ജാതിപ്രേതങ്ങൾ വേട്ടയാടുന്ന കലാലയങ്ങൾ

ആത്​മഹത്യ താൽക്കാലികമായ ഒരു പ്രശ്​നത്തിനുള്ള ശാശ്വതമായ പരിഹാരമാണെന്ന ജോൺഗ്രീനി​​െൻറ പ്രസ്​താവം ഐ.ഐ.ടി മഡ് രാസിലെ ഹ്യൂമാനിറ്റീസ്​ വിഭാഗത്തിലെ ‘ഇൻഹ്യൂമൺ’ ഫാക്കൽറ്റിയുടെ ക്രൂരമായ മാനസിക പീഢനങ്ങൾക്കിരയായി ജീവനൊടുക് കിയ ഫാത്തിമ ലത്തീഫ്​ എന്ന മിടുക്കി കുട്ടി വായിച്ചിരുന്നോ? അതോ ആത്​മാഹുതി ചെയ്യാനായി പത്താം നിലയിൽ നിന്ന്​ ച ാടി ഏഴാം നിലയിലെത്തിയപ്പോൾ മനംമാറ്റം സംഭവിച്ച ഉംബോർ​ട്ടേ ഇക്കോവി​​െൻറ കഥാപ​ാത്രത്തി​​െൻറ അവസ്​ഥയായിരുന ്നുവോ അവളുടേത്​?

ഈ ചോദ്യങ്ങൾക്ക്​ നമുക്ക്​ ഒരിക്കലും ഉത്തരം കണ്ടെത്താനാകില്ല. പക്ഷേ, ഒന്നുണ്ട്​. ജോൺഗ്ര ീൻ പറഞ്ഞ താൽക്കാലികമായ ഒരു പ്രശ്​നത്തി​​െൻറ ഒറ്റപ്പെട്ട ബലിയാടല്ല ഫാത്തിമ. ജാതീയവും വർഗീയവുമായ അപചയ രേഖകൾ എന ്നും ഇന്ത്യൻ വിദ്യാഭ്യാസത്ത​ി​​െൻറ അസ്​ഥിത്വത്തെ കളങ്കിതമാക്കിയിട്ടുണ്ട്​. ഏകലവ്യ​​െൻറ വിരൽ ഗുരുദക്ഷിണയായ ി ചോദിച്ച ദ്രോണാചാര്യരുടേതിനപ്പുറം നീളുന്ന അപമാനവീകരണത്തി​​െൻറ ഈ കഥ ഒരു വെമുലയിലോ ഫാത്തിമയിലോ അവസാനിക് കുമെന്ന്​ കരുതുന്നത്​ മൗഢ്യമായിരിക്കും. വേദം കേൾക്കാനിടയാകുന്ന ശൂദ്ര​​െൻറ ചെവിയിൽ ഈയ്യമുരുക്കിയൊഴിക്കണമെ ന്ന്​ പറഞ്ഞ പഴയ മനുശാസസന തന്നെയാണ്​ മുസ്​ലിമായ അധ്യാപകൻ സംസ്​കൃതം പഠിപ്പിച്ചാൽ ആകാശം ഇടിഞ്ഞുവീഴുമെന്ന്​ പറഞ ്ഞ്​ പ്രക്ഷോഭം നടത്തുന്ന ബനാറസ്​ വിദ്യാർഥികളുടെ മനോഘടനയെ അടയാളപ്പെടുത്തുന്നത്​. പരിണാമത്തി​​െൻറ ദുർഗമമാർ ഗങ്ങൾ തരണംചെയ്​ത്​ വാനരിൽനിന്ന്​ ആദിമ മനുഷ്യനിലേക്കും ഒടുവിൽ ഹോമോസാപ്പിയ​​െൻറ ഉത്തുംഗതയെകുറിക്കുന്ന ഭാര തീയ ബ്രാഹ്​മണനിലേക്കും എത്തിയ ജെനെറ്റിക്​ മ്യൂ​ട്ടേഷനിൽ ആർജിതമായ അനിതര സാധാരണമായ ഒരു ജൈവസിദ്ധിയാണ്​ കഠിനമാ യ അപര വിരോധവും ഉൽക്കടമായ താൻപോരിമയും.

ചരിത്രത്തി​​െൻറ വർത്തമാനം
പ്രതിഭാധനനായ അംബേദ്​കർ വിദ്യാർഥിയായിരുന്നപ്പോൾ നേരിടേണ്ടിവന്ന ക്രൂരതകൾ ഏറെ വിവരിക്കപ്പെട്ടതാണ്​. പ്രധാനമായും ഉന്നത ജാതിക്കാർ പഠിച്ചിരുന്ന വിദ്യാലയത്തിൽ ബെഞ്ചിലിരിക്കാൻപോലും അനുവാദമില്ലാത്തതിനാൽ ഒരു പരുക്കൻ ചാക്കിൻ കഷ്​ണവുമായാണ്​ കുഞ്ഞു പ്രായത്തിൽ അദ്ദേഹം വിദ്യാലയത്തിലേക്ക്​ നടന്നത്​. ഒരിക്കൽ, കണക്കിലെ ഒരു വിഷമപ്രശ്​നത്തിന്​ ഉത്തരമറിയുന്ന ഒരേ ഒരു കുട്ടി ആ മിടുക്കനായിരുന്നു. അധ്യാപകൻ ബോർഡിൽ അത്​ ചെയ്​ത്​ കൊടുക്കാൻ ആവശ്യപ്പെട്ടപ്പോൾ ക്ലാസിലെ പൂണൂലുകളും അര നൂലുകളും ഒന്നടങ്കം ബഹളംവെച്ചു. ഒരു മേൽ ജാതിക്കാരൻ ബോർഡിനടുത്ത്​ പോയാൽ അതി​​െൻറ പിറകിൽ വെച്ച തങ്ങളുടെ പാഥേയം മലിനമാകുമെന്നായിരുന്നു അവരുടെ കൂവൽ. പിൽക്കാലത്ത്​ ഇന്ത്യൻ ഭരണഘടനയെഴുതിയ ആ കുട്ടിയുടെ കൈയിൽനിന്ന്​ ചോക്ക്​ നിലത്ത്​ വീണു; അടക്കിപ്പിടിച്ച ഗദ്​ഗദങ്ങളുമായി ആ ബാലൻ ചാക്ക്​ പടത്തിൽ ചമ്രംപടിഞ്ഞിരുന്നു.

കൊളംബിയാ സർവകലാശാലയിൽനിന്ന്​ പഠനം പുർത്തിയാക്കി തിരിച്ചു വന്ന്​ കോളജ്​ അധ്യാപകനായി ജോലിനോക്കിയപ്പോഴും അംബേദ്​കറിനുണ്ടായ അനുഭവങ്ങൾ ​ൈ​കപേറിയതായിരുന്നു. അവർണനായ അധ്യാപകൻ ക്ലാസിൽ കാലെടുത്തുവെച്ച മാത്രേ സവർണരായ വിദ്യാർഥികൾ ബഹിഷ്​കരണഭേരി മുഴക്കി കൂട്ടത്തോടെ ഹാൾ വിട്ട്​ പോയി. പക്ഷേ, ജാതി രക്ഷസ്സുകളുടെ ചീറ്റലുകളും ഭീഷണികളുമെല്ലാം അംബേദ്​കറി​​െൻറ നിശ്ചയദാർഢ്യത്തിന്​ മുമ്പിൽ ചീറ്റിപ്പോയി. ഭരണഘടനയെഴുതാനുള്ള നിയോഗത്തെക്കുറിച്ച്​ ഒരിക്കൽ ആ മഹാത്​മാവ്​ ഇങ്ങനെ പറഞ്ഞു. സവർണന്​ ഒരു വേദം വേണ്ടിവന്നപ്പോൾ അവർ അവർണനായി. വ്യാസ​​െൻറ മുമ്പിൽ കുമ്പിട്ടു; സവർണന്​ ഒരിതിഹാസം രചിക്കേണ്ടിവന്നപ്പോൾ അവർ വാത്​മീകയുടെ അടുത്തെത്തി; അവന്​ ഒരു ഭരണഘടന വേണ്ടിവന്നപ്പോൾ അവൻ എ​​െൻറ അടുത്തെത്തി.

പക്ഷേ, അംബേദ്​കർ ഭരണഘടന പണിത സ്വതന്ത്ര ഇന്ത്യയിലും ദലിത്​ വിദ്യാർഥികളുടെ അനുഭവം വ്യത്യസ്​തമായിരുന്നില്ല. മണിമുഴങ്ങുന്നതിന്​ മുമ്പ്​ വിശാലമായ വിദ്യാലയവും പരിസരവും അടിച്ച്​ വൃത്തിയാക്കേണ്ട ജോലി പ്രിൻസിപ്പൽ ദലിതനായ ത​​െൻറ ചുമലിൽ കെട്ടിവെച്ചതി​​െൻറ യാതനകൾ ഓം പ്രകാശ്​ വാൽമീകി ‘എച്ചിൽ’ എന്നർഥം വരുന്ന ആത്​മകഥയിൽ വിവരിക്കുന്നുണ്ട്​. ഒരു സവർണന്​ ദലിത്​ സ്​ത്രീയിൽ പിറന്ന അരജാതിക്കാരനായതിനാൽ വിദ്യാലയത്തിൽ വെച്ച്​ നേരിടേണ്ടിവന്ന മാനസിക പീഠനങ്ങളെക്കുറിച്ച്​ ​ശരൺകുമാർ ലിംബാലയും വിവരിക്കുന്നുണ്ട്​. ഉല്ലാസ യാത്രാവേളകളിൽപോലും ജാതി തിരിച്ച്​ വിദ്യാർഥികളെ ഉണ്ണാനും കളിക്കാനും നിർബന്ധിച്ച ആ അധ്യാപകൻ ചെന്നൈ ​ൈഎ ​ൈഎടിയിലെ സുദർശൻ സാറിനെ പോല സർവബിരുദധാരികളായിരുന്നില്ലെങ്കിലും മനസ്സിൽ അതേ കിരാത ജാതിഭൂതങ്ങൾക്ക്​ ഒളിമാളങ്ങൾ ഒരുക്കിയവരായിരുന്നു.

‘ഹൈഡ്രാഹെഡഡ്​ ട്രാവലിങ്​ സർക്കസ്​’ എന്ന്​ അരുന്ധതീ റോയ്​ വിശേഷിപ്പിച്ച ഹിന്ദുത്വത്തി​​െൻറ അഭൂതപൂർവമായ വളർച്ചയോടെ ഇന്ത്യയിൽ ജാതിപ്പിശാചിന്​ കൂടുതൽ ലക്ഷണമൊത്ത ഇരകളെ കണ്ടെത്താൻ കഴിഞ്ഞുവെന്നത്​ വിധിയുടെ ഒരു സ്വാഭാവിക പരിണിതിയായിരുന്നു. ഒരു കാലത്ത്​ കറുത്ത വർഗക്കാരും അമരിന്ത്യക്കാരും അനുഭവിച്ചിരുന്ന ക്രൂരതകളും വിവേചനങ്ങളും മാറിയ രാഷ്​ട്രീയ പരിതസ്​ഥിതിയിൽ ഇസ്​ലാമോഫോബിയയുടെ രൂപമാർജിക്കുന്നതിനെക്കുറിച്ച്​ ഡേവിഡ്​ തിയോഗോൾബേർഗിനെപോലുള്ളവർ ഉപന്യസിച്ചിട്ടുണ്ട്​. ഇന്ത്യൻ ബ്രാഹ്​മണ്യവും അതി​​െൻറ പുതുയൗവനത്തിൽ കണ്ണുവെച്ചിരിക്കുന്നത്​ ഈ ഇരയെ തന്നെയാണെന്നതിന്​ ഉദാഹരണങ്ങൾ വേണ്ടുവോളം.

മുസ്​ലിം വിദ്യാർഥികൾ കലാലയങ്ങളിൽ നേരിടുന്ന മതസ്​പർധയെക്കുറിച്ച്​ ഈ ലക്കം ‘ദ ഹിന്ദു’ ഞായറാഴ്​ച പതിപ്പ്​ (17.11.19) വിശദമായി ചർച്ചചെയ്യുന്നുണ്ട്​.
‘ക്ലാസിലെ മറ്റേ കുട്ടി’ എന്ന ശീൽഷകത്തിലുള്ള ആ ലേഖനത്തിൽ മുസ്​ലിം കുട്ടികൾ നേരിടുന്ന ‘അപരവത്​കരണ’ത്തി​​െൻറ പല നേർസാക്ഷയങ്ങളുമാണ്​ അർച്ചന നാഥൻ അവതരിപ്പിക്കുന്നത്​. ചില ഉദാഹരണങ്ങൾ:

ഒമ്പതുകാരിയായ സൊയയോട്​ ഒരു സഹപാഠിനി ചോദിച്ച ചോദ്യം നിഷ്​കളങ്കമായിരുന്നു. നി​​െൻറ അബ്ബക്ക്​ വീട്ടിൽ ബോംബുണ്ടാക്കുന്ന ഏർപ്പാടുണ്ടോ? സോയയുടെ ഉപ്പയുടെ താടിവെച്ച ഒരു ഫോ​ട്ടോ ആ സഹപാഠിനി കാണാനിടയായതായിരുന്നു ചോദ്യത്തിന്​ പ്രകോപനം. കാര്യങ്ങൾ, പക്ഷേ, അവിടം കൊണ്ടവസാനിച്ചില്ല. സോയയുടെ സഹപാഠിനികൾ അവളുടെ അടുത്തിരുന്ന്​ ഭക്ഷണം കഴിക്കാൻ വിസമ്മതിച്ചു. ബീഫ്​ അടിക്കുന്ന ആളുമായി എങ്ങനെ കൂട്ടുകൂടും അവർ ആശങ്കപ്പെട്ടു. ക്ലാസ്​ റൂമിലെ നിരന്തരമായ അപരവത്​കരണവും കുത്ത്​ പ്രയോഗങ്ങളും എത്രയോ മുസ്​ലിം വിദ്യാർഥികളെ ഡിപ്രഷനിലേക്ക്​ തള്ളിയിടുന്നതായും പലരും മനശ്ശാസ്​ത്ര ക്ലിനിക്കുകളിൽ അഭയം തേടുന്നതായും ലേഖിക പറയുന്നു. പ്രശസ്​ത എഴുത്തുകാരിയായ നതാഷാ ഭദ്വാറി​​െൻറ അഭിപ്രായത്തിൽ അനുദിനം ശക്​തിപ്രാപിക്കുന്ന കാശ്​മീരിർ-വിരുദ്ധ, പാക്​ വിരുദ്ധ, ബംഗ്ലാദേശീ വിരുദ്ധ ആഖ്യാനങ്ങളിൽനിന്നാണ്​ കുട്ടികൾക്കിടയിലെ ഇസ്​ലാമോഫോബിയ അതി​​െൻറ ഊർജം കണ്ടെത്തുന്നത്​.
മുസ്​ലിമായ ഭർത്താവിലുണ്ടായ മകൾ സഹറിനുണ്ടായ അനുഭവം ഭദ്വാർ വിവരിക്കുന്നു. താൻ പാകിസ്​ഥാനിയാണോ എന്ന്​ പലപ്പോഴും അവരോട്​ കൂട്ടുകാരികൾ ചോദിക്കുന്നു. പുതിയ പാഠപുസ്​തകങ്ങളിൽ കടന്നുകൂടിയിരിക്കുന്ന ഇസ്​ലാം വിരോധം മുസ്​ലിം കുട്ടികൾ നേരിടുന്ന വിവേചനത്തിന്​ ആക്കം കൂട്ടുമെന്ന്​ അർച്ചന നാഥൻ വാദിക്കുന്നു.

ടിപ്പുവിനെ ഒരു മതഭ്രാന്തനായി കണക്കാക്കുന്ന കർണാടക സർക്കാർ അദ്ദേഹത്തെ കുറിച്ചുള്ള മുഴുവൻ പാഠങ്ങളും നീക്കം ചെയ്യാനാണ്​ നിർദേശിച്ചിരിക്കുന്നത്​. മുസ്​ലിം ചരിത്രത്തി​​െൻറ പിശാച്​വത്​കരണത്തോടൊപ്പം നടക്കുന്ന ഹിന്ദുത്വ നേതാക്കളുടെ വിഗ്രഹവത്​കരണവും ന്യൂനപക്ഷങ്ങൾക്ക്​ അപായ സൂചനകളടങ്ങിയതാണ്​. യഥാർഥ ചരിത്രം ഇവിടെ തമസ്​കരിക്കപ്പെടുകയും പകരം അപസർപ്പക കഥകൾ വസ്​തുതകളായി അവതരിപ്പിക്കപ്പെടുകയും ചെയ്യുന്നു. 1568ൽ നടന്ന ഹൽദിഘട്ടി യുദ്ധത്തിൽ മുകൾ സൈന്യത്തോടേറ്റുമുട്ടി രജപുത്ര രാജാവായിരുന്ന റാണാപ്രതാപ്​ സിങ്​ തോറ്റോടിയെന്നതാണ്​ യഥാർഥ ചരിത്രം. എന്നാൽ, ഇന്ന്​ രാജസ്​ഥാനിൽ പഠിപ്പിക്കുന്ന ടെക്​സ്​റ്റ്​ ബുക്കുകൾ പറയുന്നത്​ വിജയിച്ചത്​ പ്രതാപ്​സിങ്ങായിരുന്നുവെന്നാണ്​. കാരണം, പരിക്കുകളേറ്റെങ്കിലും അദ്ദേഹം ഓടി രക്ഷപ്പെട്ടല്ലോ?

രജപുത്ര ധീരതയെന്ന മിഥ്യയെ വീണ്ടും പൊലിപ്പിക്കുക എന്നതിന്​ പുറമെ അപരനെ പൂർണമായും നിർവീര്യമാക്കുക എന്നത്​ കൂടിയാണ്​ ഇത്തരം ചരിത്രരചനകളുടെ ദൗത്യം ഇത്തരം ആഖ്യാനങ്ങൾ പരുവംചെയ്യുന്ന ഒരു പരിസരത്തിൽ ജാതി-മത മറുകുകളുടെ ഭാരം പേറി ഒരു രോഹിത്​ ഫെമൂലയും ഫാത്തിമയുമ ആത്​മഹത്യചെയ്​തില്ലെങ്കിലേ അത്​ഭുമുള്ളൂ.

വാൽക്കഷ്​ണം: ഇന്ത്യയിലെ ഒരു പ്രമുഖ ഐ.ഐ.ടിയിൽ തിസീസ്​ സമർപ്പിച്ചശേഷം സൂപ്പർവൈസറോടൊപ്പം ത​​െൻറ പഠനമേഖലയിൽ നിപുണനായ എക്​സാമിനേസി​​െൻറ പേരുകൾക്കായി ഗൂഗ്​ൾ ചെയ്യുകയായിരുന്നു അയാൾ. വളരെ പ്രഗൽഭനായ ഒരു പ്രൊഫസറുടെ ​പ്രൊഫൈൽ കണ്ടപ്പോൾ ആളെ പേനയിൽ ഉൾപ്പെടുത്താമോയെന്ന്​ തികഞ്ഞ മതേതരനായ സൂപ്പർവൈസറോട്​ അയാൾ തിരക്കി. ഒരു മുസ്​ലിം ഗവേഷകന്​ മുസ്​ലിം എകസാമിനർ എന്നത്​ ഡയറക്​ടർ അനുവദിക്കുന്നുവെന്ന്​ തോന്നുന്നില്ല -സൂപ്പർവൈസർ പറഞ്ഞു.
ഇന്ത്യയിലെ ഐ.ഐ.ടിയിലെ മഹാഭൂരിഭാഗം വിദ്യാർഥികളും ഗവേഷകരും സവർണ കുലങ്ങളിൽ പിറന്നവരാണ്​. അവരുടെ സൂപ്പർവൈസർമാരും എക്​സാമിനേസും അതേ കുലങ്ങളിൽ പെട്ടവർ. പക്ഷേ, അതൊന്നും ഒരു ഡയറക്​ടർക്കും വിഷയമല്ല.

( ബോംബെ ഐ.ഐ.ടിയിൽ നിന്ന്​ ഇംഗ്ലീഷ്​ സാഹിത്യത്തിൽ പി.എച്ച്​.ഡി നേടിയ ലേഖകൻ കലിക്കറ്റ്​ സർവകലാശാലയിൽ അധ്യാപകനാണ്​. ലേഖനത്തിലെ നിരീക്ഷണങ്ങൾ വ്യക്​തിപരമാണ്​.)