ദേശസ്​നേഹത്തി​െൻറ കുറുക്കുവഴികൾ

രാജ്യത്തെ പ്രഥമ ഹിന്ദുത്വ സർക്കാർ കാലാവധി പൂർത്തിയാക്കാൻ മാസങ്ങൾ മാത്രം ശേഷി​േക്ക തെരഞ്ഞെടുപ്പ്​ വാഗ്​ദാന ങ്ങളിൽ മുക്കാൽപങ്കും പൂർത്തീകരിക്കാനാവാതെ പരാജയഭീതിയിൽ പരിഭ്രാന്തരായി ചിരപരിചിതമായ ഹിന്ദുത്വ കാർഡ്​ പൂർവാ ധികം വൈകാരികമായി പുറപ്പെടുവിക്കാനുള്ള തത്രപ്പാടിലാണ്​. അയോധ്യയിൽ തകർത്ത ബാബരി മസ്​ജിദി​​െൻറ സ്​ഥാനത്ത്​ ര ാമക്ഷേത്രം പണിയാനുള്ള ദീർഘകാല വാഗ്​ദാനം, സ്​ഥലത്തി​​െൻറ ഉടമാവകാശ കേസ്​ സുപ്രീംകോടതിയുടെ പരിഗണനയിലാണെന്നതു കൊണ്ട്​ മോദി-യോഗി സർക്കാറുകൾ സ്വന്തം അണികളുടെ മുന്നിൽ കൈമലർത്തേണ്ടി വന്നിരിക്കുന്നു. പൊതുതെരഞ്ഞെടുപ്പി നു​ മുമ്പ്​ കോടതിയുടെ അന്തിമവിധി വരുമോ, വന്നാൽ തന്നെ അത്​ ക്ഷേത്രവാദികൾ ആഗ്രഹിക്കുന്ന വിധമാവുമോ എന്നൊന്ന ും നിശ്ചയമില്ല. അതുകൊണ്ടു കൂടിയാണ്​ ദേശഭക്തി പ്രകടിപ്പിക്കാൻ ധിറുതിപിടിച്ച്​ കുറുക്കുവഴികൾ ​േതടുന്നത്​.

ഏറ്റവും പുതിയ ഉദാഹരണമാണ്​ ഹാജറെടുക്കു​േമ്പാൾ സ്​കൂൾ കുട്ടികൾ ‘യെസ്​ സാർ’ എന്നോ ‘പ്രസൻറ്​ സാർ’ എന്നോ പറയുന്ന പതിവിനുപകരം ‘ജയ്​ഹിന്ദ്​’ എന്നോ ‘ജയ്​ഭാരത്​’ എന്നോ തന്നെ പറയണമെന്ന ഗുജറാത്ത്​ വിദ്യാഭ്യാസ വകുപ്പി​​െൻറ ഉത്തരവ്​. രാജസ്​ഥാനിൽ ബി.ജെ.പി സർക്കാർ നേരത്തേ തന്നെ ഏർപ്പെടുത്തിയിരുന്നത്രെ ഇൗ ‘പരിഷ്​കാരം’. യു.പിയിൽ യോഗി ആദിത്യനാഥി​​െൻറ തീവ്രഹിന്ദുത്വ സർക്കാർ മുസ്​ലിം സ്​ഥല​േപ്പരുകൾ മാറ്റി ഹിന്ദു പേരുകളിടുന്ന ഭ്രാന്തിലാണ്​ ഏർപ്പെട്ടിരിക്കുന്നത്​. ചരിത്ര പ്രധാനമായ അലഹബാദി​​െൻറ പേർ പ്രയാഗ്​രാജാക്കി മാറ്റണമെന്ന യോഗിയുടെ ആവശ്യം മോദി സർക്കാർ അംഗീകരിച്ചുകഴിഞ്ഞു. ചരിത്രനഗരമായ ഫൈസാബാദിന്​ അ​േയാധ്യ എന്ന്​ പുനർനാമകരണം ചെയ്​തത്​ ആഴ്​ചകൾക്കു മുമ്പാണ്​. മുൻ ഭാരതീയ ജനസംഘം അധ്യക്ഷൻ പണ്ഡിറ്റ്​ ദീൻ ദയാൽ ഉപാധ്യായ തീവണ്ടി യാത്രക്കിടെ മരിച്ച നിലയിൽ കാണപ്പെട്ട മുഗൾ സറായ്​ റെയിൽവേ സ്​റ്റേഷനിപ്പോൾ ഉപാധ്യായയുടെ പേരിലാണ്​ ഇന്നറിയപ്പെടുന്നത്​. നൂറ്റാണ്ടുകളോളം ഇന്ത്യ ഭരിച്ച മുഗളരുടെ നാമം കേൾക്കുന്നതുപോലും ഹിന്ദുത്വവാദികൾക്ക്​ അരോചകമാണല്ലോ.

1988ൽ യു.പിയിലെ ഗോരഖ്​പൂരിൽനിന്ന്​ ലോക്​സഭയിലേക്ക്​ തെരഞ്ഞെടുക്കപ്പെട്ടത്​ മുതൽക്കേ ആരംഭിച്ചതാണ്​ ഹിന്ദു യുവ വാഹിനി നേതാവ്​ യോഗി ആദിത്യനാഥി​​െൻറ പേരുമാറ്റ ഭ്രാന്ത്​. പ്രാദേശികതലത്തിൽ ഉർദു ബസാറിനെ ഹിന്ദി ബസാറാക്കിയും അലി നഗറിനെ ആര്യാനഗറെന്ന്​ വിളിച്ചും ഇസ്​ലാംപൂരിനു​ പകരം ഇൗശ്വർപൂർ എന്ന്​ പേരു മാറ്റിയും ഹുമയൂൺ നഗറിനെ ഹനുമാൻ നഗറാക്കിയുമൊക്കെ മുന്നേറുന്ന യോഗി ഇരുപത്തഞ്ചോളം സ്​ഥലനാമ മാറ്റങ്ങൾ ഇതിനകം പ്രഖ്യാപിച്ചുകഴിഞ്ഞിട്ടുണ്ട്​.

2017ൽ യു.പി മുഖ്യമന്ത്രിയായി അവരോധിതനായപ്പോൾ തന്നെ ‘ഇപ്പോഴല്ലെങ്കിൽ പിന്നെ എപ്പോഴാണ്​’? എന്ന്​ ചോദിച്ചുകൊണ്ടാണ്​ പേരുമാറ്റ പരമ്പര ആരംഭിച്ചത്​. തൊഴിൽ നൽക​​ാേനാ മറ്റു വാഗ്​ദാനങ്ങൾ പൂർത്തീകരിക്കാനോ കഴിയാതെ വന്നപ്പോൾ മുഖ്യ വിഷയങ്ങളിൽനിന്ന്​ ജനശ്രദ്ധ തിരിക്കാനാണ്​ ബി.ജെ.പിയുടെ പേരുമാറ്റ പ്രക്രിയ എന്ന്​ രാഷ്​ട്രീയനിരീക്ഷകൻ നിലഞ്​ജൻ മുഖോപാധ്യായ ചൂണ്ടിക്കാണിച്ചതാണ്​ ശരി. പക്ഷേ, ഇൗയിടെ നടന്ന തെലങ്കാന നിയമസഭ തെരഞ്ഞെടുപ്പ്​ വേളയിൽ ഹൈദരാബാദി​​െൻറയും കരീംനഗറി​​െൻറയും പേരുകൾ യഥാക്രമം ഭാഗ്യനഗറും കാരിപുരവുമാക്കി മാറ്റുമെന്ന്​ പ്രഖ്യാപിച്ച്​ പ്രചാരണമാരംഭിച്ച യോഗി ആദിത്യനാഥ്​ ത​​െൻറ പാർട്ടിക്ക്​ സമ്മാനിച്ചത്​ എന്തായിരുന്നുവെന്ന്​ മറക്കരുത്​. പിരിച്ചുവിട്ട നിയമസഭയിൽ അഞ്ച്​ സീറ്റുണ്ടായിരുന്ന ബി.ജെ.പിക്ക്​ ഇത്തവണ ലഭിച്ചത്​ ഒരേയൊരു സീറ്റ്​!

ദേശസ്​നേഹവും ദേശഭക്തിയും വേ​ണ്ടെ​േന്നാ അതൊന്നും വളർത്തേണ്ടതില്ലെന്നോ ഒരിക്കലും ഉത്തരവാദിത്തബോധമുള്ള ഒരു പൗരനും വാദിക്കുകയില്ല, വാദിക്കേണ്ടതുമില്ല. അതുപക്ഷേ, രാജ്യത്തി​​െൻറ സുരക്ഷയും ഭദ്രതയും നിലനിർത്തുന്നതോടൊപ്പം ജനകീയ പ്രശ്​നങ്ങൾക്ക്​ പരിഹാരം കണ്ടും വികസന പദ്ധതികൾ നടപ്പാക്കിയുമാണ്​ പ്രകടിപ്പിക്കേണ്ടത്​. ദാരിദ്ര്യവും തൊഴിലില്ലായ്​മയും അനാരോഗ്യവും അതേപടി നിലനിർത്തിയും വ്യാപകമായി മനുഷ്യാവകാശങ്ങൾ ധ്വംസിച്ചും പശുവി​​െൻറ പേരിൽ ആൾക്കൂ​ട്ടക്കൊല നിർബാധം തുടർന്നും ദേശദ്രോഹം ആരോപിച്ച്​ നിരപരാധികളെ വെടിവെച്ചുകൊന്നും വ്യാജ ഏറ്റുമുട്ടലുകൾക്ക്​ പച്ച​ക്കൊടി കാട്ടിയും വന്ദേമാതരം പാടിയത്​ കൊണ്ടോ ജയ്​ഭാരത്​ വിളിച്ചതുകൊണ്ടോ ദേശസ്​നേഹം വരില്ല. അവരാണ്​ യഥാർഥ രാജ്യദ്രോഹികൾ.

ഇന്ത്യയിലെ ബഹുഭൂരിഭാഗം സ്​ഥലപ്പേരുകളും ഭാരതീയ​േമാ ഹൈന്ദവ​േമാ പ്രാദേശിക ഭാഷകളിലൂടെ രൂപപ്പെട്ടതോ ആണ്​. കൂട്ടത്തിലെ അപൂർവം മുസ്​ലിം പേരുകൾ വെറും വിദ്വേഷത്തി​​െൻറ പേരിൽ തുടച്ചുനീക്കിയതുകൊണ്ട്​ സ്വന്തം മനസ്സിലെ പകയും വെറുപ്പും അസഹിഷ്​ണുതയും മറയില്ലാതെ പ്രകടിപ്പിക്കാമെന്ന്​ മാത്രമേയുള്ളൂ. മുസ്​ലിം പേരുകൾ മാറ്റിയേ തീരൂ എന്ന്​ നിർബന്ധമുണ്ടെങ്കിൽ സ്വന്തം പാളയത്തിലെ മുഖ്​താർ അബ്ബാസ്​ നഖ്​വി, ഷാനവാസ്​ ഹുസൈൻ തുടങ്ങിയ പേരുകൾ ഹിന്ദുത്വവത്​കരിച്ചിട്ട്​ പോരേ അതെന്ന ചിലരുടെ ചോദ്യവും പ്രസക്തമാണ്​.