മ​നു​ഷ്യാ​വ​കാ​ശ രം​ഗ​ത്ത് ഇ​ന്ത്യ പി​റ​കോ​ട്ട്

ഇ​ന്ത്യ​യു​ടെ ദേ​ശീ​യ മ​നു​ഷ്യാ​വ​കാ​ശ ക​മീ​ഷ​ന് ‘എ’ ​പ​ദ​വി പു​തു​ക്കി​ന​ൽ​കാ​ൻ ആ​ഗോ​ള മ​നു​ഷ്യാ​വ​കാ​ശ കൂ​ട്ടാ​യ്മ (ഗ്ലോ​ബ​ൽ അ​ല​യ​ൻ​സ് ഓ​ഫ് ഹ്യൂ​മ​ൻ റൈ​റ്റ്സ് ഇ​ൻ​സ്റ്റി​റ്റ്യൂ​ഷ​ൻ​സ്) വി​സ​മ്മ​തി​ച്ച​ത് ഒ​രു ഓ​ർ​മ​പ്പെ​ടു​ത്ത​ലാ​ണ്. യു.​എ​ൻ അം​ഗീ​കാ​ര​മു​ള്ള ഗ്ലോ​ബ​ൽ അ​ല​യ​ൻ​സാ​ണ് വി​വി​ധ രാ​ജ്യ​ങ്ങ​ളി​ലെ മ​നു​ഷ്യാ​വ​കാ​ശ ക​മീ​ഷ​നു​ക​ളെ​യും പ്ര​സ്ഥാ​ന​ങ്ങ​ളെ​യും വി​ല​യി​രു​ത്തി അ​ക്ര​ഡി​റ്റേ​ഷ​ൻ ന​ൽ​കു​ന്ന​ത്. ലോ​ക​മെ​ങ്ങു​മു​ള്ള 110 മ​നു​ഷ്യാ​വ​കാ​ശ സം​ഘ​ങ്ങ​ളെ പ്ര​തി​നി​ധാ​നം​ചെ​യ്യു​ന്ന ഈ ​കൂ​ട്ടാ​യ്മ, യു.​എ​ൻ അം​ഗീ​ക​രി​ച്ച ‘പാ​രി​സ് ത​ത്ത്വ​ങ്ങ’​ളെ അ​ടി​സ്ഥാ​ന​മാ​ക്കി​യാ​ണ് വി​ല​യി​രു​ത്ത​ൽ ന​ട​ത്തു​ക. അ​ഞ്ചു​വ​ർ​ഷം കൂ​ടു​മ്പോ​ൾ ന​ട​ത്തു​ന്ന വി​ല​യി​രു​ത്ത​ലി​ൽ എ​പ്പോ​ഴും ‘എ’ ​ഗ്രേ​ഡ് നേ​ടി വ​ന്നി​രു​ന്ന ഇ​ന്ത്യ ആ​ദ്യ​മാ​യി പി​റ​കോ​ട്ട​ടി​ച്ച​ത് 2016ലാ​ണ്. അ​ന്നും ‘എ’ ​പ​ദ​വി പു​തു​ക്കു​ന്ന​ത് നീ​ട്ടി​വെ​ക്കു​ക​യാ​യി​രു​ന്നു -ഒ​രു കൊ​ല്ല​ത്തി​ന​കം ന്യൂ​ന​ത​ക​ൾ പ​രി​ഹ​രി​ക്ക​ണ​മെ​ന്ന നി​ർ​ദേ​ശ​ത്തോ​ടെ. 2017ൽ ​ആ പ​ദ​വി പു​നഃ​സ്ഥാ​പി​ച്ചു.

ഇ​പ്പോ​ഴും ഗ്ലോ​ബ​ൽ അ​ല​യ​ൻ​സ് എ​ടു​ത്തു​പ​റ​ഞ്ഞ കു​റ​വു​ക​ൾ പ​രി​ഹ​രി​ക്കാ​ൻ ഒ​രു​വ​ർ​ഷ​ത്തെ സാ​വ​കാ​ശം ന​ൽ​കി​യി​ട്ടു​ണ്ട്. അ​ക്ര​ഡി​റ്റേ​ഷ​ൻ ഇ​ല്ലാ​താ​യാ​ൽ ഇ​ന്ത്യ​ക്ക് യു.​എ​ൻ മ​നു​ഷ്യാ​വ​കാ​ശ കൗ​ൺ​സി​ലി​ലെ അം​ഗ​ത്വം ന​ഷ്ട​പ്പെ​ടും. ദേ​ശീ​യ മ​നു​ഷ്യാ​വ​കാ​ശ ക​മീ​ഷ​ന്റെ പ്ര​വ​ർ​ത്ത​ന​ത്തി​ലു​ള്ള രാ​ഷ്ട്രീ​യ ഇ​ട​പെ​ട​ലാ​ണ് അ​ക്ര​ഡി​റ്റേ​ഷ​ൻ പു​തു​ക്കു​ന്ന​തി​ലെ ഒ​രു പ്ര​ധാ​ന ത​ട​സ്സ​മാ​യി ചൂ​ണ്ടി​ക്കാ​ണി​ക്ക​പ്പെ​ടു​ന്ന​ത്. ക​മീ​ഷ​ൻ അം​ഗ​ങ്ങ​ളെ നി​യ​മി​ക്കു​ന്ന​തി​ൽ കേ​ന്ദ്ര​സ​ർ​ക്കാ​ർ ഇ​ട​പെ​ടു​ന്നു, പൗ​ര​സ​മൂ​ഹ​വു​മാ​യും മ​നു​ഷ്യാ​വ​കാ​ശ സം​ഘ​ട​ന​ക​ളു​മാ​യു​മു​ള്ള ക​മീ​ഷ​ന്റെ ബ​ന്ധം ക​ലു​ഷ​മാ​കു​ന്നു, ക​മീ​ഷ​ൻ അം​ഗ​ങ്ങ​ളി​ൽ നാ​നാ​ത്വ​വും ബ​ഹു​സ്വ​ര പ്രാ​തി​നി​ധ്യ​വും ഇ​ല്ലാ​താ​കു​ന്നു, മ​നു​ഷ്യാ​വ​കാ​ശ ലം​ഘ​ന​ങ്ങ​ൾ ക​മീ​ഷ​ൻ അ​ന്വേ​ഷി​ക്കു​മ്പോ​ൾ അ​തി​ൽ പൊ​ലീ​സ് ഉ​ദ്യോ​ഗ​സ്ഥ​ർ ഇ​ട​പെ​ടു​ന്നു തു​ട​ങ്ങി​യ പ്ര​ശ്ന​ങ്ങ​ൾ ഗ്ലോ​ബ​ൽ അ​ല​യ​ൻ​സ് എ​ടു​ത്തു​പ​റ​ഞ്ഞി​ട്ടു​ണ്ട്.

1999ൽ ​യു.​എ​ൻ അം​ഗീ​കൃ​ത അ​ക്ര​ഡി​റ്റേ​ഷ​ൻ സ​മ്പ്ര​ദാ​യം തു​ട​ങ്ങി​യ​തു മു​ത​ൽ മു​ട​ങ്ങാ​തെ ‘എ’ ​പ​ദ​വി നേ​ടി​ക്കൊ​ണ്ടി​രു​ന്ന രാ​ജ്യ​മാ​ണ് ഇ​ന്ത്യ. ന​രേ​ന്ദ്ര മോ​ദി അ​ധി​കാ​ര​ത്തി​ൽ വ​ന്ന​തി​ന് ശേ​ഷ​മു​ള്ള ര​ണ്ടു​ത​വ​ണ​യും ഗ്ലോ​ബ​ൽ അ​ല​യ​ൻ​സി​ന് അ​ക്ര​ഡി​റ്റേ​ഷ​ൻ പി​ടി​ച്ചു​വെ​ക്കേ​ണ്ടി​വ​ന്നു എ​ന്ന​ത് ശ്ര​ദ്ധേ​യ​മാ​ണ്. 2016ൽ ​അ​വ​ർ ഉ​യ​ർ​ത്തി​യ ആ​ശ​ങ്ക​ക​ൾ​ക്കു​ശേ​ഷം ‘എ’ ​ഗ്രേ​ഡ് പു​നഃ​സ്ഥാ​പി​ക്കു​മ്പോ​ൾ, ആ ​ആ​ശ​ങ്ക​ക​ൾ പൂ​ർ​ണ​മാ​യും പ​രി​ഹ​രി​ക്ക​ണ​മെ​ന്ന് ആ​വ​ശ്യ​പ്പെ​ട്ടി​രു​ന്നു. എ​ന്നാ​ൽ, രാ​ജ്യ​ത്ത് മ​നു​ഷ്യാ​വ​കാ​ശ​രം​ഗ​ത്ത് സ്ഥി​തി​ഗ​തി​ക​ൾ മോ​ശ​മാ​കു​ന്ന​താ​യു​ള്ള പ​രാ​തി​ക​ൾ വ​ർ​ധി​ക്കു​ക​യും 2017ൽ ​ഗ്ലോ​ബ​ൽ അ​ല​യ​ൻ​സ് ഉ​ന്ന​യി​ച്ച പ്ര​ശ്ന​ങ്ങ​ൾ തി​രു​ത്ത​പ്പെ​ടാ​തെ കി​ട​ക്കു​ക​യും ചെ​യ്യു​ന്ന​തി​നാ​ലാ​ണ് ഇ​പ്പോ​ൾ വീ​ണ്ടും അ​ക്ര​ഡി​റ്റേ​ഷ​ൻ നീ​ട്ടി​വെ​ച്ച​ത് എ​ന്ന് റി​പ്പോ​ർ​ട്ടു​ക​ൾ പ​റ​യു​ന്നു. ക​മീ​ഷ​ന്റെ പ്ര​വ​ർ​ത്ത​ന​സ്വാ​ത​ന്ത്ര്യ​ത്തെ ഹ​നി​ക്കു​ന്ന​രീ​തി​യി​ൽ നി​യ​മ​ന​ങ്ങ​ളി​ലു​ള്ള സ​ർ​ക്കാ​ർ​സ്വാ​ധീ​നം തു​ട​രു​ക​യാ​ണ്. ഐ.​എ.​എ​സു​കാ​ര​നാ​യ ദേ​വേ​ന്ദ്ര​കു​മാ​ർ സി​ങ് ആ​ണ് ക​മീ​ഷ​ന്റെ സെ​ക്ര​ട്ട​റി ജ​ന​റ​ൽ. സു​പ്രീം​കോ​ട​തി ജ​ഡ്ജി ആ​യി​രി​ക്കെ ന​രേ​ന്ദ്ര മോ​ദി​യെ പ്ര​ശം​സി​ച്ച് വി​വാ​ദം സൃ​ഷ്ടി​ച്ച അ​രു​ൺ​കു​മാ​ർ മി​ശ്ര​യാ​ണ് ക​മീ​ഷ​ന്റെ അ​ധ്യ​ക്ഷ​ൻ. ഇ​ത്ത​ര​ത്തി​ൽ നി​യ​മി​ക്ക​പ്പെ​ടു​ന്ന​വ​ർ​ക്ക് കീ​ഴി​ൽ ക​മീ​ഷ​ന് സ്വ​ത​ന്ത്ര​മാ​യി പ്ര​വ​ർ​ത്തി​ക്കാ​നാ​വി​ല്ല എ​ന്ന ആ​ശ​ങ്ക അ​സ്ഥാ​ന​ത്ത​ല്ല. പൊ​തു​സ​മൂ​ഹ​വു​മാ​യും മ​നു​ഷ്യാ​വ​കാ​ശ പ്ര​സ്ഥാ​ന​ങ്ങ​ളു​മാ​യും ചേ​ർ​ന്ന് ര​ച​നാ​ത്മ​ക​മാ​യി പ്ര​വ​ർ​ത്തി​ക്കാ​ൻ ഇ​ന്ത്യ​യി​ലെ ദേ​ശീ​യ ക​മീ​ഷ​ന് ക​ഴി​യു​ന്നി​ല്ലെ​ന്നും ഗ്ലോ​ബ​ൽ അ​ല​യ​ൻ​സ് ആ​രോ​പി​ക്കു​ന്നു. ആം​ന​സ്റ്റി ഇ​ന്റ​ർ​നാ​ഷ​ന​ൽ, സെ​ന്റ​ർ ഫോ​ർ പോ​ളി​സി റി​സ​ർ​ച്, കോ​മ​ൺ​വെ​ൽ​ത്ത് ഹ്യൂ​മ​ൻ റൈ​റ്റ്സ് ഇ​നീ​ഷ്യേ​റ്റി​വ് തു​ട​ങ്ങി​യ വി​വി​ധ മ​നു​ഷ്യാ​വ​കാ​ശ പ്ര​സ്ഥാ​ന​ങ്ങ​ളെ നി​യ​ന്ത്രി​ക്കാ​ൻ കേ​ന്ദ്രം ശ്ര​മം ന​ട​ത്തു​മ്പോ​ൾ ദേ​ശീ​യ ക​മീ​ഷ​ൻ നി​ഷ്ക്രി​യ​ത്വം പു​ല​ർ​ത്തു​ന്നു എ​ന്ന​തൊ​രു വ​സ്തു​ത​യാ​ണ്. ആ​റു കാ​ര്യ​ങ്ങ​ൾ മ​നു​ഷ്യാ​വ​കാ​ശ ക​മീ​ഷ​നു​ക​ൾ​ക്ക് ഉ​ണ്ടാ​കേ​ണ്ട​തു​ണ്ട്. മ​തി​യാ​യ അ​ധി​കാ​രം, സ​ർ​ക്കാ​റി​നോ​ട് ആ​ശ്രി​ത​ത്വ​മോ വി​ധേ​യ​ത്വ​മോ ഉ​ണ്ടാ​കാ​ത്ത വി​ധ​ത്തി​ൽ പ്ര​വ​ർ​ത്ത​ന​സ്വാ​ത​ന്ത്ര്യം, ഭ​ര​ണ​ഘ​ട​ന അം​ഗീ​ക​രി​ച്ച സ്വ​യാ​ധി​കാ​രം, ബ​ഹു​സ്വ​ര​ത, ആ​വ​ശ്യാ​നു​സ​ര​ണം വി​ഭ​വ​ങ്ങ​ൾ, അ​ന്വേ​ഷ​ണാ​ധി​കാ​രം എ​ന്നി​വ അ​വ​ക്ക് നി​ർ​ബ​ന്ധ​മാ​ണ്.

ഇ​ന്ത്യ​യി​ൽ പോ​രാ​യ്മ​ക​ൾ നേ​ര​ത്തേ ഉ​ണ്ടെ​ങ്കി​ലും അ​ടു​ത്ത​കാ​ല​ത്താ​യി അ​വ ശ​രി​ക്കും പ്ര​ക​ട​മാ​യി​ക്കൊ​ണ്ടി​രി​ക്കു​ക​യാ​ണ്. കേ​ന്ദ്ര​സ​ർ​ക്കാ​റി​ന് നി​യ​മ​ന​ങ്ങ​ളി​ൽ നി​ർ​ണാ​യ​ക അ​ധി​കാ​രം ന​ൽ​കു​ന്ന ഇ​പ്പോ​ഴ​ത്തെ നി​യ​മം മാ​റ​ണം. പ​ല​പ്പോ​ഴും സ​ർ​ക്കാ​റു​ക​ൾ​ക്കെ​തി​രെ​യാ​ണ് മ​നു​ഷ്യാ​വ​കാ​ശ ലം​ഘ​ന ആ​രോ​പ​ണ​ങ്ങ​ൾ ഉ​യ​രു​ക; അ​പ്പോ​ൾ അ​തേ സ​ർ​ക്കാ​റു​ക​ൾ ത​ന്നെ നി​യ​മി​ച്ച ദേ​ശീ​യ-​സം​സ്ഥാ​ന ക​മീ​ഷ​നു​ക​ൾ​ക്ക് ഫ​ല​പ്ര​ദ​മാ​യി പ്ര​വ​ർ​ത്തി​ക്കാ​നോ ഇ​ട​പെ​ടാ​നോ ക​ഴി​യി​ല്ലെ​ന്ന് ഉ​റ​പ്പാ​ണ്. മ​നു​ഷ്യാ​വ​കാ​ശ ലം​ഘ​ന​ങ്ങ​ൾ പ​ല​തും ക​മീ​ഷ​നു​ക​ൾ ക​ണ്ടി​ല്ലെ​ന്ന് ന​ടി​ക്കു​ന്നു​ണ്ട്. വാ​ർ​ത്ത​ക​ളി​ലൂ​ടെ അ​വ ജ​ന​ശ്ര​ദ്ധ​യാ​ക​ർ​ഷി​ച്ചാ​ൽ മാ​ത്രം ക​മീ​ഷ​ൻ ഇ​ട​പെ​ടു​ന്ന​രീ​തി നി​ല​നി​ൽ​ക്കു​ന്നു. പൊ​ലീ​സും പ​ട്ടാ​ള​വും അ​ട​ക്ക​മു​ള്ള ഭ​ര​ണ​കൂ​ട ഉ​പ​ക​ര​ണ​ങ്ങ​ൾ തെ​റ്റു​ചെ​യ്താ​ൽ ശി​ക്ഷി​ക്ക​പ്പെ​ടു​ക അ​പൂ​ർ​വ​മാ​ണ്. ഏ​റ്റു​മു​ട്ട​ൽ കൊ​ല​ക​ളും ബു​ൾ​ഡോ​സ​ർ രാ​ജും ആ​ൾ​ക്കൂ​ട്ട മ​ർ​ദ​ന​ങ്ങ​ളും പെ​രു​കു​ന്ന​തി​ൽ മ​നു​ഷ്യാ​വ​കാ​ശ ക​മീ​ഷ​നു​ക​ളു​ടെ ഉ​ദാ​സീ​ന​ത​ക്ക് ചെ​റു​ത​ല്ലാ​ത്ത പ​ങ്കു​ണ്ട്. വം​ശീ​യ​വും വ​ർ​ഗീ​യ​വും ജാ​തീ​യ​വു​മാ​യ ഹിം​സ​ക​ളോ​ട് സ​ർ​ക്കാ​റു​ക​ളെ​ന്ന​പോ​ലെ മ​നു​ഷ്യാ​വ​കാ​ശ ക​മീ​ഷ​നു​ക​ളും നി​ഷ്ക്രി​യ​ത്വം പു​ല​ർ​ത്തു​ന്ന സ്ഥി​തി​യാ​ണേ​റെ​യും. മ​നു​ഷ്യാ​വ​കാ​ശ​ലം​ഘ​നം ന​ട​ന്നാ​ൽ അ​ത് വ്യാ​പ​ക​മാ​യി റി​പ്പോ​ർ​ട്ട് ചെ​യ്യ​പ്പെ​ടു​ക​യും പ​രാ​തി​യും പ്ര​തി​ഷേ​ധ​വും ഉ​യ​രു​ക​യും ചെ​യ്താ​ൽ​മാ​ത്രം ഇ​ട​പെ​ടു​ന്ന ക​മീ​ഷ​ൻ, ഉ​ള്ള​തും ഇ​ല്ലാ​ത്ത​തും ഒ​രു​പോ​ലെ​യാ​ണ്. യു.​എ​ൻ അം​ഗീ​കൃ​ത മ​നു​ഷ്യാ​വ​കാ​ശ കൂ​ട്ടാ​യ്മ അ​ക്ര​ഡി​റ്റേ​ഷ​ൻ മാ​റ്റി​വെ​ച്ച​ത് പി​ഴ​വു​ക​ൾ തി​രു​ത്താ​നു​ള്ള അ​വ​സ​ര​മാ​കേ​ണ്ട​താ​ണ്.