്ട​യേ​ഡ് ഐ.​പി.​എ​സു​കാ​ര​ൻ ര​ണ്ടു​ത​വ​ണ മു​ൻ ബി.​ജെ.​പി മ​ന്ത്രി​സ​ഭ​ക​ളി​ൽ അം​ഗ​മാ​യി​രു​ന്നു​വെ​ന്നോ​ർ​ക്ക​ണം. നേ​ര​ത്തേ ജ്യോ​തി​രാ​ദി​ത്യ​യു​ടെ കൂ​ടെ കോ​ൺ​ഗ്ര​സി​ൽ​നി​ന്ന് കൂ​റു​മാ​റി​യ ര​ഘു​രാ​ജ് സി​ങ് ക​ൻ​സാ​ന​ക്ക് ത​ന്റെ സീ​റ്റ് ന​ൽ​കി​യ​താ​ണ് സി​ങ്ങി​നെ ​പ്ര​കോ​പി​പ്പി​ച്ച​ത്. അ​നു​യാ​യി​ക​ളോ​ടൊ​പ്പം ബി.​എ​സ്.​പി​യി​ൽ ചേ​ർ​ന്നി​രി​ക്കു​ക​യാ​ണ് ഈ ​മു​ൻ പൊ​ലീ​സ് മേ​ധാ​വി. ജ്യോ​തി​രാ​ദി​ത്യ​യു​ടെ അ​നു​യാ​യി​ക​ളി​ൽ പ്ര​മു​ഖ​രാ​യ മ​റ്റു മൂ​ന്നു പേ​ർ​കൂ​ടി​യു​ണ്ട് സീ​റ്റ് നി​ഷേ​ധി​ക്ക​പ്പെ​ട്ട​തി​ന്റെ പേ​രി​ൽ പാ​ർ​ട്ടി​ക്കെ​തി​രെ തി​രി​ഞ്ഞ​വ​രി​ൽ.

ഭോ​പാ​ലി​ൽ​നി​ന്ന് ജ​യ്പൂരി​ലെ​ത്തു​മ്പോ​ൾ കൂ​ടു​ത​ൽ സ്ഫോ​ട​നാ​ത്മ​ക​മാ​ണ് ബി.​ജെ.​പി​യു​ടെ ആ​ഭ്യ​ന്ത​ര​രം​ഗം. 41 പേ​രു​ടെ ഒ​ന്നാം​പ​ട്ടി​ക പു​റ​ത്തി​റ​ക്കി​യ​പ്പോ​ൾ​ത​ന്നെ പൊ​ട്ടി​ത്തെ​റി പാ​ർ​ട്ടി​യെ പി​ടി​ച്ചു​ല​ച്ചു​വെ​ങ്കി​ൽ 83 സ്ഥാ​നാ​ർ​ഥി​ക​ളു​ടെ ര​ണ്ടാം​പ​ട്ടി​ക വെ​ളി​ച്ചം​ക​ണ്ട​പ്പോ​ൾ ഒ​ട്ടേ​റെ ജി​ല്ല​ക​ളി​ൽ സ്ഥാ​ന​മോ​ഹി​ക​ൾ തെ​രു​വി​ലി​റ​ങ്ങി ക​ലാ​പ​ക്കൊ​ടി ഉ​യ​ർ​ത്തി​യി​രി​ക്കു​ക​യാ​ണ്. ചി​റ്റോ​ർ​ഗ​ഢ്, രാ​ജ്സാ​മ​ന്ദ്, ബൂ​ജി, അ​ൽ​വാ​ർ ജി​ല്ല​ക​ളി​ൽ മാ​ത്ര​മ​ല്ല, സാ​ക്ഷാ​ൽ ജ​യ്പൂരി​ലും കാ​വി​പ്പ​ട സം​സ്ഥാ​നാ​ധ്യ​ക്ഷ​ൻ സി.​പി. ജോ​ഷി​ക്കെ​തി​രെ പ്ര​തി​ഷേ​ധ​വു​മാ​യി​റ​ങ്ങി​യി​രി​ക്കു​ന്നു.

ത​ല​മു​തി​ർ​ന്ന നേ​താ​വും രാ​ജ​കു​ടും​ബ​ത്തി​ന്റെ അ​ന​ന്ത​ര​വ​ളു​മാ​യ വ​സു​ന്ധ​ര​രാ​ജെ സി​ന്ധ്യ പാ​ർ​ട്ടി പി​ള​ർ​ക്കു​മെ​ന്നാ​യ​പ്പോ​ൾ അ​വ​രെ​യും ആ​രാ​ധ​ക​രെ​യും സീ​റ്റ് ന​ൽ​കി ഒ​രു​വി​ധം ഒ​തു​ക്കി​യി​രി​ക്കു​ക​യാ​യി​രു​ന്നു ബി.​ജെ.​പി. വ​യോ​ധി​ക​നാ​യ അ​ശോ​ക് ഗെ​ഹ് ലോ​ട്ടി​ന്റെ ‘ദു​ർ​ഭ​ര​ണ’​ത്തി​ൽ​നി​ന്ന് ഇ​ര​ട്ട എ​ൻ​ജി​ൻ സ​ർ​ക്കാ​റി​ലേ​ക്ക് രാ​ജ​സ്ഥാ​നെ കൊ​ണ്ടു​വ​രു​മെ​ന്ന് പ്ര​ഖ്യാ​പി​ച്ച് അ​ര​യും ത​ല​യും മു​റു​ക്കി രം​ഗ​ത്തു​വ​ന്ന​പ്പോ​ഴാ​ണ് പാ​ള​യ​ത്തി​ൽ​ പ​ട പൊ​ടി​പൊ​ടി​ക്കു​ന്ന​ത്. ഒ​രി​ട​ത്ത് പാ​ർ​ട്ടി ഓ​ഫി​സി​ന് അ​നു​യാ​യി​ക​ൾ തീ​കൊ​ളു​ത്തി​യ സം​ഭ​വം ​പോ​ലു​മു​ണ്ടാ​യി. രാ​ജ്സാ​മ​ന്ദി​ൽ സി​റ്റി​ങ് എം.​എ​ൽ.​എ ദീ​പ്തി മ​ഹേ​ശ്വ​രി​ക്ക് വീ​ണ്ടും സീ​റ്റ് ന​ൽ​കി​യ​തി​നെ​തി​രെ സ്വ​ന്തം പാ​ർ​ട്ടി​ക്കാ​ർ ഇ​ല​ക്​ഷ​ൻ പ്ര​ചാ​ര​ണ സാ​മ​ഗ്രി​ക​ൾ ക​ത്തി​ച്ച് പ്ര​തി​ഷേ​ധം ക​ടു​പ്പി​ച്ച​പ്പോ​ൾ പൊ​ലീ​സി​ന് ഇ​ട​പെ​ടേ​ണ്ടി​വ​ന്നു. അ​തോ​ടെ ബൂ​ത്തു​ത​ല പ്ര​വ​ർ​ത്ത​ക​ർ രാ​ജി​വെ​ച്ചൊ​ഴി​യു​ക​യും ചെ​യ്തി​രി​ക്കു​ക​യാ​ണ്.

സ്ഥാ​ന​മോ​ഹി​ക​ളു​ടെ തി​ക്കും തി​ര​ക്കും പ്ര​തി​ഷേ​ധ​വും രാ​ജി​യു​മൊ​ന്നും കോ​ൺ​ഗ്ര​സി​നെ സം​ബ​ന്ധി​ച്ചി​ട​ത്തോ​ളം വാ​ർ​ത്താ​പ്രാ​ധാ​ന്യ​മു​ള്ള വി​ഷ​യ​മേ അ​ല്ല. പ്രാ​ദേ​ശി​ക, മ​ണ്ഡ​ല, സം​സ്ഥാ​ന​ത​ല ഭാ​ര​വാ​ഹി​ക​ളു​ടെ സെ​ല​ക്ഷ​നി​ല​ട​ക്കം ഗ്രൂ​പ്പു​വ​ഴ​ക്കും കു​തി​കാ​ൽ​വെ​ട്ടും പാ​ര​വെ​പ്പും ഇ​ല്ലെ​ങ്കി​ൽ പാ​ർ​ട്ടി​യേ ഇ​ല്ല എ​ന്ന​താ​ണ് കോ​ൺ​ഗ്ര​സി​ന്റെ അ​വ​സ്ഥ. ഇ​ത്ത​വ​ണ പ​ക്ഷേ, 2024ലെ ​പൊ​തു​തെ​ര​ഞ്ഞെ​ടു​പ്പ് മാ​സ​ങ്ങ​ൾ​ക്ക​കം ന​ട​ക്കാ​നി​രി​ക്കെ, ഇ​ൻ​ഡ്യ മു​ന്ന​ണി​യി​ലെ 28 പാ​ർ​ട്ടി​ക​ളോ​ടൊ​പ്പം ഒ​റ്റ​ക്കെ​ട്ടാ​യി ന​രേ​ന്ദ്ര മോ​ദി​യെ താ​ഴെ​യി​റ​ക്കാ​ൻ ഇ​റ​ങ്ങി​ത്തി​രി​ച്ച​താ​ണ് പാ​ർ​ട്ടി. അ​തി​നു​മു​മ്പേ ന​ട​ക്കു​ന്ന അ​ഞ്ചു സം​സ്ഥാ​ന നി​യ​മ​സ​ഭ തെ​ര​ഞ്ഞെ​ടു​പ്പു​ക​ളി​ൽ ഭൂ​രി​പ​ക്ഷ​മു​റ​പ്പി​ക്കേ​ണ്ട​ത് നി​ർ​ണാ​യ​ക​മാ​ണ്. രാ​ഹു​ൽ ഗാ​ന്ധി ന​യി​ച്ച ഭാ​ര​ത് ജോ​ഡോ യാ​ത്ര പ്ര​ത്യാ​ശാ​ജ​ന​ക​മാ​യ ജ​ന​പി​ന്തു​ണ​യു​ടെ സൂ​ച​ന​ക​ൾ ന​ൽ​കു​ക​യും ചെ​യ്യു​ന്നു.

പ​ക്ഷേ, മ​ധ്യ​പ്ര​ദേ​ശി​ലും രാ​ജ​സ്ഥാ​നി​ലു​മ​ട​ക്കം വി​ജ​യ​പ്ര​തീ​ക്ഷ​യു​ള്ള സം​സ്ഥാ​ന​ങ്ങ​ളി​ൽ​പോ​ലും ഗ്രൂ​പ്പു​വ​ഴ​ക്കും പ്രാ​ദേ​ശി​ക നേ​താ​ക്ക​ളു​ടെ ത​ല​ക്ക​ന​വും പ്ര​ശ്ന​ങ്ങ​ൾ സൃ​ഷ്ടി​ക്കാ​തെ​യ​ല്ല. മ​ധ്യ​പ്ര​ദേ​ശി​ലെ കാ​ര​ണ​വ​ർ ക​മ​ൽ​നാ​ഥ് ഇ​ൻ​ഡ്യ മു​ന്ന​ണി​യി​ലെ മു​ഖ്യ​പ​ങ്കാ​ളി സ​മാ​ജ്‍വാ​ദി പാ​ർ​ട്ടി​ക്ക് ആ​വ​ശ്യ​പ്പെ​ട്ട ഒ​മ്പ​തു സീ​റ്റു​ക​ളി​ൽ ഒ​ന്നു​പോ​ലും അ​നു​വ​ദി​ക്കാ​തി​രു​ന്ന​ത് ഒ​ട്ടും ശു​ഭ​സൂ​ച​ക​മ​ല്ല. അ​തി​ന്റെ പ്ര​ത്യാ​ഘാ​തം ലോ​ക്സ​ഭ തെ​ര​ഞ്ഞെ​ടു​പ്പി​ൽ 80 സീ​റ്റു​ക​ളു​ള്ള യു.​പി​യി​ൽ കോ​ൺ​ഗ്ര​സ് അ​നു​ഭ​വി​ക്കു​മെ​ന്ന അ​ഖി​ലേ​ഷ് യാ​ദ​വി​ന്റെ മു​ന്ന​റി​യി​പ്പി​നെ തു​ട​ർ​ന്ന് കോ​ൺ​ഗ്ര​സ് പു​ന​രാ​ലോ​ച​ന​ക​ൾ​ക്ക് ഒ​രു​ങ്ങു​ന്നു എ​ന്നാ​ണ് ഒ​ടു​വി​ല​ത്തെ വി​വ​രം.

എ​ന്താ​യാ​ലും മു​ക്കാ​ൽ നൂ​റ്റാ​ണ്ട് കാ​ല​ത്തെ അ​നു​ഭ​വ​ങ്ങ​ൾ ന​മ്മു​ടെ പാ​ർ​ട്ടി​ക​ളെ​യും നേ​താ​ക്ക​ളെ​യും ഒ​രു പാ​ഠ​വും പ​ഠി​പ്പി​ച്ചി​ട്ടി​ല്ലെ​ന്നു​വേ​ണം പ​റ​യാ​ൻ. പ്രാ​യ​പൂ​ർ​ത്തി വോ​ട്ട​വ​കാ​ശ​ത്തി​ൽ അ​ധി​ഷ്ഠി​ത​മാ​യ ജ​നാ​ധി​പ​ത്യ റി​പ്പ​ബ്ലി​ക്കി​നെ പൂ​ർ​വാ​ധി​കം ദു​ർ​ബ​ല​മാ​ക്കാ​നും പ​രി​ക്ഷീ​ണി​ത​മാ​ക്കാ​നു​മാ​ണ് സ്വാ​ർ​ഥി​ക​ളും സ്ഥാ​ന​മോ​ഹി​ക​ളും ജ​ന​ശ​ത്രു​ക്ക​ളു​മാ​യ നേ​താ​ക്ക​ളു​ടെ​യും അ​നു​യാ​യി​ക​ളു​ടെ​യും നീ​ക്ക​മെ​ന്ന് കാ​ണു​ന്ന​ത് ക​ഷ്ട​മെ​ന്നേ പ​റ​യാ​നു​ള്ളൂ.