ഗ​സ്സ​യു​ദ്ധ​ത്തി​ലെ ഇ​സ്രാ​യേ​ൽ നു​ണ​ബോം​ബു​ക​ൾ

യു​ക്രെ​യ്ൻ പ്ര​തി​സ​ന്ധി​യു​മാ​യി ബ​ന്ധ​പ്പെ​ട്ട്​ അ​മേ​രി​ക്ക​ൻ പ്ര​സി​ഡ​ന്‍റ്​ നി​ല​പാ​ടി​ൽ ഉ​റ​ച്ചു​നി​ൽ​ക്ക​ണം എ​ന്ന ഒ​രു പ്ര​സ്താ​വ​ന​യെ സ​മൂ​ഹ​മാ​ധ്യ​മ​മാ​യ ‘എ​ക്സി’​ൽ ഒ​രാ​ൾ ട്രോ​ളി​യ​ത്, പ​ല ത​വ​ണ അ​ടി​തെ​റ്റി വീ​ഴു​ന്ന/​വീ​ഴാ​ൻ​പോ​കു​ന്ന ജോ ​ബൈ​ഡ​ന്‍റെ പ​ട​ങ്ങ​ൾ പ​ങ്കു​വെ​ച്ചാ​യി​രു​ന്നു.

നി​ല തെ​റ്റു​ന്ന​വ​ർ പി​ന്നെ എ​ങ്ങ​നെ നി​ല​പാ​ടു​റ​പ്പി​ക്കാ​ൻ എ​ന്ന ചോ​ദ്യ​മാ​ണ്​ ട്രോ​ള​ൻ ഉ​യ​ർ​ത്തി​യ​ത്. ലോ​കം ഇ​സ്രാ​യേ​ലി​ന്‍റെ പൈ​ശാ​ചി​ക​മാ​യ ആ​ശു​പ​ത്രി​ക്കു​രു​തി​യു​ടെ ആ​ഘാ​ത​ത്തി​ൽ നി​ൽ​ക്കേ ഇ​ന്ന​ലെ ബു​ധ​നാ​ഴ്ച തെ​ൽ അ​വീ​വി​ലെ​ത്തി​യ യു.​എ​സ്​ പ്ര​സി​ഡ​ന്‍റ്, ‘സം​ഭ​വ​ത്തി​ൽ നി​ങ്ങ​ള​ല്ല, മ​റ്റ​വ​ന്മാ​രാ​ണ്​’ പ്ര​തി​ക​ൾ എ​ന്നു പ്ര​തി​ക​രി​ച്ച​തു കേ​ട്ട​പ്പോ​ൾ നേ​ര​ത്തേ ക​ണ്ട​തു ​​വെ​റു​മൊ​രു ട്രോ​ള​ല്ല എ​ന്നു വ്യ​ക്ത​മാ​യി.

ഒ​ക്​​ടോ​ബ​ർ ഏ​ഴി​നു ന​ട​ത്തി​യ ആ​ക്ര​മ​ണ​ത്തി​നി​ടെ ഹ​മാ​സ്​ ക​ഫ​ർ ആ​സ​യി​ലെ കു​ഞ്ഞു​ങ്ങ​ളു​ടെ ക​ഴു​ത്ത​റു​ത്തു​വെ​ന്ന ഇ​സ്രാ​യേ​ലി ക​ള്ള​ക്ക​ഥ ഏ​റ്റു​പ​റ​ഞ്ഞ്​ പൊ​ള്ളി​യ​താ​ണ്​ ബൈ​ഡ​ന്. അ​ന്ന്​ വൈ​റ്റ്​​ഹൗ​സി​ൽ ത​ന്നെ വ​ന്നു​ക​ണ്ട ജൂ​ത​നേ​താ​ക്ക​ളോ​ട്​​ ഭീ​ക​ര​ന്മാ​ർ ഇ​സ്രാ​യേ​ലി​ൽ കു​ഞ്ഞു​ങ്ങ​ളു​ടെ ക​ഴു​ത്ത​റു​ക്കു​ന്ന ചി​ത്ര​ങ്ങ​ൾ ക​ണ്ടു ഞെ​ട്ടി​യ കാ​ര്യം അ​ദ്ദേ​ഹം പ​ങ്കു​വെ​ച്ചു.

എ​ന്നാ​ൽ പി​റ​കേ വ​ന്നു വൈ​റ്റ്​​ഹൗ​സി​ന്‍റെ വി​ശ​ദീ​ക​ര​ണം: ‘‘പ്ര​സി​ഡ​ന്‍റ്​ ജോ ​ബൈ​ഡ​നോ യു.​എ​സ്​ ഒ​ഫീ​ഷ്യ​ലു​​ക​ളോ ഹ​മാ​സ്​ ഭീ​ക​ര​ർ ഇ​സ്രാ​യേ​ലി കു​ഞ്ഞു​ങ്ങ​ളു​ടെ ക​ഴു​ത്ത​റു​ക്കു​ന്ന ദൃ​ശ്യ​ങ്ങ​ൾ കാ​ണു​ക​യോ സ്വ​ത​ന്ത്ര​മാ​യി സ്ഥി​രീ​ക​രി​ക്കു​ക​യോ ചെ​യ്തി​ട്ടി​ല്ല. നെ​ത​ന്യാ​ഹു​വി​ന്‍റെ വ​ക്താ​വും ഇ​സ്രാ​യേ​ൽ മാ​ധ്യ​മ​ങ്ങ​ളും ന​ൽ​കി​യ വി​വ​ര​ങ്ങ​ളെ ആ​ധാ​ര​മാ​ക്കി​യാ​ണ്​ അ​ദ്ദേ​ഹ​ത്തി​ന്‍റെ അ​ഭി​പ്രാ​യ പ്ര​ക​ട​നം’’.

എ​ന്നി​ട്ടി​പ്പോ​ൾ അ​തെ​ല്ലാം മ​റ​ന്ന്​ ചൊ​വ്വാ​ഴ്ച​യി​​ലെ ആ​ശു​പ​ത്രി​ക്കു​രു​തി സം​ബ​ന്ധി​ച്ച ഇ​സ്രാ​യേ​ലി​ന്‍റെ പൊ​ട്ടാ​തെ പോ​യ നു​ണ​ബോം​ബു​ക​ൾ പി​ന്നെ​യും പൊ​ട്ടി​ക്കാ​നു​ള്ള ശ്ര​മ​മാ​ണ്​ അ​മേ​രി​ക്ക​ൻ പ്ര​സി​ഡ​ന്റ് ന​ട​ത്തി​യ​ത്. ഇ​സ്രാ​യേ​ലി​നു വാ​ഴ്ത്തു​പാ​ടു​ന്ന എം.​എ​സ്.​എ​ൻ.​ബി.​സി, ബി.​ബി.​സി ചാ​ന​ലു​ക​ളും വെ​ബ്​​സൈ​റ്റു​ക​ളും വ്യാ​ജ​വാ​ർ​ത്ത ബു​ധ​നാ​ഴ്ച വെ​ളു​പ്പി​നെ നി​ഷേ​ധി​ച്ചി​ട്ടും ​യു.​എ​സ്​ പ്ര​സി​ഡ​ന്‍റ്​ അ​ത​റി​ഞ്ഞി​ല്ല. അ​ദ്ദേ​ഹം ​തെ​ൽ അ​വീ​വി​ൽ സ്വ​ന്തം ‘ബീ​ബി’​ക്ക്​ ഗു​ഡ്​ സ​ർ​ട്ടി​ഫി​ക്ക​റ്റും കൂ​ടു​ത​ൽ പി​ന്തു​ണ​യും പ​തി​ച്ചു​ന​ൽ​കി.

ഇ​സ്രാ​യേ​ൽ ക​രു​തി​ക്കൂ​ട്ടി​യ ആ​ശു​പ​ത്രി​ക്കു​രു​തി

ക​ഴി​ഞ്ഞ ഒ​ക്​​ടോ​ബ​ർ ഏ​ഴു മു​ത​ൽ ഗ​സ്സ​യി​ലെ സം​ഭ​വ​വി​കാ​സ​ങ്ങ​ൾ നി​രീ​ക്ഷി​ച്ചു​വ​രു​ന്ന​വ​ർ​ക്ക്​ ഇ​സ്രാ​യേ​ലി​ന്‍റെ ആ​ശു​പ​ത്രി കൂ​ട്ട​ക്കു​രു​തി​യി​ൽ സ​ന്ദേ​ഹം തോ​ന്നാ​നി​ട​യി​ല്ല. നി​ഷ്ഠു​ര​ത​ക​ളി​ൽ അ​തി​മാ​ര​ക​മാ​യ​ത് ഫ​ല​സ്തീ​നെ​തി​രെ പ്ര​യോ​ഗി​ക്കു​ക എ​ന്ന​ത്​ പ​തി​റ്റാ​ണ്ടു​ക​ളാ​യി ഇ​സ്രാ​യേ​ൽ ഭ​ര​ണ​കൂ​ടം ചെ​യ്തു​വ​രു​ന്ന​താ​ണ്.

ആ​ശു​പ​ത്രി​ക​ളോ, അ​ഭ​യാ​ർ​ഥി ക്യാ​മ്പു​ക​ളോ, മാ​ധ്യ​മ​പ്ര​വ​ർ​ത്ത​ക​രോ, യു​ദ്ധ​വി​രാ​മ​ത്തി​നും തു​ട​ർ സ​മാ​ധാ​ന നീ​ക്ക​ങ്ങ​ൾ​ക്കും സേ​വ​നം ചെ​യ്യു​ന്ന യു.​എ​ൻ വേ​ദി​ക​ളോ ഒ​ന്നും അ​വ​ർ​ക്കു പ്ര​ശ്ന​മ​ല്ല. എ​ന്ന​ല്ല, പ​തി​വി​നു വി​പ​രീ​ത​മാ​യി ഇ​ത്ത​വ​ണ അ​വ​രെ പ്ര​ത്യേ​കം ഉ​ന്ന​മി​ട്ടു​വെ​ന്ന് സം​ശ​യി​ക്കാ​ൻ വ​ക ന​ൽ​കു​ന്നു മാ​ധ്യ​മ​പ്ര​വ​ർ​ത്ത​ക​രെ​യും യു.​എ​ൻ സ​ന്ന​ദ്ധ​പ്ര​വ​ർ​ത്ത​ക​രെ​യും കൊ​ല​പ്പെ​ടു​ത്തി​യ രീ​തി.

യു.​എ​ൻ സ്കൂ​ളി​ലെ 11 ജീ​വ​ന​ക്കാ​രും 30 കു​ട്ടി​ക​ളും കൊ​ല്ല​പ്പെ​ട്ട വി​വ​രം​ ഒ​ക്​​ടോ​ബ​ർ 11ന് ​ബു​ധ​നാ​ഴ്ച യു.​എ​ൻ വ​ക്താ​വാ​ണ്​ വെ​ളി​പ്പെ​ടു​ത്തി​യ​ത്. 2021 ജ​നു​വ​രി​യി​ൽ ഗ​സ്സ​യി​ലെ കു​ട്ടി​ക​ളു​ടെ ആ​ശു​പ​ത്രി​യും സ്കൂ​ളും അ​വ​ർ വ്യോ​മാ​ക്ര​മ​ണ​ത്തി​ൽ ത​ക​ർ​ത്ത​തി​നെ​തി​രെ യു​ദ്ധ​ക്കു​റ്റ ആ​രോ​പ​ണ​വു​മാ​യി ആം​ന​സ്റ്റി​യും രം​ഗ​ത്തു​വ​ന്നി​രു​ന്നു.

ആ ​വ​ർ​ഷം ത​ന്നെ മേ​യി​ൽ മ​റ്റൊ​രു ആ​ശു​പ​ത്രി​യി​ൽ ഷെ​ല്ലാ​ക്ര​മ​ണം ന​ട​ത്തി​യ​തി​ൽ നാ​ലു പേ​ർ കൊ​ല്ല​പ്പെ​ടു​ക​യും 40 പേ​ർ​ക്ക്​ പ​രി​ക്കേ​ൽ​ക്കു​ക​യും ചെ​യ്തു. ഇ​ത്ത​വ​ണ ഫ​ല​സ്​​തീ​നി​ലെ ന​ര​മേ​ധ​ത്തി​നി​ടെ പ​ല ത​വ​ണ ആ​ശു​പ​ത്രി​ക​ൾ​ക്കു നേ​രെ ഇ​സ്രാ​യേ​ലി​ന്‍റെ ഭീ​ഷ​ണി​യു​ണ്ടാ​യി. 2000 പേ​ർ​ക്ക് കി​ട​ത്തി​ച്ചി​കി​ത്സ ന​ൽ​കി​വ​രു​ന്ന വ​ട​ക്ക​ൻ ഗ​സ്സ​യി​ലെ 22 ആ​ശു​പ​ത്രി​ക​ൾ എ​ത്ര​യും പെ​ട്ടെ​ന്ന്​ ഒ​ഴി​യ​ണ​മെ​ന്ന്​ ആ​വ​ശ്യ​പ്പെ​ട്ട്​ ഇ​സ്രാ​യേ​ൽ തു​ട​ര​ത്തു​ട​രെ ഉ​ത്ത​ര​വു​ക​ളി​റ​ക്കി.

അ​തി​നെ​തി​രെ ക​ഴി​ഞ്ഞ ശ​നി​യാ​ഴ്ച ലോ​കാ​രോ​ഗ്യ സം​ഘ​ട​ന ശ​ക്ത​മാ​യി പ്ര​തി​ഷേ​ധി​ക്കു​ക​യും പ​രി​ക്കേ​റ്റ​വ​ർ​ക്കും​ രോ​ഗി​ക​ൾ​ക്കു​മു​ള്ള വ​ധ​ശി​ക്ഷ​യാ​കും അ​തെ​ന്ന്​ മു​ന്ന​റി​യി​പ്പു ന​ൽ​കു​ക​യും ചെ​യ്തി​രു​ന്നു. ‘ഡോ​ക്​​ടേ​ഴ്​​സ്​ വി​ത്തൗ​ട്ട്​ ബോ​ർ​ഡേ​ഴ്​​സ്​’ സം​ഘ​ട​ന​യും വീ​ടു​ക​ളും ആ​ശു​പ​ത്രി​ക​ളും വി​ട്ടൊ​ഴി​യാ​നു​ള്ള 24 മ​ണി​ക്കൂ​ർ നേ​ര അ​ന്ത്യ​ശാ​സ​ന​ത്തി​നെ​തി​രെ രം​ഗ​ത്തു​വ​ന്നു. എ​ന്നാ​ൽ അ​തൊ​ന്നും ചെ​വി​ക്കൊ​ള്ളാ​തെ ഇ​സ്രാ​യേ​ൽ അ​വ​ർ​ക്കു തോ​ന്നി​യ​ത്​ ചെ​യ്തു.

രോ​ഗി​ക​ളാ​യ കു​ഞ്ഞു​ങ്ങ​ളും സ്ത്രീ​ക​ളു​മ​ട​ക്ക​മു​ള്ള നി​ര​പ​രാ​ധി​ക​ൾ​ക്ക്​ അ​വ​ർ കൂ​ട്ട വ​ധ​ശി​ക്ഷ ന​ട​പ്പാ​ക്കി. വീ​ണി​ട​ത്തു​നി​ന്നു ​പ്ര​ദേ​ശം മു​ഴു​വ​ൻ ക​ത്തി​യാ​ളി​പ്പ​ട​രാ​ൻ ശേ​ഷി​യു​ള്ള മാ​ര​ക റോ​ക്ക​റ്റ്​ ബാ​രേ​ജു​ക​ൾ അ​ൽ അ​ഹ്​​ലി ബാ​പ്​​റ്റി​സ്റ്റ്​ ആ​ശു​പ​ത്രി​യു​ടെ മു​ക​ളി​ൽ വ​ർ​ഷി​ച്ചു.

ആം​ഗ്ലി​ക്ക​ൻ ച​ർ​ച്ചി​ന്‍റെ ഉ​ട​മ​സ്ഥ​ത​യി​ലു​ള്ള ആ ​ആ​ശു​പ​ത്രി താ​ര​ത​മ്യേ​ന സു​ര​ക്ഷി​ത​മാ​വും എ​ന്നു ക​രു​തി ആ​ളു​ക​ൾ കു​ടും​ബ​സ​മേ​തം അ​ഭ​യം തേ​ടി​യ ഇ​ടം കൂ​ടി​യാ​യി​രു​ന്നു. അ​വി​ടെ​യും ഇ​സ്രാ​യേ​ൽ ​പൈ​ശാ​ചി​ക​ത ന​ക്കി​ത്തു​ട​ച്ചു.

അ​ൽ അ​ഹ്​​ലി​യി​ൽ ഇ​ത്​ ആ​ദ്യ ഉ​ന്ന​മ​ല്ല

അ​ൽ അ​ഹ്​​ലി ആ​ശു​പ​ത്രി​ക്കു നേ​രെ ദി​വ​സ​ങ്ങ​ൾ​ക്കു മു​മ്പും ആ​ക്ര​മ​ണ​മു​ണ്ടാ​യ​താ​യി സം​ഭ​വ​സ്ഥ​ല​ത്തു​നി​ന്ന് വാ​ർ​ത്ത ന​ൽ​കി വ​ന്ന അ​ൽ​ജ​സീ​റ ലേ​ഖ​ക​ൻ വാ​ഇ​ൽ ദ​ഹ്​​ദൂ​ഹ്​ പ​റ​യു​ന്നു. ജ​റൂ​സ​ല​മി​ലെ എ​പ്പി​സ്​​കോ​പ്പ​ൽ രൂ​പ​ത​യു​ടെ കീ​ഴി​ലെ അ​മേ​രി​ക്ക​ൻ ഫ്ര​ൻ​ഡ്​​സ്​ ആ​ണ്​ ആ​ശു​പ​ത്രി​ക്കു ഫ​ണ്ട് ചെ​യ്തു​വ​രു​ന്ന​ത്.

ഒ​ക്​​ടോ​ബ​ർ 14ന്​ ​ആ​ശു​പ​ത്രി​യു​ടെ അ​ർ​ബു​ദ രോ​ഗ​പ​രി​ശോ​ധ​ന കേ​ന്ദ്ര​ത്തി​നു​മേ​ൽ ഇ​സ്രാ​യേ​ൽ റോ​ക്ക​റ്റ്​ പ​തി​ച്ചി​രു​ന്നു. നാ​ലു പേ​ർ​ക്ക്​ അ​ന്ന് പ​രി​ക്കേ​റ്റു. പി​റ്റേ​ന്നാ​ൾ ഇ​സ്രാ​യേ​ലി സൈ​നി​ക​ർ ആ​ശു​പ​ത്രി ഡ​യ​റ​ക്ട​റെ വി​ളി​ച്ചു ‘ഇ​ന്ന​ലെ ര​ണ്ടു ഷെ​ല്ലു​ക​ൾ കൊ​ണ്ട്​ സൂ​ച​ന ത​ന്ന’ കാ​ര്യം ഓ​ർ​മി​പ്പി​ച്ച്​ ആ​ശു​പ​ത്രി ഒ​ഴി​യാ​ൻ ആ​വ​ശ്യ​പ്പെ​ട്ടി​രു​ന്നു.

ഹ​മാ​സും അ​നു​ബ​ന്ധ വി​ഭാ​ഗ​ങ്ങ​ളും ആ​ശു​പ​ത്രി താ​വ​ള​മാ​ക്കി​യി​രി​ക്കു​ക​യാ​ണെ​ന്നും അ​തി​നാ​ൽ എ​ല്ലാ​വ​രും ഉ​ട​ൻ ആ​ശു​പ​ത്രി വി​ട്ടു​പോ​ക​ണ​മെ​ന്നും ഇ​സ്രാ​യേ​ൽ സേ​ന നേ​ര​ത്തേ ആ​വ​ശ്യ​പ്പെ​ട്ടു വ​ന്നി​രു​ന്ന​താ​ണ്. അ​തു​വെ​ച്ചാ​ണ്​ ഇ​സ്രാ​യേ​ലി​ന്‍റെ ഡി​ജി​റ്റ​ൽ യു​ദ്ധം ന​യി​ക്കു​ന്ന ഹ​നാ​ന്യ ന​ഫ്താ​ലി, സ്​​ഫോ​ട​നം ന​ട​ന്ന​യു​ട​ൻ ആ​ഹ്ലാ​ദ​ത്തോ​ടെ ‘എ​ക്സി’​ൽ ചാ​ടി വീ​ണ​ത്.

ഇ​സ്രാ​യേ​ൽ വ്യോ​മ​സേ​ന ഗ​സ്സ ആ​ശു​പ​ത്രി​യി​ലെ ഹ​മാ​സ്​ ഭീ​ക​ര​വാ​ദി താ​വ​ളം ത​ക​ർ​ത്തി​രി​ക്കു​ന്നു എ​ന്നാ​യി​രു​ന്നു ഹ​നാ​ന്യ​യു​ടെ ബ്രേ​ക്കി​ങ്. ഹ​മാ​സ്​ ആ​ശു​പ​ത്രി​ക​ൾ, പ​ള്ളി​ക​ൾ, സ്കൂ​ളു​ക​ൾ എ​ന്നി​വി​ട​ങ്ങ​ളി​ൽ​നി​ന്ന് റോ​ക്ക​റ്റു​ക​ൾ തൊ​ടു​ക്കു​ക​യും സി​വി​ലി​യ​ന്മാ​രെ മ​നു​ഷ്യ​ക​വ​ച​മാ​ക്കി മാ​റ്റു​ക​യാ​ണെ​ന്നും ഇ​സ്രാ​യേ​ൽ ആ​ക്ര​മ​ണ​ത്തി​ന്​ അ​ദ്ദേ​ഹം ന്യാ​യ​വും ച​മ​ച്ചു. ​

നു​ണ​ബോം​ബ്​ വ​ന്ന വ​ഴി

അ​പ്പോ​ഴേ​ക്കും ച​ർ​ച്ച്​ നി​യ​ന്ത്ര​ണ​ത്തി​ലു​ള്ള ബാ​പ്​​റ്റി​സ്റ്റ്​ അ​റ​ബ്​ നാ​ഷ​ന​ൽ ആ​ശു​പ​ത്രി ത​ക​ർ​ത്തു കൂ​ട്ട​ക്ക​ശാ​പ്പ്​ ന​ട​ത്തി​യ പൈ​ശാ​ചി​ക​ത​ക്കെ​തി​രാ​യ രോ​ഷം ലോ​ക​മാ​കെ അ​ണ​പൊ​ട്ടി​ത്തു​ട​ങ്ങി​യി​രു​ന്നു. അ​തു മ​ന​സ്സി​ലാ​ക്കി ഇ​സ്രാ​യേ​ൽ ഹ​മാ​സി​നും ഇ​സ്​​ലാ​മി​ക്​ ജി​ഹാ​ദി​നും മേ​ൽ കു​റ്റം ​വെ​ച്ചു​കെ​ട്ടി രം​ഗ​ത്തു​വ​ന്നു.

അ​തോ​ടെ ഹ​നാ​ന്യ പോ​സ്റ്റ്​ മു​ക്കി പു​തി​യ വി​ശ​ദീ​ക​ര​ണ പോ​സ്റ്റു​മാ​യി രം​ഗ​ത്തു​വ​ന്നു-​ഇ​സ്രാ​യേ​ലി​ന്‍റെ നു​ണ​ബോം​ബ് ഏ​റ്റെ​ടു​ത്തു​കൊ​ണ്ട്. തെ​ൽ അ​വീ​വി​ൽ​നി​ന്ന് ഇ​സ്രാ​യേ​ലി​ന്‍റെ സ്വ​ന്തം സേ​ന വ​ക്താ​വ് ത​ന്നെ​യാ​ണ്​ നു​ണ​ബോം​ബു പൊ​ട്ടി​ച്ച​ത്​: ‘ഇ​സ്രാ​യേ​ൽ ഡി​ഫ​ൻ​സ്​ ഫോ​ഴ്​​സി​ന്‍റെ​ ഓ​പ​റേ​ഷ​ൻ സി​സ്റ്റം ന​ട​ത്തി​യ വി​ശ​ക​ല​ന​മ​നു​സ​രി​ച്ച്, ഇ​സ്രാ​യേ​ലി​നു നേ​രെ വി​ക്ഷേ​പി​ക്ക​പ്പെ​ട്ട ശ​ത്രു​വി​ന്‍റെ ഒ​രു റോ​ക്ക​റ്റ്​ ബാ​രേ​ജ്​ ആ​ശു​പ​ത്രി​യു​ടെ വ​ഴി വ​രു​മ്പോ​ൾ അ​വി​ടെ വീ​ഴു​ക​യാ​യി​രു​ന്നു.

വി​വി​ധ സ്രോ​ത​സ്സു​ക​ളി​ൽ​നി​ന്ന്​ ഞ​ങ്ങ​ൾ​ക്കു ല​ഭ്യ​മാ​യ ഇ​ന്‍റ​ലി​ജ​ൻ​സ്​ വി​വ​ര​മ​നു​സ​രി​ച്ച്, ഇ​സ്​​ലാ​മി​ക്​ ജി​ഹാ​ദ്​ ഭീ​ക​ര​സം​ഘ​ട​ന വി​ക്ഷേ​പി​ച്ച റോ​ക്ക​റ്റ്​ വ​ഴി​തെ​റ്റി ആ​ശു​പ​ത്രി​ക്കു മേ​ൽ പ​തി​ച്ച​താ​ണ്​ സം​ഭ​വം. അ​തി​നു തെ​ളി​വാ​യി ചി​ത്ര​ങ്ങ​ളും പ്ര​സി​ദ്ധീ​ക​രി​ച്ചു. എ​ന്നാ​ൽ ഏ​റെ വൈ​കാ​തെ എ​ഡി​റ്റ് ചെ​യ്ത് ചി​ത്ര​ങ്ങ​ളൊ​ഴി​വാ​ക്കി. അ​പ്പോ​ഴേ​ക്കും ഫ​ല​സ്തീ​ൻ വി​രു​ദ്ധ ലോ​ബി സോ​ഷ്യ​ൽ മീ​ഡി​യ​യി​ൽ പ​ഴ​യ​തും പു​തി​യ​തു​മാ​യ ദൃ​ശ്യ​ങ്ങ​ളു​മാ​യി ഈ ​നു​ണ​പ്ര​ചാ​ര​ണം ഏ​റ്റെ​ടു​ത്തു.

‘അ​ൽ​ജ​സീ​റ’​യും ക​രു​വാ​യി

ഗ​സ്സ​യി​ൽ​നി​ന്ന് നേ​ർ​ക്കാ​ഴ്ച​ക​ളും വാ​ർ​ത്ത​ക​ളും ന​ൽ​കു​ന്ന ‘അ​ൽ​ജ​സീ​റ’​ക്കും കി​ട്ടി ആ​ദ്യ നു​ണ​വെ​ടി​ക​ളി​ലൊ​ന്ന്. ‘ഞാ​ൻ ഗ​സ്സ​യി​ലെ ഖാ​ൻ യൂ​നി​സി​ൽ ജോ​ലി ചെ​യ്യു​ന്ന അ​ൽ​ജ​സീ​റ ജേ​ണ​ലി​സ്റ്റ്​’ എ​ന്ന്​ പ​രി​ച​യ​പ്പെ​ടു​ത്തി​യ ഫ​രീ​ദ ഖാ​ൻ എ​ന്ന പേ​രി​​ലെ അ​ക്കൗ​ണ്ട്, ‘ഹ​മാ​സി​ന്‍റെ അ​യ്യാ​ശ്​ 250 റോ​ക്ക​റ്റ്​ ആ​ശു​പ​ത്രി​ക്കു മേ​ൽ പ​തി​ക്കു​ന്ന​തു സ്വ​ന്തം ക​ണ്ണാ​ലെ ക​ണ്ടു’ എ​ന്ന്​ അ​വ​കാ​ശ​പ്പെ​ട്ടു.

ഹ​മാ​സി​ന്‍റെ വ​ഴി​തെ​റ്റി​യ റോ​ക്ക​റ്റ്​ ആ​ണ്​ അ​തെ​ന്നാ​യി​രു​ന്നു വാ​ദം. അ​ൽ​ജ​സീ​റ നു​ണ പ​റ​യു​ക​യാ​ണ്, ഹ​മാ​സ്​ മി​സൈ​ൽ ലാ​ൻ​ഡ്​ ചെ​യ്യു​ന്ന വി​ഡി​യോ കൈ​യി​ലു​ണ്ടെ​ന്നു കൂ​ടി അ​തേ പോ​സ്റ്റി​ൽ ഈ ‘​അ​ൽ​ജ​സീ​റ​ ലേ​ഖി​ക’ പ​റ​ഞ്ഞു​ക​ള​ഞ്ഞു. സ്വ​യം പ​രി​ച​യ​പ്പെ​ടു​ത്ത​ൽ മു​ത​ൽ സ്വ​ന്തം സ്ഥാ​പ​ന​ത്തെ ത​ള്ളി​പ്പ​റ​യു​ന്ന​തു വ​രെ എ​ല്ലാം ഒ​റ്റ​ശ്വാ​സ കു​റി​പ്പി​ൽ തീ​ർ​ത്തു​ക​ള​ഞ്ഞി​രു​ന്നു.

ഈ ​അ​ക്കൗ​ണ്ടു​മാ​യി അ​ൽ​ജ​സീ​റ​ക്കോ അ​തി​ന്‍റെ ഉ​ള്ള​ട​ക്ക​ത്തി​നോ ഒ​രു ബ​ന്ധ​വു​​മി​ല്ലെ​ന്നും ക​രു​തി​യി​രി​ക്ക​ണ​മെ​ന്നും ആ​വ​ശ്യ​പ്പെ​ട്ട്​ ചാ​ന​ലി​ന്‍റെ പ​ബ്ലി​ക്​ റി​ലേ​ഷ​ൻ​സ്​ വി​ഭാ​ഗം ചൊ​വ്വാ​ഴ്ച രാ​ത്രി ത​ന്നെ അ​റി​യി​ച്ചു.

ആ​ക്ര​മ​ണ​ത്തി​ന്റെ ഉ​ത്ത​ര​വാ​ദി​ത്തം ഇ​സ്രാ​യേ​ൽ നി​ഷേ​ധി​ക്കു​മ്പോ​ഴും യു​ദ്ധ​ക്കൊ​തി​യ​രാ​യ സ​യ​ണി​സ്റ്റ്​ തീ​വ്ര​വാ​ദി​ക​ൾ ആ​ശു​പ​ത്രി​​ദു​ര​ന്തം ആ​ഘോ​ഷി​ക്കു​ക​യാ​യി​രു​ന്നു. മൃ​ത​ദേ​ഹ​ങ്ങ​ൾ ര​ക്ത​ത്തി​ൽ കു​ളി​ച്ചു​കി​ട​ക്കു​ന്ന പ​ടം പോ​സ്റ്റി​യ 85,000 വ​രി​ക്കാ​രു​ള്ള ഒ​രു ടെ​ല​ഗ്രാം ചാ​ന​ൽ ഫ​ല​സ്തീ​നി​ക​ളോ​ടു​ള്ള കു​ടി​പ്പ​ക രേ​ഖ​പ്പെ​ടു​ത്തി​യ​ത്​ ‘കു​റ​ച്ച്​ കെ​ച്ച​പ്പും ശ​വ​ങ്ങ​ളും എ​നി​ക്കു മി​സ്സാ​യ​ല്ലോ’ എ​ന്നാ​ണ്.

നു​ണ​നാ​യാ​ട്ടി​ലെ മേ​ക്ക്​ ഇ​ൻ ഇ​ന്ത്യ​യും മ​ല​യാ​ള​വും

ഫ​ല​സ്തീ​നെ​തി​രാ​യ യു​ദ്ധ​ത്തി​ൽ ഇ​സ്രാ​യേ​ലി​നു വേ​ണ്ടി​യു​ള്ള പ്ര​ചാ​ര​ണം ന​യി​ക്കാ​ൻ ഇ​ന്ത്യ മു​ന്നി​ൽ ത​ന്നെ​യു​ണ്ട്. ജൂ​ത​ക്കു​ഞ്ഞി​നെ ഹ​മാ​സ്​ ത​ട്ടി​ക്കൊ​ണ്ടു പോ​യ​തും ട്ര​ക്കി​ന് പി​റ​കി​ലി​രു​ന്ന്​ കു​ട്ടി​യു​ടെ ക​ഴു​ത്ത​റു​ക്കു​ന്ന​തു​മ​ട​ക്ക​മു​ള്ള വ്യാ​ജ​നി​ർ​മി​തി​ക​ളു​ടെ പ്ര​ചാ​ര​ണ​ത്തി​ൽ ഇ​ന്ത്യ​ൻ ​സ​മൂ​ഹ​മാ​ധ്യ​മ അ​ക്കൗ​ണ്ടു​ക​ൾ മു​ന്നി​ൽ​നി​ന്നു.

ഫ​ല​സ്തീ​നെ​തി​രാ​യും ഇ​സ്രാ​യേ​ലി​ന്​ അ​നു​കൂ​ല​മാ​യും ഇ​ല്ലാ​ക്ക​ഥ​ക​ളും വ്യാ​ജ​നി​ർ​മി​തി​ക​ളും പ​ട​ച്ചു​ണ്ടാ​ക്കു​ന്ന​തി​ൽ ഇ​ന്ത്യ​യി​ലെ വ​ല​തു തീ​വ്ര​വാ​ദി എ​ക്സ്​ ഹാ​ൻ​ഡി​ലു​ക​ൾ സ​ജീ​വ​മാ​ണെ​ന്ന്​ ഫാ​ക്ട്​ ചെ​ക്കി​ങ്​ ഏ​ജ​ൻ​സി ‘​ബൂം’ ​വെ​ളി​പ്പെ​ടു​ത്തു​ന്നു.

ജ​റൂ​സ​ല​മി​ലെ ഒ​രു സ്കൂ​ൾ ട്രി​പ്പി​ന്‍റെ പ​ടം വെ​ച്ച്​ ഫ​ല​സ്തീ​ൻ പോ​രാ​ളി പെ​ൺ​കു​ട്ടി​ക​ളെ ലൈം​ഗി​ക അ​ടി​മ​ക​ളാ​ക്കു​ന്നു എ​ന്ന ക​ള്ള​പ്ര​ചാ​ര​ണ​ത്തി​ന്​ 60 ല​ക്ഷം ഇം​പ്ര​ഷ​നു​ക​ളാ​ണ്​ കി​ട്ടി​യ​ത്. ഇ​വ​യി​ല​ധി​ക​വും ഇ​ന്ത്യ​യി​ൽ​നി​ന്നാ​യി​രു​ന്നു​വെ​ന്ന്​ ഖ​ത്ത​ർ ഹ​മ​ദ്​ ബി​ൻ ഖ​ലീ​ഫ യൂ​നി​വേ​ഴ്​​സി​റ്റി​യി​ലെ മി​ഡി​ലീ​സ്റ്റ്​ സ്റ്റ​ഡീ​സി​ലെ അ​ധ്യാ​പ​ക​നാ​യ ഡോ. ​മാ​ർ​ക്​ ഓ​വ​ൻ ജോ​ൺ​സ്​ പ​റ​യു​ന്നു.

ഹ​മാ​സ്​ കു​ട്ടി​യെ ത​ട്ടി​ക്കൊ​ണ്ടു​പോ​കു​ന്ന വ്യാ​ജ​ക​ഥ ഏ​റ്റ​വും അ​ധി​കം പ്ര​ച​രി​പ്പി​ച്ച ആ​ദ്യ ഏ​ഴു അ​ക്കൗ​ണ്ടു​ക​ളും ഇ​ന്ത്യ​യി​ൽ​നി​ന്നാ​ണ്. എ​ക്സ്​ പ്ലാ​റ്റ്​​ഫോ​മി​ൽ ഫ​ല​സ്തീ​നു​മാ​യി ബ​ന്ധ​പ്പെ​ട്ട്​ വി​വി​ധ അ​ക്കൗ​ണ്ടു​ക​ളി​ൽ വ​രു​ന്ന വി​വ​ര​ണ​ങ്ങ​ളും അ​തി​നു​ള്ള പ്ര​തി​ക​ര​ണ​ങ്ങ​ളും ക​ണ്ടാ​ൽ ഇ​ന്ത്യ എ​വി​ടെ​യെ​ത്തി നി​ൽ​ക്കു​ന്നു എ​ന്നു വ്യ​ക്ത​മാ​വും.

ഇ​വ​യി​ൽ പ​ല​തും ഇ​സ്​​ലാം വി​രു​ദ്ധ പ്ര​ചാ​ര​ണ​ത്തി​ന്‍റെ ഹാ​ഷ് ടാ​ഗു​ക​ൾ സ​ഹി​ത​വു​മാ​ണ്. ഇ​ന്ത്യ​യി​ൽ സം​ഘ്​​പ​രി​വാ​ർ നേ​തൃ​ത്വ​ത്തി​ൽ ന​ട​ക്കു​ന്ന മു​സ്​​ലിം വി​രു​ദ്ധ പ്ര​ചാ​ര​ണ​ത്തി​​ന്​ എ​രി​വു പ​ക​രാ​ൻ ഗ​സ്സ യു​ദ്ധം ഉ​പ​യോ​ഗ​പ്പെ​ടു​ത്തു​ക​യാ​ണെ​ന്ന്​ സോ​ഷ്യ​ൽ മീ​ഡി​യ​യി​ലെ വി​ദ്വേ​ഷ​വ​മ​ന​ങ്ങ​ൾ തെ​ളി​യി​ക്കു​ന്നു.

ഇ​ന്ത്യ​ൻ മു​ഖ്യ​ധാ​ര മാ​ധ്യ​മ​ങ്ങ​ളി​ലെ​യും സ​മൂ​ഹ മാ​ധ്യ​മ​ങ്ങ​ളി​ലെ​യും ഇ​സ്രാ​യേ​ൽ അ​നു​കൂ​ല വ്യാ​ജ​വി​വ​ര​ങ്ങ​ൾ വ​ല​തു വം​ശീ​യ​വാ​ദി​ക​ൾ ഇ​ന്ത്യ​യെ ക​ള്ള​ക്ക​ഥ​ക​ളു​ടെ​യും വ്യാ​ജ​വാ​ർ​ത്ത​ക​ളു​ടെ​യും ത​ല​സ്ഥാ​ന​മാ​ക്കി മാ​റ്റി​യി​രി​ക്കു​ന്നു​വെ​ന്ന ആ​ൾ​ട്ട്​ ന്യൂ​സ്​ എ​ഡി​റ്റ​ർ പ്ര​തീ​ക്​ സി​ൻ​ഹ​യു​ടെ അ​ഭി​പ്രാ​യം അ​ക്ഷ​രം​പ്ര​തി ശ​രി​വെ​ക്കു​ന്ന​താ​ണ്​ ഇ​ന്ത്യ​യി​ലെ​യും മ​ല​യാ​ള​ത്തി​ലെ​യും സ​മൂ​ഹ​മാ​ധ്യ​മ പ്ര​ചാ​ര​ണ​യു​ദ്ധം.

ഇ​സ്രാ​യേ​ൽ ശ​രി​യും ഫ​ല​സ്തീ​ൻ തെ​റ്റും എ​ന്ന അ​വ​രു​ണ്ടാ​ക്കി​യ വ്യാ​ജ​നി​ർ​മി​തി​ക്ക്​ വ​ശം​വ​ദ​രാ​കു​ന്ന​തു കൊ​ണ്ടാ​ണ്​ ഇ​സ്രാ​യേ​ൽ ആ​ശു​പ​ത്രി​ക്കു മേ​ൽ ബോം​ബി​ട്ട് ത​ക​ർ​ത്ത്​ കൂ​ട്ട​ക്കു​രു​തി ന​ട​ത്തു​​​മ്പോ​ഴും അ​ത്​ ക​ർ​ത്താ​വി​ല്ലാ ആ​ക്ര​മ​ണ​ങ്ങ​ളാ​യി മാ​റു​ന്ന​ത്, ഹ​മാ​സ്​ ഭീ​ക​ര​രും ഇ​സ്രാ​യേ​ൽ സ​മാ​ധാ​ന​കാം​ക്ഷി​ക​ളു​മാ​കു​ന്ന​ത്. ഇ​സ്രാ​യേ​ൽ ചെ​യ്യു​ന്ന പൈ​ശാ​ചി​ക​ത​യും ഫ​ല​സ്തീ​ൻ ഭീ​ക​ര​രു​ടേ​താ​യി തോ​ന്നു​ന്ന​ത്. ഇ​സ്രാ​യേ​ൽ ഭാ​ഷ്യ​ങ്ങ​ൾ ഔ​ദ്യോ​ഗി​ക വാ​ർ​ത്ത​ക​ളാ​യി മാ​റു​ന്ന​ത്.