ബി.​ജെ.​പി​യു​ടെ പ്ര​തി​സ​ന്ധി ഘ​ട്ടം

പൊ​​തു​​തെ​​ര​​ഞ്ഞെ​​ടു​​പ്പി​​​ന്റെ അ​ഞ്ചാം ​ഘ​​ട്ടം പൂ​​ർ​​ത്തി​​യാ​​യ​പ്പോ​ൾ തെ​ളി​യു​ന്ന ചി​ത്ര​മെ​ന്തെ​ന്ന് ഭാ​​ര​​ത്​ ജോ​​ഡോ അ​​ഭി​​യാ​​ൻ ക​​ൺ​​വീ​​ന​​ർ യോ​​ഗേ​​​ന്ദ്ര യാ​​ദ​​വ്, ഗ​​വേ​​ഷ​​ക​​രാ​​യ രാ​​ഹു​​ൽ ശാ​​സ്ത്രി, ശ്രേ​​യ​​സ്​ സ​​ർ​​ദേ​​ശാ​​യ്​ എ​​ന്നി​​വ​​ർ വി​​ശ​​ക​​ല​​നം ചെ​​യ്യു​​ന്നു​

ഈ ​ലോ​ക്‌​സ​ഭാ തെ​ര​ഞ്ഞെ​ടു​പ്പി​ലെ ഏ​റ്റ​വും ചെ​റി​യ ഘ​ട്ട​മാ​ണ് ക​ഴി​ഞ്ഞ ദി​വ​സം ന​ട​ന്ന​ത്. വെ​റും 49 സീ​റ്റു​ക​ളി​ൽ മാ​ത്ര​മാ​യി​രു​ന്നു വോ​ട്ടെ​ടു​പ്പ്. എ​ന്നാ​ൽ, ഈ ​ഘ​ട്ട​ത്തി​ന് മൊ​ത്ത​ത്തി​ലു​ള്ള ഫ​ല​ത്തി​ൽ ആ​നു​പാ​തി​ക​മ​ല്ലാ​ത്ത സ്വാ​ധീ​നം ചെ​ലു​ത്താ​നാ​വും. ചി​ല അ​ഭി​മാ​ന​പ്പോ​രാ​ട്ട​ങ്ങ​ൾ ന​ട​ന്ന​തു​കൊ​ണ്ട് മാ​ത്ര​മ​ല്ലി​ത്, വോ​ട്ടെ​ടു​പ്പ് ന​ട​ക്കു​ന്ന എ​ട്ട് സം​സ്ഥാ​ന​ങ്ങ​ളി​ൽ ചി​ല​തി​ൽ ബി.​ജെ.​പി ഗു​രു​ത​ര തി​രി​ച്ച​ടി​യാ​ണ് നേ​രി​ടു​ക.

ഉ​ത്ത​ർ​പ്ര​ദേ​ശി​ലെ റാ​യ്ബ​റേ​ലി, അ​മേ​ത്തി, ഫൈ​സാ​ബാ​ദ് (അ​യോ​ധ്യ), മു​ൻ​പ് ഛപ്ര ​എ​ന്ന​റി​യ​പ്പെ​ട്ടി​രു​ന്ന സ​ര​ൺ, ഹാ​ജി​പു​ർ, ഇ​ന്ത്യ​യു​ടെ സാ​മ്പ​ത്തി​ക ത​ല​സ്ഥാ​ന​മാ​യ മും​ബൈ​യി​ലെ ആ​റ് സീ​റ്റു​ക​ൾ എ​ന്നി​വി​ട​ങ്ങ​ളി​ലെ തെ​ര​ഞ്ഞെ​ടു​പ്പി​ന് രാ​ഷ്ട്രീ​യ പ്രാ​ധാ​ന്യം ഏ​റെ​യാ​ണ്.

2019ൽ ​ഈ 49 സീ​റ്റു​ക​ളി​ൽ 39 എ​ണ്ണം നേ​ടി​യ എ​ൻ.​ഡി.​എ​ക്ക് (ബി.​ജെ.​പി മാ​ത്രം 32) മൂ​ന്നാം ഘ​ട്ട​ത്തി​ലെ​ന്ന​പോ​ലെ, ഇ​ക്കു​റി​യും വ​ൻ​ന​ഷ്ട​മു​ണ്ടാ​വാ​ൻ സാ​ധ്യ​ത കാ​ണു​ന്നു. നി​യ​മ​സ​ഭാ തെ​ര​ഞ്ഞെ​ടു​പ്പി​ലെ പ്ര​ക​ട​നം നോ​ക്കി​യാ​ൽ​ത്ത​ന്നെ ക​ഴി​ഞ്ഞ ത​വ​ണ എ​ട്ടി​ലൊ​തു​ങ്ങി​യ ഇ​ൻ​ഡ്യ സ​ഖ്യ​ത്തി​ന് ഇ​ക്കു​റി ഇ​ര​ട്ടി​യെ​ങ്കി​ലും പ്ര​തീ​ക്ഷി​ക്കാം. അ​തും​ക​ട​ന്ന് നാ​ലി​ലൊ​ന്ന് സീ​റ്റു​ക​ൾ വ​രെ അ​വ​ർ​ക്ക് നേ​ടാ​നാ​കു​മെ​ന്നാ​ണ് അ​ടി​ത്ത​ട്ടി​ൽ നി​ന്നു​ള്ള സൂ​ച​ന​ക​ൾ. ഇ​രു സ​ഖ്യ​ങ്ങ​ളും ത​മ്മി​ലെ ​സീ​റ്റു​ക​ളു​ടെ അ​ന്ത​രം പ​കു​തി​യാ​യി 17ലെ​ത്താം, ചി​ല​പ്പോ​ൾ അ​തി​ലും താ​ഴ്ന്നേ​ക്കാം. സീ​റ്റ് ലാ​ഭം അ​ധി​ക​വും സം​ഭ​വി​ക്കു​ക യു.​പി​യി​ൽ നി​ന്നാ​ണ്.

യു.​പി​യി​ൽ അ​വ​ധ്, പൂ​ർ​വാ​ഞ്ച​ൽ, ദോ​ബ്, ബു​ന്ദേ​ൽ​ഖ​ണ്ഡ് എ​ന്നി​ങ്ങ​നെ നാ​ല് മേ​ഖ​ല​ക​ളി​ലാ​യി പ​ര​ന്നു​കി​ട​ക്കു​ന്ന 14 മ​ണ്ഡ​ല​ങ്ങ​ളി​ലാ​യി​രു​ന്നു വോ​ട്ട്. 2019ൽ ​ഇ​തി​ൽ 13 എ​ണ്ണം ബി.​ജെ.​പി​യും കോ​ൺ​ഗ്ര​സ് ഒ​രു സീ​റ്റു​മാ​ണ് നേ​ടി​യ​തെ​ങ്കി​ൽ ഇ​ത്ത​വ​ണ ഇ​ൻ​ഡ്യ സ​ഖ്യ​ത്തി​ന് യു.​പി​യി​ൽ​നി​ന്ന് ഏ​റ്റ​വു​മ​ധി​കം സീ​റ്റ് കി​ട്ടു​ക ഈ ​ഘ​ട്ട​ത്തി​ലാ​ണ്. നി​യ​മ​സ​ഭാ തെ​ര​ഞ്ഞെ​ടു​പ്പി​ലെ വോ​ട്ടി​ങ് മാ​തൃ​ക ആ​വ​ർ​ത്തി​ക്ക​പ്പെ​ട്ടാ​ൽ പോ​ലും കോ​ൺ​ഗ്ര​സ് രാ​ഹു​ൽ ഗാ​ന്ധി മ​ത്സ​രി​ക്കു​ന്ന റാ​യ്ബ​റേ​ലി​ക്കു​പു​റ​മെ അ​മേ​ത്തി​യും ബാ​ര​ബ​ങ്കി​യും ഇ​ക്കു​റി നേ​ടും. യു.​പി​യി​ൽ കോ​ൺ​ഗ്ര​സി​ന്റെ പ്ര​ധാ​ന പ​ങ്കാ​ളി​യാ​യ സ​മാ​ജ്‍വാ​ദി പാ​ർ​ട്ടി​ക്ക് 2019ൽ ​ഈ മേ​ഖ​ല​ക​ളി​ൽ നി​ന്ന് സീ​റ്റൊ​ന്നും കി​ട്ടി​യി​രു​ന്നി​ല്ലെ​ങ്കി​ലും നി​യ​മ​സ​ഭാ വോ​ട്ടി​ങ് രീ​തി തു​ട​ർ​ന്നാ​ൽ കൗ​ശം​ബി, ​ഫ​ത്തേ​പൂ​ർ, ബാ​ന്ദ സീ​റ്റു​ക​ൾ സ്വ​ന്ത​മാ​വാ​ൻ സാ​ധ്യ​ത​യു​ണ്ട്.

അ​സ്സ​ലേ​ത് വ്യാ​ജ​നേ​ത്?

ഈ ​ഘ​ട്ട​ത്തോ​ടെ മ​ഹാ​രാ​ഷ്ട്ര​യി​ലെ വോ​ട്ടെ​ടു​പ്പ് അ​വ​സാ​നി​ച്ചെ​ങ്കി​ലും യ​ഥാ​ർ​ഥ പാ​ർ​ട്ടി ആ​രു​ടേ​ത് എ​ന്ന​തു സം​ബ​ന്ധി​ച്ച ഉ​ദ്ധ​വ് ശി​വ​സേ​നX ഷി​ൻ​ഡേ ശി​വ​സേ​ന, ശ​ര​ദ്പ​വാ​റി​ന്റെ എ​ൻ.​സി.​പിX അ​ജി​ത് പ​വാ​റി​ന്റെ എ​ൻ.​സി.​പി എ​ന്നി​വ​രു​ടെ യു​ദ്ധ​ത്തി​ന് തീ​രു​മാ​ന​മാ​വ​ണ​മെ​ങ്കി​ൽ ഫ​ല​പ്ര​ഖ്യാ​പ​നം വ​രെ കാ​ത്തി​രി​ക്ക​ണം. ഗ്രേ​റ്റ​ർ മും​ബൈ, ഇ​ന്ത്യ​യി​ലെ ഉ​ള്ളി​വി​പ​ണി​യു​ടെ ആ​സ്ഥാ​ന​മാ​യ നാ​സി​ക്, ഒ​രു കാ​ല​ത്ത് കൈ​ത്ത​റി വ്യ​വ​സാ​യ കേ​ന്ദ്ര​മാ​യി​രു​ന്ന മാ​ലേ​ഗാ​വ് മേ​ഖ​ല എ​ന്നി​വി​ട​ങ്ങ​ളി​ലാ​യി​രു​ന്നു പോ​രാ​ട്ടം. മും​ബൈ ന​ഗ​ര​ത്തി​ലെ​യും താ​നെ​യി​ലെ​യും മ​ത്സ​ര​ങ്ങ​ൾ ഉ​ദ്ധ​വ്- ഷി​ൻ​ഡേ സേ​ന​ക​ൾ​ക്കും ദി​ന്ദോ​രി,ഭി​വ​ണ്ടി സീ​റ്റു​ക​ൾ​ക്കാ​യു​ള്ള മ​ത്സ​രം പ​വാ​റു​മാ​ർ​ക്കും ഏ​റ​ക്കു​റെ നി​ല​നി​ൽ​പി​ന്റെ വി​ഷ​യ​മാ​ണ്.

ഉ​ദ്ധ​വി​ന്റെ സേ​ന ച​രി​ത്ര​ത്തി​ൽ ഇ​ദം​പ്ര​ഥ​മ​മാ​യി മ​റാ​ത്തി​ക​ളും മു​സ്‍ലിം​ക​ളും (ഡ​ബി​ൾ M) എ​ന്ന ഏ​റ​ക്കു​റെ അ​ചി​ന്ത്യ​മാ​യ ഒ​രു കൂ​ട്ടു​കെ​ട്ട് തു​ന്നി​ച്ചേ​ർ​ത്തു. ഈ ​കൂ​ട്ടു​കെ​ട്ട് നി​ല​വി​ലെ സാ​ഹ​ച​ര്യ​ത്തി​ൽ ന്യാ​യ​മാ​യും അ​നു​യോ​ജ്യ​മാ​ണെ​ന്ന് ക​രു​താം, ആ​റ് മും​ബൈ മ​ണ്ഡ​ല​ങ്ങ​ളി​ൽ അ​ഞ്ചും അ​വ​രു​ടെ പ​ക്ഷ​ത്താ​ണ്. ആ​ത്മാ​ർ​ഥ​ത​യു​ള്ള, മി​ത​വാ​ദി നേ​താ​വ് എ​ന്ന ഉ​ദ്ധ​വ് താ​ക്ക​റെ​യു​ടെ പ്ര​തി​ച്ഛാ​യ​യാ​ണ് അ​തി​നു പി​ന്നി​ലെ ര​സ​ത​ന്ത്രം. അ​ദ്ദേ​ഹം മ​ഹാ​രാ​ഷ്ട്ര മു​ഖ്യ​മ​ന്ത്രി​യാ​യി​രു​ന്ന ര​ണ്ട​ര വ​ർ​ഷ​ക്കാ​ലം (2019-22) വാ​ക്കി​ലും പ്ര​വൃ​ത്തി​യി​ലും ന്യാ​യ​പൂ​ർ​ണ​വും വി​വേ​ച​ന​ര​ഹി​ത​വു​മാ​യി​രു​ന്നു​വെ​ന്ന് ന്യൂ​ന​പ​ക്ഷ സ​മു​ദാ​യ​ങ്ങ​ൾ തി​രി​ച്ച​റി​ഞ്ഞു. മും​ബൈ​യി​ലെ, ഭൂ​രി​ഭാ​ഗം എം.​എ​ൽ.​എ​മാ​രും അ​ണി​ക​ളും ഉ​ദ്ധ​വ് സേ​ന​യി​ൽ​ത്ത​ന്നെ ഉ​റ​ച്ചു​നി​ൽ​ക്കു​ന്നു​വെ​ന്ന​ത് അ​ദ്ദേ​ഹ​ത്തി​ന്റെ പാ​ർ​ട്ടി​ക്കും അ​തു​വ​ഴി ഇ​ൻ​ഡ്യ മു​ന്ന​ണി​ക്കും സീ​റ്റു നേ​ട്ട​മു​ണ്ടാ​ക്കി​ക്കൊ​ടു​ക്കും.

പ​ശ്ചി​മ ബം​ഗാ​ൾ, ബി​ഹാ​ർ, ഝാ​ർ​ഖ​ണ്ഡ് എ​ന്നി​വി​ട​ങ്ങ​ളി​ൽ ഇ​ൻ​ഡ്യ മു​ന്ന​ണി ചെ​റു​നേ​ട്ട​ങ്ങ​ൾ ഉ​ണ്ടാ​ക്കി​യേ​ക്കാം. ബി​ഹാ​റി​ൽ, ആ​ർ.​ജെ.​ഡി അ​തി​ന്റെ മു​ൻ ശ​ക്തി​കേ​ന്ദ്ര​മാ​യ ഛപ്ര​യി​ൽ (ഇ​പ്പോ​ൾ സ​ര​ൺ) അ​ടി​ത്ത​റ പു​ന​രു​ജ്ജീ​വി​പ്പി​ക്കാ​ൻ ശ്ര​മി​ക്കു​മ്പോ​ൾ മി​ഥി​ലാ​ഞ്ച​ലി​ലെ ര​ണ്ട് സീ​റ്റു​ക​ൾ എ​ൻ.​ഡി.​എ​ക്ക് അ​നു​കൂ​ല​മാ​ണ്, രാം ​വി​ലാ​സ് പാ​സ്വാ​ന്റെ മ​ണ്ഡ​ല​മാ​യി​രു​ന്ന ഹാ​ജി​പു​രി​ന്റെ കാ​ര്യ​വും അ​ങ്ങ​നെ ത​ന്നെ, അ​വി​ടെ അ​ദ്ദേ​ഹ​ത്തി​ന്റെ മ​ക​നാ​ണ് മ​ത്സ​രി​ക്കു​ന്ന​ത്.

പ​ശ്ചി​മ ബം​ഗാ​ളി​ൽ തെ​ര​ഞ്ഞെ​ടു​പ്പ് ന​ട​ന്ന ഏ​ഴ് സീ​റ്റു​ക​ളി​ൽ 2021ലെ ​നി​യ​മ​സ​ഭാ തെ​ര​ഞ്ഞെ​ടു​പ്പ് ഫ​ലം​വെ​ച്ച് നോ​ക്കു​മ്പോ​ൾ ബ​രാ​ക്‌​പൂ​രി​ലും ഹൂ​ഗ്ലി​യി​ലും ബി.​ജെ.​പി അ​പ​ക​ട​ത്തി​ലാ​ണെ​ന്ന് തോ​ന്നു​ന്നു. എ​ന്നാ​ൽ, ആ​രാം​ബാ​ഗ് അ​വ​ർ തൃ​ണ​മൂ​ൽ കോ​ൺ​ഗ്ര​സി​ൽ​നി​ന്ന് പി​ടി​ച്ചെ​ടു​ത്തേ​ക്കാം.

സി.​പി.​ഐ (എം.​എ​ൽ-​ലി​ബ​റേ​ഷ​ൻ) സി​റ്റി​ങ് എം.​എ​ൽ.​എ​യെ സ്ഥാ​നാ​ർ​ഥി​യാ​ക്കി​യ ഝാ​ർ​ഖ​ണ്ഡി​ലെ കൊ​ഡെ​ർ​മ​യി​ൽ വി​ജ​യം വ​രി​ക്കാ​നാ​കു​മെ​ന്ന് ഇ​ൻ​ഡ്യ മു​ന്ന​ണി പ്ര​തീ​ക്ഷി​ക്കു​ന്നു. കോ​ഡെ​ർ​മ​യി​ലെ നി​യ​മ​സ​ഭാ മ​ണ്ഡ​ല​ങ്ങ​ളി​ലൊ​ന്നാ​യ ഗാ​ൻ​ഡെ സീ​റ്റി​ലേ​ക്ക് ന​ട​ക്കു​ന്ന ഉ​പ​തെ​ര​ഞ്ഞെ​ടു​പ്പി​ൽ ജ​യി​ലി​ൽ ക​ഴി​യു​ന്ന മു​ൻ മു​ഖ്യ​മ​ന്ത്രി ഹേ​മ​ന്ത് സോ​റ​ന്റെ ഭാ​ര്യ ക​ൽ​പ​ന സോ​റ​നും ജ​ന​വി​ധി തേ​ടു​ന്നു.

ഒ​ഡി​ഷ​യി​ൽ 2019ൽ ​കൈ​വ​രി​ച്ച നേ​ട്ടം നി​ല​നി​ർ​ത്താ​നാ​കു​മെ​ന്ന പ്ര​തീ​ക്ഷ​യി​ലാ​ണ് ബി.​ജെ.​പി. അ​ഞ്ച് ലോ​ക്‌​സ​ഭാ സീ​റ്റു​ക​ൾ​ക്കൊ​പ്പം അ​ഞ്ച് ത​വ​ണ മു​ഖ്യ​മ​ന്ത്രി​യാ​യ ന​വീ​ൻ പ​ട്‌​നാ​യി​ക് മ​ത്സ​രി​ക്കു​ന്ന ര​ണ്ട് സീ​റ്റു​ക​ൾ ഉ​ൾ​പ്പെ​ടെ 35 നി​യ​മ​സ​ഭാ സീ​റ്റു​ക​ളി​ലേ​ക്കും ഈ ​ഘ​ട്ട​ത്തി​ലാ​ണ് വോ​ട്ടെ​ടു​പ്പ്. ക​ഴി​ഞ്ഞ ത​വ​ണ അ​ഞ്ച് ലോ​ക്‌​സ​ഭാ സീ​റ്റു​ക​ളി​ൽ ബ​ർ​ഗ, സു​ന്ദ​ർ​ഗ​ഡ്, ബോ​ലാം​ഗി​ർ എ​ന്നി​വ ബി.​ജെ.​പി​യും മ​ധ്യ ഒ​ഡി​ഷ​യി​ലെ കാ​ണ്ഡ​മാ​ൽ, അ​സ്ക എ​ന്നി​വ ഭ​ര​ണ​ക​ക്ഷി​യാ​യ ബി​ജു ജ​ന​താ​ദ​ളു​മാ​ണ് (ബി.​ജെ.​ഡി) നേ​ടി​യ​ത്. ഇ​ക്കു​റി​യും അ​തേ പാ​റ്റേ​ൺ നി​ല​നി​ൽ​ക്കാ​നാ​ണ് സാ​ധ്യ​ത.

ജ​മ്മു-​ക​ശ്മീ​രി​ലെ ബാ​രാ​മു​ല്ല, ല​ഡാ​ക്ക് സീ​റ്റ​ക​ളി​ലും ഈ ​ഘ​ട്ട​ത്തി​ലാ​യി​രു​ന്നു വോ​ട്ടെ​ടു​പ്പ്. ജ​യി​ലി​ൽ നി​ന്ന് മ​ത്സ​രി​ക്കു​ന്ന എ​ൻ​ജി​നീ​യ​ർ റാ​ഷി​ദി​ന്റെ രം​ഗ​പ്ര​വേ​ശ​ത്തോ​ടെ ബാ​രാ​മു​ല്ല​യി​ൽ നാ​ഷ​ന​ൽ കോ​ൺ​ഫ​റ​ൻ​സ് നേ​താ​വ് ഉ​മ​ർ അ​ബ്ദു​ല്ല ക​ടു​ത്ത ത്രി​കോ​ണ മ​ത്സ​ര​മാ​ണ് നേ​രി​ടു​ന്ന​ത്. അ​ടു​ത്തി​ടെ വ​രെ ഇ​ൻ​ഡ്യ മു​ന്ന​ണി​യു​ടെ ഉ​റ​ച്ച സീ​റ്റാ​യി ക​രു​തി​പ്പോ​ന്ന ല​ഡാ​ക്കി​ൽ ലേ​യി​ൽ നി​ന്നു​ള്ള സ്ഥാ​നാ​ർ​ഥി​യെ നി​ർ​ത്തി​യ​തോ​ടെ കാ​ർ​ഗി​ലി​ലെ നാ​ഷ​ന​ൽ കോ​ൺ​ഫ​റ​ൻ​സ്, കോ​ൺ​ഗ്ര​സ് പ്ര​വ​ർ​ത്ത​ക​ർ ക​ലാ​പ​മു​യ​ർ​ത്തി. ലേ​യി​ൽ നി​ന്നു​ള്ള വോ​ട്ടു​ക​ൾ ഇ​ൻ​ഡ്യ, എ​ൻ.​ഡി.​എ മു​ന്ന​ണി സ്ഥാ​നാ​ർ​ഥി​ക​ൾ​ക്കാ​യി ഭി​ന്നി​ച്ചു​പോ​കു​മെ​ന്ന​ത് കാ​ർ​ഗി​ലി​ൽ നി​ന്നു​ള്ള സ്വ​ത​ന്ത്ര സ്ഥാ​നാ​ർ​ഥി​യു​ടെ സാ​ധ്യ​ത വ​ർ​ധി​പ്പി​ച്ചി​രി​ക്കു​ക​യാ​ണ്.

മൊ​ത്ത​ത്തി​ൽ, അ​ഞ്ചാം ഘ​ട്ടം ബി.​ജെ.​പി​യു​ടെ പ്ര​തി​സ​ന്ധി ഘ​ട്ട​മാ​ണ്. ഞ​ങ്ങ​ളു​ടെ അ​നു​മാ​ന​മ​നു​സ​രി​ച്ച്, ബി.​ജെ.​പി നേ​തൃ​ത്വം ന​ൽ​കു​ന്ന സ​ഖ്യ​ത്തി​ന് 2019ലെ ​ആ​ദ്യ നാ​ല് ഘ​ട്ട​ങ്ങ​ൾ വെ​ച്ചു​നോ​ക്കു​മ്പോ​ൾ ഏ​ക​ദേ​ശം 40 സീ​റ്റു​ക​ൾ ഇ​തി​ന​കം ത​ന്നെ ന​ഷ്ട​പ്പെ​ട്ടി​ട്ടു​ണ്ട്. അ​ടു​ത്ത ഘ​ട്ട​ങ്ങ​ളി​ൽ പ​ല​തും ന​ഷ്ട​പ്പെ​ടാ​നും സാ​ധ്യ​ത​യു​ണ്ട്. അ​ഞ്ചാം ഘ​ട്ടം മു​ത​ലു​ള്ള ഈ ​ന​ഷ്ട പ്ര​വ​ണ​ത ത​ട​യാ​ൻ ബി.​ജെ.​പി​ക്ക് സാ​ധി​ക്കാ​ത്ത പ​ക്ഷം ജൂ​ൺ നാ​ലി​ന് സ്വ​ന്തം നി​ല​യി​ലെ​ങ്കി​ലും അ​വ​ർ​ക്ക് ഭൂ​രി​പ​ക്ഷം ന​ഷ്ട​പ്പെ​ടു​മെ​ന്ന കാ​ര്യം ഉ​റ​പ്പാ​ണ്.