എ​ന്തു​കൊ​ണ്ട്​ അ​വ​യ​വ​ദാ​ന മാ​ഫി​യ വീ​ണ്ടും?

ഒ​രു ഇ​ട​വേ​ള​ക്കു​ശേ​ഷം കേ​ര​ള​ത്തി​ൽ അ​വ​യ​വ ക​ച്ച​വ​ടം സ​ജീ​വ​മാ​കു​ന്നു എ​ന്ന ആ​ശ​ങ്ക ജ​നി​പ്പി​ച്ചി​രി​ക്കു​ക​യാ​ണ് ക്രൈം​ബ്രാ​ഞ്ച് ഐ.​ജി ശ്രീ​ജി​ത്ത് ഡി.​ജി.​പി​ക്കു ന​ൽ​കി​യ റി​പ്പോ​ർ​ട്ട്. സം​​സ്ഥാ​​ന​​ത്ത് അ​​വ​​യ​​വ​​ദാ​​ന മാ​​ഫി​​യ സ​​ജീ​​വ​​മാ​​ണെ​​ന്നും സ​​ര്‍ക്കാ​​റി​െ​ൻ​റ മൃ​​ത​​സ​​ഞ്ജീ​​വ​​നി പ​​ദ്ധ​​തി അ​​ട്ടി​​മ​​റി​​ച്ചാ​​ണ്​ ഇ​​വ​​രു​​ടെ പ്ര​​വ​​ര്‍ത്ത​​ന​​മെ​ന്നും പ്രാ​ഥ​മി​കാ​ന്വേ​ഷ​ണ​ത്തി​ൽ തെ​ളി​ഞ്ഞ​താ​യി വ്യ​ക്ത​മാ​ക്കു​ന്ന റി​പ്പോ​ർ​ട്ട്, സ​​ർ​​ക്കാ​​ർ ഉ​​ദ്യോ​​ഗ​​സ്ഥ​​ർ​​ക്ക്​ ഇ​​തി​​ൽ പ​​ങ്കു​​ണ്ടോ​​യെ​​ന്ന​ സം​​​ശ​​യം പ്ര​​ക​​ടി​​പ്പി​​ക്കു​ക​യും ചെ​യ്തി​രി​ക്കു​ന്നു. ഇൗ ​ക​ണ്ടെ​ത്ത​ലി​ൽ സ്വ​മേ​ധ​യാ കേ​​സ്​ ര​​ജി​​സ്​​​റ്റ​​ർ ചെ​​യ്​​​ത് ക്രൈം​​ബ്രാ​​ഞ്ച്​ തൃ​​ശൂ​​ർ ജി​​ല്ല എ​​സ്.​​പി സു​​ദ​​ര്‍ശ​​ന​നെ​ അ​​ന്വേ​​ഷ​​ണ​​ച്ചു​​മ​​ത​​ല ഏ​ൽ​പി​ച്ചി​രി​ക്കു​ക​യാ​ണ് സ​ർ​ക്കാ​ർ. തൃ​ശൂ​രി​ൽ കൊ​ടു​ങ്ങ​ല്ലൂ​രി​ലെ ഒ​രു കോ​ള​നി​യി​ൽ കു​റ​ച്ച​ധി​കം ആ​ളു​ക​ൾ ഏ​​ജ​​ൻ​​റു​​മാ​​രു​​ടെ ച​തി​യി​ൽ​പെ​​ട്ട്​ വൃ​ക്ക ദാ​നം ചെ​യ്ത​താ​യി ക​ണ്ടെ​ത്തി​യി​ട്ടു​ണ്ട്. കൊ​ച്ചി​യി​ലെ മൂ​ന്നു കോ​ള​നി​ക​ളി​ലേ​ക്കും അ​ന്വേ​ഷ​ണം വ്യാ​പി​പ്പി​ച്ചി​രി​ക്കു​ന്നു. സം​സ്ഥാ​ന​ത്ത് അ​ടു​ത്ത​കാ​ല​ത്താ​യി അ​ന​ധി​കൃ​ത​മാ​യി മു​പ്പ​ത്ത​ഞ്ചി​ല​ധി​കം അ​വ​യ​വ കൈ​മാ​റ്റം ന​ട​ന്നെ​ന്നാ​ണ് പ്രാ​ഥ​മി​ക ക​ണ്ടെ​ത്ത​ൽ.

ദാ​നം ചെ​യ്ത് ല​ഭി​ക്കു​ന്ന അ​വ​യ​വ​ങ്ങ​ളും ആ​വ​ശ്യ​ക്കാ​രാ​യ രോ​ഗി​ക​ളു​ടെ എ​ണ്ണ​വും ത​മ്മി​ലു​ള്ള വ​ലി​യ വി​ട​വാ​ണ് സം​സ്ഥാ​ന​ത്തും പു​റ​ത്തും അ​വ​യ​വ ക​ച്ച​വ​ട​ക്കാ​രു​ടെ തു​റു​പ്പു​ശീ​ട്ട്. മ​ര​ണാ​ന​ന്ത​ര അ​വ​യ​വ കൈ​മാ​റ്റ​ത്തി​നാ​യി സ​ർ​ക്കാ​ർ രൂ​പ​വ​ത്ക​രി​ച്ച 'മൃ​​ത​​സ​​ഞ്​​​ജീ​​വ​​നി'​​യി​​ൽ ര​​ജി​​സ്​​​റ്റ​​ർ ചെ​​യ്​​​ത്​ കാ​​ത്തി​​രി​​ക്കു​​ന്ന​​ത്​ 2329 പേ​​രാ​​ണ്. എ​​ന്നാ​​ൽ, വി​വി​ധ രോ​ഗ​ങ്ങ​ൾ നി​മി​ത്തം ത​ക​ർ​ന്നു​പോ​യ അ​വ​യ​വ​ങ്ങ​ൾ മാ​റ്റി​വെ​ക്കേ​ണ്ട കാ​​ൽ​​ല​​ക്ഷം പേ​​രെ​​ങ്കി​​ലും സം​സ്ഥാ​ന​ത്തു​ണ്ടെ​ന്നാ​ണ് അ​​നൗ​​ദ്യോ​​ഗി​​ക ക​​ണ​​ക്ക്. മ​സ്തി​ഷ്ക മ​ര​ണാ​ന​ന്ത​രം ദാ​നം ന​ൽ​കാ​ൻ ത​യാ​റാ​യ​വ​രു​ടെ അ​വ​യ​വ കൈ​മാ​റ്റ​ത്തി​ന് മൃ​​ത​​സ​​ഞ്​​​ജീ​​വ​​നി​യി​ൽ ര​ജി​സ്​​റ്റ​ർ ചെ​യ്ത 35 ആ​ശു​പ​ത്രി​ക​ൾ​ക്കാ​ണ് സ​ർ​ക്കാ​ർ അ​നു​മ​തി. എ​ന്നാ​ൽ, 2012 മു​ത​ൽ ഇ​തു​വ​രെ മ​സ്തി​ഷ്ക മ​ര​ണം സം​ഭ​വി​ച്ച 314 പേ​രി​ൽ​നി​ന്ന് 888 അ​വ​യ​വ​ങ്ങ​ളാ​ണ് ഇ​തു​വ​ഴി ല​ഭ്യ​മാ​യ​ത്. 'മൃ​ത​സ​ഞ്ജീ​വ​നി' വ​ഴി അ​വ​യ​വം ല​ഭി​ക്കാ​നു​ള്ള കാ​ല​താ​മ​സ​വും നി​യ​മ​പ​ര​മാ​യ ക​ണി​ശ​ത​യും ആ​വ​ശ്യ​ക്കാ​രു​ടെ ആ​ധി​ക്യ​വും ലൈ​വ് ഡൊ​ണേ​ഷ​ൻ അ​നി​വാ​ര്യ​മാ​ക്കു​ന്നു. ക​ർ​ശ​ന നി​യ​മ​ങ്ങ​ളും ച​ട്ട​ങ്ങ​ളു​മു​ണ്ടെ​ങ്കി​ലും അ​നി​വാ​ര്യ​മാ​െ​ണ​ങ്കി​ൽ ജീ​വ​കാ​രു​ണ്യ താ​ൽ​പ​ര്യം​കൊ​ണ്ട് ബ​ന്ധു​ക്ക​ള​ല്ലാ​ത്ത​വ​ർ​ക്കും അ​വ​യ​വം ദാ​നം ചെ​യ്യാം എ​ന്ന വ​കു​പ്പാ​ണ് മാ​ഫി​യ​ക്കാ​ർ സ​മ​ർ​ഥ​മാ​യി ചൂ​ഷ​ണം​ചെ​യ്യു​ന്ന​ത്.

ഒ​രു​വ​ശ​ത്ത് ജീ​വ​നു​വേ​ണ്ടി​യു​ള്ള അ​വ​സാ​ന​ത്തെ പി​ട​ച്ചി​ൽ, മ​റു​വ​ശ​ത്ത് ജീ​വി​ത​ത്തെ മു​ന്നോ​ട്ടു​കൊ​ണ്ടു​പോ​കാ​ൻ അ​വ​യ​വം അ​റു​ത്തു​കൊ​ടു​ക്കു​ക​യ​ല്ലാ​തെ മ​റ്റൊ​രു​വ​ഴി​യും കാ​ണാ​നാ​കാ​ത്ത ദൈ​ന്യ​ത. ക​ച്ച​വ​ട​ത്തി​ൽ മാ​ത്രം ക​ണ്ണു​ള്ള ഏ​ജ​ൻ​റു​മാ​രും ആ​രോ​ഗ്യ​മേ​ഖ​ല​യെ മു​ഴു​വ​ൻ ക​രി​വാ​രി​ത്തേ​ക്കു​ന്ന ചി​ല ആ​ശു​പ​ത്രി അ​ധി​കൃ​ത​രും മു​ത​ലാ​ക്കു​ന്ന​ത് ഈ ​നി​സ്സ​ഹാ​യ​ത​യെ​യാ​ണ്. അ​വ​യ​വ​ദാ​ന​ത്തി​ന് നി​ർ​ബ​ന്ധി​ത​മാ​ക്കി​യ​ത് ക​ടു​ത്ത ദാ​രി​ദ്ര്യ​മാ​െ​ണ​ന്ന് ചി​ല​ർ പൊ​ലീ​സി​ന് മൊ​ഴി​ന​ൽ​കി​യി​ട്ടു​ണ്ട്. ലോ​ക്​​ഡൗ​ൺ കാ​ല​ത്ത് ജീ​വി​ക്കാ​ൻ​വേ​ണ്ടി എ​റ​ണാ​കു​ളം ജി​ല്ല​യി​ൽ മാ​ത്രം ചു​രു​ങ്ങി​യ​ത് ആ​റു സ്ത്രീ​ക​ൾ​ക്കെ​ങ്കി​ലും വൃ​ക്ക വി​ൽ​ക്കേ​ണ്ടി​വ​ന്നു എ​ന്ന​ത് കേ​ര​ള​ത്തെ ല​ജ്ജി​പ്പി​ക്കേ​ണ്ട​താ​ണ്. വൃ​ക്ക വി​ൽ​ക്കേ​ണ്ടി​വ​ന്ന സ്ത്രീ​യെ പി​ന്നീ​ട് ഏ​ജ​ൻ​റാ​ക്കി പു​തി​യ ഇ​ര​ക​ളെ സം​ഘ​ടി​പ്പി​ച്ച് ക​ച്ച​വ​ടം കൊ​ഴു​പ്പി​ച്ചു എ​ന്ന മൊ​ഴി സം​സ്ഥാ​ന​ത്തെ കോ​ള​നി​ക​ളി​ലെ ജീ​വി​താ​വ​സ്ഥ​ക​ളി​ലേ​ക്ക് അ​ടി​യ​ന്ത​ര​ശ്ര​ദ്ധ തി​രി​ക്കേ​ണ്ട അ​നി​വാ​ര്യ​ത ബോ​ധ്യ​പ്പെ​ടു​ത്തു​ന്നു. മു​മ്പ്​ വൃ​ക്ക​വാ​ണി​ഭം ഏ​റ്റ​വും കൂ​ടു​ത​ൽ ന​ട​ന്ന​ത് ആ​ദി​വാ​സി മേ​ഖ​ല​യി​ലാ​യി​രു​ന്നു​വെ​ന്ന​ത് ഇ​തി​നോ​ടു ചേ​ർ​ത്തു​വാ​യി​ക്കേ​ണ്ട​താ​ണ്.

മു​ന്നാ​ക്ക​ക്കാ​രി​ലെ പി​ന്നാ​ക്ക​ക്കാ​രെ​ക്കു​റി​ച്ച് ഗൗ​ര​വ സം​വാ​ദ​ങ്ങ​ൾ അ​ര​ങ്ങു​ത​ക​ർ​ക്കു​ന്ന ഇ​തേ സ​മ​യ​ത്താ​ണ് സാ​മ്പ​ത്തി​ക അ​ര​ക്ഷി​താ​വ​സ്ഥ മൂ​ലം അ​വ​യ​വ​ങ്ങ​ൾ വി​ൽ​ക്കു​ന്ന കോ​ള​നി​ക​ളെ​യും ചേ​രി​ക​ളെ​യും​കു​റി​ച്ചു​ള്ള വാ​ർ​ത്ത​ക​ൾ​ക്ക് മ​തി​യാ​യ പ​രി​ഗ​ണ​ന​ക​ൾ ല​ഭി​ക്കാ​തെ​പോ​കു​ന്ന​ത്. ഭൂ​ര​ഹി​ത​രും ഭ​വ​ന​ര​ഹി​ത​രു​മാ​യി 26,000ത്തി​ല​ധി​കം കോ​ള​നി​ക​ളി​ൽ ജീ​വി​തം ന​ര​കി​ച്ചു​തീ​ർ​ക്കു​ന്ന​വ​രു​ടെ അ​വ​സാ​ന​ത്തെ പി​ടി​വ​ള്ളി​യാ​കു​ക​യാ​ണ് അ​വ​യ​വ വി​ൽ​പ​ന. അ​വ​യ​വം അ​റു​ത്തു​മു​റി​ച്ച​ശേ​ഷം സ​ർ​ക്കാ​ർ ഉ​ദ്യോ​ഗ​സ്ഥ​രും ആ​ശു​പ​ത്രി അ​ധി​കൃ​ത​രും ഏ​ജ​ൻ​റു​മാ​രും ചേ​ർ​ന്ന് പ​റ​ഞ്ഞു​റ​പ്പി​ച്ച പ​ണം ന​ൽ​കാ​തെ ആ ​പാ​വ​പ്പെ​ട്ട​വ​രെ പ​റ്റി​ച്ചു​വെ​ന്നും റി​പ്പോ​ർ​ട്ടു​ണ്ട്. പ​രാ​തി പ​റ​ഞ്ഞാ​ൽ ദാ​താ​വും സ്വീ​ക​ർ​ത്താ​വും ഒ​രു​പോ​ലെ നി​യ​മ​പ​ര​മാ​യി കു​ടു​ങ്ങു​മെ​ന്ന​തി​നാ​ൽ സാ​മൂ​ഹി​കാ​ധി​കാ​ര​മി​ല്ലാ​ത്ത ഇ​ര​ക​ൾ കേ​സി​നു​പോ​കി​ല്ല എ​ന്ന വി​ശ്വാ​സ​മാ​ണ് ഈ ​കൊ​ടും​വ​ഞ്ച​ന​ക്ക് പ്രേ​ര​കം.

ര​ണ്ടു വ​ർ​ഷം മു​മ്പ്​ സേ​ല​ത്ത് പ​​രി​​ക്കേ​​റ്റു ചി​​കി​​ത്സ​​യി​​ലി​​രി​​ക്കെ നെ​​ല്ലി​​മേ​​ട് സ്വ​​ദേ​​ശി മ​​ണി​​ക​​ണ്ഠ​​ന് മ​​സ്തി​​ഷ്ക​​മ​​ര​​ണം സം​​ഭ​​വി​​ക്കു​​ക​​യും ചി​​കി​​ത്സ​​ച്ചെ​​ല​​വ് പെ​​രു​​പ്പി​​ച്ചു​കാ​​ട്ടി അ​​വ​​യ​​വ​​ങ്ങ​​ൾ നീ​​ക്കം​ചെ​​യ്യു​​ക​​യും ചെ​​യ്ത സം​​ഭ​​വ​​ത്തി​​ൽ സ​​മ​​ഗ്ര അ​​ന്വേ​​ഷ​​ണം ആ​​വ​​ശ്യ​​പ്പെ​​ട്ട് മു​​ഖ്യ​​മ​​ന്ത്രി പി​​ണ​​റാ​​യി വി​​ജ​​യ​​ൻ ത​​മി​​ഴ്നാ​​ട് മു​​ഖ്യ​​മ​​ന്ത്രി​​ക്ക്​ ക​​ത്തെ​​ഴു​​തി​​യി​​രു​​ന്നു. ബി​ൽ അ​​ട​​ക്കു​​ക​​യോ അ​​വ​​യ​​വ​​ങ്ങ​​ൾ ന​​ൽ​​കു​​ക​​യോ ചെ​​യ്യാ​​തെ മൃ​​ത​​ദേ​​ഹം വി​​ട്ടു​​ന​​ൽ​​കി​​ല്ലെ​​ന്ന ആ​​ശു​​പ​​ത്രി അ​​ധി​​കൃ​​ത​​രു​​ടെ നി​​ബ​​ന്ധ​​ന​​യെ​​ത്തു​​ട​​ർ​​ന്ന് അ​​വ​​യ​​വ​​ദാ​​ന സ​​മ്മ​​ത​​പ​​ത്രം ഒ​​പ്പി​​ട്ടു​​ന​ൽ​​കാ​​ൻ ബ​ന്ധു​ക്ക​ൾ നി​​ർ​​ബ​​ന്ധി​​ത​​രാ​യി. ഇ​ത്ത​രം 'നി​ർ​ബ​ന്ധി​താ​വ​സ്ഥ​ക​ൾ' ഇ​ല്ലാ​താ​ക്കു​ന്ന സാ​മൂ​ഹി​ക പ​രി​വ​ർ​ത്ത​ന​ങ്ങ​ളി​ല്ലാ​ത്ത നി​യ​മ​നി​ർ​മാ​ണ​ങ്ങ​ൾ ഇ​ര​ക​ളാ​യ ദാ​താ​ക്ക​ളെ ശി​ക്ഷി​ക്കു​ക​യും കു​റ്റ​വാ​ളി​ക​ളെ ര​ക്ഷ​പ്പെ​ടു​ത്തു​ക​യു​മാ​ണ് ചെ​യ്യു​ക. അ​വ​യ​വ ക​ച്ച​വ​ടം നി​ർ​മാ​ർ​ജ​നം ചെ​യ്യാ​ൻ ക​ർ​ക്ക​ശ​മാ​യ നി​യ​മ​വും ച​ട്ട​വും ഇ​പ്പോ​ൾ​ത​ന്നെ നി​ല​വി​ലു​ണ്ട്. പ​ക്ഷേ, അ​വ ചൂ​ഷ​ണ​ത്തിെ​ൻ​റ വ​ല​ക​ളും പ്ര​തി​ക​ൾ​ക്ക് ര​ക്ഷ​പ്പെ​ടാ​നു​ള്ള വ​ഴി​ക​ളു​മാ​കു​ന്നു എ​ന്ന​താ​ണ് വ​ർ​ത്ത​മാ​ന​കാ​ല യാ​ഥാ​ർ​ഥ്യം.