മോ​ദി പ​യ​റ്റു​ന്ന ‘മ​ണ്ഡ​ൽ’ രാ​ഷ്​​ട്രീ​യം

ദു​ർ​ബ​ല​രും കൂ​ടു​ത​ൽ പി​ന്നാ​ക്ക​ക്കാ​രു​മാ​യ ക​ര​കൗ​ശ​ല​ക്കാ​രും കൈ​ത്തൊ​ഴി​ലു​കാ​രു​മാ​യ ഒ.​ബി.​സി വി​ഭാ​ഗ​ങ്ങ​ളും ഭൂ​മി​യു​ടെ ഉ​ട​മാ​വ​കാ​ശ​വും അ​ധി​കാ​ര പ​ങ്കാ​ളി​ത്ത​വു​മു​ള്ള ശ​ക്ത​രും പ്ര​ബ​ല​രു​മാ​യ ക​ർ​ഷ​ക ഒ.​ബി.​സി​ക്കാ​രും ത​മ്മി​ലു​ള്ള അ​ന്ത​രം മ​ണ്ഡ​ൽ ക​മീ​ഷ​ൻ റി​പ്പോ​ർ​ട്ടി​ൽ​ത​ന്നെ വ്യ​ക്ത​മാ​ക്കി​യ​താ​ണ്. ക​ര​കൗ​ശ​ല ഒ.​ബി.​സി​ക്കാ​ർ​ക്ക് ക​ർ​ഷ​ക ഒ.​ബി.​സി​ക്കാ​രു​മാ​യി ഒ​രു മ​ത്സ​രം സാ​ധ്യ​മ​ല്ലെ​ന്ന് മ​ണ്ഡ​ൽ ക​മീ​ഷ​ൻ റി​പ്പോ​ർ​ട്ടി​ൽ വി​യോ​ജ​ന​ക്കു​​റി​പ്പാ​യി രേ​ഖ​പ്പെ​ടു​ത്തി​യി​ട്ടു​മു​ണ്ട്

മൂ​ന്നാ​മൂ​ഴ​ത്തി​ന് വോ​ട്ട് സ​മാ​ഹ​ര​ണ യ​ജ്ഞം തു​ട​ങ്ങി​യ പ്ര​ധാ​ന​മ​ന്ത്രി ന​രേ​ന്ദ്ര മോ​ദി കു​ല​ത്തൊ​ഴി​ലി​ലേ​ർ​പ്പെ​ട്ട ഒ.​ബി.​സി​ക്കാ​ർ​ക്കാ​യി ‘വി​ശ്വ​ക​ർ​മ യോ​ജ​ന’ ചെ​​ങ്കോ​ട്ട​യി​ൽ പ്ര​ഖ്യാ​പി​ച്ച​തി​ന് തൊ​ട്ടു​പി​റ്റേ​ന്നു​ത​ന്നെ കേ​ന്ദ്ര മ​ന്ത്രി​സ​ഭ അ​തി​ന് അം​ഗീ​കാ​രം ന​ൽ​കി. വി​ശ്വ​ക​ർ​മ ജ​യ​ന്തി ദി​ന​ത്തി​ൽ ആ​രം​ഭി​ക്കു​മെ​ന്ന് പ്ര​ധാ​ന​മ​ന്ത്രി പ​റ​ഞ്ഞ പ​ദ്ധ​തി​യു​ടെ വി​ശ​ദാം​ശ​ങ്ങ​ൾ മ​ന്ത്രി​സ​ഭ യോ​ഗ തീ​രു​മാ​ന​ങ്ങ​ൾ​ക്കൊ​പ്പം കേ​ന്ദ്ര മ​ന്ത്രി അ​ശ്വി​നി വൈ​ഷ്ണ​വ് പു​റ​ത്തു​വി​ടു​ക​യും ചെ​യ്തു. പ​ദ്ധ​തി​ക്ക് അ​ർ​ഹ​ത​യു​ള്ള കു​ല​ത്തൊ​ഴി​ലു​കാ​രാ​യ 18 ഒ.​ബി.​സി വി​ഭാ​ഗ​ങ്ങ​ളു​ടെ പ​ട്ടി​ക വാ​യി​ച്ച അ​ശ്വി​നി വൈ​ഷ്ണ​വി​നോ​ട് വി​ശ്വ​ക​ർ​മ പ​ദ്ധ​തി​യു​ടെ ഗു​ണ​ഭോ​ക്താ​ക്ക​ളു​ടെ കൂ​ട്ട​ത്തി​ൽ പ്ര​ധാ​ന​മ​ന്ത്രി നി​ര​ന്ത​രം വാ​ചാ​ല​മാ​കാ​റു​ള്ള മു​സ്‍ലിം​ക​ളി​ലെ പ​സ്മാ​ന്ത​ക​ളെ പ​രാ​മ​ർ​ശി​ക്കാ​തി​രു​ന്ന​ത് എ​ന്തു​കൊ​ണ്ടാ​ണെ​ന്ന് ഹി​ന്ദി ബെ​ൽ​റ്റി​ലെ ഒ​രു മാ​ധ്യ​മ പ്ര​വ​ർ​ത്ത​ക​ൻ ചോ​ദി​ച്ചി​രു​ന്നു. സ​ർ​ക്കാ​ർ നി​ർ​ണ​യി​ച്ച കു​ല​ത്തൊ​ഴി​ലു​ക​ളി​ൽ ഏ​ർ​പ്പെ​ട്ട ഒ.​ബി.​സി​ക്കാ​ർ ഏ​ത് മ​ത​ത്തി​ൽ​പ്പെ​ട്ട​വ​രാ​യാ​ലും ഗു​ണ​ഭോ​ക്താ​ക്ക​ളാ​കു​മെ​ന്നും അ​തി​ൽ മ​ത​ഭേ​ദം കാ​ണി​ക്കി​ല്ലെ​ന്നു​മാ​യി​രു​ന്നു വൈ​ഷ്ണ​വ് ന​ൽ​കി​യ മ​റു​പ​ടി.

ഒ.​ബി.​സി​ക്കു​ള്ളി​ലെ പി​ള​ർ​പ്പി​ൽ പ്ര​തീ​ക്ഷ

ഒ.​ബി.​സി​ക്കാ​ര​നെ​ന്ന് സ്വ​യം വി​ശേ​ഷി​പ്പി​ക്കു​ന്ന​തി​നി​ട​യി​ലും വി​ശ്വ​ക​ർ​മ​ജ​രെ​യും പ​സ്മാ​ന്ത​ക​ളെ​യും പ്ര​​ത്യേ​കം സം​ബോ​ധ​ന ചെ​യ്ത് ​ചേ​ർ​ത്തു​പി​ടി​ക്കാ​ൻ മോ​ദി നോ​ക്കു​ന്ന​ത് അ​ടു​ത്ത പൊ​തു​തെ​ര​ഞ്ഞെ​ടു​പ്പി​നാ​യി പി​ന്നാ​ക്ക ജാ​തി സ​മ​വാ​ക്യം പൊ​ളി​ച്ചെ​ഴു​തു​ന്ന​തി​നാ​ണ്. 2014ൽ ​ഉ​ത്ത​ർ​പ്ര​ദേ​ശി​ൽ ബ​ഹു​ജ​ൻ സ​മാ​ജ് പാ​ർ​ട്ടി​യു​ടെ (ബി.​എ​സ്.​പി) സ്വ​ത്വ​രാ​ഷ്ട്രീ​യ​ത്തെ പി​ള​ർ​ത്തി മാ​യാ​വ​തി​യു​ടെ ‘ബ​ഹു​ജ​ൻ സ​മാ​ജി’​ൽ വ​ലി​യൊ​രു വി​ഭാ​ഗ​ത്തെ ഹി​ന്ദു​ത്വ രാ​ഷ്ട്രീ​യ​ത്തി​ന് വ​ള​മാ​ക്കി മാ​റ്റി​യ ത​ന്ത്ര​ത്തി​ന്റെ വ​ക​ഭേ​ദ​മാ​ണ് 2024ൽ ​ഒ.​ബി.​സി​ക്കി​ട​യി​ൽ ബി.​ജെ.​പി പ​യ​റ്റാ​നി​റ​ങ്ങി​യി​രി​ക്കു​ന്ന​ത്. ഉ​ത്ത​ർ​പ്ര​ദേ​ശി​ൽ ബി.​എ​സ്.​പി ശാ​ക്തീ​ക​രി​ച്ച​വ​രി​ൽ ഭൂ​രി​ഭാ​ഗ​വും മാ​യാ​വ​തി​യു​ടെ സ്വ​ന്തം ജാ​തി​ക്കാ​രാ​യ ജാ​ട്ട​വു​ക​ൾ ആ​യി​രു​ന്ന​തി​നാ​ൽ അ​വ​രി​ലേ​ക്ക് ചൂ​ണ്ടി മ​റ്റു പ​ട്ടി​ക​ജാ​തി വി​ഭാ​ഗ​ങ്ങ​ളു​ടെ ര​ക്ഷ​ക്ക് ത​ങ്ങ​ളു​ണ്ട് എ​ന്ന് വി​ശ്വ​സി​പ്പി​ച്ച് കൂ​ടെ നി​ർ​ത്തു​ക​യാ​യി​രു​ന്നു ബി.​ജെ.​പി. സ​മാ​ന​മാ​യ പി​ള​ർ​പ്പ് ഒ.​ബി.​സി വി​ഭാ​ഗ​ങ്ങ​ൾ​ക്കി​ട​യി​ൽ സൃ​ഷ്ടി​ച്ചെ​ങ്കി​ൽ മാ​ത്ര​മേ മാ​റി​യ രാ​ഷ്ട്രീ​യ സാ​ഹ​ച​ര്യ​ത്തി​ൽ കേ​ന്ദ്ര​ത്തി​ൽ ഇ​നി​യൊ​രു ഭ​ര​ണ​ത്തു​ട​ർ​ച്ച സാ​ക്ഷാ​ത്ക​രി​ക്കാ​നാ​കൂ എ​ന്ന തി​രി​ച്ച​റി​വ് അ​വ​ർ​ക്കു​ണ്ട്.

പ്ര​ബ​ല​ർ വേ​ണ്ട; ദു​ർ​ബ​ല​ർ മ​തി

മ​ണ്ഡ​ൽ രാ​ഷ്ട്രീ​യ​ത്തി​ന്റെ സം​ഭാ​വ​ന​ക​ളാ​യ ലാ​ലു പ്ര​സാ​ദ് യാ​ദ​വും നി​തീ​ഷ് കു​മാ​റും തേ​ജ​സ്വി യാ​ദ​വും അ​ഖി​ലേ​ഷ് യാ​ദ​വും ‘ഇ​ൻ​ഡ്യ’ സ​ഖ്യ​ത്തി​ന്റെ ഭാ​ഗ​മാ​യി ബി.​ജെ.​പി​യു​മാ​യി നേ​രി​ട്ടു​ള്ള ഏ​റ്റു​മു​ട്ട​ലി​ലേ​ക്ക് എ​ത്തു​ന്ന​പ​ക്ഷം വ​ട​ക്കേ ഇ​ന്ത്യ​യി​ൽ ഒ.​ബി.​സി​യി​ലെ പ്ര​ബ​ല​രും ശ​ക്ത​രു​മാ​യ യാ​ദ​വ, കു​ർ​മി ജാ​തി​ക​ളു​ടെ പി​ന്തു​ണ പ്ര​തീ​ക്ഷി​ക്കാ​നാ​വി​ല്ല. അ​തി​നാ​ൽ അ​ധി​കാ​ര-​ഉ​ദ്യോ​ഗ ത​ല​ങ്ങ​ളി​ൽ സ്വാ​ധീ​ന​മു​ള്ള ഒ.​ബി.​സി​യി​ലെ പ്ര​ബ​ല വി​ഭാ​ഗ​ങ്ങ​ൾ​ക്ക് പി​റ​കെ പോ​കാ​തെ ഏ​റ്റ​വും പി​ന്നാ​ക്ക​ക്കാ​രും (എം.​ബി.​സി) ദു​ർ​ബ​ല​രു​മാ​യ ഒ.​ബി.​സി വി​ഭാ​ഗ​ങ്ങ​ളെ ത​ങ്ങ​ളോ​ടൊ​പ്പം നി​ർ​ത്താ​നാ​ണ് ബി.​ജെ.​പി നോ​ക്കു​ന്ന​ത്. ‘വി​ശ്വ​ക​ർ​മ യോ​ജ​ന’​യു​ടെ ഭാ​ഗ​മാ​ക്കി​യ ഒ.​ബി.​സി വി​ഭാ​ഗ​ങ്ങ​ൾ ആ​രൊ​ക്കെ എ​ന്ന് നോ​ക്കി​യാ​ൽ ഇ​ത് വ്യ​ക്ത​മാ​കും. ആ​ശാ​രി, വ​ള്ളം നി​ര്‍മാ​ണ​ക്കാ​ർ, ക​വ​ച നി​ര്‍മാ​ണ​ക്കാ​ർ, കൊ​ല്ല​പ്പ​ണി​ക്കാ​ർ, പ​ണി​യാ​യു​ധ​ങ്ങ​ളു​ണ്ടാ​ക്കു​ന്ന​വ​ർ, താ​ഴ് നി​ര്‍മാ​ണ​ക്കാ​ർ, സ്വ​ര്‍ണ​പ്പ​ണി​ക്കാ​ർ, കു​ശ​വ​ന്മാ​ര്‍, ശി​ല്‍പി​ക​ൾ, കൊ​ത്തു​പ​ണി​ക്കാ​ര്‍, ക​ല്ല് പൊ​ട്ടി​ക്കു​ന്ന​വ​ര്‍, ചെ​രു​പ്പു​കു​ത്തി​ക​ൾ, പാ​ദ​ര​ക്ഷ നി​ർ​മാ​ണ​ക്കാ​ർ, ക​ല്ലാ​ശാ​രി, കൊ​ട്ട​യും പാ​യ​യും ചൂ​ലു​മു​ണ്ടാ​ക്കു​ന്ന​വ​ർ, ക​യ​ര്‍ നെ​യ്ത്തു​കാ​ർ, പ​ര​മ്പ​രാ​ഗ​ത പാ​വ-​ക​ളി​പ്പാ​ട്ട നി​ര്‍മാ​ണ​ക്കാ​ർ, ക്ഷു​ര​ക​ർ, മാ​ല​യു​ണ്ടാ​ക്കു​ന്ന​വ​ർ, അ​ല​ക്കു​കാ​ര്‍, ത​യ്യ​ല്‍ക്കാ​ര്‍, മ​ത്സ്യ​ബ​ന്ധ​ന വ​ല നെ​യ്യു​ന്ന​വ​ർ എ​ന്നീ കു​ല​ത്തൊ​ഴി​ലു​കാ​രാ​ണ​വ​ർ.

ഒ.​ബി.​സി ജാ​തി​ക​ളി​ലെ ശ​ക്ത​രും ദു​ർ​ബ​ല​രും

2018 വ​രെ ല​ഭ്യ​മാ​യ ക​ണ​ക്കു​പ്ര​കാ​രം രാ​ജ്യ​ത്ത് ഒ.​ബി.​സി വി​ഭാ​ഗ​ക്കാ​രാ​യി 2600 സ​മു​ദാ​യ​ങ്ങ​​ളെ​ങ്കി​ലു​മു​ണ്ട്. ഇ​തി​ൽ 983 വി​ഭാ​ഗ​ങ്ങ​ൾ​ക്ക് സ​ർ​ക്കാ​ർ ജോ​ലി​ക​ളി​ൽ ഒ​ട്ടും പ്രാ​തി​നി​ധ്യ​മി​ല്ല. ഒ.​ബി.​സി​ക്കാ​യി സം​വ​ര​ണം ചെ​യ്ത സ​ർ​ക്കാ​ർ ജോ​ലി​ക​ളി​ൽ 97 ശ​ത​മാ​ന​വും നേ​ടു​ന്ന​ത് കേ​വ​ലം 10 ജാ​തി​ക​ളാ​ണ്. ദു​ർ​ബ​ല​രും കൂ​ടു​ത​ൽ പി​ന്നാ​ക്ക​ക്കാ​രു​മാ​യ ക​ര​കൗ​ശ​ല​ക്കാ​രും കൈ​ത്തൊ​ഴി​ലു​കാ​രു​മാ​യ ഒ.​ബി.​സി വി​ഭാ​ഗ​ങ്ങ​ളും ഭൂ​മി​യു​ടെ ഉ​ട​മാ​വ​കാ​ശ​വും അ​ധി​കാ​ര പ​ങ്കാ​ളി​ത്ത​വു​മു​ള്ള ശ​ക്ത​രും പ്ര​ബ​ല​രു​മാ​യ ക​ർ​ഷ​ക ഒ.​ബി.​സി​ക്കാ​രും ത​മ്മി​ലു​ള്ള അ​ന്ത​രം മ​ണ്ഡ​ൽ ക​മീ​ഷ​ൻ റി​പ്പോ​ർ​ട്ടി​ൽ​ത​ന്നെ വ്യ​ക്ത​മാ​ക്കി​യ​താ​ണ്. ക​ര​കൗ​ശ​ല ഒ.​ബി.​സി​ക്കാ​ർ​ക്ക് ക​ർ​ഷ​ക ഒ.​ബി.​സി​ക്കാ​രു​മാ​യി ഒ​രു മ​ത്സ​രം സാ​ധ്യ​മ​ല്ലെ​ന്ന് മ​ണ്ഡ​ൽ ക​മീ​ഷ​ൻ റി​പ്പോ​ർ​ട്ടി​ൽ വി​യോ​ജ​ന​ക്കു​​റി​പ്പാ​യി രേ​ഖ​പ്പെ​ടു​ത്തി​യി​ട്ടു​മു​ണ്ട്. ഭൂ​പ​രി​ഷ്ക​ര​ണ​ത്തെ തു​ട​ർ​ന്ന് ഭൂ​മി ല​ഭി​ച്ച യാ​ദ​വ​രും കു​ർ​മി​ക​ളും അ​ട​ങ്ങു​ന്ന ക​ർ​ഷ​ക​രാ​യ ഒ.​ബി.​സി​ക്കാ​ർ​ക്ക് മ​ണ്ഡ​ൽ ക​മീ​ഷ​ൻ റി​പ്പോ​ർ​ട്ടി​നെ തു​ട​ർ​ന്ന് അ​ധി​കാ​ര പ​ങ്കാ​ളി​ത്ത​വും ല​ഭി​ച്ച​തോ​ടെ ഈ ​അ​ന്ത​രം ഏ​റു​ക​യാ​ണ് ചെ​യ്ത​ത്.

രോ​ഹി​ണി ക​മീ​ഷ​നും ജാ​തി സെ​ൻ​സ​സും

മ​ണ്ഡ​ൽ ക​മീ​ഷ​ൻ റി​പ്പോ​ർ​ട്ടി​നെ തു​ട​ർ​ന്നു​ണ്ടാ​യ സം​വ​ര​ണ​ത്തി​ന്റെ ആ​നു​കൂ​ല്യം പ്ര​ബ​ല​രാ​യ ഏ​താ​നും വി​ഭാ​ഗ​ങ്ങ​ളി​ൽ പ​രി​മി​ത​പ്പെ​ടു​ന്നു​വെ​ന്ന പ​രാ​തി​ക​ളെ രാ​ഷ്​​ട്രീ​യ​മാ​യി ത​ങ്ങ​ൾ​ക്ക് അ​നു​കൂ​ല​മാ​ക്കാ​നാ​കു​മോ എ​ന്ന ചി​ന്ത​യി​ൽ​നി​ന്നു​കൂ​ടി​യാ​ണ് ഒ.​ബി.​സി​ക്കാ​രെ വി​വി​ധ ഉ​പ​ജാ​തി​ക​ളാ​ക്കി ത​രം തി​രി​ക്കു​ന്ന​തി​ന് 2017ൽ ​ന​രേ​ന്ദ്ര മോ​ദി സ​ർ​ക്കാ​ർ രോ​ഹി​ണി ക​മീ​ഷ​നെ നി​യോ​ഗി​ച്ച​ത്. ക​മീ​ഷ​ൻ റി​പ്പോ​ർ​ട്ട് ജൂ​ലൈ 31ന് ​രാ​ഷ്​​ട്ര​പ​തി​ക്ക് സ​മ​ർ​പ്പി​ച്ചെ​ങ്കി​ലും ഉ​ള്ള​ട​ക്ക​മോ ശി​പാ​ർ​ശ​​ക​ളോ ഇ​തു​വ​രെ പു​റ​ത്തു​വി​ട്ടി​ട്ടി​ല്ല. ഒ.​ബി.​സി​ക്കു​ള്ളി​ലെ ബ​ലാ​ബ​ല​ത്തി​ൽ പ​ക്ഷം ​പി​ടി​ക്കാ​മെ​ന്ന ക​ണ​ക്കു​കൂ​ട്ട​ലി​ൽ നി​യോ​ഗി​ച്ച റി​പ്പോ​ർ​ട്ടി​ന്റെ ഉ​ള്ള​ട​ക്കം പൊ​തു​തെ​ര​ഞ്ഞെ​ടു​പ്പി​ന് മു​മ്പ് പു​റ​ത്തു​വ​ന്നാ​ൽ അ​തു​ണ്ടാ​ക്കു​ന്ന പ്ര​ത്യാ​ഘാ​തം വ​ലു​താ​യി​രി​ക്കും.

മ​റു​ഭാ​ഗ​ത്ത് ജാ​തി സെ​ൻ​സ​സ് അ​ജ​ണ്ട​യാ​ക്കി ബി.​ജെ.​പി​യെ നേ​രി​ടാ​ൻ പ്ര​തി​പ​ക്ഷം തീ​രു​മാ​നി​ച്ച​തും മോ​ദി​ക്ക് പി​ന്നി​ലു​ള്ള ഒ.​ബി.​സി വി​ഭാ​ഗ​ങ്ങ​ളെ ക​ണ്ടാ​ണ്. ജാ​തി സെ​ൻ​സ​സ് ആ​വ​ശ്യ​മു​ന്ന​യി​ക്കു​ക മാ​ത്ര​മ​ല്ല, ഒ.​ബി.​സി വോ​ട്ടു​ക​ൾ നി​ർ​ണാ​യ​ക​മാ​യ ബി​ഹാ​റി​ൽ നി​തീ​ഷ് സ​ർ​ക്കാ​ർ സ്വ​ന്തം നി​ല​ക്ക് ജാ​തി സ​ർ​വേ പൂ​ർ​ത്തി​യാ​ക്കു​ക​യും ചെ​യ്തു. അ​ത് ത​ട​യാ​ൻ ശ്ര​മി​ച്ച ഹി​ന്ദു​ത്വ രാ​ഷ്ട്രീ​യ​ത്തി​ന് ഹൈ​കോ​ട​തി​യി​ലും സു​പ്രീം​കോ​ട​തി​യി​ലും തി​രി​ച്ച​ടി​യേ​റ്റു. ജാ​തി സെ​ൻ​സ​സ് ത​ട​യാ​ൻ കോ​ട​തി വി​സ​മ്മ​തി​ച്ച​തോ​ടെ അ​ത് പ്ര​സി​ദ്ധീ​ക​രി​ക്ക​രു​തെ​ന്ന ആ​വ​ശ്യ​മാ​ണ് ഏ​റ്റ​വു​മൊ​ടു​വി​ൽ സു​പ്രീം​കോ​ട​തി മു​മ്പാ​കെ ഉ​ന്ന​യി​ച്ചി​രി​ക്കു​ന്ന​ത്. എ​ന്നാ​ൽ, അ​ത് പ്ര​സി​ദ്ധീ​ക​രി​ച്ചേ മ​തി​യാ​കൂ എ​ന്ന നി​ല​പാ​ടി​ലാ​ണ് നി​തീ​ഷ് സ​ർ​ക്കാ​ർ.

ഏ​താ​യാ​ലും മു​ൻ പ്ര​ധാ​ന​മ​ന്ത്രി വി​ശ്വ​നാ​ഥ് പ്ര​താ​പ് സി​ങ് മ​ണ്ഡ​ൽ ക​മീ​ഷ​ൻ റി​​പ്പോ​ർ​ട്ട് ന​ട​പ്പാ​ക്കി​യ ശേ​ഷം ഉ​ത്ത​രേ​ന്ത്യ​ൻ രാ​ഷ്ട്രീ​യം വീ​ണ്ടു​മൊ​രി​ക്ക​ൽ​കൂ​ടി ഒ.​ബി.​സി കേ​ന്ദ്രീ​കൃ​ത​മാ​വു​ക​യാ​ണ്. രോ​ഹി​ണി ക​മീ​ഷ​നും ജാ​തി സ​ർ​വേ​യും വി​ശ്വ​ക​ർ​മ യോ​ജ​ന​യു​മെ​ല്ലാം ഒ.​ബി.​സി വോ​ട്ടു​ക​ൾ​ക്കാ​യെ​റി​യു​ന്ന വ​ല​ക​ളാ​ണ്.