കേ​ര​ള മാ​തൃ​ക ​ചി​ല ഓ​ർ​മ​പ്പെ​ടു​ത്ത​ലു​ക​ൾ

‘കൈ​യും വെ​ട്ടും കാ​ലും വെ​ട്ടും വേ​ണ്ടി​വ​ന്നാ​ൽ ത​ല​യും വെ​ട്ടും’ എ​ന്നു വി​ദ്യാ​ർ​ഥി​ക​ൾ മു​ദ്രാ​വാ​ക്യം വി​ളി​ക്കു​ന്ന ചി​ല ദൃ​ശ്യ​ങ്ങ​ൾ ഞാ​ൻ ക​ണ്ടു. പ്രി​ൻ​സി​പ്പ​ൽ​മാ​രും, അ​ധ്യാ​പ​ക​രും അ​ത്ര​ക്ക് നീ​ച​രും വ്യാ​ജ​രു​മാ​ണോ? സ്വ​കാ​ര്യ കോ​ള​ജു​ക​ളി​ലും സ​ർ​ക്കാ​ർ കോ​ള​ജു​ക​ളി​ലും പി​ന്നെ ദീ​ർ​ഘ​കാ​ലം കേ​ര​ള, കാ​ലി​ക്ക​റ്റ് സ​ർ​വ​ക​ലാ​ശാ​ല​ക​ളി​ലും ഞാ​ൻ അ​ധ്യാ​പ​ക​നാ​യി​രു​ന്നു. പ​ക്ഷേ, ഇ​ന്നു കേ​ൾ​ക്കു​ന്ന മു​ദ്രാ​വാ​ക്യ​ങ്ങ​ൾ കേ​ട്ടി​ട്ടി​ല്ല

‘കേ​ര​ള​ത്തി​ന്റെ പു​ന​ർ​നി​ർ​മി​തി​യു​ടെ പു​തു​യു​ഗ​ത്തി​ലേ​ക്ക് നാം ​കാ​ലു​കു​ത്തു​ന്നു’ എ​ന്നു പ​റ​ഞ്ഞാ​ണ് 2021ലെ ​ഇ​ട​തു​പ​ക്ഷ മു​ന്ന​ണി​യു​ടെ പ്ര​ക​ട​ന​പ​ത്രി​ക തു​ട​ങ്ങു​ന്ന​ത്. വ്യ​ക്തി​ക​ളാ​യാ​ലും, സ​മൂ​ഹ​മാ​യാ​ലും, രാ​ഷ്ട്ര​മാ​യാ​ലും, സ്ഥാ​പ​ന​മാ​യാ​ലും പു​ന​ർ​നി​ർ​മി​ക്ക​പ്പെ​ട​ണ​മെ​ങ്കി​ൽ ത​ങ്ങ​ളു​ടെ പ​രി​മി​തി​ക​ളെ​ക്കു​റി​ച്ചും, പോ​രാ​യ്മ​ക​ളെ​ക്കു​റി​ച്ചും ന​ല്ല ബോ​ധ്യ​മു​ണ്ടാ​ക​ണം. നി​ല​വി​ലു​ള്ള സ​ത്യ​ങ്ങ​ളെ ചോ​ദ്യം ചെ​യ്തി​ട​ത്തു​നി​ന്നാ​ണ് ന​വോ​ത്ഥാ​നം രൂ​പം​കൊ​ണ്ട​ത്. ഒ​രി​ക്ക​ൽ സ​ത്യ​മെ​ന്നും, ചോ​ദ്യം​ചെ​യ്യാ​ൻ പാ​ടി​ല്ലാ​ത്ത​തെ​ന്നും ക​രു​തി​യി​രു​ന്ന കാ​ര്യ​ങ്ങ​ൾ ചൂ​ഷ​ണ​ത്തി​ന്റെ ഉ​പ​ക​ര​ണ​ങ്ങ​ളും അ​ട​യാ​ള​ങ്ങ​ളു​മാ​ണെ​ന്ന് തി​രി​ച്ച​റി​യാ​ൻ ത​ക്ക​വ​ണ്ണം കേ​ര​ള ജ​ന​ത​യു​ടെ അ​വ​ബോ​ധ​വും സം​വേ​ദ​ന​ക്ഷ​മ​ത​യും ഉ​ത്തേ​ജി​പ്പി​ക്കാ​ൻ പാ​ക​ത്തി​ൽ സാ​ഹി​ത്യ​സൃ​ഷ്​​ടി​ക​ളും, സാ​മൂ​ഹി​ക​പ​രി​ഷ്‍ക​ർ​ത്താ​ക്ക​ളും ഇ​വി​ടെ ച​ല​ന​ങ്ങ​ൾ സൃ​ഷ്​​ടി​ച്ചു. അ​പ്പോ​ഴാ​ണ് ആ​ധു​നി​ക കേ​ര​ളം നാ​മ്പി​ട്ട​ത്.

‘മാ​റ്റു​വി​ൻ ച​ട്ട​ങ്ങ​ളെ’ എ​ന്നു പ​റ​യു​ന്ന​തി​നു​മു​മ്പ് ‘നെ​ല്ലി​ൻ ചു​വ​ട്ടി​ൽ മു​ള​ക്കും കാ​ട്ടു​പു​ല്ല​ല്ല സാ​ധു പു​ല​യ​ൻ’ എ​ന്ന് മ​ന​സ്സി​ൽ ത​ട്ടി ആ​ശാ​ൻ നി​ല​വി​ളി​ച്ചു. ‘ഇ​തി​നൊ​ക്കെ പ്ര​തി​കാ​രം ചെ​യ്യാ​ത​ട​ങ്ങു​മോ’ എ​ന്നു പ​തി​ത​രെ ചേ​ർ​ത്ത് നി​ർ​ത്തി പ്ര​തി​ക​രി​ക്കാ​ൻ പ്ര​ത്യ​യ​ശാ​സ്​​ത്ര​ത്തെ കൂ​ട്ടു​പി​ടി​ച്ച് ഒ​രു​പ​റ്റം വി​പ്ല​വ​കാ​രി​ക​ൾ മു​ന്നോ​ട്ടു​വ​ന്ന​തി​ന്റെ പ​രി​ണി​ത​ഫ​ല​മാ​യി​രു​ന്നു 1957ൽ ​അ​ധി​കാ​ര​ത്തി​ലെ​ത്തി​യ ക​മ്യൂ​ണി​സ്റ്റ് സ​ർ​ക്കാ​ർ. നീ​ണ്ട 66 വ​ർ​ഷ​ങ്ങ​ൾ നാം ​പി​ന്നി​ട്ടി​രി​ക്കു​ന്നു. പു​ത്ത​ൻ നാ​ളെ​യു​ടെ പി​റ​വി​ക്ക് സ​മ​ഗ്ര​ദ​ർ​ശ​ന​വും, പൊ​തു​യു​ക്തി​യു​ടെ വ്യാ​പ​ന​വും അ​നി​വാ​ര്യ​മാ​ണ്. കേ​ര​ള ‘മാ​തൃ​ക’ പു​ന​ർ​നി​ർ​മി​ക്കാ​ൻ യു​ക്തി​സ​ഹ​മാ​യ സ​മൂ​ഹം, ഗു​ണ​നി​ല​വാ​ര​വും സാ​മൂ​ഹി​ക​നീ​തി​യി​ൽ ഊ​ന്നി​യ​തു​മാ​യ വി​ദ്യാ​ഭ്യാ​സം, ആ​രോ​ഗ്യ​മേ​ഖ​ല​ക​ൾ അ​ദ്വി​തീ​യ​മാ​യ പ്ര​കൃ​തി​സ​മ്പ​ത്ത് വീ​ണ്ടെ​ടു​ക്ക​ൽ, വ​ഞ്ചി​ക്ക​പ്പെ​ട്ട സ​ഹ​ക​ര​ണ​പ്ര​സ്​​ഥാ​ന​ത്തി​ന്റെ പു​ന​ർ​ജീ​വ​നം, മാ​റാ​വ്യാ​ധി​യാ​യി​ത്തീ​ർ​ന്നി​രി​ക്കു​ന്ന അ​ഴി​മ​തി കു​റ​ക്ക​ൽ എ​ന്നി​ങ്ങ​നെ എ​ണ്ണ​മ​റ്റ മേ​ഖ​ല​ക​ളു​ടെ വീ​ഴ്ച​ക​ൾ തി​രു​ത്താ​തെ പു​ന​ർ​വി​ചാ​രം സാ​ധ്യ​മ​ല്ല.

ന​വോ​ത്ഥാ​ന​ത്തി​ന്റെ വ​ർ​ത്ത​മാ​നം

യു​ക്തി​യു​ടെ പൊ​തു​മ​ണ്ഡ​ലം അ​നു​സ്യൂ​തം വ​ള​രാ​തെ ജ​നാ​ധി​പ​ത്യ​വും പു​രോ​ഗ​തി​യും സാ​ധ്യ​മ​ല്ല. ന​വോ​ത്ഥാ​നം സ​ർ​വാ​ശ്ലേ​ഷി ആ​യി​രു​ന്നു. ഹൈ​ന്ദ​വ ജാ​തി​വ്യ​വ​സ്​​ഥ​യും, അ​യി​ത്ത​വും, അ​നാ​ചാ​ര​ങ്ങ​ളും മാ​ത്ര​മാ​യി​രു​ന്നി​ല്ല ക്രൈ​സ്ത​വ സ​ഭ​ക​ളി​ലും, മു​സ്‍ലിം സ​മു​ദാ​യ​ത്തി​ലും നി​ല​വി​ലി​രു​ന്ന അ​ന്ധ​വി​ശ്വാ​സ​ങ്ങ​ളും ചോ​ദ്യം​ചെ​യ്യ​പ്പെ​ട്ടു. കേ​ര​ള പൊ​തു​മ​ണ്ഡ​ല​ത്തി​ൽ യു​ക്തി​സ​ഹ​മാ​യ സം​വാ​ദ​ത്തി​ന് ഇ​ടം വ​ള​ർ​ത്തി​യ​താ​ണ് വ​ക്കം മു​ഹ​മ്മ​ദ് അ​ബ്ദു​ൽ ഖാ​ദ​ർ മൗ​ല​വി​യു​ടെ (1873-1932) സം​ഭാ​വ​ന​യെ​ന്ന് സ​ജി​ത ബ​ഷീ​ർ എ​ന്ന വി​ദ്യാ​ഭ്യാ​സ വി​ദ​ഗ്ധ ഈ​യി​ടെ രേ​ഖ​പ്പെ​ടു​ത്തി​യ​ത് ഓ​ർ​ക്കു​ക​യാ​ണ്.

അ​തേ കേ​ര​ള​ത്തി​ലി​ന്ന് മ​ന്ത്ര​വാ​ദ​വും, ന​ര​ബ​ലി​യും ന​ട​ക്കു​ന്നു​വെ​ന്ന​ത് വ​ലി​യ ഞെ​ട്ട​ലൊ​ന്നും സൃ​ഷ്ടി​ക്കു​ന്നി​ല്ല. മാ​ര​ക ല​ഹ​രി​പ​ദാ​ർ​ഥ​ങ്ങ​ൾ യു​വ​ത​ല​മു​റ​യെ കീ​ഴ്പ്പെ​ടു​ത്തു​ന്നു​വെ​ന്ന​തും വ​ലി​യ വി​പ​ത്താ​യി കാ​ണു​ന്നി​ല്ല. ര​ക്ത​സ​മ്മ​ർ​ദ​ത്തി​ലും, ആ​ത്മ​ഹ​ത്യാ​നി​ര​ക്ക് വ​ർ​ധ​ന​യി​ലും കേ​ര​ളം മു​മ്പി​ലാ​ണെ​ന്ന കാ​ര്യം നാം ​മ​റ​ക്കു​ന്നു. ഇ​ന്ത്യ​ൻ ജ​ന​സം​ഖ്യ​യു​ടെ 2.67 ശ​ത​മാ​നം മാ​ത്ര​മു​ള്ള കേ​ര​ള​ത്തി​ൽ ഏ​ക​ദേ​ശം ആ​റ് ശ​ത​മാ​നം ആ​ത്മ​ഹ​ത്യ​ന​ട​ക്കു​ന്നു​വെ​ന്ന് ക്രൈം ​റെ​ക്കോ​ഡ് ബ്യൂ​റോ സാ​ക്ഷി​പ്പെ​ടു​ത്തു​ന്നു. സ്​​ത്രീ പീ​ഡ​നം, ബ​ലാ​ത്സം​ഗ​ങ്ങ​ൾ, കു​ട്ടി​ക​ൾ​ക്കു നേ​രെ​യു​ള്ള ലൈം​ഗി​കാ​തി​ക്ര​മ​ങ്ങ​ൾ എ​ന്നി​വ​യി​ലും ഒ​ട്ടും പി​റ​കി​ല​ല്ല.

ലോ​ക​ത്തി​ൽ വെ​ച്ച് ഏ​റ്റ​വും കൂ​ടു​ത​ൽ മ​ത​മേ​ല​ധ്യ​ക്ഷ​ന്മാ​രു​ടെ സാ​ന്ദ്ര​ത ഇ​വി​ടെ​യാ​ണെ​ന്ന എ​ന്റെ പ​രി​ക​ൽ​പ​ന മു​ന്നോ​ട്ടു​വെ​ക്കു​മ്പോ​ൾ​ത​ന്നെ അ​വ​രു​ടെ ധാ​ർ​മി​ക​ത​യു​ടെ പ​രാ​ജ​യ​മാ​ണ് കേ​ര​ള യു​വ​ത​ല​മു​റ​യു​ടെ​യി​ട​യി​ലെ ല​ഹ​രി വ്യാ​പ​ന​മെ​ന്നും കൂ​ടി പ​റ​ഞ്ഞാ​ൽ ചി​ല​രെ​ങ്കി​ലും നെ​റ്റി​ചു​ളി​ക്കി​ല്ലെ​ന്നു ക​രു​തു​ന്നു. വ്യാ​ജ​ന്മാ​ർ വി​ദ്യാ​ർ​ഥി​ക​ൾ​ക്കി​ട​യി​ലോ, ഡോ​ക്ട​റ​ന്മാ​രു​ടെ ഇ​ട​യി​ലോ, രാ​ഷ്ട്രീ​യ​ക്കാ​രു​ടെ ഇ​ട​യി​ലോ മാ​ത്ര​മ​ല്ല ആ​ത്മീ​യ​മ​ണ്ഡ​ല​ത്തി​ലും മൊ​ത്തം സ​മൂ​ഹ​ത്തി​ലും ആ​ഴ​ത്തി​ൽ പ​ട​ർ​ന്നു​പ​ന്ത​ലി​ച്ചു കി​ട​ക്കു​ന്നു. ശാ​സ്​​ത്രീ​യ​ത​യും യു​ക്തി​യും ധാ​ർ​മി​ക​ത​യും വീ​ണ്ടെ​ടു​ക്കാ​തെ അ​ർ​ഥ​വ​ത്താ​യ പൊ​തു​മ​ണ്ഡ​ലം പ​ണി​യാ​നാ​വി​ല്ല. പ്രൈ​മ​റി സ്​​കൂ​ൾ ഹെ​ഡ്മാ​സ്റ്റ​ർ മു​ത​ൽ പ്ര​ധാ​ന​മ​ന്ത്രി​വ​രെ ആ​ത്മ​വ​ഞ്ച​ന​യി​ലൂ​ടെ സ​ത്യം ത​മ​സ്​​ക​രി​ക്കു​മ്പോ​ൾ പ​രി​ഹാ​രം അ​ക​ലെ​യാ​ണ്!

വി​ദേ​ശ പ​ണ​ത്തി​ന്റെ ദു​ർ​വി​നി​യോ​ഗം

മ​റ്റു വി​ഷ​യ​ങ്ങ​ളി​ലേ​ക്ക് ക​ട​ക്കു​ന്ന​തി​നു മു​മ്പ് ഒ​രു കാ​ര്യം വി​ട്ടു​പോ​യ​ത് എ​ടു​ത്തു​പ​റ​യ​ട്ടെ. അ​ത് 1970 ക​ളു​ടെ അ​വ​സാ​ന​പാ​ദം മു​ത​ൽ ഇ​ന്നു​വ​രെ​യു​ള്ള അ​തി​ഭീ​മ​മാ​യ വി​ദേ​ശ പ​ണ​മൊ​ഴു​ക്കും അ​ത് വ​രു​ത്തി​യ വ​ള​ർ​ച്ച​യും അ​ത് കൈ​കാ​ര്യം ചെ​യ്യു​ന്ന​തി​ൽ ഭ​ര​ണ​കൂ​ട​ത്തി​നും, സ​മൂ​ഹ​ത്തി​നു​മു​ണ്ടാ​യ വീ​ഴ്ച​യു​മാ​ണ്. കൊ​ട്ടി​ഘോ​ഷി​ക്ക​പ്പെ​ട്ട, കു​റ​ഞ്ഞ പ്ര​തി​ശീ​ർ​ഷ വ​രു​മാ​ന​മു​ള്ള കേ​ര​ള​ത്തി​ന്റെ മാ​ന​വി​ക​നേ​ട്ട​മെ​ന്ന മോ​ഡ​ൽ പ്ര​തി​ഭാ​സം എ​ന്നേ അ​പ്ര​ത്യ​ക്ഷ​മാ​യി. സാ​മ്പ​ത്തി​ക വ​ള​ർ​ച്ച​നി​ര​ക്കി​ൽ, പ്ര​ത്യേ​കി​ച്ച് പ്ര​തി​ശീ​ർ​ഷ വ​ർ​ധ​ന​യി​ൽ നാം ​മു​ൻ​നി​ര​യി​ലാ​ണ്. ക്രൈ​സ്ത​വ​സ​ഭ, മു​സ്‍ലിം നേ​താ​ക്ക​ൾ, സം​സ്​​കാ​രി​ക​ലോ​കം, രാ​ഷ്ട്രീ​യ​ക്കാ​ർ എ​ന്നു​വേ​ണ്ട സ​ക​ല മ​ല​യാ​ളി​ക്കും ഗ​ൾ​ഫും അ​മേ​രി​ക്ക​യും വ​ൻ മേ​ച്ചി​ൽ​പു​റ​ങ്ങ​ളാ​യി. 1973 ൽ ​പ്ര​തി​ശീ​ർ​ഷ ഉ​പ​ഭോ​ഗ​ത്തി​ൽ വ​ള​രെ താ​ഴെ​യാ​യി​രു​ന്ന കേ​ര​ളം 2000 മു​ത​ൽ ഒ​ന്നാം സ്​​ഥാ​ന​ത്താ​യി തു​ട​രു​ന്നു.

മ​റ്റു പ​ല സം​സ്​​ഥാ​ന​ങ്ങ​ളി​ലെ വ്യ​വ​സാ​യ ഉ​ൽ​പ​ന്ന​ങ്ങ​ളു​ടെ ക​മ്പോ​ള​മാ​ണ് സം​സ്​​ഥാ​നം. മോ​ട്ടോ​ർ വാ​ഹ​ന​ങ്ങ​ൾ​ക്കൊ​പ്പം റോ​ഡു​ക​ൾ വ​ള​ർ​ന്നി​ല്ല. അ​ന്ത​രീ​ക്ഷ മ​ലി​നീ​ക​ര​ണ​വും, റോ​ഡ​പ​ക​ട മ​ര​ണ​ങ്ങ​ളും അ​നു​ദി​നം പെ​രു​കു​ന്നു. സ്വ​ർ​ണ​ക്ക​ട​ത്തി​ന്റെ പ​റു​ദീ​സ​യാ​ണ് കേ​ര​ളം. നി​ർ​മി​ച്ച മ​ണി​മ​ന്ദി​ര​ങ്ങ​ളി​ൽ പ​ല​തി​ലും പാ​ർ​ക്കാ​ൻ ആ​ളി​ല്ല. കേ​ര​ള​ത്തി​ന്റെ മു​ക്കി​ലും മൂ​ല​യി​ലും ദേ​വാ​ല​യ​ങ്ങ​ൾ സം​സ്​​കാ​ര​ത്തി​ന്റെ​യും, സ​മ്പ​ത്തി​ന്റെ​യും, ആ​ത്മീ​യ​ത​യു​ടെ​യും അ​ട​യാ​ള​ങ്ങ​ളാ​യി ത​ല ഉ​യ​ർ​ത്തി നി​ൽ​ക്കു​ന്നു. നാം ​എ​ങ്ങോ​ട്ട് എ​ന്ന് മ​ത​മേ​ലാ​ള​ന്മാ​ർ ആ​ലോ​ചി​ക്കാ​ത്ത​ത് എ​ന്തു​കൊ​ണ്ട്? കേ​ര​ള സ​ർ​ക്കാ​ർ 2023 ജൂ​ണി​ൽ പ്ര​സി​ദ്ധീ​ക​രി​ച്ച ക​ണ​ക്ക് അ​നു​സ​രി​ച്ച് ക​ഴി​ഞ്ഞ വ​ർ​ഷം 1.5 ല​ക്ഷം കോ​ടി രൂ​പ വി​ദേ​ശ​നാ​ണ​യ​മാ​യി ല​ഭി​ച്ചു.

ഒ​രു യാ​ഥാ​സ്​​ഥി​തി​ക മ​തി​പ്പ​നു​സ​രി​ച്ച് ക​ഴി​ഞ്ഞ അ​മ്പ​തു​വ​ർ​ഷ​ക്കാ​ലം അ​ര​ല​ക്ഷം കോ​ടി ഒ​രു വ​ർ​ഷം എ​ന്ന് ക​ണ​ക്കാ​ക്കി​യാ​ൽ 25 ല​ക്ഷം കോ​ടി വ​രും. ഇ​ന്ന​ത്തെ ന​മ്മു​ടെ ആ​ഭ്യ​ന്ത​ര ഉ​ൽ​പാ​ദ​ന​ത്തി​ന്റെ ര​ണ്ട​ര ഇ​ര​ട്ടി​യി​ൽ അ​ധി​ക​മാ​ണി​ത്. അ​നേ​കം സിം​ഗ​പ്പൂ​രു​ക​ൾ സൃ​ഷ്​​ടി​ക്കാ​നു​ള്ള വ​ക​യു​ണ്ട്. അ​ടു​ത്ത ലോ​ക​കേ​ര​ള സ​ഭ​യി​ൽ പ്ര​വാ​സി​ക​ളു​ടെ എ​ത്ര പ​ണം പ്ര​ത്യു​ൽ​പാ​ദ​ന​പ​ര​മാ​യി പ്ര​യോ​ഗി​ച്ചു​വെ​ന്ന​തി​നെ​ക്കു​റി​ച്ച് ഒ​രു റി​പ്പോ​ർ​ട്ട് ന​ൽ​കു​ന്ന​ത് അ​സ്​​ഥാ​ന​ത്താ​കി​ല്ല.

വി​ദ്യാ​ഭ്യാ​സ-​ആ​രോ​ഗ്യ ‘മാ​തൃ​ക’​ക​ൾ

കേ​ര​ള ‘മാ​തൃ​ക’​യു​ടെ മു​ഖ​മു​ദ്ര​യാ​യി പ​റ​യാ​റു​ള്ള വി​ദ്യാ​ഭ്യാ​സം, ആ​രോ​ഗ്യം എ​ന്നീ മാ​തൃ​ക​ക​ളെ​ക്കു​റി​ച്ചു നോ​ക്കാം. കേ​ര​ള​ത്തി​ൽ ഇ​ന്ന് 1543 കോ​ള​ജു​ക​ൾ ഉ​ണ്ട്. 2021ലെ ​ഓ​ൾ ഇ​ന്ത്യ സ​ർ​വേ ഓ​ൺ ഹ​യ​ർ എ​ജു​ക്കേ​ഷ​ൻ അ​നു​സ​രി​ച്ച് അ​ത് 1448 ആ​യി​രു​ന്നു. അ​വ​യി​ൽ എ​ത്ര എ​ണ്ണം ശ​ര​വേ​ഗ​ത്തി​ൽ വ​ള​രു​ന്ന ആ​ധു​നി​ക മാ​റ്റ​ങ്ങ​ളും, സാ​ങ്കേ​തി​ക നൈ​പു​ണി​യും വ​ള​ർ​ത്തു​ന്ന ചോ​ദ്യ​ങ്ങ​ൾ ഉ​യ​ർ​ത്തു​ന്ന വേ​ദി​ക​ളാ​യി?. 1972 ൽ ​സ​ർ​ക്കാ​ർ അ​ധ്യാ​പ​ക​രു​ടെ​യും, അ​ന​ധ്യാ​പ​ക​രു​ടെ​യും ശ​മ്പ​ള ബാ​ധ്യ​ത സ​ർ​ക്കാ​ർ ഏ​റ്റെ​ടു​ത്ത​തോ​ടെ മാ​നേ​ജ്മെ​ന്റു​ക​ൾ ആ​ർ​ട്ട് ആ​ൻ​ഡ് സ​യ​ൻ​സ്​ കോ​ള​ജു​ക​ൾ സൃ​ഷ്​​ടി​ച്ച് നി​യ​മ​ന​ക്കൊ​ള്ള ന​ട​ത്തി​യ അ​നു​ഭ​വം എ​ത്ര​പാ​ത​ക​മാ​യി​രു​ന്നു. അ​വ​ർ പ​ഴ​ഞ്ച​ൻ കോ​ഴ്സു​ക​ൾ ന​ൽ​കി ഭാ​വി​ത​ല​മു​റ​യു​ടെ ഗു​ണ​നി​ല​വാ​രം താ​ഴ്ത്തി.

വെ​റു​തെ​യ​ല്ല കു​ട്ടി​ക​ൾ അ​ന്യ​ദേ​ശ​ങ്ങ​ളി​ൽ പോ​കു​ന്ന​ത്. 2023 ലെ ​നാ​ഷ​ന​ൽ ഇ​ൻ​സ്റ്റി​റ്റ്യൂ​ഷ​ന​ൽ റാ​ങ്കി​ങ് ഫ്രെ​യിം​വ​ർ​ക്ക് (എ​ൻ.​ഐ.​ആ​ർ.​എ​ഫ്) അ​നു​സ​രി​ച്ച് ഇ​ന്ത്യ​യി​ലെ ആ​ദ്യ​ത്തെ 100 റാ​ങ്കി​ൽ കേ​ര​ള​ത്തി​ലെ 14 കോ​ള​ജു​ക​ളാ​ണു​ള്ള​ത്. ത​മി​ഴ്നാ​ട്ടി​ലെ 35 കോ​ള​ജു​ക​ൾ ഈ ​പ​ട്ടി​ക​യി​ലു​ണ്ടെ​ന്ന് ഓ​ർ​ക്ക​ണം. കോ​ള​ജു​ക​ളി​ൽ 50 ശ​ത​മാ​ന​ത്തി​ന്റെ​യെ​ങ്കി​ലും ഗു​ണ​നി​ല​വാ​രം ഉ​യ​രാ​തെ നാം ​എ​ങ്ങു​മെ​ത്തി​ല്ല. വ്യാ​ജ ഡി​ഗ്രി​ക്കാ​രു​ടെ അ​നു​പാ​തം ഒ​ട്ടും കു​റ​വ​ല്ല. വ്യാ​ജ​നും, നി​ർ​വ്യാ​ജ​നും, പാ​ലി​ൽ വെ​ള്ളം പോ​ലെ തു​ട​രു​ന്നു​വെ​ന്നു​വ​ന്നാ​ൽ ക​ഷ്​​ട​പ്പെ​ട്ടു പ​ഠി​ക്കു​ന്ന കു​ട്ടി​ക​ളു​ടെ ധൈ​ര്യ​വും ഉ​ത്സാ​ഹ​വും ചോ​ർ​ന്നു​പോ​കും.

പ​ണ​മു​ള്ള​വ​ർ നാ​ടു​വി​ടും. ഏ​താ​ണ്ട് ആ​യി​ര​ത്തോ​ളം അ​ഫി​ലി​യേ​റ്റ​ഡ് കോ​ള​ജു​ക​ൾ കേ​ര​ള കാ​ലി​ക്ക​റ്റ്, എം.​ജി, ക​ണ്ണൂ​ർ യൂ​നി​വേ​ഴ്സി​റ്റി​ക​ളു​ടെ കീ​ഴി​ലു​ണ്ട്. ഓ​ട്ടോ​ണ​മ​സ്​ കോ​ള​ജു​ക​ളു​ടെ​യും നി​ല​വാ​ര​മു​ള്ള യൂ​നി​വേ​ഴ്സി​റ്റി​ക​ളു​ടെ​യും എ​ണ്ണം വ​ർ​ധി​പ്പി​ക്കു​ക​യാ​ണ് വേ​ണ്ട​ത്. വ്യാ​ജ പി.​എ​ച്ച്.​ഡി​ക്കാ​രെ​യും, ഗെ​സ്റ്റ് അ​ധ്യാ​പ​ക​രെ​യും കൊ​ണ്ട് ഗു​ണ​നി​ല​വാ​രം വ​ർ​ധി​പ്പി​ക്കാ​ൻ പ​റ്റു​കി​ല്ലെ​ന്ന് ഓ​ർ​ക്ക​ണം. കു​ടും​ബം പ​ണ​യ​പ്പെ​ടു​ത്തി​പ്പോ​ലും കു​ട്ടി​ക​ളെ വി​ദേ​ശ​ത്തേ​ക്ക് പ​ഠി​ക്കാ​ൻ വി​ടു​ന്ന​ത് അ​ങ്ങോ​ട്ടു കു​ടി​യേ​റാ​ൻ കൂ​ടി​യാ​ണ്.

‘കൈ​യും വെ​ട്ടും കാ​ലും വെ​ട്ടും വേ​ണ്ടി​വ​ന്നാ​ൽ ത​ല​യും വെ​ട്ടും’ എ​ന്നു വി​ദ്യാ​ർ​ഥി​ക​ൾ മു​ദ്രാ​വാ​ക്യം വി​ളി​ക്കു​ന്ന ചി​ല ദൃ​ശ്യ​ങ്ങ​ൾ ഞാ​ൻ ക​ണ്ടു. പ്രി​ൻ​സി​പ്പ​ൽ​മാ​രും, അ​ധ്യാ​പ​ക​രും അ​ത്ര​ക്ക് നീ​ച​രും വ്യാ​ജ​രു​മാ​ണോ? ഒ​രു കോ​ള​ജി​ലെ പ്രി​ൻ​സി​പ്പ​ൽ ശി​ഷ്യ​നു​മൊ​ത്ത് ആ​ൾ​മാ​റാ​ട്ടം ന​ട​ത്തി​യ​ത് ഒ​റ്റ​പ്പെ​ട്ട സം​ഭ​വ​മാ​യി ക​രു​തു​ക​യാ​ണ്. സ്വ​കാ​ര്യ കോ​ള​ജു​ക​ളി​ലും, സ​ർ​ക്കാ​ർ കോ​ള​ജു​ക​ളി​ലും, പി​ന്നെ ദീ​ർ​ഘ​കാ​ലം കേ​ര​ള, കാ​ലി​ക്ക​റ്റ് സ​ർ​വ​ക​ലാ​ശാ​ല​ക​ളി​ലും ഞാ​ൻ അ​ധ്യാ​പ​ക​നാ​യി​രു​ന്നു.

പ​ക്ഷേ ഇ​ന്നു കേ​ൾ​ക്കു​ന്ന മു​ദ്രാ​വാ​ക്യ​ങ്ങ​ൾ കേ​ട്ടി​ട്ടി​ല്ല. ഞാ​ൻ യൂ​നി​വേ​ഴ്സി​റ്റി കോ​ള​ജി​ൽ പ​ഠി​ക്കു​മ്പോ​ൾ എ​ന്റെ സ​ഹ​പാ​ഠി ശാ​ര​ദാ​മ​ണി​യും, അ​ന്നു മ​ല​യാ​ളം വി​ഭാ​ഗ​ത്തി​ൽ പ​ഠി​ച്ച ഒ.​എ​ൻ.​വി കു​റു​പ്പു​മാ​യി​രു​ന്നു സ്റ്റു​ഡ​ന്റ്സ് ഫെ​ഡ​റേ​ഷ​ൻ നേ​താ​ക്ക​ൾ. കു​റു​പ്പ് ഒ​ന്നാം ക്ലാ​സും ഒ​ന്നാം റാ​ങ്കും വാ​ങ്ങി​യാ​ണ് ജ​യി​ച്ച​ത്. ഞ​ങ്ങ​ളു​ടെ സീ​നി​യ​റാ​യി​രു​ന്ന വെ​ങ്കി​ട​ര​മ​ണ​ൻ, ഐ.​എ.​എ​സ് പ​രീ​ക്ഷ​യി​ൽ ഒ​ന്നാം റാ​ങ്ക് നേ​ടി​യെ​ങ്കി​ലും ഇ​ട​തു​വി​ദ്യാ​ർ​ഥി നേ​താ​വാ​യി​രു​ന്ന​തി​നാ​ൽ ആ​ദ്യം ജോ​ലി നി​ഷേ​ധി​ക്ക​പ്പെ​ട്ട ക​ഥ പ്ര​സി​ദ്ധ​മാ​ണ്. എ​ങ്ങ​നെ​യും ഡി​ഗ്രി ക​ട​ന്നു​കി​ട്ടി നേ​താ​വാ​യി വി​ല​സാ​ന​ല്ല അ​വ​ർ പ്ര​സ്​​ഥാ​ന​ത്തി​ൽ ക​യ​റി​യ​ത്.

ന​മു​ക്ക് ഭേ​ദ​പ്പെ​ട്ട സ്​​കൂ​ൾ സ​മ്പ്ര​ദാ​യ​മു​ണ്ട്. ഉ​ന്ന​ത വി​ദ്യാ​ഭ്യാ​സ​മാ​ണ് വാ​സ്​​ത​വ​ത്തി​ൽ സ​മൂ​ഹ​ത്തി​ന്റെ ക​ർ​മ​ശേ​ഷി പ​ണി​യു​ന്ന​ത്. അ​ധ്യാ​പ​ക​രും വി​ദ്യാ​ർ​ഥി​ക​ളും ചേ​ർ​ന്ന് വി​ജ്ഞാ​ന​ത്തി​ന്റെ ച​ക്ര​വാ​ളം വി​പു​ല​പ്പെ​ടു​ത്തു​ന്ന പ്ര​ക്രി​യ​യാ​ണ് ഉ​ന്ന​ത​വി​ദ്യാ​ഭ്യാ​സം. അ​ഹോ​രാ​ത്രം പ​ഠ​ന​ത്തോ​ടൊ​പ്പം ഗ​വേ​ഷ​ണ​വും സം​വാ​ദ​ങ്ങ​ളും ന​ട​ക്കു​ന്ന വേ​ദി​ക​ളാ​ണ് ന​ല്ല സ​ർ​വ​ക​ലാ​ശാ​ല കാ​മ്പ​സു​ക​ൾ. യേ​ൽ, പ്രി​ൻ​സ്റ്റ​ൺ, ഹാ​ർ​വ​ഡ്, ഓ​ക്സ്​ ഫ​ഡ് തു​ട​ങ്ങി​യ സ​ർ​വ​ക​ലാ​ശാ​ല​ക​ളി​ൽ അ​ധ്യാ​പ​ക​രും, വി​ദ്യാ​ർ​ഥി​ക​ളും ഗ​വേ​ഷ​ണ​പ്ര​ബ​ന്ധ​ങ്ങ​ൾ അ​വ​ത​രി​പ്പി​ക്കു​മ്പോ​ൾ ന​ട​ത്തു​ന്ന ചൂ​ടേ​റി​യ ചി​ല സം​വാ​ദ​ങ്ങ​ൾ കാ​മ്പ​സ്​ സ​ന്ദ​ർ​ശ​ന​വേ​ള​ക​ളി​ൽ ക​ണ്ടി​ട്ടു​ണ്ട്. എ​ന്റെ നാ​ട്ടി​ൽ അ​തി​ല്ല​ല്ലോ എ​ന്നോ​ർ​ത്ത് സ​ങ്ക​ട​പ്പെ​ട്ടി​ട്ടു​മു​ണ്ട്.

പ​രി​ണാ​മ​സി​ദ്ധാ​ന്തം സി​ല​ബ​സി​ൽ നി​ന്നു മാ​റ്റി​യ​ല്ല, അ​തി​നെ​തി​രെ ഗ​വേ​ഷ​ണം ന​ട​ത്തി വെ​ല്ലു​വി​ളി​ക്കു​മ്പോ​ഴാ​ണ് അ​റി​വി​ന്റെ അ​തി​രു​ക​ൾ വ​ള​രു​ക. ഇ​ന്ത്യ​യി​ലെ ഉ​ന്ന​ത വി​ദ്യാ​ഭ്യാ​സ​മേ​ഖ​ല 2023 ലെ ​എ​ൻ.​ഐ.​ആ​ർ.​എ​ഫ് റി​പ്പോ​ർ​ട്ട് പ്ര​കാ​രം ലോ​ക​ത്തി​ലെ ഗ​വേ​ഷ​ണ പ്ര​ബ​ന്ധ​ങ്ങ​ളു​ടെ എ​ണ്ണം 4.8 ശ​ത​മാ​നം മാ​ത്ര​മെ സം​ഭാ​വ​ന ചെ​യ്യു​ന്നു​ള്ളൂ. ചൈ​ന​യു​ടെ 2018 ലെ ​സം​ഭാ​വ​ന 26 ശ​ത​മാ​ന​മാ​ണ്. സ​ത്യം മു​ഴു​വ​നും ത​ങ്ങ​ളു​ടെ പ​ക്ക​ലാ​ണെ​ന്ന് ശ​ഠി​ക്കു​ന്ന അ​ൽ​പ​ന്മാ​ർ​ക്ക് കൂ​വാ​നും, കൊ​ല​വി​ളി​ക്കാ​നും മാ​ത്ര​മെ സാ​ധി​ക്കു​ക​യു​ള്ളൂ.

വി​ദേ​ശ​പ്പ​ണ​ത്തി​ന്റെ ദു​ര്യോ​ഗം ഏ​റെ ഏ​റ്റു​വാ​ങ്ങി​യ മേ​ഖ​ല​യാ​ണ് ആ​രോ​ഗ്യം. ആ​രോ​ഗ്യ​മേ​ഖ​ല​യു​ടെ അ​തി​രു​ക​ട​ന്ന ക​മ്പോ​ള​വ​ത്ക​ര​ണം സ​ർ​ക്കാ​ർ മേ​ഖ​ല​യെ ബ​ല​ഹീ​ന​മാ​ക്കി. സാ​ധാ​ര​ണ​ക്കാ​രു​ടെ ഒ​രു ന​ല്ല പ​ങ്ക് സേ​വ​ന​ത്തി​നും മ​രു​ന്നു​ക​ൾ​ക്കും അ​തീ​വ വി​ല​കൊ​ടു​ക്കേ​ണ്ടി​വ​രു​ന്ന​തി​നാ​ൽ ക​ട​ക്കെ​ണി​യി​ൽ അ​ക​പ്പെ​ടു​ന്നു. അ​വ​യ​വ​ദാ​നം​പോ​ലും അ​മ്പ​ര​പ്പി​ക്കു​ന്ന ക​ച്ച​വ​ട​മാ​യി. പ​ണം​കൊ​ടു​ത്ത് മെ​ഡി​ക്ക​ൽ അ​ഡ്മി​ഷ​ൻ വാ​ങ്ങി ജ​യി​ച്ചു വ​രു​ന്ന ഗു​ണ​നി​ല​വാ​ര​മി​ല്ലാ​ത്ത ആ​രോ​ഗ്യ​വി​ദ​ഗ്ധ​ർ രോ​ഗ​ശ​മ​ന​ത്തേ​ക്കാ​ൾ അ​പ​ക​ട​ങ്ങ​ൾ വി​ളി​ച്ചു വ​രു​ത്തു​ന്നു.

ഇ​ന്ത്യ​യി​ലെ ഏ​റ്റ​വും വ​ലി​യ പ്ര​തി​ശീ​ർ​ഷ ഉ​പ​ഭോ​ഗ​മു​ള്ള കേ​ര​ള​ത്തി​ൽ ഖ​ര, ദ്ര​വ​മാ​ലി​ന്യ​ങ്ങ​ൾ കു​ന്നു​കൂ​ടാ​ൻ തു​ട​ങ്ങി. ആ​ശു​പ​ത്രി​ക​ളു​ടെ എ​ണ്ണം പെ​രു​കി​യ​തോ​ടെ മെ​ഡി​ക്ക​ൽ മാ​ലി​ന്യം പെ​രു​കി. ഇ​ല​ക്ട്രോ​ണി​ക് മാ​ലി​ന്യ​ങ്ങ​ളു​ടെ ക​ഥ​പ​റ​യാ​നി​ല്ല. പാ​റ​ശ്ശാ​ല മു​ത​ൽ കാ​സ​ർ​കോ​ടു​വ​രെ മാ​ലി​ന്യ​ക്കൂ​മ്പാ​ര​ങ്ങ​ൾ കെ​ട്ടി​ക്കി​ട​ക്കു​ന്നു. ന​ദി​ക​ളും, കാ​യ​ലും ക​ട​ലും മ​ലീ​മ​സ​മാ​യി​രി​ക്കു​ന്നു. മാ​ലി​ന്യ​ങ്ങ​ൾ അ​ക്ര​മാ​സ​ക്ത​മാ​യ ഒ​രു​വ​ൻ ശു​ന​ക​പ്പ​ട വ​ള​രു​ന്ന നാ​ടാ​ക്കി.

ജ​ന​ങ്ങ​ളു​ടെ ജീ​വ​നും, സ്വൈ​ര​ജീ​വി​ത​വും ത​ക​രാ​റി​ലാ​കു​ന്നു. ബ്രഹ്മപുരം പോലെയുള്ള പരിഹാരങ്ങൾ രോഗത്തെക്കാൾ പ്രശ്നകാരിയാണ്. മാ​ത്ര​മ​ല്ല മ​ഴ​ക്കാ​ല​ത്ത് മാ​ലി​ന്യം മ​ഴ​യി​ൽ കു​തി​ർ​ന്നു പ​ല​ത​രം പ​നി​ക​ൾ പ​ട​ർ​ന്നു പി​ടി​ക്കു​ന്നു. 1980 മു​ത​ൽ ഇ​ത് ആ​ണ്ടു​തോ​റും അ​നേ​കം ജീ​വ​ൻ അ​പ​ഹ​രി​ക്കു​ക​യാ​ണ്. ഇ​തി​നു പു​റ​മെ പു​തി​യ ജീ​വി​ത​ശൈ​ലീ​രോ​ഗ​ങ്ങ​ളും പെ​രു​കു​ന്നു. അ​ർ​ബു​ദം, ഹൃ​ദ്രോ​ഗം, പ്ര​മേ​ഹം, സ്​​ട്രോ​ക്ക് തു​ട​ങ്ങി​യ​വ മാ​ത്ര​മ​ല്ല പൊ​ണ്ണ​ത്ത​ടി പ്ര​ക​ട​മാ​യി വ​ർ​ധി​ക്കു​ന്നു​വെ​ന്നു ബ​സ് സ്റ്റോ​പ്പി​ൽ നി​ന്നാ​ലും മ​ന​സ്സി​ലാ​കും.

വി​ക​സ​ന മ​റ​വി​ൽ ന​ട​ക്കു​ന്ന​ത്

പൊ​തു​വെ ലോ​ക​ത്തി​ലെ മ​റ്റൊ​രു രാ​ജ്യ​മി​ല്ലാ​ത്ത ജ​ന​സം​ഖ്യ ലാ​ഭ വി​ഹി​തം (demographic divident) കൊ​യ്യു​ന്ന നാ​ടാ​ണ് ഇ​ന്ത്യ. 15-64 വ​രെ​യു​ള്ള തൊ​ഴി​ൽ സേ​ന​യു​ടെ എ​ണ്ണം 2041 വ​രെ വ​ർ​ധി​ക്കു​ന്ന രാ​ജ്യ​മാ​ണ് ഇ​ന്ത്യ. കേ​ര​ള​ത്തി​ൽ ക​ഥ മ​റി​ച്ചാ​ണ്. കേ​ര​ള​ത്തി​ൽ 2021-ൽ ​തൊ​ഴി​ൽ സേ​ന​യി​ലു​ള്ള (15-59 വ​യ​സ്സ്) 100 പേ​ർ​ക്ക് 26 വൃ​ദ്ധ​രെ പ​രി​പാ​ലി​ക്കേ​ണ്ടി വ​രു​ന്നു. ഈ ​ആ​ശ്രി​താ​നു​പാ​തം (dependency ratio) 2031ൽ 34 ​ൽ കൂ​ടു​ത​ലാ​യി​രി​ക്കും. സ​ർ​ക്കാ​ർ ജീ​വ​ന​ക്കാ​ർ​ക്കും, സ്​​കൂ​ൾ കോ​ള​ജ് അ​ധ്യാ​പ​ക​ർ​ക്കും ഭേ​ദ​പ്പെ​ട്ട പെ​ൻ​ഷ​നു​ള്ള​തു കൊ​ണ്ട് സ്വ​ന്തം​കാ​ലി​ൽ നി​ൽ​ക്കാ​നു​ള്ള ക​ഴി​വു​ണ്ട്.

തോ​ട്ടം തൊ​ഴി​ലാ​ളി​ക​ളും ആ​ദി​വാ​സി​ക​ളും മ​ത്സ്യ​ത്തൊ​ഴി​ലാ​ളി​ക​ളും വീ​ണ്ടും പ്രാ​ന്ത​വ​ത്ക​രി​ക്ക​പ്പെ​ടും. എ​ന്താ​യാ​ലും കേ​ര​ളം നേ​രി​ടാ​ൻ പോ​കു​ന്ന ഒ​രു വ​ലി​യ​പ്ര​ശ്നം വ​യോ​ജ​ന പ​രി​പാ​ല​ന​മാ​ണ്. വ​ർ​ധി​ച്ചു​വ​രു​ന്ന ഭീ​മ​മാ​യ ആ​രോ​ഗ്യ​ച്ചെ​ല​വും വ​യോ​ജ​ന പ​രി​പാ​ല​ന സൗ​ക​ര്യ​ക്കു​റ​വും, സം​സ്​​ഥാ​ന​ത്തി​ന്റെ ധ​ന​കാ​ര്യ​ശേ​ഷി​ക്കു​റ​വും ഗു​രു​ത​ര​പ്ര​ശ്ന​ങ്ങ​ൾ സൃ​ഷ്​​ടി​ക്കും. വി​ശ്വാ​സ​ത്തെ ചൂ​ഷ​ണം ചെ​യ്യാ​തെ ആ​ഡം​ബ​ര​ങ്ങ​ൾ കു​റ​ച്ചാ​ൽ ആ​ത്മീ​യ മ​ണ്ഡ​ല​ത്തി​ലൂ​ടെ ഈ ​രം​ഗ​ത്തെ ​അ​പ​ര്യാ​പ്ത​ത​ക​ൾ മ​റി​ക​ട​ക്കാ​നു​ള്ള ശേ​ഷി കേ​ര​ള​ത്തി​നു​ണ്ട്.

ന​വ​കേ​ര​ള നി​ർ​മി​തി​യി​ൽ ഓ​ർ​ക്കേ​ണ്ട ര​ണ്ടു പ്ര​ശ്ന​ങ്ങ​ളാ​ണ് വി​ക​സ​ന​ത്തെ പ​ങ്കു​പ​റ്റ് രാ​ഷ്ട്രീ​യ​ത്തി​ന്റെ ഭാ​ഗ​മാ​യി ന​ട​ത്തു​ന്ന വ​ൻ​കൊ​ള്ള. മ​റ്റൊ​ന്ന് കേ​ര​ള​ത്തെ ഒ​ന്നാം​കി​ട മാ​തൃ​ക​യാ​ക്കാ​ൻ സാ​ധ്യ​ത​യു​ണ്ടാ​യി​രു​ന്ന സ​ഹ​ക​ര​ണ​പ്ര​സ്​​ഥാ​ന​ത്തെ കു​റെ ക​ശ്മ​ല​ർ ന​ശി​പ്പി​ച്ചു ക​ള​ഞ്ഞു. അ​ക്ക​ഥ​ക​ൾ ഇ​വി​ടെ ച​ർ​ച്ച ചെ​യ്യു​ന്നി​ല്ല. ഗ​ൾ​ഫ് പ​ണ​ത്തി​ന്റെ ഒ​ഴു​ക്ക് അ​വ​ധാ​ന​പൂ​ർ​വം നി​യ​ന്ത്രി​ക്കാ​ത്ത​തി​നാ​ൽ അ​ത് പ​രി​സ്​​ഥി​തി​യു​ടെ നാ​ശ​ത്തി​നു വ​ഴി​തെ​ളി​ച്ച ഘ​ട​ക​മാ​യി മാ​റി. ലോ​ക​ത്തി​ലെ അ​പൂ​ർ​വ പ​രി​സ്​​ഥി​തി മൂ​ല്യ​മു​ള്ള കേ​ര​ള​ത്തി​ലെ പു​ഞ്ച​പ്പാ​ട​ങ്ങ​ളും നെ​ൽ​വ​യ​ലു​ക​ളും പാ​ടെ ഇ​ല്ലാ​താ​യി​ക്കൊ​ണ്ടി​രി​ക്കു​ന്നു. ഇ​തി​ന്റെ​യൊ​ക്കെ സ്​​ഥി​തി​വി​വ​ര​ക്ക​ണ​ക്കു​ക​ൾ ഒ​രു മു​ന്ന​ണി​യും വെ​ളി​യി​ൽ വി​ട്ടി​ട്ടി​ല്ല.

ഗ​ൾ​ഫ് പ​ണം കെ​ട്ടി​ട​നി​ർ​മാ​ണ​ത്തി​ൽ കേ​ന്ദ്രീ​ക​രി​ച്ച​തു​കൊ​ണ്ടാ​ണ് ക്വാ​റി​ക​ളും, മ​ണ​ലൂ​റ്റും രാ​ഷ്ട്രീ​യ​ക്കാ​രു​ടെ ആ​ശീ​ർ​വാ​ദ​ത്തോ​ടെ വ​ൻ​വ്യ​വ​സാ​യ​മാ​യി വ​ള​ർ​ന്ന​ത്. പ്ര​കൃ​തി​യു​ടെ അ​പൂ​ർ​വ വ​ര​ദാ​ന​മാ​യ കേ​ര​ളം ഇ​ന്നു വ​ലി​യ പ്ര​തി​സ​ന്ധി നേ​രി​ടു​ന്ന പ​രി​സ്​​ഥി​തി ലോ​ല​പ്ര​ദേ​ശ​മാ​ണ്. ആ​രാ​ധ്യ​നാ​യ മാ​ധ​വ് ഗാ​ഡ്ഗി​ലി​ന്റെ അ​ധ്യ​ക്ഷ​ത​യി​ലു​ള്ള ക​മ്മി​റ്റി സ​മ​ർ​പ്പി​ച്ച റി​പ്പോ​ർ​ട്ട് പു​ച്ഛി​ച്ചു പു​റ​ന്ത​ള്ളി​യ​ത് പ്ര​ബു​ദ്ധ കേ​ര​ളീ​യ​ര​ല്ല. (ക്രാ​ന്ത​ദ​ർ​ശി​യാ​യ പി.​ടി. തോ​മ​സി​നെ ഞാ​ൻ പ​ല​ത​വ​ണ അ​ഭി​ന​ന്ദി​ച്ചി​ട്ടു​ണ്ട്). സ​മൂ​ഹ​ത്തി​നു വ​ഴി​കാ​ട്ടി​ക​ളാ​കേ​ണ്ട ബി​ഷ​പ്പ​ന്മാ​ർ വി​വേ​ക​ത്തോ​ടെ പ്ര​തി​ക​രി​ച്ചു​വെ​ന്നു​പ​റ​യാ​ൻ പ്ര​യാ​സം.

കേ​ര​ള​ത്തി​ന് ഒ​രു സ​മ​ഗ്ര​ദ​ർ​ശ​നം പ്ര​ദാ​നം ചെ​യ്യു​ന്ന ഒ​രു പു​ത്ത​ൻ രാ​ഷ്ട്രീ​യ​മി​ല്ലാ​തെ, ഒ​രു പൊ​തു​യു​ക്തി​യു​ടെ മ​ണ്ഡ​ലം ശ​ക്ത​മാ​യി വ​ള​രാ​തെ ഒ​രു ക​ർ​മ​പ​ദ്ധ​തി​യും വി​ജ​യി​ക്കി​ല്ല. ഒ​രു പു​ന​ർ​വാ​യ​ന​യു​ടെ ച​രി​ത്ര സ​ന്ദ​ർ​ഭ​ത്തി​ന് ഇ​നി​യു​മെ​ത്ര​നാ​ൾ കാ​ക്ക​ണം?.