ഭരണകൂടം ഭയന്ന കവി

ഒ​രു ക​വി​ക്ക് പോ​കാ​വു​ന്ന ദൂ​രം എ​ത്ര​മാ​ത്രം? ഒ​രു പാ​ട്ടു​കാ​ര​ന്റെ പ​ട​പ്പു​റ​പ്പാ​ടി​ന് കീ​ഴ​ട​ക്കാ​ൻ ക​ഴി​യു​ന്ന ഹൃ​ദ​യ​ങ്ങ​ൾ എ​ത്ര? അ​റി​യ​ണ​മെ​ങ്കി​ൽ ക​വി​യു​ടെ ക​ണ്ണി​ലെ അ​ഗ്നി തി​രി​ച്ച​റി​യ​ണം. ക​വി​ത​യും പാ​ട്ടും നാ​ട​ൻ​ക​ല​യു​ടെ ത​പ്പും തു​ടി​യു​മാ​യി അ​ഞ്ചും ആ​റും മ​ണി​ക്കൂ​ർ മൂ​ന്നു ല​ക്ഷ​ത്തോ​ളം മ​നു​ഷ്യ​രെ കോ​റ​സ് പാ​ടി​ക്കു​ന്ന ഗ​ദ്ദ​റി​ന്റെ ക​ണ്ണു​ക​ളി​ലെ അ​ഗ്നി തി​രി​ച്ച​റി​യ​ണം. ആ ​ച​ടു​ല​മാ​യ താ​ള​വും നൃ​ത്ത​വും ഹൃ​ദ​യ​ത്തി​ൽ ഏ​റ്റു​വാ​ങ്ങ​ണം. തെ​ലു​ങ്ക് മ​ക്ക​ൾ അ​ത് ചെ​യ്തി​രു​ന്നു. അ​വ​ർ ഗ​ദ്ദ​റി​ന്റെ പാ​ട്ടി​നാ​യി കാ​തോ​ർ​ത്തി​രു​ന്നു. ഗ​ദ്ദ​റി​നൊ​പ്പം പാ​ടി നൃ​ത്തം​വെ​ച്ചി​രു​ന്നു. അ​ദ്ദേ​ഹം പാ​ടു​ന്ന​ത് അ​വ​രെ​ക്കു​റി​ച്ചാ​യി​രു​ന്നു, അ​വ​രു​ടെ വി​ശ​പ്പി​നെ​യും വേ​ദ​ന​യെ​യും സ്വ​പ്ന​ങ്ങ​ളെ​യും അ​വ​കാ​ശ​ങ്ങ​ളെ​യും സം​ബ​ന്ധി​ച്ചാ​യി​രു​ന്നു.

ഗ​ദ്ദ​റി​നെ​പ്പോ​ലെ ഇ​ത്ര​യേ​​റെ ജ​ന​ങ്ങ​ളെ സ്വാ​ധീ​നി​ക്കാ​ൻ ക​ഴി​ഞ്ഞൊ​രു നാ​ടോ​ടി​ഗാ​യ​ക​ൻ സ​മ​കാ​ലീ​ന ഇ​ന്ത്യ​യി​ലി​ല്ല. ആ ​പാ​ട്ടു​ക​ളെ ഭ​ര​ണ​കൂ​ടം ഭ​യ​ന്ന​തും അ​തു​കൊ​ണ്ടു​ത​ന്നെ. ആ ​ഭ​യ​മാ​ണ് വെ​ടി​യു​ണ്ട​യു​ടെ രൂ​പ​ത്തി​ൽ വ​ന്ന് അ​ദ്ദേ​ഹ​ത്തെ മു​റി​വേ​ൽ​പി​ച്ച​ത്. 1997 ഏ​പ്രി​ൽ ആ​റി​ലെ വ​ധ​ശ്ര​മ​ത്തി​ൽ ശ​രീ​ര​ത്തി​ൽ തു​ള​ഞ്ഞു​ക​യ​റി​യ അ​ഞ്ചു വെ​ടി​യു​ണ്ട​ക​ളി​ലൊ​ന്നു​മാ​യി മ​രി​ക്കു​ന്ന​തു​വ​രെ ജ​ന​ങ്ങ​ൾ​ക്കു​വേ​ണ്ടി സം​സാ​രി​ച്ച് ജ​ന​ങ്ങ​ൾ​ക്കി​ട​യി​ൽ ജീ​വി​ച്ചു. കോ​ൺ​ഗ്ര​സാ​യാ​ലും ച​ന്ദ്ര​ബാ​ബു നാ​യി​ഡു​വാ​യാ​ലും ആ​ന്ധ്ര​യി​ലെ രാ​ഷ്ട്രീ​യ നേ​തൃ​ത്വം അ​ദ്ദേ​ഹ​ത്തെ കൂ​ടെ​നി​ർ​ത്താ​ൻ എ​ന്നും ശ്ര​മി​ച്ചി​രു​ന്നു. അ​ദ്ദേ​ഹം പാ​ട്ടു​ക​ളി​ലൂ​ടെ​യും വാ​ക്കു​ക​ളി​ലൂ​ടെ​യും ജ​ന​ങ്ങ​ളോ​ട് സം​വ​ദി​ച്ചാ​ൽ അ​വ​ർ​ക്കി​ട​യി​ൽ ഭ​ര​ണ​കൂ​ട​ത്തി​നും ചൂ​ഷ​ണ​ത്തി​നു​മെ​തി​രാ​യ വി​കാ​രം രൂ​പ​പ്പെ​ടും, അ​ത്ത​ര​മൊ​രു തി​രി​ച്ച​ടി ഇ​ല്ലാ​താ​ക്കാ​ൻ ഗ​ദ്ദ​റി​നെ കൂ​ടെ​നി​ർ​ത്തു​ക, പ​റ്റി​യി​ല്ലെ​ങ്കി​ൽ അ​ദ്ദേ​ഹം ത​ങ്ങ​ൾ​ക്കെ​തി​രാ​വാ​തെ സൂ​ക്ഷി​ക്കു​ക എ​ന്ന​താ​യി​രു​ന്നു രാ​ഷ്ട്രീ​യ നേ​തൃ​ത്വ​ങ്ങ​ൾ സ്വീ​ക​രി​ച്ച ത​ന്ത്രം. ച​ന്ദ്ര​ബാ​ബു നാ​യി​ഡു​വി​ന്‍റെ ഭ​ര​ണ​കാ​ല​ത്തെ രാ​ഷ്ട്രീ​യ​നീ​ക്ക​ങ്ങ​ൾ​ക്കു​മെ​തി​രെ ഗ​ദ്ദ​ർ രൂ​ക്ഷ​മാ​യി​ത്ത​ന്നെ പ്ര​തി​ക​രി​ച്ചു. തു​ട​ർ​ന്നു​ണ്ടാ​യ വ​ധ​ശ്ര​മ​ത്തി​നു പി​റ​കി​ൽ ച​ന്ദ്ര​ബാ​ബു നാ​യി​ഡു​വാ​യി​രു​ന്നു​വെ​ന്ന് മ​രി​ക്കും​വ​രെ അ​ദ്ദേ​ഹം വി​ശ്വ​സി​ച്ചി​രു​ന്നു. വ​ധ​ശ്ര​മം അ​ന്വേ​ഷി​ക്കാ​ൻ നാ​യി​ഡു സ​ർ​ക്കാ​ർ പ്ര​ത്യേ​ക സം​ഘ​ത്തെ നി​യോ​ഗി​ച്ചെ​ങ്കി​ലും പ്ര​തി​ക​ൾ ശി​ക്ഷി​ക്ക​പ്പെ​ട്ടി​ല്ല, വ​ർ​ഷ​ങ്ങ​ൾ​ക്കു​ശേ​ഷം വൈ.​എ​സ്. രാ​ജ​ശേ​ഖ​ര റെ​ഡ്ഡി സ​ർ​ക്കാ​ർ ആ ​കേ​സ് അ​വ​സാ​നി​പ്പി​ക്കു​ക​യും ചെ​യ്തു.

2003ലാ​ണ് അ​ദ്ദേ​ഹ​ത്തോ​ടൊ​പ്പം നാ​ലു ദി​വ​സം താ​മ​സി​ക്കാ​ൻ ഈ ​കു​റി​പ്പു​കാ​ര​ന് അ​വ​സ​രം ല​ഭി​ച്ച​ത്. ഗ​ദ്ദ​റി​ന്‍റെ ഒ​രു ദി​വ​സം തു​ട​ങ്ങു​ന്ന​ത് നി​ര​വ​ധി ആ​ളു​ക​ളെ, അ​വ​രു​ടെ കൊ​ച്ചു​കൊ​ച്ചു പ​രാ​തി​ക​ളെ കേ​ട്ടു​കൊ​ണ്ടാ​ണ്. രാ​വി​ലെ എ​ഴു​ന്നേ​റ്റ് എ​ട്ട​ര​യോ​ടെ അ​ദ്ദേ​ഹ​ത്തി​ന്‍റെ ദി​ന​ച​ര്യ ആ​രം​ഭി​ക്കും. അ​പ്പോ​ഴേ​ക്കും ഗ്രാ​മ​ത്തി​ൽ​നി​ന്ന് ഭ​ക്ഷ​ണ​വി​ഷ​യ​ങ്ങ​ൾ​ക്കും കു​ടും​ബ​പ്ര​ശ്ന​ങ്ങ​ൾ​ക്കു​മെ​ല്ലാം പ​രി​ഹാ​രം തേ​ടി നി​ര​വ​ധി പേ​രെ​ത്തി​യി​ട്ടു​ണ്ടാ​കും. ഭീ​ഷ​ണി​ക​ൾ​ക്കു ന​ടു​വി​ൽ ജീ​വി​ക്കു​മ്പോ​ഴും അ​ദ്ദേ​ഹ​ത്തി​ന്റെ വാ​ക്കു​ക​ൾ ഭ​യം​തീ​ണ്ടാ​ത്ത​വ​യാ​യി​രു​ന്നു. സ​ർ​ക്കാ​റി​ൽ​നി​ന്ന് സു​ര​ക്ഷ​യോ കാ​വ​ൽ​ക്കാ​രെ​യോ അ​ദ്ദേ​ഹം ആ​വ​ശ്യ​പ്പെ​ട്ടി​ട്ടി​ല്ല. അ​വ​സാ​ന കാ​ല​ങ്ങ​ളി​ൽ വി​പ്ല​വ​ത്തി​ൽ​നി​ന്ന് വ​ഴു​തി​മാ​റി അ​ദ്ദേ​ഹം ജ​നാ​ധി​പ​ത്യ​ത്തെ ആ​ശ്ലേ​ഷി​ച്ചു. അ​നു​ഭ​വ​ങ്ങ​ളാ​ണ് അ​തി​നും പ്രേ​ര​ക​മെ​ന്ന് അ​ദ്ദേ​ഹം പ​റ​യു​ന്നു.

നി​മി​ഷ​ക​വി​ത​ക​ളാ​യി​രു​ന്നു ഗ​ദ്ദ​റി​ന്റേ​ത്. ഒ​രു സ്ഥ​ല​ത്ത് ചെ​ന്നാ​ൽ അ​വി​ട​ത്തെ സാ​ധാ​ര​ണ മ​നു​ഷ്യ​രു​ടെ പ്ര​ശ്ന​ങ്ങ​ളി​ലേ​ക്കി​റ​ങ്ങി​ച്ചെ​ല്ലും. പ​ത്തോ ഇ​രു​പ​തോ വാ​ക്കു​ക​ൾ ചേ​ർ​ത്തു​വെ​ച്ച് നി​മി​ഷ​ങ്ങ​ൾ​ക്ക​കം അ​ദ്ദേ​ഹം അ​വി​ടെ​യൊ​രു ക​വി​ത സൃ​ഷ്ടി​ക്കും. അ​തൊ​രു ഇ​ടി​മു​ഴ​ക്ക​മാ​യി മാ​റും. ക​ൽ​ക്ക​രി ഖ​നി​ക​ളി​ലും തൊ​ഴി​ലി​ട​ങ്ങ​ളി​ലും ഗ്രാ​മ​ങ്ങ​ളി​ലു​മെ​ല്ലാം അ​ദ്ദേ​ഹം സം​വ​ദി​ച്ച​ത് ഈ​മ​ട്ടി​ലാ​യി​രു​ന്നു. വ​ള​രെ ല​ളി​ത​മാ​യി​രു​ന്നു ആ ​ഭാ​ഷ. അ​തെ​ല്ലാ​വ​ർ​ക്കും മ​ന​സ്സി​ലാ​കും. അ​ത് പാ​ടാ​ൻ അ​ദ്ദേ​ഹം ഉ​പ​യോ​ഗി​ച്ച​ത് ആ​ന്ധ്ര​യി​ലെ നാ​ടോ​ടി​ഗാ​ന​ങ്ങ​ളു​ടെ റി​ഥ​മാ​യി​രു​ന്നു. ഇ​പ്പോ​ഴും ആ​ന്ധ്ര​യി​ലെ ആ​ളു​ക​ളെ ക​ണ്ടു​മു​ട്ടു​മ്പോ​ൾ ഗ​ദ്ദ​റി​നെ അ​റി​യു​മോ എ​ന്നു ചോ​ദി​ച്ചാ​ൽ ‘ഗ​ദ്ദ​റി​നെ അ​റി​യാ​ത്ത​വ​രു​ണ്ടോ’ എ​ന്നാ​യി​രി​ക്കും മ​റു​പ​ടി. ആ​ന്ധ്ര​യി​ലെ 90 ശ​ത​മാ​നം മ​നു​ഷ്യ​ർ​ക്കും ത​ന്നെ അ​റി​യാം. അ​തു​ത​ന്നെ​യാ​ണ് എ​ന്‍റെ ജീ​വി​ത​ത്തി​ലു​ണ്ടാ​യ ഏ​റ്റ​വും വ​ലി​യ അം​ഗീ​കാ​ര​മെ​ന്ന് ഗ​ദ്ദ​ർ പ​റ​ഞ്ഞി​ട്ടു​ണ്ട്. ബി.​ബി.​സി ഉ​ൾ​പ്പെ​ടെ​യു​ള്ള അ​ന്താ​രാ​ഷ്ട്ര മാ​ധ്യ​മ​ങ്ങ​ളി​ൽ​വ​രെ ഒ​രു​കാ​ല​ത്ത് ഗ​ദ്ദ​ർ നി​റ​ഞ്ഞു​നി​ന്നു.

ത​ടി​ച്ചു​കൂ​ടി​നി​ൽ​ക്കു​ന്ന പ​തി​നാ​യി​ര​ക്ക​ണ​ക്കി​ന് ആ​ളു​ക​ൾ​ക്ക് ന​ടു​വി​ൽ​നി​ന്ന് പാ​ട്ടു​പാ​ടു​ന്ന ഗ​ദ്ദ​റി​ന്റെ ചി​ത്രം അ​തി​പ്ര​ശ​സ്ത​മാ​ണ്. പീ​പ്ൾ​സ് വാ​ർ ഗ്രൂ​പ്പി​നു മേ​ലു​ള്ള നി​രോ​ധ​നം നീ​ക്കി​യ വേ​ള​യി​ൽ കു​റ​ഞ്ഞ ദി​വ​സ​ത്തെ അ​റി​യി​പ്പു​കൊ​ണ്ട് ഹൈ​ദ​രാ​ബാ​ദി​ലെ നി​സാം കോ​ള​ജ് ഗ്രൗ​ണ്ടി​ൽ സം​ഘ​ടി​പ്പി​ക്ക​പ്പെ​ട്ട ഒ​രു പ​രി​പാ​ടി​യു​ടെ ചി​ത്ര​മാ​ണ​ത്. ല​ക്ഷ​ക്ക​ണ​ക്കി​നാ​ളു​ക​ളാ​ണ് ഗ​ദ്ദ​റി​നെ കേ​ൾ​ക്കാ​നും അ​തി​നൊ​പ്പം ചു​വ​ടു​വെ​ക്കാ​നും അ​വി​ടെ ഒ​ത്തു​കൂ​ടി​യ​ത്.

(ഫ്രീ​ലാ​ൻ​സ്‌ മാ​ധ്യ​മ​പ്ര​വ​ർ​ത്ത​ക​നാ​യ ലേ​ഖ​ക​ൻ ‘ഗ​ദ്ദ​ർ: പാ​ട്ടും പോ​രാ​ട്ട​വും’ എ​ന്ന പു​സ്ത​ക​ത്തി​ന്റെ ര​ച​യി​താ​വാ​ണ്)