ചേലുള്ള, ആളുകൾ കയറാൻ മടിക്കുന്ന വീട്

ഏഴരപ്പതിറ്റാണ്ട് പിന്നിടുന്ന ജമാഅത്തെ ഇസ്‍ലാമിയുടെ സാമൂഹിക-മനുഷ്യാവകാശ ഇടപെടലുകൾ വിശകലനം ചെയ്യപ്പെടുന്നു. ദലിത് മുസ്‍ലിം വിഷയത്തിൽ സ്വീകരിച്ച നിലപാടുകളെ വിമർശിക്കുന്ന ലേഖകൻ, ആ നിലപാടാണ് ഒരു ബഹുജനസംഘടനയായി മാറുന്നതിൽ ജമാഅത്തിന് തടസ്സമായതെന്ന് നിരീക്ഷിക്കുന്നു..

1996ലെ ​അ​വ​സാ​ന സാ​യാ​ഹ്നം. എ​റ​ണാ​കു​ളം ടൗ​ൺ​ഹാ​ളി​ൽ ഒ​രു മ​ത സം​വാ​ദ പ​രി​പാ​ടി ന​ട​ക്കു​ന്നു. അ​ന്ന് കാ​ര്യ​മാ​യ പ്ര​ശ​സ്തി​യോ വി​വാ​ദ​ങ്ങ​ളോ കൂ​ട്ടി​നെ​ത്തി​യി​ട്ടി​ല്ലാ​ത്ത ഡോ. ​സാ​ക്കി​ർ നാ​യി​ക് ആ​ണ് മു​ഖ്യ​പ്ര​ഭാ​ഷ​ക​ൻ. ചോ​ദ്യ​ങ്ങ​ൾ​ക്കും സം​ശ​യ​ങ്ങ​ൾ​ക്കും വ്യ​ത്യ​സ്ത മ​ത​വേ​ദ ഗ്ര​ന്ഥ​ങ്ങ​ളി​ൽ​നി​ന്ന് അ​ധ്യാ​യ​വും വാ​ച​ക​വും വാ​ക്കും എ​ണ്ണി​പ്പ​റ​ഞ്ഞ് മ​റു​പ​ടി ന​ൽ​കു​ന്ന​തി​നി​ടെ കേ​ൾ​വി​ക്കാ​രി​ലൊ​രാ​ൾ സു​ന്ദ​ര​വും ല​ളി​ത​വു​മാ​യ ഒ​രു സം​ശ​യം ചോ​ദി​ക്കു​ന്നു. Will Allah love me? എ​ന്നാ​ണ് കൃ​ഷ്ണ ഡി ​പു​ച്ച എ​ന്ന് പ​രി​ച​യ​പ്പെ​ടു​ത്തി​യ ആ​ളു​ടെ സം​ശ​യം. ഒ​റ്റ വാ​ക്കു​കൊ​ണ്ട് നേ​രി​ട്ട് മ​റു​പ​ടി പ​റ​യാ​വു​ന്ന, അ​​ത​ല്ലെ​ങ്കി​ൽ വേ​ദ​പു​സ്ത​ക​ത്തി​ൽ​നി​ന്ന് എ​ത്ര​യേ​റെ ഉ​ദാ​ഹ​ര​ണ​ങ്ങ​ളും ഉ​പ​മ​ക​ളും എ​ടു​ത്തു​പ​റ​യാ​വു​ന്ന ചോ​ദ്യം.

എ​ന്നാ​ൽ, I'm not an expert in love, I'm an expert in Quran എ​ന്ന രൂ​ക്ഷ മ​റു​പ​ടി​യാ​ണ് ഡോ. ​നാ​യി​ക്​ ന​ൽ​കി​യ​ത്. ചോ​ദ്യ​ക​ർ​ത്താ​വി​ന്റെ മ​ന​സ്സ് വേ​ദ​നി​ച്ചി​ട്ടു​ണ്ടാ​വും. ആ​കാ​ശ ഭൂ​മി​ലോ​ക​ങ്ങ​ളി​ലെ സ​ക​ല പ​ട​പ്പു​ക​​ളെ​യും പ​ട​ച്ച ത​മ്പു​രാ​നാ​ണ് അ​ല്ലാ​ഹു എ​ന്നും മ​നു​ഷ്യ​ന് മാ​ത്ര​മ​ല്ല, വീ​ട്ടു​കി​ണ​റ്റി​ലെ കു​ഞ്ഞു​മ​ത്സ്യ​ത്തി​ന് മു​ത​ൽ ക​ട​ലി​നു​ള്ളി​ലെ നീ​ല​ത്തി​മിം​ഗ​ല​ത്തി​നു​വ​രെ അ​ന്നം ന​ൽ​കു​ന്ന​ത് ആ ​ശ​ക്തി​യാ​ണെ​ന്നും ചെ​റു​പ്രാ​യം മു​ത​ൽ പ​ഠി​ച്ചു​വി​ശ്വ​സി​ക്കു​ന്ന ഈ ​കു​റി​പ്പു​കാ​ര​ന് ചോ​ദ്യ​ക​ർ​ത്താ​വി​ന് സം​ഭ​വി​ച്ചി​രി​ക്കാ​വു​ന്ന അ​പ​മാ​ന​മോ​ർ​ത്ത് ക​ണ്ണ് നി​റ​ഞ്ഞു. മ​ത​സം​വാ​ദ​മെ​ന്നും ആ​ശ​യ​സം​വാ​ദ​മെ​ന്നും സ്നേ​ഹ​സം​വാ​ദ​മെ​ന്നും പേ​രി​ട്ട് ന​ട​ത്തു​ന്ന പ​രി​പാ​ടി​ക​ളി​ൽ ​സ്നേ​ഹ​മോ, ആ​ശ​യ​മോ, സം​വാ​ദ​മോ അ​ല്ല, സം​ഘാ​ട​ക​രു​ടെ ശ​ക്തി​പ്ര​ക​ട​നം മാ​ത്ര​മാ​ണ് ന​ട​ക്കു​ന്ന​തെ​ന്ന് തോ​ന്നി​പ്പി​ക്കു​ന്ന പ​ല അ​നു​ഭ​വ​ങ്ങ​ൾ വേ​റെ​യു​മു​ണ്ടാ​യി​ട്ടു​ണ്ട്. എ​ന്നാ​ൽ, ആ ​ധാ​ര​ണ ഒ​രു പ​രി​ധി​വ​രെ​യെ​ങ്കി​ലും തി​രു​ത്താ​ൻ ​ശ്ര​മി​ച്ച കൂ​ട്ടം എ​ന്ന നി​ല​യി​ലാ​ണ് ജ​മാ​അ​ത്തെ ഇ​സ്‍ലാ​മി​യെ ശ്ര​ദ്ധി​ച്ചി​ട്ടു​ള്ള​ത്. ‘എ​നി​ക്ക് എ​ന്റെ മ​തം, നി​ന​ക്ക് നി​ന്‍റെ മ​തം’ എ​ന്ന ഖു​ർ​ആ​ൻ അ​ധ്യാ​പ​ന​ത്തെ പ്ര​യോ​ഗ​വ​ത്ക​രി​ക്കു​ന്ന ഇ​ട​ങ്ങ​ളാ​ക്കി സം​വാ​ദ​വേ​ദി​ക​ളെ മാ​റ്റാ​ൻ ആ ​സം​ഘ​ട​ന യ​ത്നി​ച്ചു, ‘വാ​ദി​ക്കാ​നും ജ​യി​ക്കാ​നും അ​ല്ല, അ​റി​യാ​നും അ​റി​യി​ക്കാ​നും’ എ​ന്ന ശ്രീ​നാ​രാ​യ​ണ ഗു​രു​ദേ​വ വ​ച​ന​ത്തെ അ​ന്വ​ർ​ഥ​മാ​ക്കു​ന്ന പ​ക്വ​ത പ​ല സം​വാ​ദ​ക​രി​ലും കാ​ണാ​നു​മാ​യി. പെ​രു​ന്നാ​ൾ ന​മ​സ്കാ​ര മൈ​താ​നി​ക​ളി​ലേ​ക്കും പ​ള്ളി​ക​ളി​ലേ​ക്കും സ​ഹോ​ദ​ര സ​മൂ​ഹ​ങ്ങ​ളി​ലെ നേ​താ​ക്ക​ളെ​യും പു​രോ​ഹി​ത​രെ​യും പ്ര​വ​ർ​ത്ത​ക​രെ​യും അ​തി​ഥി​ക​ളാ​യി ക്ഷ​ണി​ച്ചും ഇ​ഫ്താ​റി​ന്റെ ഇൗ​ത്ത​പ്പ​ഴ​മ​ധു​രം പ​ങ്കു​വെ​ച്ചും മ​ന​സ്സു​ക​ൾ ത​മ്മി​ലെ അ​ക​ലം കു​റ​ക്കാ​നു​ള്ള ദൗ​ത്യ​ത്തി​ന് ഒ​രു സം​ഘ​ട​ന എ​ന്ന നി​ല​യി​ൽ തു​ട​ക്ക​മി​ട്ട​ത് ജ​മാ​അ​ത്തെ ഇ​സ്‍ലാ​മി ത​ന്നെ​യാ​വും. ജ​സ്റ്റി​സ് വി.​ആ​ർ. കൃ​ഷ്ണ​യ്യ​രും പാ​ർ​ല​മെ​ന്റം​ഗ​മാ​യി​രു​ന്ന ജോ​ർ​ജ് ഈ​ഡ​നും മ​റ്റും എ​റ​ണാ​കു​ളം മ​റൈ​ൻ ഡ്രൈ​വ് ഈ​ദ്ഗാ​ഹി​ലെ​ത്തി പെ​രു​ന്നാ​ൾ സ​ന്തോ​ഷ​ത്തി​ൽ പ​ങ്കു​ചേ​രു​ന്ന കാ​ഴ്ച ഇ​പ്പോ​ഴും ഓ​ർ​മ​യി​ലു​ണ്ട്.

വി​വാ​ദ​ങ്ങ​ളും വീ​ണ്ടെ​ടു​പ്പും

ജ​മാ​അ​ത്തെ ഇ​സ്‍ലാ​മി​യെ​ക്കു​റി​ച്ച് കേ​ട്ടു​തു​ട​ങ്ങു​മ്പോ​ൾ​ത​ന്നെ ആ ​കൂ​ട്ടാ​യ്മ​യെ​ക്കു​റി​ച്ചു​ള്ള എ​തി​ർ​വാ​ദ​ങ്ങ​ളും ആ​രോ​പ​ണ​ങ്ങ​ളും ഉ​യ​രു​ന്നു​ണ്ട്. നി​യ​മ​വി​രു​ദ്ധ പ്ര​വ​ർ​ത്ത​ന​ങ്ങ​ളു​ടെ പേ​രി​ൽ ഒ​രു അ​നു​ഭാ​വി പോ​ലും നി​യ​മ​ന​ട​പ​ടി നേ​രി​ടാ​ത്ത ഘ​ട്ട​ത്തി​ൽ നി​രോ​ധം അ​ടി​ച്ചേ​ൽ​പി​ക്ക​പ്പെ​ടു​ക എ​ന്ന ഗു​രു​ത​ര അ​വ​കാ​ശ​ലം​ഘ​ന​ത്തി​ന് ര​ണ്ടു​വ​ട്ടം ഇ​ര​യാ​യ സം​ഘ​ട​ന എ​ന്ന നി​ല​യി​ൽ ആ ​ആ​രോ​പ​ണ​ങ്ങ​ൾ​ക്കു​പി​ന്നി​ൽ കൃ​ത്യ​മാ​യ താ​ൽ​പ​ര്യ​ങ്ങ​ളാ​ണു​ള്ള​തെ​ന്ന് വി​ശ്വ​സി​ക്കാ​ൻ മ​തി​യാ​യ കാ​ര​ണ​ങ്ങ​ളു​ണ്ട്. അ​യോ​ധ്യ​യി​ൽ ബാ​ബ​രി മ​സ്ജി​ദ് ത​ക​ർ​ത്ത ഭൂ​മി​യി​ൽ നി​ർ​മി​ക്കു​ന്ന ക്ഷേ​ത്ര​ത്തി​നു​ള്ള തൂ​ണു​ക​ളും ഗോ​പു​ര​ങ്ങ​ളും ശി​ൽ​പ​വി​ദ്യ​ക​ളും കോ​ട​തി​വി​ധി വ​രു​ന്ന​തി​നും വ​ർ​ഷ​ങ്ങ​ൾ​ക്കു മു​മ്പു​ത​ന്നെ രാ​ജ്യ​ത്തി​ന്റെ പ​ല ഭാ​ഗ​ങ്ങ​ളി​ലെ പ​ണി​ശാ​ല​ക​ളി​ലാ​യി ത​യാ​ർ ചെ​യ്യ​പ്പെ​ടു​ക​യാ​യി​രു​ന്ന​ല്ലോ. അ​തു​പോ​ലെ, കേ​ന്ദ്ര​ഭ​ര​ണം കി​ട്ടു​ന്ന​തി​നും പ​തി​റ്റാ​ണ്ടു​ക​ൾ​ക്ക് മു​മ്പ് ഹി​ന്ദു​ത്വ ഇ​ന്ത്യ​യു​ടെ നി​ർ​മി​തി​ക്കാ​യു​ള്ള ഉ​രു​പ്പ​ടി​ക​ൾ പ​ല​യി​ട​ങ്ങ​ളി​ലെ സം​ഘ്പ​രി​വാ​ർ പ​ണി​ശാ​ല​ക​ളി​ൽ ത​കൃ​തി​യി​ൽ രൂ​പ​പ്പെ​ട്ടു​കൊ​ണ്ടി​രു​ന്ന കാ​ല​ത്താ​ണ് ജ​മാ​അ​ത്ത് മ​ത​രാ​ഷ്ട്രം സ്ഥാ​പി​ക്കാ​ൻ ഒ​രു​മ്പെ​ടു​ന്നു​വെ​ന്ന ആ​രോ​പ​ണം ഉ​ച്ഛ​സ്ഥാ​യി​യി​ലാ​യ​ത്. ആ​ശ​യ​ത​ല​ത്തി​ൽ സം​ഘ്പ​രി​വാ​റി​ന് നേ​രെ​തി​രു​കാ​രാ​യ ഒ​രു​വി​ഭാ​ഗം ഇ​ട​തു​പ​ക്ഷ പ്ര​വ​ർ​ത്ത​ക​രും ലി​ബ​റ​ലു​ക​ളും മു​സ്‍ലിം സം​ഘ​ട​ന​ക​ളും സ​ന്ന​ദ്ധ​സം​ഘ​ട​ന​ക​ളും അ​വ​രു​ടെ മാ​ധ്യ​മ​ങ്ങ​ളും ഈ ​ആ​ശ​യ​ത്തി​ന്റെ ബൗ​ദ്ധി​ക് പ്ര​മു​ഖു​മാ​രും പ്ര​ചാ​ര​ക​രു​മാ​യി. തീ​ർ​ച്ച​യാ​യും ആ​രോ​പ​ണ​ങ്ങ​ൾ ജ​മാ​അ​ത്തി​നെ സ​മ്മ​ർ​ദ​ത്തി​ലാ​ഴ്ത്തി​യി​ട്ടു​ണ്ടാ​വും. എ​ന്നാ​ൽ, അ​തി​ന് മ​റു​പ​ടി പ​റ​ഞ്ഞ് കാ​ര്യ​മാ​യി ഊ​ർ​ജം ദു​ർ​വ്യ​യം ചെ​യ്തി​ല്ല ആ ​സം​ഘ​ട​ന.

രാ​ഷ്ട്ര​നി​ർ​മി​തി​ക്ക് തു​നി​ഞ്ഞി​ല്ലെ​ങ്കി​ലും ഒ​രു​പാ​ട് ജീ​വി​ത​ങ്ങ​ൾ കെ​ട്ടി​പ്പ​ടു​ക്കാ​ൻ അ​വ​ർ​ക്ക് സാ​ധി​ച്ചു. വ​ർ​ഗീ​യ ക​ലാ​പ​ങ്ങ​ളി​ലും പ്ര​കൃ​തി​ക്ഷോ​ഭ​ങ്ങ​ളി​ലും ത​ക​ർ​ന്ന​ടി​ഞ്ഞ​തും, ഭ​ര​ണ​കൂ​ട അ​വ​ഗ​ണ​ന​യാ​ൽ ഞെ​രി​ക്ക​പ്പെ​ട്ട​തും മ​റ്റു​മാ​യ സ​മൂ​ഹ​ങ്ങ​ളി​ലേ​ക്ക് ഇ​റ​ങ്ങി​ച്ചെ​ല്ലാ​നും ആ ​ജ​ന​ങ്ങ​ളെ ശാ​ക്തീ​ക​രി​ക്കാ​നും അ​വ​ർ ധൈ​ര്യ​പൂ​ർ​വം മു​ന്നി​ട്ടി​റ​ങ്ങി. കേ​ര​ള​ത്തി​ന്റെ മു​ഖ്യ​മ​ന്ത്രി​ക്കു​പോ​ലും പി​ന്തി​രി​യേ​ണ്ടി​വ​ന്ന മാ​റാ​ടി​ലെ ക​ലാ​പ​ഭൂ​മി​യി​ലേ​ക്ക് ​ധൈ​ര്യ​സ​മേ​തം ക​ട​ന്നു​ചെ​ല്ലാ​നും പ്ര​ക്ഷു​ബ്ധ​രാ​യ ജ​ന​ങ്ങ​ളോ​ട് ശാ​ന്ത​മാ​യി സം​സാ​രി​ക്കാ​നും ഈ ​സം​ഘ​ട​ന​യു​ടെ നേ​താ​ക്ക​ൾ​ക്ക് സാ​ധി​ച്ചെ​ങ്കി​ൽ എ​ഴു​തി ഫ​ലി​പ്പി​ക്കാ​നാ​വാ​ത്ത ഒ​രു സ്വാ​ധീ​ന​വും ശ​ക്തി​യും ഈ ​മ​ണ്ണി​ൽ അ​വ​ർ നേ​ടി​യി​ട്ടു​ണ്ട് എ​ന്ന​ർ​ഥം. ക​ലാ​പം ക​ത്തി​യാ​ളു​ന്ന ഉ​ത്ത​രേ​ന്ത്യ​ൻ ന​ഗ​ര​ങ്ങ​ളി​ൽ ഒ​ന്നൊ​ഴി​യാ​തെ ദു​രി​താ​ശ്വാ​സ​വും നി​യ​മ​സ​ഹാ​യ​വു​മാ​യി അ​വ​ർ കു​തി​ച്ചെ​ത്തി​യി​ട്ടു​ണ്ട്. വ്യാ​ജ ഏ​റ്റു​മു​ട്ട​ൽ, ആ​ൾ​ക്കൂ​ട്ട​ക്കൊ​ല, ബു​ൾ​ഡോ​സ​ർ​രാ​ജ്, പൗ​ര​ത്വ വി​വേ​ച​നം തു​ട​ങ്ങി​യ മ​നു​ഷ്യാ​വ​കാ​ശ ലം​ഘ​ന​ങ്ങ​ൾ​ക്കെ​തി​രെ ജ​ന​മ​ന​സ്സു​ണ​ർ​ത്താ​നും ചെ​റു​ത്തു​നി​ൽ​പ് ന​ട​ത്താ​നും ഒ​രു​ചെ​റു​സം​ഘ​ത്തി​ന് ചെ​യ്യാ​വു​ന്ന​തി​ന്റെ പ​ര​മാ​വ​ധി അ​വ​ർ നി​ർ​വ​ഹി​ക്കു​ന്നു.

ദു​രി​താ​ശ്വാ​സ പ്ര​വ​ർ​ത്ത​ന​ങ്ങ​ളി​ൽ പു​ല​ർ​ത്തി​യ തു​ല്യ​ത​യും സ​മ​ഭാ​വ​ന​യും ജ​മാ​അ​ത്തെ ഇ​സ്‍ലാ​മി​യെ മ​ത​സം​ഘ​ട​ന​ക​ൾ​ക്കി​ട​യി​ൽ വേ​റി​ട്ട​തും സ​മൂ​ഹ​ങ്ങ​ൾ​ക്കി​ട​യി​ൽ സ്വീ​കാ​ര്യ​വു​മാ​ക്കി. നി​ര​ന്ത​ര ജ​ല​പ്ര​ള​യ​ങ്ങ​ളാ​ൽ മു​റി​വേ​റ്റ ബി​ഹാ​റി​ലെ കോ​സി മേ​ഖ​ല​യി​ലും മ​റ്റും ഭ​ര​ണ​കൂ​ട​വും ജ​ന​പ്ര​തി​നി​ധി​ക​ളും എ​ത്തു​ന്ന​തി​ന് എ​ത്ര​യോ മു​മ്പ് പ്ര​ള​യ​ജ​ലം മു​റി​ച്ചു​ക​ട​ന്ന് ആ​ശ്വാ​സ​പ്ര​വ​ർ​ത്ത​ന​ങ്ങ​ൾ​ക്ക് തു​ട​ക്ക​മി​ട്ടി​രു​ന്നു അ​വ​രു​ടെ അ​ഖി​ലേ​ന്ത്യ നേ​താ​വ് പ്ര​ഫ. സി​ദ്ദീ​ഖ് ഹ​സ​നും സം​ഘ​വും. മ​ഹാ​രാ​ഷ്ട്ര​യി​ലെ​യും ഗു​ജ​റാ​ത്തി​ലെ​യും ഭൂ​ക​മ്പ​​ബാ​ധി​ത പ്ര​ദേ​ശ​ങ്ങ​ളി​ൽ ദു​രി​താ​ശ്വാ​സ​മൊ​രു​ക്കു​മ്പോ​ഴും ബം​ഗാ​ളി​ലെ​യും ബി​ഹാ​റി​ലെ​യും ഗ്രാ​മ​ങ്ങ​ൾ ദ​ത്തെ​ടു​ത്ത് ശ​ക്തി​പ്പെ​ടു​ത്തു​മ്പോ​ഴും പാ​ലി​ച്ച സൂ​ക്ഷ്മ​ത​യും തു​ല്യ​ത​യും ഭ​ര​ണ​കൂ​ട ഭീ​ക​ര​ത​ക്കെ​തി​രെ എ​ഴു​ന്നേ​റ്റു​നി​ൽ​ക്കാ​ൻ കാ​ണി​ച്ച ധീ​ര​ത​യും ഇ​ന്ത്യ​യി​ൽ പ്ര​വ​ർ​ത്ത​ന​ത്തി​ന്റെ ഏ​ഴ​ര​പ​തി​റ്റാ​ണ്ട് പൂ​ർ​ത്തി​യാ​ക്കു​ന്ന ഈ ​സം​ഘ​ട​ന​യു​ടെ ബാ​ല​ൻ​സ് ഷീ​റ്റി​ന് ക​നം​പ​ക​രു​ന്നു.

ജാ​തി​യെ അ​തി​ജ​യി​ക്കാ​ൻ ജ​മാ​അ​ത്തി​നു​മാ​യി​ല്ല

ഇ​ത്ര​യേ​റെ സൂ​ക്ഷ്മ​വും ​​ശ്ര​ദ്ധേ​യ​വു​മാ​യ തൃ​ണ​മൂ​ല​ത​ല പ്ര​വ​ർ​ത്ത​ന​ങ്ങ​ൾ ന​ട​ത്തി​യി​ട്ടും ജ​മാ​അ​ത്തെ ഇ​സ്‍ലാ​മി ഇ​ന്നു​മൊ​രു ബ​ഹു​ജ​ന സം​ഘ​ട​ന​യ​ല്ല. പൊ​തു​സ​മൂ​ഹ​ത്തി​നി​ട​യി​ൽ സ്വീ​കാ​ര്യ​വും ച​ർ​ച്ചാ​വി​ഷ​യ​വു​മാ​കു​മ്പോ​ഴും മു​സ്‍ലിം സ​മു​ദാ​യ​ത്തി​ലെ വ​ലി​യൊ​രു വി​ഭാ​ഗ​ത്തി​നി​ട​യി​ൽ ഇ​​പ്പോ​ഴും ല​യി​ച്ചു​ചേ​രാ​ൻ അ​വ​ർ​ക്കാ​വു​ന്നി​ല്ല. കെ​ട്ടി​ലും മ​ട്ടി​ലും ഏ​റെ ഭം​ഗി​യും വ്യ​ത്യ​സ്ത​ത​ക​ളു​മു​ണ്ടാ​യി​ട്ടും അ​ക​മെ​ന്തെ​ന്ന് ക​യ​റി​ക്കാ​ണാ​ൻ ആ​ളു​ക​ൾ മ​ടി​ക്കു​ന്ന വീ​ടി​നോ​ടാ​ണ് ആ ​അ​വ​സ്ഥ​യെ ഉ​പ​മി​ക്കാ​നാ​വു​ക. എ​തി​ർ​പ്ര​ചാ​ര​ണ​ങ്ങ​ളോ ഭ​ര​ണ​കൂ​ട ഇ​ട​പെ​ട​ലു​ക​ളോ ഒ​ന്നു​മ​ല്ല, ജാ​തി​യെ സം​ബോ​ധ​ന ചെ​യ്യു​ന്ന​തി​ൽ വ​രു​ത്തി​യ വീ​ഴ്ച​യാ​ണ് അ​തി​ന് കാ​ര​ണ​മെ​ന്നാ​ണ് ഞാ​ൻ പ​റ​യു​ക. ഇ​ട​തു​പ​ക്ഷ പാ​ർ​ട്ടി​ക​ൾ വ​രു​ത്തി​യ അ​തേ അ​ബ​ദ്ധം.

തൊ​ഴി​ലി​നും പ​ഠ​ന​ത്തി​നും പ​ദ​വി​ക്കും എ​ന്നു​വേ​ണ്ട കു​ടി​ക്കു​ന്ന വെ​ള്ള​ത്തി​നു​പോ​ലും ജാ​തി എ​ന്ന​ത് ഇ​ന്ത്യ​യി​​ൽ ഒ​രു യാ​ഥാ​ർ​ഥ്യ​മാ​ണ്. ഇ​സ്‍ലാ​മി​ൽ ജാ​തീ​യ​ത​യോ വം​ശീ​യ​ത​യോ ഇ​ല്ലെ​ന്നു വ​രി​കി​ലും ഇ​ന്ത്യ​ൻ മു​സ്‍ലിം ജീ​വി​തം അ​തി​ൽ​നി​ന്ന് മു​ക്ത​മ​ല്ല. ര​ണ്ടാം ന​വോ​ത്ഥാ​ന​മാ​യ ഗ​ൾ​ഫ് കു​ടി​യേ​റ്റ​വും അ​ധി​കാ​ര-​വി​ദ്യാ​ഭ്യാ​സ മേ​ഖ​ല​ക​ളി​ലെ പ​ങ്കാ​ളി​ത്ത​വും​വ​ഴി ജാ​തി​യെ ഒ​രു​പ​രി​ധി വ​രെ (പൂ​ർ​ണ​മാ​യി എ​ന്നു പ​റ​യാ​നാ​വി​ല്ല) മ​റി​ക​ട​ന്ന കേ​ര​ള മു​സ്‍ലിം പ​രി​സ​ര​ങ്ങ​ളി​ൽ​നി​ന്ന് ചി​ന്തി​ച്ചാ​ൽ ഒ​രു​പ​ക്ഷേ ഇ​ത് ബോ​ധ്യ​മാ​വ​ണ​മെ​ന്നി​ല്ല. ഞ​ങ്ങ​ൾ മേ​ൽ​ജാ​തി​യാ​ണ് എ​ന്ന് വി​ശ്വ​സി​ക്കു​ക​യും അ​ഭി​മാ​ന​പു​ര​സ​രം പ​റ​യു​ക​യും കീ​ഴ്ജാ​തി മു​സ്‍ലിം​ക​​ളോ​ട് അ​വ​ജ്ഞ​യോ​ടും അ​വ​ഗ​ണ​ന​യോ​ടും​കൂ​ടി ഇ​ട​പ​ഴ​കു​ക​യും ചെ​യ്യു​ന്ന മു​സ്‍ലിം ബ്രാ​ഹ്മ​ണ്യം ഇ​ന്ത്യ​യി​ൽ, വി​ശി​ഷ്യ ഉ​ത്ത​രേ​ന്ത്യ​യി​ലു​ണ്ട്. ഇ​സ്‍ലാം ആ​ശ്ലേ​ഷ​ണം ക​ഴി​ഞ്ഞ് ത​ല​മു​റ​ക​ൾ​ക്കു​ശേ​ഷ​വും രാ​ത്തോ​ഡ്, ചൗ​ധ​രി, ര​ജ​പു​ത്​ എ​ന്നി​ങ്ങ​നെ പൂ​ർ​വാ​ശ്ര​മ​ത്തി​ലെ ജാ​തി​യും പേ​റി ന​ട​ക്കു​ന്ന സ​യ്യി​ദ്, അ​ശ്​​റ​ഫി മു​സ്‍ലിം​ക​ൾ​ക്കാ​ണ് അ​ധി​കാ​ര​കേ​ന്ദ്ര​ങ്ങ​ളി​ലും രാ​ഷ്ട്രീ​യ പാ​ർ​ട്ടി​ക​ളി​ലു​മെ​ല്ലാ​മെ​ന്ന​തു പോ​ലെ മു​സ്‍ലിം സം​ഘ​ട​ന​ക​ളു​ടെ നേ​തൃ​സ്ഥാ​ന​ങ്ങ​ളി​ലും മേ​ൽ​ക്കൈ. ദ​ലി​ത്-​പി​ന്നാ​ക്ക സ​മൂ​ഹ​ങ്ങ​ളി​ൽ​നി​ന്ന് ഇ​സ്‍ലാം ആ​ശ്ലേ​ഷി​ച്ച ജ​ന​ത പി​ന്നാ​ക്ക​ക്കാ​രാ​യി തു​ട​രു​ന്നു. നെ​യ്ത്തു​ജോ​ലി ചെ​യ്തി​രു​ന്ന​വ​രു​ടെ പി​ന്മു​റ​ക്കാ​ർ അ​ൻ​സാ​രി മു​സ്‍ലിം​ക​ളും തോ​ട്ടി​പ്പ​ണി ചെ​യ്യു​ന്ന​വ​ർ ഹ​ലാ​ൽ​ഖോ​റു​ക​ളു​മാ​യി ജീ​വി​ക്കു​ന്നു. ദ​ലി​ത് സ​മൂ​ഹ​ത്തെ​ക്കാ​ൾ പ​തി​ത​ർ എ​ന്നാ​ണ് സ​ച്ചാ​ർ സ​മി​തി, പ​സ്മ​ന്ദ​ക​ൾ എ​ന്ന​റി​യ​പ്പെ​ടു​ന്ന ദ​ലി​ത് മു​സ്‍ലിം​ക​ളെ​ക്കു​റി​ച്ച് പ​റ​ഞ്ഞ​ത്.

രാ​ജ്യ​ത്ത് അ​തി​ക്ര​മ​ത്തി​നി​ര​യാ​വു​ന്ന ദ​ലി​ത് പി​ന്നാ​ക്ക സ​മൂ​ഹ​ങ്ങ​ളോ​ട് ഐ​ക്യ​പ്പെ​ടാ​നും ജാ​തി എ​ന്ന തൂ​മ്പ​യെ തൂ​മ്പ എ​ന്നു വി​ളി​ക്കാ​നും മു​ന്നോ​ട്ടു​വ​രു​ന്ന മു​സ്‍ലിം സം​ഘ​ട​ന​ക​ൾ സ്വ​സ​മൂ​ഹ​ത്തി​ലെ ജാ​തി ചി​ന്ത​ക്കെ​തി​രെ ശ​ബ്ദി​ക്കാ​നു​ള്ള ബു​ദ്ധി​പ​ര​മാ​യ സ​ത്യ​സ​ന്ധ​ത കാ​ണി​ച്ചി​ട്ടി​ല്ല, ജ​മാ​അ​ത്തെ ഇ​സ്‍ലാ​മി ഹി​ന്ദി​നും ഇ​ക്കാ​ര്യ​ത്തി​ൽ വ്യ​ത്യ​സ്ത​ത അ​വ​കാ​ശ​പ്പെ​ടാ​നാ​വി​ല്ല. പാ​ണ്ഡി​ത്യ​ത്തി​ന്റെ അ​തു​ല്യ​ത കൊ​ണ്ട് ഡോ. ​എം. അ​ബ്ദു​ൽ​ഹ​ഖ് അ​ൻ​സാ​രി അ​ഖി​ലേ​ന്ത്യ അ​ധ്യ​ക്ഷ​പ​ദ​ത്തി​ലെ​ത്തി​യ​ത് കാ​ണാ​തെ​യ​ല്ല ഈ ​വി​മ​ർ​ശ​നം.

പ​സ്മാ​ന്ദ സ​മൂ​ഹ​ത്തി​ൽ​നി​ന്ന് ഉ​യ​ർ​ന്നു​വ​ന്ന അ​ലി അ​ൻ​വ​ർ അ​ൻ​സാ​രി​യെ​പ്പോ​ലു​ള്ള നേ​താ​ക്ക​ൾ തു​ല്യ​ത​ക്കും അ​വ​കാ​ശ സം​ര​ക്ഷ​ണ​ത്തി​നു​മാ​യി ന​ട​ത്തി​യ പോ​രാ​ട്ട​ങ്ങ​ളെ പി​ന്തു​ണ​ച്ച് മാ​റ്റ​ത്തി​ന് വ​ഴി​തു​റ​ക്കാ​ൻ ജ​മാ​അ​ത്തെ ഇ​സ്‍ലാ​മി​ക്ക് സാ​ധി​ക്കു​മാ​യി​രു​ന്നു. ദ​ലി​ത് മു​സ് ലിം​ക​ൾ​ക്ക് സം​വ​ര​ണം ശി​പാ​ർ​ശ ചെ​യ്ത ജ​സ്റ്റി​സ് രം​ഗ​നാ​ഥ മി​ശ്ര​യും മ​ണ്ഡ​ൽ ക​മീ​ഷ​ൻ റി​പ്പോ​ർ​ട്ട് ന​ട​പ്പാ​ക്കാ​ൻ ആ​ർ​ജ​വ​പ്പെ​ട്ട വി.​പി. സി​ങ്ങും പ​സ്മാ​ന്ദ​ക​ൾ​ക്ക് പാ​ർ​ട്ടി​യി​ൽ മാ​ന്യ​മാ​യ ഇ​രി​പ്പി​ട​ങ്ങ​ൾ ന​ൽ​കി​യ നി​തീ​ഷ് കു​മാ​റും പു​ല​ർ​ത്തി​യ സ​ഹ​ജ​ഭാ​വം​പോ​ലും മു​സ്‍ലിം നേ​താ​ക്ക​ളും ധൈ​ഷ​ണി​ക​രും പ്ര​ക​ടി​പ്പി​ച്ചി​ല്ല. രാ​ജ്യ​ത്തെ ഏ​റ്റ​വും വ​ലി​യ മു​സ്‍ലിം സം​ഘ​ട​ന​യാ​യ ജം​ഇ​യ്യ​തു​ൽ ഉ​ല​മാ​യെ ഹി​ന്ദ് ദ​ലി​ത് മു​സ്‍ലി​ക​ൾ ഒ​രു യാ​ഥാ​ർ​ഥ്യ​മാ​ണെ​ന്ന് വ​ർ​ഷ​ങ്ങ​ൾ​ക്കി​പ്പു​റം തു​റ​ന്നു​സ​മ്മ​തി​ച്ചു. അ​പ്പോ​ഴേ​ക്ക് പ​സ്മാ​ന്ദ​ക​ളെ പാ​ട്ടി​ലാ​ക്കാ​നു​ള്ള ക​ർ​മ​പ​ദ്ധ​തി​ക​ളു​മാ​യി പാ​തി​ദൂ​രം താ​ണ്ടി​യി​രി​ക്കു​ന്നു, മോ​ദി സ​ർ​ക്കാ​റും സം​ഘ്പ​രി​വാ​റും. സ്ത്രീ​വി​ദ്യാ​ഭ്യാ​സ​ത്തി​ന് പ്രാ​മു​ഖ്യം ന​ൽ​കാ​നും സ്ത്രീ​ക​ൾ​ക്ക് സം​ഘ​ട​ന​യി​ലും സ​മ്മേ​ള​ന​വേ​ദി​യി​ലും മു​ൻ​നി​ര​യി​ൽ സ്ഥാ​നം ന​ൽ​കാ​നും ജ​മാ​അ​ത്ത് പു​ല​ർ​ത്തി​യ ശ്ര​ദ്ധ ശു​ഭോ​ദ​ർ​ക്ക​മാ​ണ്. എ​ന്നാ​ൽ, ജ​സ്റ്റി​സ് വ​ർ​മ ക​മീ​ഷ​നു​മു​ന്നി​ൽ സ​മ​ർ​പ്പി​ച്ച​തു​പോ​ലെ, ബ​ലാ​ത്സം​ഗ​ക്കു​റ്റ​ങ്ങ​ൾ ത​ട​യാ​ൻ ആ​ൺ​കു​ട്ടി​ക​ൾ​ക്കും പെ​ൺ​കു​ട്ടി​ക​ൾ​ക്കും വെ​വ്വേ​റെ വി​ദ്യാ​ല​യ​ങ്ങ​ൾ വേ​ണ​മെ​ന്ന മ​ട്ടി​ലു​ള്ള നി​ല​പാ​ടു​ക​ൾ ഈ ​സം​ഘ​ട​ന​യെ ഒ​രു ഉ​ത്ത​രേ​ന്ത്യ​ൻ മു​ല്ല സം​ഘ​ട​ന​യാ​യി ചു​രു​ക്കു​ന്നി​ല്ലേ?

എ​ണ്ണ​ബ​ല​ത്തി​ൽ ഒ​പ്പ​മെ​ത്തി​ല്ലെ​ങ്കി​ലും മാ​ധ്യ​മ, സ​മൂ​ഹ​മാ​ധ്യ​മ ഇ​ട​പെ​ട​ലു​ക​ളി​ൽ കേ​ര​ള​ത്തി​ലെ​ങ്കി​ലും വി​വി​ധ രാ​ഷ്ട്രീ​യ പാ​ർ​ട്ടി​ക​ളു​ടെ സം​വി​ധാ​ന​ങ്ങ​ളോ​ട് കി​ട​പി​ടി​ക്കാ​ൻ ജ​മാ​അ​ത്തെ ഇ​സ്‍ലാ​മി​ക്ക് സാ​ധി​ക്കു​ന്നു​ണ്ട്. മ​റ്റു പ​ല പാ​ർ​ട്ടി​ക​ൾ​ക്കു​മു​ള്ള​തു​പോ​ലെ സ്വ​യം​പ്ര​ഖ്യാ​പി​ത സ​മൂ​ഹ​മാ​ധ്യ​മ പോ​രാ​ളി​ക​ളും അ​വ​ർ​ക്കു​ണ്ട്. ജ​മാ​അ​ത്തി​ന്റെ പ്ര​ത്യേ​ക​ത​ക​ളി​ൽ ഒ​ന്നാ​യി ഈ ​കു​റി​പ്പി​ന്റെ തു​ട​ക്ക​ത്തി​ൽ എ​ണ്ണി​യ സം​വാ​ദ​ത്തി​ലെ സൂ​ക്ഷ്മ​ത​യും മാ​ന്യ​ത​യും പാ​ലി​ക്കു​ന്ന​തി​ൽ ഇ​ക്കൂ​ട്ട​ർ അ​മ്പേ പ​രാ​ജ​യ​മാ​ണെ​ന്ന​ത് പ​റ​യാ​തി​രി​ക്കാ​നാ​വി​ല്ല.

●