വംശഹത്യക്കാലത്തെ കുടിപ്പള്ളിക്കൂടം

സ്കൂളു​ക​ളൊ​ന്നും ഇ​ല്ലാ​തി​രി​ക്കു​ക​യും ആ​യി​ര​ക്ക​ണ​ക്കി​ന് കു​ഞ്ഞു​ങ്ങ​ൾ വി​ദ്യാ​ഭ്യാ​സ​ത്തി​നാ​യി കാ​ത്തി​രി​ക്കു​ക​യും ചെ​യ്യു​ന്ന ഒ​ര​വ​സ്ഥ​യി​ൽ അ​ധ്യാ​പ​ക​ർ എ​ന്ന നി​ല​യി​ൽ നി​ങ്ങ​ളെ​ന്താ​ണ് ചെ​യ്യു​ക?

ഇ​സ്രാ​യേ​ൽ ന​ട​ത്തു​ന്ന വം​ശ​ഹ​ത്യ​യെ​ത്തു​ട​ർ​ന്ന് ഗ​സ്സ​യി​ൽ ഇ​ത്ത​ര​മൊ​രു സാ​ഹ​ച​ര്യ​മാ​ണ്. സ​ക​ല സ​ർ​വ​ക​ലാ​ശാ​ല​ക​ളും ന​ശി​പ്പി​ക്ക​പ്പെ​ട്ട, ഒ​രു വ​ർ​ഷ​ത്തി​നി​ടെ 80 ശ​ത​മാ​നം സ്കൂ​ളു​ക​ളും ത​ക​ർ​ക്ക​പ്പെ​ട്ട, അ​വ​ശേ​ഷി​ച്ച​വ അ​ഭ​യാ​ർ​ഥി ക്യാ​മ്പു​ക​ളാ​യി പ​രി​വ​ർ​ത്തി​പ്പി​ക്ക​പ്പെ​ട്ട ഇ​വി​ടെ എ​നി​ക്കെ​ന്റെ വ​ഴി തേ​ടേ​ണ്ടി​വ​ന്നു. അ​ൽ ശു​ജൈ​യ മേ​ഖ​ല​യി​ലെ എ​ന്റെ വീ​ട്ടി​ലെ ഒ​രു മു​റി​യി​ൽ ക്ലാ​സു​ക​ൾ ആ​രം​ഭി​ച്ചു ഞാ​ൻ. ഓ​രോ ദി​വ​സ​വും കു​ഞ്ഞു​ങ്ങ​ൾ​ക്ക് പ്ര​ചോ​ദ​ന​വും പ്രോ​ത്സാ​ഹ​ന​വും പ​ക​രു​ന്ന വ​രി​ക​ളു​മാ​യാ​ണ് പ​ഠ​നം തു​ട​ങ്ങി​യി​രു​ന്ന​ത്.

വം​ശ​ഹ​ത്യ​യു​ടെ ഏ​റ്റ​വും വ​ലി​യ പി​ഴ​യൊ​ടു​ക്കേ​ണ്ടി​വ​ന്ന​ത് കു​ട്ടി​ക​ളാ​ണ്. ഐ​ക്യ​രാ​ഷ്ട്ര​സ​ഭ സ്ഥി​രീ​ക​രി​ച്ച കൊ​ല​പാ​ത​ക​ങ്ങ​ളി​ൽ 44 ശ​ത​മാ​ന​വും കു​ട്ടി​ക​ളു​ടേ​താ​ണ്, അ​തേ​സ​മ​യം 17,000 കു​ട്ടി​ക​ളു​ടെ എ​ല്ലാ ബ​ന്ധു​ക്ക​ളും കൊ​ല്ല​പ്പെ​ടു​ക​യോ അ​ല്ലെ​ങ്കി​ൽ അ​വ​ർ മു​തി​ർ​ന്ന​വ​രി​ൽ​നി​ന്ന് വേ​ർ​പെ​ട്ടു​പോ​വു​ക​യോ ചെ​യ്തി​രി​ക്കു​ന്നു. ഗ​സ്സ​യി​ലെ സ്കൂ​ൾ പ്രാ​യ​ത്തി​ലു​ള്ള 6,25,000 കു​ട്ടി​ക​ളി​ൽ ആ​ർ​ക്കും ക​ഴി​ഞ്ഞ ഒ​ക്ടോ​ബ​റി​നു​ശേ​ഷം ഔ​പ​ചാ​രി​ക വി​ദ്യാ​ഭ്യാ​സം ല​ഭി​ച്ചി​ട്ടി​ല്ല. ഈ ​മ​ക്ക​ളി​ൽ കു​റ​ച്ചു പേ​ർ​ക്കെ​ങ്കി​ലും അ​റി​വി​ന്റെ ആ​ന​ന്ദം പ​ക​രാ​ൻ ശ്ര​മി​ക്ക​ണ​മെ​ന്ന് ഞാ​നു​റ​പ്പി​ച്ചു.

ഞ​ങ്ങ​ളു​ടെ ഡൈ​നി​ങ് റൂ​മി​ൽ ഒ​രു ബോ​ർ​ഡ് സ്ഥാ​പി​ച്ചു. കു​റ​ച്ച് ക​സേ​ര​ക​ളും മേ​ശ​യും സ​ജ്ജ​മാ​ക്കി. എ​ട്ട് കു​ട്ടി​ക​ൾ വീ​ത​മു​ള്ള നാ​ലു ഗ്രൂ​പ്പു​ക​ളു​മു​ണ്ടാ​ക്കി. കി​ന്റ​ർ ഗാ​ർ​ട്ട​ൻ മു​ത​ൽ ആ​റാം ​ഗ്രേ​ഡ് വ​രെ പ്രാ​യ​ത്തി​ലു​ള്ള കു​ട്ടി​ക​ൾ ഇ​തി​ലു​ണ്ടാ​യി​രു​ന്നു.

ആ​ദ്യ​ദി​വ​സ​ത്തെ ക്ലാ​സി​ൽ അ​യ​ൽ​പ​ക്ക​ത്തു​നി​ന്നു​ള്ള 32 കു​ട്ടി​ക​ൾ വ​ന്നു. അ​വ​രോ​ട് ഞാ​ൻ പേ​രും വ​യ​സ്സും ചോ​ദി​ച്ചു. സ​മ​യ​ക്ര​മ​വും പ​ഠി​ക്കേ​ണ്ട വി​ഷ​യ​ങ്ങ​ളും ഞ​ങ്ങ​ൾ ഒ​രു​മി​ച്ച് ച​ർ​ച്ച ചെ​യ്തു. എ​ട്ട് മാ​സ​മാ​യി പാ​ഠ​ങ്ങ​ളോ പ​ഠി​പ്പി​ക്കാ​ൻ അ​ധ്യാ​പ​ക​രോ ഇ​ല്ലാ​തി​രു​ന്ന അ​വ​രു​ടെ പ​ഠ​നാ​വേ​ശം ശ​രി​ക്കും പ്ര​ക​ട​മാ​യി​രു​ന്നു.

ബാ​ഗു​ക​ളും വാ​ട്ട​ർ​ബോ​ട്ടി​ലും പെ​ൻ​സി​ലു​ക​ളു​മൊ​ക്കെ​പ്പി​ടി​ച്ചാ​ണ് കു​ട്ടി​ക​ൾ ര​ണ്ടാം ദി​വ​സ​ത്തെ ക്ലാ​സി​ന് വ​ന്ന​തെ​ന്ന് ഞാ​ൻ പ്ര​ത്യേ​കം ശ്ര​ദ്ധി​ച്ചു. ത​ക​ർ​ന്ന​ടി​ഞ്ഞ അ​വ​രു​ടെ വീ​ടു​ക​ളു​ടെ ഇ​ട​യി​ൽ​നി​ന്ന് പെ​റു​ക്കി​ക്കൂ​ട്ടി​ക്കൊ​ണ്ടു​വ​ന്ന​താ​ണ് പ​ല​രും. ചി​ല​താ​വ​ട്ടെ ഹൃ​ദ​യാ​ലു​ക്ക​ളാ​യ അ​യ​ൽ​വാ​സി​ക​ൾ സ​മ്മാ​നി​ച്ച​വ​യും.

കു​ട്ടി​ക​ൾ​ക്ക് താ​ൽ​പ​ര്യ​മു​ണ്ടാ​കു​മെ​ന്ന് ഞാ​ൻ ക​രു​തി​യ വി​ഷ​യ​ങ്ങ​ളി​ലൂ​ന്നി സ്വ​ന്ത​മാ​യി പാ​ഠ്യ​പ​ദ്ധ​തി​ക്ക് രൂ​പം ന​ൽ​കേ​ണ്ടി​വ​ന്നു. അ​വ​ർ​ക്ക് ചു​റ്റും എ​ന്താ​ണ് സം​ഭ​വി​ക്കു​ന്ന​തെ​ന്നും അ​വ​രു​ടെ സ്വ​പ്ന​ങ്ങ​ളെ​യും പ്ര​തീ​ക്ഷ​ക​ളെ​യും കു​റി​ച്ചെ​ല്ലാ​മെ​ഴു​താ​ൻ കു​ട്ടി​ക​ളോ​ട് നി​ർ​ദേ​ശി​ച്ചു.

അ​തി​ൻ​പ്ര​കാ​രം അ​വ​രെ​ഴു​തി​യ കു​റി​പ്പു​ക​ളി​ലെ സ​ർ​ഗ​വൈ​ഭ​വം എ​ന്നെ അ​ത്ഭു​ത​പ്പെ​ടു​ത്തി. എ​ന്റെ കു​ട്ടി​ക​ളു​ടെ ധൈ​ര്യ​വും പ​ഠ​ന​ത്തോ​ട് അ​വ​ർ​ക്കു​ള്ള പ്ര​തി​ബ​ദ്ധ​ത​യു​മോ​ർ​ത്ത് എ​നി​ക്ക് തി​ക​ഞ്ഞ അ​ഭി​മാ​നം തോ​ന്നി.

എ​ട്ടു വ​യ​സ്സു​കാ​രി മ​റി​യം എ​ഴു​തി:

‘എ​ന്റെ കൂ​ട്ടു​കാ​ർ എ​വി​ടെ​യെ​ന്ന​റി​ഞ്ഞു​കൂ​ടാ, ഞാ​ൻ അ​വ​രെ വ​ല്ലാ​തെ മി​സ് ചെ​യ്യു​ന്നു, അ​വ​രോ​ടൊ​പ്പ​മു​ള്ള സ്കൂ​ൾ ദി​ന​ങ്ങ​ൾ ന​ഷ്ട​പ്പെ​ട്ടി​രി​ക്കു​ന്നു. ക​ണ​ക്കും ശാ​സ്ത്ര​വും പ​ഠി​ക്കാ​ൻ എ​നി​ക്ക് ന​ല്ല ഇ​ഷ്ട​മാ​യി​രു​ന്നു. സ്‌​കൂ​ൾ ഇ​ല്ലാ​ത്ത​ത് വ​ലി​യ ദുഃ​ഖ​വും ത​ള​ർ​ച്ച​യും സൃ​ഷ്ടി​ക്കു​ന്നു​ണ്ട്’.

എ​ട്ടു വ​യ​സ്സു​ള്ള ജോ​റി അ​വ​ളു​ടെ സ​ഹോ​ദ​രി​യെ​പ്പ​റ്റി​യാ​ണ് കു​റി​ച്ചി​ട്ട​ത്:

‘എ​ന്റെ സ​ഹോ​ദ​രി ഇ​പ്പോ​ൾ ഖ​ബ​റി​നു​ള്ളി​ലാ​ണെ​ന്ന് എ​നി​ക്ക് വി​ശ്വ​സി​ക്കാ​നാ​വു​ന്നി​ല്ല. അ​തി​നു​മാ​ത്രം അ​വ​ളെ​ന്താ​ണ് ചെ​യ്ത​ത്? ഞ​ങ്ങ​ളോ​ടൊ​പ്പം ചി​രി​ച്ചു ക​ളി​ച്ചു നി​ൽ​ക്കു​ന്ന​തി​നി​ട​യി​ലാ​ണ് അ​വ​ർ അ​​വ​ളെ കൊ​ന്നു​ക​ള​ഞ്ഞ​ത്. അ​വ​ളെ​ക്കു​റി​ച്ചു​ള്ള ഓ​ർ​മ​ക​ൾ നി​റ​യു​ന്നു’

ലോ​ക​ത്ത് മ​റ്റെ​ല്ലാ​യി​ട​ത്തു​മു​ള്ള കു​ട്ടി​ക​ളെ​പ്പോ​ലെ​യ​ല്ലേ ഞ​ങ്ങ​ളും, എ​ന്തി​നാ​ണ് ഞ​ങ്ങ​ളെ​യ​വ​ർ കൊ​ല്ലാ​ൻ ന​ട​ക്കു​ന്ന​ത്? എ​നി​ക്ക് മ​രി​ക്ക​ണ്ട, ക​ളി​പ്പാ​ട്ട​ങ്ങ​ളു​മാ​യി ക​ളി​ക്കു​ക​യാ​ണ് വേ​ണ്ട​ത്. ടീ​ച്ച​റെ​യും കൂ​ട്ടു​കാ​രെ​യും വ​ല്ലാ​തെ മി​സ് ചെ​യ്യു​ന്നു​വെ​ന്ന് അ​ഞ്ചു വ​യ​സ്സു​കാ​രി മാ​റ എ​ഴു​തി. ഓ​രോ ദി​വ​സ​ത്തെ ക്ലാ​സ് ക​ഴി​ഞ്ഞാ​ലും അ​ൽ​പ​നേ​രം കൂ​ടി നി​ന്ന് വ​ര​ച്ചും ക​ളി​ച്ചും പാ​ട്ടു​പാ​ടി​യും സ​ന്തോ​ഷ​ത്തി​ന്റെ മു​ഹൂ​ർ​ത്ത​ങ്ങ​ൾ ഒ​രു​ക്കാ​ൻ കു​ഞ്ഞു​ങ്ങ​ളെ ഞാ​ൻ ​പ്രോ​ത്സാ​ഹി​പ്പി​ച്ചു. ഏ​തു പ​രി​ത​സ്ഥി​തി​യി​ലും സ​ത്യം പ​റ​യ​ണ​മെ​ന്നും നീ​തി​ക്കാ​യി നി​ല​കൊ​ള്ള​ണ​മെ​ന്നും അ​വ​രെ ഓ​ർ​മി​പ്പി​ച്ചു. ബോം​ബി​ങ്ങി​ന്റെ​യും നാ​ശ​ത്തി​ന്റെ​യും വാ​ർ​ത്ത​ക​ൾ​ക്കി​ട​യി​ലും ജീ​വി​ത​ത്തി​ലെ അ​തീ​വ സ്മ​ര​ണീ​യ​മാ​യ ദി​വ​സ​ങ്ങ​ളാ​യി​രു​ന്നു അ​ത്.

ആ​റാ​ഴ്ച​ക​ൾ അ​ങ്ങ​നെ ആ​വേ​ശ​ക​ര​മാ​യി മു​ന്നോ​ട്ടു​പോ​യി. അ​പ്പോ​ഴേ​ക്ക് ഇ​സ്രാ​യേ​ലി സൈ​ന്യം ഞ​ങ്ങ​ളു​ടെ പ്ര​ദേ​ശ​ത്തേ​ക്കും ക​ട​ന്നു​ക​യ​റി നാ​ശം വി​ത​ക്കാ​ൻ തു​ട​ങ്ങി. എ​നി​ക്കും വീ​ടു​വി​ട്ട് പോ​കേ​ണ്ടി​വ​ന്നു. അ​തോ​ടെ ഞ​ങ്ങ​ളു​ടെ ക്ലാ​സും മു​ട​ങ്ങി.

ഞാ​ൻ വീ​ട്ടി​ൽ തി​രി​ച്ചെ​ത്തി​യ​പ്പോ​ഴേ​ക്ക് പ​ല മ​ക്ക​ളും പ​ല ദി​ക്കു​ക​ളി​ലേ​ക്ക് ചി​ത​റ​പ്പെ​ട്ടി​രു​ന്നു. പ​ല പ​ല താ​ൽ​ക്കാ​ലി​ക കൂ​ര​ക​ളി​ൽ, അ​ല്ലെ​ങ്കി​ൽ ഏ​തെ​ങ്കി​ലും ബ​ന്ധു​ക്ക​ളു​ടെ വീ​ടു​ക​ളി​ൽ. കാ​ണു​മ്പോ​ൾ ഞാ​ന​വ​രോ​ട് ക്ലാ​സി​ൽ വ​രാ​ത്ത​തെ​ന്തെ​ന്ന​ന്വേ​ഷി​ക്കും.

സു​ര​ക്ഷി​ത​മ​ല്ല എ​ന്നാ​ണ് എ​ല്ലാ​വ​രി​ൽ​നി​ന്ന് വ​ന്ന മ​റു​പ​ടി. അ​വ​ർ ശ​രി​ക്കും ഭ​യ​ന്നി​രി​ക്കു​ന്നു. അ​ത്ര​മാ​ത്രം കു​ഞ്ഞു​ങ്ങ​ളാ​ണ് തെ​രു​വു​ക​ളി​ൽ കൊ​ല​ചെ​യ്യ​പ്പെ​ടു​ന്ന​ത്. എ​ന്നി​രു​ന്നാ​ലും ഈ ​ഭ​യാ​ന​ക കാ​ല​ത്തും എ​ന്റെ​യീ കൊ​ച്ചു പ​ള്ളി​ക്കൂ​ടം പ്ര​തീ​ക്ഷ​യു​ടെ തി​ള​ക്കം പ​ക​ർ​ന്നു എ​ന്നാ​ണ് വി​ശ്വാ​സം. അ​തു​കൊ​ണ്ടു​ത​ന്നെ ക​ഴി​യു​ന്ന​തും വേ​ഗം അ​ത് പു​ന​രാ​രം​ഭി​ക്കു​ക​യും ചെ​യ്യും. അ​തെ​ന്റെ ക​ട​മ​യാ​ണ്. ചാ​ര​ക്കൂ​ന​ക്കി​ട​യി​ൽ​നി​ന്ന് പു​തു​നാ​മ്പു​ക​ൾ ത​ളി​രി​ട​ട്ടെ.