ഹ​മാ​സ് എ​ന്നാ​ൽ ഐ​സി​സ് അ​ല്ല

ഗ​സ്സ​യി​ലെ നി​ര​പ​രാ​ധി​ക​ളാ​യ ജ​ന​ത​ക്ക് നേ​രെ കൊ​ടി​യ ആ​ക്ര​മണ​ങ്ങ​ൾ അ​ഴി​ച്ചു​വി​ടു​ന്ന​തി​നൊ​പ്പം ഹ​മാ​സി​നെ​തി​രെ പ്ര​ച​ണ്ഡ പ്ര​ചാ​ര​ണ​വും ശ​ക്ത​മാ​ക്കി​യി​രി​ക്കു​ക​യാ​ണ് ഇ​സ്രാ​യേ​ൽ. ഐ​സി​സു​മാ​യി സ​മീ​ക​രി​ച്ച് ന​ട​ത്തു​ന്ന ഈ ​പ്രൊ​പ്പ​ഗ​ണ്ട യു​ദ്ധം ആ​ഗോ​ളത​ല​ത്തി​ലേ​ക്ക് പ​ട​ർ​ന്നുക​ഴി​ഞ്ഞു, അ​മേ​രി​ക്ക​യും ഏ​റ​ക്കു​റെ ഇ​ത് ഏ​റ്റെ​ടു​ത്ത മ​ട്ടാ​ണ്. ഈ ​പ്ര​ചാ​ര​ണ​ങ്ങ​ൾ വ്യാ​ജ​വും കു​ത്സി​ത​വു​മാ​ണെ​ന്ന് നി​രീ​ക്ഷി​ക്കു​ന്നു, പ്ര​ശ​സ്ത അ​മേ​രി​ക്ക​ൻ മു​ഖ്യ​ധാ​രാ മാ​ഗ​സി​നാ​യ ‘ദ ​ടൈ​മി’​ൽ എ​ഴു​തി​യ ലേ​ഖ​ന​ത്തി​ൽ പ​ശ്ചി​മേ​ഷ്യ​യി​ലെ ഇ​സ്‍ലാ​മി​ക സം​ഘ​ട​ന​ക​ളെ​ക്കു​റി​ച്ച് ആ​ഴ​ത്തി​ൽ പ​ഠ​നം ന​ട​ത്തി​യ ഗ​വേ​ഷ​ക​യും അ​ബൂ​ദ​ബി ന്യൂ​യോ​ർ​ക് യൂ​നി​വേ​ഴ്സി​റ്റി അ​സി​സ്റ്റ​ന്‍റ് പ്ര​ഫ​സ​റു​മാ​യ മോ​ണി​ക്ക മാ​ർ​ക്സ്

ഒ​ക്ടോ​ബ​ർ ഏ​ഴു​മു​ത​ൽ, അ​ന്നേ​റ്റ ആ​ഘാ​തം പ്ര​തി​ഫ​ലി​പ്പി​ക്കു​ന്ന​തി​ന് നി​ശി​ത​വും അ​പ​ക്വ​വു​മാ​യ വാ​ക്കു​ക​ളാ​ണ് ഇ​സ്രാ​യേ​ലു​കാ​ർ പ്ര​യോ​ഗി​ച്ചു​വ​രു​ന്ന​ത്. ക​ഴി​ഞ്ഞ വാ​ര​ങ്ങ​ളി​ൽ ഇ​സ്രാ​യേ​ലി ജ​ന​റ​ൽ​മാ​ർ, ര​ക്ഷാ​പ്ര​വ​ർ​ത്ത​ക​ർ, ഫോ​റ​ൻ​സി​ക് വി​ദ​ഗ്ധ​ർ എ​ന്നി​വ​ർ ഹ​മാ​സ് 1400 പേ​രെ കൊ​ല​പ്പെ​ടു​ത്തി​യ നി​ഷ്ഠു​ര വ​ഴി​ക​ൾ പ​റ​യു​ന്ന​ത് ശ്ര​ദ്ധി​ച്ചു​കൊ​ണ്ടാ​ണ് പ​ല​രും ക​ഴി​ഞ്ഞ വാ​ര​ങ്ങ​ൾ ചെ​ല​വി​ട്ട​ത്. ഒ​ക്ടോ​ബ​ർ ഏ​ഴി​ന്‍റെ ഭീ​ക​ര​ത​ക​ളെ ഗ്ര​ഹി​പ്പി​ക്കാ​ൻ പ​ല ഇ​സ്രാ​യേ​ൽ​കാ​രും ഹ​മാ​സി​നെ ഐ​സി​സു​മാ​യി താ​ര​ത​മ്യം ചെ​യ്യാ​ൻ നോ​ക്കു​ന്നു.

പ്ര​ധാ​ന​മ​ന്ത്രി ബി​ന്യ​മി​ൻ നെ​ത​ന്യാ​ഹു ഉ​ൾ​പ്പെ​ടെ​യു​ള്ള ഇ​സ്രാ​യേ​ലി നേ​താ​ക്ക​ൾ കൂ​ട​ക്കൂ​ടെ ര​ണ്ടി​നെ​യും സാ​ദൃ​ശ്യ​പ്പെ​ടു​ത്തി​യ​തോ​ടെ, ‘ഹ​മാ​സ് ആ​ണ് ഐ​സി​സ്’ (HamasisISIS) എ​ന്ന ഹാ​ഷ്ടാ​ഗ് സ​മൂ​ഹ മാ​ധ്യ​മ​ത്തി​ൽ ട്രെ​ൻ​ഡാ​യി. എ​ന്നാ​ൽ, എ​ന്നെ​പ്പോ​ലെ ഇ​സ്‍ലാ​മി​ക പ്ര​സ്ഥാ​ന​ങ്ങ​ളെ​ക്കു​റി​ച്ച് ഗ​വേ​ഷ​ണം ന​ട​ത്തി​യ​വ​രും ഭീ​ക​ര​ത​വി​രു​ദ്ധ ഉ​ദ്യോ​ഗ​സ്ഥ​രും ഈ ​താ​ര​ത​മ്യം തെ​റ്റാ​ണെ​ന്ന് നേ​ര​ത്തേ മ​ന​സ്സി​ലാ​ക്കി​യ​താ​ണ്.

2006 മു​ത​ൽ ബ​ന്ദി​ക​ളു​ടെ മോ​ച​ന​ത്തി​നാ​യി ഇ​സ്രാ​യേ​ലി​നു​വേ​ണ്ടി ഹ​മാ​സു​മാ​യു​ള്ള സ​ന്ധി​സം​ഭാ​ഷ​ണ​ങ്ങ​ൾ ന​യി​ക്കു​ന്ന ഗെ​ർ​ഷോ​ൺ ബാ​സ്കി​ൻ ഈ​യി​ടെ എ​ന്നോ​ടു​പ​റ​ഞ്ഞു: ‘‘അ​വ​രു​ടെ ഭീ​ക​ര​ചെ​യ്തി​ക​ൾ ഐ​സി​സി​ന്‍റേ​തു​പോ​ലെ തോ​ന്നും. എ​ന്നാ​ൽ, അ​വ​ർ​ക്കൊ​രി​ക്ക​ലും ഒ​രേ പ്ര​ത്യ​യ​ശാ​സ്ത്ര​മ​ല്ല’’.

പ്ര​ഥ​മ​വും പ്ര​ധാ​ന​വു​മാ​യ വ്യ​ത്യാ​സം ഹ​മാ​സ് ഒ​രു ഫ​ല​സ്തീ​ൻ ദേ​ശീ​യ ഇ​സ്‍ലാ​മി​ക പ്ര​സ്ഥാ​ന​മാ​ണ് എ​ന്ന​താ​ണ്. ഐ​സി​സി​നെ​പ്പോ​ലെ അ​വ​ർ ഇ​ര​ട്ട അ​സ്തി​ത്വം പു​ല​ർ​ത്തു​ന്നി​ല്ല. ഒ​രു ദേ​ശീ​യ പ​ദ്ധ​തി​യു​മാ​യും ബ​ന്ധ​മി​ല്ലാ​തെ, മു​സ്‍ലിം​ക​ളു​ടെ ആ​ഗോ​ള കൂ​ട്ടാ​യ്മ എ​ന്ന സ​ങ്ക​ൽ​പ​ത്തി​ൽ പ്ര​വ​ർ​ത്തി​ക്കു​ന്ന ഒ​രു ബ​ഹു​രാ​ഷ്ട്ര ഇ​സ്‍ലാ​മി​ക പ്ര​സ്ഥാ​ന​മാ​ണ് ഐ​സി​സ്.

മ​റു​വ​ശ​ത്ത് ഹ​മാ​സി​നാ​വ​ട്ടെ, കൂ​ടു​ത​ൽ ത​ദ്ദേ​ശീ​യ​മാ​യ ആ​വ​ശ്യ​ങ്ങ​ളാ​ണു​ള്ള​ത്. 2017ലെ ​അ​വ​രു​ടെ ചാ​ർ​ട്ട​റി​ൽ പ​റ​യു​ന്ന​ത​നു​സ​രി​ച്ച് ‘സ​യ​ണി​സ്റ്റ് ശ​ത്രു’​വി​ൽ​നി​ന്ന് ‘മു​ഴു ഫ​ല​സ്തീ​നെ​യും മോ​ചി​പ്പി​ക്കു​ക’​യാ​ണ് അ​തി​ന്‍റെ മു​ഖ്യ​ല​ക്ഷ്യം. വാ​ഷി​ങ്ട​ൺ ഇ​ൻ​സ്റ്റി​റ്റ്യൂ​ട്ട് ഓ​ഫ് നി​യ​ർ ഈ​സ്റ്റ് പോ​ളി​സി​യു​ടെ ആ​രോ​ൺ സെ​ലി​ൻ ഈ​യി​ടെ ‘എ​ക്സി’​ൽ കു​റി​ച്ച​തു​പോ​ലെ ശി​യാ ഇ​റാ​നി​ൽ​നി​ന്ന് പി​ന്തു​ണ തേ​ടു​ന്ന​തി​നാ​ൽ, ഹ​മാ​സി​നെ ‘മ​ത​പ​രി​ത്യാ​ഗി​ക​ളാ’​യാ​ണ് ഐ​സി​സ് കാ​ണു​ന്ന​തെ​ന്ന വ​സ്തു​ത​യു​മു​ണ്ട്.

ര​ണ്ടാ​മ​ത്തെ മു​ഖ്യ​വ്യ​ത്യാ​സം അ​വ​രു​ടെ ആ​പേ​ക്ഷി​ക​മാ​യ മ​ത തീ​വ്ര​വാ​ദ​മാ​ണ്. ഹ​മാ​സ് മ​ത​പ​ര​മാ​യി യാ​ഥാ​സ്ഥി​തി​ക​മാ​കാം. എ​ന്നാ​ൽ, അ​തൊ​രി​ക്ക​ലും വി​ശ്വാ​സ​ത്തി​ന്റെ​യോ മ​ത​ഭി​ന്ന​ത​യു​ടെ​യോ പേ​രി​ൽ ഗ​സ്സ​യി​ൽ മു​സ്‍ലിം ഇ​ത​ര​രെ കൊ​ല്ലു​ക​യോ ക്രൂ​ര​മാ​യി ഉ​പ​ദ്ര​വി​ക്കു​ക​യോ ചെ​യ്യു​ന്നി​ല്ല. ഹി​ജാ​ബ് ഇ​ല്ലാ​ത്ത സ്ത്രീ​ക​ളെ, ദേ​ഹ​ത്ത് പ​ച്ച​കു​ത്തി​യ​വ​രെ, അ​മേ​രി​ക്ക​ൻ മ്യൂ​സി​ക് കേ​ൾ​ക്കു​ന്ന ടീ​നേ​ജു​കാ​രെ ഒ​ക്കെ അ​വ​ർ പൊ​റു​പ്പി​ക്കും.

ഹ​മാ​സ് നി​യ​ന്ത്ര​ണ​ത്തി​ലു​ള്ള ഗ​സ്സ​യി​ൽ ക്രൈ​സ്ത​വ​രും ച​ർ​ച്ചു​ക​ളു​മൊ​ക്കെ മു​സ്‍ലിം​ക​ളു​മാ​യി സ​ഹ​വ​ർ​ത്തി​ത്വ​ത്തി​ലാ​ണ് ക​ഴി​യു​ന്ന​ത്. ഇ​സ്‍ലാ​മി​ന്‍റെ അ​തി​തീ​വ്ര ഭാ​ഷ്യ​ത്തി​ലേ​ക്ക് ആ​ളു​ക​ളെ വ​ഴ​ക്കി​യെ​ടു​ക്കാ​ൻ ആ​ളെ കൊ​ല്ലു​ക​യും പീ​ഡി​പ്പി​ക്കു​ക​യും ചെ​യ്യു​ന്ന മ​ത​തീ​വ്ര​വാ​ദി സം​ഘ​ട​ന​യാ​യ ഐ​സി​സി​നു കീ​ഴി​ൽ ഇ​തൊ​ന്നും സാ​ധ്യ​മ​ല്ല.

എ​ന്നാ​ൽ, ഹ​മാ​സും ഐ​സി​സും ത​മ്മി​ലു​ള്ള താ​ര​ത​മ്യ​ങ്ങ​ൾ​ക്ക് രാ​ഷ്ട്രീ​യ​നേ​ട്ടം ഏ​റെ​യു​ണ്ട്. ഹ​മാ​സ് ആ​ണ് ഐ​സി​സ് എ​ന്നു പ​റ​യു​മ്പോ​ൾ 8000 പേ​രു​ടെ (അ​തി​ൽ മൂ​ന്നി​ൽ ര​ണ്ടും സ്ത്രീ​ക​ളും കു​ട്ടി​ക​ളും)- കൂ​ട്ട​ക്കൊ​ല​യി​ൽ ക​ലാ​ശി​ച്ച വ്യോ​മാ​ക്ര​മ​ണ​മു​ൾ​പ്പെ​ടെ ഒ​ക്ടോ​ബ​ർ ഏ​ഴി​നു ശേ​ഷം ഫ​ല​സ്തീ​നി​ക​ളോ​ട് ഇ​സ്രാ​യേ​ൽ നേ​തൃ​ത്വം ചെ​യ്തു​കൂ​ട്ടു​ന്ന അ​തി​ക്ര​മ​ങ്ങ​ൾ​ക്കെ​തി​രാ​യ വി​മ​ർ​ശ​ന​മൊ​ഴി​വാ​ക്കാം. ര​ണ്ടും ഒ​ന്നാ​ണെ​ന്നു വ​രു​ത്തി​യാ​ൽ അ​മേ​രി​ക്ക​ൻ നേ​താ​ക്ക​ളു​ടെ പി​ന്തു​ണ​യും പൊ​തു​ജ​നാ​ഭി​പ്രാ​യ​വും നേ​ടി​യെ​ടു​ക്കാം.

‘‘1973 മു​ത​ൽ ഇ​സ്രാ​യേ​ൽ ന​ട​ത്തി​യ ഓ​രോ യു​ദ്ധ​വും, അ​മേ​രി​ക്ക​യി​ൽ​നി​ന്നു​ള്ള പി​ന്തു​ണ കു​റ​ഞ്ഞു​വ​ന്ന​തോ​ടെ, നേ​ര​ത്തേ നി​ർ​ത്തി​യി​രു​ന്നു’’- ഒ​രു മു​ൻ ഇ​സ്രാ​യേ​ലി ന​യ​ത​ന്ത്ര ഉ​ദ്യോ​ഗ​സ്ഥ​ൻ അ​ടു​ത്തി​ടെ എ​ന്നോ​ട് പ​റ​ഞ്ഞു. ‘‘യു.​എ​സി​നെ ഒ​രു ഭാ​ഗ​ത്ത് നി​ർ​ത്തു​ക​യെ​ന്ന​ത് പ​ര​മ​പ്ര​ധാ​ന​മാ​ണ്. അ​തി​നാ​ൽ ഈ ​ഐ​സി​സ് താ​ര​ത​മ്യം ഇ​സ്രാ​യേ​ലി​ലെ പൊ​തു​വി​കാ​ര​ത്തെ ഒ​പ്പം നി​ർ​ത്താ​നും ഉ​പ​ക​രി​ക്കും’’. ഈ ​ചെ​പ്പ​ടി​വി​ദ്യ​യി​ലൂ​ടെ ഹ​മാ​സ് ഇ​സ്രാ​യേ​ലി​നു മാ​ത്ര​മ​ല്ല, ഫ്ര​ഞ്ച് ബോ​ഡ് വാ​ക്കു​ക​ൾ​ക്കും അ​മേ​രി​ക്ക​ൻ നൈ​റ്റ് ക്ല​ബു​ക​ൾ​ക്കു​മൊ​ക്കെ ഐ​സി​സ് പോ​ലെ ഭീ​ഷ​ണി​യാ​ണ് എ​ന്നു ജ​ന​ത്തെ തെ​ര്യ​പ്പെ​ടു​ത്താം.

ഐ​സി​സി​ൽ നി​ന്നു ഭി​ന്ന​മാ​യി നി​ഗൂ​ഢ​ത​യൊ​ന്നു​മി​ല്ലാ​തെ പ​തി​റ്റാ​ണ്ടു​ക​ളാ​യി നി​ല​നി​ന്നു​വ​രു​ന്ന സം​ഘ​ട​ന​യാ​ണ് ഹ​മാ​സ്. 1973ൽ ​സ്ഥാ​പി​ച്ച ഒ​രു മു​സ്‍ലിം ജീ​വ​കാ​രു​ണ്യ സം​ഘ​ട​ന​യി​ൽ നി​ന്നാ​ണ് അ​തു വ​ള​ർ​ന്നു​ണ്ടാ​യ​ത്. വി​പു​ല​മാ​യൊ​രു സാ​മൂ​ഹി​ക സേ​വ​ന​വി​ഭാ​ഗം അ​തി​നു​ണ്ട്. ഓ​സ്​​ലോ സ​മാ​ധാ​ന ക​രാ​റി​ന്‍റെ പ​രാ​ജ​യ​ങ്ങ​ളു​ടെ ഫ​ല​മെ​ന്നോ​ണം പി.​എ​ൽ.​ഒ​യി​ൽ​നി​ന്ന് അ​വ​ർ മാ​റി​ന​ട​ന്നു. ഇ​സ്രാ​യേ​ലി​നെ​തി​രെ അ​ക്ര​മ​ത്തി​ന്‍റെ മാ​ർ​ഗ​വും അ​ത് ഉ​പ​യോ​ഗി​ക്കു​ന്നു​ണ്ട്.

2006ലെ ​ഫ​ല​സ്തീ​ൻ തെ​ര​ഞ്ഞെ​ടു​പ്പി​ൽ വി​ജ​യി​ച്ച് ഗ​സ്സ​യു​ടെ ആ​ധി​പ​ത്യം നേ​ടി​യ അ​വ​ർ പ്ര​തി​യോ​ഗി​ക​ളാ​യ വെ​സ്റ്റ്ബാ​ങ്കി​ലെ ഫ​ത​ഹ് ഗ്രൂ​പ്പി​നെ പോ​ലെ​ത്ത​ന്നെ ഫ​ല​സ്തീ​നി​ലെ ര​ണ്ടു മു​ഖ്യ രാ​ഷ്ട്രീ​യ പാ​ർ​ട്ടി​ക​ളി​ൽ ഒ​ന്നാ​ണ്. അ​തി​ർ​ത്തി സം​ഘ​ർ​ഷ​ങ്ങ​ളി​ൽ, ത​ട​വു​കാ​രു​ടെ കൈ​മാ​റ്റ​ത്തി​ൽ, ഗ​സ്സ​യു​ടെ ഭ​ര​ണ​കാ​ര്യ​ത്തി​ൽ ഒ​ക്കെ അ​വ​ർ വ​ർ​ഷ​ങ്ങ​ളാ​യി നി​ര​ന്ത​രം ഇ​സ്രാ​യേ​ലു​മാ​യി സം​ഭാ​ഷ​ണ​ങ്ങ​ൾ ന​ട​ത്തി​വ​രു​ന്നു​ണ്ട്. വ​ർ​ഷ​ങ്ങ​ളാ​യി ഫ​ല​സ്തീ​ൻ പ്ര​ദേ​ശ​ത്തെ ശി​ഥി​ലീ​ക​രി​ച്ച് ക്ഷ​യി​പ്പി​ക്കാ​നു​ള്ള നെ​ത​ന്യാ​ഹു​വി​ന്‍റെ ചി​ല ന​യ​നി​ല​പാ​ടു​ക​ൾ ഹ​മാ​സി​ന് ശ​ക്തി​പ​ക​ർ​ന്നി​ട്ടു​മു​ണ്ട്.

ഭീ​ക​ര​ചെ​യ്തി​ക​ളെ ഹ​മാ​സ് ന്യാ​യീ​ക​രി​ക്കു​ന്ന​ത് ഇ​സ്രാ​യേ​ൽ അ​ധി​നി​വേ​ശ​ത്തി​നെ​തി​രാ​യ ചെ​റു​ത്തു​നി​ൽ​പ് എ​ന്ന നി​ല​യി​ലാ​ണ്. ഇ​സ്രാ​യേ​ലി അ​തി​ക്ര​മ​ത്തി​ന്‍റെ ആ​ഘാ​ത​ങ്ങ​ളെ കാ​ല​ങ്ങ​ളാ​യി അ​വ​ർ സം​ഘ​ട​നാ വ​ള​ർ​ച്ച​ക്ക് ഉ​പ​യോ​ഗ​പ്പെ​ടു​ത്തി​യി​ട്ടു​ണ്ട്. പു​തി​യ അം​ഗ​ങ്ങ​ളെ റി​ക്രൂ​ട്ട് ചെ​യ്യു​ന്ന​തി​നാ​യി അ​വ​ർ കൊ​ല്ല​പ്പെ​ട്ട​വ​രു​ടെ ഖ​ബ​റ​ട​ക്ക ച​ട​ങ്ങു​ക​ളി​ൽ സം​ബ​ന്ധി​ക്കു​ക​യും ഇ​സ്രാ​യേ​ലി വ്യോ​മാ​ക്ര​മ​ണ​ങ്ങ​ളി​ൽ കൊ​ല്ല​പ്പെ​ട്ട​വ​രു​ടെ കു​ടും​ബ​ങ്ങ​ളു​ടെ ദുഃ​ഖ​ത്തി​ൽ പ​ങ്കു​ചേ​രു​ക​യും ചെ​യ്യു​ന്നു. 16 വ​ർ​ഷം മു​മ്പ് ഇ​സ്രാ​യേ​ൽ ആ​രം​ഭി​ച്ച ഉ​പ​രോ​ധ​ത്തി​ന്‍റെ കെ​ടു​തി​ക​ളും ഒ​റ്റ​പ്പെ​ട​ലും ജ​യി​ൽ സ​മാ​ന സാ​ഹ​ച​ര്യ​വു​മൊ​ക്കെ അ​വ​ർ മു​ത​ൽ​ക്കൂ​ട്ടു​ന്നു.

ക​ഴി​ഞ്ഞ​യാ​ഴ്ച ‘ഹ​മാ​സ്=​ഐ​സി​സ്’ എ​ന്നു പ്ര​ഖ്യാ​പി​ച്ച് ഇ​സ്രാ​യേ​ൽ ആ​കാ​ശ​ത്തു​നി​ന്നു ധാ​രാ​ളം ല​ഘു​ലേ​ഖ​ക​ൾ ഗ​സ്സ​യി​ൽ ചൊ​രി​ഞ്ഞു. ആ ​മു​ന​മ്പി​ൽ ര​ക്ഷ​പ്പെ​ടാ​ൻ ഒ​രി​ട​വും ബാ​ക്കി​യി​ല്ലാ​തെ കു​ടു​ങ്ങി​പ്പോ​യ സി​വി​ലി​യ​ന്മാ​രോ​ട് ‘കീ​ഴ​ട​ങ്ങാ​ൻ’ ആ​വ​ശ്യ​പ്പെ​ട്ടു. എ​ന്നാ​ൽ, ഈ ​സ​മീ​പ​നം ഗ​സ്സ​യി​ലും അ​റ​ബ് ലോ​ക​ത്തു​ട​നീ​ള​വും ബ​ധി​ര​ക​ർ​ണ​ങ്ങ​ളി​ലേ പ​തി​ക്കൂ.

കാ​ര​ണം അ​വ​രെ​ല്ലാം ഹ​മാ​സി​നെ കാ​ണു​ന്ന​ത്, ഇ​സ്രാ​യേ​ൽ അ​ധി​നി​വേ​ശ​ത്തെ​യും ഉ​പ​രോ​ധ​ത്തെ​യും നേ​ർ​ക്കു​നേ​ർ വെ​ല്ലു​വി​ളി​ക്കു​ന്ന ഒ​രു മ​ത-​ദേ​ശീ​യ ഫ​ല​സ്തീ​ൻ ചെ​റു​ത്തു​നി​ൽ​പ് പ്ര​സ്ഥാ​ന​മാ​യാ​ണ്. ഇ​സ്രാ​യേ​ലി​ന് സ​മ​യ​വും ര​ക്ത​വും മ​നോ​ബ​ല​വു​മൊ​ക്കെ ഉ​പ​യോ​ഗി​ച്ച് ഹ​മാ​സി​ന്‍റെ പ്ര​ധാ​ന രാ​ഷ്ട്രീ​യ, സൈ​നി​ക​ഘ​ട​ന​ക​ളെ ശി​ഥി​ലീ​ക​രി​ക്കാ​ൻ ക​ഴി​ഞ്ഞേ​ക്കാം.

എ​ന്നാ​ൽ, വെ​ള്ള​വും വെ​ളി​ച്ച​വും അ​ന്ന​വും ഇ​ന്ധ​ന​വും മു​ട​ക്കി ഇ​സ്രാ​യേ​ൽ തു​ട​രു​ന്ന അ​തി​ക്ര​മ​ത്തി​ന്‍റെ ദു​രി​തം ഗ​സ്സ​യി​ലെ ഫ​ല​സ്തീ​നി​ക​ളെ കൂ​ടു​ത​ൽ വ​ള​ർ​ത്തു​ക​യേ​യു​ള്ളൂ. ഹ​മാ​സി​ന്‍റെ അ​വ​ശി​ഷ്ട​ങ്ങ​ൾ, ഫ​ല​സ്തീ​ൻ ഇ​സ്‍ലാ​മി​ക് ജി​ഹാ​ദ്, അ​തു​മ​ല്ലെ​ങ്കി​ൽ ഇ​നി​യും രൂ​പം കൊ​ള്ളാ​വു​ന്ന സാ​യു​ധ സം​ഘ​ട​ന​ക​ൾ ഈ ​വെ​റു​പ്പു​ക​ളെ ചൂ​ഷ​ണം ചെ​യ്ത് ഇ​സ്രാ​യേ​ലി​നെ​തി​രെ ഭാ​വി ആ​ക്ര​മ​ണ​ത്തി​നു വ​ഴി​യൊ​രു​ക്കാം.

സു​ര​ക്ഷാ​ഭീ​ഷ​ണി​ക​ളെ ഫ​ല​പ്ര​ദ​മാ​യി നേ​രി​ടാ​ൻ ഇ​സ്രാ​യേ​ലി നേ​താ​ക്ക​ൾ ഉ​പ​രി​പ്ല​വ താ​ര​ത​മ്യ​ങ്ങ​ൾ നി​ർ​ത്തി വ​സ്തു​ത​ക​ളെ വി​ല​മ​തി​ക്ക​ണം. ഹ​മാ​സി​ന്‍റെ ജ​ന​പ്രീ​തി മ​ത​തീ​വ്ര​വാ​ദ​ത്തി​ൽ നി​ന്ന​ല്ല, അ​മ​ർ​ഷം, മ​നോ​വേ​ദ​ന, നി​സ്സ​ഹാ​യ​ത എ​ന്നി​വ​യി​ൽ നി​ന്നു​ണ്ടാ​കു​ന്ന​താ​ണ്.

പ​ല​വി​ധ​ത്തി​ൽ ക​യ്പ്പു​നീ​ർ കു​ടി​ക്കേ​ണ്ടി​വ​രു​ന്ന യു​വ​ത​യെ കൂ​ടു​ത​ൽ ന​ശീ​ക​ര​ണ​വും നൈ​രാ​ശ്യ​വും വ​രു​ത്തി​വെ​ച്ച് തോ​ൽ​പി​ക്കാ​നാ​വി​ല്ല. ഫ​ല​സ്തീ​നി​ക​ൾ​ക്ക്, 75 വ​ർ​ഷ​മാ​യി അ​വ​ർ ആ​വ​ശ്യ​പ്പെ​ടു​ന്ന സ്വാ​ത​ന്ത്ര്യ​വും അ​ന്ത​സ്സും സ്വ​യം നി​ർ​ണ​യാ​വ​കാ​ശ​വും അ​നു​വ​ദി​ക്കു​ക​യാ​ണ് ഇ​സ്രാ​യേ​ലി​ന്‍റെ ദീ​ർ​ഘ​കാ​ല​സു​ര​ക്ഷ ഉ​റ​പ്പി​ക്കു​ന്ന​തി​നു​ള്ള ഫ​ല​പ്ര​ദ​മാ​യ വ​ഴി. നി​ർ​ഭാ​ഗ്യ​വ​ശാ​ൽ, ദ​ശ​ല​ക്ഷ​ക്ക​ണ​ക്കി​ന് ഫ​ല​സ്തീ​നി​ക​ൾ​ക്കും ഇ​സ്രാ​യേ​ലു​കാ​ർ​ക്കും ആ ​ല​ക്ഷ്യം ഒ​രു​പോ​ലെ അ​ക​ലെ അ​ക​ലെ​യാ​ണ്.