നി​ര്‍ബ​ന്ധി​ത മ​ത​പ​രി​വ​ര്‍ത്ത​നം: പെ​രും​നു​ണ​യു​ടെ പൊ​ളി​ച്ചെ​ഴു​ത്ത്

എ​ൻ.​ഡി.​ടി.​വി​യി​ലെ ജ​ന​പ്രി​യ മാ​ധ്യ​മ​പ്ര​വ​ര്‍ത്ത​ക​ൻ ശ്രീ​നി​വാ​സ​ന്‍ ജെ​യി​ന്‍ ഇ​ന്ത്യ​ന്‍ ഭ​ര​ണ​ഘ​ട​ന​ക്കും അ​തു​വ​ഴി ഇ​ന്ത്യ​ന്‍ ജ​ന​ത​ക്കു​ത​ന്നെ​യും വ​ലി​യൊ​രു സേ​വ​നം ചെ​യ്തു. ന​വം​ബ​ര്‍ 19ന് ​പ്ര​ക്ഷേ​പ​ണം ചെ​യ്ത ത​ന്റെ പ്ര​തി​വാ​ര പ​രി​പാ​ടി​യാ​യ 'ട്രൂ​ത്ത് വേ​ഴ്‌​സ​സ് ഹൈ​പ്പി'​ല്‍ നി​ര്‍ബ​ന്ധി​ത മ​ത​പ​രി​വ​ര്‍ത്ത​നം എ​ന്ന ഊ​ഹാ​പോ​ഹ​ത്തി​നു ചു​റ്റു​മു​ള്ള വ​സ്തു​ത​ക​ളെ സം​ശ​യാ​തീ​ത​മാ​യി തു​റ​ന്നു​കാ​ട്ടി​യ​താ​ണ്​ ആ ​സേ​വ​നം. നി​ര്‍ബ​ന്ധി​ത മ​ത​പ​രി​വ​ര്‍ത്ത​ന വി​ഷ​യ​ത്തി​ല്‍ സു​പ്രീം​കോ​ട​തി​യി​ല്‍ പ​രാ​തി ന​ല്‍കി​യ അ​ശ്വി​നി കു​മാ​ര്‍ ഉ​പാ​ധ്യാ​യ​യു​ടെ അ​ഭി​മു​ഖം സ​ഹി​ത​മാ​യി​രു​ന്നു ആ ​പെ​രും​നു​ണ​യു​ടെ പൊ​ളി​ച്ചെ​ഴു​ത്ത് ശ്രീ​നി​വാ​സ​ന്‍ ജെ​യി​ന്‍ ന​ട​ത്തി​യ​ത്.

ഉ​പാ​ധ്യാ​യ സു​പ്രീം​കോ​ട​തി​യി​ല്‍ ന​ല്‍കി​യ 65 പേ​ജു​ള്ള ഹ​ര​ജി​യി​ലെ ഓ​രോ വാ​ദ​വും അ​ടി​സ്ഥാ​ന​ര​ഹി​ത​മെ​ന്ന് തു​റ​ന്നു​കാ​ട്ടും​വി​ധ​മാ​യി​രു​ന്നു ശ്രീ​നി​വാ​സ​ന്റെ അ​വ​ത​ര​ണം. ഹ​ര​ജി​യി​ല്‍ ചൂ​ണ്ടി​ക്കാ​ട്ടി​യി​രു​ന്ന ഒ​റ്റ ഉ​ദാ​ഹ​ര​ണം​പോ​ലും നി​ര്‍ബ​ന്ധി​ത മ​ത​പ​രി​വ​ര്‍ത്ത​നം എ​ന്ന ആ​രോ​പ​ണ​വു​മാ​യി ഒ​ട്ടും​ത​ന്നെ ചേ​ര്‍ന്നു​നി​ല്‍ക്കു​ന്ന​താ​യി​രു​ന്നി​ല്ല. മാ​ത്ര​മ​ല്ല, അ​തി​ൽ ഉ​ദാ​ഹ​ര​ണ​മാ​യി ഉ​ന്ന​യി​ച്ചി​രി​ക്കു​ന്ന ഒ​രു സം​ഭ​വം വ്യാ​ജ​മാ​ണെ​ന്നു​കൂ​ടി അ​ദ്ദേ​ഹം സ്ഥാ​പി​ച്ചു. അ​ശ്വി​നി കു​മാ​ര്‍ ഉ​പാ​ധ്യാ​യ ത​ന്റെ വാ​ദ​ങ്ങ​ളെ പൊ​ടി​പ്പും തൊ​ങ്ങ​ലും​വെ​ച്ച് ന്യാ​യീ​ക​രി​ക്കാ​ന്‍ കി​ണ​ഞ്ഞു​പ​രി​ശ്ര​മി​ക്ക​വേ തി​ക​ച്ചും യു​ക്തി​ര​ഹി​ത​മാ​യ പ​രാ​തി എ​ന്ന് അ​ടി​വ​ര​യി​ട്ടു സ്ഥാ​പി​ക്കാ​ന്‍ ത​ന്നെ ശ്രീ​നി​വാ​സ​ന്‍ ജെ​യി​ന്‍ എ​ന്ന മാ​ധ്യ​മ​പ്ര​വ​ര്‍ത്ത​ക​നു സാ​ധി​ച്ചു.

ആ​രാ​ണീ ഹ​ര​ജി​ക്കാ​ര​ൻ?

സു​പ്രീം​കോ​ട​തി​യി​ല്‍ ഫ​യ​ല്‍ചെ​യ്യു​ന്ന പൊ​തു​താ​ൽ​പ​ര്യ ഹ​ര​ജി​ക​ളി​ലൂ​ടെ പ​തി​വാ​യി വാ​ര്‍ത്ത​ക​ളി​ല്‍ ഇ​ടം​ക​ണ്ടെ​ത്തു​ന്ന ആ​ളാ​ണ് ബി.​ജെ.​പി നേ​താ​വും സു​പ്രീം​കോ​ട​തി അ​ഭി​ഭാ​ഷ​ക​നു​മാ​യ അ​ശ്വി​നി കു​മാ​ര്‍ ഉ​പാ​ധ്യാ​യ. അ​ദ്ദേ​ഹം ഫ​യ​ല്‍ചെ​യ്ത പ​ല പൊ​തു​താ​ൽ​പ​ര്യ ഹ​ര​ജി​ക​ളും ഇ​തി​നോ​ട​കം സു​പ്രീം​കോ​ട​തി ച​വ​റ്റു​കു​ട്ട​യി​ലേ​ക്ക് ജീ​വ​പ​ര്യ​ന്ത​ത്തി​ന് അ​യ​ച്ചി​ട്ടു​ണ്ടെ​ന്ന​ത് മ​റ്റൊ​രു വ​സ്തു​ത. 2021 ആ​ഗ​സ്റ്റി​ല്‍ ഡ​ല്‍ഹി​യി​ല്‍ ഒ​രു പ്ര​തി​ഷേ​ധ​പ്ര​ക​ട​ന​ത്തി​നി​ടെ മു​സ്‍ലിം​വി​രു​ദ്ധ വി​ദ്വേ​ഷ മു​ദ്രാ​വാ​ക്യം മു​ഴ​ക്കി​യ​തി​ന് ഇ​യാ​ളെ പൊ​ലീ​സ് അ​റ​സ്റ്റ് ചെ​യ്തി​രു​ന്നു.

2021 ഏ​പ്രി​ലി​ല്‍ ജ​സ്റ്റി​സു​മാ​രാ​യ റോ​ഹി​ങ്ട​ണ്‍ ന​രി​മാ​ന്‍, ബി.​ആ​ര്‍. ഗ​വാ​യ്, ഋ​ഷി​കേ​ശ് റോ​യ് എ​ന്നി​വ​ര്‍ ഉ​ള്‍പ്പെ​ട്ട മൂ​ന്നം​ഗ സു​പ്രീം​കോ​ട​തി ബെ​ഞ്ച് നി​ര്‍ബ​ന്ധി​ത മ​ത​പ​രി​വ​ര്‍ത്ത​ന വി​ഷ​യ​ത്തി​ല്‍ ഉ​പാ​ധ്യാ​യ ന​ല്‍കി​യ ഒ​രു ഹ​ര​ജി ത​ള്ളി​യി​രു​ന്നു. ഇ​തേ പ​രാ​തി​യു​മാ​യി ഇ​നി​യും വ​ന്നാ​ല്‍ ക​ന​ത്ത പി​ഴ ചു​മ​ത്തു​മെ​ന്നു താ​ക്കീ​തും ന​ല്‍കി​യാ​ണ് വി​ട്ട​ത്. ഭ​ര​ണ​ഘ​ട​ന പൗ​ര​ന് ഇ​ഷ്ട​മു​ള്ള മ​തം സ്വീ​ക​രി​ക്കാ​ന്‍ അ​നു​മ​തി ന​ല്‍കു​ന്നു​ണ്ടെ​ന്നി​രി​ക്കെ മ​ത​പ​രി​വ​ര്‍ത്ത​നം ത​ട​യു​ന്ന ഏ​തൊ​രു നി​യ​മ​വും ഭ​ര​ണ​ഘ​ട​ന​വി​രു​ദ്ധ​മാ​ണെ​ന്നും മൂ​ന്നം​ഗ സു​പ്രീം​കോ​ട​തി ബെ​ഞ്ച് അ​ന്നു വ്യ​ക്ത​മാ​ക്കി​യി​രു​ന്നു. മ​ത​പ​രി​വ​ര്‍ത്ത​നം ത​ട​യാ​ന്‍ കേ​ന്ദ്ര സ​ര്‍ക്കാ​ന്‍ നി​യ​മം പാ​സാ​ക്ക​ണ​മെ​ന്ന് ആ​വ​ശ്യ​പ്പെ​ടു​ന്ന ഹ​ര​ജി​ത​ന്നെ അ​ങ്ങേ​യ​റ്റം അ​പാ​യ​ക​ര​മാ​ണ്. മാ​ത്ര​മ​ല്ല, മു​തി​ര്‍ന്ന ഒ​രാ​ള്‍ക്ക് ഇ​ഷ്ട​മു​ള്ള മ​തം സ്വീ​ക​രി​ക്കാ​നു​ള്ള എ​ല്ലാ​വി​ധ സ്വാ​ത​ന്ത്ര്യ​വുമു​ണ്ടെ​ന്നും കോ​ട​തി നി​രീ​ക്ഷി​ച്ചു. ഇ​ഷ്ട​മു​ള്ള മ​തം ആ​ച​രി​ക്കാ​നും പ്ര​ച​രി​പ്പി​ക്കാ​നും അ​വ​കാ​ശം ന​ല്‍കു​ന്ന ഭ​ര​ണ​ഘ​ട​ന​യു​ടെ 25ാം വ​കു​പ്പ് ഉ​യ​ര്‍ത്തി​ക്കാ​ട്ടി ഇ​തെ​ന്തു ത​രം പ​രാ​തി​യാ​ണെ​ന്നാ​ണ് ജ​സ്റ്റി​സ് റോ​ഹി​ങ്ട​ണ്‍ ന​രി​മാ​ന്‍ ഉ​പാ​ധ്യാ​യ​യോ​ട് ചോ​ദി​ച്ച​ത്. ഇ​തൊ​രു അ​പ​ക​ട​ക​ര​മാ​യ ഹ​ര​ജി​യാ​ണ്. ഇ​തി​ലെ വാ​ദ​ങ്ങ​ളി​ല്‍ ഉ​റ​ച്ചു​നി​ന്നാ​ല്‍ നി​ങ്ങ​ളു​ടെ മേ​ല്‍ ക​ന​ത്ത പി​ഴ ചു​മ​ത്തേ​ണ്ടി​വ​രും. മ​ത​സ്വാ​ത​ന്ത്ര്യ​ത്തി​ന്റെ കാ​ര്യ​ത്തി​ല്‍ പ്ര​ച​രി​പ്പി​ക്കു​ക എ​ന്ന വാ​ക്കു​ത​ന്നെ ഭ​ര​ണ​ഘ​ട​ന​യി​ല്‍ ഉ​ള്‍പ്പെ​ടു​ത്തി​യ​തി​നു പി​ന്നി​ല്‍ ഒ​രു കാ​ര​ണ​മു​ണ്ട്. അ​തി​ന്റെ അ​ര്‍ഥം ഉ​ള്‍ക്കൊ​ള്ളു​ക ത​ന്നെ വേ​ണം. 18 വ​യ​സ്സി​നു​മേ​ലു​ള്ള ഏ​തൊ​രാ​ള്‍ക്കും ഇ​ഷ്ട​മു​ള്ള ഏ​തു മ​ത​വും സ്വീ​ക​രി​ക്കാം എ​ന്നു വ്യ​ക്ത​മാ​ക്കി​ക്കൊ​ണ്ടാ​ണ് അ​ന്നു സു​പ്രീം​കോ​ട​തി അ​ശ്വി​നി കു​മാ​ര്‍ ഉ​പാ​ധ്യാ​യ​യു​ടെ ഹ​ര​ജി ത​ള്ളി​യ​ത്.

2022 ജൂ​ണി​ല്‍ ഡ​ല്‍ഹി ഹൈ​കോ​ട​തി​യി​ല്‍ അ​ശ്വി​നി കു​മാ​ര്‍ ഉ​പാ​ധ്യാ​യ ഇ​തേ വി​ഷ​യ​ത്തി​ല്‍ ന​ല്‍കി​യ ഒ​രു ഹ​ര​ജി​യു​ടെ​യും വി​ധി മ​റ്റൊ​ന്നാ​യി​രു​ന്നി​ല്ല. 25ാം വ​കു​പ്പി​ന്റെ മൗ​ലി​ക സ്വ​ഭാ​വം ഉ​യ​ര്‍ത്തി​ക്കാ​ട്ടി ജ​സ്റ്റി​സ് സ​ഞ്ജീ​വ് സ​ച്ച്‌​ദേ​വ മ​ത​പ​രി​വ​ര്‍ത്ത​നം നി​യ​മം​മൂ​ലം നി​രോ​ധി​ച്ചി​ട്ടി​ല്ലെ​ന്ന് വ്യ​ക്ത​മാ​ക്കി. ഏ​തൊ​രു വ്യ​ക്തി​ക്കും ഏ​തൊ​രു മ​തം സ്വീ​ക​രി​ക്കാ​നും പ്ര​ച​രി​പ്പി​ക്കാ​നും അ​വ​കാ​ശ​വും സ്വാ​ത​ന്ത്ര്യ​വും ഉ​ണ്ടെ​ന്നും അ​തു ഭ​ര​ണ​ഘ​ട​ന ന​ല്‍കു​ന്ന അ​വ​കാ​ശ​മാ​ണെ​ന്നും വ്യ​ക്ത​മാ​ക്കി. ആ​രെ​യെ​ങ്കി​ലും നി​ര്‍ബ​ന്ധ​പൂ​ര്‍വം മ​ത​പ​രി​വ​ര്‍ത്ത​നം ന​ട​ത്തു​ന്നു​വെ​ങ്കി​ല്‍ അ​തു മ​റ്റൊ​രു വി​ഷ​യ​മാ​ണ്. എ​ന്നാ​ല്‍, മ​റ്റൊ​രു മ​തം സ്വീ​ക​രി​ക്കു​ന്ന​ത് ഒ​രു വ്യ​ക്തി​യു​ടെ യു​ക്തി​യാ​ണെ​ന്ന് വ്യ​ക്ത​മാ​ക്കി​യ ഹൈ​കോ​ട​തി ഉ​പാ​ധ്യാ​യ​യു​ടെ പ​രാ​തി​യു​ടെ അ​ടി​സ്ഥാ​നം എ​ന്താ​ണെ​ന്നും ആ​രാ​ഞ്ഞു. പ​രാ​തി​യി​ല്‍ ആ​ധി​കാ​രി​ക​ത​യി​ല്ലെ​ന്നും കോ​ട​തി ചൂ​ണ്ടി​ക്കാ​ട്ടി. കൂ​ട്ട മ​ത​പ​രി​വ​ര്‍ത്ത​നം ന​ട​ന്നു എ​ന്ന ഉ​പാ​ധ്യാ​യ​യു​ടെ ആ​രോ​പ​ണ​ത്തി​ന് തെ​ളി​വു​ക​ളും ക​ണ​ക്കു​മു​ണ്ടോ എ​ന്നും കോ​ട​തി ആ​രാ​ഞ്ഞു.

പി​ന്നീ​ട് 2022 ന​വം​ബ​ര്‍ 14ന് ​അ​ശ്വി​നി കു​മാ​ര്‍ ഉ​പാ​ധ്യാ​യ ന​ല്‍കി​യ പ​രാ​തി ജ​സ്റ്റി​സു​മാ​രാ​യ എം.​ആ​ര്‍. ഷാ, ​ഹി​മ കോ​ഹ്‌​ലി എ​ന്നി​വ​ര്‍ ഉ​ള്‍പ്പെ​ട്ട ബെ​ഞ്ച് പ​രി​ശോ​ധി​ച്ചു. നി​ര്‍ബ​ന്ധി​ത മ​ത​പ​രി​വ​ര്‍ത്ത​നം ത​ട​യാ​ന്‍ സ​ര്‍ക്കാ​ര്‍ എ​ന്തൊ​ക്കെ ന​ട​പ​ടി​ക​ള്‍ സ്വീ​ക​രി​ച്ചു എ​ന്ന് കോ​ട​തി ആ​രാ​യ​ണ​മെ​ന്ന് ചൂ​ണ്ടി​ക്കാ​ട്ടി​യാ​യി​രു​ന്നു പു​തി​യ ഹ​ര​ജി. നി​ര്‍ബ​ന്ധി​ത മ​ത​പ​രി​വ​ര്‍ത്ത​നം ന​ട​ന്നി​ട്ടു​ണ്ടെ​ങ്കി​ല്‍ അ​തു രാ​ജ്യ​ത്തി​ന്റെ സു​ര​ക്ഷ​ക്ക് എ​തി​രാ​ണെ​ന്നും മ​ത​സ്വാ​ത​ന്ത്ര്യ​ത്തി​നു​ള്ള പൗ​ര​സ്വാ​ത​ന്ത്ര്യം ഹ​നി​ക്കു​ന്ന​താ​ണെ​ന്നും കോ​ട​തി ചൂ​ണ്ടി​ക്കാ​ട്ടി. ഇ​ക്കാ​ര്യ​ത്തി​ല്‍ കേ​ന്ദ്ര സ​ര്‍ക്കാ​ര്‍ നി​ല​പാ​ട് വ്യ​ക്ത​മാ​ക്കി മ​റു​പ​ടി സ​ത്യ​വാ​ങ്മൂ​ലം ഫ​യ​ല്‍ചെ​യ്യാ​നും കോ​ട​തി നി​ര്‍ദേ​ശി​ച്ചു.

ക​ബ​ളി​പ്പി​ച്ച് മ​ത​പ​രി​വ​ര്‍ത്ത​നം ചെ​യ്യു​ന്ന​ത് ത​ട​യാ​ന്‍ കേ​ന്ദ്ര നി​യ​മം വേ​ണ​മെ​ന്നാ​ണ് ഉ​പാ​ധ്യാ​യ​യു​ടെ ആ​വ​ശ്യം. ക​ബ​ളി​പ്പി​ച്ചും പ്ര​ലോ​ഭി​പ്പി​ച്ചും ഭീ​ഷ​ണി​പ്പെ​ടു​ത്തി​യും മ​ത​പ​രി​വ​ര്‍ത്ത​നം ന​ട​ത്തു​ന്ന​ത് ഭ​ര​ണ​ഘ​ട​ന​യു​ടെ 14, 21, 25 വ​കു​പ്പു​ക​ളു​ടെ ലം​ഘ​ന​മാ​ണെ​ന്നാ​ണ് പ​രാ​തി​യി​ല്‍ പ​റ​യു​ന്ന​ത്. മ​ന്ത്ര​വാ​ദം, അ​ന്ധ​വി​ശ്വാ​സം, മ​ത​പ​രി​വ​ര്‍ത്ത​നം എ​ന്നി​വ ന​ട​ക്കാ​ത്ത ഒ​രു ജി​ല്ല​പോ​ലു​മി​ല്ല. എ​ല്ലാ ആ​ഴ്ച​ക​ളി​ലും ഇ​ത്ത​രം കേ​സു​ക​ള്‍ റി​പ്പോ​ര്‍ട്ട് ചെ​യ്യു​ന്നു. പ്ര​ലോ​ഭി​പ്പി​ച്ചും ഭീ​ഷ​ണി​പ്പെ​ടു​ത്തി​യും പാ​രി​തോ​ഷി​ക​ങ്ങ​ള്‍ ന​ല്‍കി​യും പ​ണം ന​ല്‍കി​യും മ​ത​പ​രി​വ​ര്‍ത്ത​നം ന​ട​ത്തു​ന്നു എ​ന്നും ഉ​പാ​ധ്യാ​യ​യു​ടെ പ​രാ​തി​യി​ല്‍ ആ​രോ​പി​ക്കു​ന്നു. പ​രാ​തി പ​രി​ഗ​ണി​ക്കാ​മെ​ന്ന് ഉ​റ​പ്പു​ന​ല്‍കി​യ സു​പ്രീം​കോ​ട​തി കേ​സ് ന​വം​ബ​ര്‍ 28ലേ​ക്കു മാ​റ്റി​വെ​ച്ചി​രി​ക്കു​ക​യാ​ണ്.

ഹി​ന്ദു​ക്ക​ൾ ന്യൂ​ന​പ​ക്ഷ​മാ​കു​മോ?

അ​ശ്വി​നി കു​മാ​ര്‍ ഉ​പാ​ധ്യാ​യ​യു​ടെ ഹ​ര​ജി​യി​ല്‍ ന​വം​ബ​ര്‍ 14നു ​ന​ട​ന്ന വാ​ദ​ത്തി​നി​ടെ അ​രി​സ​ഞ്ചി​ക​ള്‍ക്കു​വേ​ണ്ടി പോ​ലും ആ​ളു​ക​ള്‍ മ​തം മാ​റു​ന്നു​ണ്ടെ​ന്നാ​ണ് ജ​സ്റ്റി​സ് എം.​ആ​ര്‍. ഷാ ​പ​രാ​മ​ര്‍ശി​ച്ച​ത്. അ​തി​ലൊ​രു സ​ത്യ​വ​ശം ഉ​ണ്ട് എ​ന്നാ​ണെ​ങ്കി​ല്‍പോ​ലും അ​തൊ​രു തെ​റ്റി​ദ്ധാ​ര​ണ​ജ​ന​ക​മാ​യ പ​രാ​മ​ർ​ശ​മാ​ണ്. അ​നാ​വ​ശ്യ പ്ര​തി​മ​ക​ള്‍ സ്ഥാ​പി​ക്കു​ക​യും പ്ര​ധാ​ന​മ​ന്ത്രി പ​തി​വാ​യി ഉ​ല്ലാ​സ​യാ​ത്ര​ക​ള്‍ ന​ട​ത്തു​ക​യും ചെ​യ്യു​ന്ന നാ​ട്ടി​ൽ അ​രി​സ​ഞ്ചി​ക്കു​വേ​ണ്ടി ആ​ളു​ക​ൾ മ​തം മാ​റു​ന്നു​വെ​ങ്കി​ൽ എ​ന്തു​കൊ​ണ്ടാ​ണ് രാ​ജ്യ​ത്ത് ഇ​ത്ര​മാ​ത്രം ദാ​രി​ദ്ര്യ​വും പ​ട്ടി​ണി​യു​മെ​ന്ന്​ സ​ർ​ക്കാ​റി​നോ​ടാ​ണ്​ കോ​ട​തി ചോ​ദി​ക്കേ​ണ്ടി​യി​രു​ന്ന​ത്. ഇ​ന്ത്യ​യി​ലാ​ണ് ഇ​പ്പോ​ഴും ഏ​റ്റ​വും കൂ​ടു​ത​ല്‍ ദ​രി​ദ്ര ജ​ന​ത ഉ​ള്ള​തെ​ന്ന സ​ത്യ​വ​സ്തു​ത​യി​ലേ​ക്കാ​യി​രു​ന്നു ന്യാ​യാ​ധി​പ​ന്‍ ശ്ര​ദ്ധ പ​തി​പ്പി​ക്കേ​ണ്ടി​യി​രു​ന്ന​ത്. 229 ദ​ശ​ല​ക്ഷം ദ​രി​ദ്ര​ജ​ന​ങ്ങ​ള്‍ ക​ഷ്ട​പ്പെ​ട്ടു ക​ഴി​ഞ്ഞു​കൂ​ടു​ന്ന രാ​ജ്യ​മാ​ണി​ത്. ദ​രി​ദ്ര ബാ​ല്യ​ങ്ങ​ളു​ടെ എ​ണ്ണ​ത്തി​ലും ലോ​ക രാ​ജ്യ​ങ്ങ​ളി​ല്‍വെ​ച്ച് ഇ​ന്ത്യ​ത​ന്നെ​യാ​ണ് ഏ​റ്റ​വും മു​ന്നി​ലു​ള്ള​ത്. ഇ​ന്ത്യ​യി​ലെ ശൈ​ശ​വ ജ​ന​സം​ഖ്യ​യു​ടെ 21.8 ശ​ത​മാ​നം, അ​താ​യ​ത് 97 ദ​ശ​ല​ക്ഷം ബാ​ല്യ​ങ്ങ​ള്‍ പ​ട്ടി​ണി​യി​ലും ദു​രി​ത​ങ്ങ​ള്‍ക്കു ന​ടു​വി​ലു​മാ​ണ് ക​ഴി​ഞ്ഞു​പോ​കു​ന്ന​ത്. ഇ​ന്ത്യ​ന്‍ ജ​ന​ത​യു​ടെ 16.4 ശ​ത​മാ​ന​വും ദ​രി​ദ്ര​രാ​ണ്. അ​തി​ല്‍ത​ന്നെ 4.2 ശ​ത​മാ​നം കൊ​ടി​യ ദാ​രി​ദ്ര്യ​ത്തി​ലു​മാ​ണ്. 191 രാ​ജ്യ​ങ്ങ​ളു​ടെ മ​നു​ഷ്യ വി​ഭ​വ സൂ​ചി​ക​യി​ല്‍ ഇ​ന്ത്യ​യു​ടെ സ്ഥാ​നം 132 ആ​ണെ​ന്നു​മോ​ര്‍ക്ക​ണം. ആ​ഗോ​ള പ​ട്ടി​ണി​സൂ​ചി​ക​യി​ല്‍ ഇ​ന്ത്യ​യു​ടെ സ്ഥാ​നം 107 ആ​ണ്.

നി​ര്‍ബ​ന്ധി​ത മ​ത​പ​രി​വ​ര്‍ത്ത​നം ത​ട​ഞ്ഞി​ല്ലെ​ങ്കി​ല്‍ ഇ​ന്ത്യ​യി​ല്‍ ഉ​ട​ന്‍ത​ന്നെ ഹി​ന്ദു​ക്ക​ള്‍ ന്യൂ​ന​പ​ക്ഷ​മാ​യി മാ​റു​മെ​ന്നാ​ണ് ഒ​രു അ​ടി​സ്ഥാ​ന​വു​മി​ല്ലാ​തെ അ​ശ്വി​നി കു​മാ​ര്‍ ഉ​പാ​ധ്യാ​യ ത​ന്റെ പ​രാ​തി​യി​ല്‍ ആ​രോ​പി​ക്കു​ന്ന​ത്. ഇ​തേ​ക്കു​റി​ച്ച് ശ്രീ​നി​വാ​സ​ന്‍ ജെ​യി​ന്‍ ചോ​ദി​ച്ച​പ്പോ​ള്‍ ഉ​പാ​ധ്യാ​യ​ക്ക് ഉ​ത്ത​ര​മി​ല്ലാ​യി​രു​ന്നു. ഇ​തി​ലും വ​ലി​യൊ​രു നു​ണ വേ​റെ​യി​ല്ലെ​ന്നു​ത​ന്നെ പ​റ​യാം. 2011 സെ​ന്‍സ​സ് പ​രി​ശോ​ധി​ച്ചാ​ല്‍ത​ന്നെ അ​റി​യാം ഇ​ന്ത്യ​യി​ലെ ന്യൂ​ന​പ​ക്ഷ​ത്തി​ന്റെ വ​ള​ര്‍ച്ച താ​ഴോ​ട്ടാ​ണെ​ന്ന വ​സ്തു​ത.

ഭ​ര​ണ​ഘ​ട​ന​വി​രു​ദ്ധ​മാ​ണെ​ങ്കി​ല്‍പോ​ലും പ​ല സം​സ്ഥാ​ന​ങ്ങ​ളി​ലും മ​ത​പ​രി​വ​ര്‍ത്ത​ന നി​രോ​ധ​ന നി​യ​മ​ങ്ങ​ള്‍ നി​ല​വി​ല്‍വ​ന്നു​ക​ഴി​ഞ്ഞു. എ​ന്നാ​ല്‍, നി​ര്‍ബ​ന്ധി​ത മ​ത​പ​രി​വ​ര്‍ത്ത​നം ന​ട​ക്കു​ന്നു എ​ന്നു തെ​ളി​യി​ക്കു​ന്ന ആ​ധി​കാ​രി​ക​മാ​യ ഒ​രു രേ​ഖ​യും ഇ​തു​വ​രെ ഉ​യ​ര്‍ന്നു വ​ന്നി​ട്ടി​ല്ല. നി​യ​മ​പ്ര​കാ​രം കേ​സു​ക​ള്‍ ര​ജി​സ്റ്റ​ര്‍ ചെ​യ്യു​ക​യോ കോ​ട​തി​യി​ല്‍ കു​റ്റം തെ​ളി​യി​ക്ക​പ്പെ​ടു​ക​യോ ചെ​യ്തി​ട്ടി​ല്ല. സം​സ്ഥാ​ന നി​യ​മ​ങ്ങ​ള്‍ത​ന്നെ ഇ​ത്ത​ര​ത്തി​ല്‍ പ​രാ​ജ​യ​പ്പെ​ട്ടു നി​ല്‍ക്കു​മ്പോ​ള്‍ ഇ​ക്കാ​ര്യ​ത്തി​ല്‍ ഒ​രു കേ​ന്ദ്ര നി​യ​മം​കൂ​ടി വേ​ണ​മെ​ന്ന ആ​വ​ശ്യ​ത്തി​ല്‍ എ​ന്തു ക​ഴ​മ്പാ​ണു​ള്ള​ത്. 2021 ജ​നു​വ​രി​യി​ല്‍ മ​ധ്യ​പ്ര​ദേ​ശി​ല്‍ ക​ര്‍ശ​ന വ്യ​വ​സ്ഥ​ക​ളോ​ടെ ഒ​രു ഓ​ര്‍ഡി​ന​ന്‍സ് കൊ​ണ്ടു​വ​ന്നി​രു​ന്നു. 23 ദി​വ​സ​ത്തി​നു​ള്ളി​ല്‍ 23 കേ​സു​ക​ളാ​ണ് ര​ജി​സ്റ്റ​ര്‍ ചെ​യ്ത​ത്. എ​ന്നാ​ല്‍, ഇ​തി​ലൊ​ന്നു പോ​ലും നി​ര്‍ബ​ന്ധി​ത മ​ത​പ​രി​വ​ര്‍ത്ത​നം ന​ട​ന്നു എ​ന്നു തെ​ളി​യി​ക്ക​പ്പെ​ട്ടി​ട്ടി​ല്ല. യു.​പി​യി​ല്‍ ര​ജി​സ്റ്റ​ര്‍ ചെ​യ്ത 16 കേ​സു​ക​ളി​ല്‍ ഒ​ന്നി​ൽ മാ​ത്ര​മാ​ണ് കോ​ട​തി​യി​ല്‍ മ​ത​പ​രി​വ​ര്‍ത്ത​നം തെ​ളി​യി​ക്ക​പ്പെ​ട്ട​ത്.

അ​തി​നി​ടെ, ഹി​ന്ദു മ​ത​ത്തി​ലേ​ക്ക് പ​രി​വ​ര്‍ത്ത​നം ചെ​യ്ത നി​ര​വ​ധി കേ​സു​ക​ളു​ണ്ട്. 2014ല്‍ 200 ​പേ​രോ​ളം വ​രു​ന്ന 57 മു​സ്​​ലിം കു​ടും​ബ​ങ്ങ​ള്‍ ആ​ഗ്ര​യി​ല്‍ ഹി​ന്ദു മ​ത​ത്തി​ലേ​ക്ക് മാ​റി​യി​രു​ന്നു. 2021ല്‍ ​ഹ​രി​യാ​ന​യി​ല്‍ 300 മു​സ്​​ലിം​ക​ളാ​ണ് ഹി​ന്ദു മ​തം സ്വീ​ക​രി​ച്ച​ത്. വി​രോ​ധാ​ഭാ​സം എ​ന്താ​ണെ​ന്നു വെ​ച്ചാ​ല്‍ ഈ ​സം​ഭ​വ​ങ്ങ​ളൊ​ന്നി​ല്‍പോ​ലും മ​ത​പ​രി​വ​ര്‍ത്ത​ന നി​രോ​ധ​ന നി​യ​മം പി​ടി​മു​റു​ക്കി​യി​ല്ല എ​ന്ന​താ​ണ്. അ​തി​നെ ഘ​ർ വാ​പ​​സി എ​ന്നു വി​ളി​ച്ച് കൊ​ട്ടി​ഘോ​ഷി​ച്ച് ആ​ഘോ​ഷി​ക്കു​ക​യും ചെ​യ്തു. ക​ഴി​ഞ്ഞ ഒ​ക്ടോ​ബ​ര്‍ അ​ഞ്ചി​ന് ഡ​ല്‍ഹി​യി​ല്‍ 8000 ദ​ലി​ത​ര്‍ ഹി​ന്ദു മ​തം ഉ​പേ​ക്ഷി​ച്ച്​ ബു​ദ്ധ മ​തം സ്വീ​ക​രി​ച്ച സം​ഭ​വ​മു​ണ്ടാ​യി. എ​ന്തി​നു​വേ​ണ്ടി​? അ​ന്ത​സ്സു​ള്ള ഒ​രു ജീ​വി​തം ആ​ഗ്ര​ഹി​ക്കു​ന്നു എ​ന്ന​തു​കൊ​ണ്ടു മാ​ത്രം.

1936ല്‍ ​ബോം​ബെ​യി​ല്‍ മ​ഹ​ര്‍ സ​മു​ദാ​യ​ത്തെ അ​ഭി​സം​ബോ​ധ​ന ചെ​യ്തു സം​സാ​രി​ക്ക​വെ ഭ​ര​ണ​ഘ​ട​ന ശി​ല്‍പി ഡോ. ​ബി.​ആ​ര്‍. അം​ബേ​ദ്ക​ര്‍ മ​ത​പ​രി​വ​ര്‍ത്ത​ന​ത്തി​ന്റെ ആ​വ​ശ്യ​ക​ത എ​ന്തെ​ന്ന് വ്യ​ക്ത​മാ​ക്കി​യി​ട്ടു​ണ്ട്. 'മ​തം മ​നു​ഷ്യ​നു​വേ​ണ്ടി​യാ​ണ്, മ​നു​ഷ്യ​ന്‍ മ​ത​ത്തി​നു​വേ​ണ്ടി​യ​ല്ലെ​ന്ന് വ​ള​രെ വ്യ​ക്ത​മാ​യി ത​ന്നെ ഞാ​ന്‍ നി​ങ്ങ​ളോ​ട് പ​റ​യു​ന്നു. മാ​നു​ഷി​ക​മാ​യ പ​രി​ഗ​ണ​ന ല​ഭി​ക്കാ​ന്‍ നി​ങ്ങ​ള്‍ സ്വ​യം പ​രി​വ​ര്‍ത്ത​നം ചെ​യ്യു​ക. ഹി​ന്ദു സ​മൂ​ഹം ഒ​രി​ക്ക​ലും തു​ല്യ പ​രി​ഗ​ണ​ന ന​ല്‍കി​ല്ല. എ​ന്നാ​ല്‍, ആ ​തു​ല്യ​ത മ​ത​പ​രി​വ​ര്‍ത്ത​ന​ത്തി​ലൂ​ടെ കൈ​വ​രി​ക്കാം' എ​ന്നാ​ണ് അ​ദ്ദേ​ഹം പ​റ​ഞ്ഞ​ത്. ഇ​ന്ന് അ​ധി​കാ​ര​ത്തി​ലി​രി​ക്കു​ന്ന ആ​രെ​ങ്കി​ലും​ അം​ബേ​ദ്ക​റു​ടെ വാ​ക്കു​ക​ള്‍ക്ക് ചെ​വി​കൊ​ടു​ക്കു​ന്നു​ണ്ടോ എ​ന്ന​ുത​ന്നെ സം​ശ​യ​മാ​ണ്.

നി​ര്‍ബ​ന്ധി​ത മ​ത​പ​രി​വ​ര്‍ത്ത​നം എ​ന്ന​തു​ത​ന്നെ കെ​ട്ടി​ച്ച​മ​ച്ച വ​ലി​യൊ​രു നു​ണ​യാ​ണ്. രാ​ജ്യം നേ​രി​ട്ടു കൊ​ണ്ടി​രി​ക്കു​ന്ന മ​റ്റു വ​ലി​യ പ്ര​ശ്‌​ന​ങ്ങ​ളി​ല്‍നി​ന്നു ശ്ര​ദ്ധ തി​രി​ച്ചു​വി​ടാ​നു​ള്ള ഒ​രു ത​ന്ത്രം മാ​ത്രം. പെ​രു​കു​ന്ന ദാ​രി​ദ്ര്യം, അ​ഴി​മ​തി, ഭ​ര​ണ​ഘ​ട​നാ​ധി​ഷ്ഠി​ത​മ​ല്ലാ​ത്ത ദു​ര്‍ഭ​ര​ണം എ​ന്നി​വ​യി​ല്‍നി​ന്നു ശ്ര​ദ്ധ​തി​രി​ക്കാ​നു​ള്ള വെ​റും ത​ന്ത്രം. രാ​ജ്യം ഭ​ര​ണ​ഘ​ട​നാ​വാ​രം ആ​ച​രി​ക്കു​ന്ന വേ​ള​യി​ല്‍ ര​ണ്ടം​ഗ സു​പ്രീം​കോ​ട​തി ബെ​ഞ്ച് ഇ​ത്ത​ര​മൊ​രു വ്യാ​ജ പ​രാ​തി ഉ​ന്ന​യി​ച്ച പ​രാ​തി​ക്കാ​ര​നെ ശി​ക്ഷി​ക്കാ​നു​ള്ള ധൈ​ര്യ​മാ​ണ് കാ​ണി​ക്കേ​ണ്ട​ത്.

(എ​ഴു​ത്തു​കാ​ര​നും മ​നു​ഷ്യാ​വ​കാ​ശ പ്ര​വ​ര്‍ത്ത​ക​നു​മാ​ണ് ലേ​ഖ​ക​ൻ)