മറക്കില്ല, ബാബരിയെയും ജീലാനി​യേയും

2.71 ഏ​ക്ക​ർ ഭൂ​മി​ക്കു​വേ​ണ്ടി​യോ, രാ​ജ്യ​ത്തെ മു​സ്‍ലിം​ക​ൾ​ക്കു​വേ​ണ്ടി​യോ മാ​ത്ര​മ​ല്ല, ഇ​ന്ത്യ​യു​ടെ ഭ​ര​ണ​ഘ​ട​നാ​മൂ​ല്യ​ങ്ങ​ളും മ​ത​നി​ര​പേ​ക്ഷ ത​ത്ത്വ​ങ്ങ​ളും സം​ര​ക്ഷി​ക്കാ​നു​ള്ള പോ​രാ​ട്ടം ന​യി​ച്ച​യാ​ൾ എ​ന്നാ​വും സ​ഫ​ർയാ​ബ് ജീ​ലാ​നി​യെ കാലം ഓ​ർ​മി​ക്കു​ക. രാജ്യത്തെ നിയമസംവിധാനത്തിൽ അത്രമാത്രം വിശ്വാസമാണദ്ദേഹം കാത്തുപോന്നത്

ജീ​വി​ത​ത്തി​ൽ ഏ​റ്റ​വും സ​ങ്ക​ട​പ്പെ​ട്ട ദി​ന​മേ​ത് എ​ന്ന ചോ​ദ്യം മാ​ധ്യ​മ​പ്ര​വ​ർ​ത്ത​ക​ർ മു​ഴു​മി​പ്പി​ക്കും മു​മ്പേ 1992 ഡി​സം​ബ​ർ ആ​റ്-​വ​ർ​ഗീ​യ ഭീ​ക​ര​ശ​ക്തി​ക​ൾ ബാ​ബ​രി മ​സ്ജി​ദ് ത​ക​ർ​ത്തു​ക​ള​ഞ്ഞ ദി​വ​സം എ​ന്നു പ​റ​യു​മാ​യി​രു​ന്നു അ​ഡ്വ. സ​ഫ​ർയാ​ബ് ജീ​ലാ​നി. അ​ദ്ദേ​ഹ​ത്തി​ന​ത് വെ​റു​മൊ​രു പ​ള്ളി​യാ​യി​രു​ന്നി​ല്ല.

മ​സ്ജി​ദ് അ​ന്യാ​യ​മാ​യി അ​ന്യാ​ധീ​ന​പ്പെ​ടു​ത്തി​യ​തി​നെ​തി​രെ പ​രാ​തി ന​ൽ​കി​യ മു​ഹ​മ്മ​ദ് ഹാ​ഷിം അ​ൻ​സാ​രി​യു​ടെ സൈ​ക്കി​ളി​ന് പി​റ​കി​ലി​രു​ന്ന് 1984 ഡി​സം​ബ​റി​ൽ ആ​ദ്യ​നോ​ട്ടം ക​ണ്ട​തു മു​ത​ൽ ബാ​ബ​രി മ​സ്ജി​ദ് വി​മോ​ച​നം ജീ​ലാ​നി​യു​ടെ ജീ​വി​ത​ദൗ​ത്യം ത​ന്നെ​യാ​യി​രു​ന്നു.

നീ​തി​യി​ലൂ​ന്നി​യ നി​യ​മ​മാ​ർ​ഗ പോ​രാ​ട്ട​ത്തി​ലൂ​ടെ മ​സ്ജി​ദ് വീ​ണ്ടെ​ടു​ക്കാ​നാ​കു​മെ​ന്നും രാ​ജ്യ​ത്തെ ഭ​ര​ണ​കൂ​ട​ത്തി​ന്റെ സ​ക​ല പി​ന്തു​ണ​യും അ​തി​നു​ണ്ടാ​കു​മെ​ന്നും അ​ദ്ദേ​ഹം ഉ​റ​ച്ചു വി​ശ്വ​സി​ച്ചു. ബാ​ബ​രി ധ്വം​സ​ന​ത്തി​ന് മൂ​ന്നാ​ഴ്ച മു​മ്പ് അ​ന്ന​ത്തെ പ്ര​ധാ​ന​മ​ന്ത്രി ന​ര​സിം​ഹ റാ​വു​വി​നെ വീ​ട്ടി​ൽ ചെ​ന്നു ക​ണ്ട നേ​താ​ക്ക​ളു​ടെ കൂ​ട്ട​ത്തി​ൽ ബാ​ബ​രി മ​സ്ജി​ദ് ആ​ക്ഷ​ന്‍ ക​മ്മി​റ്റി അ​ധ്യ​ക്ഷ​നെ​ന്ന നി​ല​യി​ൽ ജീ​ലാ​നി​യു​മു​ണ്ടാ​യി​രു​ന്നു.

പ​ള്ളി​വ​ള​പ്പി​ൽ ഡി​സം​ബ​ർ ആ​റി​ന് വി.​എ​ച്ച്.​പി പ്ര​ഖ്യാ​പി​ച്ചി​രി​ക്കു​ന്ന ഒ​ത്തു​ചേ​ര​ലി​നെ​ക്കു​റി​ച്ച് അ​വ​ർ റാ​വു​വി​നോ​ട് ആ​ശ​ങ്ക​യ​റി​യി​ച്ചു- ആ​റു​മ​ണി​ക്കൂ​ർ കൊ​ണ്ട് അ​യ​ൽ​രാ​ജ്യ​ത്തേ​ക്ക് പ​ട്ടാ​ള​ത്തെ അ​യ​ക്കാ​ൻ അ​ധി​കാ​ര​മു​ള്ള ഈ ​രാ​ജ്യ​ത്തെ പ്ര​ധാ​ന​മ​ന്ത്രി​യാ​ണ് താ​നെ​ന്നും അ​രു​താ​ത്ത​ത് എ​ന്തെ​ങ്കി​ലും സം​ഭ​വി​ക്കു​മെ​ന്നു​വ​ന്നാ​ൽ അ​യോ​ധ്യ​യി​ലേ​ക്ക് സൈ​ന്യ​ത്തെ അ​യ​ക്കാ​ൻ ത​നി​ക്ക് സാ​ധി​ക്കു​മെ​ന്നു​മാ​യി​രു​ന്നു മ​റു​പ​ടി.

മ​തേ​ത​ര ജ​നാ​ധി​പ​ത്യ ഇ​ന്ത്യ​യു​ടെ പ്ര​ധാ​ന​മ​ന്ത്രി വാ​ക്കു​പാ​ലി​ക്കു​മെ​ന്ന് മ​റ്റെ​ല്ലാ​വ​രേ​യും പോ​ലെ ജീ​ലാ​നി​യും വി​ശ്വ​സി​ച്ചു. 16 ഭാ​ഷ​ക​ളി​ൽ പ​രി​ജ്ഞാ​ന​മു​ള്ള​യാ​ൾ എ​ന്ന​റി​യ​പ്പെ​ടു​ന്ന റാ​വു പ​ണ്ട് ആ​ഭ്യ​ന്ത​ര​മ​ന്ത്രി​യാ​യി​രി​ക്കെ ഡ​ൽ​ഹി​യി​ൽ ആ​യി​ര​ക്ക​ണ​ക്കി​ന് സി​ഖു​കാ​ർ കൂ​ട്ട​ക്കൊ​ല​ക്കി​ര​യാ​യ​പ്പോ​ൾ പു​ല​ർ​ത്തി​യ അ​തേ മൗ​നം ബാ​ബ​രി മ​സ്ജി​ദ് ത​ക​ർ​ക്കു​ന്ന​ത​റി​ഞ്ഞ​പ്പോ​ഴും തു​ട​ർ​ന്നു.

ബാ​ബ​രി മ​സ്ജി​ദ് വീ​ണ്ടെ​ടു​ക്കാ​നു​ള്ള നി​യ​മ​പോ​രാ​ട്ട​ത്തി​നാ​യി ഏ​റ്റ​വും മി​ക​ച്ച അ​ഭി​ഭാ​ഷ​ക​രെ അ​ണി​നി​ര​ത്താ​നും രാ​ജ്യ​മൊ​ട്ടു​ക്കു​നി​ന്നും പി​ന്തു​ണ സ്വ​രൂ​പി​ക്കാ​നു​മാ​ണ് ജീ​വി​ത​ത്തി​ന്റെ പി​ന്നീ​ടു​ള്ള ഓ​രോ നി​മി​ഷ​വും അ​ദ്ദേ​ഹം ചെ​ല​വി​ട്ട​ത്. ബാ​ബ​രി കാ​മ്പ​യി​നു​മാ​യി ഇ​ന്ത്യ​യു​ടെ ഓ​രോ ദി​ക്കി​ലും സ​ഞ്ച​രി​ച്ച് സം​സാ​രി​ക്കു​മ്പോ​ഴും നി​യ​മ​വാ​ഴ്ച​യി​ലും നീ​തി​പീ​ഠ​ത്തി​ലും വി​ശ്വാ​സം ശ​ക്ത​മാ​ക്ക​ണ​മെ​ന്ന ആ​ഹ്വാ​നം ആ​വ​ർ​ത്തി​ച്ചു​കൊ​ണ്ടേ​യി​രു​ന്നു.

ബാ​ബ​രി മ​സ്ജി​ദ് വീ​ണ്ടെ​ടു​പ്പി​നാ​യു​ള്ള പോ​രാ​ട്ടം ഒ​ര​ർ​ഥ​ത്തി​ൽ നി​യ​മ​സാ​ക്ഷ​ര​താ യ​ജ്ഞ​മാ​യി പ​രി​വ​ർ​ത്തി​പ്പി​ച്ച അ​ദ്ദേ​ഹം അ​ന്യാ​യ​ങ്ങ​ൾ​ക്കെ​തി​രെ ശ​ബ്ദി​ക്കാ​നും അ​വ​കാ​ശ​ങ്ങ​ൾ​ക്കാ​യി വാ​ദി​ക്കാ​നും രാ​ജ്യ​ത്തെ പി​ന്നാ​ക്ക-​ന്യൂ​ന​പ​ക്ഷ സ​മൂ​ഹ​ങ്ങ​ളെ ഏ​റെ പ്ര​ചോ​ദി​പ്പി​ച്ചു.

ശ​ബ​രി​മ​ല സ്ത്രീ​പ്ര​വേ​ശ​ന വി​ധി​ക്കു​പി​ന്നാ​ലെ മ​സ്ജി​ദു​ക​ളി​ൽ സ്ത്രീ​ക​ൾ​ക്ക് പ്ര​വേ​ശ​നം അ​നു​വ​ദി​ക്ക​ണ​മെ​ന്നാ​വ​ശ്യ​പ്പെ​ട്ട് സു​​പ്രീം​കോ​ട​തി​യി​ൽ ഹ​ര​ജി​യെ​ത്തി​യ വേ​ള​യി​ൽ സ്​​ത്രീ​ക​ളു​ടെ പ​ള്ളി​പ്ര​വേ​ശ​ന​ത്തി​ന് ഇസ്‍ലാമിൽ എ​തി​ർ​പ്പോ വി​ല​ക്കോ ഇ​ല്ല എ​ന്ന് അ​ഖി​ലേ​ന്ത്യാ മു​സ്‍ലിം വ്യ​ക്തി നി​യ​മ ബോ​ർ​ഡി​നെ പ്ര​തി​നി​ധാ​നം ചെ​യ്ത് നീ​തി​പീ​ഠ​ത്തെ ബോ​ധി​പ്പി​ച്ചു.

എ​ന്നാ​ൽ, ബാ​ബ​രി മ​സ്ജി​ദി​ന് പ​ക​ര​മാ​യി കോ​ട​തി അ​നു​വ​ദി​ച്ച അ​ഞ്ചേ​ക്ക​ർ ഭൂ​മി​യി​ൽ പ​ള്ളി നി​ർ​മി​ക്കു​ന്ന​തി​നോ​ട് പ​രി​പൂ​ർ​ണ വി​യോ​ജി​പ്പാ​ണ് അ​ദ്ദേ​ഹം പു​ല​ർ​ത്തി​യ​ത്.

2.71 ഏ​ക്ക​ർ ഭൂ​മി​ക്കു​വേ​ണ്ടി​യോ, രാ​ജ്യ​ത്തെ മു​സ്‍ലിം​ക​ൾ​ക്കു​വേ​ണ്ടി​യോ മാ​ത്ര​മ​ല്ല, ഇ​ന്ത്യ​യു​ടെ ഭ​ര​ണ​ഘ​ട​നാ​മൂ​ല്യ​ങ്ങ​ളും മ​ത​നി​ര​പേ​ക്ഷ ത​ത്ത്വ​ങ്ങ​ളും സം​ര​ക്ഷി​ക്കാ​നു​ള്ള പോ​രാ​ട്ടം ന​യി​ച്ച​യാ​ൾ എ​ന്നാ​വും സ​ഫ​ർയാ​ബ് ജീ​ലാ​നി​യെ കാലം ഓ​ർ​മി​ക്കു​ക.

രാ​ജ്യ​ത്തെ നി​യ​മ​സം​വി​ധാ​ന​ത്തി​ൽ അ​ത്ര​മാ​ത്രം വി​ശ്വാ​സ​മാ​ണ​ദ്ദേ​ഹം കാ​ത്തു​പോ​ന്ന​ത്. ഭ​ര​ണ​കൂ​ട​ങ്ങ​ളും നീ​തി​പീ​ഠ​ങ്ങ​ളും അ​ടി​ക്ക​ടി വ​ഞ്ചി​ച്ച​പ്പോ​ഴും പ​ത​റി​യി​ല്ല, ഈ ​രാ​ജ്യ​ത്തെ നി​യ​മ​ങ്ങ​ളോ​ടും ജ​ന​ങ്ങ​ളോ​ടു​മു​ള്ള വി​ശ്വാ​സ​ത്തി​ന് ത​രി​മ്പ് ഇ​ടി​വു​ത​ട്ടി​യ​തു​മി​ല്ല.

മു​സ്‍ലിം​ക​ളെ അ​ന്യാ​യ​മാ​യും ബ​ലം പ്ര​യോ​ഗി​ച്ചും മ​സ്ജി​ദി​ൽ​നി​ന്ന് ആ​ട്ടി​പ്പാ​യി​ച്ച​താ​ണെ​ന്നും 1992​ൽ ​ബാ​ബ​രി പ​ള്ളി ത​ക​ർ​ത്ത​ത് കു​റ്റ​കൃ​ത്യ​മാ​ണെ​ന്നും വ്യ​ക്ത​മാ​ക്കി​യ ശേ​ഷം ബാ​ബ​രി മ​സ്ജി​ദ് നി​ല​നി​ന്ന ഭൂ​മി ക്ഷേ​ത്ര നി​ർ​മാ​ണ​ത്തി​നാ​യി വി​ട്ടു​കൊ​ടു​ത്ത സു​​പ്രീം​കോ​ട​തി വി​ധിക്ക് പിന്നാലെ അ​ദ്ദേ​ഹം പ​റ​ഞ്ഞ വാ​ക്കു​ക​ൾ അ​ത് അ​ട​യാ​ള​പ്പെ​ടു​ത്തു​ന്നു.

‘‘ ബാ​ബ​രി മ​സ്ജി​ദ് നീ​തി സം​ര​ക്ഷ​ണ​ത്തി​നാ​യി ഇ​ക്കാ​ല​മ​ത്ര​യും ന​ട​ത്തി​യ പ്ര​യ​ത്ന​ങ്ങ​ൾ പാ​ഴാ​യി​പ്പോ​യി എ​ന്നു ഞാ​ൻ ക​രു​തു​ന്നി​ല്ല, ഞാ​ൻ ഒ​റ്റ​പ്പെ​ട്ടു​വെ​ന്ന തോ​ന്ന​ലു​മി​ല്ല. ഹി​ന്ദു​സ്ഥാ​നി​ലെ ജ​ന​ങ്ങ​ളി​ൽ 90 ശ​ത​മാ​ന​വും മ​ത​നി​ര​പേ​ക്ഷ​ത ഉ​യ​ർ​ത്തി​പ്പി​ടി​ക്കു​ന്ന​വ​രാ​ണ്.

ഒ​രു രൂ​പ പോ​ലും ഫീ​സ് വാ​ങ്ങാ​തെ ബാ​ബ​രി മ​സ്ജി​ദ് കേ​സ് വാ​ദി​ക്കാ​ൻ ഹി​ന്ദു സ​മൂ​ഹ​ത്തി​ൽ​നി​ന്നു​ള്ള നി​ര​വ​ധി അ​ഭി​ഭാ​ഷ​ക​രു​ണ്ടാ​യി​രു​ന്നു. മ​തേ​ത​ര പാ​ർ​ട്ടി നേ​താ​ക്ക​ളും ഇ​ട​തു​പ​ക്ഷ ബു​ദ്ധി​ജീ​വി​ക​ളും മ​തേ​ത​ര​വാ​ദി​ക​ളാ​യ സാ​ധാ​ര​ണ ജ​ന​ങ്ങ​ളും സ​ർ​വാ​ത്മ​നാ പി​ന്തു​ണ​ച്ചു. അ​പ​ര​വ​ത്ക​രി​ക്ക​പ്പെ​ടു​ന്നു​വെ​ന്ന തോ​ന്ന​ലി​ൽ​നി​ന്ന് ഇ​ത് ഞ​ങ്ങ​ളെ സം​ര​ക്ഷി​ച്ചു​നി​ർ​ത്തു​ന്നു’’

അ​ന്യ​മാ​ക്ക​പ്പെ​ടു​ക​യും മ​ണ്ണോ​ടു ചേ​ർ​ക്ക​പ്പെ​ടു​ക​യും ചെ​യ്ത് വ​ർ​ഷ​ങ്ങ​ളെ​മ്പാ​ടും പി​ന്നി​ട്ടി​ട്ടും ബാ​ബ​രി മ​സ്ജി​ദി​ന്റെ മി​നാ​ര​ങ്ങ​ളെ ഇ​ട​നെ​ഞ്ചി​ൽ ഉ​ട​യാ​തെ സൂ​ക്ഷി​ക്കു​ന്ന കോ​ടി​ക്ക​ണ​ക്കി​ന് മ​നു​ഷ്യ​രു​ടെ​യു​ള്ളി​ൽ അ​ഡ്വ.​ സ​ഫ​ർയാ​ബ് ജീ​ലാ​നി എ​ന്ന ​പോ​രാ​ളി​യോ​ടു​ള്ള സ്നേ​ഹാ​ദ​ര​ങ്ങ​ളും മാ​യാ​തെ നി​ല​നി​ൽ​ക്കും.