ധാ​ന്യ​ക്ക​ശാ​പ്പും ബൈ​ഡ​ന്റെ പൊ​ടി​ക്കൈ​യും

മ​നു​ഷ്യ​രെ നി​ർ​ദാ​ക്ഷി​ണ്യം കൂ​ട്ട​ക്കൊ​ല ചെ​യ്തും പ​ട്ടി​ണി​ക്കി​ട്ടും അ​ധി​കാ​രം ആ​സ്വ​ദി​ച്ച ഭ​ര​ണ​ക​ർ​ത്താ​ക്ക​ൾ പ​ല​രും ഉ​ണ്ടാ​യി​ട്ടു​ണ്ട്. എ​ന്നാ​ൽ, ഇ​തി​നൊ​ക്കെ പു​റ​മെ ഇ​ര​ക​ളു​ടെ നി​സ്സ​ഹാ​യ​ത​യെ പ​രി​ഹ​സി​ക്കാ​ൻ​കൂ​ടി ധാ​ർ​ഷ്ട്യം കാ​ട്ടി​യ​വ​ർ ഏ​റെ​യു​ണ്ടാ​കി​ല്ല. ആ ​അ​പൂ​ർ​വ പ​ട്ടി​ക​യി​ൽ ത​ന്റെ സ്ഥാ​നം ഉ​റ​പ്പി​ച്ചി​രി​ക്കു​ന്നു യു.​എ​സ് പ്ര​സി​ഡ​ന്റ് ജോ ​ബൈ​ഡ​ൻ. ഒ​രു​ഭാ​ഗ​ത്ത് ഇ​സ്രാ​യേ​ലി​ലെ സ​യ​ണി​സ്റ്റ് സ​ർ​ക്കാ​റി​ന് പ​ണ​വും ആ​യു​ധ​വും ന​ൽ​കി ഫ​ല​സ്തീ​ൻ കൂ​ട്ട​ക്കൊ​ല​യെ പി​ന്തു​ണ​ക്കു​ക​യും സ​ഹാ​യി​ക്കു​ക​യും ചെ​യ്യു​ന്നു. മ​റു​ഭാ​ഗ​ത്ത് ആ ​ക​ശാ​പ്പു​മൂ​ലം നി​രാ​ധാ​ര​രാ​യി​പ്പോ​യ ജ​ന​ങ്ങ​ൾ​ക്ക് ഭ​ക്ഷ​ണ​പ്പൊ​തി​ക​ൾ ആ​കാ​ശ​ത്തു​നി​ന്ന് എ​റി​ഞ്ഞു​കൊ​ടു​ക്കു​ന്നു.

ഇ​ത് ചെ​യ്യു​മ്പോ​ഴും അ​മേ​രി​ക്ക ഇ​സ്രാ​യേ​ലി​ന് പി​ന്തു​ണ ആ​വ​ർ​ത്തി​ച്ച് പ്ര​ഖ്യാ​പി​ക്കു​ന്നു. ല​ക്ഷ​ക്ക​ണ​ക്കി​ന് മ​നു​ഷ്യ​രെ ഗ​സ്സ​യു​ടെ തെ​ക്കു​ഭാ​ഗ​ത്തേ​ക്ക് ഇ​സ്രാ​യേ​ൽ ആ​ട്ടി​പ്പാ​യി​ച്ച​ത് അ​മേ​രി​ക്ക​യു​ടെ സാ​മ്പ​ത്തി​ക, സൈ​നി​ക, ന​യ​ത​ന്ത്ര പി​ന്തു​ണ​യോ​ടെ​യാ​ണ്. പ​തി​നാ​യി​ര​ങ്ങ​ളെ ക​ശാ​പ്പ് ചെ​യ്ത​ത് അ​മേ​രി​ക്ക കൊ​ടു​ത്ത ആ​യു​ധ​വും യു.​എ​ന്നി​ൽ പ്ര​യോ​ഗി​ച്ച വീ​റ്റോ​യും ഉ​പ​യോ​ഗി​ച്ചാ​ണ്. ഇ​സ്രാ​യേ​ൽ ആ​ശു​പ​ത്രി​ക​ളും അ​ഭ​യാ​ർ​ഥി ക്യാ​മ്പു​ക​ളു​മ​ട​ക്കം ബോം​ബി​ട്ട് ത​ക​ർ​ക്കു​മ്പോ​ഴും ഗ​സ്സ​യെ വ​രി​ഞ്ഞു​മു​റു​ക്കി പ​ട്ടി​ണി​ക്കി​ട്ട് കൊ​ല്ലു​ക​യെ​ന്ന യു​ദ്ധ​ക്കു​റ്റം ചെ​യ്യു​മ്പോ​ഴും പ്രോ​ത്സാ​ഹ​ന​വു​മാ​യി ബൈ​ഡ​നും കൂ​ട്ട​രും ഒ​പ്പ​മു​ണ്ടാ​യി​രു​ന്നു. ലോ​കാ​രോ​ഗ്യ സം​ഘ​ട​ന​യും ഐ​ക്യ​രാ​ഷ്ട്ര സ​ഭ​യും റെ​ഡ്ക്രോ​സും അ​സം​ഖ്യം സ​ന്ന​ദ്ധ സം​ഘ​ട​ന​ക​ളും ഗ​സ്സ​യി​ലെ മാ​നു​ഷി​ക മ​ഹാ​ദു​ര​ന്ത​ത്തെ​പ്പ​റ്റി പ​റ​ഞ്ഞ​തി​നു​ശേ​ഷ​വും ആ​ഴ്ച​ക​ളാ​യി സി​വി​ലി​യ​ൻ ജ​ന​ത​ക്കു​മേ​ൽ ബോം​ബ് വ​ർ​ഷി​ക്കാ​ൻ ഇ​സ്രാ​യേ​ലി​ന് എ​ല്ലാ സ​ഹാ​യ​വും കൊ​ടു​ത്ത​ത് ബൈ​ഡ​ൻ ഭ​ര​ണ​കൂ​ട​മാ​ണ്. റ​ഫ അ​തി​ർ​ത്തി​യി​ൽ കി​ലോ​മീ​റ്റ​റു​ക​ളോ​ളം നീ​ള​ത്തി​ൽ ഭ​ക്ഷ​ണ​വും മ​രു​ന്നു​മാ​യി ട്ര​ക്കു​ക​ൾ കാ​ത്തു​കെ​ട്ടി​ക്കി​ട​ക്കു​മ്പോ​ഴും എ​ല്ലാം ത​ട​ഞ്ഞ് മ​നു​ഷ്യ​ത്വ​ത്തെ വെ​ല്ലു​വി​ളി​ച്ച ഇ​സ്രാ​യേ​ലി​നൊ​പ്പം അ​മേ​രി​ക്ക നി​ല​കൊ​ണ്ടു. അ​മേ​രി​ക്ക യു.​എ​ന്നി​ൽ പ്ര​യോ​ഗി​ച്ച വീ​റ്റോ​ക​ളി​ൽ ഒ​ന്ന് ഒ​ഴി​വാ​ക്കി​യി​രു​ന്നെ​ങ്കി​ൽ പി​ഞ്ചു​കു​ട്ടി​ക​ൾ ഭ​ക്ഷ​ണം കി​ട്ടാ​തെ വി​ശ​ന്ന് മ​രി​ക്കു​ന്ന സ്ഥി​തി ഇ​ത്ര ഗു​രു​ത​ര​മാ​കി​ല്ലാ​യി​രു​ന്നു.

‘ധാ​ന്യ​പ്പൊ​ടി​ക്ക​ശാ​പ്പ്’ (Flour massacre) എ​ന്നു വി​ളി​ക്ക​പ്പെ​ട്ട ദാ​രു​ണ സം​ഭ​വ​ത്തി​ന് ഇ​സ്രാ​യേ​ലി​നൊ​പ്പം അ​മേ​രി​ക്ക​യും ഉ​ത്ത​ര​വാ​ദി​യാ​ണ്. പ​ട്ടി​ണി​മൂ​ലം മ​ര​ണ​​ത്തോ​ട​ടു​ത്ത കു​ട്ടി​ക​ള​ട​ക്കം കാ​ത്തി​രി​ക്കെ, മു​ന്നൊ​രു​ക്ക​മൊ​ന്നു​മി​ല്ലാ​തെ ഇ​സ്രാ​യേ​ൽ ഏ​താ​നും ധാ​ന്യ​പ്പൊ​തി വ​ണ്ടി​ക​ൾ അ​ങ്ങോ​ട്ടു വി​ടു​ന്നു. മ​ക്ക​ളെ തീ​റ്റാ​ൻ അ​ൽ​പം പൊ​ടി​ക്കു​വേ​ണ്ടി ഓ​ടി​യ​ടു​ത്ത മ​നു​ഷ്യ​രെ, അ​വ​ർ അ​പ​ക​ട​കാ​രി​ക​ളാ​യി തോ​ന്നി എ​ന്ന് സ്വ​യം പ​റ​ഞ്ഞ് വെ​ടി​വെ​ച്ച് കൊ​ല്ലു​ന്നു. കൂ​ട്ട​ക്കൊ​ല​ക്കു​വേ​ണ്ടി രം​ഗ​മൊ​രു​ക്കു​ക​യാ​യി​രു​ന്നു ഇ​സ്രാ​യേ​ൽ എ​ന്ന് നി​രീ​ക്ഷ​ക​ർ അ​ഭി​പ്രാ​യ​പ്പെ​ട്ടി​ട്ടു​ണ്ട്. നൂ​റ്റി​പ്പ​ത്തി​ലേ​റെ മ​നു​ഷ്യ​ർ അ​ങ്ങ​നെ കൊ​ല്ല​പ്പെ​ട്ടു.

പ​ട്ടി​ണി​ക്കി​ട്ട​ത് അ​മേ​രി​ക്ക പി​ന്തു​ണ​ക്കു​ന്ന ഇ​സ്രാ​യേ​ൽ, ഭ​ക്ഷ​ണം തേ​ടി​ച്ചെ​ന്ന​വ​രെ കൊ​ന്ന​ത് അ​മേ​രി​ക്ക പി​ന്തു​ണ​ക്കു​ന്ന ഇ​സ്രാ​യേ​ൽ. മു​മ്പ് ഇ​സ്രാ​യേ​ൽ​ത​ന്നെ ചെ​യ്തു​കൂ​ട്ടി​യ​തി​നെ​പ്പോ​ലും വെ​ല്ലു​ന്ന​തും ഹി​റ്റ്ല​റു​ടെ ജ​ർ​മ​നി​പോ​ലും ചെ​യ്തി​ട്ടി​​ല്ലാ​ത്ത​തു​മാ​യ ഈ ​പൈ​ശാ​ചി​ക​ത ലോ​ക​ത്തെ ഞെ​ട്ടി​ച്ചു. ഇ​സ്രാ​യേ​ലി​നെ​യും അ​മേ​രി​ക്ക​യെ​യും വി​മ​ർ​ശി​ക്കാ​ൻ മ​ടി​ച്ചി​രു​ന്ന​വ​ർ​വ​രെ ഈ ​മ​ഹാ​പാ​ത​ക​ത്തെ തു​റ​ന്ന് അ​പ​ല​പി​ച്ചു. അ​മേ​രി​ക്ക യു.​എ​ന്നി​ലും പു​റ​ത്തും ഒ​റ്റ​പ്പെ​ടു​ന്ന അ​വ​സ്ഥ​യെ​ത്തി. അ​മേ​രി​ക്ക​യെ യു.​എ​ന്നി​ൽ​നി​ന്ന് പു​റ​ത്താ​ക്ക​ണ​മെ​ന്ന അ​ഭി​പ്രാ​യം​വ​രെ ഉ​യ​ർ​ന്നു. ആ​ഗോ​ള​ത​ല​ത്തി​ൽ അ​മേ​രി​ക്ക​യു​ടെ പ്ര​തി​ച്ഛാ​യ എ​ക്കാ​ല​ത്തെ​ക്കാ​ളും ഇ​ടി​ഞ്ഞു.

ഈ ​സാ​ഹ​ച​ര്യ​ത്തി​ലാ​വ​ണം, ധാ​ന്യ​പ്പൊ​ടി​ക്ക​ശാ​പ്പ് ന​ട​ന്ന് ര​ണ്ടാം​ദി​വ​സം അ​മേ​രി​ക്ക ഗ​സ്സ​ക്ക് അ​ത്യാ​വ​ശ്യ ധാ​ന്യ​ത്തി​ന്റെ 0.02 ശ​ത​മാ​നം വ​ൻ​പ​ര​സ്യ​ത്തി​ന്റെ അ​ക​മ്പ​ടി​യോ​ടെ ഗ​സ്സ​യി​ലേ​ക്ക് വി​ട്ട​ത്. റോ​ഡു​വ​ഴി സൗ​ക​ര്യ​പ്ര​ദ​മാ​യും സ്വ​സ്ഥ​മാ​യും മ​തി​യാ​യ അ​ള​വി​ൽ വി​ത​ര​ണം ചെ​യ്യാ​ൻ ക​ഴി​യാ​ത്ത​തു​കൊ​ണ്ട​ല്ല വി​മാ​ന​ത്തി​ൽ അ​ൽ​പം കൊ​ണ്ടു ത​ള്ളേ​ണ്ടി​വ​ന്ന​ത്. അ​മേ​രി​ക്ക​യു​ടെ​ത​ന്നെ സ​ഹാ​യ​ത്തോ​ടെ ഇ​സ്രാ​യേ​ൽ ലോ​ക​സ​ഹാ​യം ത​ട​ഞ്ഞ​തു​കൊ​ണ്ടാ​ണ്. ബൈ​ഡ​ന് ഒ​രു ഫോ​ൺ​വി​ളി​കൊ​ണ്ട് നെ​ത​ന്യാ​ഹു​വി​നോ​ട് ആ​വ​ശ്യ​പ്പെ​ടാ​വു​ന്ന​താ​യി​രു​ന്നു സ​ഹാ​യ​വ​ണ്ടി​ക​ൾ അ​നു​വ​ദി​ക്ക​ണ​മെ​ന്ന്.

അ​ത് ചെ​യ്തി​ല്ലെ​ന്ന് മാ​ത്ര​മ​ല്ല, കു​ഞ്ഞു​ങ്ങ​ൾ പ​ട്ടി​ണി​മൂ​ലം മ​രി​ക്കു​ന്ന വാ​ർ​ത്ത​ക​ൾ വ​ന്നു​കൊ​ണ്ടി​രു​ന്ന​പ്പോ​ഴും ഇ​സ്രാ​യേ​ലി​ന്റെ ‘സ്വ​യം പ്ര​തി​രോ​ധാ​വ​കാ​ശം’ ജ​ൽ​പി​ച്ചു​കൊ​ണ്ടി​രി​ക്കു​ക​യാ​യി​രു​ന്നു അ​മേ​രി​ക്ക​യു​ടെ പ്ര​സി​ഡ​ന്റ്. എ​ന്നി​ട്ടി​പ്പോ​ൾ പെ​ട്ടെ​ന്നൊ​രു​നാ​ൾ കാ​രു​ണ്യം അ​ഭി​ന​യി​ച്ച് ഭ​ക്ഷ​ണ​പ്പൊ​തി​ക​ൾ എ​റി​ഞ്ഞു​കൊ​ടു​ത്ത് പു​ണ്യ​വാ​ള​ൻ ച​മ​യു​ക​യാ​ണ്. ബൈ​ഡ​ന്റെ ഭ​ര​ണ​കൂ​ട​ത്തി​ന് നീ​തി​ബോ​ധ​മി​ല്ല എ​ന്ന​ത് പു​തി​യ വി​ശേ​ഷ​മ​ല്ല.

പ​ക്ഷേ, ലോ​ക​ത്തി​ന് മു​മ്പി​ൽ നാ​ട​കം ക​ളി​ച്ച് എ​ല്ലാ​വ​രെ​യും വി​ഡ്ഢി​ക​ളാ​ക്കാ​മെ​ന്ന് ക​രു​താ​നു​ള്ള മൗ​ഢ്യം അ​തി​നെ ബാ​ധി​ച്ചു എ​ന്നു​കൂ​ടി ഇ​പ്പോ​ൾ മ​ന​സ്സി​ലാ​കു​ന്നു. ഒ​രു സ​മൂ​ഹ​ത്തെ മു​ഴു​വ​ൻ പി​ടി​ച്ചു​കെ​ട്ടി, ഭ​ക്ഷ​ണ​വും വെ​ള്ള​വും മ​രു​ന്നും കൊ​ടു​ക്കാ​തെ നി​ര​ന്ത​രം ക​ശാ​പ്പ് ചെ​യ്ത്, ഒ​ടു​വി​ൽ ഇ​ത്തി​രി പൊ​ടി ക​ണ്ണി​ലെ​റി​ഞ്ഞ് ആ​സ്വ​ദി​ക്കു​ക​യാ​ണ​വ​ർ. ഫ​ല​സ്തീ​നെ​യ​ല്ല അ​വ​ർ പ​രി​ഹ​സി​ക്കു​ന്ന​ത്; മ​നു​ഷ്യ​ത്വ​ത്തെ​യാ​ണ്.