അ​ക്ഷ​ര​പ്പെ​രു​ക്ക​ത്താ​ൽ കാ​ലം​ തീ​ർ​ത്തൊ​രാ​ൾ

കാ​ലം ചേ​ർ​ത്തു​വെ​ച്ച ച​രി​ത്ര​നി​യോ​ഗം പൂ​ർ​ത്തി​യാ​ക്കി എം.​ടി മ​ട​ങ്ങി​യി​രി​ക്കു​ന്നു. ഇ​ട​പെ​ട്ട സ​ർ​ഗാ​ത്മ​ക മേ​ഖ​ല​ക​ളി​ലെ​ല്ലാം സു​വ​ർ​ണ സ്പ​ർ​ശ​ങ്ങ​ളാ​ൽ ച​രി​ത്രം തീ​ർ​ക്കു​കയാ​ണ് പ്ര​തി​ഭ​യു​ടെ പൂ​ർ​ണ​ത എ​ന്നു​പ​റ​യാ​റു​ണ്ട്. എ​ഴു​ത്തി​ലും ചി​ന്ത​യി​ലും ആ ​പ്ര​തി​ഭാ​വി​ലാ​സം വേ​ണ്ടു​വോ​ളം മ​ല​യാ​ള​ത്തി​ന് സ​മ്മാ​നി​ച്ച് എം.​ടി മ​ട​ങ്ങു​മ്പോ​ൾ അ​തൊ​രു കാ​ല​ഘ​ട്ട​ത്തി​ന്റെ തി​ര​ശ്ശീ​ല കൂടിയാണ്​ താഴ്ത്തുന്നത്​. എം.​ടി​യെ​പ്പോ​ലെ മ​ല​യാ​ള​ത്തി​ൽ, ഒ​രു ​പ​ക്ഷേ ഇ​ന്ത്യ​യി​ൽ ​ത​ന്നെ​, എം.​ടി മാ​ത്ര​മേ​യു​ണ്ടാ​യി​രു​ന്നു​ള്ളൂ. അ​തി​ഭാ​വു​ക​ത്വ​ത്തി​ന്റെ ആ​ഖ്യാ​യി​ക​ക​ൾ തീ​ർ​ത്ത പു​ക​മ​റ​യി​ൽ​നി​ന്നും അ​നു​ക​ര​ണ​ത്തി​ന്റെ കെ​ട്ടു​കാ​ഴ്ച​ക​ളി​ൽ​നി​ന്നും ചെ​റു​ക​ഥ-​നോ​വ​ൽ സാ​ഹി​ത്യ​ത്തെ സ​മൂ​ഹ​ത്തി​ന്റെ തീ​ക്ഷ്ണ യാ​ഥാ​ർ​ഥ്യ​ങ്ങ​ളു​ടെ ചി​ന്താ​പീ​ഠ​ത്തി​ലേ​ക്ക് ഉ​യ​ർ​ത്തി​വി​ട്ട ക​ഥ​പ​റ​ച്ചി​ലു​കാ​ര​ൻ, തി​ര​ക്ക​ഥ​യി​ലും സം​വി​ധാ​ന​ത്തി​ലും പു​തു​പ​രീ​ക്ഷ​ണ​ങ്ങ​ളി​ലൂ​ടെ അ​ഭ്ര​പാ​ളി​യി​ൽ ന​വ​ത​രം​ഗം സൃ​ഷ്ടി​ച്ച ച​ല​ച്ചി​ത്ര​കാ​ര​ൻ, എ​ഴു​ത്തു​വ​ഴി​യി​ൽ ഒ​ട്ടേ​റെ പ്ര​തി​ഭ​ക​ൾ​ക്ക് മാ​ർ​ഗ​ദ​ർ​ശി​യാ​യ പ​ത്രാ​ധി​പ​ർ, മ​ല​യാ​ള​ഭാ​ഷ​യെ പു​തു​കാ​ല​ത്തോ​ട് ചേ​ർ​ത്തു​വെ​ക്കാ​നാ​യി ആ​രം​ഭി​ച്ച തു​ഞ്ച​ൻ ട്ര​സ്റ്റി​ന്റെ അ​മ​ര​ക്കാ​ര​ൻ, വി​ശ്വ​സാ​ഹി​ത്യ​ത്തി​ന്റെ തു​ടി​പ്പു​ക​ളെ മ​ല​യാ​ളി​ക്ക് പ​രി​ച​യ​പ്പെ​ടു​ത്തി​യ വാ​യ​ന​ക്കാ​ര​ൻ, പ്ര​ഭാ​ഷ​ക​ൻ. മാ​ട​ത്ത് തെ​ക്കേ​പ്പാ​ട്ട് വാ​സു​ദേ​വ​ൻ നാ​യ​ർ എ​ന്ന എം.​ടി. വാ​സു​ദേ​വ​ൻ നാ​യ​രു​ടെ ലോ​കം ഇതി​നു​മ​പ്പു​റം വി​ശാ​ല​മാ​യി​രു​ന്നു. എം.​ടി എ​ന്ന ര​ണ്ട​ക്ഷ​ര​ത്തി​ന്റെ നാ​നാ​ർ​ഥം അ​ദ്ദേ​ഹ​ത്തി​ന്റെ എ​ഴു​ത്തും ജീ​വി​ത​വും പ​ല​കു​റി​യൊ​ഴു​കി​യ നി​ള​പോ​ലെ ആ​ഴ​പ്പ​ര​പ്പു​ള്ള​താ​യി​രു​ന്നു. സാ​ന്ദ്ര​വും സ​ങ്കീ​ർ​ണ​വും ചി​ല വേ​ള​ക​ളി​ലെ​ങ്കി​ലും നി​ഗൂ​ഢ​മെ​ന്ന് തോ​ന്നി​പ്പി​ച്ച​തു​മാ​യ ആ ​ന​ദി​യൊ​ഴു​ക്ക് നി​ല​യ്ക്കു​​മ്പോ​ൾ അ​തു മ​ല​യാ​ള​ത്തി​ന്റെ സ​മാ​ന​ത​ക​ളി​ല്ലാ​ത്ത ന​ഷ്ട​മാ​യി മാ​റു​ന്നു. ആ​ദ​രാ​ഞ്ജ​ലി!

പ്ര​പ​ഞ്ച വി​ജ്ഞാ​നീ​യ​ത്തി​ലെ ‘സ്ഥ​ല-​കാ​ല’ സ​ങ്ക​ൽ​പം പോ​ലെ​യാ​ണ് എം.​ടി​യു​ടെ സ​ർ​ഗ​പ്ര​പ​ഞ്ച​ത്തി​ലെ സ്ഥ​ല​വും കാ​ല​വു​മെ​ന്ന് പ​ല നി​രൂ​പ​ക​രും കു​റി​ച്ചി​ട്ടു​ണ്ട്. ഇ​തി​ലേ​താ​ണ് ര​ച​നാ​ശൈ​ലി​യെ ന​യി​ച്ച​തെ​ന്ന് പ​റ​യാ​നാ​കാ​ത്ത​വി​ധം ര​ണ്ടി​നെ​യും ഇ​ഴ​ചേ​ർ​ത്ത എ​ഴു​ത്തു​ത​ന്ത്ര​മാ​യി​രി​ക്കാം അ​ദ്ദേ​ഹ​ത്തെ വ്യ​ത്യ​സ്ത​നാ​ക്കി​യ​ത്. എം.​ടി​യു​ടെ സാ​ഹി​ത്യ​ത്തെ ഏ​തു​നി​ല​യി​ൽ സ​മീ​പി​ച്ചാ​ലും അ​തി​ലെ ക​ഥാ​പാ​ത്ര​ങ്ങ​ളെ ഏ​തു​വി​ധേ​ന അ​പ​നി​ർ​മി​ച്ചാ​ലും ആ​ത്യ​ന്തി​ക​മാ​യി അ​തി​ലെ നാ​യ​ക​ർ കേ​വ​ല ക​ഥാ​പാ​ത്ര​ങ്ങ​ളാ​യി​രു​ന്നി​ല്ല; നി​ല​മൊ​രു​ങ്ങി​യ സ്ഥ​ല​വും ക​ഥാ​കാ​ല​വു​മാ​യി​രു​ന്നു. ആ​ത്മ​ക​ഥാം​ശ​ങ്ങ​ൾ ഉ​ൾ​ച്ചേ​ർ​ന്ന നോ​വ​ലി​ന് ‘കാ​ലം’ എ​ന്ന് പേ​രി​ട്ട​തു​പോ​ലും ഈ​യ​ർ​ഥ​ത്തി​ൽ യാ​ദൃ​ച്ഛി​ക​മാ​കാ​ൻ വ​ഴി​യി​ല്ല. ‘കാ​ല’​വും ‘പ​ള്ളി​വാ​ളും കാ​ൽ​ചി​ല​മ്പും’ ‘വാ​ന​​പ്ര​സ്ഥ​വു’​മെ​ല്ലാം ഈ ​ര​ച​നാ​സ​ങ്ക​ൽ​പ​ത്തെ ശ​രി​വെ​ക്കു​ന്നു​ണ്ട്. കാ​ലം അ​നി​വാ​ര്യ​മാ​ക്കു​ന്ന മാ​റ്റ​ങ്ങ​ളി​ലൂ​ടെ ക​ട​ന്നു​പോ​കു​ന്ന ദേ​ശ​ങ്ങ​ളും ക​ഥാ​പാ​ത്ര​ങ്ങ​ളു​മാ​യി​രു​ന്നു ആ ​ര​ച​നാ​ലോ​ക​ത്തി​ന്റെ സ​വി​ശേ​ഷ​ത. സം​സാ​രി​ച്ച​തു ​മു​ഴു​വ​ൻ ലോ​ക​സാ​ഹി​ത്യ​ത്തെ​ക്കു​റി​ച്ചാ​യി​രു​ന്നു. ദ​സ്ത​യേ​വ്​​സ്കി​യാ​കാ​ൻ ആ​ഗ്ര​ഹി​ക്കു​ക​യും ‘ന​മു​ക്കൊ​ന്നും അ​ങ്ങ​നെ പ​റ്റി​ല്ലെ​ന്ന്’ നി​രാ​ശ​പ്പെ​ടു​ക​യും ചെ​യ്ത​യാ​ളാ​ണ്; ഗാ​ർ​സ്യ​യു​ടെ മ​ല​യാ​ള​ത്തി​ലെ പ്ര​ണേ​താ​വ് ആ​ര് എ​ന്ന ചോ​ദ്യ​ത്തി​നും മ​റ്റൊ​രു ഉ​ത്ത​ര​മി​ല്ല. ലോ​ക​സാ​ഹി​ത്യ​ത്തി​ലെ എ​ഴു​ത്താ​ഘോ​ഷ​ങ്ങ​ളെ ഇ​ത്ര​മേ​ൽ ആ​സ്വ​ദി​ച്ച വേ​റൊ​രു മ​ല​യാ​ളി​യും ഉ​ണ്ടാ​കാ​നും ഇ​ട​യി​ല്ല. അ​പ്പോ​ഴും സ്വ​ന്ത​മാ​യി രൂ​പ​പ്പെ​ടു​ത്തി​യ ‘സ്ഥ​ല-​കാ​ല’ യു​ക്തി​ക്കു​ള്ളി​ലാ​ണ് അ​ദ്ദേ​ഹം അ​ക്ഷ​ര​ങ്ങ​ൾ വി​താ​നി​ച്ച​ത്. ആ​രാ​ധ​ന തോ​ന്നി​യ എ​ഴു​ത്തു​ക​ളു​ടെ കേ​വ​ല അ​നു​ക​ര​ണ​ങ്ങ​ൾ​ക്ക​പ്പു​റം, ലോ​ക​സാ​ഹി​ത്യ​ത്തി​ന്റെ വി​ശാ​ല​ത​യെ​യും അ​ക​ക്കാ​മ്പി​നെ​യും ഈ ‘​സ്ഥ​ല-​കാ​ല’​ത്തി​നു​ള്ളി​ൽ അ​ദ്ദേ​ഹം ഒ​തു​ക്കി. ജീ​വി​ത​ത്തോ​ടും അ​നു​ഭ​വ​ങ്ങ​ളോ​ടും ചേ​ർ​ന്നൊ​ഴു​കി​യ നി​ള​യു​ടെ ഓ​ള​പ്പ​ര​പ്പി​ലേ​ക്കും ആ​ഴ​ങ്ങ​ളി​ലേ​ക്കും സ്വ​ന്തം എ​ഴു​ത്തി​നെ ചേ​ർ​ത്തു​വെ​ച്ചു. ന​ദി ക​ട​ലി​ലേ​ക്കൊ​ഴു​കു​ക​യ​ല്ല; സ​മു​ദ്ര​ത്തെ ന​ദി​യി​ലേ​ക്ക് തി​രി​ച്ചൊ​ഴു​ക്കു​ന്ന എ​ഴു​ത്തു​വി​ദ്യ പ​രീ​ക്ഷി​ച്ച​പ്പോ​ഴാ​ണ് എം.​ടി ഭാ​ഷാ​തി​രു​ക​ൾ​ ഭേ​ദി​ച്ച കാ​ഥി​ക​നും ച​ല​ച്ചി​​ത്ര​കാ​ര​നു​മൊ​ക്കെ​യാ​യ​ത്. ര​ച​ന​യി​ലെ ഈ ​മൗ​ലി​ക​ത​ക്കൊ​പ്പം അ​സാ​മാ​ന്യ​മാ​യ ഭാ​ഷ ​കൂ​ടി ക​ട​ന്നു​വ​രു​ന്ന​തോ​ടെ എം.​ടി സ​മ്പൂ​ർ​ണ​നാ​യൊ​രു എ​ഴു​ത്തു​കാ​ര​നാ​യി തീ​രു​ന്നു. ക​വി​​ത​യെ​ന്നു തോ​ന്നി​ക്കു​ന്ന ക​ട​ഞ്ഞെ​ടു​ത്ത ഭാ​ഷ​യു​ടെ ആ​ഖ്യാ​ന​ചാ​രു​ത​യി​ൽ പി​റ​ന്ന ര​ച​നാ​ലോ​ക​ത്തി​ന് നി​ള​യു​ടെ​ത​ന്നെ സൗ​ന്ദ​ര്യ​മാ​യി​രു​ന്നു.

നി​ള​യു​ടെ ഓ​ളം തീ​ർ​ത്ത എ​ഴു​ത്തു​വി​ദ്യ തി​ര​ക്ക​ഥ​യി​ലേ​ക്കു​കൂ​ടി പ​ട​ർ​ന്നൊ​ഴു​കി​യ​പ്പോ​ഴാ​ണ് മ​ല​യാ​ള​ത്തി​ലും ന്യൂ​ ​വേ​വ് സാ​ധ്യ​മാ​യ​ത്. മ​ല​യാ​ള സാ​ഹി​ത്യ​ത്തി​ൽ എം.​ടി​യി​ലൂ​ടെ ഒ​രു യു​ഗ​പ്പ​റ​വി സം​ഭ​വി​ക്കു​മ്പോ​ൾ​ത​ന്നെ​യാ​ണ് 59 വ​ർ​ഷം മു​മ്പ് ‘മു​റ​പ്പെ​ണ്ണി’​ലൂ​ടെ മ​റ്റൊ​രു ച​രി​ത്ര​ത്തി​ന് തു​ട​ക്കം കു​റി​ക്കു​ന്ന​ത്. പി​ന്നെ തി​രി​ഞ്ഞു​നോ​ക്കേ​ണ്ടി​വ​ന്നി​ട്ടി​ല്ല. എ​ണ്ണം പ​റ​ഞ്ഞ അ​മ്പ​തി​ല​ധി​കം ചി​ത്ര​ങ്ങ​ൾ. 1980-90 കാ​ല​ത്ത് 25 സി​നി​മ​ക​ളാ​ണ് എം.​ടി​യു​ടെ തൂ​ലി​ക​യി​ലൂ​ടെ മ​ല​യാ​ള​ത്തി​ൽ പി​റ​വി​കൊ​ണ്ട​ത്.​ ചെ​റു​ക​ഥ​യി​ലും നോ​വ​ലി​​ലു​മെ​ന്ന​പോ​ലെ, ച​ല​ച്ചി​ത്ര​ത്തി​ലും മ​ല​യാ​ള​ത്തി​ന്റെ അ​ട​യാ​ള​വാ​ക്യ​മാ​യി എം.​ടി മാ​റി​യ കാ​ല​മാ​യി​രു​ന്നു അ​ത്; മ​ല​യാ​ള ച​ല​ച്ചി​ത്ര​ഭാ​വു​ക​ത്വം മാ​റി​മ​റി​ഞ്ഞ കാ​ല​വും അ​താ​യി​രു​ന്നു. അ​ങ്ങ​നെ​യൊ​രു സു​വ​ർ​ണ​കാ​ല​ത്തി​ന് കാ​ർ​മി​ക​ത്വം വ​ഹി​ക്കു​മ്പോ​ഴും പി​ന്നീ​ട് സ​ർ​ഗ​ലോ​ക​ത്തു​നി​ന്ന് പു​തു​ത​ല​മു​റ​ക്ക് വ​ഴി​മാ​റി​കൊ​ടു​ത്ത​പ്പോ​ഴു​മെ​ല്ലാം വ​ള​രെ കു​റ​ച്ചു​മാ​ത്രം സം​സാ​രി​ക്കാ​നാ​ണ് അ​ദ്ദേ​ഹം ഇ​ഷ്​​ട​പ്പെ​ട്ട​ത്. കേ​വ​ല​മാ​യ മി​ത​ഭാ​ഷ​ണ​ത്തി​ന​പ്പു​റം, മൗ​ന​ത്തി​ന്റെ ആ​വ​ര​ണം തീ​ർ​ത്ത് അ​തി​ന്റെ നി​ഗൂ​ഢ​ത​ക​ളി​ൽ ലോ​ക​​ത്തോ​ട് സം​വ​ദി​ക്കാ​നാ​ണ് അ​ദ്ദേ​ഹം ശ്ര​മി​ച്ച​തെ​ന്ന് തോ​ന്നു​ന്നു. ക​ഴി​ഞ്ഞ​വ​ർ​ഷം മു​ഖ്യ​മ​ന്ത്രി​യെ വേ​ദി​യി​ലി​രു​ത്തി കോ​ഴി​ക്കോ​ട്ട് അ​ദ്ദേ​ഹം ന​ട​ത്തി​യ രാ​ഷ്ട്രീ​യ വി​മ​ർ​ശ​ന​മൊ​ക്കെ അ​ത്ത​ര​ത്തി​ലൊ​ന്നാ​യി​രു​ന്നു. അ​ധി​കാ​ര​മെ​ന്നാ​ൽ ആ​ധി​പ​ത്യ​മോ സ​ർ​വാ​ധി​പ​ത്യ​മോ ആ​യി മാ​റി​യെ​ന്ന എം.​ടി​യു​ടെ വാ​ക്കു​ക​ൾ ആ​രെ​ക്കു​റി​ച്ചാ​ണെ​ന്ന ച​ർ​ച്ച ഇ​പ്പോ​ഴു​മ​ട​ങ്ങാ​ത്ത​ത് എ​ഴു​ത്തു​മു​ദ്ര​യു​ടെ തീ​ക്ഷ്ണ​ത പ്ര​ഭാ​ഷ​ണ​ത്തി​ലും പ്ര​തി​ഫ​ലി​ച്ച​തു​കൊ​ണ്ടാ​ണ്. അ​ദ്ദേ​ഹം ഏ​റ്റ​വും അ​വ​സാ​നം ന​ട​ത്തി​യ രാ​ഷ്ട്രീ​യ വ​ർ​ത്ത​മാ​ന​വും ആ ​പ്ര​സം​ഗ​മാ​യി​രി​ക്കും. രാ​ജ്യം അ​ഭി​മു​ഖീ​ക​രി​ക്കു​ന്ന ഫാ​ഷി​സ​ത്തി​ന്റെ വി​പ​ത്തു​ക​ളെ​ക്കു​റി​ച്ചു​ള്ള ആ ​മു​ന്ന​റി​യി​പ്പു​ത​ന്നെ​യാ​യി​രു​ന്നു എം.​ടി​യു​ടെ എ​ക്കാ​ല​ത്തെ​യും രാ​ഷ്ട്രീ​യ​വും. എ​ഴു​ത്തു​ലോ​കം, അ​ധി​കാ​ര​കേ​ന്ദ്ര​ങ്ങ​​ളെ പ്ര​തി​ധ്വ​നി​പ്പി​ച്ചു​കൊ​ണ്ടി​രി​ക്കു​ന്ന ഈ ​കാ​ല​ത്ത് തി​രി​ഞ്ഞൊ​ഴു​കു​ക​യും ഏ​കാ​കി​യാ​യി മ​റ്റൊ​രി​ട​ത്ത് മാ​റി​യി​രി​ക്കു​ക​യും ചെ​യ്തു എ​ന്ന​തും ആ ​എ​ഴു​ത്തു​മു​ദ്ര​യെ വ്യ​ത്യ​സ്ത​മാ​ക്കു​ന്നു​ണ്ട്. ഇ​തു​കൊ​ണ്ടൊ​ക്കെ​യാ​ണ് എം.​ടി​യെ​പ്പോ​ലെ എം.​ടി മാ​ത്ര​മേ മ​ല​യാ​ള​ത്തിനു​ള്ളൂ എ​ന്നു പ​റ​യേ​ണ്ടി​ വ​രു​ന്ന​ത്.