ഭാ​ഗ​വ​തി​ന്റെ ‘സ​മ​ത്വ’ ദ​ർ​ശ​നം

രാ​ജ്യ​ത്തെ ജാ​തി​സ​​മ്പ്ര​ദാ​യ​ത്തെ​ക്കു​റി​ച്ച് ആ​ർ.​എ​സ്.​എ​സ് സ​ർ​സം​ഘ് ചാ​ല​ക് മോ​ഹ​ൻ ഭാ​ഗ​വ​ത് ന​ട​ത്തി​യൊ​രു പ​രാ​മ​ർ​ശം ദേ​ശീ​യ രാ​ഷ്ട്രീ​യ​ത്തി​ൽ പു​തി​യൊ​രു ച​ർ​ച്ച​ക്ക് വ​ഴി​വെ​ച്ചി​രി​ക്കു​ക​യാ​ണ്. ക​ഴി​ഞ്ഞ ഞാ​യ​റാ​ഴ്ച, മും​ബൈ​യി​ലെ ര​വീ​ന്ദ്ര നാ​ട്യ മ​ന്ദി​റി​ൽ ഭ​ക്തക​വി ര​വി​ദാ​സി​ന്റെ ജ​ന്മ​വാ​ർ​ഷി​കാ​ഘോ​ഷ പ​രി​പാ​ടി​യി​ൽ സം​സാ​രി​ക്ക​വെ, ജാ​തി​യെ​ന്ന​ത് ദൈ​വി​ക​മാ​യൊ​ന്ന​ല്ലെ​ന്നും അ​ത് ബ്രാ​ഹ്മ​ണ്യം അ​ടി​ച്ചേ​ൽ​പി​ച്ച​താ​ണെ​ന്നു​മു​ള്ള ത​ര​ത്തി​ലാ​യി​രു​ന്നു അ​ദ്ദേ​ഹ​ത്തി​ന്റെ പ്ര​സ്താ​വ​ന. ​സ​വ​ർ​ണ​ർ എ​ന്നോ ബ്രാ​ഹ്മ​ണ​ർ എ​ന്നോ നേ​രി​ട്ടുപ​റ​യാ​തെ, ‘പ​ണ്ഡി​റ്റു​ക​ളാ’​ണ് ഇ​ന്ത്യ​യി​ലെ ജാ​തി​വ്യ​വ​സ്ഥ​യു​ടെ വ​ക്താ​ക്ക​ളും പ്രാ​യോ​ജ​ക​രു​മെ​ന്നാ​ണ് മ​റാ​ത്തി ഭാ​ഷ​യി​ൽ ന​ട​ത്തി​യ പ്ര​സം​ഗ​ത്തി​ൽ അ​ദ്ദേ​ഹം പ​റ​ഞ്ഞ​ത്. സ​വ​ർ​ണ-​​ബ്രാ​ഹ്മ​ണി​ക് ആ​ശ​യ​ത്തി​ൽ ഉ​ദ​യംചെ​യ്ത ആ​ർ.​എ​സ്.​എ​സ് പ്ര​സ്ഥാ​ന​ത്തി​ന്റെ സ​മു​ന്ന​ത​നാ​യ നേ​താ​വു​ത​ന്നെ ഇ​ത്ത​ര​മൊ​രു പ്ര​സ്താ​വ​ന ന​ട​ത്തി​യ​പ്പോ​ൾ സ്വാ​ഭാ​വി​ക​മാ​യും അ​ത് ദേ​ശീ​യ മാ​ധ്യ​മ​ങ്ങ​ൾ വ​ലി​യ പ്രാ​ധാ​ന്യ​ത്തോ​ടെ റി​പ്പോ​ർ​ട്ട് ചെ​യ്തു; പ​ല​രും പ്ര​സം​ഗ​ത്തി​ന്റെ പ്ര​സ​ക്ത ഭാ​ഗ​ങ്ങ​ൾ പ്ര​സി​ദ്ധീ​ക​രി​ച്ചു.

ശാ​സ്ത്ര​ങ്ങ​ളു​ടെ അ​ടി​സ്ഥാ​ന​ത്തി​ൽ പു​രോ​ഹി​ത​ർ പ​റ​യു​ന്ന​ത​ത്ര​യും ക​ള്ള​മാ​​ണെ​ന്നുംജാ​തീ​യ​മാ​യ ത​ട്ടു​ക​ൾ​വ​ഴി നാം ​വ​ഴി​തെ​റ്റി​പ്പോ​യെ​ന്നും ഈ ​സ​മ്പ്ര​ദാ​യംത​ന്നെ​യും ഉ​പേ​ക്ഷി​ക്ക​പ്പെ​ടേ​ണ്ട​താ​ണെ​ന്നും അ​ദ്ദേ​ഹം പ​റ​ഞ്ഞ​താ​യി റി​പ്പോ​ർ​ട്ടു​ക​ൾ വ്യ​ക്ത​മാ​ക്കു​ന്നു. വി​ഷ​യ​ത്തി​ൽ, പ​ല ​കോ​ണു​ക​ളി​ൽ​നി​ന്നു​ള്ള പ്ര​തി​ക​ര​ണ​ങ്ങ​ൾ വ​ന്നു. അ​തി​നെ ബ്രാ​ഹ്മ​ണവി​രു​ദ്ധ പ്ര​സ്താ​വ​ന​യാ​യാ​ണ് ചി​ല​ർ ക​ണ്ട​ത്. അ​ക്കൂട്ട​ത്തി​ൽ സം​ഘ​ട​ന​ക്കു​ള്ളി​ലെ ആ​ളു​ക​ൾ മാ​ത്ര​മ​ല്ല, കോ​ൺ​​ഗ്ര​സ് അ​ട​ക്ക​മു​ള്ള മ​തേ​ത​ര പാ​ർ​ട്ടി​ക​ളി​ലെ നേ​താ​ക്ക​ൾ വ​രെ​യു​ണ്ട്. ത​ങ്ങ​ൾ ഇ​ത്ര​യും കാ​ലം ന​ട​ത്തി​യ ആ​ർ.​എ​സ്.​എ​സ് വി​മ​ർ​ശ​നം പ്ര​സ്തു​ത പ​രാ​മ​ർ​ശ​ത്തി​ലൂ​ടെ ഭാ​ഗ​വ​ത് അം​ഗീ​ക​രി​ച്ചി​രി​ക്കു​ന്നു​വെ​ന്ന ത​ര​ത്തി​ലു​ള്ള പ്ര​സ്താ​വ​ന​ക​ളും ചി​ല ബ​ഹു​ജ​ൻ രാ​ഷ്ട്രീ​യ വ​ക്താ​ക്ക​ളി​ൽ​നി​ന്നു​ണ്ടാ​യി. ആ​ഴ്ച​ക​ൾ​ക്കു മു​മ്പ്, ‘രാ​മ​ച​രി​ത​മാ​ന​സ’​ത്തി​ലെ ഉ​ള്ള​ട​ക്ക​ത്തെ​ച്ചൊ​ല്ലി യു.​പി​യി​ലും ബി​ഹാ​റി​ലു​മു​ണ്ടാ​യ വി​വാ​ദ​ങ്ങ​ളെ​യും ഭാ​ഗ​വ​തി​ന്റെ പ്ര​സം​ഗ​ത്തോ​ട് ചേ​ർ​ത്തു​വാ​യി​ച്ച​വ​രു​മു​ണ്ട്. ഇ​തി​നി​ടെ, വി​ഷ​യ​ത്തി​ൽ വി​ശ​ദീ​ക​ര​ണ​വു​മാ​യി ആ​ർ.​എ​സ്.​എ​സ് ത​ന്നെ രം​ഗ​ത്തെ​ത്തി. പ്ര​സം​ഗ​ത്തെ മാ​ധ്യ​മ​ങ്ങ​ൾ തെ​റ്റാ​യാ​ണ് പ​രാ​വ​ർ​ത്ത​നം ചെ​യ്ത​തെ​ന്നാ​യി​രു​ന്നു സം​ഘ​ട​ന​യു​ടെ ന്യാ​യീ​ക​ര​ണം. ‘പ​ണ്ഡി​റ്റ്’ എ​ന്ന പ​ദ​ത്തി​ന് മ​റാ​ത്തി​യി​ൽ ബു​ദ്ധി​ജീ​വി, പ​ണ്ഡി​ത​ൻ എ​ന്നൊ​ക്കെ​യാ​ണ് അ​ർ​ഥ​മെ​ന്നും പു​രോ​ഹി​ത​രെ​ന്നോ ബ്രാ​ഹ്മ​ണ​രെ​ന്നോ അ​ർ​ഥം ക​ൽ​പി​ച്ച​​ത് ദു​രു​ദ്ദേ​ശ്യ​ത്തോ​ടെ​യാ​ണെ​ന്നും ആ​ർ.​എ​സ്.​എ​സ് പു​റ​ത്തു​വി​ട്ട വാ​ർ​ത്തക്കുറി​പ്പി​ൽ പ​റ​യു​ന്നു. അ​തെ​ന്താ​യാ​ലും, ഭാ​ഗ​വ​തി​ന്റെ പ്ര​സം​ഗം വ​ർ​ത്ത​മാ​ന ഇ​ന്ത്യ​ൻ രാ​ഷ്ട്രീ​യ സാ​ഹ​ച​ര്യ​ത്തി​ൽ പ​ല യാ​ഥാ​ർ​ഥ്യ​ങ്ങ​ളെ​യും തു​റ​ന്നുകാ​ണി​ക്കു​ന്നു​ണ്ട്.

ജാ​തി, ജാ​തീ​യ​ത തു​ട​ങ്ങി​യ വി​ഷ​യ​ങ്ങ​ളി​ൽ ആ​ർ.​എ​സ്.​എ​സി​ന്റെ​യും ഇ​ത​ര സം​ഘ്പ​രി​വാ​ർ സം​ഘ​ട​ന​ക​ളു​ടെ​യും ആ​ശ​യ​മെ​ന്തെ​ന്നും അ​ത​വ​ർ എ​ങ്ങനെ​യെ​ല്ലാം പ്രയോ​ഗ​വ​​ത്ക​രി​ക്കു​ന്നു​വെ​ന്നുമൊക്കെ എല്ലാവർക്കും അറിയാം. പ്ര​ത്യ​ക്ഷ​ത്തി​ൽ​ത​ന്നെ, സ​വ​ർ​ണ മേ​ൽ​ക്കോ​യ്മ​യി​ൽ അ​ധി​ഷ്ഠി​ത​മാ​ണ് അ​വ​രു​ടെ പ്ര​ത്യ​യ​ശാ​സ്ത്രം. ​ബ്രാ​ഹ്മ​ണി​സം തീ​ർ​ത്ത ജാ​തി​ത്ത​ട്ടു​ക​ൾ അ​തേ​പ​ടി നി​ല​നി​ർ​ത്തു​ക എ​ന്ന​ത്​ ഒ​ര​ർ​ഥ​ത്തി​ൽ ഈ ​പ്ര​സ്ഥാ​ന​ങ്ങ​ളു​ടെ നി​ല​നി​ൽ​പി​ന്റെ​കൂ​ടി പ്ര​ശ്ന​വു​മാ​ണ്. എ​ന്നി​ട്ടും എ​ന്തു​കൊ​ണ്ടാ​യി​രി​ക്കും ഭാ​ഗ​വ​തി​ന്റെ ഇ​ത്ത​ര​മൊ​രു പ്ര​സ്താ​വ​ന​യെ​ന്ന​ത് വ​ലി​യൊ​രു സ​മ​സ്യ​യി​ലേ​ക്കാ​ണ് കൊ​ണ്ടുചെ​ന്നെ​ത്തി​ക്കു​ന്ന​ത്. സം​ഘ​ട​ന​യു​ടെ തി​രു​ത്ത് മു​ഖ​വി​ല​ക്കെ​ടു​ത്താ​ൽപോ​ലും, ആ ​പ്ര​സ്താ​വ​ന​യി​ലെ ‘ബ്രാ​ഹ്മ​ണ വി​രോ​ധം’ കെ​ട്ടു​പോ​കി​ല്ല. കാ​ര​ണം, അ​ക്കാ​ല​ത്തെ ‘ബു​ദ്ധി​ജീ​വി’​ക​ളും ‘പ​ണ്ഡി​ത​രും’ ഏ​തു വി​ഭാ​ഗ​ക്കാ​രാ​യി​രു​ന്നു​വെ​ന്നൊ​രു മ​റു​ചോ​ദ്യം​കൂ​ടി​യു​ണ്ട​ല്ലോ. ഇ​താ​ദ്യ​മാ​യ​ല്ല, ഭാ​ഗ​വ​ത് ഇ​ത്ത​ര​ത്തി​ലു​ള്ള പ്ര​സ്താ​വ​ന​ക​ൾ ന​ട​ത്തു​ന്ന​ത്; ജാ​തി​യു​ടെ​യും വ​ർ​ണ​ത്തി​ന്റെ​യു​മെ​ല്ലാം കാ​ലംക​ഴി​ഞ്ഞു​വെ​ന്നും എ​ല്ലാ​വ​രും അ​ത്ത​രം വി​ചാ​ര​ങ്ങ​ൾ കൈ​യൊ​ഴി​യ​ണ​മെ​ന്നും ക​ഴി​ഞ്ഞ ഒ​ക്ടോ​ബ​റി​ൽ നാ​ഗ്പുരി​ൽ ന​ട​ന്നൊ​രു ച​ട​ങ്ങി​ൽ അ​ദ്ദേ​ഹം ​പ​റ​ഞ്ഞി​രു​ന്നു.

ക​ഴി​ഞ്ഞ​വ​ർ​ഷം ക​ർ​ണാ​ട​ക​യി​ൽ ആ​ർ.​എ​സ്.​എ​സ് വി​ളി​ച്ചു​ചേ​ർ​ത്ത ദ​ലി​ത് നേ​താ​ക്ക​ളു​ടെ യോ​ഗ​ത്തി​ൽ പ്ര​സം​ഗി​ക്ക​വെ, അ​യി​ത്തോ​ച്ചാ​ട​ന​ത്തി​ന്റെ പ്ര​സ​ക്തി​യെ​ക്കു​റി​ച്ചും അ​ദ്ദേ​ഹം സം​സാ​രിച്ചു. ഈ ​ജാ​തി​വി​രു​ദ്ധ ‘സ​മ​ത്വ ദ​ർ​ശ​നം’ പ്ര​സം​ഗ​ത്തി​ലേ​യു​ള്ളൂ; പ്ര​വൃ​ത്തി​യി​ലി​ല്ല. നൂ​റ്റാ​ണ്ടു​ക​ളാ​യി തു​ട​രു​ന്ന ജാ​തീ​യവി​വേ​ച​ന​ത്തെ ഇ​ല്ലാ​യ്മചെ​യ്ത് സ​ർ​വ ജ​ന​ങ്ങ​ളെ​യും മു​ഖ്യ​ധാ​ര​യി​ൽ എ​ത്തി​ക്കാ​നു​ള്ള ഏ​റ്റ​വും പ്രാ​യോ​ഗി​ക​മാ​യ പ​ദ്ധ​തി​യാ​യ പി​ന്നാ​ക്ക സം​വ​ര​ണ​ത്തി​ന്റെ കാ​ര്യം വ​രു​മ്പോ​ൾ നി​ല​പാ​ട് മാ​റി​മ​റി​യും. എ​ന്ന​ല്ല, ഇ​ക്കൂ​ട്ട​ർ സ​വ​ർ​ണ സം​വ​ര​ണ​ത്തി​നാ​യി വാ​ദി​ക്കു​ക​യും ചെ​യ്യും. ജാ​തി സെ​ൻ​സ​സി​ന്റെ കാ​ര്യം വ​രു​മ്പോ​ഴും ഇ​തു​ത​ന്നെ​യാ​ണ് സ്ഥി​തി. ചു​രു​ക്ക​ത്തി​ൽ, ജാ​തി​നി​ർ​മൂ​ല​ന​ത്തെ​പ്പ​റ്റി ഘോ​ര​ഘോ​രം സം​സാ​രി​ക്കു​മ്പോ​ഴും, ജാ​തിവി​വേ​ച​ന​ത്തെ ചെ​റു​ക്കാ​നു​ള്ള ഭ​ര​ണ​ഘ​ട​നാ​പ​ര​മാ​യ പ​ദ്ധ​തി​ക​ളെ​യെ​ല്ലാം അ​ധി​കാ​ര​ത്തി​ന്റെ ദം​ഷ്ട്രക​ൾ ഉ​പ​യോ​ഗി​ച്ച് പൊ​ളി​ച്ചു​ക​ള​യു​ക എ​ന്ന ന​യ​ത്തി​ൽ ഒരു മാ​റ്റ​വു​മി​ല്ല. എ​ന്ന​ല്ല, ഇ​ത്ത​രം സു​വി​ശേ​ഷപ്ര​സം​ഗ​ങ്ങ​ൾ രാ​ജ്യ​ത്തെ ഇ​ത​ര ന്യൂ​ന​പ​ക്ഷ​വി​ഭാ​ഗ​ങ്ങ​ൾ​ക്കെ​തി​രെ തി​രി​ക്കാ​നും ബോ​ധ​പൂ​ർ​വ​മാ​യ ശ്ര​മ​ങ്ങ​ൾ ന​ട​ക്കാ​റു​മു​ണ്ട്. ക​ർ​ണാ​ട​ക​യി​ൽ തൊ​ട്ടു​കൂ​ടാ​യ്മ​യെ​ക്കു​റി​ച്ച് സം​സാ​രി​ച്ച ഭാ​ഗ​വ​ത്, മ​ത​പ​രി​വ​ർ​ത്ത​ന നി​രോ​ധ​ന​ത്തെ ഊ​ന്നി​പ്പ​റ​യു​ക​യാ​യി​രു​ന്നു​വെ​ന്നോ​ർ​ക്ക​ണം.

ഇ​ന്ത്യ​ൻ രാ​ഷ്ട്രീ​യ​ത്തി​ൽ നി​ല​നി​ൽ​ക്കു​ന്ന ​ജാ​തി മേ​ൽ​ക്കോ​യ്മ​യു​ടെ ആ​ഴ​വും പ​ര​പ്പും പ്ര​തി​ഫ​ലി​പ്പി​ക്കു​ന്നു​ണ്ട് ഭാ​ഗ​വ​തി​ന്റെ പ്ര​സം​ഗം. ഭ​ര​ണ​വ്യ​വ​സ്ഥ​യി​ൽ സ​വ​ർ​ണാ​ധി​പ​ത്യ​ത്തി​ന് പോ​റ​ലേ​ൽ​പി​ക്കു​ന്ന ചെ​റുപ്ര​സ്താ​വ​ന​പോ​ലും രാ​ജ്യ​ത്തി​ന്റെ പൊ​തു​ബോ​ധ​ത്തി​ന് സ​ഹി​ക്കാ​നാ​വു​ന്ന​തി​ലു​മ​പ്പു​റ​മാ​ണെ​ന്ന് ഈ ​സം​ഭ​വം തെ​ളി​യി​ക്കു​ന്നു. ആ​ർ.​എ​സ്.​എ​സ് ത​ന്നെ​യും വി​ശ​ദീ​ക​ര​ണ​വു​മാ​യി രം​ഗ​ത്തു​വ​ന്ന​ത് അ​തു​കൊ​ണ്ടാ​ണ്. മ​റു​വ​ശ​ത്ത്, സം​ഘ്പ​രി​വാ​ർ വി​രു​ദ്ധ പ​ക്ഷ​ത്ത് നി​ല​യു​റ​പ്പി​ച്ച​വ​രി​ൽ ചി​ല​രെ​ങ്കി​ലും ബ്രാ​ഹ്മ​ണി​സ​ത്തി​ന് മു​റി​വേ​ൽ​ക്കും​വി​ധ​മു​ള്ള ജാ​തി​സ​മ​ത്വ പ്ര​സ്താ​വ​ന​ക​ൾ അ​ധി​ക​പ്ര​സം​ഗ​മാ​ണെ​ന്ന ത​ര​ത്തി​ലാ​ണ് പ്ര​തി​ക​രി​ച്ച​ത്. മോ​ഹ​ൻ ഭാ​ഗ​വ​തി​ന്റെ മ​നോ​നി​ല​യി​ൽ​നി​ന്ന് ഇ​ക്കാ​ര്യ​ത്തി​ൽ അ​ധി​കം വ്യ​ത്യാ​സ​മി​ല്ല മ​റ്റു​ള്ള​വ​ർ​ക്കും എ​ന്നു​കൂ​ടി​യാ​ണ് ഇ​ത​ർ​ഥ​മാ​ക്കു​ന്ന​ത്. അ​തി​ന്റെ പ്രാ​യോ​ഗി​ക തെ​ളി​വു​ക​ൾ ന​മു​ക്കു ചു​റ്റും സൂ​ക്ഷി​ച്ചു​നോ​ക്കി​യാ​ൽ കാ​ണാം. ജാ​തിര​ഹി​ത​മാ​യ സ​മൂ​ഹ​ത്തെ​ക്കു​റി​ച്ച് സ്വ​പ്നംകാ​ണു​ന്ന കേ​ര​ള​ത്തി​ല​ട​ക്ക​മു​ള്ള ഇ​ട​തു​സ​ർ​ക്കാ​റും ഇ​വി​ടത്തെ സ്വ​ത​ന്ത്ര ചി​ന്താ പ്ര​സ്ഥാ​ന​ങ്ങ​ളു​മെ​ല്ലാം അ​തി​ലേ​ക്കു​ള്ള പ്രാ​യോ​ഗി​ക​വ​ഴി​യാ​യി സ്വീ​ക​രി​ച്ചി​രി​ക്കു​ന്ന​ത് സ​വ​ർ​ണ സം​വ​ര​ണ​മ​ട​ക്ക​മു​ള്ള പ​ദ്ധ​തി​ക​ളാ​ണ്. ചു​രു​ക്ക​ത്തി​ൽ, വ​ർ​ത്ത​മാ​ന ഇ​ന്ത്യ​യു​ടെ അ​നു​ഭ​വ​ങ്ങ​ൾ​വെ​ച്ചു​നോ​ക്കു​മ്പോ​ൾ മോ​ഹ​ൻ ഭാ​ഗ​വ​തി​ന്റെ ‘സ​മ​ത്വ ദ​ർ​ശ​നം’ ആ​ർ.​എ​സ്.​എ​സി​ന്റെ​യും ഇ​ന്ത്യ​ൻ രാഷ്ട്രീ​യ​ത്തി​ന്റെ​യും ക്രൂ​ര​മാ​യ ത​മാ​ശ​ക​ളി​ൽ ഒ​ന്നാ​യേ ക​ണ​ക്കാ​ക്കാ​നാ​വൂ.