ഡോ​ള​ർ മേ​ധാ​വി​ത്വം അ​വ​സാ​നി​ക്കു​മോ?

നി​യു​ക്ത അ​മേ​രി​ക്ക​ൻ പ്ര​സി​ഡ​ന്‍റ്​ ഡോ​ണ​ൾ​ഡ് ട്രം​പ് സ്വ​ത​സി​ദ്ധ ശൈ​ലി​യി​ൽ ന​ട​ത്തി​യ പ്ര​കോ​പ​ന പ്ര​സ്താ​വ​ന​ക​ളി​ൽ അ​വ​സാ​ന​ത്തേ​ത് ബ്രി​ക്സ്​ രാ​ഷ്ട്ര​വേ​ദി​യി​ലെ അം​ഗ​രാ​ജ്യ​ങ്ങ​ളാ​യ ബ്ര​സീ​ൽ, റ​ഷ്യ, ഇ​ന്ത്യ, ചൈ​ന, ദ​ക്ഷി​ണാ​ഫ്രി​ക്ക, ഇ​റാ​ൻ, ഈ​ജി​പ്ത്, യു.​എ.​ഇ, ഇ​ത്യോ​പ്യ എ​ന്നി​വ​ർ ചേ​ർ​ന്ന് ഡോ​ള​റി​നെ ഇ​ടി​ച്ചു (ഡി-​ഡോ​ള​റൈ​സേ​ഷ​ൻ) സ്വ​ന്ത​മാ​യ ഒ​രു വി​നി​മ​യ ക​റ​ൻ​സി സ്ഥാ​പി​ക്കാ​ൻ ന​ട​ത്തു​ന്ന​താ​യി പ​റ​യു​ന്ന ശ്ര​മ​ങ്ങ​ൾ​ക്കെ​തി​രെ​യാ​യി​രു​ന്നു.

ഏ​തെ​ങ്കി​ലും രാ​ജ്യം ഡോ​ള​റി​നു പ​ക​രം മ​റ്റൊ​രു നാ​ണ്യം കൊ​ണ്ടു​വ​രാ​ൻ ശ്ര​മി​ച്ചാ​ൽ അ​മേ​രി​ക്ക അ​വ​രു​ടെ മേ​ൽ 100 ശ​ത​മാ​നം ഇ​റ​ക്കു​മ​തി​ചു​ങ്കം ചു​മ​ത്തും, അ​വ​ർ​ക്കു​പി​ന്നെ യു.​എ​സ്​ വി​പ​ണി​യോ​ട് യാ​ത്ര പ​റ​ഞ്ഞു​പി​രി​യാം എ​ന്നാ​യി​രു​ന്നു ട്രം​പി​ന്‍റെ ഭീ​ഷ​ണി.

അ​ത്ര​ക്കൊ​ന്നും മു​ന്നോ​ട്ടു​പോ​യി​ട്ടി​ല്ലെ​ങ്കി​ലും അ​ന്താ​രാ​ഷ്ട്ര ഇ​ട​പാ​ടു​ക​ളി​ലും ക​റ​ൻ​സി മേ​ഖ​ല​യി​ലും ഡോ​ള​റി​ന്‍റെ മേ​ധാ​വി​ത്വം മ​റി​ക​ട​ന്ന്​ ഒ​രു ബ​ദ​ൽ സം​വി​ധാ​ന​ത്തെ​ക്കു​റി​ച്ചു​ള്ള മ​ന്ത്ര​ങ്ങ​ൾ അ​മേ​രി​ക്ക​ൻ ചേ​രി​യി​ൽ ഒ​ട്ടി​നി​ൽ​ക്കാ​ത്ത വി​ക​സ്വ​ര രാ​ജ്യ​ങ്ങ​ളി​ൽ പ​ല​രും അ​ന്യോ​ന്യം ന​ട​ത്തു​ന്നു​ണ്ട്. ച​രി​ത്ര​പ​ര​മാ​യി ഡോ​ള​റി​ന് ഇ​ന്നു​ള്ള പ്രാ​മാ​ണ്യം കൈ​വ​ന്ന​ത് ര​ണ്ടാം ലോ​ക​യു​ദ്ധ ശേ​ഷം 1944ൽ ​ബ്രെ​ട്ട​ൺ വു​ഡ്‌​സി​ൽ വെ​ച്ചു​ണ്ടാ​യ 44 രാ​ജ്യ​ങ്ങ​ളു​ടെ ക​രാ​ർ മു​ത​ലാ​ണ്. അ​ന്താ​രാ​ഷ്ട്ര ഇ​ട​പാ​ടു​ക​ൾ​ക്ക് ക്ര​മ​വും ചി​ട്ട​യു​മു​ണ്ടാ​വാ​നു​ദ്ദേ​ശി​ച്ച തീ​രു​മാ​ന​ങ്ങ​ളു​ടെ കൂ​ട്ട​ത്തി​ൽ രാ​ജ്യാ​ന്ത​ര ഇ​ട​പാ​ടു​ക​ളി​ലെ വി​വി​ധ ക​റ​ൻ​സി​ക​ളു​ടെ മൂ​ല്യം ഡോ​ള​റു​മാ​യും ഡോ​ള​റി​ന്‍റേ​ത് സ്വ​ർ​ണ​വു​മാ​യും ബ​ന്ധി​പ്പി​ച്ചു. ഡോ​ള​റി​നു സ്വ​ർ​ണ​വു​മാ​യു​ള്ള ഈ ​വി​നി​മ​യ മൂ​ല്യം 1971ൽ ​നി​ക്‌​സ​ൺ ഭ​ര​ണ​കൂ​ടം എ​ടു​ത്തു​ക​ള​ഞ്ഞു. എ​ന്നാ​ൽ, അ​ന്നു​മു​ത​ൽ ഇ​ന്നു​വ​രെ മ​റ്റൊ​രു നാ​ണ്യ​ത്തി​നും പ​ക​രം നി​ൽ​ക്കാ​ൻ ക​ഴി​യാ​ത്ത വി​ധം രാ​ജ്യ​ങ്ങ​ളെ​ല്ലാം അ​വ​രു​ടെ ക​രു​ത​ൽ ധ​ന​വും ഇ​റ​ക്കു​മ​തി ക​യ​റ്റു​മ​തി​ക​ളും ഡോ​ള​റി​ൽ ത​ന്നെ​യാ​ണ് ന​ട​ത്തു​ന്ന​ത്. സ​മ്പ​ദ്‌​വ്യ​വ​സ്ഥ​യു​ടെ ശ​ക്തി നോ​ക്കി​യാ​ൽ യൂ​റോ​പ്യ​ൻ സ​മ്പ​ന്ന രാ​ജ്യ​ങ്ങ​ൾ ഏ​കീ​ക​രി​ച്ച് ന​ട​പ്പാ​ക്കി​യ യൂ​റോ​യും പി​ൽ​ക്കാ​ല​ത്ത് സാ​ങ്കേ​തി​ക വി​ദ്യ​യി​ലും ഉ​ൽ​പാ​ദ​ന​മേ​ഖ​ല​യി​ലും കു​തി​പ്പ് ന​ട​ത്തി​യ ചൈ​ന​യു​ടെ യു​വാ​നും (റെ​ൻ​മി​മ്പി) ശ​ക്ത​മാ​യ ക​റ​ൻ​സി​ക​ൾ ത​ന്നെ​യാ​ണ്. ഡോ​ള​റി​നു ക​ൽ​പി​ക്ക​പ്പെ​ടു​ന്ന അ​ന്താ​രാ​ഷ്ട്ര സ്വീ​കാ​ര്യ​ത​യാ​ണ് അ​വ​ക്കി​ല്ലാ​ത്ത​ത്.

ഇ​ന്ന് ആ​ഗോ​ള നാ​ണ്യ​നി​ക്ഷേ​പ​ങ്ങ​ളു​ടെ 60 ശ​ത​മാ​ന​വും ഡോ​ള​റി​ലാ​ണെ​ന്നാ​ണ് ക​ണ​ക്ക്. രാ​ജ്യ​ങ്ങ​ളു​ടെ സെ​ൻ​ട്ര​ൽ ബാ​ങ്ക്​ നി​ക്ഷേ​പ​ങ്ങ​ളും ക​രു​ത​ൽ വി​ദേ​ശ നാ​ണ്യ​വും ഡോ​ള​റി​ൽ ത​ന്നെ. കൂ​ടാ​തെ എ​ഴു​പ​തു​ക​ളി​ൽ എ​ണ്ണ​യു​ൽ​പാ​ദ​ക രാ​ജ്യ​ങ്ങ​ളു​മാ​യി അ​മേ​രി​ക്ക ഒ​പ്പി​ട്ട ധാ​ര​ണ​യ​നു​സ​രി​ച്ച് എ​ണ്ണ വ്യാ​പാ​രം ഡോ​ള​റി​ലാ​ണ്. അ​തി​നാ​ൽ ഇ​റ​ക്കു​മ​തി രാ​ജ്യ​ങ്ങ​ൾ​ക്ക്​ എ​ണ്ണ വാ​ങ്ങാ​ൻ ഡോ​ള​ർ വേ​ണ​മെ​ന്ന അ​വ​സ്ഥ വ​ന്നു.

അ​തി​നു പു​റ​മെ അ​ന്താ​രാ​ഷ്ട്ര നാ​ണ്യ നി​ധി (ഐ.​എം.​എ​ഫ്), ലോ​ക ബാ​ങ്ക് എ​ന്നീ സ്ഥാ​പ​ന​ങ്ങ​ളു​ടെ ഇ​ട​പാ​ടു​ക​ളും മി​ക്ക​വാ​റും ഡോ​ള​റി​ലാ​ണ്. അ​മേ​രി​ക്ക​ക്കു പി​ന്നീ​ട് അ​ന്താ​രാ​ഷ്ട്ര ധ​ന​വി​നി​മ​യ​ങ്ങ​ളെ നി​യ​ന്ത്രി​ക്കാ​ൻ മ​റ്റൊ​രു ആ​യു​ധം കൂ​ടി കി​ട്ടി-​സ്വി​ഫ്റ്റ് എ​ന്ന​റി​യ​പ്പെ​ടു​ന്ന ആ​ഗോ​ള സാ​മ്പ​ത്തി​ക ഇ​ട​പാ​ടു ശൃം​ഖ​ല. വി​വി​ധ രാ​ജ്യ​ങ്ങ​ളി​ലെ ബാ​ങ്കു​ക​ൾ, സാ​മ്പ​ത്തി​ക സ്ഥാ​പ​ന​ങ്ങ​ൾ തു​ട​ങ്ങി​യ​വ​യാ​ണ് ഇ​തി​ന്‍റെ ഉ​ട​മ​ക​ളെ​ങ്കി​ലും ഇ​ട​പാ​ടു​ക​ൾ ന​ട​ക്കു​ന്ന​ത് മി​ക്ക​തും ഡോ​ള​റി​ലാ​ണെ​ന്നു മാ​ത്ര​മ​ല്ല, അ​തി​ന്‍റെ നി​യ​ന്ത്ര​ണം അ​മേ​രി​ക്ക​ക്കാ​ണ്.

സ്വി​ഫ്റ്റി​ൽ ത​ന്നെ​യാ​ണ് ചി​ല രാ​ജ്യ​ങ്ങ​ൾ​ക്ക് അ​മേ​രി​ക്ക​ൻ മേ​ധാ​വി​ത്വ​ത്തി​ന്‍റെ ക​ടി​യേ​റ്റ​തും. സ്വി​ഫ്റ്റി​ൽ ത​ട​സ്സം നേ​രി​ട്ടാ​ൽ ഇ​ട​പാ​ടു​ക​ൾ സ്തം​ഭി​ക്കും. ഈ​യി​ടെ അ​മേ​രി​ക്ക ഏ​ക​പ​ക്ഷീ​യ​മാ​യി റ​ഷ്യ​യെ​യും ഇ​റാ​നെ​യും ഉ​പ​രോ​ധ​ത്തി​ന്‍റെ ഭാ​ഗ​മാ​യി സ്വി​ഫ്റ്റി​ൽ നി​ന്ന് നീ​ക്കം ചെ​യ്ത​തും ആ ​ഫ​ല​മാ​ണു​ണ്ടാ​ക്കി​യ​ത്. സ്വി​ഫ്റ്റ് പോ​ലു​ള്ള​വ​യെ രാ​ഷ്ട്രീ​യാ​യു​ധ​മാ​ക്കി​യാ​ൽ അ​ത് ബ​ദ​ൽ സം​വി​ധാ​ന​ങ്ങ​ളും ക​റ​ൻ​സി​യും ക​ണ്ടെ​ത്തു​ന്ന​തി​ന് അ​ന്യ​രാ​ജ്യ​ങ്ങ​ളെ നി​ർ​ബ​ന്ധി​ക്കും എ​ന്നാ​ണ് വി​ദ​ഗ്​​ധ​ർ അ​മേ​രി​ക്ക​ക്ക് മു​ന്ന​റി​യി​പ്പ് ന​ൽ​കു​ന്ന​ത്. സം​ഭ​വി​ക്കു​ന്ന​തും അ​തു​ത​ന്നെ. ഡോ​ള​റി​ന്മേ​ലു​ള്ള അ​ധീ​ശ​ത്വം അ​മേ​രി​ക്ക ദു​രു​പ​യോ​ഗം ചെ​യ്യു​ന്ന​ത് രാ​ഷ്ട്രീ​യ ല​ക്ഷ്യ​ങ്ങ​ൾ​ക്കാ​ണെ​ന്ന​താ​ണ് പ്ര​ധാ​നം.

2001 സെ​പ്റ്റം​ബ​ർ പ​തി​നൊ​ന്നി​നു ന​ട​ന്ന ന്യൂ​യോ​ർ​ക് ഇ​ര​ട്ട ഗോ​പു​ര സ്‌​ഫോ​ട​ന​ത്തി​നു​ശേ​ഷം രാ​ജ്യാ​ന്ത​ര ഭീ​ക​ര​രെ സ​ഹാ​യി​ക്കു​ന്ന വി​ദേ​ശ നാ​ണ്യ​വി​നി​മ​യ​വും ക​ള്ള​പ്പ​ണം വെ​ളു​പ്പി​ക്ക​ലും ത​ട​യാ​നെ​ന്ന പേ​രി​ൽ അ​മേ​രി​ക്ക ഒ​ട്ട​ധി​കം നി​യ​ന്ത്ര​ണ​ങ്ങ​ൾ കൊ​ണ്ടു​വ​ന്നു. അ​വ ന​ട​പ്പാ​ക്കാ​നു​ള്ള ക​രാ​റി​ൽ ബ​ല​പ്ര​യോ​ഗ​മെ​ന്നോ​ണം രാ​ജ്യ​ങ്ങ​ളെ​ക്കൊ​ണ്ട് ഒ​പ്പു​വെ​പ്പി​ച്ചു. ഒ​രു​ദാ​ഹ​ര​ണം, അ​മേ​രി​ക്ക​യു​ടെ ട്ര​ഷ​റി ഡി​പ്പാ​ർ​ട്മെ​ന്റും വി​വി​ധ വി​ദേ​ശ ബാ​ങ്കു​ക​ളു​മാ​യു​ള്ള ക​രാ​റാ​ണ് ‘ഫാ​റ്റ്ക’. അ​തി​ന്‍റെ നി​ബ​ന്ധ​ന​ക​ൾ പാ​ലി​ക്കു​ന്നു എ​ന്നു​റ​പ്പു​വ​രു​ത്താ​നു​ള്ള വ്യ​ക്തി​ക​ളു​ടെ സാ​ക്ഷ്യ​പ​ത്ര​വും സ​ത്യ​വാ​ങ്മൂ​ല​വും വ​രെ അ​തി​ൽ പെ​ടും.

ഇ​ങ്ങ​നെ വി​ദേ​ശ​രാ​ജ്യ​ങ്ങ​ളി​ലെ സാ​മ്പ​ത്തി​ക സം​വി​ധാ​ന​ങ്ങ​ളി​ലേ​ക്കു നു​ഴ​ഞ്ഞു​ക​യ​റാ​നും അ​വ​യെ നി​യ​ന്ത്ര​ണ​ങ്ങ​ളി​ലൂ​ടെ വ​രി​ഞ്ഞു മു​റു​ക്കാ​നും അ​മേ​രി​ക്ക ഉ​ദ്യു​ക്ത​മാ​വു​മ്പോ​ൾ ബ​ദ​ൽ സം​വി​ധാ​ന​ങ്ങ​ളെ​ക്കു​റി​ച്ച് ചി​ന്തി​ക്കാ​ൻ ഇ​ത​ര സാ​മ്പ​ത്തി​ക-​രാ​ഷ്ട്രീ​യ ശ​ക്തി​ക​ൾ ശ്ര​മി​ക്കു​ക സ്വാ​ഭാ​വി​കം മാ​ത്രം. വി​ശി​ഷ്യ, രാ​ഷ്ട്രീ​യ മേ​ധാ​വി​ത്വ​ത്തി​ൽ​ത​ന്നെ മ​ത്സ​രം മു​റു​കു​മ്പോ​ൾ. അ​ങ്ങ​നെ ബ്രി​ക്‌​സ് രാ​ജ്യ​ങ്ങ​ളു​ടെ സം​ഘ​ടി​ത വി​ല​പേ​ശ​ൽ ശേ​ഷി​യും സാ​മ്പ​ത്തി​ക ബ​ല​വും ഇ​ത്ത​ര​ത്തി​ൽ ഡോ​ള​റി​നെ​തി​രാ​യ നീ​ക്ക​ത്തി​ന്‍റെ വേ​ദി​യാ​യി. മാ​ത്ര​മ​ല്ല, റ​ഷ്യ സ്വി​ഫ്റ്റി​ന് പ​ക​രം സ്വ​ന്ത​മാ​യി ധ​ന​വി​നി​മ​യ ശൃം​ഖ​ല സ്ഥാ​പി​ക്കു​ക​യും അ​തി​നു ആ​ഭ്യ​ന്ത​ര ഇ​ട​പാ​ടു​ക​ളു​ടെ 30 ശ​ത​മാ​നം കൈ​കാ​ര്യ​ത്തി​നു സാ​ധി​ക്കു​ക​യും ചെ​യ്തു​വെ​ന്നാ​ണ് അ​നു​മാ​നം. പ​ക്ഷേ, അ​ത് വി​ദേ​ശ ഇ​ട​പാ​ടി​ലേ​ക്കു വ്യാ​പി​പ്പി​ക്കാ​നാ​യി​ട്ടി​ല്ല.

വെ​ല്ലു​വി​ളി​ക​ൾ നി​ല​നി​ൽ​ക്കു​മ്പോ​ഴും ഇ​ട​പാ​ടു​ക​ളി​ലെ ഡോ​ള​ർ കു​ത്ത​ക ത​ക​ർ​ക്ക​ണ​മെ​ന്ന ആ​ശ​യം പ​ല​കോ​ണു​ക​ളി​ലും ഏ​കോ​പി​ച്ചു​വ​രു​ന്നു​ണ്ട്. ബ്ര​സീ​ൽ, ദ​ക്ഷി​ണാ​ഫ്രി​ക്ക എ​ന്നി​വ​രെ പോ​ലെ, ഇ​ന്ത്യ ഇ​ക്കാ​ര്യ​ത്തി​ൽ അ​നു​കൂ​ല​മാ​യ നി​ല​പാ​ട് പ്ര​ക​ടി​പ്പി​ക്കാ​തെ, സ​മ​വാ​യ രീ​തി​യോ​ട് ആ​ഭി​മു​ഖ്യം കാ​ണി​ക്കു​ന്നു​ണ്ടെ​ങ്കി​ലും യു​ക്രെ​യ്ൻ യു​ദ്ധ പ​ശ്ചാ​ത്ത​ല​ത്തി​ൽ അ​മേ​രി​ക്ക​ൻ ഉ​പ​രോ​ധം മ​റി​ക​ട​ന്ന്​ റ​ഷ്യ​യി​ൽ​നി​ന്ന് എ​ണ്ണ വാ​ങ്ങാ​ൻ ഇ​ന്ത്യ യു​വാ​ൻ, രൂ​പ, ദി​ർ​ഹം തു​ട​ങ്ങി​യ നാ​ണ്യ​ങ്ങ​ളി​ൽ ഇ​ട​പാ​ടു​ക​ൾ ന​ട​ത്തി​യി​ട്ടു​ണ്ട്. മൊ​ത്തം ച​ല​ന​ങ്ങ​ൾ വെ​ച്ചു​നോ​ക്കു​മ്പോ​ൾ ഡോ​ള​റി​നെ കേ​ന്ദ്ര സ്ഥാ​ന​ത്തു​നി​ന്ന് പു​റ​ത്താ​ക്കാ​നു​ള്ള ശ്ര​മ​ങ്ങ​ൾ കാ​ര്യ​ക്ഷ​മ​മാ​യൊ​ന്നും മു​ന്നോ​ട്ടു​പോ​യി​ട്ടി​ല്ലെ​ങ്കി​ലും, അ​തു ന​ട​ക്കു​ന്നു​വെ​ന്ന​തി​ൽ സം​ശ​യ​മി​ല്ല. ആ​ഗോ​ള സാ​ഹ​ച​ര്യ​ങ്ങ​ളും രാ​ജ്യ​ങ്ങ​ളു​ടെ ഇ​ച്ഛാ​ശ​ക്തി​യു​മാ​ണ് ഇ​നി നി​ർ​ണാ​യ​ക​മാ​വു​ക.