നിപ വീ​ണ്ടും ഭ​യ​പ്പെ​ടു​ത്തു​മ്പോ​ൾ

മ​ലേ​ഷ്യ​യി​ലെ ​ നി​പ ​ഗ്രാ​മ​ത്തി​ലുള്ള പ​ന്നി​ഫാ​മി​ലെ തൊ​ഴി​ലാ​ളി​ക​ൾ​ക്കി​ട​യി​ൽ 1998-99 കാലത്ത് ഒ​രു അ​സു​ഖം റി​പ്പോ​ർ​ട്ട് ചെ​യ്യ​പ്പെ​ട്ടു. ജാപ്പ​നീ​സ് എ​ൻ​ട്രി​ഫൈ​റ്റി​സ് ആ​ണെ​ന്നു ക​രു​തി പ​ന്നി​ക​ളെ മു​ഴു​വ​ൻ കൊ​ന്നൊ​ടു​ക്കി. പി​ന്നെ​യാ​ണ് മ​ന​സ്സി​ലാ​യ​ത് വ​വ്വാ​ലു​ക​ൾ മു​ഖേ​നെ വ​ന്ന പു​തി​യ​ രോ​ഗ​മാ​ണി​തെ​ന്ന്. അ​തി​ന് നി​പ എ​ന്ന് നാ​മ​ക​ര​ണം ചെ​യ്യ​പ്പെ​ട്ടു. ദ​ക്ഷി​ണേ​ന്ത്യ​യി​ൽ ആ​ദ്യ​മാ​യി നി​പ വൈ​റ​സ് റി​പ്പോ​ർ​ട്ട് ചെ​യ്യ​പ്പെ​ടു​ന്ന​ത് 2018 മേ​യിൽ കോ​ഴി​ക്കോ​ട് ജി​ല്ല​യി​ലെ പേ​രാ​മ്പ്ര​യി​ലാ​യി​രു​ന്നു. ഇ​പ്പോ​ഴും ഏ​താ​ണ്ട് അ​തേ പ്ര​ദേ​ശ​ത്തു​നി​ന്ന്, സ​മാ​ന​മാ​യ രീ​തി​യി​ലാ​ണ് നി​പ കേ​സ് ഉ​യ​ർ​ന്നി​രി​ക്കു​ന്ന​ത്. പ​നി​യും തു​ട​ർ​ല​ക്ഷ​ണ​ങ്ങ​ളു​മാ​യി ഒ​രു മ​ധ്യ​വ​യ​സ്ക​ൻ മ​രി​ച്ചു; അ​യാ​ളു​ടെ ബ​ന്ധു മ​രി​ച്ചു, അ​തേ ല​ക്ഷ​ണ​ങ്ങ​ളോ​ടെ ആ ​വ്യ​ക്തി​യു​മാ​യി ബ​ന്ധ​പ്പെ​ട്ട ആ​ളു​ക​ൾ പ​നി ല​ക്ഷ​ണ​ങ്ങ​ളോ​ടെ ആ​ശു​പ​ത്രി​യി​ലു​ണ്ട്.

എ​ന്തു​കൊ​ണ്ട് ഒ​രേ പ്ര​ദേ​ശ​ത്ത്?

2018ലും 2021​ലും 2023ലും ​കോ​ഴി​ക്കോ​ട് ജി​ല്ല​യി​ലെ ​ഒ​രേ പ്ര​ദേ​ശ​ത്താ​ണ് നി​പ റി​പ്പോ​ർ​ട്ട് ചെ​യ്യ​പ്പെ​ട്ടി​രി​ക്കു​ന്ന​ത്. അ​പ്പോ​ൾ സ്വാ​ഭാ​വി​ക​മാ​യി ഒ​രു ചോ​ദ്യം ഉ​യ​രാം, എ​ന്തു​കൊ​ണ്ടാ​ണ് ഒ​രേ മേ​ഖ​ല​യി​ൽ ത​ന്നെ​യെ​ന്ന്. ഇ​ക്കോ സെ​ൻ​സി​ബി​ൾ ആ​യ പ​ശ്ചി​മ​ഘ​ട്ടം ഉ​ൾ​പ്പെ​ട്ട മ​ല​യോ​ര പ്ര​ദേ​ശ​മാ​യ ഇ​വി​ടം ആ​യി​ര​ക്ക​ണ​ക്കി​നു കൊ​ല്ല​ങ്ങ​ളാ​യി പ​ഴം​തീ​നി വ​വ്വാ​ലു​ക​ളു​ടെ ആ​വാ​സ കേ​ന്ദ്ര​മാ​ണ്. പ​ഴം​തീ​നി വ​വ്വാ​ലു​ക​ളി​ൽ ​നാ​ച്വ​റ​ലാ​യി കു​ടി​യി​രി​ക്കു​ന്ന നി​പ വൈ​റ​സ് അ​വ​സ​രം കി​ട്ടു​മ്പോ​ൾ അ​പൂ​ർ​വ​മാ​യി മ​നു​ഷ്യ​നി​ലേ​ക്കെ​ത്താം. സാ​ന്ദ്ര​ത​യേ​റി​യ ആ​വാ​സ​കേ​ന്ദ്ര​ങ്ങ​ളി​ൽ ജ​ന​ങ്ങ​ളു​ടെ ഇ​ട​പ​ഴ​ക​ൽ കൂ​ടു​ന്ന​താ​വാം അ​തി​ന് കാ​ര​ണം. അ​പൂ​ർ​വ​മാ​യ പ​ല രോ​ഗ​ങ്ങ​ളും മ​നു​ഷ്യ​നി​ലേ​ക്ക് ഇ​പ്പോ​ൾ എ​ത്തി​ക്കൊ​ണ്ടി​രി​ക്കു​ന്നു​ണ്ട്.

ഇ​ൻ​ക്രീ​സി​ങ് ഹെ​ൽ​ത്ത് ഡി​മാ​ൻഡ് ഉ​ള്ള ഒ​രു ജ​ന​സ​മൂ​ഹ​മാ​ണ് കേ​ര​ള​ത്തി​ലേ​ത്. അ​ങ്ങ​നെ​യു​ള്ള ഒ​രു സ​മൂ​ഹം എ​ന്തെ​ങ്കി​ലും രോ​ഗ​ല​ക്ഷ​ണ​ങ്ങ​ൾ ക​ണ്ടാ​ലു​ട​ൻ എ​ളു​പ്പം ആ​രോ​ഗ്യ​കേ​ന്ദ്ര​ങ്ങ​ളി​ൽ എ​ത്തു​ക​യും അ​വ തി​രി​ച്ച​റി​ഞ്ഞ് ന​ട​പ​ടി എ​ടു​ക്കു​ക​യും ചെ​യ്യും. അ​ജ്ഞാ​ത രോ​ഗ​ല​ക്ഷ​ണ​ങ്ങ​ളെ മ​ന​സ്സി​ലാ​ക്കാ​ൻ സാ​ധി​ക്കാ​തെ വ​രു​ക​യും അ​ന്വേ​ഷ​ണ​വു​മാ​യി മു​ന്നോ​ട്ടു​പോ​വു​ക​യും ചെ​യ്ത​പ്പോ​ഴാ​ണ് നി​പ എ​ന്ന് സം​ശ​യ​ത്തി​ലേ​ക്കും നി​ഗ​മ​ന​ത്തി​ലേ​ക്കും എ​ത്തി​ച്ചേ​ർ​ന്ന​ത്.

വ്യാ​പ​ക​മ​ല്ല, മാ​ര​കം

ഒ​രു വ്യാ​പ​ക പ​ക​ർ​ച്ച​വ്യാ​ധി​യാ​യി നി​പ ലോ​ക​ത്ത് എ​വി​ടെ​യും നാ​ളി​തു​വ​രെ റി​പ്പോ​ർ​ട്ട് ചെ​യ്യ​പ്പെ​ട്ടി​ട്ടി​ല്ല, അ​വി​ടെ​യും ഇ​വി​ടെ​യു​മാ​യി (sporadic) ആ​ണ് ഉ​ണ്ടാ​യ​ത്. ഒ​രു പ്ര​ദേ​ശ​ത്ത് ഉ​ണ്ടാ​യാ​ൽ ത​ന്നെ ഏ​താ​നും നാ​ൾ​ക്ക​കം ഇ​ല്ലാ​താ​വു​ക​യും ചെ​യ്യും. രോ​ഗ​പ്പ​ക​ർ​ച്ച കു​റ​വാ​ണെ​ങ്കി​ലും മ​ര​ണ​സാ​ധ്യ​ത കൂ​ടു​ത​ലാ​ണ്. അ​തു​കൊ​ണ്ടു​ത​ന്നെ കൂ​ടു​ത​ൽ ശ്ര​ദ്ധി​ക്കേ​ണ്ട​തു​ണ്ട്.

നാ​ലു മു​ത​ൽ 14 ദി​വ​സം വ​രെ​യാ​ണ് രോ​ഗാ​ണു​വി​ന്റെ ഇ​ൻ​കു​ബേ​ഷ​ൻ കാ​ലം. അ​തി​നു​ശേ​ഷം പ​നി, ത​ലവേ​ദ​ന ഛർ​ദി, ബോ​ധ​ക്ഷ​യം തു​ട​ങ്ങി​യ രോ​ഗ​ല​ക്ഷ​ണ​ങ്ങ​ൾ കാ​ണി​ക്കും. മ​നു​ഷ്യ​രു​ടെ ശ്വാ​സ​കോ​ശ​ത്തെ​യും ത​ല​ച്ചോ​റി​നെ​യും ബാ​ധി​ക്കു​ന്ന​തു മൂ​ല​മാ​ണ് ഈ ​ല​ക്ഷ​ണ​ങ്ങ​ളു​ണ്ടാ​വു​ന്ന​ത്.

രോ​ഗ​മു​ണ്ടാ​യാ​ൽ ശ്ര​ദ്ധി​ക്കേ​ണ്ട​ത്

മ​നു​ഷ്യ​രി​ലേ​ക്ക് നി​പ രോ​ഗാ​ണു പ​ക​രു​ന്ന​ത് സ്ര​വ​ങ്ങ​ൾ വ​ഴി​യാ​ണ്. പ്ര​ത്യേ​കി​ച്ച് ശ്വാ​സ​കോ​ശ ​സ്ര​വ​ങ്ങ​ൾ വ​ഴി. തു​മ്മു​​​മ്പോ​ഴും ഛർ​ദി​ക്കു​​മ്പോ​ഴും, മ​ല​മൂ​ത്ര വി​സ​ർ​ജ്യ​ങ്ങ​ളി​ലൂ​ടെ​യും പ​ക​രാം.

രോ​ഗ​ബാ​ധി​ത​രു​മാ​യി ഏ​റ്റ​വും സ​മ്പ​ർ​ക്കം പു​ല​ർ​ത്തു​ന്ന ആ​ളു​ക​ളി​ലേ​ക്കാ​ണ് ഇ​ത് പ​ട​രു​ക. ലോ​കാ​രോ​ഗ്യ സം​ഘ​ട​ന​യു​ടെ നി​ർ​വ​ച​ന​പ്ര​കാ​രം സ​മ്പ​ർ​ക്കം (contact) എ​ന്നു പ​റ​യു​ന്ന​ത് 15 മി​നി​റ്റി​ൽ കൂ​ടു​ത​ൽ രോ​ഗി​യു​മാ​യി ബ​ന്ധ​പ്പെ​ടു​ന്ന​വ​രെ​യാ​ണ്. രോ​ഗി​യു​മാ​യി അ​ടു​ത്ത ബ​ന്ധം പു​ല​ർ​ത്തു​ന്ന​വ​ർ, ശു​ശ്രൂ​ഷി​ക്കു​ന്ന​വ​ർ, പ​രി​ച​രി​ക്കു​ന്ന​വ​ർ, ഒ​പ്പം താ​മ​സി​ക്കു​ന്ന​വ​ർ, ഒ​ന്നി​ച്ച് യാ​ത്ര ചെ​യ്യു​ന്ന​വ​ർ ഇ​വ​രൊ​ക്കെ അ​തി​ൽ​പെ​ടാം എ​ന്ന​ല്ലാ​തെ പു​റ​മേ ഉ​ള്ള​വ​ർ​ക്ക് പ​ക​രാ​ൻ ഒ​ട്ടു​മേ സാ​ധ്യ​ത​യി​ല്ല.

കോ​വി​ഡ് കാ​ല​ത്ത് നാം ​സ്വീ​ക​രി​ച്ച സു​ര​ക്ഷ മാ​ർ​ഗ​ങ്ങ​ൾ, പ്ര​ത്യേ​കി​ച്ച് വ്യ​ക്തി​ഗ​ത സു​ര​ക്ഷ രീ​തി​ക​ൾ പാ​ലി​ച്ചാ​ൽ രോ​ഗം പ​ക​രാ​തെ സൂ​ക്ഷി​ക്കാം. ആ​ശു​പ​ത്രി ജീ​വ​ന​ക്കാ​രും, പ​രി​ച​രി​ക്കു​ന്ന​വ​രും എ​ൻ 95 മാ​സ്ക്, ഗ്ലൗ​സ് എ​ന്നി​വ ഉ​പ​യോ​ഗി​ക്ക​ണം. ഏ​റ്റ​വും അ​ടു​ത്ത് ബ​ന്ധ​പ്പെ​ടു​ന്ന​വ​ർ പി.​പി.​ഇ കി​റ്റും ആ​പ്ര​ണും ധ​രി​ക്ക​ണം.

രോ​ഗ​ല​ക്ഷ​ണ​മു​ള്ള​വ​രെ ഐ​സൊ​ലേ​ഷ​ൻ വാ​ർ​ഡി​ലേ​ക്ക് മാ​​റ്റ​ണം. രോ​ഗി​ക​ളു​മാ​യി ബ​ന്ധം പു​ല​ർ​ത്തി​യ​വ​ർ ആ​രോ​ഗ്യ ​പ്ര​വ​ർ​ത്ത​ക​രു​ടെ നി​ർ​ദേ​ശ​ങ്ങ​ൾ പാ​ലി​ച്ച് ഐ​സൊ​ലേ​ഷ​ൻ, ഹോം ​ക്വാ​റ​​ന്റീ​ൻ, ഇ​ൻ​സ്റ്റി​റ്റ്യൂ​ഷ​ന​ൽ ക്വാ​റ​​ന്റീ​ൻ എ​ന്നി​വ സ്വീ​ക​രി​ക്ക​ണം. അ​തോ​ടൊ​പ്പം ദി​വ​സ​വും ര​ണ്ടു നേ​രം ആ​രോ​ഗ്യ​വി​വ​ര​ങ്ങ​ൾ ആ​രോ​ഗ്യ​വ​കു​പ്പി​ന് കൈ​മാ​റു​ക​യും വേ​ണം.

പ​രി​സ​ര​ങ്ങ​ളി​ലു​ള്ള​വ​ർ ഏ​തെ​ങ്കി​ലും ല​ക്ഷ​ണ​ങ്ങ​ൾ ക​ണ്ടാ​ൽ സ​മീ​​പ​ത്തെ ആ​രോ​ഗ്യ കേ​ന്ദ്ര​ങ്ങ​ളി​ലെ​ത്തി പ​രി​ശോ​ധ​ന ന​ട​ത്തി രോ​ഗം നി​ർ​ണ​യി​ച്ച് ചി​കി​ത്സ ന​ട​ത്ത​ണം. അ​ങ്ങ​നെ ചി​കി​ത്സ​ക്ക് പോ​കു​മ്പോ​ൾ മാ​സ്ക് അ​ട​ക്കം ഉ​പ​യോ​ഗി​ക്ക​ണം. പ​നി​യു​ള്ള​വ​ർ​ക്ക് വി​ശ്ര​മം നി​ർ​ബ​ന്ധ​മാ​ണ്.

സ്വ​യം ചി​കി​ത്സ അ​രു​ത്. രോ​ഗസാ​ധ്യ​ത കൂ​ട്ടു​മെ​ന്ന​തി​നാ​ൽ രോ​ഗീസ​ന്ദ​ർ​ശ​ന​വും അ​ത്യാ​വ​ശ്യ​മ​ല്ലാ​ത്ത ആ​ശു​പ​ത്രി സ​ന്ദ​ർ​ശ​ന​വും ഒ​ഴി​വാ​ക്ക​ണം.

അ​ഭ്യൂ​ഹ​ങ്ങ​ൾ വേ​ണ്ട, ജാ​ഗ്ര​ത മ​തി

വ​വ്വാ​ൽ ക​ടി​ച്ച, അ​വ​യു​ടെ സ്ര​വ​ങ്ങ​ൾ ക​ല​ർ​ന്ന പേ​ര​ക്ക, സ​പ്പോ​ട്ട, റം​ബു​ട്ടാ​ൻ തു​ട​ങ്ങി​യ പ​ഴ​ങ്ങ​ളി​ലൂ​ടെ​യാ​ണ് രോ​ഗാ​ണു പ​ക​രു​ന്ന​ത്. വ​വ്വാ​ൽ ക​ടി​ച്ച പ​ഴ​ങ്ങ​ൾ ഒ​ഴി​വാ​ക്ക​ണം എ​ന്ന​ല്ലാ​​തെ ആ ​പ​ഴ​വ​ർ​ഗ​ങ്ങ​ൾ ഉ​പ​യോ​ഗി​ക്കു​ന്ന​ത് ഒ​ഴി​വാ​ക്കേ​ണ്ട​തി​ല്ല. വീ​ട്ടു​വ​ള​പ്പി​ൽ ഉ​ണ്ടാ​വു​ന്ന​തും വി​പ​ണി​യി​ൽ ല​ഭ്യ​മാ​യ​തു​മാ​യ എ​ല്ലാ പ​ഴ​ങ്ങ​ളും ന​ന്നാ​യി ക​ഴു​കി ഉ​പ​യോ​ഗി​ക്കാം.

രോ​ഗം ഉ​ണ്ടാ​വു​മ്പോ​ൾ അ​ഭ്യൂ​ഹ​ങ്ങ​ൾ പ​ര​ത്തി വ​ള​രെ ഭീ​തി​ജ​ന​ക​മാ​യ അ​ന്ത​രീ​ക്ഷം സൃ​ഷ്ടി​ക്കു​ന്ന പ്ര​വ​ണ​ത​യു​ണ്ട്, ​പ്ര​ത്യേ​കി​ച്ച് സ​മൂ​ഹ മാ​ധ്യ​മ​ങ്ങ​ൾ വ​ഴി- അ​തൊ​ഴി​വാ​ക്ക​ണം. ഒ​ന്നു കൂ​ടി ഓ​ർ​മി​പ്പി​ക്കു​ന്നു. ജാ​ഗ്ര​ത​യും ക​രു​ത​ലു​മാ​ണ് വേ​ണ്ട​ത്. ഭീ​തി​യും വ്യാ​ജ​വാ​ർ​ത്ത​ക​ളു​മ​ല്ല.

(കോ​ഴി​ക്കോ​ട് കെ.​എം.​സി.​ടി മെ​ഡി​ക്ക​ൽ കോ​ള​ജി​ൽ ക​മ്യൂ​ണി​റ്റി മെ​ഡി​സി​ൻ വ​കു​പ്പ് മേ​ധാ​വി​യാ​ണ് ലേ​ഖ​ക​ൻ)