സാമ്രാജ്യത്വത്തി​െൻറ ആയുധമാണ്​ ഉപരോധം

ഇറാനെതിരായ യു.എസ്​ ഉപരോധത്തി​​െൻറ ദുഷ്​ഫലങ്ങൾ ആദ്യമനുഭവിക്കുക ആ ​രാജ്യത്തിലെ സാധാരണക്കാരും തുടർന്ന്​ അന്താരാഷ്​ട്ര സമൂഹവുമായിരിക്കും. നിയമപരമായോ ധാർമികമായോ ന്യായീകരിക്കാനാവാത്ത ഇൗ നടപടിക്ക്​ രാജ്യാന്തരതലത്തിൽ ഫലപ്രദമായ ചെറുത്തുനിൽപുണ്ടായില്ല എന്നത്​ ​െഎക്യരാഷ്​ട്രസഭ അടക്കമുള്ള ആഗോള വേദികളുടെ പൂർണ പരാജയം വിളംബരം ചെയ്യുന്നു. യു.എന്നിനും മുകളിൽ സ്വയം പ്രതിഷ്​ഠിച്ച യു.എസി​​െൻറ അഹന്തയുടെ പ്രതിഫലനമാണ്​ ഏറ്റവും പുതിയ ഉപരോധവും അതിൽനിന്ന്​ ചിലർക്ക്​ ട്രംപ്​ ഭരണകൂടം സദയം അനുവദിച്ച ഇളവുകളും.

ഇറാ​‍​െൻറ നിർമാണ മേഖല, ചരക്കുകൾ, ഉൗർജം, ധനകാര്യം തുടങ്ങിയവയെ ഉന്നമിട്ടുള്ള ഉ​പരോധം അമേരിക്കയുടെയും ട്രംപി​​െൻറയും രാഷ്​ട്രീയ തീരുമാനമാണ്​. 2010 മുതൽ 2012 വരെ ഒബാമ ഭരണകൂടം ഏർപ്പെടുത്തിയ ഉപരോധത്തിനൊടുവിലാണ്​ യു.എസും മറ്റു രാജ്യങ്ങളും ചേർന്ന്​ ഇറാനുമായി സംയുക്ത കർമപദ്ധതി (ജെ.സി.പി.ഒ.എ) ഒപ്പുവെക്കുകയും യു.എസ്​ ഉപരോധം എടുത്തുകളയുകയും ചെയ്​തത്​. എന്നാൽ, ട്രംപ്​ അധികാരമേറ്റ ശേഷം ഇറാനുമായുണ്ടാക്കിയ കരാർ ഏകപക്ഷീയമായി റദ്ദാക്കി; ഉപരോധം വീണ്ടും ഏർപ്പെടുത്തുകയും ചെയ്​തു. കരാറിൽ ഭാഗഭാക്കായ മറ്റൊരു രാജ്യവുമായും കൂടിയാലോചിക്കാതെ എടുത്ത റദ്ദാക്കൽ തീരുമാനത്തെ യൂറോപ്യൻ രാജ്യങ്ങൾ തള്ളിപ്പറഞ്ഞെങ്കിലും അതി​​െൻറ തുടർച്ചയായി വന്ന ഉപരോധത്തോട്​ ശക്തമായ പ്രതികരണമുണ്ടായില്ല. ജനാധിപത്യം എത്രതന്നെ കുറവായാലും ലോകരാഷ്​ട്രങ്ങളുടെ പൊതുവേദി​യായ യു.എന്നിനെ ഇടപെടുവിക്കാനോ
അതിനുവേണ്ടി രാജ്യങ്ങളെ സംഘടിപ്പിക്ക​ാനോ ആരുമുണ്ടായില്ല. യു.എന്നിനെ നിർജീവമാക്കുകയും യു.എസി​​െൻറ ഏകപക്ഷീയ തീരുമാനങ്ങൾക്ക്​

വഴങ്ങുകയും ചെയ്യുക വഴി മറ്റു രാജ്യങ്ങൾ സ്വന്തം ദീർഘകാല താൽപര്യങ്ങളാണ്​ ബലികഴിക്കുന്നത്​. ഉപരോധത്തിൽ പങ്കാളിയാകണമെന്ന്​ മുമ്പ്​ ​ട്രംപ്​ ആവശ്യപ്പെട്ടപ്പോൾ യു.എൻ ഉപരോധം മാത്രമേ സ്വീകാര്യമാകൂവെന്നും ‘ഏകപക്ഷീയ’ ഉപരോധം സ്വീകാര്യമല്ലെന്നും ഉശിരോടെ പ്രഖ്യാപിച്ച രാജ്യമാണ്​ ഇന്ത്യ. എന്നിട്ട്​, ഏതാനും മാസങ്ങൾക്കകം കടുത്ത ഉപരോധങ്ങളുടെ പട്ടികയുമായി ട്രംപ്​ മുന്നോട്ടുപോയപ്പോൾ നമ്മൾ ഇളവിനായുള്ള അപേക്ഷഫോറം പൂരിപ്പിച്ച്​ വൈറ്റ്​ ഹൗസിനു മുന്നിൽ സമർപ്പിച്ച്​ കീഴടങ്ങി.

ഇളവ്​ പുതുക്കണ​െമങ്കിൽ ആറുമാസം കഴിഞ്ഞ്​ രാജ്യങ്ങൾ വീണ്ടും അപേക്ഷിക്കണമെന്നും അന്ന്​ അവരുടെ സ്വഭാവവും അനുസരണശീലവും നോക്കി തീരുമാനിക്കുമെന്നും യു.എസ്​ പറഞ്ഞിട്ടുണ്ട്​. ഇന്ത്യക്കു പുറമെ ചൈന അടക്കമുള്ള എട്ടു​ രാജ്യങ്ങൾക്കാണ്​ കരുണാമയനായ ട്രംപ്​ ചില താൽക്കാലിക ഒഴിവുകൾ നൽകിയിട്ടുള്ളത്​. ജനസംഖ്യയിലും സമ്പദ്​ഘടനയിലും വ്യാപാര ശേഷിയിലും കരുത്തുറ്റ ഇൗ നാടുകൾക്ക്​ യു.എസ്​ എന്ന മാടമ്പി രാജ്യത്തി​​െൻറ ഇൗ സാമ്പത്തിക കടന്നുകയറ്റത്തെ ചോദ്യം ചെയ്യാനായിട്ടില്ല. യു.എസി​​െൻറ രീതികളോട്​ ​യോജിപ്പില്ലാത്ത രാജ്യങ്ങൾ തമ്മിൽ ധാരണയില്ല എന്നതാണ്​ കാരണം. ഇൗ ദൗർബല്യം തന്നെയാണ്​ യു.എസി​‍​െൻറ കരുത്തും. ഒരു നിലക്ക്​, യു.എസ്​ ഉപ​രോധം അവർക്കൊരു അവസരമാകേണ്ടതാണ്​. ഒബാമയുടെ കാലത്തെ ഇറാൻ വിരുദ്ധ ഉപരോധത്തെ മറികടക്കാൻ ഡോളർ വിനിമയത്തിനു പകരമായി ബദൽ രീതികൾ തേടിയിരുന്നു രാജ്യങ്ങൾ. എണ്ണ വാങ്ങു​േമ്പാൾ രൂപയിലും റിയാലിലുമായി വില നൽകാൻ ധാരണയായതാണ്​- ഇറാനുമായുള്ള ഇന്ത്യയുടെ വ്യാപാരക്കമ്മിയാണത്രെ ഇത്​ വിജയിക്കാതിരിക്കാൻ കാരണം.

യൂറോപ്യൻ യൂനിയൻ, ചൈന, റഷ്യ തുടങ്ങിയവയും പ്രത്യേക വിനിമയ രീതിയെപ്പറ്റി ആലോചിച്ചിരുന്നു. കൂടുതൽ ജാഗ്രതയോടെയും ആസൂത്രിതമായും ഒരു പ്രവർത്തനരീതി ആവിഷ്​കരിക്കാൻ യു.എസ്​ ഇതര രാജ്യങ്ങൾക്ക്​ കഴിയേണ്ടതാണ്​. വൈറ്റ്​ ഹൗസിലെ വിവരക്കേടുകൾക്കെല്ലാം സമ്മതമൊപ്പിട്ടുകൊടുക്കുന്ന രാജ്യങ്ങളെങ്ങനെ സ്വതന്ത്ര പരമാധികാര രാജ്യങ്ങളാകും?

ഉപരോധമേർപ്പെടുത്താൻ യു.എസിന്​ (പ്രത്യേകിച്ച്​ ട്രംപി​​െൻറ യു.എസിന്​) ഉള്ള ധാർമികാവകാശവും ചോദ്യം ചെയ്യപ്പെടേണ്ടതുണ്ട്​. ഇറാനിലെ മനുഷ്യാവകാശ ലംഘനങ്ങൾ, മാധ്യമ നിയന്ത്രണങ്ങൾ എന്നിവ മുതൽ ആ രാജ്യത്തിനുണ്ടെന്ന്​ ഇസ്രായേൽ പ്രധാനമന്ത്രി പറയുന്ന ആണവായുധ പദ്ധതിവരെ ട്രംപിന്​ പിടിക്കുന്നില്ലത്രെ. ആണവ നിരായുധീകരണത്തിൽ പങ്കുകൊള്ളാത്ത, റഷ്യയുമായുണ്ടായിരുന്ന മിസൈൽ നിർമാർജന കരാറിൽ നിന്നുവരെ ഏകപക്ഷീയമായി പിൻവാങ്ങിയ ട്രംപ്​ ഇങ്ങനെ ‘സദാചാരം’ പ്രസംഗിക്കുന്നത്​ തന്നെ പരിഹാസ്യമാണ്​. ലോകരാജ്യങ്ങൾ നിസ്സംഗത വെടിഞ്ഞ്​ ഉണരണം. ഉപരോധങ്ങൾക്ക്​ ചില മാനദണ്ഡങ്ങൾ ആവശ്യമാണ്​.

ഒന്നാമത്​, അത്​ ഏതെങ്കിലും രാജ്യം ഏകപക്ഷീയമായി പ്രഖ്യാപിക്കുന്നതാകരുത്​. രണ്ടാമത്​, ജനതകൾക്കും ഇതര രാഷ്​ട്രങ്ങൾക്കും കടുത്ത ഭീഷണിയായി നിലകൊള്ളുന്ന ഭരണകൂടങ്ങളെയാണ്​ ഉപരോധം ലക്ഷ്യംവെക്കേണ്ടത്​. ആ നിലക്ക്​ നോക്കിയാൽ ഇന്ന്​ ഉപരോധം ഏർപ്പെടുത്തേണ്ടത്​ സയണിസ്​റ്റ്​ രാഷ്​ട്രമായ ഇസ്രായേലിനെതിരെയാണ്​. എന്നാൽ 1980കളിൽ, വർണവിവേചനത്തി​​െൻറ പേരിൽ ദക്ഷിണാഫ്രിക്കക്കെതിരെ യു.എൻ ആഭിമുഖ്യത്തിൽ ഉപരോ​ധമേർപ്പെടുത്താൻ മറ്റു രാഷ്​ട്രങ്ങൾ തയാറായപ്പോൾ അതിനെ എതിർത്ത രാജ്യങ്ങളാണ്​ യു.എസും ബ്രിട്ടനും. ഇത്തരം കാപട്യങ്ങൾക്ക്​ മറ്റു നാടുകൾ കൂടെനിൽക്കണമെന്നു​ പറയുന്നവരോട്​ പറ്റില്ലെന്നു പറയാൻ കഴിയേണ്ടതായിരുന്നു.