മ​ഹാ​മാ​രി​യ​ല്ല;എ​പ്പി​ഡെ​മി​ക്ക് മാ​ത്രം

എ​ൽ​നി​നോ പ്ര​തി​ഭാ​സം മ​ലേ​ഷ്യ​ൻ കാ​ടു​ക​ളെ ന​ശി​പ്പി​ച്ച​തി​നെ തു​ട​ർ​ന്നാ​ണ് പ്ര​ധാ​ന​മാ​യും കാ​ട്ടി​ലെ കാ​യ് ക​നി​ക​ൾ ഭ​ക്ഷി​ച്ച് ജി​വി​ച്ചി​രു​ന്ന വ​വ്വാ​ലി​ൽ​നി​ന്ന് നി​പ വൈ​റ​സ്, പ​ന്നി തു​ട​ങ്ങി​യ നാ​ട്ടു​മൃ​ഗ​ങ്ങ​ളി​ലേ​ക്ക് വ്യാ​പി​ച്ച​ത്. പി​ന്നീ​ട് ജ​നി​ത​ക​മാ​റ്റം വ​ന്ന വൈ​റ​സ് മ​നു​ഷ്യ​രി​ലേ​ക്കും പ​ട​ർ​ന്നു. 1998ൽ ​മ​ലേ​ഷ്യ​യി​ലെ നി​പ (Kampung Baru Sungai Nipah) എ​ന്ന സ്ഥ​ല​ത്ത് ആ​ദ്യ​മാ​യി ക​ണ്ടെ​ത്തി​യ​തു​കൊ​ണ്ടാ​ണ് നി​പ (Nipah) എ​ന്ന പേ​രി​ൽ വൈ​റ​സ് അ​റി​യ​പ്പെ​ട്ട​ത്.

രോ​ഗ​കാ​ര​ണം

ഹെ​ൻ​ഡ്രാ വൈ​റ​സു​ക​ളു​മാ​യി അ​ടു​ത്ത ബ​ന്ധ​മു​ള്ള ഹെ​നി​പാ​വൈ​റ​സ് ജ​നു​സി​ലെ പാ​ര​മി​ക്സോ വി​റി​ഡേ (Paramyxoviridae), വി​ഭാ​ഗ​ത്തി​ൽ​പെ​ട്ട ആ​ർ.​എ​ൻ.​എ വൈ​റ​സു​ക​ളാ​ണ് നി​പ വൈ​റ​സു​ക​ൾ. പ്ര​ധാ​ന​മാ​യും പ​ഴ​വ​ർ​ഗ​ങ്ങ​ൾ ഭ​ക്ഷി​ച്ച് ജീ​വി​ക്കു​ന്ന റ്റെ​റോ​പ​സ് (Pteropus) ജ​നു​സ്സി​ലെ വ​വ്വാ​ലു​ക​ളാ​ണ് ഈ ​വൈ​റ​സി​ന്റെ പ്ര​കൃ​തി​ദ​ത്ത വാ​ഹ​ക​ർ. വ​വ്വാ​ലി​ന്റെ കാ​ഷ്ഠം, മൂ​ത്രം, ഉ​മി​നീ​ര്, ശു​ക്ലം എ​ന്നീ സ്ര​വ​ങ്ങ​ളി​ലൂ​ടെ​യാ​ണ് വൈ​റ​സ് പു​റ​ത്തേ​ക്ക് വ്യാ​പി​ക്കു​ന്ന​ത്. മ​ലേ​ഷ്യ​യി​ൽ വ​വ്വാ​ലു​ക​ളി​ൽ​നി​ന്ന് പ​ന്നി​ക​ളി​ലേ​ക്കും തു​ട​ർ​ന്ന് മ​നു​ഷ്യ​രി​ലേ​ക്കും രോ​ഗം പ​ക​ർ​ന്നു. വ​വ്വാ​ലു​ക​ൾ ഭ​ക്ഷി​ച്ച് ഉ​പേ​ക്ഷി​ക്കു​ന്ന ഫ​ല​ങ്ങ​ളി​ലൂ​ടെ​യും വ​വ്വാ​ലു​ള്ള സ്ഥ​ല​ങ്ങ​ളി​ൽ ക​ല​ങ്ങ​ളി​ൽ ശേ​ഖ​രി​ക്കു​ന്ന പാ​നീ​യ​ങ്ങ​ളി​ലൂ​ടെ​യു​മാ​ണ് പ്ര​ധാ​ന​മാ​യും രോ​ഗം പ​ട​രു​ന്ന​ത്. മ​ലേ​ഷ്യ​യി​ൽ മാ​ത്ര​മാ​ണ് പ​ന്നി​ക​ളി​ൽ​നി​ന്ന് രോ​ഗം മ​നു​ഷ്യ​രി​ലേ​ക്ക് പ​ക​ർ​ന്ന​താ​യി റി​പ്പോ​ർ​ട്ട് ചെ​യ്യ​പ്പെ​ട്ടി​ട്ടു​ള്ള​ത്.

രോ​ഗ​വ്യാ​പ​നം

മ​ലേ​ഷ്യ​യി​ൽ 1998-99 കാ​ല​ത്ത് 265 പേ​ർ​ക്ക് രോ​ഗം ബാ​ധി​ച്ചു. 105 പേ​ർ മ​ര​ണ​മ​ട​ഞ്ഞു. സിം​ഗ​പ്പൂ​രി​ൽ 11 പേ​രി​ൽ രോ​ഗം ക​ണ്ടെ​ത്തി ഒ​രാ​ൾ മാ​ത്ര​മാ​ണ് മ​ര​ണ​മ​ട​ഞ്ഞ​ത്. ബം​ഗ്ലാ​ദേ​ശി​ലെ മെ​ഹ​ർ​പു​ർ ജി​ല്ല​യി​ൽ നി​പ വൈ​റ​സ് രോ​ഗം 2001ൽ ​പ്ര​ത്യ​ക്ഷ​പ്പെ​ട്ടു. തു​ട​ർ​ന്ന് ബം​ഗ്ലാ​ദേ​ശി​ലെ നി​ര​വ​ധി ജി​ല്ല​ക​ളി​ലേ​ക്ക് രോ​ഗം പ​ട​ർ​ന്നു. 2012 മാ​ർ​ച്ചു​വ​രെ ബം​ഗ്ലാ​ദേ​ശി​ൽ 263 പേ​രെ​യാ​ണ് രോ​ഗം ബാ​ധി​ച്ച​ത്. ഇ​വ​രി​ൽ 196 (74.5%) പേ​രും മ​രി​ച്ചു 2001ൽ ​ഇ​ന്ത്യ​യി​ൽ പ​ശ്ചി​മ ബം​ഗാ​ളി​ലെ സി​ലി​ഗു​രി​യി​ൽ 71 പേ​രെ നി​പ വൈ​റ​സ് രോ​ഗം ബാ​ധി​ക്കു​ക​യും 50 പേ​ർ മ​ര​ണ​മ​ട​യു​ക​യും ചെ​യ്തു. 2007ൽ ​നാ​ദി​യാ​യി​ൽ 30 പേ​ർ​ക്ക് രോ​ഗ​ബാ​ധ​യു​ണ്ടാ​യി അ​ഞ്ചു പേ​ർ മ​രി​ച്ചു. 1998നു ​ശേ​ഷം ഇ​തു​വ​രെ നി​പ വൈ​റ​സ് രോ​ഗം വി​വി​ധ രാ​ജ്യ​ങ്ങ​ളി​ലാ​യി 477 പേ​രെ ബാ​ധി​ച്ചി​ട്ടു​ണ്ട്. ഇ​വ​രി​ൽ 252 പേ​ർ മ​ര​ണ​മ​ട​ഞ്ഞു. 40 മു​ത​ൽ 75 ശ​ത​മാ​നം വ​രെ​യാ​യി​രു​ന്നു വി​വി​ധ രാ​ജ്യ​ങ്ങ​ളി​ലെ മ​ര​ണ​നി​ര​ക്ക് .

നി​പ കേ​ര​ള​ത്തി​ൽ

2018 മേ​യി​ൽ കേ​ര​ള​ത്തി​ൽ നി​പ വൈ​റ​സ് ബാ​ധ ഉ​ണ്ടാ​യി. 28 പേ​രി​ൽ രോ​ഗ​ല​ക്ഷ​ണം ക​ണ്ടെ​ങ്കി​ലും 18 പേ​രി​ലാ​ണ് രോ​ഗം സ്ഥി​രീ​ക​രി​ച്ച​ത്. 17 പേ​ർ മ​ര​ണ​മ​ട​ഞ്ഞു പു​ണെ​യി​ലെ ദേ​ശീ​യ വൈ​റോ​ള​ജി ഇ​ൻ​സ്റ്റി​റ്റ്യൂ​ട്ടാ​ണ് ആ​ദ്യ​മാ​യി രോ​ഗം സ്ഥി​രീ​ക​രി​ച്ച​ത്. പി​ന്നീ​ട് 2019 ജൂ​ണി​ൽ കൊ​ച്ചി​യി​ൽ 23കാ​ര​നാ​യ വി​ദ്യാ​ർ​ഥി​യെ നി​പ വൈ​റ​സ് ബാ​ധി​ച്ചെ​ങ്കി​ലും ചി​കി​ത്സ​യെ തു​ട​ർ​ന്ന് രോ​ഗം ഭേ​ദ​മാ​യി. നി​പ വൈ​റ​സ് രോ​ഗ​ത്തി​ന് പ്ര​ത്യേ​ക മ​രു​ന്നു​ക​ളോ വാ​ക്സി​നോ ക​ണ്ടെ​ത്തി​യി​ട്ടി​ല്ല. വൈ​റ​സു​ക​ളെ ന​ശി​പ്പി​ക്കു​ന്ന റി​ബാ​വി​റി​ൻ (Ribavirin) എ​ന്ന മ​രു​ന്ന് പ​രീ​ക്ഷ​ണ ഘ​ട്ട​ത്തി​ലാ​ണ്. വാ​ക്സി​ൻ വി​ക​സി​പ്പി​ച്ചെ​ടു​ക്കാ​നു​ള്ള ശ്ര​മം ന​ട​ന്നു​വ​രു​ന്നു.

ഇ​പ്പോ​ൾ കോ​ഴി​ക്കോ​ട് വീ​ണ്ടും നി​പ ബാ​ധ സ്ഥി​രീ​ക​രി​ക്ക​പ്പെ​ട്ട സാ​ഹ​ച​ര്യ​ത്തി​ൽ കേ​ര​ള​ത്തി​ൽ ആ​വ​ർ​ത്തി​ച്ച് നി​പ പ്ര​ത്യ​ക്ഷ​പ്പെ​ടു​ന്ന​തി​ന്റെ കാ​ര​ണ​ങ്ങ​ൾ ക​ണ്ടെ​ത്താ​ൻ സൂ​ക്ഷ്മ പ​ഠ​നം ന​ട​ത്തേ​ണ്ട​തു​ണ്ട്.

(പൊ​തു​ജ​നാ​രോ​ഗ്യ വി​ദ​ഗ്ധ​നും അ​ക്കാ​ദ​മീ​ഷ്യ​നു​മാ​യ ലേ​ഖ​ക​ൻ നി​ല​വി​ൽ കേ​ര​ള സ​ർ​ക്കാ​റി​ന്റെ കോ​വി​ഡ് വി​ദ​ഗ്ധ സ​മി​തി അ​ധ്യ​ക്ഷ​നാ​ണ്)