കു​ടും​ബ​​ശ്രീ കാ​ൽ​നൂ​റ്റാ​ണ്ട് പി​ന്നി​ടു​മ്പോ​ൾ

ദാ​രി​ദ്ര്യനി​ർ​മാ​ർജ​ന​ത്തി​നും സ്ത്രീ ​ശാ​ക്തീ​ക​ര​ണ​ത്തി​നും പു​തു​വ​ഴി വെ​ട്ടി​ത്തെ​ളി​ച്ച് രാ​ജ്യ​ത്തി​ന് ബ​ദ​ൽമാ​തൃ​ക കാ​ണി​ച്ച കു​ടും​ബ​ശ്രീ പ്ര​സ്ഥാ​നം കാ​ൽ​നൂ​റ്റാ​ണ്ട് പി​ന്നി​ട്ടി​രി​ക്കു​ന്നു. ഇ​ക്ക​ഴി​ഞ്ഞ റി​പ്പ​ബ്ലി​ക് ദി​ന​ത്തി​ൽ, കു​ടും​ബ​ശ്രീ​യു​ടെ ര​ജ​തജൂ​ബി​ലി ആ​ഘോ​ഷ​ങ്ങ​ൾ​ക്ക് ഔ​ദ്യോ​ഗി​ക തു​ട​ക്ക​മാ​യി; മേ​യ് 17വ​രെ നീ​ളു​ന്ന ആ​ഘോ​ഷ പ​രി​പാ​ടി​ക​ൾ, അ​ന്താ​രാ​ഷ്ട്ര കോ​ൺ​​ക്ലേ​വോ​ടെ​യാ​കും അ​വ​സാ​നി​ക്കു​ക. ക​ഴി​ഞ്ഞ​ദി​വ​സം, ‘ചു​വ​ട് 2023’ എ​ന്നപേ​രി​ൽ സം​ഘ​ടി​പ്പി​ച്ച അ​യ​ൽ​ക്കൂ​ട്ട സം​ഗ​മ​ത്തി​ൽ, മൂ​ന്നു ല​ക്ഷ​ത്തി​ൽ​പ​രം യൂ​നി​റ്റു​ക​ളി​ൽ​നി​ന്നാ​യി 40 ല​ക്ഷ​ത്തി​ല​ധി​കം വ​നി​ത​ക​ളാ​ണ് പ​ങ്കാ​ളി​ക​ളാ​യ​തെ​ന്നാ​ണ് ഔ​ദ്യോ​ഗി​ക വി​വ​​രം. 3.09 ല​ക്ഷം അ​യ​ൽ​ക്കൂ​ട്ട​ങ്ങ​ളി​ലാ​യി പ്ര​വ​ർ​ത്തി​ക്കു​ന്ന 46 ല​ക്ഷ​ത്തോ​ളം വ​നി​ത​ക​ൾ; ഇ​തി​നു​പു​റ​മെ,18നും 40നുമി​ട​യി​ൽ പ്രാ​യ​മു​ള്ള​വ​ർ​ക്കാ​യു​ള്ള 19,000 ഓ​ക്സി​ല​റി ഗ്രൂ​പ്പും. ഇ​ത്ര​യും വി​പു​ല​മാ​യൊ​രു വ​നി​താ​കൂ​ട്ടാ​യ്മ ലോ​ക​ത്ത് മ​റ്റെ​വി​ടെ​യെ​ങ്കി​ലു​മു​ണ്ടാ​കു​മോ എ​ന്ന് സം​ശ​യ​മാ​ണ്. കാ​ൽ​നൂ​റ്റാ​ണ്ടി​നി​ടെ, അ​സാ​ധ്യ​മെ​ന്ന് തോ​ന്നി​യ പ​ല ക​ട​മ്പ​ക​ളും പി​ന്നി​ട്ട​തി​ന്റെ ച​രി​ത്ര​സാ​ക്ഷ്യം​കൂ​ടി​യു​ണ്ട് ഈ ​പ്ര​സ്ഥാ​ന​ത്തി​ന്. അ​തു​കൊ​ണ്ടു​ത​ന്നെ, കു​ടും​ബ​ശ്രീ 25ാം വാ​ർ​ഷി​കം ആ​ഘോ​ഷി​ക്കു​മ്പോ​ൾ അ​ത് ഓ​രോ മ​ല​യാ​ളി​യു​ടെ​യും അ​ഭി​മാ​നനി​മി​ഷം ത​ന്നെ.

1998 മേയ് 17ന് ​അ​ന്ന​ത്തെ പ്ര​ധാ​ന​മ​ന്ത്രി അ​ട​ൽ ബി​ഹാ​രി വാ​ജ്പേ​യി കു​ടും​ബ​ശ്രീ​യു​ടെ ഔ​​ദ്യോ​ഗി​ക പ്ര​ഖ്യാ​പ​നം ന​ട​ത്തു​മ്പോ​ൾ, അ​ത് കേ​വ​ല​മൊ​രു ദാ​രി​ദ്ര്യ​നി​ർ​മാ​ർജ​ന പ​ദ്ധ​തി മാ​​ത്ര​മാ​യി​രു​ന്നു. ജ​ന​കീ​യാ​സൂത്ര​ണ​ത്തി​ന്റെ തു​ട​ർ​ച്ച​യി​ൽ സം​ഭ​വി​ച്ച ഈ ​പ്ര​സ്ഥാ​നം വ​നി​താ​ശാ​ക്തീ​ക​ര​ണ​ത്തി​ന് എ​പ്ര​കാ​ര​മാ​കും മു​ത​ൽക്കൂട്ടാ​വു​ക എ​ന്ന​തി​ൽ പ​ല​ർ​ക്കും അ​വ്യ​ക്ത​ത​ക​ളു​ണ്ടാ​യി​രു​ന്നു​. പ​ക്ഷേ, കൃ​ത്യ​മാ​യ ആ​സൂ​ത്ര​ണ​ത്തോ​ടെ അ​ത് മു​ന്നോ​ട്ടു​പോ​യ​പ്പോ​ൾ അ​ത്ഭു​തം തന്നെ സം​ഭ​വിച്ചു. വാ​സ്ത​വ​ത്തി​ൽ, ‘കു​ടും​ബ​ശ്രീ’​ക്ക് മു​ന്നേ, കേ​ര​ള​ത്തി​ൽ സ​മാ​ന സ്വ​ഭാ​വ​ത്തി​ലു​ള്ള ചെ​റു ‘അ​യ​ൽ​ക്കൂ​ട്ട’​ങ്ങ​ൾ രൂ​പ​പ്പെ​ട്ടി​ട്ടു​ണ്ടാ​യി​രു​ന്നു. 70ക​ളി​ൽ​ത​ന്നെ, ആ​ല​പ്പു​ഴ​യി​ലെ ക​ഞ്ഞി​പ്പാ​ടം പ​ഞ്ചാ​യ​ത്തി​ൽ ഇ​ത്ത​ര​ത്തി​ലൊ​രു പ​രീ​ക്ഷ​ണം പ്ര​മു​ഖ ഗാ​ന്ധി​യ​ൻ പ​ങ്ക​ജാ​ക്ഷ കു​റു​പ്പ് ന​ട​ത്തി​യി​രു​ന്നു. നി​ത്യ​വും കാ​ണാ​റു​ള്ള വീ​ട്ടു​കാ​രു​ടെ ‘അ​യ​ൽ​ക്കൂ​ട്ട’​വും അ​ഞ്ചോ ആ​റോ ‘അ​യ​ൽ​ക്കൂ​ട്ടം’ ചേ​ർ​ന്ന ‘ത​റ​ക്കൂ​ട്ട​വും’ അ​തി​നു​മു​ക​ളി​ൽ ‘ഗ്രാ​മ​ക്കൂ​ട്ട​വു’​മൊ​ക്കെ ഏ​റക്കു​റെ വി​ജ​യ​ക​ര​മാ​യി സം​ഘ​ടി​പ്പി​ച്ച കു​റു​പ്പി​ന്റെ​യും അ​തു​വ​ഴി 90ക​ളി​ൽ സാ​ധ്യ​മാ​യ ‘ആ​ല​പ്പു​ഴ മോ​ഡ​ലു’​മൊ​ക്കെ​യാ​ണ് കു​ടും​ബ​ശ്രീ​യു​ടെ പൂ​ർ​വ​മാ​തൃ​ക. 94ൽ, ​ദാ​രി​ദ്ര്യ​നി​ർ​മാ​ർ​ജ​നത്തി​നാ​യി രൂ​പംകൊ​ണ്ട ‘മ​ല​പ്പു​റം മോ​ഡ​ലു’​മു​ണ്ട്. ത​ദ്ദേ​ശസ്ഥാ​പ​ന​ങ്ങ​ളു​ടെ മേ​ൽ​നോ​ട്ട​ത്തി​ൽ, ഇ​ത്ത​രം പ്രാ​ദേ​ശി​ക കൂ​ട്ടാ​യ്മ​ക​ളി​ലൂ​ടെ ദാ​രി​ദ്ര്യ​നി​ർ​മാ​ർ​ജ​നം സാ​ധ്യ​മാ​കു​മെ​ന്ന് തെ​ളി​ഞ്ഞ​തോ​ടെ​യാ​ണ് വി​പു​ല​മാ​യൊ​രു ദൗ​ത്യ​ത്തി​ന് അ​ന്ന​ത്തെ ഇ​ട​തു സ​ർ​ക്കാ​ർ സ​ജ്ജ​മാ​യ​ത്. ജ​ന​കീ​യാ​സൂ​ത്ര​ണം വ​ലി​യ ആ​ഘോ​ഷ​ങ്ങ​ളോ​ടെ കൊ​ണ്ടാ​ടി​യ കേ​ര​ള ജ​ന​ത ‘കു​ടും​ബ​ശ്രീ’​യെയും ഏ​റ്റെ​ടു​ത്തു. അ​ത് വ​ലി​യ വി​ജ​യ​വു​മാ​യി.

ദാ​രി​​ദ്ര്യനി​ർ​മാ​ർജ​ന​ത്തി​ൽ, മ​റ്റു സം​സ്ഥാ​ന​ങ്ങ​ൾ​ക്ക് മാ​തൃ​ക​യാ​കുംവി​ധം കേ​ര​ളം ക​ഴി​ഞ്ഞ ​കാ​ൽ​നൂ​റ്റാ​ണ്ടി​നി​ട​യി​ൽ മു​ന്നോ​ട്ടു​കു​തി​ച്ച​ത് ‘കു​ടും​ബ​ശ്രീ’​യു​ടെകൂ​ടി ബ​ല​ത്തി​ലാ​ണെ​ന്ന് പ​റ​യേ​ണ്ടി​വ​രും. പ​ത്തു വ​ർ​ഷ​ത്തി​നു​ള്ളി​ൽ സം​സ്ഥാ​ന​ത്തെ ദാ​രി​ദ്ര്യം തു​ട​ച്ചു​നീ​ക്കു​ക എ​ന്ന ല​ക്ഷ്യ​​ത്തോ​ടെ​യാ​ണ് ‘കു​ടും​ബ​ശ്രീ’​യു​ടെ പ്ര​വ​ർ​ത്ത​നം ആ​രം​ഭി​ച്ച​തു​ത​ന്നെ. ആ ​സ​മ​യ​ത്ത്, കേ​ര​ള​ത്തി​ലെ ദാ​രി​ദ്ര്യനി​ര​ക്ക് 25 ശ​ത​മാ​ന​ത്തോ​ള​മാ​യി​രു​ന്നു. 2011ൽ ​അ​ത് 5.3ലേ​ക്ക് കു​റ​ച്ചു​കൊ​ണ്ടു​വ​രാ​ൻ സാ​ധി​ച്ചു. 2021ലെ, ​നി​തി ആ​യോ​ഗി​ന്റെ ദാ​രി​ദ്ര്യസൂ​ചി​ക പ്ര​കാ​രം, കേ​ര​ള​ത്തി​ൽ മു​ക്കാ​ൽ ശ​ത​മാ​നം ജ​ന​ങ്ങ​ൾ മാ​ത്ര​മാ​ണ് ദ​രി​ദ്ര​രാ​യി​ട്ടു​ള്ള​ത്. വീ​ട്ടു​മു​റ്റ​ത്തെ ബാ​ങ്കാ​യും ചെ​റു​കി​ട സം​രം​ഭ​ങ്ങ​ളി​ലൂ​ടെ​യും മ​റ്റും സാ​ധി​ച്ച നാ​രീ​വി​പ്ല​വം ത​ന്നെ​യാ​ണി​ത്. വി​വി​ധ പ​ദ്ധ​തി​ക​ളു​ടെ ഭാ​ഗ​മാ​യി സം​സ്ഥാ​ന​ത്ത് ല​ക്ഷ​ത്തി​ൽ​പ​രം സൂ​ക്ഷ്മ സം​​രം​ഭ​ങ്ങ​ൾ​ക്കാ​ണ് കു​ടും​ബ​ശ്രീ നേ​തൃ​ത്വം ന​ൽ​കു​ന്ന​ത്. ചെ​റി​യ ഹോ​ട്ട​ലു​ക​ളും അ​ച്ചാ​ർ ക​മ്പ​നി​ക​ളും മ​റ്റു​മാ​യി നാം ​ക​ണ്ടു​വ​രു​ന്ന ഇ​ത്ത​രം സം​​രം​ഭ​ങ്ങ​ൾ വ​ലി​യ അ​ള​വി​ൽ സ്ത്രീ​ക​ൾ​ക്ക് സാ​മ്പ​ത്തി​ക സു​ര​ക്ഷി​ത​ത്വം ഉ​റ​പ്പു​ന​ൽ​കി​യി​ട്ടു​ണ്ട്. തൊ​ഴി​ലു​റ​പ്പ് പോ​ലു​ള്ള പ​ദ്ധ​തി​ക​ളെ കേ​ര​ള​ത്തി​ൽ ഏ​റെ സ​ജീ​വ​മാ​ക്കി നി​ല​നി​ർത്തു​ന്ന​തി​ലും അ​ത്ത​രം പ്ര​വൃ​ത്തി​ക​ളെ​യും പ​ദ്ധ​തി​ക​ളെ​യും ക്രി​യാ​ത്മ​ക​വും വി​ക​സ​നോ​ന്മു​ഖ​വു​മാ​ക്കി മാ​റ്റിത്തീ​ർ​ക്കു​ന്ന​തി​ലും കു​ടും​ബ​ശ്രീ​ക്ക് ചെ​റു​ത​ല്ലാ​ത്ത പ​ങ്കു​ണ്ട്. സേ​വ​നരം​ഗ​ത്തും ഇ​വ​ർ നി​ല​യു​റ​പ്പി​ച്ചി​ട്ടു​ണ്ട്. കോ​വി​ഡ്, പ്ര​ള​യകാ​ല​ങ്ങ​ളി​ൽ അ​ത് നേ​രി​ട്ട് അ​നു​ഭ​വി​ച്ച​വ​രാ​ണ് മ​ല​യാ​ളി​ക​ൾ. ഗ്രാ​മ​സ​ഭ​ക​ളി​ൽ സ​ജീ​വ സാ​ന്നി​ധ്യ​മാ​വു​ക വ​ഴി, ജ​നാ​ധി​പ​ത്യ​ ശാ​ക്തീ​ക​ര​ണ ​പ്ര​ക്രി​യ​ക​ളി​ലും അവർ സ്തു​ത്യ​ർ​ഹ​മാ​യ പ​ങ്ക് വ​ഹിച്ചു. ആ ​അ​ർ​ഥ​ത്തി​ൽ, കേ​വ​ലം ഒ​രു സ​ർ​ക്കാ​ർപ​ദ്ധ​തി​യെ സ​മൂ​ഹന​ന്മ​ക്കാ​യി എ​ങ്ങനെ​യെ​ല്ലാം പ​രി​വ​ർ​ത്തി​പ്പി​ക്കാ​മെ​ന്ന​തി​ന്റെ മി​ക​ച്ച ഉ​ദാ​ഹ​ര​ണം ത​ന്നെയാ​ണീ പ്ര​സ്ഥാ​നം.

സ്ത്രീ ​ശാ​ക്തീ​ക​ര​ണ​ത്തി​ന്റെ മ​ഹ​നീ​യ മാ​തൃ​ക എ​ന്നൊ​ക്കെ വി​ശേ​ഷി​പ്പി​ക്കു​മ്പോ​ഴും, ‘കു​ടും​ബ​ശ്രീ’​യും വി​മ​ർ​ശ​ന​ങ്ങ​ൾ​ക്ക​തീ​ത​മാ​യ പ്ര​സ്ഥാ​ന​മൊ​ന്നു​മ​ല്ല. അ​ക്കാ​ദ​മി​ക, രാ​ഷ്ട്രീ​യ വൃ​ത്ത​ങ്ങ​ൾ നി​ര​വ​ധി ദൗ​ർ​ബ​ല്യ​ങ്ങ​ൾ അതിന്​ ചൂ​ണ്ടി​ക്കാ​ണി​ച്ചി​ട്ടു​ണ്ട്. സ്ത്രീശാ​ക്തീ​ക​ര​ണ​മാ​ണ് അ​ടി​സ്ഥാ​ന ല​ക്ഷ്യ​മെ​ന്ന് പ​റ​യു​മ്പോ​ഴും, നി​ല​വി​ലെ പു​രു​ഷ​കേ​ന്ദ്രീ​കൃ​ത ഭ​ര​ണ​വ്യ​വ​സ്ഥ​യു​ടെ വി​ക​​സ​ന കാ​ഴ്ച​പ്പാ​ടു​ക​ൾ​ക്ക് കൃ​ത്യ​മാ​യ ബ​ദ​ലു​ക​ൾ ആ​വി​ഷ്ക​രി​ക്കു​ന്ന​തി​ൽ കു​ടും​ബ​ശ്രീ പ​രാ​ജ​യ​പ്പെ​ട്ടു​വെ​ന്ന വി​ല​യി​രു​ത്ത​ലി​ൽ ശ​രി​യു​ണ്ട്.

നി​ല​വി​ലെ ഭ​ര​ണ​വ്യ​വ​സ്ഥ​യി​ൽ, അ​ധി​ക​രി​പ്പി​ച്ച വ​നി​തപ്രാ​തി​നി​ധ്യം ഉ​റ​പ്പാ​ക്കാൻ അവർക്കു കഴിഞ്ഞിട്ടുണ്ട്​; 202​0​ലെ ​ത​ദ്ദേ​ശ തെ​ര​ഞ്ഞെ​ടു​പ്പി​ൽ ഏ​ഴാ​യി​ര​ത്തി​ല​ധി​കം കു​ടും​ബ​ശ്രീ പ്ര​വ​ർ​ത്ത​ക​ർ വി​ജ​യിച്ചു. ത​ദ്ദേ​ശ സ്ഥാ​പ​ന​ങ്ങ​ളി​ലേ​ക്ക്​ തെര​ഞ്ഞെ​ടു​ക്ക​പ്പെ​ട്ട​വ​രി​ൽ മൂ​ന്നി​ലൊ​ന്നും കു​ടും​ബ​ശ്രീ അം​ഗ​ങ്ങ​ളാ​ണ്. താ​ഴേത്ത​ട്ടി​ൽ ഇ​ത്ര​യേ​റെ പേ​ർ തെ​ര​ഞ്ഞെ​ടു​ക്ക​പ്പെ​ട്ടി​ട്ടും ലിം​ഗ​നീ​തി​യി​ല​ധി​ഷ്ഠി​ത​വും സ​മ​ഗ്ര​വു​മാ​യ ബ​ദ​ൽ വി​ക​സ​ന കാ​ഴ്ച​പ്പാ​ട് മു​ന്നോ​ട്ടു​വെ​ക്കാ​ൻ ഈ ​പ്ര​സ്ഥാ​ന​ത്തി​നാ​യോ എ​ന്ന​ത് സം​ശ​യ​മാ​ണ്. നി​ല​വി​ലെ വ്യ​വ​സ്ഥ​യോ​ട് ചേ​ർ​ന്നു​നി​ന്നു​ത​ന്നെയാ​ണ് കു​ടും​ബ​ശ്രീ​യു​ടെ​യും സ​ഞ്ചാ​ര​മെ​ന്ന് ചു​രു​ക്കം. കു​ടും​ബ​ശ്രീ സി.​പി.​എ​മ്മി​ന്റെ മ​റ്റൊ​രു ജ​ന​കീ​യ രാ​ഷ്ട്രീ​യാ​യു​ധ​മാ​ണെ​ന്ന വി​മ​ർ​ശ​നം മു​ഖ​വി​ല​​ക്കെ​ടു​ക്കേ​ണ്ടി​വ​രു​ന്ന​ത് ഈ ​നി​രീ​ക്ഷ​ണ​ത്തി​ന്റെ പു​റ​ത്താ​ണ്. അ​തു​കൊ​ണ്ടു​ത​ന്നെ, ര​ജ​ത​ജൂ​ബി​ലി ആ​ഘോ​ഷ​ങ്ങ​ൾ​ക്കി​ട​യി​ൽ കു​ടും​ബ​ശ്രീ മി​ഷ​ൻ സ്വ​യം വി​മ​ർ​ശ​ന​ത്തി​നും സ​ജ്ജ​മാ​കേ​ണ്ട​തു​ണ്ട്.