പൊ​ലീ​സ് ഇ​ത്ര​മാ​ത്രം അ​പ​ഹാ​സ്യ​മാ​വ​രു​ത്

യൂത്ത് കോ​ൺ​ഗ്ര​സ് സം​സ്ഥാ​ന പ്ര​സി​ഡ​ന്റ് രാ​ഹു​ൽ മാ​ങ്കൂ​ട്ട​ത്തി​ലി​നെ ​പൊ​ലീ​സ് അ​റ​സ്റ്റ് ചെ​യ്യു​ക​യും കോ​ട​തി ജാ​മ്യം നി​ഷേ​ധി​ച്ച​തി​നെ​തു​ട​ർ​ന്ന് ജ​യി​ലി​ലട​ക്കു​ക​യും ചെ​യ്തി​രി​ക്കു​ന്നു. രാ​ഷ്ട്രീ​യ​സ​മ​ര​ത്തെ​ത്തു​ട​ർ​ന്ന്, നേ​താ​ക്ക​ളുടെ അ​റ​സ്റ്റും തടവുമൊന്നും അ​പൂ​ർ​വസം​ഭ​വ​മ​ല്ല. എ​ന്നാ​ൽ, രാ​ഷ്ട്രീ​യസ​മ​ര​ങ്ങ​ളെ രാ​ഷ്ട്രീ​യ​മാ​യി നേ​രി​ടു​ന്ന സ​ർ​ക്കാ​ർ ന​യ​വും അ​റ​സ്റ്റ് ചെ​യ്ത രീ​തി​യു​മാ​ണ് ച​ർ​ച്ച ചെ​യ്യ​പ്പെ​ടു​ന്ന​ത്. തി​രു​വ​ന​ന്ത​പു​ര​ത്ത് സെ​ക്ര​ട്ടേ​റി​യ​റ്റി​ലേ​ക്ക് യൂ​ത്ത് കോ​ൺ​ഗ്ര​സ് ന​ട​ത്തി​യ മാ​ർ​ച്ചി​ൽ ക​ലാ​പാ​ഹ്വാ​നം ന​ട​ത്തി​യെ​ന്ന​ത​ട​ക്ക​മു​ള്ള വ​കു​പ്പു​ക​ൾ ചേ​ർ​ത്താ​ണ് കേ​സ്. കേ​സെ​ടു​ത്ത​ശേ​ഷം രാ​ഹു​ൽ ഒ​ളി​വി​ലാ​യി​രു​ന്നി​ല്ല. കൊ​ല്ല​ത്ത് ന​ട​ന്ന സ്കൂ​ൾ ക​ലോ​ത്സ​വ സ​ദ​സ്സി​ൽ​വ​രെ എ​ത്തി​യി​രു​ന്നു. അ​റ​സ്റ്റ് നി​ർ​ബ​ന്ധ​മാ​ണെ​ങ്കി​ൽ അ​വി​ടെ എ​വി​ടെ​യെ​ങ്കി​ലും വെ​ച്ചോ നോ​ട്ടീ​സ് ന​ൽ​കി വി​ളി​പ്പി​ച്ചോ നി​ർ​വ​ഹി​ക്കാ​വു​ന്ന​തേ​യു​ണ്ടാ​യി​രു​ന്നു​ള്ളൂ. അ​തി​നു പ​ക​രം കൊ​ച്ചു വെ​ളു​പ്പാ​ൻ കാ​ല​ത്ത് വീ​ട്ടി​ൽ​നി​ന്ന് പി​ടി​കി​ട്ടാ​പ്പു​ള്ളി​യെ ക​ണ്ടെ​ത്തി​യ​പോ​ലെ അ​റ​സ്റ്റ് ചെ​യ്യേ​ണ്ട ആ​വ​ശ്യ​മെ​ന്താ​ണ്? ന​വ​കേ​ര​ള സ​ദ​സ്സു​മാ​യി ബ​ന്ധ​പ്പെ​ട്ട് ന​ട​ത്തി​യ പൊ​ലീ​സ് നാ​ട​ക​ങ്ങ​ളു​ടെ മ​റ്റൊ​രു പ​തി​പ്പാ​യി മാ​റി ഇ​ത്.

ഈ ​കേ​സി​ൽ അ​റ​സ്റ്റി​ലാ​കു​ന്ന ആ​ദ്യ നേ​താ​വാ​ണ് നാ​ലാം പ്ര​തി​യാ​യ രാ​ഹു​ൽ മാ​ങ്കൂ​ട്ട​ത്തി​ൽ. കേ​സി​ൽ പ്ര​തി​​​ചേ​ർ​ക്ക​പ്പെ​ട്ട നി​യ​മ​സ​ഭാം​ഗ​ങ്ങ​ളാ​യ പ്ര​തി​പ​ക്ഷ നേ​താ​വ് വി.​ഡി. സ​തീ​ശ​ൻ, ഷാ​ഫി പ​റ​മ്പി​ൽ, എം. ​വി​ൻ​സെ​ന്റ് എ​ന്നി​വ​രെ​യെ​ല്ലാം ഒ​ഴി​വാ​ക്കി​യാ​ണ് രാ​ഹു​ലി​നെ അ​റ​സ്റ്റ് ചെ​യ്ത​ത്. ന​വ​കേ​ര​ള സ​ദ​സ്സ് ബ​സ് യാ​ത്ര​ക്കി​ടെ പ്ര​തി​ഷേ​ധി​ച്ച​വ​ർ​ക്കു​നേ​രെ പൊ​ലീ​സും പാ​ർ​ട്ടി പ്ര​വ​ർ​ത്ത​ക​രും മു​ഖ്യ​മ​ന്ത്രി​യു​ടെ അം​ഗ​ര​ക്ഷ​ക​രും ന​ട​ത്തി​യ അ​ക്ര​മ​ങ്ങ​ൾ​ക്കെ​തി​രെ​യാ​ണ് രാ​ഹു​ലി​ന്റെ നേ​തൃ​ത്വ​ത്തി​ൽ സെ​ക്ര​ട്ടേ​റി​യ​റ്റ് മാ​ർ​ച്ച് ന​ട​ത്തി​യ​ത്. മാ​ർ​ച്ച് അ​ക്ര​മാ​സ​ക്ത​മാ​യ​തോ​ടെ ​പ്ര​വ​ർ​ത്ത​ക​ർ​ക്കും പൊ​ലീ​സി​നും അ​ട​ക്കം പ​രി​ക്കേ​റ്റി​രു​ന്നു. പൊ​ലീ​സ് ജീ​പ്പ​ട​ക്കം ത​ക​ർ​ക്ക​പ്പെ​ടു​ക​യും മ​റ്റു നാ​ശ​ന​ഷ്ട​ങ്ങ​ളു​ണ്ടാ​കു​ക​യും ചെ​യ്തു. തു​ട​ർ​ന്നാ​ണ് ക​ലാ​പാ​ഹ്വാ​നം ന​ട​ത്തി​യെ​ന്നാ​രോ​പി​ച്ച് ജാ​മ്യ​മി​ല്ലാ വ​കു​പ്പു​ക​ളോ​ടെ പൊ​ലീ​സ് കേ​സെ​ടു​ത്ത​ത്.

കേ​ര​ള​ത്തി​ൽ രാ​ഷ്ട്രീ​യ പാ​ർ​ട്ടി​ക​ൾ നി​ര​വ​ധി സ​മ​ര​ങ്ങ​ളും മാ​ർ​ച്ചു​ക​ളും ന​ട​ത്തി​യി​ട്ടു​ണ്ട്. പ​ല​തും അ​ക്ര​മാ​സ​ക്ത​മാ​യി​ട്ടു​മു​ണ്ട്. എ​ന്നാ​ൽ, പൊ​ലീ​സ് ഇ​ത്ത​രം ന​ട​പ​ടി സ്വീ​ക​രി​ച്ച​ത് അ​ത്യ​പൂ​ർ​വ​വും അ​സ്വാ​ഭാ​വി​ക​വു​മാ​ണ്. അ​ക്ര​മം ന​ട​ന്നാ​ൽ, പൊ​തു​മു​ത​ൽ ന​ശി​പ്പി​ക്ക​പ്പെ​ട്ടാ​ൽ കാ​ര​ണ​ക്കാ​രെ- അ​താ​രാ​യാ​ലും നി​യ​മ​ത്തി​ന് മു​ന്നി​ൽ കൊ​ണ്ടു​വ​രേ​ണ്ട​തു​ണ്ട് എ​ന്ന കാ​ര്യ​ത്തി​ൽ ത​ർ​ക്ക​മി​ല്ല. പ​ക്ഷേ, അ​തി​ന് സ്വീ​ക​രി​ക്കു​ന്ന രീ​തി​യും സ​മീ​പ​ന​വും പ​ക്ഷ​പാ​തി​ത്വം നി​റ​ഞ്ഞ​താ​വ​രു​ത്. ഇ​ഷ്ട​മി​ല്ലാ​ത്ത ആ​ർ​ക്കെ​തി​രെ​യും കെ​ട്ടി​വെ​ക്കാ​വു​ന്ന വ​കു​പ്പ​ല്ല ക​ലാ​പാ​ഹ്വാ​ന​ക്കേ​സ് എ​ന്നു​കൂ​ടി പ​റ​യ​ട്ടെ. ഫ​ല​സ്തീ​നി​ലെ ഇ​സ്രാ​യേ​ൽ അ​തി​ക്ര​മ​ങ്ങ​ൾ​ക്കെ​തി​രാ​യ പ്ര​തി​ഷേ​ധ​മെ​ന്നോ​ണം കോ​ഴി​ക്കോ​ട് ബ​ഹു​രാ​ഷ്ട്ര ക​മ്പ​നി​യു​ടെ കാ​പ്പി​ക്ക​ട​ക്ക് മു​ന്നി​ൽ പോ​സ്റ്റ​റൊ​ട്ടി​ച്ച ആ​റ് വി​ദ്യാ​ർ​ഥി​ക​ൾ​ക്കു​മേ​ൽ ഇ​തേ ഗു​രു​ത​ര​വ​കു​പ്പ് ചു​മ​ത്തി​യ​ത് ക​ഴി​ഞ്ഞ ദി​വ​സ​മാ​ണ്. കേ​സെ​ടു​ത്ത​തി​ൽ ​പ്ര​തി​ഷേ​ധി​ച്ച് മാ​ർ​ച്ച് ന​ട​ത്തി​യ നാ​ൽ​പ​തോ​ളം ഫ്ര​റ്റേ​ണി​റ്റി സ്റ്റു​ഡന്‍റ്​​സ് മൂ​വ്മെ​ന്റ് പ്ര​വ​ർ​ത്ത​ക​രെ​യും ക​ലാ​പാ​ഹ്വാ​ന​ക്കേ​സി​ൽ കു​ടു​ക്കി​യി​രി​ക്കു​ന്നു.

ഇ​ര​ട്ട​നീ​തി എ​ന്ന അ​പ​ഖ്യാ​തി കേ​ര​ള പൊ​ലീ​സ് കു​റ​ച്ചു​കാ​ല​മാ​യി നേ​രി​ടു​ന്ന​താ​ണ്. അ​തു ശ​രി​വെ​ക്കു​ന്ന​ ത​ര​ത്തി​ലാ​ണ് കാ​ര്യ​ങ്ങ​ൾ മു​ന്നോ​ട്ടുപോ​വു​ന്ന​തും. ന​വ​കേ​ര​ള സ​ദ​സ്സു​മാ​യി ബ​ന്ധ​പ്പെ​ട്ടും അ​ല്ലാ​തെ​യും മു​ഖ്യ​മ​ന്ത്രി​യു​ടെ ഗ​ൺ​മാ​ന​ട​ക്ക​മു​ള്ള പൊ​ലീ​സു​കാ​ർ​ക്കും പാ​ർ​ട്ടി പ്ര​വ​ർ​ത്ത​ക​ർ​ക്കും എ​തി​രെ നി​ര​വ​ധി കേ​സു​ക​ൾ പൊ​ലീ​സ് ര​ജി​സ്റ്റ​ർ ചെ​യ്തി​ട്ടു​ണ്ട്. എ​ന്നാ​ൽ, അ​തി​ലൊ​ന്നും കേ​സ് എ​ടു​ത്ത​ത​ല്ലാ​തെ ഒ​രു ന​ട​പ​ടി​യും സ്വീ​ക​രി​ക്കാ​ൻ പൊ​ലീ​സ് ത​യാ​റാ​യി​ട്ടി​ല്ല. അ​തേ​സ​മ​യ​മാ​ണ് ഇ​ത്ത​രം ഭീ​തി​പ​ര​ത്തി​യു​ള്ള അ​റ​സ്റ്റു​ക​ളും മ​റ്റും എ​ടു​ക്കു​ന്ന​തും. മ​റു​പ​ക്ഷ​ത്താ​ക​ട്ടെ ‘ര​ക്ഷാ​പ്ര​വ​ർ​ത്ത​നം’ ന​ട​ത്തി​യ​തി​ന് ജ​യി​ലി​ലാ​യ​വ​ർ പു​റ​ത്തു​വ​രു​മ്പോ​ൾ സ്വീ​ക​ര​ണ​വും ന​ൽ​കു​ക​യാ​ണ്. ഇ​തു ന​ൽ​കു​ന്ന സ​ന്ദേ​ശ​മാ​ക​ട്ടെ സ​മൂ​ഹ​ത്തി​ന് ഒ​രു​ത​ര​ത്തി​ലും ഗു​ണ​ക​ര​വു​മ​ല്ല.

രാ​ജ്യ​ത്താ​കെ​യും കേ​ര​ള​ത്തി​ലും അ​മി​താ​ധി​കാ​ര വാ​ഴ്ച​യും പൊ​ലീ​സ് രാ​ജും നി​ല​നി​ന്ന കാ​ല​ഘ​ട്ട​മാ​ണ് അ​ടി​യ​ന്ത​രാ​വ​സ്ഥ. അ​ടി​യ​ന്ത​രാ​വ​സ്ഥ​ക്കാ​ല​ത്തെ പൊ​ലീ​സ് രാ​ജി​ന്റെ ഭാ​ഗ​മാ​യി ഭീ​ക​ര​മാ​യ പൊ​ലീ​സ് മ​ർ​ദ​ന​ത്തി​നി​ര​യാ​യ വ്യ​ക്തി​യാ​ണ് ആ​ഭ്യ​ന്ത​ര​വ​കു​പ്പി​ന്റെ ചു​മ​ത​ല വ​ഹി​ക്കു​ന്ന മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. പൊ​ലീ​സ് മ​ർ​ദ​ന​ത്തി​ൽ ര​ക്തം പു​ര​ണ്ട ഷ​ർ​ട്ടു​മാ​യി നി​യ​മ​സ​ഭ​യി​ൽ അ​ദ്ദേ​ഹം ന​ട​ത്തി​യ പ്ര​സം​ഗം ച​രി​ത്ര​രേ​ഖ​യാ​ണ്. അ​ത്ത​ര​ത്തി​ൽ പൊ​ലീ​സ് രാ​ജി​ന്റെ ഭീ​ക​ര​ത സ്വ​യം അ​നു​ഭ​വി​ച്ച പി​ണ​റാ​യി വി​ജ​യ​ൻ പൊ​ലീ​സി​നെ ഭ​രി​ക്കു​ന്ന ഇ​ക്കാ​ല​ത്ത് ഇ​ത്ത​രം ന​ട​പ​ടി​ക​ൾ വി​രോ​ധാ​ഭാ​സ​ത്തെ​ക്കാ​ൾ അ​മ്പ​ര​പ്പി​ക്കു​ന്ന​താ​ണ്. അ​നു​വ​ദി​ക്കാ​നാ​വാ​ത്ത​താ​ണ്.