ഉയരുമവൾ ആകാശത്തോളം...

രാ​ജ്യ​ത്ത്​ ആ​ദ്യ​മാ​യി​ ഒ​രു വി​മാ​ന​ത്താ​വ​ള​ത്തി​ൽ കു​ടും​ബ​ശ്രീ​ക്ക്​ അ​വ​സ​രം ല​ഭി​ക്കു​ന്ന​ത്​ കോ​ഴി​ക്കോ​ടാ​ണ്. സ്വാ​ശ്ര​യ സം​ഘ​ങ്ങ​ളെ പ്രോ​ത്സാ​ഹി​പ്പി​ക്കു​ന്ന​തി​ന്‍റെ ഭാ​ഗ​മാ​യി കേ​​ന്ദ്ര സ​ർ​ക്കാ​ർ ആ​രം​ഭി​ച്ച ‘അ​വ​സ​ർ’ പ​ദ്ധ​തി​ക്ക്​ കീ​ഴി​ലാ​ണ്​ കോ​ഴി​ക്കോ​ട് അ​ന്താ​രാ​ഷ്ട്ര​വി​മാ​ന​ത്താ​വ​ള​ത്തി​ൽ കു​ടും​ബ​ശ്രീ സ്റ്റാ​ൾ തു​റ​ന്ന​ത്.

വി​ദേ​ശ​ത്തേ​ക്ക്​ പോ​കു​ന്ന​വ​ർ​ക്ക് പ്രാ​ദേ​ശി​ക ഉ​ൽ​പ​ന്ന​ങ്ങ​ൾ​ ​കൊ​ണ്ടു​പോ​കാ​നു​ള്ള അ​വ​സ​രം ഒ​രു​ക്കു​ക​യാ​ണ്​ ഇ​തി​ലൂ​ടെ. സ്റ്റാ​ൾ ആ​രം​ഭി​ച്ച സ​മ​യ​ത്ത് 5,000 രൂ​പ​യാ​യി​രു​ന്നു പ്ര​തി​ദി​ന വ​രു​മാ​നം. ഇ​ത്​ പി​ന്നീ​ട്​ 10,000, 15,000 രൂ​പ വ​രെ ഉ​യ​ർ​ന്നു. ക​രി​പ്പൂ​രി​ൽ റീ​കാ​ർ​പ​റ്റി​ങ്​ പ്ര​വൃ​ത്തി ന​ട​ക്കു​ന്ന​തി​നാ​ൽ പ​ക​ൽ സ​മ​യ​ങ്ങ​ളി​ൽ ഇ​പ്പോ​ൾ സ്റ്റാ​ൾ പ്ര​വ​ർ​ത്തി​ക്കു​ന്നി​ല്ല. അ​തി​നാ​ൽ വ​രു​മാ​ന​ത്തി​ൽ കു​റ​വ്​ വ​ന്നി​ട്ടു​ണ്ടെ​ങ്കി​ലും സം​രം​ഭം വി​ജ​യ​ക​ര​മാ​യി മു​ന്നോ​ട്ട്​ പോ​കു​ന്നു.

കു​ടും​ബ​ശ്രീ​യു​ടെ വി​വി​ധ യൂ​നി​റ്റു​ക​ളി​ൽ ഉ​ൽ​പാ​ദി​പ്പി​ക്കു​ന്ന ക​ര​കൗ​ശ​ല വ​സ്തു​ക്ക​ൾ, ചി​ര​ട്ട കൊ​ണ്ടു​ള്ള ഉ​ൽ​പ​ന്ന​ങ്ങ​ൾ, മി​നി​യേ​ച്ച​ർ മോ​ഡ​ലു​ക​ൾ, ഭ​ക്ഷ​ണ പാ​ക്ക​റ്റു​ക​ൾ, ഖാ​ദി വ​സ്ത്ര​ങ്ങ​ൾ തു​ട​ങ്ങി​യ​വ​യാ​ണ്​ ഇ​വി​ടെ ല​ഭി​ക്കു​ന്ന​ത്. കു​ടും​ബ​ശ്രീ ജി​ല്ല മി​ഷ​ന്‍റെ നേ​രി​ട്ടു​ള്ള മേ​ൽ​നോ​ട്ട​ത്തി​ലാ​ണ്​ പ്ര​വ​ർ​ത്ത​നം. അ​ന്താ​രാ​ഷ്ട്ര പു​റ​പ്പെ​ട​ല്‍ ഹാ​ളി​ല്‍ 80 ച​തു​ര​ശ്ര അ​ടി​യി​ലാ​ണ്​ സ്​​റ്റോ​ർ പ്ര​വ​ർ​ത്തി​ക്കു​ന്ന​ത്.

പ്ര​തി​മാ​സം 12,000 രൂ​പ​യാ​ണ്​ വാ​ട​ക​യാ​യി വി​മാ​ന​ത്താ​വ​ള അ​തോ​റി​റ്റി​ക്ക്​ ന​ൽ​കേ​ണ്ട​ത്. ആ​റ്​ മാ​സ​ത്തേ​ക്കു​ള്ള വാ​ട​ക​യും ജീ​വ​ന​ക്കാ​രു​ടെ ശ​മ്പ​ള​വും കു​ടും​ബ​ശ്രീ അ​നു​വ​ദി​ച്ചി​ട്ടു​ണ്ട്. ക​ര​കൗ​ശ​ല ഉ​ൽ​പ​ന്ന​ങ്ങ​ൾ​ക്കാ​ണ്​ ആ​വ​ശ്യ​ക്കാ​ർ കൂ​ടു​ത​ൽ. പാ​ക്ക​റ്റു​ക​ളി​ൽ ത​യാ​റാ​ക്കി​യ ഭ​ക്ഷ​ണ​പ​ദാ​ർ​ഥ​ങ്ങ​ൾ​ക്കും ആ​വ​ശ്യ​ക്കാ​ർ ഏ​റെ​യാ​ണ്.