ജെ.എൻ.യുവിലെ വിദ്യാര്‍ഥി പ്രക്ഷോഭം

ജെ.എൻ.യുവിൽ പുതിയ ഹോസ്​റ്റൽമാന്വലിനെതിരെ നടക്കുന്ന പ്രക്ഷോഭം രണ്ടാഴ്ചക്കുശേഷം മാധ്യമശ്രദ്ധയിലെത്തിയിരിക് കുന്നു. ഹോസ്​റ്റൽഫീസ്​ വർധിപ്പിച്ചും സംവരണം ഇല്ലാതാക്കിയും ഡ്രസ്കോഡ്​ അടിച്ചേൽപിച്ചും തൊഴിലാളികളെ പീഡിപ്പി ച്ചും ജെ.എൻ.യുവിലെ സംഘ്പരിവാർ അഡ്മിനിസ്ട്രേഷൻ നടത്തുന്ന വിദ്യാർഥി/ ജനദ്രോഹ നടപടികൾക്കെതിരാണ് വിദ്യാര്‍ഥി പ്ര ക്ഷോഭം. എന്നാല്‍, പ്രക്ഷോഭവും പ്രതിഷേധവും നടത്തുന്നതിന്​ സമയവും സ്ഥലവും പരിധിയും അടിച്ചേൽപിച്ചു വിദ്യാർഥിക ളുടെ സ്വതന്ത്ര രാഷ്​ട്രീയചലനങ്ങൾ നിയന്ത്രിക്കാനും ജെ.എൻ.യു അധികൃതർ തീരുമാനിച്ചിരിക്കുന്നു. ഇതൊക്കെ കൂടുതല്‍ പ്രതിഷേധം വിളിച്ചുവരുത്തുന്ന നടപടിയാണ്.

ഹോസ്​റ്റൽ ഫീസി​​െൻറയും മെസ്​ഫീസി​​െൻറയും വർധന രാജ്യത്തെ ബഹുഭൂര ിപക്ഷംവരുന്ന പാർശ്വവത്കൃതരും സംവരണസമുദായങ്ങളുടെ ഭാഗവുമായ വിദ്യാർഥികളുടെ ഉപരിപഠന സാധ്യതകളെ ഇല്ലാതാക്കുന്ന ു. ചുരുങ്ങിയ ചെലവിൽ ഉന്നതവിദ്യാഭ്യാസം നേടാനുള്ള പാർശ്വവത്കൃതരായ ആദ്യതലമുറ വിദ്യാർഥികളുടെ അവസരമാണ്​ ഇതിലൂടെ നഷ്​ടപ്പെടുന്നത്. ഈ അർഥത്തിൽ പൊതുവിദ്യാഭാസ ഉള്ളടക്കത്തെ മാറ്റിപ്പണിയാനും ഉപരിവർഗ/ജാതിവിദ്യാർഥികളുടെ മാത്രം ഇടമാക്കി പരിവർത്തിപ്പിക്കാനുമാണ്​ ജെ.എൻ.യു അധികാരികൾ ശ്രമിച്ചുകൊണ്ടിരിക്കുന്നത്. എസ്.സി/എസ്.ടി, ഒ.ബി.സി, പി.ഡബ് ല്യു.ഡി (പേഴ്‌സൺസ് വിത്ത് ഡിസബിലിറ്റീസ്) സംവരണം ഹോസ്​റ്റല്‍ നിയമനത്തില്‍ ഇനി പാലിക്കില്ലെന്നാണ് പുതിയ ഹോസ്​റ്റല്‍ ചട്ടം പറയുന്നത്.

ഭരണകൂടത്തി​​െൻറ നിയോലിബറല്‍ നയങ്ങള്‍
വിദ്യാഭ്യാസത്തെക്കുറിച്ചുള്ള ബിർല-അംബാനി റിപ്പോര്‍ട്ടിലെ നിർദേശങ്ങൾ പിന്തുടരുന്ന കേന്ദ്രസർക്കാർ പൊതുവിദ്യാഭ്യാസം ദുർബലപ്പെടുത്തുന്ന നടപടികളാണ്​ സ്വീകരിക്കുന്നത്. 2019 ൽ കേന്ദ്രസർക്കാർ ഡ്രാഫ്​റ്റ്​ ചെയ്ത പുതുവിദ്യാഭ്യാസനയം പൊതുവിദ്യാഭ്യാസരംഗത്ത്​ ഇനി സർക്കാർ പണം നിക്ഷേപിക്കുകയില്ലെന്നും മറിച്ചു സമ്പന്നരിൽനിന്നു പണം കണ്ടെത്തി ഉന്നതവിദ്യാഭ്യാസരംഗത്തെ സ്വകാര്യനിക്ഷേപം പ്രോത്സാഹിപ്പിക്കുമെന്നും പറയുന്നു.
ബിര്‍ല–അംബാനി റിപ്പോര്‍ട്ട് നിര്‍ദേശിക്കുന്നപോലെ ഭരണകൂടത്തി​​െൻറ സഹായമില്ലാതെ തന്നെ ജെ.എൻ.യുവിലെ സാമ്പത്തികപ്രശ്നങ്ങൾ പരിഹരിക്കാനാണ്​ കനത്ത ഫീസ്​ ഈടാക്കുന്നത്​. കേന്ദ്രസർക്കാറിന്​ സാമ്പത്തിക ബുദ്ധിമുട്ടുണ്ടെന്നും വിദ്യാഭ്യാസരംഗത്ത്​ ഒന്നും ചെയ്യാനില്ലെന്നും അതിനാൽ ഇനി വിദ്യാർഥികളെ ചൂഷണംചെയ്തു മാത്രമേ നിലനിൽക്കാനാകൂ എന്നുമാണ്​ ഇത്തരം ഭരണകൂട ഇടപെടലുകൾ ചൂണ്ടിക്കാട്ടുന്നത്.

നിയോലിബറൽയുക്തി കൂടുതല്‍ ആഴത്തില്‍ അടിച്ചേൽപിക്കാനും വിദ്യാർഥികളെ ചൂഷണംചെയ്തു മുന്നോട്ടുപോകാനുമുള്ള കേന്ദ്ര ഭരണകൂടത്തി​​െൻറ ശ്രമങ്ങളുടെ ഭാഗമായി ഈ നടപടിയെ വായിക്കേണ്ടതുണ്ട്. മാത്രമല്ല, സമരം ചെയ്യുന്ന വിദ്യാര്‍ഥികളെയും കാമ്പസിലെ അസംഘടിത തൊഴിലാളികളെയും തമ്മില്‍ തെറ്റിക്കാനുള്ള ശ്രമങ്ങളും ഇതിനു പിന്നിലുണ്ട്. മെസിൽ ജോലിചെയ്യുന്ന അസംഘടിത തൊഴിലാളികൾ, ഹോസ്​റ്റലുകളിലും മറ്റും ജോലിചെയ്യുന്ന ക്ലീനിങ്​ തൊഴിലാളികൾ, സെക്യൂരിറ്റിഗാര്‍ഡുകള്‍ ഇവരെയൊക്കെ താൽ​ക്കാലികാടിസ്ഥാനത്തിലാണ്​ നിയമിച്ചിട്ടുള്ളത്.

അവർക്കുള്ള ന്യായമായ അവകാശങ്ങളും ആനുകൂല്യങ്ങളും നൽകാൻ അധികാരികള്‍ ഇതുവരെ തയാറായിട്ടില്ല. അതിനാൽ, ഈ തൊഴിലാളികളിൽനിന്നുള്ള സമ്മർദം കൂടുമ്പോൾ അവർക്ക്​ ആനുകൂല്യവും ശമ്പളവും കൂട്ടി നൽകാൻ ഭരണകൂടത്തോട്​ ആവശ്യപ്പെടുന്നതിനുപകരം, വിദ്യാർഥികളിൽനിന്നുതന്നെ പണം ഈടാക്കാനാണ്​ അധികാരികൾ ശ്രമിക്കുന്നത്. ഇതു​ തൊഴിലാളികളെയും വിദ്യാർഥികളെയും പരസ്പരം ഭിന്നിപ്പിക്കാനും ഭരണകൂടത്തെ പൊതുവിദ്യാഭ്യാസ സംരക്ഷണ ഉത്തരവാദിത്തത്തിൽനിന്ന്​ മാറ്റിനിർത്താനും സഹായിക്കുന്നു.

സ്കോളര്‍ഷിപ്പുകളുടെ അവസ്ഥ
പാർശ്വവത്കൃത വിദ്യാർഥികൾ ഏറെ ആശ്രയിക്കുന്ന ഫെലോഷിപ്പുകളായ ജെ.ആർ.എഫ്, രാജീവ്ഗാന്ധി നാഷനൽ ഫെലേഷിപ്, മൗലാനാ ആസാദ്​ നാഷനൽഫെലോഷിപ്, മെറിറ്റ്​ കം മീൻസ്​ സ്​കോളർഷിപ്​, നോൺ നെറ്റ്​ ഫെല്ലോഷിപ്​ തുടങ്ങിയവയൊക്കെ പ്രതിസന്ധിയിലാണ്. ഈ സ്കോളർഷിപ്പുകൾ വിദ്യാർഥികൾക്ക്​ ലഭിക്കാൻ കാലതാമസം നേരിടുന്നു. കാരണം, മാനവവിഭവശേഷി വകുപ്പി​​െൻറ കൈയിൽ വിദ്യാര്‍ഥികള്‍ക്ക് നല്‍കാന്‍ ഫണ്ടില്ല. ഇങ്ങനെ ഒരുവശത്ത്​ ഭരണകൂടം വിദ്യാർഥികൾക്ക്​ ലഭിക്കേണ്ട സാമ്പത്തികസഹായങ്ങൾ തടഞ്ഞുവെക്കുകയും വൈകിക്കുകയും ചെയ്യുന്നു. എന്നാൽ, മറുവശത്ത്​ ഹോസ്​റ്റൽ ഫീസ്, ഭക്ഷണത്തിനുള്ള ഫീസ്​ തുടങ്ങിയവ വർധിപ്പിച്ചു അവർ നൽകുന്ന സാമ്പത്തികസഹായങ്ങളുടെ ഇരട്ടി പണം തിരിച്ചുപിടിക്കാൻ ശ്രമിക്കുകയും ചെയ്യുന്നു. ഇതിലൂടെ പാർശ്വവത്കൃതരും പിന്നാക്കക്കാരുമായ വിദ്യാർഥികളുടെ നിത്യജീവിതം മാത്രമല്ല, അവരുടെ ഗവേഷണ പഠനനിലവാരത്തെ കൂടി ബാധിക്കുന്ന നടപടികള്‍ ഉണ്ടാവുന്നു.

വളരെ പഴക്കമുള്ള സ്കോളർഷിപ്​ ഘടനയാണ്​ ഇന്നും മാനവ വിഭവശേഷി വകുപ്പ്​ പിന്തുടരുന്നത്. രാജ്യത്ത്​ വിലക്കയറ്റവും സാമ്പത്തികപ്രതിസന്ധിയും രൂക്ഷമായതിനാല്‍ ജീവിതച്ചെലവുകള്‍ മാറിക്കൊണ്ടിരിക്കുന്നു. യാത്രക്കും പഠനത്തിനും ഗവേഷണത്തിനും വിദ്യാർഥികൾ ചെലവഴിക്കുന്ന തുക നിരന്തരം വർധിക്കുന്നു. ഈ സാഹചര്യത്തിൽ വിദ്യാർഥികൾ ചെലവഴിക്കുന്ന തുക അവർക്ക്​ ലഭിക്കുന്ന സ്കോളർഷിപ്പിനേക്കാൾ എത്രയോ വലുതാണ്. ഇതൊന്നും അഭിമുഖീകരിക്കാത്ത ഭരണകൂടവും ജെ.എൻ.യു അധികാരികളും വിദ്യാർഥികളെ കൂടുതൽ ദുരിതത്തിലേക്കാണ്​ തള്ളിവിടുന്നത്.

അട്ടിമറിക്കപ്പെടുന്ന സാമൂഹിക പഠനം
ഹിന്ദുത്വത്തി​​െൻറ ചരിത്രവിരുദ്ധവും വിജ്ഞാനവിരുദ്ധവും അപരവിദ്വേഷത്തിലധിഷ്ഠിതവുമായ സാമൂഹിക, രാഷ്​ട്രീയ സങ്കൽപങ്ങളിലൂടെ വിദ്യാഭ്യാസ ഗവേഷണരംഗത്ത്​ ഇടപെടാനാണ് സംഘ്പരിവാർ ശ്രമിക്കുന്നത്. പൊതുവിദ്യാഭ്യാസ മേഖലയില്‍ പരിമിതികളോടെ നിലനിൽക്കുന്ന ബഹുസ്വര സ്വഭാവത്തെ ഇല്ലാതാക്കുകയും സാമൂഹികപഠനത്തെ സംഘ്പരിവാറി​​െൻറ താൽപര്യങ്ങൾക്കനുസരിച്ചു ചിട്ടപ്പെടുത്തുകയുമാണ്​ അവർ ചെയ്യുന്നത്. ഇതിനെ പ്രതിരോധിക്കാൻ സാധ്യതയുള്ള രാഷ്​ട്രീയ ബ്ലോക്ക് എന്ന നിലയില്‍ ദലിത്​ പിന്നാക്ക ന്യൂനപക്ഷങ്ങളെ വിദ്യാഭ്യാസരംഗത്തുനിന്ന്​​ അകറ്റാൻ ഫീസ്​ വർധനയിലൂടെയും സംവരണ അട്ടിമറികളിലൂടെയും ശ്രമിച്ചുകൊണ്ടിരിക്കുന്നു. അതോടൊപ്പംതന്നെ വിദ്യാർഥി, വിദ്യാഭ്യാസരംഗങ്ങളിൽ ഹിന്ദുത്വ ആഭിമുഖ്യമുള്ള വരേണ്യരുടെ താൽപര്യങ്ങൾ മാത്രം സംരക്ഷിക്കുകയും ചെയ്യുന്നു. അതിനാലാണ്​ ജെ.എൻ.യുവിലെ വിദ്യാർഥിപ്രക്ഷോഭം സംഘ്പരിവാർ വിരുദ്ധസമരങ്ങളുടെ ഭാഗമായിത്തീരുന്നത്​.
●