ഹ​ൽ​ദ്വാ​നി​യുടെ നെടുവീർപ്പ്

ഉ​ത്ത​രാ​ഖ​ണ്ഡി​ലെ ഏ​റ്റ​വും ജ​ന​നി​ബി​ഡ ന​ഗ​ര​മാ​യ ഹ​ൽ​ദ്വാ​നി​യി​ൽ റെ​യി​ൽ​വേ വി​ക​സ​ന​ത്തി​ന്റെ ഭാ​ഗ​മാ​യി അ​ര​ല​ക്ഷ​ത്തോ​ളം പേ​രെ കു​ടി​യി​റ​ക്കാ​നു​ള്ള സം​സ്ഥാ​ന​ത്തെ ബി.​ജെ.​പി സ​ർ​ക്കാ​റി​ന്റെ നീ​ക്ക​ത്തി​ന് പ​ര​മോ​ന്ന​ത നീ​തി​പീ​ഠം ത​ട​യി​ട്ടി​രി​ക്കു​ക​യാ​ണ്. സ്വാത​ന്ത്ര്യ​ത്തി​ന് മു​മ്പേ​യു​ള്ള ഭൂ​രേ​ഖ​ക​ളും മ​റ്റു​മാ​യി ജീ​വി​ക്കു​ന്ന 4365 കു​ടും​ബ​ങ്ങ​ളോ​ടാ​ണ് സ​ർ​ക്കാ​ർ പെ​ട്ടെ​ന്നൊ​രു​നാ​ൾ കു​ടി​യി​റ​ങ്ങാ​ൻ ആ​വ​ശ്യ​പ്പെ​ട്ട​ത്. വി​ഷ​യ​ത്തി​ൽ ഇ​ട​പെ​ട്ട ഹൈ​കോ​ട​തി​യാ​ക​ട്ടെ, സ​ർ​ക്കാ​റി​നൊ​പ്പം നി​ല​യു​റ​പ്പി​ക്കു​ക മാ​ത്ര​മ​ല്ല, ആ​വ​ശ്യ​മെ​ങ്കി​ൽ ബ​ലം പ്ര​യോ​ഗി​ച്ച് ഒ​രാ​ഴ്ച​ക്കു​ള്ളി​ൽ ത​ന്നെ ‘ദൗ​ത്യം’ പൂ​ർ​ത്തി​യാ​ക്കാ​ൻ നി​ർ​ദേ​ശി​ക്കു​ക​യും ചെ​യ്തു. ഏ​ത് നി​മി​ഷ​വും കു​ടി​യി​റ​ക്ക​പ്പെ​ടു​മെ​ന്ന ഭീ​തി​യി​ൽ ജീവിച്ച മേ​ഖ​ല​യി​ലെ ജ​ന​ങ്ങ​ൾ ഒ​ന്ന​ട​ങ്കം പ്ര​തി​ഷേ​ധ​വു​മാ​യി തെ​രു​വി​ലി​റ​ങ്ങി​യ​തോ​ടെ​യാ​ണ് വി​ഷ​യം ദേ​ശീ​യ ശ്ര​ദ്ധയിലെത്തുന്നത്.

1940 മു​ത​ൽ ഭൂ​മി​ക്കും കെ​ട്ടി​ട​ങ്ങ​ൾ​ക്കു​മെ​ല്ലാം നി​കു​തി​യ​ട​ച്ച​തി​ന്റെ​ രേ​ഖ​ക​ൾ ഉ​യ​ർ​ത്തി​ക്കാണിച്ച് നടത്തിയ സ​മ​ര​ത്തോ​ട് പ​ക്ഷേ, ഭ​ര​ണ​കൂ​ട​ത്തി​ന് വ​ലി​യ മ​മ​ത തോ​ന്നി​യി​ല്ലെ​ന്ന​താ​ണ് നേ​ര്. സ​മ​ര​ത്തെ നേ​രി​ടാ​ൻ അ​ർ​ധസൈ​നി​ക​രെ വ​രെ മേ​ഖ​ല​യി​ൽ വി​ന്യ​സി​ച്ചു. കു​ടി​യി​റ​ക്ക​ൽ ന​ട​പ​ടി​ക​ളു​മാ​യി അ​വ​ർ മു​ന്നോ​ട്ടു​പോ​ക​വെ​യാ​ണ് വി​ഷ​യ​ത്തി​ൽ ഇ​ര​ക​ളു​ടെ ഹ​ര​ജി പ​രി​ഗ​ണി​ച്ചു​കൊ​ണ്ടു​ള്ള സു​പ്രീം​കോ​ട​തി ഇ​ട​പെ​ട​ൽ. ഏ​റ്റെ​ടു​ക്കാ​ൻ പോ​കു​ന്ന സ്ഥ​ലം റെ​യി​ൽ​വേ ഭൂ​മി​യാ​ണെ​ങ്കി​ൽ പോ​ലും, പു​ന​ര​ധി​വാ​സപ​ദ്ധ​തി​ക​ളൊ​ന്നു​മി​ല്ലാ​തെ ഏ​ക​പ​ക്ഷീ​യ​മാ​യി ആ​ളു​ക​ളെ തെ​രു​വി​ലേ​ക്ക് ഇറ​ക്കി​വി​ടു​ന്ന​ത് ഒ​രു​ത​ര​ത്തി​ലും നീ​തീ​ക​രി​ക്കാ​നാ​വി​ല്ലെ​ന്ന് ചൂ​ണ്ടി​ക്കാ​ട്ടി​യാ​ണ് ജ​സ്റ്റി​സ് സ​​​ഞ്ജ​​​യ് കി​​​ഷ​​​ൻ കൗ​​​ൾ അ​​​ധ്യ​​​ക്ഷ​​​നാ​​​യ ബെ​​​ഞ്ച്, ഹൈ​കോ​ട​തി വി​ധി റ​ദ്ദാ​ക്കി​യ​ത്. അ​തി​ശൈ​ത്യ​ത്തേ​ക്കാ​ളേറെ, ഭ​ര​ണ​കൂ​ട​ത്തി​ന്റെ നി​ഷ്ഠുര​മാ​യ ഇ​ട​പെ​ട​ലി​ൽ ​ആ​കെ മ​ര​വി​ച്ചു​പോ​യ ഹ​ൽ​ദ്വാ​നി​യി​ലെ ജ​ന​ങ്ങ​ൾ​ക്ക് ത​ൽ​ക്കാ​ല​ത്തേ​ക്ക് ആ​ശ്വ​സി​ക്കാ​മെ​ന്നേ പ​റ​യാ​നാ​കൂ; കാ​ര​ണം, വി​ഷ​യ​ത്തി​ൽ കേ​ന്ദ്ര​സ​ർ​ക്കാ​റി​ന്റെ വി​ശ​ദീ​ക​ര​ണം വ​രു​ന്ന​തു​വ​രെ മാ​​ത്ര​മാ​ണ് സ്റ്റേ ​ബാ​ധ​കം.

പ​ല അ​ർ​ഥ​ത്തി​ൽ, ഹ​ൽ​ദ്വാ​നി​യി​ലെ സു​പ്രീം​കോ​ട​തി ഇ​ട​പെ​ട​ൽ പ്ര​സ​ക്ത​വും ച​രി​ത്ര​പ​ര​വു​മാ​ണ്. ഒ​ന്നാ​മ​താ​യി, ഉ​ത്ത​രാ​ഖ​ണ്ഡ് ഹൈ​കോ​ട​തി ഈ ​വി​ഷ​യ​ത്തെ തീ​ർ​ത്തും സാ​​ങ്കേ​തി​ക​മാ​യി സ​മീ​പി​ച്ച് ഒ​രു തീ​ർ​പ്പ് ക​ൽ​പി​ച്ച​പ്പോ​ൾ, ആ ​സ​മീ​പ​നം തെ​റ്റാ​യി​രു​ന്നു​വെ​ന്ന് പ്ര​ഖ്യാ​പി​ക്കു​ക​യാ​യി​രു​ന്നു പ​ര​മോ​ന്ന​ത നീ​തി​പീ​ഠം. സാ​​​ങ്കേ​തി​ക​വും നി​യ​മ​പ​ര​വു​മാ​യ കാ​ര്യ​ങ്ങ​ൾ​ക്ക​പ്പു​റം ഇ​തൊ​രു മാ​നു​ഷി​കപ്ര​ശ്ന​മാ​ണെ​ന്ന് ജ​സ്റ്റി​സ് എ.​എ​സ്. ഓ​ഖ പ്ര​ത്യേ​കം നി​രീ​ക്ഷി​ക്കു​ക​യും ചെ​യ്തു. കു​ടി​യി​റ​ക്കി​ക്കൊ​ണ്ടു​ള്ള ഏ​ത് വി​ക​സ​ന​മാ​യാ​ലും ​അ​തി​ൽ പ്രാ​യോ​ഗി​ക പ​രി​ഹാ​ര​മാ​ണ് വേ​ണ്ട​തെ​ന്ന് വി​ധിന്യാ​യ​ത്തി​ലെ നി​ർ​ദേ​ശം ഈ ​നി​രീ​ക്ഷ​ണ​ത്തി​ന്റെ തു​ട​ർ​ച്ച​യാ​യി വി​ല​യി​രു​ത്താ​വു​ന്ന​താ​ണ്. പു​ന​ര​ധി​വാ​സ​മ​ട​ക്ക​മു​ള്ള പ​രി​ഹാ​ര​ങ്ങ​ളും കോ​ട​തി ചൂ​ണ്ടി​ക്കാ​ട്ടി​യി​ട്ടു​ണ്ട്. ഇ​തെ​ല്ലാം സം​സ്ഥാ​ന സ​ർ​ക്കാ​റും റെ​യി​ൽ​വേ​യും പ​രി​ഗ​ണി​ക്കു​മോ എ​ന്നൊ​ക്കെ ക​ണ്ട​റി​യു​ക ത​ന്നെ​വേ​ണം. അ​തെ​ന്താ​യാ​ലും, ഇ​ര​ക​ളോ​ട് നീ​തി​യു​ക്ത​വും അ​നു​ക​മ്പാ​പൂ​ർ​ണ​വു​മാ​യ സ​മീ​പ​നം പ​ര​മോ​ന്ന​ത നീ​തി​പീ​ഠ​ത്തി​ൽ​നി​ന്നു​ണ്ടാ​കു​മ്പോ​ൾ അ​തി​ൽ സ​​ന്തോ​ഷി​ക്കാ​നേ​റെ​യു​ണ്ട്. വി​ശേ​ഷി​ച്ചും, സ​മീ​പ​കാ​ല അ​നു​ഭ​വ​ങ്ങ​ൾ തി​രി​ച്ചാ​കു​മ്പോ​ൾ.

ഏ​താ​നും ദി​വ​സ​ങ്ങ​ൾ​ക്കു​മു​മ്പ് നോ​ട്ടു​നി​രോ​ധ​ന​ത്തെ ശ​രി​വെ​ച്ചു​കൊ​ണ്ടു​ള്ള സു​പ്രീം​കോ​ട​തി വി​ധി ശ്ര​ദ്ധി​ക്കു​ക. അ​തി​ൽ, ല​ക്ഷ​ക്ക​ണ​ക്കി​ന് ആ​ളു​ക​ളെ തെ​രു​വി​ലി​റ​ക്കി​യ ന​ട​പ​ടി​യി​ലെ മാ​നു​ഷി​ക ക്രൂ​ര​ത​ക​ൾ ക​ണ്ടി​ല്ലെ​ന്ന് ന​ടി​ച്ച നീ​തി​പീ​ഠം വി​ഷ​യ​ത്തെ തീ​ർ​ത്തും സാ​​ങ്കേ​തി​ക​ത​യി​ൽ ചു​രു​ക്കി ഭ​ര​ണ​കൂ​ട​ത്തി​ന് ക്ലീ​ൻ ചി​റ്റ് ന​ൽ​കി. ബി​ൽ​കി​സ് ബാ​നു കേ​സി​ലും മ​റ്റൊ​ന്ന​ല്ല സം​ഭ​വി​ച്ച​ത്. പൊ​തു​വി​ൽ ന​മ്മു​ടെ നീ​തി​പീ​ഠ​ങ്ങ​ൾ അ​ടു​ത്ത കാ​ല​ത്താ​യി തു​ട​ർ​ന്നു​വ​രു​ന്ന ഈ ​ന​യം ത​ന്നെ​യാ​യി​രു​ന്നു ഉ​ത്ത​രാ​ഖ​ണ്ഡ് ഹൈ​കോ​ട​തി​യു​ടെ ഭാ​ഗ​ത്തു​നി​ന്നു​മു​ണ്ടാ​യ​ത്. പ​ക്ഷേ, അ​തി​ന് വ​ലി​യൊ​രു തി​രു​ത്ത് ചൂ​ണ്ടി​ക്കാ​ണി​ക്കാ​ൻ സു​പ്രീം​കോ​ട​തി ത​യാ​റാ​യി എ​ന്ന​ത് ഒ​ട്ടും ചെ​റി​യ കാ​ര്യ​മ​ല്ല.

ഹ​ൽ​ദ്വാ​നി​യി​ൽ ബു​ൾ​ഡോ​സ​ർ രാ​ജി​നു​ള്ള നീ​ക്കം ത​ൽ​ക്കാ​ല​​ത്തേ​ക്കെ​ങ്കി​ലും ത​ട​യാ​നാ​യി എ​ന്ന​താ​ണ് ഈ ​വി​ധി​യെ പ്ര​സ​ക്ത​മാ​ക്കു​ന്ന മ​റ്റൊ​രു കാ​ര്യം. ബി.​ജെ.​പി​ക്ക് ഭ​ര​ണസ്വാ​ധീ​ന​മു​ള്ള മേ​ഖ​ല​ക​ളി​ൽ അ​വ​രു​ടെ ഏ​റ്റ​വും വ​ലി​യ രാ​ഷ്ട്രീ​യദ​ണ്ഡാ​ണ് ബു​ൾ​ഡോ​സ​റു​ക​ൾ. ഉ​ത്ത​ർ​പ്ര​ദേ​ശി​ലും ഗു​ജ​റാ​ത്തി​ലും അ​സ​മി​ലും മ​ധ്യ​പ്ര​ദേ​ശി​ലും ഡ​ൽ​ഹി​യി​ലെ മുനി​സി​പ്പ​ൽ കോ​ർ​പ​റേ​ഷ​ൻ പ​രി​ധി​യി​ലു​മെ​ല്ലാം മു​ൻ​വ​ർ​ഷ​ങ്ങ​ളി​ൽ അ​ത് ക​ണ്ട​താ​ണ്. രാ​ഷ്ട്രീ​യ പ്ര​തി​യോ​ഗി​ക​ളെ ‘ഇ​ടി​ച്ചു​നി​ര​ത്താ​നു’​ള്ള അ​വ​രു​ടെ ഒ​ന്നാ​ന്ത​ര​മൊ​രു ആ​യു​ധ​മാ​ണ് ബു​ൾ​ഡോ​സ​റു​ക​ൾ. മി​ക്ക​പ്പോ​ഴും അ​തി​ൽ ഇ​ര​ക​ളാ​കു​ന്ന​താ​ക​ട്ടെ, രാ​ജ്യ​ത്തെ ന്യൂ​ന​പ​ക്ഷ​ങ്ങ​ളും. മധ്യ​പ്രദേശിലെ ഖാർഗാവിലും ഡൽഹിയിലെ ജഹാംഗീർപുരിയി​ലും യു.​പി​യി​ലെ പ്ര​യാ​ഗ് രാ​ജി​ലു​മെ​ല്ലാം അ​ന​ധി​കൃ​ത കെ​ട്ടി​ട​ങ്ങ​ളെ​ന്ന് ചൂ​ണ്ടി​ക്കാ​ട്ടി ഇ​ടി​ച്ചുനി​ര​ത്തി​യ​ത് മു​ഴു​വ​ൻ ന്യൂ​ന​പ​ക്ഷ വി​ഭാ​ഗ​ങ്ങ​ളു​ടേ​താ​യി​രു​ന്നു. പ​ല​പ്പോ​ഴും നോ​ട്ടീ​സ് പോ​ലും ന​ൽ​കാ​തെ ഒ​രു സു​പ്ര​ഭാ​ത​ത്തി​ൽ അ​ധി​കാ​രി​ക​ൾ വ​ന്ന് ഇ​ടി​ച്ചു​പൊ​ളി​ക്കു​ക​യാ​യി​രു​ന്നു ഈ ​കെ​ട്ടി​ട​ങ്ങ​ളെ​ല്ലാം. ഹി​ന്ദു​ത്വ​യു​ടെ ന്യൂ​ന​പ​ക്ഷ​വേ​ട്ട​യു​ടെ ഭാ​ഗ​മാ​യി​ട്ടു​ത​ന്നെ​യാ​ണ് ഇ​തെ​ല്ലാം വി​ല​യി​രു​ത്ത​പ്പെ​ട്ടി​ട്ടു​ള്ള​ത്.

ഹ​ൽ​ദ്വാ​നി​യു​ടെ കാ​ര്യ​വും വ്യ​ത്യ​സ്ത​മാ​​യി​രു​ന്നി​ല്ല. അ​വി​ടെ​യും ഭ​ര​ണ​കൂ​ടം ല​ക്ഷ്യ​മി​ട്ട​ത് 95 ശ​ത​മാ​നം വ​രെ മു​സ്‍ലിം​ക​ൾ തി​ങ്ങി​പ്പാ​ർ​ക്കു​ന്ന ഗ​ഫൂ​ർ ബ​സ്തി പോ​ലു​ള്ള മേ​ഖ​ല​ക​ളാ​ണ്. ആ​രാ​ധ​നാ​ല​യ​ങ്ങ​ളും വി​ദ്യാ​ല​യ​ങ്ങ​ളു​മെ​ല്ലാം പ്ര​വ​ർ​ത്തി​ക്കു​ന്ന ഈ ​പ്ര​ദേ​ശം കോ​വി​ഡ് കാ​ല​ത്തെ ലോ​ക്ഡൗ​ണി​ന്റെ മ​റ​വി​ലാ​ണ് പി​ടി​ച്ചെ​ടു​ക്കാ​നു​ള്ള ന​ട​പ​ടി​ക​ൾ ആ​രം​ഭി​ച്ച​തെ​ന്നു​കൂ​ടി അ​റി​യു​മ്പോ​ഴാ​ണ് ഭ​ര​ണ​കൂ​ടവേ​ട്ട​യു​ടെ ആ​ഴം മ​ന​സ്സി​ലാ​കുക. പ്ര​യാ​ഗ് രാ​ജി​ലും ജഹാംഗീർപുരിയിലും ​മ​റ്റും സ​ർ​വതും ത​രി​പ്പ​ണ​മാ​യ​ശേ​ഷ​മാ​ണ് കോ​ട​തി കേ​സ് പ​രി​ഗ​ണി​ച്ച​ത്. പി​ന്നീ​ട്, സം​ഭ​വ​ത്തി​ൽ അ​പ​ല​പി​ക്കാ​ൻ മാ​ത്ര​മെ നീ​തി​പീ​ഠ​ത്തി​ന് ക​ഴി​യു​മാ​യി​രു​ന്നു​ള്ളൂ. ഭാ​ഗ്യ​വ​ശാ​ൽ, ഹ​ൽ​ദ്വാ​നി​യിൽ കെ​ട്ടി​ട​ങ്ങ​ൾ പൊ​ളി​ച്ചു​തു​ട​ങ്ങും മു​മ്പേ സു​പ്രീം​കോ​ട​തി ഇ​ട​പെ​ട്ടു. അ​തു​കൊ​ണ്ട് മാ​ത്രം ര​ക്ഷ​യാ​യി. അ​പ്പോ​ഴും ഇ​തെ​ല്ലാം എ​ത്ര കാ​ല​ത്തേ​ക്കെ​ന്ന ചോ​ദ്യം ബാ​ക്കി.