കോ​ട്ട അ​ക​ത്തു​നി​ന്നു പൊ​ളി​ക്കു​ന്ന ക​മ്യൂ​ണി​സ്റ്റു​ക​ൾ

ബംഗാളിൽ എ​സ്.​എ​ഫ്.​ഐ ചാ​​വേ​റാ​യി തു​ട​ങ്ങി ഡി.​വൈ.​എ​ഫ്​.​​ഐ​യി​ലും പാ​ർ​ട്ടി​യി​ലും അം​ഗ​മാ​യി 2011 വ​രെ പ്ര​വ​ർ​ത്തി​ച്ച സു​ർ​ജ്യ ഭൗ​മി​ക്​ എ​ഴു​തിയ Gangster State: The Rise and Fall of the CPI(M) വാ​യി​ക്കു​മ്പോ​ൾ കേ​ര​ളം അ​നു​ഭ​വി​ച്ചു​കൊ​ണ്ടി​രി​ക്കു​ന്ന ക​മ്യൂ​ണി​സ്റ്റ്​ പ​രീ​ക്ഷ​ണ​ത്തി​ന്‍റെ ദു​ര​നു​ഭ​വ​പ്പ​ക​ർ​പ്പു​ക​ൾ കാ​ണാം

‘‘കോ​ട്ട പി​ടി​ച്ച​ട​ക്കാ​നു​ള്ള എ​ളു​പ്പ​മാ​ർ​ഗം അ​തി​നു​ള്ളി​ൽ​നി​ന്നു​ള്ള അ​ട്ടി​മ​റി​യാ​ണ്. അ​തി​നാ​ൽ, നാം ​ഒ​രു​നി​ല​ക്കും സ്വ​യം ന​ശി​പ്പി​ക്ക​രു​ത്. അ​ഴി​മ​തി​ക്കാ​ർ ഫ​ല​പ്ര​ദ​മാ​യി ശി​ക്ഷി​ക്ക​പ്പെ​ട്ടി​ല്ലെ​ങ്കി​ൽ ന​മ്മു​ടെ പാ​ർ​ട്ടി​ക്ക്​ ജ​ന​ങ്ങ​ളു​ടെ വി​ശ്വാ​സ​വും പി​ന്തു​ണ​യും ന​ഷ്ട​പ്പെ​ടും’’ -സോ​ഷ്യ​ലി​സ്റ്റ്​ വ്യ​വ​സ്ഥ ത​ക​ർ​ന്ന 10 ക​മ്യൂ​ണി​സ്റ്റ്​ രാ​ജ്യ​ങ്ങ​ളി​ലെ പാ​ർ​ട്ടി​ക​ളു​ടെ കു​മ്പ​സാ​ര സ​മാ​ഹാ​ര​ത്തി​ൽ​നി​ന്നു​ള്ള​താ​ണ്​ ഈ ​വ​രി​ക​ൾ. സോ​വി​യ​റ്റ്​ യൂ​നി​യ​നി​ലും കി​ഴ​ക്ക​ൻ യൂ​റോ​പ്യ​ൻ രാ​ജ്യ​ങ്ങ​ളി​ലും സോ​ഷ്യ​ലി​സ്റ്റ്​ വ്യ​വ​സ്ഥ ത​ക​രാ​ൻ കാ​ര​ണം സോ​ഷ്യ​ലി​സ​ത്തി​ന്‍റെ അ​ടി​സ്ഥാ​ന​​പ്ര​മാ​ണ​ങ്ങ​ൾ​ക്ക്​ സം​ഭ​വി​ച്ച പി​ശ​ക​ല്ലെ​ന്നും അ​ത്​ ന​ട​പ്പാ​ക്കി​യ​തി​ലെ പി​ശ​കാ​ണെ​ന്നു​മാ​ണ്​ സി.​പി.​എം കാ​ഴ്ച​പ്പാ​ട്. ആ ​പാ​ളി​ച്ച​ക​ൾ ഇ​ന്ത്യ​യി​ൽ ആ​വ​ർ​ത്തി​ക്കാ​തി​രി​ക്കാ​ൻ ​തോ​റ്റ ക​മ്യൂ​ണി​സ്റ്റു​ക​ളു​ടെ സ്വ​യം വി​ല​യി​രു​ത്ത​ലു​ക​ൾ ശേ​ഖ​രി​ക്കാ​ൻ പാ​ർ​ട്ടി തീ​രു​മാ​നി​ച്ചു.

പ​ശ്ചി​മ ബം​ഗാ​ൾ ഘ​ട​ക​ത്തി​നാ​യി​രു​ന്നു ചു​മ​ത​ല. ചൈ​ന​യ​ട​ക്കം 10 രാ​ജ്യ​ങ്ങ​ളി​​ലെ പാ​ർ​ട്ടി​രേ​ഖ​ക​ളാ​ണ്​ സ​മാ​ഹ​രി​ച്ച​ത്. 1998ൽ ​സി.​പി.​എം ജ​ന​റ​ൽ സെ​ക്ര​ട്ട​റി​യാ​യി​രു​ന്ന ഹ​ർ​കി​ഷ​ൻ സി​ങ്​ സു​ർ​ജി​തി​ന്‍റെ ആ​മു​ഖ​ക്കു​റി​യോ​ടെ ഇ​ന്ത്യ​യി​ലെ സ​ഖാ​ക്ക​ൾ​ക്കു​ള്ള ആ ​പാ​ഠ​പു​സ്ത​കം പു​റ​ത്തി​റ​ക്കി. ‘ക​മ്യൂ​ണി​സ്റ്റ്​ പാ​ർ​ട്ടി​ക​ളു​ടെ സ​മ​കാ​ലീ​ന രേ​ഖ​ക​ൾ’ എ​ന്ന പേ​രി​ൽ ‘ചി​ന്ത’ ഇ​റ​ക്കി​യ മ​ല​യാ​ളം പ​തി​പ്പി​ന്​ അ​ന്ന​ത്തെ സം​സ്ഥാ​ന സെ​ക്ര​ട്ട​റി, ഇ​ന്ന​ത്തെ മു​ഖ്യ​മ​ന്ത്രി, പി​ണ​റാ​യി വി​ജ​യ​നാ​ണ്​ മു​ഖ​ക്കു​റി​യെ​ഴു​തി​യ​ത്. ക​മ്യൂ​ണി​സ്റ്റു​ക​ൾ സാ​ർ​വ​ദേ​ശീ​യ കാ​ഴ്ച​പ്പാ​ടി​ൽ വി​ല​യി​രു​ത്ത​ലു​ക​ൾ ന​ട​ത്തേ​ണ്ട​വ​ർ (മു​സ്​​ലിം​ക​ൾ​ക്ക്​ ആ ​കാ​ഴ്ച​പ്പാ​ട് ‘ഹ​റാം’ ആ​ണെ​ന്നും പി​ണ​റാ​യി) ആ​യ​തി​നാ​ൽ, തി​രി​ച്ച​ടി നേ​രി​ട്ട ശേ​ഷം തെ​റ്റു​തി​രു​ത്ത​ലി​ൽ വ്യാ​പൃ​ത​രാ​യ ആ​ഗോ​ള ക​മ്യൂ​ണി​സ്റ്റ്​ പാ​ർ​ട്ടി​ക​ളു​ടെ കു​മ്പ​സാ​രം അ​വ​രും അ​വ​രെ​ക്കു​റി​ച്ച്​ അ​റി​യേ​ണ്ട​വ​രും വാ​യി​ക്ക​ണ​മെ​ന്ന്​ അ​ദ്ദേ​ഹം​ ഉ​പ​ദേ​ശി​ക്കു​ന്നു.

ഇ​ന്ത്യ​ക്ക്​ സ്വാ​ത​ന്ത്ര്യം കി​ട്ടി​യോ ഇ​ല്ലേ, സ്വാ​ത​ന്ത്ര്യാ​ന​ന്ത​ര ഇ​ന്ത്യ​ൻ ഭ​ര​ണ​കൂ​ടം സാ​മ്രാ​ജ്യ​ത്വ​ത്തി​ന്‍റെ വാ​ലാ​ട്ടി​ക​ളാ​യ​തി​നാ​ൽ അ​വ​രെ സാ​യു​ധ​മാ​യി അ​ട്ടി​മ​റി​ക്കു​ന്ന​ത്​ എ​ങ്ങ​നെ, ചൈ​ന ഇ​ന്ത്യ​യെ ആ​ക്ര​മി​ക്കു​മ്പോ​ൾ ഇ​ന്ത്യ​യി​ലെ ക​മ്യൂ​ണി​സ്റ്റു​ക​ൾ രാ​ജ്യ​ത്തി​നൊ​പ്പ​മോ ചൈ​ന​ക്കൊ​പ്പ​മോ നി​ൽ​ക്കേ​ണ്ട​ത്​ എ​ന്നി​വ​യി​ലൊ​ക്കെ സ​ഖാ​ക്ക​ൾ സാ​ർ​വ​ദേ​ശീ​യ വി​ദ്യ തേ​ടി​യി​രു​ന്ന​ത്​ ​ചൈ​ന​യി​ൽ​നി​ന്നാ​യി​രു​ന്ന​തി​നാ​ലാ​വ​ണം ആ​ദ്യ​പാ​ഠം ചൈ​നീ​സ്​ ക​മ്യൂ​ണി​സ്റ്റ്​ പാ​ർ​ട്ടി​യു​ടേ​താ​ണ്. മു​ക​ളി​ൽ പ​റ​ഞ്ഞ ‘കോ​ട്ട​ക്ക​ക​ത്തു​നി​ന്നു​ള്ള അ​ട്ടി​മ​റി’ മു​ന്ന​റി​യി​പ്പു ന​ൽ​കി​യ​ത്​ ചൈ​നീ​സ്​ ക​മ്യൂ​ണി​സ്റ്റ്​ പാ​ർ​ട്ടി​യാ​ണ്. അ​തി​നാ​യി കേ​ഡ​റു​ക​ൾ​ക്ക്​ അ​ച്ച​ട​ക്ക​ത്തി​ന്‍റെ 31 ഉ​ഗ്ര​ശാ​സ​ന​ങ്ങ​ളും ന​ൽ​കി. അ​തി​ലൊ​രെ​ണ്ണ​വും ക​മ്യൂ​ണി​സ്റ്റു​ക​ളെ തീ​ണ്ടാ​ൻ പാ​ടി​ല്ലെ​ന്നാ​യി​രു​ന്നു ചൈ​നീ​സ്​ ശാ​സ​ന. സ്വ​ർ​ണ​ക്ക​ട​ത്ത്, പൊ​ലീ​സി​ലെ ആ​ർ.​എ​സ്.​എ​സ്​ സ്വാ​ധീ​നം, എ.​ഡി.​എം ആ​ത്മ​ഹ​ത്യ, ‘പാ​വ​പ്പെ​ട്ട സ​ഹ​ക​ര​ണ ജീ​വ​ന​ക്കാ​ര​ന്‍റെ’ പെ​​ട്രോ​ൾ ബ​ങ്ക്​ തു​ട​ങ്ങി കേ​ര​ള​ത്തി​​ലെ സി.​പി.​എം ​കോ​ട്ട​ക്ക​ക​ത്ത് ദി​നേ​ന ത​ഴ​ച്ചു​വ​ള​രു​ന്ന വി​വാ​ദ​ങ്ങ​ളു​ടെ പ​ശ്ചാ​ത്ത​ല​ത്തി​ൽ ആ 31 ​ക​മ്യൂ​ണി​സ്റ്റ് ശാ​സ​ന​ങ്ങ​ൾ വാ​യി​ക്കേ​ണ്ട​തു​ത​ന്നെ. ബി​സി​ന​സ്​ ന​ട​ത്താ​ൻ അ​നു​വ​ദി​ക്കി​ല്ല എ​ന്ന​താ​ണ്​ ഒ​ന്നാം ക​ൽ​പ​ന.

ജീ​വി​ത​പ​ങ്കാ​ളി, മ​ക്ക​ൾ, ബ​ന്ധു​ക്ക​ൾ എ​ന്നി​വ​രു​ടെ ബി​സി​ന​സ്​ പ്ര​വ​ർ​ത്ത​ന​ങ്ങ​ൾ​ക്ക്​/​വീ​ടു​വാ​ങ്ങാ​ൻ വി​വേ​ച​ന​പ​ര​മാ​യ ആ​നു​കൂ​ല്യ​ങ്ങ​ൾ ന​ൽ​കു​ന്ന​തി​ന്​ അ​ധി​കാ​ര ദു​ർ​വി​നി​യോ​ഗം അ​നു​വ​ദി​ക്കി​ല്ല, വ്യ​ക്തി​​പ്ര​ധാ​ന സ​ന്ദ​ർ​ഭ​ങ്ങ​ൾ പൊ​തു​പ​ണം ഉ​പ​യോ​ഗി​ച്ച്​ ​കൈ​കാ​ര്യം ചെ​യ്യാ​ൻ അ​നു​വ​ദി​ക്കി​ല്ല, പൊ​തു​പ​ണം ഉ​പ​യോ​ഗി​ച്ച്​ സ്വ​ന്ത​മാ​യോ കു​ടും​ബാം​ഗ​ങ്ങ​ൾ​ക്കോ വേ​ണ്ടി വീ​ടു വാ​ങ്ങാ​നോ നി​ർ​മി​ക്കാ​നോ ബി​സി​ന​സ്​ പ്ര​വ​ർ​ത്ത​ന​ങ്ങ​ളി​ൽ ഏ​ർ​പ്പെ​ടാ​നോ അ​നു​വ​ദി​ക്കി​ല്ല, പൊ​തു​പ​ണം ഉ​പ​യോ​ഗി​ച്ച്​ വി​വി​ധ ക്ല​ബ്​ അം​ഗ​ത്വം നേ​ടാ​നോ ഗാ​ന​ശാ​ല, നാ​ട​ക​ശാ​ല, നി​ശാ​ക്ല​ബു​ക​ൾ എ​ന്നി​വ​യി​ലെ വി​നോ​ദ​പ​രി​പാ​ടി​ക​ളി​ൽ പ​​ങ്കെ​ടു​ക്കാ​ൻ അ​നു​വ​ദി​ക്കി​ല്ല, പൊ​തു​പ​ണം ഉ​​പ​യോ​ഗി​ച്ചോ അം​ഗീ​കാ​ര​മി​ല്ലാ​തെ പൊ​തു​വാ​ഹ​ന​ങ്ങ​ൾ ഉ​പ​യോ​ഗി​ച്ചോ ഡ്രൈ​വി​ങ്​ പ​ഠി​ക്കാ​ൻ അ​നു​വ​ദി​ക്കി​ല്ല എ​ന്നി​ങ്ങ​നെ പോ​കു​ന്നു പി​ണ​റാ​യി കേ​ഡ​ർ​മാ​ർ​ക്ക്​ ചൊ​ല്ലി​പ്പ​ഠി​ക്കാ​ൻ ന​ൽ​കി​യ അ​രു​ത്​ ക​ൽ​പ​ന​ക​ൾ.

സി.​പി.​എം പ്ര​സി​ദ്ധീ​ക​രി​ച്ച ഈ ​തി​രു​ത്ത​ൽ ​​രേ​ഖ പ​ന്തീ​രാ​ണ്ടു കൊ​ല്ലം വാ​യി​ച്ചി​ട്ടും ലോ​ക​ത്ത്​ ഏ​റ്റ​വും ദീ​ർ​ഘ​കാ​ലം അ​ധി​കാ​ര​ത്തി​ലി​രു​ന്ന ക​മ്യൂ​ണി​സ്റ്റ്​ ഗ​വ​ൺ​മെ​ന്‍റ്​ (ഭ​ര​ണ​കൂ​ടം അ​ല്ല, അ​ത്​ ഇ.​എം.​എ​സ്​ പ​റ​ഞ്ഞ​തു​പോ​ലെ മി​ത​വാ​ദ പാ​ർ​ല​മെ​ന്‍റ​റി പ്ര​വ​ർ​ത്ത​നം വ​ഴി​യ​ല്ല, ജ​ന​കീ​യ സാ​യു​ധ അ​ട്ടി​മ​റി വി​പ്ല​വ​ത്തി​ലൂ​ടെ​യാ​ണ​ല്ലോ വ​രേ​ണ്ട​ത്) പ​ശ്ചി​മ ബം​ഗാ​ളി​ൽ 2011ൽ ​നി​ലം​പൊ​ത്തി. 34 വ​ർ​ഷം നീ​ണ്ട സി.​പി.​എം ഭ​ര​ണ​ത്തി​​ന്‍റെ പ​ത​ന​കാ​ര​ണം, പ​ഠി​ക്കാ​തെ​പോ​യ കു​മ്പ​സാ​ര​പു​സ്ത​ക​ത്തി​ൽ പ​റ​ഞ്ഞ​തു​ത​ന്നെ​യെ​ന്ന്​ പ​രാ​ജി​ത മു​ഖ്യ​മ​ന്ത്രി ബു​ദ്ധ​ദേ​വ്​ ഭ​ട്ടാ​ചാ​ര്യ 2011 ഡി​സം​ബ​ർ 18ന്​ ​കൊ​ൽ​ക്ക​ത്ത​ക്കു സ​മീ​പം കൃ​ഷ്ണ​ന​ഗ​റി​ൽ പ്ര​വ​ർ​ത്ത​ക​രു​ടെ മു​ന്നി​ൽ ഏ​റ്റു​പ​റ​ഞ്ഞു. ‘‘പാ​ർ​ട്ടി​യു​മാ​യി ബ​ന്ധ​പ്പെ​ട്ട ചി​ല​യാ​ളു​ക​ൾ അ​തി​നെ പ​ണ​മു​ണ്ടാ​ക്കാ​നു​ള്ള വേ​ദി​യാ​യി ക​ണ്ടു. അ​തി​നാ​ണ്​ ജ​നം ഞ​ങ്ങ​ളെ ശി​ക്ഷി​ച്ച​തും വ​ലി​ച്ചെ​റി​ഞ്ഞ​തും. ഭ​യ​ലേ​ശം കൂ​ടാ​തെ ഈ ​ഭൂ​ത​ഗ​ണ​​ങ്ങ​ളെ പാ​ർ​ട്ടി​യി​ൽ​നി​ന്നു നീ​ക്ക​ണം. അ​വ​രെ നീ​ക്കി​യ​തു​കൊ​ണ്ട്​ പാ​ർ​ട്ടി​​ക്ക്​ ഒ​രു ചു​ക്കും വ​രി​ല്ല. മു​ഷി​ഞ്ഞ ല​ളി​ത​വേ​ഷം ധ​രി​ച്ച്, ല​ളി​ത​ജീ​വി​ത​വു​മാ​യി പാ​ർ​ട്ടി​യെ സേ​വി​ക്കു​ന്ന ആ​യി​ര​ക്ക​ണ​ക്കി​ന് അം​ഗ​ങ്ങ​ൾ പാ​ർ​ട്ടി​ക്കു​ണ്ട്. അ​വ​രാ​ണ്​ പാ​ർ​ട്ടി​യു​ടെ അ​ഭി​മാ​നം’’ -പാ​ർ​ട്ടി പ്ര​വ​ർ​ത്ത​ക​രു​ടെ യോ​ഗ​ത്തി​ൽ അ​ദ്ദേ​ഹം ഏ​റ്റു​പ​റ​ഞ്ഞു. ആ ​ലാ​ളി​ത്യം പ​ക​ർ​ത്താ​ൻ മു​ന്നി​ൽ നി​ന്നി​ട്ടും ബം​ഗാ​ളി​ൽ ക​മ്യൂ​ണി​സ്റ്റ്​ പാ​ർ​ട്ടി​യു​ടെ ഗോ​ർ​ബ​ച്ചേ​വ്​ ആ​കാ​നാ​യി​രു​ന്നു ബു​ദ്ധ​ദാ​യു​ടെ വി​ധി.

മൂ​ന്ന​ര പ​തി​റ്റാ​ണ്ട്​ ഭ​രി​ച്ച പ​ശ്ചി​മ ബം​ഗാ​ളി​ൽ സി.​പി.​എം സ​ർ​ക്കാ​റി​​നെ ജ​നം തി​രി​ച്ചു​വ​രാ​നാ​കാ​ത്ത വി​സ്മൃ​തി​യി​ലേ​ക്ക്​ എ​ടു​ത്തെ​റി​ഞ്ഞ​തി​ന്‍റെ കാ​ര​ണം കൊ​ൽ​ക്ക​ത്ത​യി​ലെ പ്ര​ശ​സ്ത​മാ​യ പ്ര​സി​ഡ​ൻ​സി കോ​ള​ജി​ൽ എ​സ്.​എ​ഫ്.​ഐ ചാ​​വേ​റാ​യി തു​ട​ങ്ങി ഡി.​വൈ.​എ​ഫ്​.​​ഐ​യി​ലും പാ​ർ​ട്ടി​യി​ലും അം​ഗ​മാ​യി 2011 വ​രെ പ്ര​വ​ർ​ത്തി​ച്ച സു​ർ​ജ്യ ഭൗ​മി​ക്​ എ​ഴു​തി മൂ​ന്നു വ​ർ​ഷം മു​മ്പ്​ പ്ര​സി​ദ്ധീ​ക​രി​ച്ച Gangster State: The Rise and Fall of the CPI(M) വി​ശ​ദീ​ക​രി​ക്കു​ന്നു​ണ്ട്. ത​ന്‍റെ​യും ഏ​രി​യ ക​മ്മി​റ്റി മു​ത​ൽ സം​സ്ഥാ​ന ക​മ്മി​റ്റി​യി​ലെ​യും പോ​ളി​റ്റ്​ ബ്യൂ​റോ​യി​ലെ​യും വ​രെ സ​ഖാ​ക്ക​ളു​​ടെ​യും അ​നു​ഭ​വ​ങ്ങ​ളി​ലൂ​ടെ​യും സ​ഞ്ച​രി​ക്കു​ന്ന ആ ​കൃ​തി വാ​യി​ക്കു​മ്പോ​ൾ കേ​ര​ളം അ​നു​ഭ​വി​ച്ചു​കൊ​ണ്ടി​രി​ക്കു​ന്ന ക​മ്യൂ​ണി​സ്റ്റ്​ പ​രീ​ക്ഷ​ണ​ത്തി​ന്‍റെ ദു​ര​നു​ഭ​വ​പ്പ​ക​ർ​പ്പു​ക​ൾ കാ​ണാം. സോ​ഷ്യ​ലി​സ​ത്തി​ന്‍റെ നീ​തി​സ​മൂ​ഹ​ത്തി​ലേ​ക്ക്​ ക​ർ​ഷ​ക​രെ​യും ​തൊ​ഴി​ലാ​ളി​ക​​ളെ​യും വി​ളി​ച്ചു​കൂ​ട്ടി​യ നേ​താ​ക്ക​ൾ ബം​ഗാ​ളി​നെ ‘ഗാ​ങ്​​സ്റ്റ​ർ സ്റ്റേ​റ്റ്​’ ആ​ക്കി മാ​റ്റി​യ വി​ധം ഭൗ​മി​ക്​ ഇ​ച്ഛാ​ഭം​ഗ​ത്തോ​ടെ വി​ശ​ദീ​ക​രി​ക്കു​മ്പോ​ൾ കേ​ര​ള​ത്തി​​ലെ മാ​ർ​ക്സി​സ്റ്റു​ക​ളു​ടെ​യും ഗ​തി എ​ങ്ങോ​ട്ട്​ എ​ന്നു കൃ​ത്യ​മാ​യി ബോ​ധ്യ​പ്പെ​ടും.

ലോ​ക​ത്ത്​ ആ​ദ്യ​മാ​യി ക​മ്യൂ​ണി​സ്റ്റ്​ ഗ​വ​ൺ​മെ​ന്‍റ്​ കേ​ര​ള​ത്തി​ൽ അ​ധി​കാ​ര​മേ​റ്റ​പ്പോ​ൾ​ത​ന്നെ ഒ​രു ജ​നാ​ധി​പ​ത്യ​ക്ര​മ​ത്തി​ലെ അ​തി​ന്‍റെ ബാ​ലാ​രി​ഷ്ട​ത​ക​ളും പ​രി​മി​തി​ക​ളും ​വെ​ളി​​പ്പെ​ട്ട​താ​ണ്​; അ​തു പ​ര​സ്യ​മാ​യി സ​മ്മ​തി​ച്ചു​ത​രാ​ൻ ഇ.​എം.​എ​സ്​ ന​മ്പൂ​തി​രി​പ്പാ​ട്​ മു​ത​ൽ പി​ണ​റാ​യി വ​രെ​യു​ള്ള​വ​ർ ത​യാ​റ​ല്ലെ​ങ്കി​ലും. ഇ​ന്ത്യ​യി​​ലെ ആ​ദ്യ ക​മ്യൂ​ണി​സ്റ്റ്​ സ​ർ​ക്കാ​ർ​ത​ന്നെ മോ​ഹ​ഭം​ഗ​ത്തി​നു വ​ഴി​വെ​ച്ചു​വെ​ന്ന്​ ക​മ്യൂ​ണി​സ്റ്റ്​ ചി​ന്ത​ക​നാ​യി​രു​ന്ന ​കെ. ​ദാ​​മോ​ദ​ര​ൻ 1975 സെ​പ്​​റ്റം​ബ​ർ-​ഒ​ക്ടോ​ബ​ർ ല​ക്കം ‘ന്യൂ ​ലെ​ഫ്റ്റ്​ റി​വ്യൂ’​വി​ൽ പ​ത്രാ​ധി​പ​ർ താ​രി​ഖ്​ അ​ലി​ക്ക്​ ന​ൽ​കി​യ അ​ഭി​മു​ഖ​ത്തി​ൽ വ്യ​ക്ത​മാ​ക്കി​യ​താ​ണ്. ‘കേ​ര​ളം സോ​ഷ്യ​ലി​സ​ത്തി​​ലേ​ക്കു​ള്ള സ​മാ​ധാ​ന​പ​ര​മാ​യ പ​രി​വ​ർ​ത്ത​ന​ത്തി​ന്‍റെ ഉ​ത്ത​മ​മാ​തൃ​ക​യാ​യി​ത്തീ​രു​മെ​ന്നും അ​ത്​ ​ലോ​കം മു​ഴു​വ​നു​ള്ള സ​ഖാ​ക്ക​ൾ​ക്കും വ​ഴി​കാ​ട്ടി​യാ​കും എ​ന്നൊ​ക്കെ​യാ​യി​രു​ന്നു ഇ.​എം.​എ​സി​ന്റെ​ ധാ​ര​ണ. ‘‘താ​മ​സി​യാ​തെ, സി​വി​ൽ സ​ർ​വി​സ്​ അ​തി​ശ​ക്ത​മാ​യൊ​രു സാ​ധ​ന​മാ​ണെ​ന്നും സം​സ്ഥാ​ന​ത്തെ സി​വി​ലു​ദ്യോ​ഗ​സ്ഥ​രു​ടെ മേ​ധാ​വി​യാ​യ ചീ​ഫ്​ സെ​ക്ര​ട്ട​റി മു​ഖ്യ​മ​ന്ത്രി​യു​ടെ​യ​ല്ല, കേ​ന്ദ്ര​ത്തി​ൽ​നി​ന്നു​ള്ള ക​ൽ​പ​ന​ക​ള​നു​സ​രി​ച്ചാ​ണ്​ പ്ര​വ​ർ​ത്തി​ക്കു​ന്ന​തെ​ന്നും ന​മ്പൂ​തി​രി​പ്പാ​ടി​നും മ​ന്ത്രി​മാ​ർ​ക്കും പെ​ട്ടെ​ന്നു ബോ​ധ്യ​മാ​യി. അ​ങ്ങ​നെ ചി​ല പ​രി​ഷ്കാ​ര​ങ്ങ​ൾ​ക്ക്​ ഗ​ണ​പ​തി കു​റി​ക്കു​ന്ന കാ​ര്യ​ത്തി​ൽ​ത​ന്നെ ക​മ്യൂ​ണി​സ്റ്റ് മ​ന്ത്രി​സ​ഭ അ​ശ​ക്ത​മാ​യി. ശ​രി​യാ​യ മ​റ്റു വീ​ക്ഷ​ണ​ങ്ങ​ളി​ല്ലാ​തി​രു​ന്ന​തു​കൊ​ണ്ട്​ അ​തു വ​ഴി​മു​ട്ടി നി​ന്നു...​കു​റ​ച്ചു ക​ഴി​ഞ്ഞ​പ്പോ​ൾ ഒ​രു ക​മ്യൂ​ണി​സ്റ്റു ഗ​വ​ൺ​മെ​ന്‍റു​ണ്ടാ​കു​ന്ന​തി​​ന്‍റെ പു​തു​മ​​യൊ​ക്കെ മാ​റി’’ എ​ന്നു ദാ​മോ​ദ​ര​ൻ. അ​തോ​ടെ, ക​മ്യൂ​ണി​സ്റ്റു​ക​ളു​​ടെ ല​ക്ഷ്യം പാ​ർ​ല​മെ​ന്‍റ​റി ഭൂ​രി​പ​ക്ഷ​വും ഗ​വ​ൺ​മെ​ന്‍റ്​ രൂ​പ​വ​ത്​​ക​ര​ണ​ത്തി​നു​ള്ള സ​ഖ്യ​സ​മ്പാ​ദ​ന​വു​മാ​യി​ത്തീ​ർ​ന്നു.

ബു​ദ്ധ​ദേ​വ്​ ഭ​ട്ടാ​ചാ​ര്യ, ഇ.​എം.​എ​സ്​ ന​മ്പൂ​തി​രി​പ്പാ​ട്​, കെ. ​ദാ​​മോ​ദ​ര​ൻ

ക​മ്യൂ​ണി​സ്റ്റു നേ​താ​ക്ക​ളി​ൽ തെ​ര​ഞ്ഞെ​ടു​പ്പു​വ​ഴി അ​ധി​കാ​രം ​നേ​ടാ​നും മ​ന്ത്രി​സ​ഭ​ക​ളു​ണ്ടാ​ക്കാ​നു​മു​ള്ള അ​ത്യാ​ഗ്ര​ഹം മാ​ത്ര​മാ​ണ്​ കേ​ര​ളം സൃ​ഷ്ടി​ച്ച​ത്​ എ​ന്നും അ​ദ്ദേ​ഹം പ​റ​ഞ്ഞു. ആ​ശ​യം അ​ധി​കാ​ര​ല​ബ്ധി വ​രെ എ​ന്ന്​ ക​മ്യൂ​ണി​സ​ത്തി​ന്‍റെ ‘വ​ഴി​കാ​ട്ടു​ന്ന ന​ക്ഷ​ത്ര​മാ​യ’ സ്റ്റാ​ലി​ൻ നേ​ര​ത്തേ പ​ഠി​പ്പി​ച്ചി​ട്ടു​മു​ണ്ട്. അ​ധി​കാ​ര​വും സാ​മ്രാ​ജ്യ​വും നി​ല​നി​ർ​ത്താ​ൻ ഹി​റ്റ്​​ല​റെ സ​ഖാ​വാ​യി വ​രി​ച്ചു അ​ദ്ദേ​ഹം. ര​ണ്ടു​കൊ​ല്ലം ക​ഴി​ഞ്ഞ്​ അ​തു​വി​ട്ട്​ മു​ത​ലാ​ളി​ത്ത സാ​മ്രാ​ജ്യ​ത്വ​ശ​ക്തി​ക​ളാ​യി സ​ഖ്യ​ത്തി​ൽ. അ​തി​നു വേ​ണ്ടി ക​മ്യൂ​ണി​സ്റ്റ്​ ഇ​ന്‍റ​ർ​നാ​ഷ​ന​ൽ പി​രി​ച്ചു​വി​ടാ​നും ത​യാ​റാ​യി. അ​തു​പ​ഠി​ച്ച ഇ​ന്ത്യ​ൻ സ​ഖാ​ക്ക​ൾ സ്റ്റാ​ലി​നെ പി​ന്തു​ട​ർ​ന്ന്​ പാ​ല​ക്കാ​ട്​ ന​ഗ​ര​സ​ഭ മു​ത​ൽ പ​ശ്ചി​മ ബം​ഗാ​ൾ നി​യ​മ​സ​ഭ​യും പാ​ർ​ല​മെ​ന്‍റും വ​രെ, അ​ധി​കാ​ര​ത്തി​നു വേ​ണ്ടി ഏ​തു ചെ​കു​ത്താ​നെ​യും കൂ​ട്ടു​പി​ടി​ക്കാ​ൻ പ​ഠി​ച്ചു. അ​ധി​കാ​ര​ത്തി​ന്‍റെ രു​ചി സ​ഹ​ക​ര​ണ​സം​ഘ​ങ്ങ​ളി​ലൂ​ടെ താ​ഴെ ത​ട്ടി​ലെ​ത്തി​ച്ച​തു​കൊ​ണ്ട്​ അ​ണി​ക​ൾ ഒ​രു​മു​ഴം മു​മ്പേ ചാ​ടും. ബം​ഗാ​ളി​​ൽ നേ​തൃ​നീ​ത ​ഭേ​ദ​മി​ല്ലാ​തെ ആ​ഗേ റാം, ​​പോ​റേ ബാം (​ആ​ദ്യം റാം, ​പി​ന്നെ ഇ​ട​ത്) എ​ന്നും ​ചൊ​ല്ലി സി.​പി.​എ​മ്മി​ൽ​നി​ന്ന് ബി.​ജെ.​പി​യി​ലേ​ക്ക്​ കൂ​ടൊ​ഴി​ഞ്ഞു​പോ​യ​​പോ​​ലെ.

അ​തു​കൊ​ണ്ട്​ ആ​ർ.​എ​സ്.​എ​സ്​ നി​യോ​ഗി​ച്ച ​തെ​ര​ഞ്ഞെ​ടു​പ്പ്​ എ​ൻ​ജി​നീ​യ​ർ​മാ​രെ ക​മ്യൂ​ണി​സ്റ്റ്​ ഭ​ര​ണ​ത്തി​​ലെ പൊ​ലീ​സ് മേ​ധാ​വി പോ​യി​ക്കാ​ണു​ന്ന​തും അ​ങ്ങോ​രു​​ടെ പൊ​ലീ​സി​ന്‍റെ ‘ര​ക്ഷാ​പ്ര​വ​ർ​ത്ത​ന’​ത്തി​ലൂ​ടെ പൂ​ര​ത്തി​നി​ട​യി​ലെ പു​ട്ടു​ക​ച്ച​വ​ട​ത്തി​ൽ ബി.​ജെ.​പി സ്ഥാ​നാ​ർ​ഥി​ക്ക്​ എ​മ​ർ​ജ​ൻ​സി സ​ഹാ​യ​​മെ​ത്തു​ന്ന​തു​മൊ​ക്കെ അ​ണി​ക​ൾ​ക്ക്​ ന​ൽ​കു​ന്ന കൃ​ത്യ​മാ​യ സ​ന്ദേ​ശ​മു​ണ്ട്. ഫ​യ​ലി​ലെ ജീ​വി​ത​ത്തി​ലേ​ക്ക്​ ചൂ​ണ്ടി മു​ഖ്യ​മ​ന്ത്രി ഉ​ദ്യോ​ഗ​സ്ഥ​രി​ലെ മ​നു​ഷ്യ​ത്വം ഉ​ണ​ർ​ത്തി​യ​പ്പോ​ൾ അ​ത്​ ഒ​രു ഉ​​ദ്യോ​ഗ​സ്ഥ​ജ​ന്മം ഇ​ല്ലാ​താ​ക്കാ​നു​ള്ള മ​ര​ണ​സ​​ന്ദേ​ശ​മാ​ക്കി മാ​റ്റു​ക​യാ​യി​രു​ന്നു അ​ധി​കാ​ര​രു​ചി​യു​ടെ വ​ക്കു​തൊ​ട്ട സ്വ​ജ​ന​പ​ക്ഷ​പാ​തി​യാ​യ ഇ​ളം​മു​റ സ്റ്റാ​ലി​നി​സ്റ്റ്. അ​ങ്ങ​നെ ഭ​ര​ണ​മു​റ​ച്ച​തി​ൽ പി​ന്നെ ഇ​ന്ത്യ​യി​ൽ അ​വ​ശേ​ഷി​ക്കു​ന്ന അ​വ​സാ​ന ക​മ്യൂ​ണി​സ്റ്റു​കോ​ട്ട അ​ക​ത്തു​നി​ന്ന് പൊ​ളി​ക്കു​ന്ന തി​രു​ത​കൃ​തി​യി​ലാ​ണ്​ കേ​ര​ള പാ​ർ​ട്ടി. മു​സ്​​ലിം​ക​ളെ പ്ര​ശ്ന​വ​ത്​​ക​രി​ച്ച് അ​തി​ൽ​നി​ന്ന് ശ്ര​ദ്ധ​തി​രി​ക്കാ​നു​ള്ള ര​ക്ഷാ​പ്ര​വ​ർ​ത്ത​ന​വും​കൂ​ടി പാ​ർ​ട്ടി ഏ​റ്റെ​ടു​ത്തി​രി​ക്കു​ന്നു.

തുടരും...