ഈ ​നീ​ക്ക​മാ​ണ് ബാ​ലാ​വ​കാ​ശ ലം​ഘ​നം

കൊ​ല​പാ​ത​കം, ത​ട്ടി​ക്കൊ​ണ്ടു​പോ​ക​ൽ, ലൈം​ഗി​കാ​തി​ക്ര​മ​ങ്ങ​ൾ, മാ​ന​സി​ക-​ശാ​രീ​രി​ക പീ​ഡ​ന​ങ്ങ​ൾ തു​ട​ങ്ങി കു​ഞ്ഞു​ങ്ങ​ൾ​ക്കെ​തി​രാ​യ അ​തി​ക്ര​മ​ങ്ങ​ൾ രാ​ജ്യ​ത്ത് സ​ക​ല​സീ​മ​യും ലം​ഘി​ച്ച് വ​ർ​ധി​ച്ച ഒ​രു ദ​ശ​ക​മാണിത്​. വി​ക​സി​ത​മെ​ന്നും പ​രി​ഷ്കൃ​ത​മെ​ന്നും അ​വ​കാ​ശ​പ്പെ​ടു​ന്ന രാ​ജ്യ​ങ്ങ​ളെ​ല്ലാം കു​ഞ്ഞു​ങ്ങ​ൾ​ക്കെ​തി​രാ​യ കു​റ്റ​കൃ​ത്യ​ങ്ങ​ൾ കു​റ​ച്ചു​കൊ​ണ്ടു​വ​രാ​നുള്ള പദ്ധതികൾ ഏ​റ്റെ​ടു​ത്ത് ന​ട​പ്പാ​ക്കു​മ്പോ​ഴാ​ണ് പി​ഞ്ചു​പെ​ൺ​കു​ട്ടി​യെ ബ​ലാ​ത്സം​ഗം ചെ​യ്ത് കൊ​ല​പ്പെ​ടു​ത്തി​യ, രാ​ജ്യം ഭ​രി​ക്കു​ന്ന പാ​ർ​ട്ടി​യു​ടെ നേ​താ​വു​ൾ​പ്പെ​ടെ​യു​ള്ള അ​ക്ര​മി​ക​ൾ​ക്ക് ഐ​ക്യ​ദാ​ർ​ഢ്യം പ്ര​ഖ്യാ​പി​ച്ച് റാ​ലി ന​ട​ത്തു​ന്ന നാ​ട് എ​ന്ന നി​ല​യി​ൽ ലോ​ക​ത്തി​നു മു​ന്നി​ൽ ഇ​ന്ത്യ നാ​ണം​കെ​ട്ട് നി​ന്ന​ത്. നി​യ​മ​ങ്ങ​ളു​ടെ​യോ ച​ട്ട​ങ്ങ​ളു​ടെ​യോ ഉ​ത്ത​ര​വാ​ദി​ത്ത​പ്പെ​ട്ട സം​വി​ധാ​ന​ങ്ങ​ളു​ടെ അ​ഭാ​വ​ത്താ​ല​ല്ല കു​ഞ്ഞു​ങ്ങ​ൾ​ക്കെ​തി​രാ​യ അ​തി​ക്ര​മ​ങ്ങ​ൾ കു​തി​ച്ചു​യ​ർ​ന്ന​ത്. കു​ട്ടി​ക​ളെ ജീ​വ​നും ആ​ത്മാ​വും അ​ന്ത​സ്സു​മു​ള്ള പൗ​ര​രാ​യി കാ​ണാ​ൻ ത​യാ​റ​ല്ലാ​ത്ത ഭ​ര​ണ​കൂ​ട​വും കു​ഞ്ഞു​ങ്ങ​ളു​ടെ അ​വ​കാ​ശ സം​ര​ക്ഷ​ണ​ത്തി​നു​പ​രി ഭ​ര​ണ​കൂ​ട​ത്തി​ന്റെ ഒ​ത്താ​ശ​പ്പ​ണി​ക്കാ​രാ​യി അ​ധഃ​പ​തി​ച്ച ദേ​ശീ​യ ബാ​ലാ​വ​കാ​ശ ക​മീ​ഷ​നു​മാ​ണ് ബാ​ല​മ​ര​ണ​ങ്ങ​ളു​ടെ നാ​ടാ​യി ഇ​ന്ത്യ​യെ മാ​റ്റി​യ​ത്.

ന​രേ​ന്ദ്ര മോ​ദി​യു​ടെ നേ​തൃ​ത്വ​ത്തി​ലെ സം​ഘ്പ​രി​വാ​ർ നി​യ​ന്ത്രി​ക്കു​ന്ന ബി.​ജെ.​പി സ​ർ​ക്കാ​ർ കേ​ന്ദ്ര​ത്തി​ൽ അ​ധി​കാ​ര​ത്തി​ൽ വ​ന്ന ശേ​ഷം നി​യോ​ഗി​ക്ക​പ്പെ​ട്ട ദേ​ശീ​യ ബാ​ലാ​വ​കാ​ശ ക​മീ​ഷ​നി​ൽ 2015 ന​വം​ബ​ർ മു​ത​ൽ 2018 ഒ​ക്ടോ​ബ​ർ വ​രെ അം​ഗ​മാ​യും 2018 ഒ​ക്ടോ​ബ​ർ മു​ത​ൽ ര​ണ്ട് ടേ​മു​ക​ളി​ൽ ചെ​യ​ർ​പേ​ഴ്സ​നാ​യും പ്ര​വ​ർ​ത്തി​ക്കു​ന്ന പ്രി​യ​ങ്ക് കാ​നൂ​ൻ​ഗോ സ്ഥാ​ന​മൊ​ഴി​യാ​ൻ ദി​വ​സ​ങ്ങ​ൾ മാ​ത്രം ബാ​ക്കി നി​ൽ​ക്കെ, ഹി​ന്ദു​ത്വ ഫാ​ഷി​സ്റ്റ് സ​ർ​ക്കാ​റി​ന്റെ ഒ​രു അ​ജ​ണ്ട കൂ​ടി ന​ട​പ്പാ​ക്കാ​ൻ തു​നി​ഞ്ഞി​റ​ങ്ങി​യി​രി​ക്കു​ന്നു. നി​യ​മാ​വ​ലി​യി​ലെ പ​ഴു​തു​പ​യോ​ഗി​ച്ച് ക​മീ​ഷ​ൻ നേ​തൃ​പ​ദ​വി ഒ​ന്നി​ലേ​റെ​ത്ത​വ​ണ സ​മ്മാ​നി​ച്ച യ​ജ​മാ​ന​ന്മാ​ർ​ക്കു​വേ​ണ്ടി കാ​നൂ​ൻ​ഗോ ക​ള​ത്തി​ലി​റ​ങ്ങി​ക്ക​ളി​ക്കു​ന്ന​ത് ഇ​താ​ദ്യ​മാ​യ​ല്ല. ബാ​ലാ​വ​കാ​ശ​ങ്ങ​ളെ ഹ​നി​ക്കു​ന്നു​വെ​ന്ന പേ​രി​ൽ മ​ദ്റ​സ​ക​ൾ​ക്കും മ​ദ്റ​സ ബോ​ർ​ഡു​ക​ൾ​ക്കു​മു​ള്ള സ​ർ​ക്കാ​ർ ധ​ന​സ​ഹാ​യം നി​ർ​ത്ത​ണ​മെ​ന്നാ​വ​ശ്യ​പ്പെ​ട്ട് ക​ഴി​ഞ്ഞ ദി​വ​സം ക​മീ​ഷ​ൻ സം​സ്ഥാ​ന​ങ്ങ​ൾ​ക്ക് അ​യ​ച്ച ക​ത്ത് സം​ഘ്പ​രി​വാ​ർ കേ​ന്ദ്ര​ങ്ങ​ളും ഹി​മ​ന്ദ ബി​ശ്വ ശ​ർ​മ​യെ​യും ആ​ദി​ത്യ​നാ​ഥി​നെ​യും പോ​ലു​ള്ള വി​ദ്വേ​ഷ ഭാ​ഷി​ക​ളും കു​റെ​ക്കാ​ല​മാ​യി പ​ട​ർ​ത്തി​വി​ട്ടു​കൊ​ണ്ടി​രി​ക്കു​ന്ന മു​സ്‍ലിം വി​രു​ദ്ധ പ്രൊ​പ​ഗാ​ൻ​ഡ​യു​ടെ സ​ങ്ക​ല​നം ത​ന്നെ​യാ​ണ്.

ദാ​രി​ദ്ര്യ​വും പ​ട്ടി​ണി​യു​മ​ട​ക്കം സാ​മൂ​ഹി​ക പി​ന്നാ​ക്കാ​വ​സ്ഥ​യി​ൽ ന​ട്ടം​തി​രി​യു​ന്ന ഉ​ത്ത​രേ​ന്ത്യ​ൻ മു​സ്‍ലിം മേ​ഖ​ല​ക​ളി​ലെ കു​ഞ്ഞു​ങ്ങ​ൾ മാ​തൃ​ഭാ​ഷ​യി​ലെ​ങ്കി​ലും പേ​രെ​ഴു​താ​ൻ പ​ഠി​ച്ച​തി​ന് ത​ക​ര​ഷെ​ഡ്ഡു​ക​ൾ​ക്ക് കീ​ഴി​ൽ പു​ൽ​പ്പാ​യ വി​രി​ച്ച് പ്ര​വ​ർ​ത്തി​ക്കു​ന്ന മ​ദ്റ​സ​ക​ളോ​ടാ​ണ് ക​ട​പ്പെ​ട്ടി​രി​ക്കു​ന്ന​ത്. ഇ​ന്നാ​ടു​ക​ളി​ലെ കു​ഞ്ഞു​ങ്ങ​ളെ ബാ​ല​വേ​ല എ​ന്ന കൊ​ടി​യ മ​നു​ഷ്യാ​വ​കാ​ശ ലം​ഘ​ന​ത്തി​ൽ നി​ന്ന് ര​ക്ഷി​ച്ചു​നി​ർ​ത്തു​ന്ന​തി​ലും ഈ ​വി​ദ്യാ​കേ​ന്ദ്ര​ങ്ങ​ൾ വ​ഹി​ക്കു​ന്ന പ​ങ്ക് വ​ലു​താ​ണ്. മു​സ്‍ലിം​ക​ൾ​ക്ക് മാ​ത്ര​മ​ല്ല, കി​ലോ​മീ​റ്റ​റു​ക​ൾ താ​ണ്ടി​യാ​ലും സ്കൂ​ളു​ക​ളി​ലെ​ത്തി​പ്പെ​ടാ​ൻ ക​ഴി​യാ​ത്ത യു.​പി​യും ബി​ഹാ​റും പോ​ലു​ള്ള സം​സ്ഥാ​ന​ങ്ങ​ളി​ലെ പി​ന്നാ​ക്ക മേ​ഖ​ല​ക​ളി​ൽ പ​ല​യി​ട​ത്തും മതജാതി ​േഭദമെന്യേ ഏതു മ​ക്ക​ൾ​ക്കും അ​ക്ഷ​ര​വും അ​ടി​സ്ഥാ​ന വി​ദ്യാ​ഭ്യാ​സ​വും നേ​ടാ​നു​ള്ള ആ​ശ്ര​യ​വും മ​ദ്റ​സ​ക​ളാ​ണ്. അ​വ​യെ ആ​ധു​നി​ക​വ​ത്ക​രി​ച്ച് കു​ഞ്ഞു​ങ്ങ​ൾ​ക്ക് കൂ​ടു​ത​ൽ ഉ​പ​കാ​ര​പ്ര​ദ​മാ​ക്കാ​ൻ സ​മു​ദാ​യ സം​ഘ​ട​ന​ക​ളും സ​ന്ന​ദ്ധ പ്ര​വ​ർ​ത്ത​ക​രും കു​റ​ച്ചു​കാ​ല​ങ്ങ​ളാ​യി നി​ര​ന്ത​ര​ശ്ര​മ​ങ്ങ​ൾ ന​ട​ത്തു​ന്നു. സി​വി​ൽ സ​ർ​വി​സ് പ​രീ​ക്ഷ പ​രി​ശീ​ല​നം ഉ​ൾ​പ്പെ​ടെ പാ​ഠ്യ​പ​ദ്ധ​തി​യി​ൽ ഉ​ൾ​പ്പെ​ടു​ത്തി​യ മ​ദ്റ​സ​ക​ൾ പോ​ലും ഇ​ന്ന് രാ​ജ്യ​ത്തു​ണ്ട്. അ​വ​യു​ടെ സാ​മൂ​ഹി​ക പ്ര​സ​ക്തി മ​ന​സ്സി​ലാ​ക്കി പ​ല സം​സ്ഥാ​ന സ​ർ​ക്കാ​റു​ക​ളും ഈ ​ഉ​ദ്യ​മ​ത്തി​ന് പി​ന്തു​ണ​യും ന​ൽ​കു​ന്നു​ണ്ട്​. കു​ഞ്ഞു​ങ്ങ​ളു​ടെ അ​വ​കാ​ശ സം​ര​ക്ഷ​ണ​ത്തി​ലും വി​ദ്യാ​ഭ്യാ​സം സാ​ർ​വ​ത്രി​ക​മാ​ക്കു​ന്ന​തി​ലും ത​രി​മ്പ് താ​ൽ​പ​ര്യം അ​വ​ശേ​ഷി​ച്ചി​രു​ന്നു​വെ​ങ്കി​ൽ മ​ദ്റ​സ​ക​ൾ ഉ​ൾ​പ്പെ​ടെ​യു​ള്ള സ​മാ​ന്ത​ര-​ബ​ദ​ൽ വി​ദ്യാ​ഭ്യാ​സ സ്ഥാ​പ​ന​ങ്ങ​ളെ ശാ​ക്തീ​ക​രി​ക്കാ​നാ​ണ് ബാ​ലാ​വ​കാ​ശ ക​മീ​ഷ​ൻ മു​ന്നോ​ട്ടു​വ​രേ​ണ്ടി​യി​രു​ന്ന​ത്. നി​ർ​ഭാ​ഗ്യ​വ​ശാ​ൽ മാ​ധ്യ​മ-​സ​മൂ​ഹ​മാ​ധ്യ​മ പി​ന്തു​ണ​യോ​ടെ സം​ഘ്പ​രി​വാ​ർ ന​ട​ത്തി​ക്കൊ​ണ്ടി​രി​ക്കു​ന്ന വി​ഷ​പ്ര​ചാ​ര​ണ​ത്തി​ന്റെ മൊ​ത്ത​വി​ത​ര​ണ​മാ​ണ് ക​മീ​ഷ​ൻ ഏ​റ്റെ​ടു​ത്തി​രി​ക്കു​ന്ന​ത്.

രാ​ജ്യ​ത്ത് ഏ​റ്റ​വും മി​ക​ച്ച രീ​തി​യി​ൽ മ​ദ്റ​സ​ക​ൾ പ്ര​വ​ർ​ത്തി​ക്കു​ന്ന സം​സ്ഥാ​ന​മാ​ണ് കേ​ര​ളം. മ​ഹ​ല്ല് ക​മ്മി​റ്റി​ക​ളും വി​വി​ധ മ​ത-​സാ​മൂ​ഹി​ക കൂ​ട്ടാ​യ്മ​ക​ളു​മാ​ണ് ഇ​വി​ട​ത്തെ മ​ദ്റ​സ​ക​ളു​ടെ പ​രി​പാ​ല​ന​വും മ​ദ്റ​സാ​ധ്യാ​പ​ക​രു​ടെ ശ​മ്പ​ള​വും ഒ​രു​ക്കു​ന്ന​തെ​ന്ന​ത് ഏ​വ​ർ​ക്കും അ​റി​യു​ന്ന സ​ത്യ​വു​മാ​ണ്. എ​ന്നി​ട്ടും സ​ർ​ക്കാ​റാ​ണ് മ​ദ്റ​സ​ക​ളു​ടെ ചെ​ല​വ് വ​ഹി​ക്കു​ന്ന​തെ​ന്നും കാ​ൽ​ല​ക്ഷം രൂ​പ വീ​തം മ​ദ്റ​സാ​ധ്യാ​പ​ക​ർ​ക്ക് ശ​മ്പ​ളം ന​ൽ​കു​ന്ന​തെ​ന്നു​മെ​ല്ലാ​മു​ള്ള പെ​രും​നു​ണ ഏ​റെ​ക്കാ​ല​മാ​യി സം​ഘ്പ​രി​വാ​ർ പ്ര​ച​രി​പ്പി​ച്ചു​പോ​രു​ന്നു​ണ്ട്. അ​ത്ത​രം നു​ണ​ക്ക​ഥ​ക​ൾ കൂ​ട്ടി​ക്കെ​ട്ടി ത​യാ​റാ​ക്കി​യ വി​ശ​ദ​പ​ഠ​നം എ​ന്ന് പേ​രി​ട്ട റി​പ്പോ​ർ​ട്ടും കൈ​യി​ലേ​ന്തി​യാ​ണ് പ്രി​യ​ങ്ക് കാ​നൂ​ൻ​ഗോ കേ​ര​ള​ത്തെ പ്ര​തി​ക്കൂ​ട്ടി​ൽ നി​ർ​ത്താ​ൻ ശ്ര​മി​ക്കു​ന്ന​ത്.

ക​ലാ​പം സൃ​ഷ്ടി​ച്ചും ക​ള്ള​ക്ക​ഥ​ക​ൾ പ​ര​ത്തി​യും ന്യൂ​ന​പ​ക്ഷ സ​മു​ദാ​യ​ത്തെ മു​ഖ്യ​ധാ​ര​യി​ൽ നി​ന്നും മു​ന്നേ​റ്റ​ങ്ങ​ളി​ൽ നി​ന്നും അ​ക​റ്റാ​ൻ 99 വ​ർ​ഷ​മാ​യി പ​ണി​പ്പെ​ട്ടു​കൊ​ണ്ടി​രി​ക്കു​ന്ന വ​ർ​ഗീ​യ വി​ചാ​ര​ധാ​ര​യു​ടെ ഒ​ടു​വി​ല​ത്തെ അ​ട​വാ​ണ് വി​ദ്യാ​ഭ്യാ​സ രം​ഗ​ത്തു​നി​ന്ന് മു​സ്‍ലിം​ക​ളെ ആ​ട്ടി​പ്പാ​യി​ക്കു​ക​യെ​ന്ന​ത്. ന്യൂ​ന​പ​ക്ഷ വി​ദ്യാ​ഭ്യാ​സ സ്ഥാ​പ​ന​ങ്ങ​ൾ​ക്കെ​തി​രെ അ​ജ​ണ്ട​ക​ൾ സെ​റ്റ് ചെ​യ്തും ഹി​ജാ​ബ് നി​രോ​ധി​ച്ചും അ​ധ്യാ​പ​ക​രെ ക​ള്ള​ക്കേ​സി​ൽ കു​ടു​ക്കി​യും വി​ദ്യാ​ർ​ഥി നേ​താ​ക്ക​ളെ ജ​യി​ലി​ല​ട​ച്ചും മാ​ർക്ക്, യു.​പി.​എ​സ്.​സി ജി​ഹാ​ദ് പോ​ലു​ള്ള ക​ള്ള​ക്ക​ഥ​ക​ൾ മെ​ന​ഞ്ഞു​മെ​ല്ലാം ശ്ര​മി​ച്ചി​ട്ടും വി​ജ്ഞാ​ന സ​മ്പാ​ദ​ന​ത്തി​നാ​യു​ള്ള ഈ ​സ​മു​ദാ​യ​ത്തി​ന്റെ തേ​ട്ട​ത്തെ ത​ടു​ക്കാ​ൻ ക​ഴി​ഞ്ഞി​ട്ടി​ല്ല. ന്യൂ​ന​പ​ക്ഷ അ​വ​കാ​ശ​ത്തി​നും, വി​ദ്യാ​ഭ്യാ​സ അ​വ​കാ​ശ​ത്തി​നും വെ​ല്ലു​വി​ളി​യു​യ​ർ​ത്തി​ക്കൊ​ണ്ട് മ​ദ്റ​സ​ക​ൾ​ക്ക് നേ​രെ കൈ​വെ​ക്കാ​നു​ള്ള നീ​ക്ക​ം ചെ​റു​ക്ക​പ്പെ​ടണം. അ​റി​വി​ന്റെ പാ​ത​യി​ൽ മുന്നേറാൻ അക്ഷീണം യത്നിക്കുന്ന സ​മു​ദാ​യത്തിന്‍റെ മു​ന്നോ​ട്ടുള്ള കുതിപ്പിന്​ സഹായിച്ചില്ലെങ്കിലും തടയിടാതിരിക്കാനെങ്കിലും വകതിരിവ്​ കാണിക്കുക. എങ്കിൽ മികവിലെത്തുന്നത്​ ഒരു സമുദായം മാത്രമാവില്ല, ഈ രാജ്യം തന്നെയായിരിക്കും.