പു​ക​മ​റ നീ​ക്കി​യേ തീ​രൂ

കു​റ്റ​മ​റ്റ സു​ര​ക്ഷാ സം​വി​ധാ​ന​ങ്ങ​ൾ ഉ​ൾ​ക്കൊ​ള്ളു​ന്ന​തെ​ന്ന് കൊ​ട്ടി​ഗ്ഘോ​ഷി​ച്ച് കെ​ട്ടി​പ്പ​ടു​ത്ത പു​ത്ത​ൻ പാ​ർ​ല​മെ​ൻ​റ് കെ​ട്ടി​ട​ത്തി​നു​ള്ളി​ൽ ക​ഴി​ഞ്ഞ​ദി​വ​സം മി​ന്ന​ലാ​ക്ര​മ​ണം ന​ട​ന്ന​ത് രാ​ജ്യ​ത്തെ ഞെ​ട്ടി​ച്ചി​രി​ക്കു​ന്നു. പാ​ർ​ല​മെ​ൻ​റ് ന​ട​പ​ടി​ക​ൾ റി​പ്പോ​ർ​ട്ട് ചെ​യ്യാ​നെ​ത്തു​ന്ന മാ​ധ്യ​മ​പ്ര​വ​ർ​ത്ത​ക​രു​ടെ ഉ​പ​ക​ര​ണ​ങ്ങ​ൾ​പോ​ലും ക​ർ​ശ​ന പ​രി​ശോ​ധ​ന​ക​ൾ​ക്ക് ശേ​ഷം മാ​ത്രം ക​ട​ത്തി​വി​ടു​ന്നി​ട​ത്താ​ണ് പു​ക​ത്തോ​ക്ക് ഒ​ളി​പ്പി​ച്ചു​പി​ടി​ച്ച ആ​ക്ര​മി​ക​ൾ ക​ട​ന്നു​ക​യ​റി​യ​ത്. ബി.​ജെ.​പി എം.​പി​യു​ടെ ശി​പാ​ർ​ശ​യി​ൽ പാ​സ് ത​ര​പ്പെ​ടു​ത്തി​യ ആ​ക്ര​മി​ക​ൾ സ​ന്ദ​ർ​ശ​ക ഗാ​ല​റി​യി​ൽ​നി​ന്ന് സ​ഭ​യു​ടെ ന​ടു​ത്ത​ള​ത്തി​ലേ​ക്ക് എ​ടു​ത്തു​ചാ​ടി​യ രീ​തി​യും എം.​പി​മാ​ർ​ക്കു​നേ​രെ പാ​ഞ്ഞ​ടു​ത്ത​തു​മെ​ല്ലാം കൃ​ത്യ​മാ​യ ആ​സൂ​ത്ര​ണ​ത്തോ​ടെ​യ​ല്ലെ​ന്ന് ക​രു​താ​നാ​വി​ല്ല. ആ​ക്ര​മി​ക​ളി​ൽ​നി​ന്ന് മാ​ര​കാ​യു​ധ​ങ്ങ​ൾ ക​ണ്ടെ​ടു​ക്കാ​ഞ്ഞ​തും ആ​ള​പാ​യം ഉ​ണ്ടാ​യി​ല്ലെ​ന്ന​തും ഈ ​അ​തി​ക്ര​മ​ത്തി​ന്റെ ഗൗ​ര​വം ഒ​ട്ടും കു​റ​ക്കു​ന്നു​മി​ല്ല.

പ്ര​ധാ​ന​മ​ന്ത്രി​യും ആ​ഭ്യ​ന്ത​ര​മ​ന്ത്രി​യും ന​ട​ത്തു​ന്ന വാ​യ്ത്താ​രി​ക​ൾ​ക്കും മ​ടി​ശ്ശീ​ല മാ​ധ്യ​മ​ങ്ങ​ളു​ടെ വാ​ഴ്ത്തു​പാ​ട്ടു​ക​ൾ​ക്കു​മ​പ്പു​റം രാ​ജ്യ​സു​ര​ക്ഷ ഉ​റ​പ്പാ​ക്കു​ന്ന​തി​ൽ കേ​ന്ദ്ര​സ​ർ​ക്കാ​ർ എ​ത്ര​മാ​ത്രം പ​രാ​ജ​യ​മാ​ണെ​ന്ന​തി​ന്‍റെ ഏ​റ്റ​വും ഒ​ടു​വി​ല​ത്തെ ഉ​ദാ​ഹ​ര​ണ​മാ​ണ് ബു​ധ​നാ​ഴ്ച പാ​ർ​ല​മെ​ന്‍റി​ൽ ന​ട​മാ​ടി​യ സം​ഭ​വ​ങ്ങ​ൾ. 24 മ​ണി​ക്കൂ​ർ പി​ന്നി​ട്ട​ശേ​ഷ​വും മി​ന്ന​ലാ​ക്ര​മ​ണം സം​ബ​ന്ധി​ച്ച് രാ​ജ്യ​സ​മ​ക്ഷം ഒ​രു പ്ര​സ്താ​വ​ന ന​ട​ത്താ​ൻ​പോ​ലും ത​യാ​റാ​യി​ല്ലെ​ന്ന​ത് സ​ർ​ക്കാ​ർ പു​ല​ർ​ത്തു​ന്ന ഉ​പേ​ക്ഷ​ക്ക് അ​ടി​വ​ര​യി​ടു​ന്നു. പ​ത്തു​വ​ർ​ഷ​ത്തോ​ള​മാ​യി രാ​ജ്യ​ത്ത് അ​ധി​കാ​ര​ത്തി​ലി​രി​ക്കു​ന്ന ന​രേ​ന്ദ്ര മോ​ദി സ​ർ​ക്കാ​ർ ഇ​ക്കാ​ല​ത്തി​നി​ട​യി​ൽ സ​മാ​ന സം​ഭ​വ​ങ്ങ​ളി​ൽ കൈ​ക്കൊ​ണ്ട നി​ല​പാ​ടു​ക​ൾ ഓ​ർ​മി​ക്കു​ന്ന​വ​ർ​ക്ക് ഇ​തി​ൽ കാ​ര്യ​മാ​യ അ​ദ്ഭു​തം തോ​ന്നാ​ൻ വ​ഴി​യി​ല്ല.

പു​ൽ​വാ​മ​യി​ലു​ണ്ടാ​യ പാ​ക് ഭീ​ക​രാ​ക്ര​മ​ണ​ത്തി​ൽ 40 സി.​ആ​ർ.​പി.​എ​ഫ് ജ​വാ​ന്മാ​ർ കൊ​ല്ല​പ്പെ​ടാ​നി​ട​യാ​ക്കി​യ​ത് ആ​ഭ്യ​ന്ത​ര​വ​കു​പ്പി​ന്റെ വീ​ഴ്ച​മൂ​ല​മാ​യി​രു​ന്നെ​ന്ന് ബി.​ജെ.​പി​ക്കാ​ര​ൻ ത​ന്നെ​യാ​യി​രു​ന്ന മു​ൻ ജ​മ്മു- ക​ശ്മീ​ർ ഗ​വ​ർ​ണ​ർ സ​ത്യ​പാ​ൽ മാ​ലി​കാ​ണ് രാ​ജ്യ​ത്തോ​ട് തു​റ​ന്നു​പ​റ​ഞ്ഞ​ത്. സി.​ആ​ർ.​പി.​എ​ഫ് വാ​ഹ​ന​വ്യൂ​ഹ​ത്തി​ൽ ഇ​ടി​ച്ചു​ക​യ​റ്റാ​നാ​യി പാ​കി​സ്താ​നി​ൽ​നി​ന്നെ​ത്തി​യ കാ​ർ 300 കി​ലോ ആ​ർ.​ഡി.​എ​ക്സു​മാ​യി ന​ഗ​ര-​ഗ്രാ​മ​ഭേ​ദ​മ​ന്യേ സൈ​നി​ക വ​ല​യ​മു​ള്ള ക​ശ്മീ​രി​ലൂ​ടെ 15 ദി​വ​സ​ത്തോ​ളം ക​റ​ങ്ങി​ന​ട​ന്നെ​ന്ന ആ​രോ​പ​ണ​ത്തെ ഖ​ണ്ഡി​ക്കാ​ൻ നാ​ളി​തു​വ​രെ സ​ർ​ക്കാ​ർ വൃ​ത്ത​ങ്ങ​ൾ​ക്ക് സാ​ധി​ച്ചി​ട്ടി​ല്ല. പു​ൽ​വാ​മ ര​ക്ത​സാ​ക്ഷി​ക​ളു​ടെ പേ​രു​പ​റ​ഞ്ഞ് 2019ലെ ​പൊ​തു​തെ​ര​ഞ്ഞെ​ടു​പ്പി​ൽ വോ​ട്ടു​നേ​ടി​യ​താ​രെ​ന്നും ഏ​വ​ർ​ക്കു​മ​റി​യാം.

ന​മ്മു​ടെ അ​യ​ൽ​രാ​ജ്യ​മാ​യ ചൈ​ന​യു​ടെ അ​ജ​ണ്ട ന​ട​പ്പാ​ക്കാ​ൻ പ്ര​വ​ർ​ത്തി​ച്ചു​വെ​ന്ന് ഒ​രു വി​ദേ​ശ​പ​ത്ര​ത്തി​ൽ വ​ന്ന റി​പ്പോ​ർ​ട്ടി​ന്റെ പേ​രി​ൽ ന്യൂ​സ് ക്ലി​ക് എ​ന്ന മാ​ധ്യ​മ​സ്ഥാ​പ​ന​ത്തി​ൽ റെ​യ്ഡ് ന​ട​ത്താ​നും പ​ത്രാ​ധി​പ​രെ അ​റ​സ്റ്റു ചെ​യ്യാ​നും ഒ​രു​മ്പെ​ടു​ന്ന കേ​ന്ദ്ര​സ​ർ​ക്കാ​ർ ചൈ​ന ന​ട​ത്തു​ന്ന ക​ട​ന്നു​ക​യ​റ്റ​ങ്ങ​ളോ​ട് കൈ​ക്കൊ​ള്ളു​ന്ന രീ​തി​യെ​ന്താ​ണ്? 2020 ജൂ​ണി​ൽ കി​ഴ​ക്ക​ൻ ല​ഡാ​ക്കി​ലെ ഗാ​ൽ​വ​ൻ താ​ഴ്വ​ര​യി​ൽ പ്ര​കോ​പ​ന​മേ​തു​മി​ല്ലാ​തെ ചൈ​നീ​സ് സൈ​ന്യം ന​ട​ത്തി​യ ക​ട​ന്നാ​ക്ര​മ​ണ​ത്തി​ൽ 20 ഇ​ന്ത്യ​ൻ സൈ​നി​ക​രാ​ണ് ര​ക്ത​സാ​ക്ഷി​ക​ളാ​യ​ത്. ഇ​ന്ത്യ​യു​ടെ അ​വി​ഭാ​ജ്യ മേ​ഖ​ല​യാ​യ അ​രു​ണാ​ച​ൽ പ്ര​ദേ​ശി​ലേ​ക്ക് ക​ട​ന്നു​ക​യ​റി ചൈ​ന ഗ്രാ​മ​ങ്ങ​ൾ നി​ർ​മി​ച്ചെ​ന്ന റി​പ്പോ​ർ​ട്ട് വ​ന്ന് മാ​സ​ങ്ങ​ളാ​യി​ട്ടും ഇ​തി​നെ​ക്കു​റി​ച്ച് നാ​ളി​തു​വ​രെ സ​ർ​ക്കാ​ർ പ്ര​തി​ക​രി​ച്ചി​ട്ടി​ല്ല. ഇ​ന്ത്യ​ൻ അ​തി​ർ​ത്തി​യി​ൽ സൈ​നി​ക​നീ​ക്കം ന​ട​ത്തി​യെ​ന്ന് അ​വ​കാ​ശ​പ്പെ​ടു​ന്ന ചൈ​ന​യു​ടെ ഭ​ര​ണാ​ധി​കാ​രി​യെ ഒ​ന്നി​ലേ​റെ ത​വ​ണ നേ​രി​ൽ ക​ണ്ടി​ട്ടും ക​ളം​വി​ട്ട് ക​ളി​ക്ക​രു​തെ​ന്ന് താ​ക്കീ​ത് ന​ൽ​കാ​നും ന​മ്മു​ടെ രാ​ഷ്ട്ര​മേ​ധാ​വി​ക്ക് സാ​ധി​ച്ചി​ല്ല.

മ​ണി​പ്പൂ​ർ സം​സ്ഥാ​നം ക​ത്തി​യെ​രി​യാ​ൻ തു​ട​ങ്ങി​യി​ട്ട് മാ​സ​ങ്ങ​ളെ​ത്ര പി​ന്നി​ട്ടു. 175ലേ​റെ പേ​ർ കൊ​ല്ല​പ്പെ​ടു​ക​യും ജ​ന​ങ്ങ​ളു​ടെ സ്വ​ത്തു​വ​ക​ക​ൾ​ക്ക് കാ​ര്യ​മാ​യ നാ​ശ​ന​ഷ്ട​ങ്ങ​ൾ സം​ഭ​വി​ക്കു​ക​യും ചെ​യ്തി​രി​ക്കു​ന്നു. അ​വി​ടം സ​ന്ദ​ർ​ശി​ക്ക​ണ​മെ​ന്ന കൂ​ട്ടാ​യ മു​റ​വി​ളി​ക​ൾ​ക്ക് ട്രെ​യി​നു​ക​ളും പാ​ല​വും ഉ​ദ്ഘാ​ട​നം ചെ​യ്യാ​ൻ സം​സ്ഥാ​ന​ങ്ങ​ളി​ലൊ​ന്നൊ​ന്നാ​യി പ​റ​ന്നി​റ​ങ്ങു​ന്ന, കൃ​ത്യാ​ന്ത​ര ബാ​ഹു​ല്യ​ത്തി​നി​ട​യി​ലും ലോ​ക​രാ​ഷ്ട്ര സ​ന്ദ​ർ​ശ​ന​ങ്ങ​ൾ​ക്ക് സ​മ​യം ക​ണ്ടെ​ത്തു​ന്ന പ്ര​ധാ​ന​മ​ന്ത്രി ചെ​വി​കൊ​ടു​ത്തി​ല്ല. രാ​ജ്യ​ത്തി​ന്റെ പ​ല ഭാ​ഗ​ങ്ങ​ളി​ൽ, വി​ശി​ഷ്യാ ബി.​ജെ.​പി ഭ​രി​ക്കു​ന്ന സം​സ്ഥാ​ന​ങ്ങ​ളി​ൽ അ​ര​ങ്ങേ​റു​ന്ന വി​ദ്വേ​ഷ​ക്കൊ​ല​ക​ളു​ടെ​യും ക​ലാ​പ​ങ്ങ​ളു​ടെ​യും കാ​ര്യ​ത്തി​ലും പ്ര​ധാ​ന​മ​ന്ത്രി​യു​ടെ പ്ര​തി​ക​ര​ണം മ​റി​ച്ച​ല്ല.

പാ​ർ​ല​മെ​ൻ​റ് മി​ന്ന​ലാ​ക്ര​മ​ണ വി​ഷ​യ​ത്തി​ൽ ജ​ന​പ്ര​തി​നി​ധി സ​ഭ​ക്കു മു​ന്നി​ൽ കാ​ര്യ​ങ്ങ​ൾ കൃ​ത്യ​പ്പെ​ടു​ത്തി വി​ശ​ദീ​ക​രി​ക്കു​ന്ന​തി​ന് പ​ക​രം അ​താ​വ​ശ്യ​പ്പെ​ടു​ന്ന പ്ര​തി​പ​ക്ഷ അം​ഗ​ങ്ങ​ളെ പു​റ​ത്താ​ക്കാ​നു​ള്ള ധാ​ർ​ഷ്ട്യം പ്ര​ക​ടി​പ്പി​ക്കു​ക വ​ഴി കേ​ന്ദ്ര​സ​ർ​ക്കാ​ർ പ്ര​സ​രി​പ്പി​ക്കു​ന്ന സ​ന്ദേ​ശം അ​ത്യ​ന്തം അ​പ​ക​ട​ക​ര​മാ​ണ്. ഈ ​നി​രു​ത്ത​ര​വാ​ദ സ​മീ​പ​ന​ത്തെ രാ​ജ്യം വ​ക​വെ​ച്ചു​കൊ​ടു​ത്തു​കൂ​ടാ. രാ​ജ്യ​ര​ക്ഷ സം​ബ​ന്ധി​ച്ച എ​ല്ലാ പു​ക​മ​റ​ക​ളും നീ​ക്കാ​ൻ സ​ർ​ക്കാ​ർ ത​യാ​റാ​യേ മ​തി​യാ​വൂ.