മാ​റ്റി​പ്പ​ണി​യ​ണം മ​ദ്റ​സ സി​ല​ബ​സും

ത​ട്ട​മി​ട്ട പെ​ൺ​കു​ട്ടി​ക​ളും തൊ​പ്പി​യോ ഉ​റു​മാ​ലോ കെ​ട്ടി​യ പ​യ്യ​ന്മാ​രും പു​ല​ർ​വേ​ള​ക​ളി​ലോ സ​ന്ധ്യ​ക്കു​ശേ​ഷ​മോ നെ​ഞ്ച​ത്ത​ട​ക്കി​പ്പി​ടി​ച്ച കി​ത്താ​ബു​ക​ളു​മാ​യി ക​യ​റി​ച്ചെ​ല്ലു​ന്ന, ഉ​സ്താ​ദു​മാ​രി​ൽ​നി​ന്ന് ഖു​ർ​ആ​നും ന​ബി​ച​ര്യ​യും ആ​രാ​ധ​നാ രീ​തി​ക​ളും വി​ശ്വാ​സ-​സ്വ​ഭാ​വ സം​സ്ക​ര​ണ​വും പ​ഠി​ക്കു​ന്ന സം​വി​ധാ​ന​മാ​യി​രു​ന്നു കേ​ര​ള​ത്തി​ലെ മ​ദ്റ​സ​ക​ൾ. ന​ബി​ദി​ന റാ​ലി​ക​ൾ ന​ട​ക്കു​മ്പോ​ഴോ വാ​ർ​ഷി​കാ​ഘോ​ഷ​വേ​ള​ക​ളി​ലോ മാ​ത്ര​മാ​ണ് മ​ദ്റ​സ​ക​ൾ പ​ള്ളി​വ​ള​പ്പി​ൽ​നി​ന്ന് പു​റ​ത്തി​റ​ങ്ങി​യി​രു​ന്ന​ത്.

എ​ന്നാ​ൽ, അ​വ പ്ര​വ​ർ​ത്തി​ക്കു​ന്ന​ത് സ​ർ​ക്കാ​ർ ചെ​ല​വി​ലാ​ണെ​ന്നും ഉ​സ്താ​ദു​മാ​ർ​ക്ക് ശ​മ്പ​ളം ന​ൽ​കു​ന്ന​ത് സ​ർ​ക്കാ​ർ ഖ​ജ​നാ​വി​ൽ​നി​ന്നാ​ണെ​ന്നും മ​റ്റു​മു​ള്ള അ​സ​ത്യ ആ​രോ​പ​ണ​ങ്ങ​ൾ സ്ഥാ​പി​ത​താ​ൽ​പ​ര്യ​മു​ള്ള വ​ർ​ഗീ​യ സം​ഘ​ട​നാ നേ​താ​ക്ക​ൾ പ്ര​ച​രി​പ്പി​ക്കാ​ൻ തു​ട​ങ്ങി​യ​തോ​ടെ മ​ദ്റ​സ​ക​ൾ പ​ല​പ്പോ​ഴും പൊ​തു​മ​ണ്ഡ​ല​ത്തി​ലെ നി​ര​ന്ത​ര ച​ർ​ച്ചാ​വി​ഷ​യ​മാ​യി. സ​ർ​ക്കാ​ർ അ​ധി​കൃ​ത​ർ ഇ​ക്കാ​ര്യം നി​ഷേ​ധി​ക്കു​ക​യും ആ​രോ​പ​ണം വ്യാ​ജ​മാ​ണെ​ന്ന് രേ​ഖ​ക​ൾ സ​ഹി​തം പ​ല​വു​രു തെ​ളി​യി​ക്ക​പ്പെ​ടു​ക​യും ചെ​യ്തി​ട്ടും ഇ​ന്നും ആ ​വ്യാ​ജ​ക​ഥ​ക​ൾ പാ​റി​ന​ട​ക്കു​ന്നു. വി​ദ്വേ​ഷ പ്ര​സം​ഗ​ക​ർ അ​നു​യാ​യി​ക​ളെ പ​റ​ഞ്ഞു​വി​ശ്വ​സി​പ്പി​ക്കു​ന്നു.

ഇ​ല്ലാ​ക്ക​ഥ​ക​ൾ​ക്ക് മ​റു​പ​ടി ന​ൽ​കേ​ണ്ടി​വ​രു​മ്പോ​ൾ ​ക്രി​യാ​ത്മ​ക​മാ​യി ചെ​ല​വി​ടേ​ണ്ടി​യി​രു​ന്ന എ​ത്ര​യോ സ​മ​യ​മാ​ണ് പാ​ഴാ​യി​പ്പോ​കു​ന്ന​ത്. എ​ന്നി​രു​ന്നാ​ലും ക​ഴി​ഞ്ഞ ദി​വ​സ​ങ്ങ​ളി​ൽ മ​ദ്റ​സ പ​ഠ​ന​രീ​തി​ക​ൾ ഗു​ണ​ക​ര​മാം​വി​ധം ച​ർ​ച്ച​ചെ​യ്യ​പ്പെ​ട്ടു എ​ന്ന​ത് ശു​​ഭ​ക​ര​മാ​ണ്. റോ​ഡ് നി​യ​മ​ങ്ങ​ൾ പാ​ലി​ക്കാ​ൻ ശീ​ലി​പ്പി​ക്കു​ന്ന പാ​ഠ​ങ്ങ​ൾ ഉ​ൾ​ക്കൊ​ള്ളി​ച്ച​തി​ന് ഗ​താ​ഗ​ത വ​കു​പ്പ് ഉ​ദ്യോ​ഗ​സ്ഥ​ർ സ​മ​സ്ത മ​ത​വി​ദ്യാ​ഭ്യാ​സ ബോ​ർ​ഡ് അ​ധി​കൃ​ത​രെ അ​ഭി​ന​ന്ദ​ന​മ​റി​യി​ക്കു​ക​യു​ണ്ടാ​യി. ഇ​ക്ക​ഴി​ഞ്ഞ സ്വാ​ത​ന്ത്ര്യ​ദി​ന​ത്തി​ൽ ഏ​വ​രും ആ​വേ​ശ​പൂ​ർ​വം കേ​ട്ട ഉ​ശി​ര​ൻ പ്ര​സം​ഗം കാ​ഴ്ച​വെ​ച്ച മൂ​ന്നാം ക്ലാ​സു​കാ​ര​ൻ ഇ​യാ​സ് മോ​ന്റെ ആ​ദ്യ പ​ഠ​ന​ക്ക​ള​രി മ​ദ്റ​സ​വേ​ദി​ക​ളാ​യി​രു​ന്നു​വെ​ന്ന വി​വ​ര​വും വേ​റി​ട്ട ഒ​രു കാ​ഴ്ച​പ്പാ​ട് സ​മൂ​ഹ​ത്തി​ൽ ചി​ല​ർ​ക്കെ​ങ്കി​ലും പ​ക​ർ​ന്നു ന​ൽ​കി​യി​ട്ടു​ണ്ട്.

അ​നാ​വ​ശ്യ വി​വാ​ദ​ങ്ങ​ളും അ​സ​ത്യ​പ്ര​ചാ​ര​ണ​ങ്ങ​ളും മ​ന​സ്സു​മ​ടു​പ്പി​ക്ക​രു​ത് എ​ന്ന​തു​പോ​ലെ ഇ​ത്ത​രം സ​ന്തോ​ഷ​ങ്ങ​ളി​ൽ മ​യ​ങ്ങി ഒ​തു​ങ്ങി​ക്കൂ​ടാ​നു​മാ​വി​ല്ല. അ​തു​കൊ​ണ്ടു​ത​ന്നെ കേ​ര​ള​ത്തി​ലെ മ​ദ്റ​സ സം​വി​ധാ​ന​ത്തി​ൽ കാ​ലാ​നു​സൃ​ത​മാ​യ കൂ​ടു​ത​ൽ മാ​റ്റ​ങ്ങ​ൾ കൊ​ണ്ടു​വ​രാ​ൻ ഗൗ​ര​വ​ബു​ദ്ധി​യോ​ടെ ആ​ലോ​ചി​ക്കേ​ണ്ട സ​മ​യ​മാ​ണി​ത്.

അ​റ​ബി മ​ല​യാ​ള​ത്തി​ൽ ചൊ​ല്ലി​പ്പ​ഠി​ച്ചി​രു​ന്ന പ​ഴ​യ​കാ​ല രീ​തി​ക​ൾ​ക്കു പ​ക​രം ടെ​ക്സ്റ്റ്‌ ബു​ക്കു​ക​ളും കൃ​ത്യ​മാ​യ സി​ല​ബ​സും പ​രീ​ക്ഷ​യു​മൊ​ക്കെ നി​ല​വി​ൽ​വ​ന്നെ​ങ്കി​ലും മ​ദ്റ​സ പ​ഠ​ന​വും അ​ധ്യാ​പ​ന​വും വേ​ണ്ട​ത്ര ഫ​ല​പ്ര​ദ​മാ​കു​ന്നു​ണ്ടോ എ​ന്ന സ്വ​യം​വി​ശ​ക​ല​ന​ത്തി​നും തി​രു​ത്ത​ലു​ക​ൾ​ക്കും ഏ​വ​രും ത​യാ​റാ​വേ​ണ്ട​തു​ണ്ട്.

ദൈ​വ​വി​ശ്വാ​സം ഊ​ട്ടി​യു​റ​പ്പി​ച്ച് ഹൃ​ദ​യ​ങ്ങ​ളെ സം​ശു​ദ്ധ​മാ​ക്കി ന​ല്ല വ്യ​ക്തി​ക​ളെ സൃ​ഷ്ടി​ക്കു​ക എ​ന്ന​താ​ണ് മ​ദ്റ​സ വി​ദ്യാ​ഭ്യാ​സ​ത്തി​ന്റെ ആ​ത്യ​ന്തി​ക ല​ക്ഷ്യം. അ​വി​ട​ങ്ങ​ളി​ൽ പ​ണ്ടു​കാ​ലം മു​ത​ൽ പ​ഠി​പ്പി​ച്ചു​വ​രു​ന്ന സ്വ​ഭാ​വ​സം​സ്ക​ര​ണ പു​സ്ത​ക​ങ്ങ​ൾ മാ​താ​പി​താ​ക്ക​ളോ​ടും മു​തി​ർ​ന്ന​വ​രോ​ടും അ​യ​ൽ​വാ​സി​ക​ളോ​ടും ബ​ന്ധു​ക്ക​ളോ​ടും പു​ല​ർ​ത്തേ​ണ്ട മ​ര്യാ​ദ​ക​ളും ക​ട​മ​ക​ളും സം​ബ​ന്ധി​ച്ച് ഉ​ദ്ബോ​ധ​നം ന​ൽ​കു​ന്ന​വ​യാ​യി​രു​ന്നു.

കേ​ര​ള​ത്തി​ല​ങ്ങോ​ള​മു​ള്ള ഒ​ട്ട​ന​വ​ധി ജീ​വ​കാ​രു​ണ്യ-​സാ​ധു​സ​ഹാ​യ മു​ന്നേ​റ്റ​ങ്ങ​ൾ​ക്ക് അ​ടി​ത്ത​റ പാ​കു​ന്ന​തി​ൽ മ​ദ്റ​സ​ക​ൾ പ​ക​ർ​ന്നു​ന​ൽ​കി​യ സ​ഹ​ജീ​വി​സ്നേ​ഹ​ത്തി​ന്റെ​യും സ​ഹാ​നു​ഭൂ​തി​യു​ടെ​യും പാ​ഠ​ങ്ങ​ൾ പ​ങ്കു​വ​ഹി​ച്ചി​ട്ടു​ണ്ടെ​ന്ന​ത് അ​നി​ഷേ​ധ്യ​മാ​ണ്. ദൈ​വ​സൃ​ഷ്ടി​ക​ളാ​യ മ​നു​ഷ്യ​ർ ത​ന്നോ​ടും ചു​റ്റു​പാ​ടി​നോ​ടും ക​ട​പ്പെ​ട്ടി​രി​ക്കു​ന്നു എ​ന്ന​താ​ണ് ദൈ​വി​ക അ​ധ്യാ​പ​നം. മ​ദ്റ​സ​ക​ളി​ൽ പ​ഠി​ച്ചു​വ​ള​ർ​ന്ന​വ​ർ അ​വ പാ​ലി​ക്കു​ന്ന​തി​ൽ വീ​ഴ്ച​വ​രു​ത്തു​ന്നു​വെ​ങ്കി​ൽ പാ​ഠ​ങ്ങ​ളും പ​ഠ​ന​രീ​തി​ക​ളും വീ​ഴ്ച​യി​ല്ലാ​ത്ത വി​ധ​ത്തി​ൽ പു​നഃ​ക്ര​മീ​ക​രി​ക്ക​ണം. റോ​ഡ് നി​യ​മ​ങ്ങ​ളും പ​രി​സ്ഥി​തി​പാ​ഠ​ങ്ങ​ളും മ​ദ്റ​സ പാ​ഠ​പു​സ്ത​ക​ത്തി​ൽ ഉ​ൾ​ക്കൊ​ള്ളി​ച്ച​തു​പോ​ലെ പു​തി​യ സാ​മൂ​ഹി​ക സം​ഭ​വ​വി​കാ​സ​ങ്ങ​ളെ അ​ടി​സ്ഥാ​ന​പ്പെ​ടു​ത്തി സി​ല​ബ​സ് ന​വീ​ക​രി​ക്ക​ണം. സാ​മൂ​ഹി​ക അ​വ​ബോ​ധ​വും നി​യ​മ​പ​രി​ജ്ഞാ​ന​വും ക​ട​പ്പാ​ടു​ക​ളെ​ക്കു​റി​ച്ചു​ള്ള ബോ​ധ​വും വൈ​കാ​രി​ക പ​ക്വ​ത​യും ആ​ത്മീ​യ ധാ​ർ​മി​ക​ചി​ന്ത​യു​മൊ​ക്കെ വ​ള​രാ​ൻ ആ​വ​ശ്യ​മാ​യ ഉ​ള്ള​ട​ക്ക​ങ്ങ​ൾ അ​തി​ലു​ണ്ടാ​ക​ണം.

ദേ​ശീ​യ-​അ​ന്ത​ർ​ദേ​ശീ​യ പ്രാ​ധാ​ന്യ​മു​ള്ള ദി​നാ​ച​ര​ണ​ങ്ങ​ൾ, വി​നോ​ദ​യാ​ത്ര​ക​ൾ, ക​ലാ​കാ​യി​ക മ​ത്സ​ര​ങ്ങ​ൾ, മോ​ട്ടി​വേ​ഷ​ൻ ക്ലാ​സു​ക​ൾ, നേ​തൃ​പ​രി​ശീ​ല​നം, ക​രി​യ​ർ ഗൈ​ഡ​ൻ​സ്, ര​ക്ഷാ​ക​ർ​ത്താ​ക്ക​ൾ​ക്കാ​യി ബോ​ധ​വ​ത്ക​ര​ണ സെ​മി​നാ​റു​ക​ൾ എ​ന്നി​ങ്ങ​നെ വി​വി​ധ​യി​നം പ​രി​പാ​ടി​ക​ൾ​കൊ​ണ്ട് സ​മ്പ​ന്ന​മാ​യാ​ൽ മ​ദ്റ​സ​ക​ളു​ടെ മു​ഖ​ച്ഛാ​യ​യി​ൽ മാ​ത്ര​മ​ല്ല, കു​ട്ടി​ക​ളു​ടെ മ​നോ​ഭാ​വ​ത്തി​ലും മാ​റ്റ​മു​ണ്ടാ​വും.

പ​ര​മ്പ​രാ​ഗ​ത രീ​തി​യി​ൽ​നി​ന്ന് മാ​റി സ്മാ​ർ​ട്ട് ക്ലാ​സ് റൂ​മു​ക​ളും ദൃ​ശ്യ-​ശ്രാ​വ്യ പാ​ഠ്യോ​പ​ക​ര​ണ​ങ്ങ​ളും ഉ​പ​യോ​ഗ​പ്പെ​ടു​ത്തി അ​ധ്യ​യ​നം ന​ട​ത്തു​ന്ന മ​ദ്റ​സ​ക​ളും ഉ​സ്താ​ദു​മാ​രും ഇ​ന്നു​ണ്ട്, ആ ​രീ​തി കേ​ര​ള​ക്ക​ര​യൊ​ട്ടാ​കെ വ്യാ​പി​ക്ക​ണം.

ഒ​പ്പം മ​ദ്റ​സ സി​ല​ബ​സി​നെ കൂ​ടു​ത​ൽ ചൈ​ൽ​ഡ് ഫ്ര​ൻ​ഡ്‍ലി ആ​ക്കു​ക​യും വേ​ണം. പു​തി​യ കാ​ല​ത്തെ കു​ട്ടി​ക​ളെ കൈ​കാ​ര്യം​ചെ​യ്യാ​ൻ സാ​മ്പ്ര​ദാ​യി​ക രീ​തി​ക​ൾ മ​തി​യാ​വി​ല്ല.

വി​ജ്ഞാ​ന വി​സ്ഫോ​ട​ന​ത്തി​ന്റെ യു​ഗ​ത്തി​ൽ ജീ​വി​ക്കു​ന്ന അ​വ​ർ മു​തി​ർ​ന്ന​വ​രേ​ക്കാ​ൾ എ​ത്ര​യോ മു​മ്പേ ന​ട​ക്കു​ന്ന​വ​രാ​ണെ​ന്ന ബോ​ധ്യ​ത്തോ​ടെ വേ​ണം അ​വ​ർ​ക്കു​ള്ള പാ​ഠ്യ​വി​ഭ​വ​ങ്ങ​ൾ ത​യാ​റാ​ക്കാ​ൻ. ഒ​പ്പം ശാ​സ്ത്രീ​യ അ​ധ്യാ​പ​ന രീ​തി​ക​ൾ ഉ​ൾ​ക്കൊ​ള്ളി​ച്ച പ​രി​ശീ​ല​നം കൃ​ത്യ​മാ​യ ഇ​ട​വേ​ള​ക​ളി​ൽ മ​ദ്റ​സ അ​ധ്യാ​പ​ക​ർ​ക്ക് നി​ർ​ബ​ന്ധ​മാ​യും ന​ൽ​കേ​ണ്ട​തു​ണ്ട്.

നാം ​ക​ണ്ടു​പ​രി​ച​യി​ച്ച ആ ​പ​ഴ​യ ലോ​ക​ത്തി​ല​ല്ല ന​മ്മു​ടെ കു​ട്ടി​ക​ൾ ജീ​വി​ക്കേ​ണ്ട​ത്.

ഇ​വി​ടെ ച​തി​ക്കു​ഴി​ക​ൾ ഏ​റെ​യാ​ണ്. തി​ന്മ​യു​ടെ വേ​രു​ക​ൾ​ക്ക് ആ​ഴ​വും പ​ര​പ്പും കൂ​ടു​ത​ലാ​ണ്. ഏ​തു​വി​ധേ​ന​യും അ​വ ന​മ്മു​ടെ മ​ക്ക​ളെ ചു​റ്റി​പ്പി​ടി​ക്കാ​നു​ള്ള സാ​ധ്യ​ത​യും സാ​ഹ​ച​ര്യ​വും ധാ​രാ​ള​മു​ണ്ട്. അ​തി​നാ​ൽ അ​ധ്യാ​പ​ക​രോ​ടൊ​പ്പം ര​ക്ഷി​താ​ക്ക​ളും കു​ട്ടി​ക​ളു​ടെ വി​ദ്യാ​ഭ്യാ​സ​പ്ര​ക്രി​യ​യി​ൽ കൈ​കോ​ർ​ത്തു​നി​ൽ​ക്കേ​ണ്ട​ത് അ​നി​വാ​ര്യ​മാ​ണ്; അ​ത് സ്കൂ​ളി​ലാ​യാ​ലും മ​ദ്റ​സ​യി​ലാ​യാ​ലും.

ല​ഹ​രി ഹ​റാ​മാ​ണെ​ന്ന് ചെ​റു​പ്രാ​യ​ത്തി​ലേ പ​ഠി​ച്ചു​തു​ട​ങ്ങു​ന്ന കു​ഞ്ഞു​ങ്ങ​ൾ ആ ​വ​ല​യി​ലേ​ക്ക് വീ​ണു​പോ​കു​ന്നു​വെ​ങ്കി​ൽ അ​തി​നെ ഭേ​ദി​ക്കാ​ൻ പൊ​ലീ​സും എ​ക്സൈ​സ് വ​കു​പ്പും മാ​ത്രം ശ്ര​മി​ച്ചാ​ൽ പോ​രാ. കു​ട്ടി​ക​ളെ കു​രു​ക്കാ​ൻ ത​ക്കം​പാ​ർ​ത്തി​രി​ക്കു​ന്ന കെ​ണി​ക​ളെ​ക്കു​റി​ച്ച് പ​ല​പ്പോ​ഴും ന​മ്മു​ടെ ര​ക്ഷി​താ​ക്ക​ൾ​ക്ക​റി​യി​ല്ല. അ​തി​നാ​ൽ ല​ഹ​രി​ക്കെ​തി​രാ​യ ബോ​ധ​വ​ത്ക​ര​ണം കു​ട്ടി​ക​ൾ​ക്കു മാ​ത്ര​മ​ല്ല, ര​ക്ഷി​താ​ക്ക​ൾ​ക്കും മ​ദ്റ​സ​ക​ൾ വ​ഴി കൊ​ടു​ക്കേ​ണ്ട​തു​ണ്ട്.

പ്ര​വാ​ച​ക​ന്റെ കാ​ല​ത്തെ പ​ള്ളി​ക​ൾ ആ​രാ​ധ​നാ കേ​ന്ദ്ര​ങ്ങ​ൾ മാ​ത്ര​മാ​യി​രു​ന്നി​ല്ല. അ​വി​ടെ​യാ​ണ് കൂ​ടി​യാ​ലോ​ച​ന​ക​ളും ച​ർ​ച്ച​ക​ളും ത​ർ​ക്ക പ​രി​ഹാ​ര​ങ്ങ​ളും ന​ട​ന്ന​ത്. എ​ന്ന​തു​പോ​ലെ ന​മ്മു​ടെ മ​ദ്റ​സ​ക​ളും സ​മൂ​ഹ​ത്തി​ലെ ഗു​ണ​ക​ര​മാ​യ ആ​ലോ​ച​ന​ക​ളു​ടെ​യും പ്ര​വ​ർ​ത്ത​ന​ങ്ങ​ളു​ടെ​യും പ്ര​ഭ​വ​കേ​ന്ദ്ര​ങ്ങ​ളാ​യി മാ​റ​ണം (ആ​ട്ടി​യോ​ടി​ക്ക​പ്പെ​ട്ട കോ​വി​ഡ് രോ​ഗി​ക​ൾ​ക്കു​ള്ള ഐ​സൊ​ലേ​ഷ​ൻ കേ​ന്ദ്ര​ങ്ങ​ളാ​യും പ്ര​ള​യ ദു​രി​ത​ത്തി​ൽ​പെ​ട്ട​വ​ർ​ക്കു​ള്ള റി​ലീ​ഫ് കേ​ന്ദ്ര​ങ്ങ​ളാ​യും ഉ​രു​ൾ​പൊ​ട്ട​ലി​ൽ മ​രി​ച്ച​വ​രു​ടെ പോ​സ്റ്റ്മോ​ർ​ട്ടം മു​റി​ക​ളാ​യും അ​യ​ൽ​വീ​ട്ടി​ലെ സാ​ധു പെ​ൺ​കു​ട്ടി​യു​ടെ വി​വാ​ഹ​മ​ണ്ഡ​പ​മാ​യും ന​മ്മു​ടെ നാ​ട്ടി​ലെ മ​ദ്റ​സ​ക​ളും പ​ള്ളി​ക​ളും പ​രി​വ​ർ​ത്തി​ക്ക​പ്പെ​ട്ടി​ട്ടു​ണ്ട് എ​ന്ന കാ​ര്യം മ​റ​ന്നു​കൊ​ണ്ട​ല്ല ഇ​തു പ​റ​യു​ന്ന​ത്).

രാ​വി​ലെ​യും വൈ​കു​ന്നേ​ര​വു​മു​ള്ള ക്ലാ​സ് ക​ഴി​ഞ്ഞാ​ൽ ദി​വ​സ​ത്തി​ന്റെ അധിക നേ​ര​വും ഒ​ഴി​ഞ്ഞു​കി​ട​ക്കു​ക​യാ​ണ് പ​ല​യി​ട​ത്തും മ​ദ്റ​സ കെ​ട്ടി​ട​ങ്ങ​ൾ. കൗ​ൺ​സ​ലി​ങ്-​ക​രി​യ​ർ ഗൈ​ഡ​ൻ​സ് സെ​ന്റ​റു​ക​ളാ​യും പി.​എ​സ്.​സി-​മ​ത്സ​ര പ​രീ​ക്ഷ​ക​ൾ​ക്കു​ള്ള പ​രി​ശീ​ല​ന​കേ​ന്ദ്ര​ങ്ങ​ളാ​യും അ​വ ഉ​പ​യോ​ഗ​പ്പെ​ടു​ത്താ​നാ​യാ​ൽ അ​ത് സ​മൂ​ഹ​ത്തി​ൽ വ​രു​ത്തു​ന്ന മാ​റ്റം വ​ള​രെ വ​ലു​താ​യി​രി​ക്കും. പെ​ൺ​കു​ട്ടി​ക​ൾ​ക്കു​നേ​രെ അ​തി​ക്ര​മ​ങ്ങ​ൾ വ​ർ​ധി​ച്ചു​വ​രു​ന്ന ഇ​ക്കാ​ല​ത്ത് ആ​യോ​ധ​ന ക​ല​ക​ൾ പ​ഠി​പ്പി​ക്കാ​നു​ള്ള സം​വി​ധാ​ന​വും കാ​ല​ഘ​ട്ട​ത്തി​ന്റെ അ​നി​വാ​ര്യ​ത​യാ​ണ്. മാ​തൃ​കാ​പ​ര​മാ​യി അ​ത്ത​രം പ്ര​വ​ർ​ത്ത​നം ന​ട​ത്തു​ന്ന മ​ഹ​ല്ലു​ക​ളെ ക​ണ്ടു​പ​ഠി​ക്കാ​നും പ​ക​ർ​ത്താ​നും സം​ഘ​ട​നാ വൈ​ജാ​ത്യ​ങ്ങ​ൾ മ​റ​ന്ന് ഏ​വ​രും മു​ന്നോ​ട്ടു​വ​ര​ണം.

മ​തം ആ​രാ​ധ​ന​ക​ളും ച​ട​ങ്ങു​ക​ളും മാ​ത്ര​മ​ല്ല​ല്ലോ. അ​തൊ​രു ജീ​വി​ത​സം​ഹി​ത​യാ​ണ്. ജീ​വി​ത​പ​രി​ശീ​ല​ന​മാ​ണ്. എ​ന്നി​രി​ക്കെ, മ​താ​ധ്യാ​പ​ന​കേ​ന്ദ്ര​ങ്ങ​ൾ ഇ​ത്ത​ര​ത്തി​ൽ ജീ​വി​ത​ത്തി​ന്റെ എ​ല്ലാ മേ​ഖ​ല​യി​ലും സ​മൂ​ഹ​ത്തി​ന് വ​ഴി കാ​ട്ടി​യാ​കാ​ൻ പാ​ക​ത്തി​ൽ പ​രു​വ​പ്പെ​ടേ​ണ്ട​തി​ല്ലേ?

മ​യ​ക്കു​മ​രു​ന്ന് കേ​സു​ക​ളി​ലും അ​ധാ​ർ​മി​ക​മാ​യ ചു​റ്റു​പാ​ടു​ക​ളി​ലും ആ​ത്മ​ഹ​ത്യ​യി​ലും വ​രെ കു​ട്ടി​ക​ൾ എ​ത്തി​പ്പെ​ടു​ന്ന​തി​നെ​ച്ചൊ​ല്ലി വി​ല​പി​ച്ച​തു​കൊ​ണ്ടാ​യി​ല്ല, പ​രി​ഹാ​ര​മാ​ണ് വേ​ണ്ട​ത്.

അ​തി​ന് പാ​ഠ​പു​സ്ത​ക​ത്തി​ൽ തു​ട​ങ്ങി മ​ഹ​ല്ല് പ്ര​വ​ർ​ത്ത​ന​ത്തി​ൽ വ​രെ വി​പ്ല​വ​ങ്ങ​ൾ സൃ​ഷ്ടി​ക്കാ​ൻ പാ​ക​ത്തി​ൽ സ​മു​ദാ​യ​ത്തി​ന്റെ അ​ടി​യ​ന്ത​ര​മാ​യ ചി​ന്ത​യും പ​ഠ​ന​വു​മാ​ണ് ന​ട​ക്കേ​ണ്ട​ത്. അ​ടു​ത്ത നി​മി​ഷ​ത്തി​ൽ സാ​ധി​ക്കു​മെ​ങ്കി​ൽ അ​ത്ര​യും വേ​ഗം ആ​രം​ഭി​ക്കേ​ണ്ട സാ​ഹ​ച​ര്യ​ത്തി​ലാ​ണ് നാ​മു​ള്ള​ത്. മ​ത​പ​ണ്ഡി​ത​രു​ടെ​യും സം​ഘ​ട​ന​ക​ളു​ടെ​യും ബു​ദ്ധി​ജീ​വി​ക​ളു​ടെ​യും സ​ജീ​വ ച​ർ​ച്ച​ക്കും ഇ​ട​പെ​ട​ലി​നു​മാ​യി ഈ ​വി​ഷ​യം മു​ന്നോ​ട്ടു​വെ​ക്കു​ന്നു.

(വിദ്യാഭ്യാസ പ്രവർത്തകയും പ്രചോദന പ്രഭാഷകയുമാണ് ലേഖിക)