ഇസ്രായേലിന്റെ എ.​ഐ കൊലയാളികൾ

2023 ഒ​ക്ടോ​ബ​ർ ഏ​ഴി​ലെ ആ​ക്ര​മ​ണ​ത്തി​ന് മാ​സ​ങ്ങ​ൾ മു​മ്പ് തെ​ൽ അ​വീ​വ് യൂ​നി​വേ​ഴ്സി​റ്റി​യി​ൽ ഇ​സ്രാ​യേ​ൽ സേ​ന​യു​ടെ നി​ഗൂ​ഢ ദൗ​ത്യ​വി​ഭാ​ഗ​മാ​യ യൂ​നി​റ്റ് 8200ന്റെ ​ത​ല​വ​ൻ യോ​സി സാ​രി​​യ​ൽ ര​ഹ​സ്യ​സ്വ​ഭാ​വ​ത്തോ​ടെ ഒ​രു അ​വ​ത​ര​ണം ന​ട​ത്തി. ‘പു​തി​യ ഭീ​ക​ര​രെ തി​രി​ച്ച​റി​യാ​ൻ’ നി​ർ​മി​ത ബു​ദ്ധി​യ​ധി​ഷ്ഠി​ത​മാ​യ ഉ​പ​ക​ര​ണ​ങ്ങ​ൾ പ്ര​യോ​ഗി​ക്കു​ന്നു​വെ​ന്ന് ഇ​സ്രാ​യേ​ൽ ആ​ദ്യ​മാ​യി പ​ര​സ്യ സ​മ്മ​തം ന​ട​ത്തി​യ​ത് അ​ന്നാ​ണ്.

എ​ങ്ങ​നെ​യാ​ണ് ‘ഭീ​ക​ര​രെ’ കൃ​ത്യ​മാ​യി തി​രി​ച്ച​റി​യു​ക? ഇ​സ്രാ​യേ​ലി സൈ​നി​ക ഭാ​ഷ്യ​പ്ര​കാ​രം, ‘ഉ​ന്നം​വെ​ക്ക​പ്പെ​ടു​ന്ന മ​നു​ഷ്യ​ർ’ എ​ന്നാ​ൽ എ​തി​രാ​ളി​ക​ളു​ടെ സൈ​നി​ക ഉ​ന്ന​ത​രാ​ണ്. സ്വ​കാ​ര്യ വ​സ​തി​ക​ളി​ലാ​ണെ​ങ്കി​ൽ​പോ​ലും അ​വ​രെ ആ​ക്ര​മി​ക്കു​ന്ന​തി​ലും അ​വി​ടെ സി​വി​ലി​യ​ൻ സാ​ന്നി​ധ്യ​മു​ണ്ടാ​കാ​മെ​ന്ന​തി​ലും ഐ.​ഡി.​എ​ഫി​ന്റെ ച​ട്ട​പ്ര​കാ​രം അ​സ്വാ​ഭാ​വി​ക​ത​യൊ​ന്നു​മി​ല്ല.

അ​പ്പോ​ഴും ഒ​രു കു​ടും​ബ​ത്തെ മൊ​ത്ത​മാ​യി ഉ​ന്മൂ​ല​നം ചെ​യ്ത് വ്യ​ക്തി​യെ ല​ക്ഷ്യം വെ​ക്കു​ന്ന​ത് ‘ക്രൂ​ര’​വും ‘മൃ​ഗീ​യ’​വു​മാ​യാ​ണ് പ​രി​ഗ​ണി​ക്ക​പ്പെ​ട്ട​ത്. മു​ൻ​കാ​ല സം​ഘ​ർ​ഷ​ങ്ങ​ളി​ൽ ഇ​ത്ത​രം ഉ​ന്ന​ങ്ങ​ളെ നി​ർ​ണ​യി​ച്ചി​രു​ന്ന​ത് അ​ങ്ങേ​യ​​റ്റ​ത്തെ ജാ​ഗ്ര​ത​യോ​ടെ​യാ​ണ്. സൂ​ക്ഷ്മ പ​രി​ശോ​ധ​ന ന​ട​ത്തി, സൈ​നി​ക ക​മാ​ൻ​ഡി​ലെ പ​ല ശ്രേ​ണി​ക​ളി​ൽ​നി​ന്ന് അം​ഗീ​കാ​രം നേ​ടി​യ​ശേ​ഷ​മാ​കും ന​ട​പ്പാ​ക്ക​ൽ.

എ​ന്നാ​ൽ, 2023 ഒ​ക്ടോ​ബ​ർ ഏ​ഴി​നു​ശേ​ഷം ഹ​മാ​സ് പോ​രാ​ളി​ക​ളാ​യ എ​ല്ലാ​വ​രെ​യും അ​വ​രു​ടെ പ​ദ​വി​യും ത​ന്ത്ര​പ​ര​മാ​യ പ്രാ​ധാ​ന്യ​വു​മൊ​ന്നും നോ​ക്കാ​തെ ഇ​സ്രാ​യേ​ൽ സൈ​ന്യം ‘ഉ​ന്ന’​മാ​യി പ്ര​ഖ്യാ​പി​ച്ചു. ഹ​മാ​സ് അ​ണി​ക​ൾ ആ​രൊ​ക്കെ​യെ​ന്ന​റി​യാ​ൻ സ​മ​ഗ്ര പ​രി​ശോ​ധ​ന മു​മ്പ് ഐ.​ഡി.​എ​ഫ് ന​ട​ത്തി​യി​രു​ന്നി​ല്ല. ഈ ​വി​ട​വ് നി​ക​ത്തി അ​സാ​മാ​ന്യ വേ​ഗ​ത്തി​ൽ ശ​ത്രു​വി​നെ തി​രി​ച്ച​റി​ഞ്ഞ് ഇ​ല്ലാ​യ്മ ചെ​യ്യാ​ൻ എ.​ഐ ടൂ​ളു​ക​ൾ അ​തി​​ദ്രു​തം വി​ക​സി​പ്പി​ച്ച് വി​ന്യ​സി​ക്കാ​ൻ തു​ട​ങ്ങി. ഒ​രു ഐ.​ഡി.​എ​ഫ് ഓ​ഫി​സ​റു​ടെ വാ​ക്കു​ക​ൾ: ‘നി​ങ്ങ​ൾ യ​ന്ത്ര​വ​ത്കൃ​ത​രാ​യി മാ​റു​ന്ന​തോ​ടെ, ശ​ത്രു​വി​നെ നി​ർ​മി​ച്ചെ​ടു​ക്ക​ൽ ഭ്രാ​ന്ത​മാ​യ വേ​ഗ​ത്തി​ലാ​യി മാ​റു​ന്നു’.

ഇ​ര​യെ നി​ർ​ണ​യി​ക്കു​ന്ന ലാ​വെ​ൻ​ഡ​ർ

യാ​ന്ത്രി​ക​മാ​യി മ​നു​ഷ്യ ല​ക്ഷ്യ നി​ർ​ണ​യ​ത്തി​നാ​യി ഉ​പ​യോ​ഗി​ക്കു​ന്ന എ.​​ഐ ടൂ​ളാ​ണ് ലാ​വെ​ൻ​ഡ​ർ. ഗ​സ്സ​യി​ലെ 23 ല​ക്ഷം ജ​ന​ങ്ങ​ൾ​ക്കി​ട​യി​ൽ ന​ട​ത്തി​യ നി​രീ​ക്ഷ​ണ​ത്തി​ലൂ​ടെ ല​ഭി​ച്ച വി​വ​ര​ങ്ങ​ൾ അ​പ​ഗ്ര​ഥി​ച്ച് ഓ​രോ വ്യ​ക്തി​ക്കും ഹ​മാ​സു​മാ​യോ മ​റ്റു സൈ​നി​ക ഗ്രൂ​പ്പു​ക​ളു​മാ​യോ ബ​ന്ധ​മു​ണ്ടാ​കാ​നു​ള്ള സാ​ധ്യ​ത​ക​ൾ പ്ര​വ​ചി​ക്ക​ലാ​ണ് ഇ​തി​ന്റെ ജോ​ലി.

‘കൊ​ല​പ്പ​ട്ടി​ക’ ത​യാ​റാ​ക്ക​ൽ പ​ല​ത​ട്ടു​ക​ളി​ലാ​യു​ള്ള പ്ര​ക്രി​യ​ക്കൊ​ടു​വി​ലാ​ണെ​ന്നാ​ണ് വെ​യ്പ്. നി​ല​വി​ലെ നി​രീ​ക്ഷ​ണ ഡേ​റ്റ​വെ​ച്ച് ഹ​മാ​സി​ലെ​യോ മ​റ്റ് പോ​രാ​ളി സം​ഘ​ട​ന​ക​ളി​ലെ​യോ അം​ഗ​ങ്ങ​ളു​ടെ വ്യ​ക്തി​ഗ​ത വി​വ​ര​ങ്ങ​ൾ പ്ര​യോ​ജ​ന​പ്പെ​ടു​ത്താ​ൻ എ.​ഐ​യെ പ​രി​ശീ​ലി​പ്പി​ക്കു​ന്നു. ഗ​സ്സ​യി​ലെ വി​ശാ​ല​മാ​യ ജ​ന​സ​ഞ്ച​യ​ത്തി​നു​മേ​ൽ ഈ ​വി​വ​ര​ങ്ങ​ൾ പ്ര​യോ​ഗി​ക്കു​ന്നു. സ​മൂ​ഹ​മാ​ധ്യ​മ ഉ​പ​യോ​ഗം, ബ​ന്ധ​ങ്ങ​ൾ, വാ​ർ​ത്താ​വി​നി​മ​യ രീ​തി​ക​ൾ, വി​വി​ധ ചാ​റ്റ് ഗ്രൂ​പ്പു​ക​ളി​ലെ അം​ഗ​ത്വം, കു​ടും​ബ ബ​ന്ധ​ങ്ങ​ൾ, ഫോ​ൺ ന​മ്പ​ർ മാ​റ്റ​ൽ-​വീ​ടു​മാ​റ​ൽ തു​ട​ങ്ങി​യ അ​സ്വാ​ഭാ​വി​ക രീ​തി​ക​ൾ എ​ന്നി​വ​യാ​ണ് പ​രി​ഗ​ണി​ക്കു​ക.

മ​റ്റു ബ​ന്ധ​ങ്ങ​ൾ തി​രി​ച്ച​റി​ഞ്ഞ് പ​ട്ടി​ക ലാ​വെ​ൻ​ഡ​ർ പി​ന്നെ​യും വ​ലു​താ​ക്കും. അ​തു​വ​ഴി ഇ​ല്ലാ​താ​ക്ക​പ്പെ​ടേ​ണ്ട​വ​രു​ടെ വ​ലി​യ പ​ട്ടി​ക ത​യാ​റാ​കും. സ്വാ​ഭാ​വി​ക​മാ​യും മാ​ധ്യ​മ പ്ര​വ​ർ​ത്ത​ക​ർ,​ മെ​ഡി​ക്ക​ൽ പ്ര​വ​ർ​ത്ത​ക​ർ, കു​ട്ടി​ക​ൾ തു​ട​ങ്ങി നി​ര​പ​രാ​ധി​ക​ൾ ഇ​വി​ടെ പോ​രാ​ളി​ക​ളു​ടെ പ​ട്ടി​ക​യി​ൽ ക​യ​റാ​ൻ സാ​ധ്യ​ത​യേ​റെ​യാ​ണെ​ന്ന് വി​മ​ർ​ശ​ക​ർ പ​റ​യു​ന്നു.

അ​റ​സ്റ്റി​ലാ​യ ഒ​രു വ്യ​ക്തി​യു​മാ​​യോ സ​മൂ​ഹ​മാ​ധ്യ​മ​ങ്ങ​ളി​ൽ ചി​ല വ്യ​ക്തി​ക​ളു​മാ​യോ ബ​ന്ധ​മു​ള്ള​തി​ന്റെ പേ​രി​ൽ നി​ര​പ​രാ​ധി​ക​ളാ​യ സി​വി​ലി​യ​ന്മാ​രും വ​ധി​ക്ക​പ്പെ​ടേ​ണ്ട​വ​രു​ടെ പ​ട്ടി​ക​യി​ൽ കു​ടു​ങ്ങും.+972 മാ​ഗ​സി​ൻ ക​ണ്ടെ​ത്തി​യ വി​വ​ര​ങ്ങ​ൾ പ്ര​കാ​രം, ഗ​സ്സ​യി​ലെ ഹ​മാ​സ് സ​ർ​ക്കാ​ർ ജീ​വ​ന​ക്കാ​രും ​പോ​രാ​ളി​ക​ളു​ടെ പ​ട്ടി​ക​യി​ലാ​ണ്. പൊ​ലീ​സ് ഓ​ഫി​സ​ർ​മാ​ർ, സി​വി​ൽ ഡി​ഫ​ൻ​സ് ജീ​വ​ന​ക്കാ​ർ, ന​ഗ​ര​സ​ഭ ജീ​വ​ന​ക്കാ​ർ തു​ട​ങ്ങി​വ​ർ​വ​രെ ഈ ​വി​വ​ര​ശേ​ഖ​ര​ത്തി​ലു​ണ്ട്.

അ​ഗ്നി ര​ക്ഷാ പ്ര​വ​ർ​ത്ത​ക​ർ, ആ​ദ്യ​മാ​യി അ​പ​ക​ട സ്ഥ​ല​ങ്ങ​ളി​ലെ​ത്തു​ന്ന​വ​ർ, ആം​ബു​ല​ൻ​സ് ജീ​വ​ന​ക്കാ​ർ, പൊ​ലീ​സ് ഓ​ഫി​സ​ർ​മാ​ർ എ​ന്നി​വ​രെ​ല്ലാം പൊ​തു​വാ​യി ഒ​രേ ആ​ശ​യ​വി​നി​മ​യ രീ​തി സ്വീ​ക​രി​ക്കു​ന്ന​വ​രാ​ണ്. ഇ​തി​ന്റെ പേ​രി​ൽ ഇ​വ​ർ ല​ക്ഷ്യ​മാ​ക്ക​പ്പെ​ടു​ന്നു. ത​യാ​റാ​ക്കി​യ ‘കൊ​ല​പ്പ​ട്ടി​ക’​യി​ലെ പേ​രു​ക​ൾ​ക്ക് സ​മാ​ന​മാ​യ ഇ​ര​ട്ട​പ്പേ​രോ കു​ടും​ബ​പ്പേ​രോ ഉ​ള്ള​വ​രും തെ​റ്റാ​യി പ​ട്ടി​ക​യു​ടെ ഭാ​ഗ​മാ​കു​ന്നു.

ഒ​രു സി​വി​ലി​യ​ൻ തെ​റ്റാ​യി ഇ​ങ്ങ​നെ പ​ട്ടി​ക​യു​ടെ ഭാ​ഗ​മാ​കു​​ന്ന​തോ​ടെ അ​യാ​ളു​മാ​യി സ​മൂ​ഹ​മാ​ധ്യ​മ ബ​ന്ധം പു​ല​ർ​ത്തു​ന്ന​വ​ർ, ബ​ന്ധു​ക്ക​ൾ, പ​​ങ്കെ​ടു​ക്കു​ന്ന പ​രി​പാ​ടി​ക​ൾ.. എ​ല്ലാം ബോം​ബ് പ​തി​ക്കാ​വു​ന്ന ഉ​ന്ന​ങ്ങ​ളാ​യി മാ​റു​ന്നു. ലാ​വെ​ൻ​ഡ​ർ എ.​ഐ ടൂ​ൾ ത​യാ​റാ​ക്കു​ന്ന ‘കൊ​ല​പ്പ​ട്ടി​ക’​ക്ക് പ്ര​ത്യേ​ക പ​രി​ശോ​ധ​ന​ക​ളൊ​ന്നു​മി​ല്ലാ​തെ 20 സെ​ക്ക​ൻ​ഡ് കൊ​ണ്ടാ​ണ് ഐ.​ഡി.​എ​ഫ് അം​ഗീ​കാ​രം ന​ൽ​കു​ന്ന​ത്.

ഒ​രു ഐ.​ഡി.​എ​ഫ് ക​മാ​ൻ​ഡ​റു​ടെ ഭാ​ഷ​യി​ൽ ‘പ​ര​മാ​വ​ധി നാ​ശം വ​രു​ത്ത​ൽ മാ​ത്ര​മാ​ണ് ല​ക്ഷ്യം. ആ​ള​പാ​യ​വും വ​സ്തു​നാ​ശ​വും വ​രു​ത്ത​ണം’. മ​നു​ഷ്യ​ർ​ക്ക് അ​സാ​ധ്യ​മാ​യ വേ​ഗ​ത്തി​ൽ വ​ള​രെ ചെ​റി​യ സ​മ​യ​ത്തി​ന​കം ഇ​ര​ക​ളെ നി​ര​ന്ത​രം അ​ട​യാ​ള​പ്പെ​ടു​ത്തി​ക്കൊ​ണ്ടി​രി​ക്ക​ണം. അ​താ​ണ് എ.​ഐ ടൂ​ളു​ക​ൾ ചെ​യ്തു​കൊ​ണ്ടി​രി​ക്കു​ന്ന​ത്.

ഒ​ക്ടോ​ബ​ർ ഏ​ഴ് മു​ത​ൽ ന​വം​ബ​ർ 24 വ​രെ കാ​ല​യ​ള​വി​ൽ വ​രു​ന്ന ആ​ദ്യ ആ​ഴ്ച​ക​ളി​ൽ 37,000 ഫ​ല​സ്തീ​നി​ക​ളെ​യാ​ണ് ലാ​വെ​ൻ​ഡ​ർ ‘ഉ​ന്ന’​മാ​യി അ​ട​യാ​​ള​പ്പെ​ടു​ത്തി​യ​ത്. ഈ ​പ​ട്ടി​ക​യി​ലെ വ​ലി​യ പ​ങ്കാ​ളി​ക​ൾ​ക്കും ഹ​മാ​സു​മാ​യി നേ​രി​യ ബ​ന്ധം പോ​ലു​മി​ല്ലെ​ന്ന് വി​ദ​ഗ്ധ​ർ പ​റ​യു​ന്നു. വി​ദേ​ശ സ​ന്ന​ദ്ധ സം​ഘ​ട​ന പ്ര​വ​ർ​ത്ത​ക​ർ​പോ​ലു​മു​ണ്ട് ഈ ​പ​ട്ടി​ക​യി​ൽ. സ്വാ​ഭാ​വി​ക​മാ​യും ഈ ​ഘ​ട്ട​ങ്ങ​ളി​ൽ സ​ന്ന​ദ്ധ പ്ര​വ​ർ​ത്ത​ക​ർ പ​ല​രും ഹ​മാ​സ് ഭ​ര​ണ​നേ​തൃ​ത്വ​വു​മാ​യി ബ​ന്ധ​പ്പെ​ട്ടി​ട്ടു​ണ്ടാ​ക​ണം.

ഗോ​സ്പ​ലും സി​വി​ലി​യ​ൻ കെ​ട്ടി​ട​ങ്ങ​ളും

സി​വി​ലി​യ​ൻ അ​ടി​സ്ഥാ​ന സൗ​ക​ര്യ​ങ്ങ​ൾ​ക്കി​ട​യി​ലെ ല​ക്ഷ്യ​ങ്ങ​ൾ ക​ണ്ടെ​ത്താ​നു​ള്ള എ.​ഐ ടൂ​ളാ​ണ് ‘ഗോ​സ്പ​ൽ’. ‘പ​വ​ർ ടാ​ർ​ഗ​റ്റ്സ്’ എ​ന്നാ​ണ് ഈ ​ല​ക്ഷ്യ​ങ്ങ​ൾ​ക്കി​ട്ട പേ​ര്. വൈ​ദ്യു​തി നി​ല​യ​ങ്ങ​ൾ, ജ​ല​സേ​വ​ന കേ​ന്ദ്ര​ങ്ങ​ൾ, മ​ലി​ന​ജ​ല ശു​ദ്ധീ​ക​ര​ണ സം​വി​ധാ​ന​ങ്ങ​ൾ, ജ​ല​ശു​ദ്ധീ​ക​ര​ണ കേ​ന്ദ്ര​ങ്ങ​ൾ, ഹോ​സ്പി​റ്റ​ലു​ക​ൾ, ആം​ബു​ല​ൻ​സ്, ആ​രാ​ധ​നാ​ല​യ​ങ്ങ​ൾ എ​ന്നി​വ​യി​ൽ ഹ​മാ​സു​മാ​യി ബ​ന്ധ​​മു​ള്ള​വ ക​ണ്ടെ​ത്ത​ണം.

സി​വി​ലി​യ​ൻ ജീ​വി​ത​ത്തി​ൽ ഇ​വ ചെ​ലു​ത്തു​ന്ന സ്വാ​ധീ​നം അ​ട​യാ​ള​പ്പെ​ടു​ത്തു​ന്ന ഗ്രേ​ഡ് കാ​ർ​ഡ് വെ​ച്ചാ​ണ് ഇ​ത്ത​രം ഉ​ന്ന​ങ്ങ​ളെ നി​ർ​ണ​യി​ക്കു​ന്ന​ത്. മാ​ധ്യ​മ സ്ഥാ​പ​ന​ങ്ങ​ൾ, ജോ​ലി സ്ഥ​ല​ങ്ങ​ൾ, ഓ​ഫി​സു​ക​ൾ, സി​വി​ലി​യ​ൻ ഭ​ര​ണ​നി​ർ​വ​ഹ​ണ ഓ​ഫി​സു​ക​ൾ എ​ന്നി​ങ്ങ​നെ എ​ല്ലാം ല​ക്ഷ്യ​മാ​കാം. ഭീ​തി വി​ത​ക്ക​ലും ജ​ന​ങ്ങ​ളെ മു​ന​യി​ൽ നി​ർ​ത്ത​ലു​മാ​ണ് ല​ക്ഷ്യം.

സ​ർ​വ​വ്യാ​പി​യാ​ണ് ഇ​തു​ണ്ടാ​ക്കി​യ നാ​ശ​ന​ഷ്ട​ങ്ങ​ൾ. ഗ​സ്സ​യെ മാ​നു​ഷി​ക ദു​ര​ന്ത​ങ്ങ​ൾ അ​ടി​ഞ്ഞു​കൂ​ടി​യ ചു​ട​ല​പ്പ​റ​മ്പാ​ക്കി മാ​റ്റി​യി​രി​ക്കു​ന്നു. അ​ധാ​ർ​മി​ക​ത​യു​ടെ അ​തി​രു​വി​ട​ൽ സ​ഹി​ക്കാ​നാ​വാ​തെ ‘സി​വി​ലി​യ​ൻ അ​ടി​സ്ഥാ​ന സൗ​ക​ര്യ​ങ്ങ​ൾ ല​ക്ഷ്യം വെ​ക്ക​ൽ സൈ​നി​ക ത​ന്ത്ര​മ​ല്ല, അ​ന്താ​രാ​ഷ്ട്ര ച​ട്ട​ങ്ങ​ളു​ടെ ലം​ഘ​ന​മാ​ണ്’- എ​ന്ന് തീ​ർ​ത്ത് പ​റ​ഞ്ഞു യു.​എ​ൻ സെ​ക്ര​ട്ട​റി ജ​ന​റ​ൽ അ​ന്റോ​ണി​യോ ഗു​ട്ടെ​റ​സ്.

ഡാ​ഡി എ​വി​ടെ​യാ​ണ്​? മ​ര​ണം വി​ളി​ക്കു​ന്നു

ത​ങ്ങ​ൾ ഉ​ന്നം​വെ​ച്ച​വ​രെ ജി.​പി.​എ​സ്, ശ​ബ്ദ അ​നു​ക​ര​ണം പോ​ലു​ള്ള പു​തു​കാ​ല ടൂ​ളു​ക​ൾ ഉ​പ​യോ​ഗി​ച്ച് ച​തി​ച്ച് ക്ഷ​ണി​ക്കു​ന്ന എ.​ഐ യു​ദ്ധ​മു​റ​യാ​ണ് ‘വേ​ർ ഈ​സ് ഡാ​ഡി’. ‘കൊ​ല​പ്പ​ട്ടി​ക’​യി​ലു​ള്ള​വ​രു​ടെ വ്യ​ക്തി​യു​ടെ മൊ​ബൈ​ൽ ഫോ​ൺ ലൊ​ക്കേ​ഷ​ൻ പി​ന്തു​ട​ർ​ന്ന് ആ​ളെ ക​ണ്ടെ​ത്തും. ഇ​യാ​ളു​ടെ ഫോ​ണി​ലേ​ക്ക് വ്യാ​ജ കോ​ൾ ന​ട​ത്തും. സ്വ​ന്തം കു​ട്ടി​ക​ൾ വി​ളി​ക്കു​ന്ന ശ​ബ്ദ​ത്തി​ലാ​കും ഇ​ത്. ‘ഡാ​ഡി എ​വി​ടെ​യാ​ണ്, വീ​ട്ടി​ലേ​ക്ക് വ​രൂ’ എ​ന്നാ​കും കു​ഞ്ഞ് പ​റ​യു​ക.

ബോം​ബി​ങ്ങി​ന് മു​മ്പ് ഇ​ര​യെ വീ​ട്ടി​ലേ​ക്ക് ആ​ക​ർ​ഷി​ക്ക​ലാ​ണ് ത​ന്ത്രം. അ​ങ്ങേ​യ​റ്റ​ത്തെ ക്രൂ​ര​ത​ക്കാ​യും എ.​ഐ സാ​​ങ്കേ​തി​ക​ത​യു​ടെ സ​ഹാ​യ​മെ​ന്ന് ചു​രു​ക്കം. മൊ​ത്തം കു​ടും​ബ​വും അ​യ​ൽ​വാ​സി​ക​ളു​മൊ​ന്ന​ട​ങ്കം ഉ​ന്മൂ​ല​നം ചെ​യ്യ​പ്പെ​ട്ട സം​ഭ​വ​ങ്ങ​ൾ. കെ​ട്ടി​ടം മൊ​ത്ത​മാ​യി ത​ക​ർ​ക്ക​പ്പെ​ടു​​മ്പോ​ൾ വ​ല്ല​വ​രും അ​വ​ശേ​ഷി​ച്ചാ​ൽ​പോ​ലും പു​റ​ത്തു​ക​ട​ക്കാ​നാ​കാ​തെ ഇ​ഞ്ചി​ഞ്ചാ​യി മ​രി​ക്കു​ന്ന ഭീ​ക​ര​ത.

ഇ​ത്ത​രം ത​ന്ത്ര​ങ്ങ​ൾ വ​രു​ത്തി​വെ​ക്കു​ന്ന ദു​ര​ന്ത​ങ്ങ​ൾ അ​തി​ഭീ​ക​ര​മാ​ണ്. ഓ​രോ ഹ​മാ​സ് പോ​രാ​ളി​ക്കു​മൊ​പ്പം 15-20 സി​വി​ലി​യ​ന്മാ​രെ​യും വ​ധി​ച്ചു​ക​ള​യാ​ൻ ഐ.​ഡി.​എ​ഫ് അം​ഗീ​കാ​രം ന​ൽ​കി. ഹ​മാ​സ് ക​മാ​ൻ​ഡ​റാ​ണെ​ങ്കി​ൽ സി​വി​ലി​യ​ന്മാ​ർ നൂ​റി​ലേ​റെ​യാ​കാം. അ​തു​വ​ഴി സം​ഭ​വി​ച്ച​ത് സ​മാ​ന​ത​ക​ളി​ല്ലാ​ത്ത സി​വി​ലി​യ​ൻ ആ​ൾ​നാ​ശം. ഗ​സ്സ മു​ന​മ്പി​ൽ ഉ​പ​യോ​ഗി​ച്ചു​ക​ഴി​ഞ്ഞ​ത് 75,000 ട​ൺ സ്ഫോ​ട​ക​വ​സ്തു​ക്ക​ളാ​ണ്. 360 ച​തു​ര​ശ്ര കി​ലോ​മീ​റ്റ​ർ മാ​ത്ര​മു​ള്ള സ്ഥ​ല​ത്ത് പ്ര​യോ​ഗി​ച്ചി​രി​ക്കു​ന്ന​ത് ര​ണ്ട് ആ​ണ​വ ബോം​ബു​ക​ൾ​ക്ക് സ​മാ​ന​മാ​യ സ്ഫോ​ട​നം.

ഗ​സ്സ​യി​ൽ പ​തി​ച്ച സ്ഫോ​ട​ക വ​സ്തു​ക്ക​ളി​ൽ 45 ശ​ത​മാ​ന​വും ല​ക്ഷ്യം നി​ർ​ണ​യി​ക്കാ​തെ അ​യ​ച്ച​വ. അ​വ​യു​ണ്ടാ​ക്കി​യ​ത് സ​ർ​വ​നാ​ശം, അ​ഥ​വാ വ്യാ​പ​ക ആ​ള​പാ​യ​വും കു​ടി​യൊ​ഴി​പ്പി​ക്ക​പ്പെ​ട​ലും. ഉ​ന്നം കൃ​ത്യ​മാ​യി നി​ർ​ണ​യി​ച്ച് ആ​ള​പാ​യം ന​ട​ത്തു​ന്ന​വ​യെ​ക്കാ​ൾ കു​റ​ഞ്ഞ ചെ​ല​വി​ൽ സ​ർ​വ​നാ​ശം വ​രു​ത്തു​മെ​ന്ന​തി​നാ​ൽ ഇ​ത്ത​രം ബോം​ബു​ക​ൾ​ക്ക് ഐ.​ഡി.​എ​ഫ് വ്യാ​പ​ക അ​നു​മ​തി ന​ൽ​കി​യ​താ​ണ് സി​വി​ലി​യ​ൻ നാ​ശം ഇ​ത്ര​ക​ണ്ട് ഉ​യ​രാ​ൻ കാ​ര​ണം.

യൂ​റോ-​മെ​ഡ് മ​നു​ഷ്യാ​വ​കാ​ശ നി​രീ​ക്ഷ​ക റി​പ്പോ​ർ​ട്ട് പ്ര​കാ​രം, ഗ​സ്സ ജ​ന​സം​ഖ്യ​യി​ൽ 10 ശ​ത​മാ​നം പേ​ർ കൊ​ല്ല​പ്പെ​ടു​ക​യോ ഗു​രു​ത​ര പ​രി​​ക്കേ​ൽ​ക്കു​ക​യോ ചെ​യ്തി​രി​ക്കു​ന്നു, നി​ര​വ​ധി പേ​രെ കാ​ണാ​തെ​യാ​യി. ഇ​സ്രാ​യേ​ലി ത​ട​വി​ലാ​യ​വ​രും നി​ര​വ​ധി. 3,70,000ലേ​റെ വീ​ടു​ക​ൾ, എ​ല്ലാ പ്ര​ധാ​ന ആ​ശു​പ​ത്രി​ക​ളും, 90 ശ​ത​മാ​ന​ത്തി​ലേ​റെ വി​ദ്യാ​ല​യ​ങ്ങ​ൾ, എ​ല്ലാ യൂ​നി​വേ​ഴ്സി​റ്റി​ക​ളും, പ്ര​ധാ​ന ജ​ല​സം​വി​ധാ​ന​ങ്ങ​ൾ, മ​ലി​ന​ജ​ല ശു​ദ്ധീ​ക​ര​ണ കേ​ന്ദ്ര​ങ്ങ​ൾ... എ​ല്ലാം ന​ശി​പ്പി​ക്ക​പ്പെ​ട്ടു​ക​ഴി​ഞ്ഞു. അ​വി​ടെ​യും നി​ർ​ത്താ​തെ സ​ഹാ​യ​മെ​ത്തു​ന്ന​തും ത​ട​യു​ന്നു. ഒ​രു തു​ണ്ട് റൊ​ട്ടി​യോ ഒ​രി​റ​ക്ക് ​പാ​ലോ കി​ട്ടാ​തെ വി​ശ​ന്ന് ക​ര​യു​ന്ന കു​ഞ്ഞു​ങ്ങ​ൾ മ​ര​ണ​ത്തി​ലേ​ക്ക് ക​ണ്ണ​ട​ക്കു​ന്നു.

(ഐ​ക്യ​രാ​ഷ്ട്ര സ​ഭ മു​ൻ ​ഉ​ദ്യോ​ഗ​സ്ഥ​നാ​ണ് ലേ​ഖ​ക​ൻ)