പ​ട്ടി​ണി​യു​ടെ നോ​വി​നെ തൊ​ട്ട​റി​യു​മ്പോ​ൾ

ലോ​ക​പ്ര​ശ​സ്ത ധ​ന​ത​ത്ത്വ ശാ​സ്ത്ര​ജ്ഞ​നും നൊ​ബേ​ൽ സ​മ്മാ​ന ജേ​താ​വു​മാ​യ അ​ഭി​ജി​ത് ബാ​ന​ർ​ജി ത​ന്റെ കോ​ള​ജ് കാ​ല​ത്തെ തി​ക​ച്ചും വ്യ​ത്യ​സ്ത​മാ​യഒ​രു റ​മ​ദാ​ൻ ഓ​ർ​മ കു​റി​ച്ചി​ടു​ന്നു. ഒ​പ്പം, പ​ട്ടി​ണി​കി​ട​ക്കു​ന്ന അ​യ​ൽ​വാ​സി​യെ സ​ഹാ​യി​ക്കാ​ൻ ഒ​രു​ക്കേ​ണ്ട സാ​മൂ​ഹി​ക പി​ന്തു​ണ​ക​ളെ​ക്കു​റി​ച്ചും ഓ​ർ​മ​പ്പെ​ടു​ത്തു​ന്നു..

1980ലെ ​റ​മ​ദാ​നി​ലാ​യി​രു​ന്നി​രി​ക്ക​ണം, കൊ​ൽ​ക്ക​ത്ത​യി​ലെ കോ​ള​ജ് സ്ട്രീ​റ്റി​ൽ നി​ന്ന് സ​ക്ക​റി​യ സ്ട്രീ​റ്റി​ലേ​ക്ക് ന​ട​ന്ന് കൃ​ത്യം സൂ​ര്യാ​സ്ത​മ​യ​ത്ത് എ​ത്തി​ച്ചേ​ർ​ന്ന് ആ​ഘോ​ഷി​ക്കാ​നു​ള്ള മ​ഹാ​പ​ദ്ധ​തി ഞ​ങ്ങ​ളി​ട്ട​ത്. അ​തീ​വ ലോ​ല​മാ​യ സു​ട്ട്‍ലി ക​ബാ​ബ്, മ​ണി​ക്കൂ​റു​ക​ളോ​ളം അ​ടു​പ്പി​ൽ വെ​ച്ച് സാ​വ​ധാ​നം പാ​കം ചെ​യ്തെ​ടു​ത്ത നി​ഹാ​രി​യും കു​ങ്കു​മ​പ്പൂ മ​ണ​മു​ള്ള ഷീ​ർ​മ​ലും, റോ​സ് സി​റ​പ്പി​ൽ മു​ങ്ങി​യ കു​ൽ​ഫി-​ഫ​ലൂ​ദ...​ഇ​തൊ​ക്കെ ഉ​ണ്ടാ​കു​മെ​ന്ന് എ​നി​ക്ക​റി​യാ​മാ​യി​രു​ന്നു. പി​ന്നെ ബി​രി​യാ​ണി​യു​ടെ കാ​ര്യം പ​റ​യേ​ണ്ട​തി​ല്ല​ല്ലോ, അ​തും ചോ​റി​ന്റെ കൂ​മ്പാ​ര​ത്തി​നി​ട​യി​ൽ പു​ഴു​ങ്ങി​യ മു​ട്ട​യും ഉ​രു​ള​ക്കി​ഴ​ങ്ങും പൊ​ന്തി​ക്കി​ട​ക്കു​ന്ന കൊ​ൽ​ക്ക​ത്ത സ്റ്റൈ​ലി​ലു​ള്ള ബി​രി​യാ​ണി, സ്വ​ർ​ണ​നി​റ​മാ​ർ​ന്ന ഷാ​ഹി ടു​ക്ഡ (മ​ധു​ര​മോ കൊ​ഴു​പ്പോ ക​ഴി​ക്കു​ന്ന​തി​ൽ ഞ​ങ്ങ​ൾ​ക്കൊ​രു ബേ​ജാ​റു​മി​ല്ലാ​ത്ത കാ​ല​മാ​യി​രു​ന്നു അ​ത്), ഹ​ലീം ഇ​ത്യാ​ദി​ക​ളൊ​ക്കെ മ​ന​സ്സി​ൽ ക​ണ്ടു.

ന​മ്മ​ൾ പ​ക​ൽ ഭ​ക്ഷ​ണം ഉ​പേ​ക്ഷി​ച്ചു ത​ന്നെ വേ​ണം സൂ​ര്യാ​സ്ത​മ​യ വേ​ള​യി​ൽ ഇ​ഫ്താ​ർ ഭ​ക്ഷ​ണം ക​ഴി​ക്കാ​ൻ ചെ​ല്ലാ​ൻ, ഒ​രു കൂ​ട്ടു​കാ​രി കൃ​ത്യ​മാ​യ ഒ​രു നി​ർ​ദേ​ശം മു​ന്നോ​ട്ടു​വെ​ച്ചു. എ​ല്ലാ​വ​രും ഉ​ട​ന​ടി സ​മ്മ​ത​മ​റി​യി​ച്ചു. രാ​വി​ലെ പ​ത്തു​മ​ണി​ക്കാ​യി​രു​ന്നു അ​ത്. അ​ൽ​പം മു​മ്പ് ക​ഴി​ച്ച പ്രാ​ത​ൽ എ​ല്ലാ​വ​രു​ടെ​യും വ​യ​റു​ക​ളി​ൽ ഓ​ളം​ക​ളി​ച്ചു​കൊ​ണ്ടി​രി​ക്കു​ന്നു​ണ്ടാ​യി​രു​ന്നു. ദി​നേ​ന നാ​ലു നേ​ര​മെ​ങ്കി​ലും ന​ന്നാ​യി ക​ഴി​ക്കു​ന്ന ബം​ഗാ​ളി ഭ​ക്ഷ​ണ​ക്ര​മം പി​ന്തു​ട​രു​ന്ന ഞ​ങ്ങ​ൾ ഉ​ച്ച​ക്ക് ഒ​രു മ​ണി​യാ​യ​പ്പോ​ഴേ​ക്ക്, ഞ​ങ്ങ​ളെ​ടു​ത്ത തീ​രു​മാ​നം എ​ത്ര​മാ​ത്രം ശ​രി​യാ​യി​രു​ന്നു എ​ന്ന് ആ​ലോ​ചി​ക്കാ​ൻ തു​ട​ങ്ങി.

ഉ​ച്ച​ക്ക് ര​ണ്ട​ര​ക്ക് സ്റ്റാ​റ്റി​സ്റ്റി​ക്സ് ക്ലാ​സാ​യി​രു​ന്നു. വ​യ​റ്റി​നു​ള്ളി​ലെ ആ​ള​ൽ അ​വ​ഗ​ണി​ച്ച്, അ​ധ്യാ​പ​ക​ൻ പ​ഠി​പ്പി​ക്കു​ന്ന​തി​ൽ ശ്ര​ദ്ധ​കേ​ന്ദ്രീ​ക​രി​ക്കാ​ൻ ശ്ര​മി​ക്കു​മ്പോ​ഴും എ​ന്റെ മ​ന​സ്സി​ൽ നീ​ള​ത്തി​ൽ അ​രി​ഞ്ഞ ഇ​ഞ്ചി​ക്ക​ഷ​ണ​ങ്ങ​ളും വ​റു​ത്തു​കോ​രി​യ സ​വാ​ള​യും​കൊ​ണ്ട് അ​ല​ങ്ക​രി​ച്ച ഹ​ലീം പാ​ത്ര​ങ്ങ​ളാ​യി​രു​ന്നു. പി​ന്നെ​യും നാ​ലു മ​ണി​ക്കൂ​ർ താ​ണ്ട​ണ​മാ​യി​രു​ന്നു ഞ​ങ്ങ​ൾ​ക്ക് ഭ​ക്ഷ​ണ​ത്ത​ളി​ക​ക​ൾ​ക്ക​രി​കി​ലെ​ത്താ​ൻ. അ​തു​കൊ​ണ്ടാ​ണ് പ​റ​യു​ന്ന​ത്, താ​ഴ്ന്ന വ​രു​മാ​ന​ക്കാ​രാ​യ കു​ടും​ബ​ങ്ങ​ളി​ലെ കു​ഞ്ഞു​ങ്ങ​ളു​ടെ പ​ഠ​ന​നി​ല​വാ​രം മെ​ച്ച​പ്പെ​ടു​ത്ത​ണ​മെ​ങ്കി​ൽ അ​വ​ർ​ക്ക് സ്കൂ​ളി​ൽ​നി​ന്ന് ഭ​ക്ഷ​ണം ഉ​റ​പ്പാ​ക്ക​ണ​മെ​ന്ന്. എ​ൽ.​പി സ്കൂ​ൾ വി​ദ്യാ​ർ​ഥി​ക​ൾ​ക്ക് ന​ൽ​കി​വ​ന്നി​രു​ന്ന സൗ​ജ​ന്യ ഉ​ച്ച​ഭ​ക്ഷ​ണ​പ​ദ്ധ​തി​യി​ൽ യു.​പി വി​ദ്യാ​ർ​ഥി​ക​ളെ​ക്കൂ​ടി ഉ​ൾ​ക്കൊ​ള്ളി​ക്കാ​ൻ 2009ൽ ​ഡ​ൽ​ഹി സ​ർ​ക്കാ​ർ തീ​രു​മാ​നി​ച്ച ഘ​ട്ട​ത്തി​ൽ ഡ​ൽ​ഹി സ്കൂ​ൾ ഓ​ഫ് ഇ​ക്ക​ണോ​മി​ക്സി​ലെ എ​ന്റെ സു​ഹൃ​ത്ത് രോ​ഹി​ണി സോ​മ​നാ​ഥ​നും ഇ​ന്ത്യ​ൻ സ്റ്റാറ്റിസ്റ്റിക്സ് ഇ​ൻ​സ്റ്റി​റ്റ്യൂ​ട്ടി​ലെ ഫ​ർ​സാ​ന അ​ഫ്രി​ദി​യും ഇ​ന്ത്യ​ൻ ഇ​ൻ​സ്റ്റി​റ്റ്യൂ​ഷ​ൻ ഓ​ഫ് ഇ​ൻ​ഡ​​സ്ട്രി​യ​ൽ എ​ൻ​ജി​നീ​യ​റി​ങ്ങി​ലെ ബി​ദി​ഷ ബ​റു​വ​യും ചേ​ർ​ന്ന് ഒ​രു പ​ഠ​നം ന​ട​ത്തി​യി​രു​ന്നു. അ​തു​പ്ര​കാ​രം, ഭ​ക്ഷ​ണം ല​ഭി​ക്കാ​ൻ തു​ട​ങ്ങി​യ ശേ​ഷം കാ​ര്യ​ങ്ങ​ൾ വാ​യി​ക്കാ​നും ഗ്ര​ഹി​ക്കാ​നു​മു​ള്ള കു​ട്ടി​ക​ളു​ടെ​ ശേ​ഷി​യി​ൽ ഗ​ണ്യ​മാ​യ വ​ർ​ധ​ന​വു​ണ്ടാ​യ​താ​യി ക​ണ്ടെ​ത്തി.

ആ ​റ​മ​ദാ​ൻ ദി​ന​ത്തി​ൽ ഞാ​ൻ മ​ന​സ്സി​ലാ​ക്കി​യ​തും അ​താ​ണ്, വ​യ​ർ എ​രി​യു​ന്ന നേ​ര​ത്ത് ഭ​ക്ഷ​ണ​ത്തെ​ക്കു​റി​ച്ച​ല്ലാ​തെ മ​റ്റെ​ന്തെ​ങ്കി​ലു​മൊ​രു കാ​ര്യ​ത്തെ​ക്കു​റി​ച്ച് ചി​ന്തി​ക്കു​ന്ന​ത് പ്ര​യാ​സ​ക​ര​മാ​ണെ​ന്ന കാ​ര്യം. ഇ​ത് ഭ​ക്ഷ​ണ​ത്തി​ന്റെ കാ​ര്യ​ത്തി​ൽ മാ​ത്ര​മ​ല്ല, പ​രീ​ക്ഷ​ഫ​ല​മോ അ​ത​ല്ലെ​ങ്കി​ൽ പ്രി​യ​പ്പെ​ട്ട ഒ​രാ​ളു​ടെ രോ​ഗ​പ​രി​ശോ​ധ​ന റി​പ്പോ​ർ​ട്ടോ കാ​ത്തി​രി​ക്കു​മ്പോ​ഴും, പ്രി​യ​മു​ള്ളൊ​രാ​ളി​ൽ​നി​ന്ന് ഒ​രി​ക്ക​ലും വ​രാ​ത്ത ഒ​രു വാ​ട്സ്ആ​പ് മെ​സേ​ജ് പ്ര​തീ​ക്ഷി​ച്ചി​രി​ക്കു​മ്പോ​ൾ​​പോ​ലും മ​റ്റെ​ന്തി​നെ​യെ​ങ്കി​ലും കു​റി​ച്ച് ചി​ന്തി​ക്കാ​ൻ പ്ര​യാ​സ​മാ​ണ്. വി​കാ​രാ​ധീ​ന​മാ​യ മ​ന​സ്സി​ന് അ​ടി​മ​യാ​ണ് ന​മ്മു​ടെ ബോ​ധം. പ​ക്ഷേ, ദ​രി​ദ്ര​രെ സം​ബ​ന്ധി​ച്ചി​ട​ത്തോ​ളം അ​ത് ഇ​ര​ട്ട​ശാ​പ​മാ​ണ്.

അ​വ​രു​ടെ നി​ല​നി​ൽ​പു​ത​ന്നെ അ​പ​ക​ട​ത്തി​ലാ​യി​രി​ക്കെ, ഏ​റ്റ​വും ആ​വ​ശ്യ​മു​ള്ള ഘ​ട്ട​ത്തി​ൽ​പ്പോ​ലും വ്യ​ക്ത​മാ​യി ചി​ന്തി​ക്കാ​നും നി​ർ​ണാ​യ​ക​മാ​യി പ്ര​വ​ർ​ത്തി​ക്കാ​നു​മു​ള്ള അ​വ​രു​ടെ ക​ഴി​വ് അ​പ​ഹ​രി​ക്ക​പ്പെ​ടു​ന്നു.

കൂ​ടു​ത​ൽ ഭ​ക്ഷ​ണ​ല​ഭ്യ​ത​യു​ള്ള ജോ​ലി​ക​ൾ ന​ഗ​ര​ങ്ങ​ളി​ൽ ല​ഭ്യ​മാ​യി​ട്ടു​പോ​ലും വി​ള​ക​ൾ ന​ട്ടു​പി​ടി​പ്പി​ച്ച ശേ​ഷ​മു​ള്ള മാ​ർ​ച്ച്-​ഏ​പ്രി​ൽ, സെ​പ്റ്റം​ബ​ർ-​ന​വം​ബ​ർ മാ​സ​ങ്ങ​ളി​ൽ (മോം​ഗ മാ​സ​ങ്ങ​ൾ) വ​യ​ലു​ക​ളി​ൽ ജോ​ലി​യി​ല്ലെ​ന്ന​തി​നാ​ൽ പ​ടി​ഞ്ഞാ​റ​ൻ ബം​ഗ്ലാ​ദേ​ശി​ലു​ള്ള രാം​ഗ്പൂ​രി​ലെ ദ​രി​ദ്ര കു​ടും​ബ​ങ്ങ​ളി​ൽ വ​ലി​യൊ​രു ഭാ​ഗം ദി​വ​സേ​ന 1,400 ക​ലോ​റി​യോ അ​തി​ൽ കു​റ​വോ മാ​ത്ര​മു​ള്ള ഭ​ക്ഷ​ണം​കൊ​ണ്ട് ക​ഴി​ഞ്ഞു​കൂ​ടു​ന്ന​ത് എ​ന്തു​കൊ​ണ്ടാ​ണെ​ന്ന് ഇ​തി​ലൂ​ടെ ന​മു​ക്ക് മ​ന​സ്സി​ലാ​ക്കാ​നാ​വും.

എ​ന്റെ സു​ഹൃ​ത്തു​ക്ക​ളും ദാ​രി​ദ്ര്യ നി​ർ​മാ​ർ​ജ​ന​ത്തി​നാ​യി ഗ​വേ​ഷ​ണം ന​ട​ത്തു​ന്ന ആ​ഗോ​ള കേ​ന്ദ്ര​മാ​യ ജെ-​പാ​ലി​ലെ (അ​ബ്ദു​ൽ ല​ത്തീ​ഫ് ജ​മീ​ൽ പോ​വ​ർ​ട്ടി ആ​ക്ഷ​ൻ ലാ​ബ്) സ​ഹ​പ്ര​വ​ർ​ത്ത​ക​രു​മാ​യ ഗ​ര​ദ് ബ്ര​യാ​ൻ മു​ഷ്ഫി​ഖ് മു​ബാ​റ​ക്കും ന​ട​ത്തി​യ മ​നോ​ഹ​ര​മാ​യ ഗ​വേ​ഷ​ണ​ത്തി​ൽ​നി​ന്ന് വ്യ​ക്ത​മാ​യ​തു​പോ​ലെ, ഒ​രു സ​ന്ന​ദ്ധ സം​ഘ​ട​ന​യു​ടെ പി​ന്തു​ണ​യോ​ടെ അ​വ​ർ ന​ഗ​ര​ത്തി​ലേ​ക്ക് നീ​ങ്ങു​ക​യും സാ​ധാ​ര​ണ​ഗ​തി​യി​ൽ ല​ഭി​ക്കാ​നി​ട​യി​ല്ലാ​ത്ത​ത്ര പ​ണം അ​വി​ടെ നി​ന്ന് സ്വ​രൂ​പി​ക്കാ​ൻ സാ​ധി​ച്ച ശേ​ഷ​വും അ​ത് സ​ത്യ​മാ​യി തു​ട​രു​ന്നു. ത​ങ്ങ​ൾ​ക്ക് ഇ​നി എ​ന്താ​ണ് സം​ഭ​വി​ക്കു​ക എ​ന്ന ആ​കു​ല​ചി​ന്ത​യി​ൽ അ​വ​ർ ചി​ല​യി​ട​ങ്ങ​ളി​ൽ മ​ര​വി​ച്ചി​രി​ക്കു​ക​യാ​ണെ​ന്ന് തോ​ന്നു​ന്നു.

സാ​മ്പ​ത്തി​ക ശാ​സ്ത്ര​ജ്ഞ​നെ​ന്ന നി​ല​യി​ലു​ള്ള എ​ന്റെ പ​രി​ശീ​ല​നം ഇ​തി​നെ അ​ൽ​പം വി​രോ​ധാ​ഭാ​സ​മാ​ക്കു​ന്നു​ണ്ട്, കാ​ര​ണം ആ​ളു​ക​ൾ ത​ങ്ങ​ളു​ടെ ആ​വ​ശ്യ​ത്തോ​ട് പ്ര​തി​ക​രി​ക്കു​മെ​ന്നാ​ണ് ഞ​ങ്ങ​ൾ അ​നു​മാ​നി​ക്കു​ന്ന​ത്. അ​തേ സ​മ​യം മ​ക്ക​ൾ ഒ​റ്റ ദി​വ​സ​ത്തെ സ്കൂ​ൾ ക്യാ​മ്പി​ന് പോ​കു​മ്പോ​ൾ​പോ​ലും അ​വ​ർ​ക്ക് ആ​വ​ശ്യ​ത്തി​ന് ഭ​ക്ഷ​ണം കി​ട്ടു​ന്നു​ണ്ടാ​കു​മോ എ​ന്ന് ആ​കു​ല​പ്പെ​ടു​ന്ന എ​ന്നെ​പ്പോ​ലൊ​രു ര​ക്ഷി​താ​വി​ന്, വി​ശ​ക്കു​ന്ന കു​ഞ്ഞു​ങ്ങ​ളോ​ട് വീ​ട്ടി​ൽ ഭ​ക്ഷ​ണ​മൊ​ന്നു​മി​ല്ലെ​ന്നും കു​റെ നാ​ള​ത്തേ​ക്ക് കാ​ര്യ​മാ​യി ഒ​ന്നു​മു​ണ്ടാ​വി​ല്ലെ​ന്നും പ​റ​യേ​ണ്ടി​വ​രു​ന്ന ര​ക്ഷി​താ​വി​ന്റെ മാ​ന​സി​കാ​വ​സ്ഥ ഊ​ഹി​ക്കാ​നാ​വി​ല്ല. അ​ടി​മു​ടി ത​ള​ർ​ത്തി​ക്ക​ള​ഞ്ഞേ​ക്കാ​വു​ന്ന അ​മി​ത​മാ​യ ഉ​ത്ത​ര​വാ​ദി​ത്ത​ബോ​ധം നി​റ​ഞ്ഞ മാ​ന​സി​കാ​വ​സ്ഥ​യി​ലാ​ണ് ഇ​തു​കൊ​ണ്ടെ​ത്തി​ക്കു​ക എ​ന്ന് ഞാ​ൻ സം​ശ​യി​ക്കു​ന്നു.

അ​തു​കൊ​ണ്ടാ​ണ് ഒ​രു ക​മ്പോ​ള സ​മ്പ​ദ് വ്യ​വ​സ്ഥ​യി​ൽ​പോ​ലും ന​മു​ക്ക് പ​ര​സ്പ​ര സ​ഹാ​യ സം​വി​ധാ​ന​ങ്ങ​ൾ ആ​വ​ശ്യ​മാ​യി വ​രു​ന്ന​ത്.

ദാ​ന​ധ​ർ​മ​മ​ല്ല ഇ​തു​കൊ​ണ്ടു​ദ്ദേ​ശി​ക്കു​ന്ന​ത്, അ​തും പ്ര​ധാ​ന​മാ​ണെ​ങ്കി​ലും. ആ​വ​ശ്യ​മു​ള്ള സു​ഹൃ​ത്തു​ക്ക​ളെ​യും അ​യ​ൽ​ക്കാ​രെ​യും സ​ഹാ​യി​ക്കു​ന്ന​തി​നു​ള്ള ഒ​രു മാ​ന​ദ​ണ്ഡ​മു​ണ്ടെ​ന്നു​വ​രി​കി​ൽ കാ​ര്യ​ങ്ങ​ൾ എ​ളു​പ്പ​മാ​കും.

വി​ക​സ്വ​ര ലോ​ക​ത്തെ​മ്പാ​ടു​മു​ള്ള ഒ​ട്ടു​മി​ക്ക ഗ്രാ​മീ​ണ സ​മൂ​ഹ​ങ്ങ​ൾ​ക്കും ഇ​തി​ന്റെ ഒ​രു പ​തി​പ്പു​ണ്ട്, കാ​ലാ​വ​സ്ഥ​മാ​റ്റം, കീ​ട​ശ​ല്യം, ലോ​ക വി​പ​ണി​ക​ൾ എ​ന്നി​വ​യൊ​ന്നും ക​ർ​ഷ​ക​രു​ടെ നി​യ​ന്ത്ര​ണ​ത്തി​ലേ​യ​ല്ല - എ​ന്നാ​ൽ, ഗ്രാ​മീ​ണ മേ​ഖ​ല​ക​ളി​ൽ നി​ന്നു​ള്ള ക​ണ​ക്കു​ക​ൾ കാ​ണി​ക്കു​ന്ന​ത്, മോ​ശം സ​മ​യ​ങ്ങ​ളി​ൽ ഉ​പ​ഭോ​ഗം വ​രു​മാ​ന​ത്തേ​ക്കാ​ൾ കു​റ​യു​ന്നി​ല്ല എ​ന്നാ​ണ്. അ​താ​യ​ത്, കു​ടും​ബ​ങ്ങ​ൾ​ക്ക് എ​വി​ടെ നി​ന്നെ​ങ്കി​ലും ഏ​തെ​ങ്കി​ലും വി​ധ​ത്തി​ലെ സ​ഹാ​യ​ങ്ങ​ൾ ല​ഭി​ക്കു​ന്നു​ണ്ടെ​ന്ന്.

ദൗ​ർ​ഭാ​ഗ്യ​ക​ര​മെ​ന്നു​പ​റ​യ​ട്ടെ, സാ​മൂ​ഹി​ക പി​ന്തു​ണ​യു​ടെ ഈ ​രൂ​പ​ങ്ങ​ൾ തി​ക​ച്ചും അ​പൂ​ർ​ണ​മാ​ണ്, കൂ​ടാ​തെ ചു​റ്റു​മു​ള്ള സ​ക​ല​രും ബു​ദ്ധി​മു​ട്ടി​ലാ​വു​ന്ന സാ​ഹ​ച​ര്യ​ങ്ങ​ളി​ൽ രം​ഗ്‌​പൂ​രി​ലെ​ന്ന​പോ​ലെ, ആ​വ​ശ്യം ഏ​റ്റ​വും വ​ർ​ധി​ച്ചു​നി​ൽ​ക്കു​ന്ന ഘ​ട്ട​ത്തി​ൽ അ​ത് ത​ക​ർ​ന്നു​പോ​കാ​റു​മു​ണ്ട്.

അ​തു​കൊ​ണ്ട് സ​ർ​ക്കാ​റു​ക​ൾ ഈ ​സ​മ​യ​ങ്ങ​ളി​ൽ യ​ഥാ​വി​ധി ഇ​ട​പെ​ടാ​ൻ സ​ന്ന​ദ്ധ​മാ​കേ​ണ്ട​തു​ണ്ട്.

സ​മൂ​ഹം ഒ​രു​മി​ച്ചു​ചേ​ർ​ന്ന് കാ​ര്യ​ങ്ങ​ൾ ചെ​യ്യു​ന്ന റ​മ​ദാ​നും ഗ​ണേ​ശ ​പൂ​ജ​യും ​ പോ​ലു​ള്ള സ​ന്ദ​ർ​ഭ​ങ്ങ​ൾ ബ​ന്ധ​ങ്ങ​ളു​ടെ പ്രാ​ധാ​ന്യം അ​ടി​വ​ര​യി​ടു​ന്നു​ണ്ട്. എ​ന്റെ യൗ​വ​ന​കാ​ല​ത്ത് സ​മ്പ​ന്ന ഹി​ന്ദു കു​ടും​ബ​ങ്ങ​ൾ ഇ​ഫ്താ​ർ വി​രു​ന്നു​ക​ൾ ഒ​രു​ക്കി​യി​രു​ന്നു. നോ​മ്പു​നോ​റ്റ് ക്ഷീ​ണി​ച്ചി​രി​ക്കു​ന്ന​തി​നി​ടെ പാ​ച​കം ചെ​യ്യു​ന്ന​തി​ൽ​നി​ന്ന് ത​ങ്ങ​ളു​ടെ സു​ഹൃ​ത്തു​ക്ക​ൾ​ക്കും അ​യ​ൽ​ക്കാ​ർ​ക്കും വി​ടു​ത​ൽ ന​ൽ​കാ​നും ബ​ന്ധ​ങ്ങ​ൾ ഊ​ട്ടി​യു​റ​പ്പി​ക്കാ​നു​മു​ള്ള അ​വ​സ​ര​മാ​യാ​ണ് അ​വ​ര​തി​നെ ക​ണ്ടി​രു​ന്ന​ത്.

ഇ​പ്പോ​ഴും അ​തെ​ല്ലാം ന​ട​ക്കു​ന്നു​ണ്ട് എ​ന്ന് ഞാ​ൻ പ്ര​തീ​ക്ഷി​ക്കു​ന്നു (ഒ​പ്പം സം​ശ​യി​ക്കു​ക​യും ചെ​യ്യു​ന്നു), ആ ​വി​രു​ന്നു​ക​ളി​ൽ മ​നു​ഷ്യ​ന് സാ​ധ്യ​മാ​യ​തി​ൽ വെ​ച്ച് ഏ​റ്റ​വും സ്വാ​ദി​ഷ്ട​മാ​യ വി​ഭ​വ​മാ​യ ഹ​ലീം വി​ള​മ്പു​ന്നു​ണ്ടാ​കു​മെ​ന്നും.