കെജ്രിവാളിന്​ ഒരു തുറന്ന കത്ത്

പ്രി​യ​പ്പെ​ട്ട അ​ര​വി​ന്ദ്​ കെ​ജ്രി​വാ​ൾ,

ഫെ​ബ്രു​വ​രി 8 താ​ങ്ക​ൾ​ക്ക് അ​ത്ര സു​ഖ​ക​ര​മാ​യ ദി​വ​സ​മാ​യി​രു​ന്നി​രി​ക്കി​ല്ല. ഡ​ൽ​ഹി നി​യ​മ​സ​ഭ തെ​ര​ഞ്ഞെ​ടു​പ്പി​ൽ താ​ങ്ക​ളു​ടെ പാ​ർ​ട്ടി നേ​ടി​യ​തി​നെ​ക്കാ​ൾ ഇ​ര​ട്ടി​യി​ല​ധി​കം സീ​റ്റു​ക​ൾ നേ​ടി​യ ബി.​ജെ.​പി 27 വ​ർ​ഷ​ത്തെ ഇ​ട​വേ​ള​ക്കു​ശേ​ഷം ദേ​ശീ​യ ത​ല​സ്ഥാ​ന​ത്ത് സ​ർ​ക്കാ​ർ രൂ​പ​വ​ത്​​ക​രി​ക്കു​ക​യാ​ണ്.

ക​ടു​ത്ത പ​ക​പോ​ക്ക​ൽ രാ​ഷ്​​​ട്രീ​യ​ത്തി​​ന്റെ ഇ​ര​യാ​യി ജ​യി​ലി​ൽ അ​ട​ക്ക​പ്പെ​ട്ട​തു​ൾ​പ്പെ​ടെ പോ​യ വ​ർ​ഷം താ​ങ്ക​ളെ സം​ബ​ന്ധി​ച്ച​ട​ത്തോ​ളം എ​ത്ര​മാ​ത്രം വെ​ല്ലു​വി​ളി​ക​ൾ നി​റ​ഞ്ഞ​താ​യി​രു​ന്നു​വെ​ന്ന്​ എ​നി​ക്കൂ​ഹി​ക്കാ​നാ​വും.

മ​റ്റു കാ​ര്യ​ങ്ങ​ൾ പ​റ​യു​ന്ന​തി​ന്​ മു​മ്പ്​ ഒ​ന്ന്​ പ​റ​യ​​ട്ടെ. താ​ങ്ക​ൾ അ​റ​സ്​​റ്റ്​ ചെ​യ്യ​പ്പെ​ട്ട​തി​​ന്​ ശേ​ഷ​മു​ള്ള പ്ര​ഭാ​ത​ത്തി​ൽ ഞാ​ൻ ഡ​ൽ​ഹി റോ​സ്​ അ​വ​ന്യൂ​വി​ലു​ള്ള ആം ​ആ​ദ്​​മി പാ​ർ​ട്ടി ഓ​ഫി​സ്​ സ​ന്ദ​ർ​ശി​ച്ചി​രു​ന്നു. പ്ര​വ​ർ​ത്ത​ക​രോ​ട്​ ഐ​ക്യ​ദാ​ർ​ഢ്യ​പ്പെ​ടാ​ൻ വേ​ണ്ടി മാ​ത്ര​മ​ല്ല, ജ​നാ​ധി​പ​ത്യ​ത്തി​നെ​തി​രാ​യ ആ ​ല​ജ്ജാ​ക​ര​മാ​യ ആ​ക്ര​മ​ണ​ത്തി​ൽ എ​ന്റെ രോ​ഷ​വും പ്ര​തി​ഷേ​ധ​വും അ​റി​യി​ക്കു​ക കൂ​ടി​യാ​യി​രു​ന്നു അ​തി​​ന്റെ ഉ​ദ്ദേ​ശ്യം.

ആ​പ്​ ഓ​ഫി​സി​ൽ എ​ത്തി​ച്ചേ​ര​ൽ അ​ത്ര എ​ളു​പ്പ​മാ​യി​രു​ന്നി​ല്ല. പൊ​ലീ​സ് നി​ങ്ങ​ളു​ടെ അ​നു​യാ​യി​ക​ളെ ബ​സു​ക​ളി​ൽ ക​യ​റ്റി​ക്കൊ​ണ്ടു​പോ​വു​ക​യാ​യി​രു​ന്നു. അ​തി​രാ​വി​ലെ ജോ​ലി​ക്ക്​ പോ​കു​ന്ന വ​ഴി​യി​ൽ റോ​ഡ​രി​കി​ൽ ഇ​രു​ന്ന്​ ചാ​യ കു​ടി​ക്കു​ക​യാ​യി​രു​ന്ന ചി​ല​യാ​ളു​ക​ളെ​പ്പോ​ലും പൊ​ലീ​സ് ബ​സു​ക​ളി​ലേ​ക്ക്​ വ​ലി​ച്ചു​ക​യ​റ്റി. പാ​ർ​ട്ടി ഓ​ഫി​സ് സ്ഥി​തി​ചെ​യ്യു​ന്ന റോ​ഡി​ൽ ക​ന​ത്ത ബാ​രി​ക്കേ​ഡു​ക​ൾ ഉ​ണ്ടാ​യി​രു​ന്നു​വെ​ങ്കി​ലും ഒ​രു റി​ക്ഷാ ഡ്രൈ​വ​ർ അ​വി​ടെ​യെ​ത്താ​ൻ പ​റ്റു​ന്ന വ​ഴി കാ​ണി​ച്ചു​ത​ന്നു.

ഇ​ടു​ക്കു​ക​ളി​ലൂ​ടെ ന​ട​ന്നും ഇ​ട​മ​തി​ലു​ക​ൾ ചാ​ടി​ക്ക​ട​ന്നും അ​വി​ടെ​യെ​ത്തി. ഓ​ഫി​സ് അ​ട​ച്ചി​ട്ടി​രി​ക്കു​ക​യാ​യി​രു​ന്നു. എ​ന്നി​രു​ന്നാ​ലും, വ​ള​രെ കു​റ​ച്ച് സ​ബ്​ ​സ്​​ക്രൈ​ബ​ർ​മാ​ർ മാ​ത്ര​മു​ള്ള, അ​തേ​സ​മ​യം സ​മ​കാ​ലി​ക ഇ​ന്ത്യ​ൻ ച​രി​ത്രം രേ​ഖ​പ്പെ​ടു​ത്തി​വെ​ക്കാ​ൻ ശ്ര​മി​ക്കു​ന്ന എ​ന്റെ India Speaks (indiaSpeaks2u) എ​ന്ന ചെ​റി​യ യൂ​ട്യൂ​ബ് ചാ​ന​ലി​നു​വേ​ണ്ടി കു​റ​ച്ച് പാ​ർ​ട്ടി പ്ര​വ​ർ​ത്ത​ക​രെ അ​ഭി​മു​ഖം ചെ​യ്യാ​ൻ എ​നി​ക്ക് സാ​ധി​ച്ചു.

പ​ത്ത് ദി​വ​സ​ങ്ങ​ൾ​ക്കു​ശേ​ഷം, രാം​ലീ​ല മൈ​താ​ന​ത്ത് ന​ട​ന്ന ജ​നാ​ധി​പ​ത്യ സം​ര​ക്ഷ​ണ റാ​ലി​യി​ൽ പ്ര​തി​പ​ക്ഷ പാ​ർ​ട്ടി നേ​താ​ക്ക​ൾ ഒ​ത്തു​കൂ​ടി, നി​ങ്ങ​ളു​ടെ പ​ര​മ്പ​രാ​ഗ​ത രാ​ഷ്ട്രീ​യ എ​തി​രാ​ളി​യാ​യ കോ​ൺ​ഗ്ര​സ് ഉ​ൾ​പ്പെ​ടെ​യു​ള്ള പ്ര​ധാ​ന പ്ര​തി​പ​ക്ഷ പാ​ർ​ട്ടി​ക​ളു​ടെ നേ​താ​ക്ക​ൾ താ​ങ്ക​ളു​ടെ ത​ട​ങ്ക​ലി​നെ​തി​രെ ശ​ക്ത​മാ​യി സം​സാ​രി​ച്ചു. അ​വ​ർ വേ​ദി​യി​ൽ ര​ണ്ട് ക​സേ​ര​ക​ളും ഒ​ഴി​ച്ചി​ട്ടി​രു​ന്നു -ഒ​ന്ന് താ​ങ്ക​ൾ​ക്കും മ​റ്റൊ​ന്ന് അ​ക്കാ​ല​ത്ത് ജ​യി​ലി​ലാ​യി​രു​ന്ന ഹേ​മ​ന്ത് സോ​റ​നും. പ്ര​തി​പ​ക്ഷ പാ​ർ​ട്ടി​ക​ൾ ഒ​ന്നി​ച്ച് ബി.​ജെ.​പി​യെ വെ​ല്ലു​വി​ളി​ക്കു​ന്ന​ത് പ്ര​തീ​ക്ഷ ന​ൽ​കു​ന്ന സ​ന്ദ​ർ​ഭ​മാ​യി​രു​ന്നു. അ​വ​ശ്യ സ​ന്ദ​ർ​ഭ​ത്തി​ൽ പ്ര​തി​പ​ക്ഷം താ​ങ്ക​ൾ​ക്കു​വേ​ണ്ടി നി​ല​കൊ​ണ്ടി​ല്ലെ​ന്ന്​ പ​റ​യാ​നാ​വി​ല്ല.

ദു​ർ​ബ​ല​മാ​യ ജ​നാ​ധി​പ​ത്യ​ത്തി​ലെ ഒ​രു പൗ​ര​ന്റെ ബാ​ധ്യ​ത​യാ​യി ക​രു​തി ആ ​റാ​ലി​യി​ലും ഞാ​ൻ പ​​ങ്കെ​ടു​ത്തു. രാ​ഹു​ൽ ഗാ​ന്ധി, തേ​ജ​സ്വി യാ​ദ​വ്, അ​ഖി​ലേ​ഷ് യാ​ദ​വ്, ക​ൽ​പ​ന സോ​റ​ൻ, പ​രേ​ത​നാ​യ സീ​താ​റാം യെ​ച്ചൂ​രി എ​ന്നി​വ​രു​ൾ​പ്പെ​ടെ​യു​ള്ള പ്ര​തി​പ​ക്ഷ നേ​താ​ക്ക​ളു​ടെ പ്ര​സം​ഗ​ങ്ങ​ൾ കേ​ട്ടു, നി​ര​വ​ധി ആ​ളു​ക​ളു​മാ​യി അ​ഭി​മു​ഖ​വും ന​ട​ത്തി. ഡ​ൽ​ഹി​യി​ലെ ഒ​രു ബി​സി​ന​സു​കാ​ര​നാ​യ ദേ​വീ​ന്ദ​റു​മാ​യി ന​ട​ത്തി​യ സം​ഭാ​ഷ​ണം എ​ടു​ത്തു​പ​റ​യ​ണം. വ​ർ​ഗീ​യ​ത​യും ജാ​തീ​യ​ത​യും സാ​മ്പ​ത്തി​ക അ​സ​മ​ത്വ​വും ഇ​ന്ത്യ​യെ ത​കി​ടം മ​റി​ക്കു​ന്ന​തി​ൽ വി​ഷ​മം സൂ​ക്ഷി​ച്ച ആ ​മ​നു​ഷ്യ​ൻ പ്ര​തി​പ​ക്ഷ പാ​ർ​ട്ടി​ക​ളു​ടെ മ​ഹാ​സ​ഖ്യ​ത്തി​ന്​ അ​തി​ൽ മാ​റ്റം കൊ​ണ്ടു​വ​രാ​നാ​കു​മെ​ന്ന്​ വി​ശ്വ​സി​ച്ചി​രു​ന്നു.

അ​തീ​വ വ്യ​ക്ത​ത​യോ​ടെ​യും കൃ​ത്യ​ത​യോ​ടെ​യും സം​സാ​രി​ച്ച ജി​ന്ദി​ൽ​നി​ന്ന്​ വ​ന്ന ക​ലി റാം ​എ​ന്ന ക​ർ​ഷ​ക​ൻ പ​റ​ഞ്ഞ​ത്​ റ​ഷ്യ​യി​ലെ​യും ചൈ​ന​യി​ലെ​യും ഏ​കാ​ധി​പ​തി​ക​ളു​ടെ പാ​ത​യി​ലാ​ണ്​ ഇ​ന്ത്യ​യി​ലെ രാ​ഷ്​​ട്രീ​യ നേ​തൃ​ത്വ​വു​മെ​ന്നാ​ണ്.

ഹ​രി​യാ​ൻ​വി ശൈ​ലി​യി​ലു​ള്ള ഹി​ന്ദി​യി​ൽ അ​ദ്ദേ​ഹം വ്യ​ക്ത​മാ​യി പ​റ​ഞ്ഞു, ‘ഞാ​ൻ ഏ​തെ​ങ്കി​ലും ഒ​രു പ്ര​ത്യേ​ക പാ​ർ​ട്ടി​യു​ടെ​യും ആ​ള​ല്ല, പ​ക്ഷേ ന​മ്മു​ടെ ജ​നാ​ധി​പ​ത്യ​ത്തെ​ക്കു​റി​ച്ച് അ​ങ്ങേ​യ​റ്റം ആ​ശ​ങ്കാ​കു​ല​നാ​യ​തി​നാ​ലാ​ണ്​ ഇ​വി​ടെ വ​ന്ന​ത്. പ്ര​തി​പ​ക്ഷ നേ​താ​ക്ക​ളോ​ട് എ​ന്റെ വി​നീ​ത​മാ​യ അ​ഭ്യ​ർ​ഥ​ന അ​വ​രു​ടെ സ്വാ​ർ​ഥ താ​ൽ​പ​ര്യ​ങ്ങ​ൾ മാ​റ്റി​വെ​ച്ച് ജ​നാ​ധി​പ​ത്യ​ത്തെ സം​ര​ക്ഷി​ക്കാ​ൻ മു​ന്നോ​ട്ടു​വ​ര​ണം എ​ന്നാ​ണ്’.

കെ​ജ്രി​വാ​ൾ, താ​ങ്ക​ൾ പൊ​തു​ന​ന്മ​ക്കു​വേ​ണ്ടി സ്വാ​ർ​ഥ താ​ൽ​പ​ര്യം മാ​റ്റി​വെ​ച്ചി​രു​ന്നു​വോ?

ഈ ​തെ​ര​ഞ്ഞെ​ടു​പ്പി​ൽ ആം ​ആ​ദ്​​മി പാ​ർ​ട്ടി​ക്ക്​ വോ​ട്ടു​ചെ​യ്​​താ​ലും ഇ​ല്ലെ​ങ്കി​ലും ഇ​ന്ത്യ​ൻ ജ​നാ​ധി​പ​ത്യ​ത്തി​​ന്റെ കാ​ര്യ​ത്തി​ൽ ആ​ത്മാ​ർ​ഥ​മാ​യ താ​ൽ​പ​ര്യം പു​ല​ർ​ത്തു​ന്ന ഒ​രു​പാ​ട്​ ആ​ളു​ക​ളു​ടെ മ​ന​സ്സി​ൽ ത​ങ്ങി​നി​ൽ​ക്കു​ന്ന ചി​ല ചോ​ദ്യ​ങ്ങ​ൾ താ​ങ്ക​ൾ​ക്ക്​ മു​ന്നി​ൽ​വെ​ക്കാ​നു​ള്ള സ്വാ​ത​ന്ത്യ​മെ​ടു​ക്കു​ക​യാ​ണ്​ ഞാ​ൻ.

എ​ന്തു​കൊ​ണ്ടാ​ണ് ആം ​ആ​ദ്മി പാ​ർ​ട്ടി​യും കോ​ൺ​ഗ്ര​സും ഈ ​തെ​ര​ഞ്ഞെ​ടു​പ്പി​ൽ ഒ​രു​മി​ച്ച് നി​ന്ന്​ പോ​രാ​ടാ​തി​രു​ന്ന​ത്? ഒ​രു​മി​ച്ച് നി​ന്നി​രു​ന്നു​വെ​ങ്കി​ൽ നി​ങ്ങ​ൾ​ക്ക് ബി.​ജെ.​പി​യെ തോ​ൽ​പി​ക്കാ​മാ​യി​രു​ന്നു. അ​തി​ന് സാ​ധി​ച്ചി​ല്ലെ​ങ്കി​ൽ​പോ​ലും പൊ​തു​ശ​ത്രു​വി​നെ​തി​രെ ഒ​രു​മി​ച്ച് പോ​രാ​ടാ​ൻ പ​ര​മാ​വ​ധി ശ്ര​മി​ച്ചു​വെ​ന്ന് പ​റ​യാ​നെ​ങ്കി​ലും സാ​ധി​ച്ചേ​നെ. പ​തി​വു​പോ​ലെ ‘കോ​ൺ​ഗ്ര​സി​ന്റെ അ​ഹ​ങ്കാ​ര​ത്തെ’ കു​റ്റ​പ്പെ​ടു​ത്താ​ൻ എ​ളു​പ്പ​മാ​ണ്, പ​ക്ഷേ, ഈ ​വി​ഷ​യ​ത്തി​ൽ താ​ങ്ക​ളു​ടെ ഉ​ള്ളി​ലി​രി​പ്പും പ​ങ്കും എ​ന്താ​യി​രു​ന്നു?

വീ​ട് അ​വ്വി​ധം പു​തു​ക്കി​പ്പ​ണി​തു​കൊ​ണ്ട് എ​ന്തി​നാ​ണ് നി​ങ്ങ​ൾ ബി.​ജെ.​പി​ക്ക് ഒ​രു രാ​ഷ്ട്രീ​യ ആ​യു​ധം ഇ​ട്ടു​കൊ​ടു​ത്ത​ത്? താ​ങ്ക​ളു​ടെ വീ​ടി​ന്റെ ഉ​ൾ​വ​ശം എ​ങ്ങ​നെ​യാ​ണെ​ന്ന് ഞ​ങ്ങ​ൾ​ക്ക​റി​ഞ്ഞു​കൂ​ടാ, പ​ക്ഷേ, ആം ​ആ​ദ്മി അ​ഥ​വാ സാ​ധാ​ര​ണ​ക്കാ​രു​ടെ പ്രാ​തി​നി​ധ്യം അ​വ​കാ​ശ​പ്പെ​ടു​ന്ന ഒ​രു പാ​ർ​ട്ടി​യു​ടെ മു​ഖ്യ​മ​ന്ത്രി എ​ന്ന നി​ല​യി​ൽ, സ്വ​ന്തം വോ​ട്ട​ർ​മാ​രി​ൽ ഭൂ​രി​ഭാ​ഗ​വും ദാ​രി​ദ്ര്യ​ത്തി​ലും ക​ഷ്​​ട​പ്പാ​ടി​ലും ജീ​വി​ക്കു​മ്പോ​ൾ സ്വ​ന്തം വീ​ട്​ ന​ന്നാ​ക്കാ​ൻ കു​റ​ച്ച് കോ​ടി​ക​ൾ ചെ​ല​വ​ഴി​ക്കു​ക വ​ഴി ഒ​രു സെ​ൽ​ഫ്​ ഗോ​ള​ല്ലേ അ​ടി​ച്ച​ത്​? (താ​ങ്ക​ളു​ടെ ആ ​പ​ഴ​യ നീ​ല വാ​ഗ​ൺ-​ആ​ർ കാ​ർ മ​റ​ക്കാ​നാ​വു​ന്നി​ല്ല ...)

എ​ന്തു​കൊ​ണ്ടാ​ണ് താ​ങ്ക​ളു​ടെ പാ​ർ​ട്ടി​ക്ക് വ്യ​ക്ത​മാ​യ ഒ​രു മ​തേ​ത​ര ആ​ദ​ർ​ശം നി​ർ​വ​ചി​ക്കാ​തി​രു​ന്ന​ത്? സു​ന്ദ​ർ​ക​ന്ദ് പ​ഥ്, ഹ​നു​മാ​ൻ മ​ന്ദി​ർ യാ​ത്ര​ക​ൾ നി​രീ​ക്ഷി​ക്കു​ന്ന എ​ല്ലാ​വ​ർ​ക്കും നി​ങ്ങ​ൾ മൃ​ദു ഹി​ന്ദു​ത്വ കാ​ർ​ഡ് ക​ളി​ക്കു​ക​യാ​ണെ​ന്ന് വ്യ​ക്ത​മാ​യി​രു​ന്നു. ഫെ​ബ്രു​വ​രി എ​ട്ടി​ന് ര​വീ​ഷ് കു​മാ​ർ ത​ന്റെ പ​രി​പാ​ടി​യി​ൽ ചൂ​ണ്ടി​ക്കാ​ണി​ച്ച​തു​പോ​ലെ, മ​ത​വും രാ​ഷ്ട്രീ​യ​വും കൂ​ട്ടി​ക്കു​ഴ​ക്ക​ണ​മെ​ന്ന് വി​ശ്വ​സി​ക്കാ​ത്ത ഹി​ന്ദു​ക്ക​ളും അ​ല്ലാ​ത്ത​വ​രു​മാ​യ നി​ര​വ​ധി വോ​ട്ട​ർ​മാ​ർ ഉ​ണ്ടെ​ന്ന് മ​റ​ന്നു​കൊ​ണ്ട് നി​ങ്ങ​ൾ ഡ​ൽ​ഹി​യി​ലെ ജ​ന​ങ്ങ​ളെ ഹി​ന്ദു വോ​ട്ട​ർ​മാ​രാ​യി മാ​ത്രം കാ​ണാ​ൻ തു​ട​ങ്ങി​യോ? ഇ​പ്പോ​​ൾ താ​ങ്ക​ൾ​ക്ക്​ വ്യ​ക്ത​മാ​യെ​ന്ന്​ എ​ല്ലാ​വ​രും ക​രു​തു​ന്ന ഒ​രു പാ​ഠം ബി.​ജെ.​പി​യു​ടെ ക​ളി​ക​ളി​ൽ നി​ങ്ങ​ൾ​ക്ക്​ അ​വ​രെ തോ​ൽ​പി​ക്കാ​ൻ ക​ഴി​യി​ല്ലെ​ന്ന​താ​ണ്.

ക​ഴി​ഞ്ഞ പ​ത്ത് വ​ർ​ഷ​ത്തെ ഭ​ര​ണ​ത്തെ​ക്കു​റി​ച്ച് ചി​ന്തി​ക്കാ​ൻ താ​ങ്ക​ൾ​ക്ക് ഇ​പ്പോ​ൾ സ​മ​യ​മു​ണ്ട്. ഈ ​ചോ​ദ്യ​ങ്ങ​ളി​ൽ ചി​ല​തെ​ങ്കി​ലും താ​ങ്ക​ൾ ഗൗ​ര​വ​ത്തോ​ടെ എ​ടു​ക്കു​മെ​ന്ന്​ ഞാ​ൻ പ്ര​തീ​ക്ഷി​ക്കു​ന്നു.

(പ​രി​ശീ​ല​ക​നും സ്വ​ത​ന്ത്ര മാ​ധ്യ​മ​പ്ര​വ​ർ​ത്ത​ക​നു​മാ​ണ് ​ലേ​ഖ​ക​ൻ)