രാ​ഷ്ട്ര​പ​തി ഭ​ര​ണം കൊ​ണ്ട് മ​ണി​പ്പൂ​രി​ന്റെ മു​റി​വു​ണ​ങ്ങി​ല്ല

‘‘ഇ​ന്ത്യ​ൻ ഭ​ര​ണ​ഘ​ട​നാ വ്യ​വ​സ്ഥ​ക​ൾ​ക്ക​നു​സൃ​ത​മാ​യി സം​സ്ഥാ​ന സ​ർ​ക്കാ​റി​നെ മു​ന്നോ​ട്ടു​കൊ​ണ്ടു​പോ​കാ​ൻ ക​ഴി​യാ​ത്ത ഒ​രു സാ​ഹ​ച​ര്യം ഉ​ട​ലെ​ടു​ത്തി​രി​ക്കു​ന്നു’’ എ​ന്ന് പ്ര​ഖ്യാ​പി​ച്ചു​കൊ​ണ്ട് ഇ​ന്ത്യാ ഗ​വ​ൺ​മെ​ന്റ് മ​ണി​പ്പൂ​രി​ന്റെ ഭ​ര​ണം ഏ​റ്റെ​ടു​ത്തി​രി​ക്കു​ന്നു.

ഏ​റെ വൈ​കി കൈ​ക്കൊ​ണ്ട അ​പ​ര്യാ​പ്ത​മാ​യ തീ​രു​മാ​നം എ​ന്ന് ഇ​തി​നെ ചി​ല​ർ വി​ശേ​ഷി​പ്പി​ക്കു​മ്പോ​ൾ സം​സ്ഥാ​ന​ത്തെ ഭ​ര​ണ​ഘ​ട​നാ ക്ര​മ​വും സ​മാ​ധാ​ന​വും പു​നഃ​സ്ഥാ​പി​ക്കു​ന്ന​തി​നു​ള്ള ന​ട​പ​ടി​യാ​യി മ​റ്റു ചി​ല​ർ ന​ട​പ​ടി​യെ സ്വാ​ഗ​തം ചെ​യ്യു​ന്നു. ഈ ​ര​ണ്ടു കാ​ഴ്ച​പ്പാ​ടു​ക​ളും പൊ​തു​വാ​യു​ള്ള​താ​ണെ​ങ്കി​ലും, ഈ ​തീ​രു​മാ​ന​ത്തി​ന് പി​ന്നി​ലെ കാ​ര​ണ​വും മ​ണി​പ്പൂ​ർ ദു​ര​ന്ത​ത്തി​ൽ കേ​ന്ദ്ര സ​ർ​ക്കാ​ർ വ​ഹി​ച്ച സം​ശ​യാ​സ്പ​ദ​മാ​യ പ​ങ്കും അ​വ്യ​ക്ത​മാ​യി അ​വ​ശേ​ഷി​ക്കു​ന്നു.

മ​ണി​പ്പൂ​രി​ൽ രാ​ഷ്ട്ര​പ​തി ഭ​ര​ണം ഏ​ർ​പ്പെ​ടു​ത്തു​ന്ന​ത് അ​വി​ടെ ക്ര​മ​സ​മാ​ധാ​ന​മി​ല്ലാ​ത്ത​തു​കൊ​ണ്ട​ല്ല. 2023 മേ​യ് മൂ​ന്നി​ന് അ​ക്ര​മം പൊ​ട്ടി​പ്പു​റ​പ്പെ​ട്ട് ര​ണ്ടു​ മാ​സ​ത്തി​നു​ശേ​ഷം സു​പ്രീം കോ​ട​തി നി​രീ​ക്ഷി​ച്ച​തു​പോ​ലെ, ‘ഭ​ര​ണ​ഘ​ട​നാ സം​വി​ധാ​ന​ത്തി​ന്റെ സ​മ്പൂ​ർ​ണ ത​ക​ർ​ച്ച’ ​മൂ​ല​മാ​ണ്. ലോ​ക​മൊ​ട്ടു​ക്കു​മു​ള്ള രാ​ജ്യ​ങ്ങ​ൾ സ​ന്ദ​ർ​ശി​ക്കാ​നും ത​ന്റെ സ്വാ​ധീ​നം ഉ​പ​യോ​ഗ​പ്പെ​ടു​ത്തി യു​ക്രെ​യ്നി​ൽ സ​മാ​ധാ​നം കൊ​ണ്ടു​വ​രാ​ൻ പോ​ലും സ​മ​യ​മു​ള്ള പ്ര​ധാ​ന​മ​ന്ത്രി ഇ​ന്നു​വ​രെ മ​ണി​പ്പൂ​ർ സ​ന്ദ​ർ​ശി​ച്ചി​ട്ടി​ല്ല എ​ന്ന കാ​ര്യം മ​റ​ക്കാ​നാ​വി​ല്ല. സം​സ്ഥാ​ന​ത്ത് ‘‘അ​ക്ര​മം കു​റ​ഞ്ഞു’’, ‘‘സ്ഥി​തി​ഗ​തി​ക​ൾ സാ​ധാ​ര​ണ​മാ​ണ്’’, ‘‘സാ​ധാ​ര​ണ നാ​ളു​ക​ളി​ലേ​തു​പോ​ലെ സ്കൂ​ളു​ക​ളും കോ​ള​ജു​ക​ളും ഓ​ഫി​സു​ക​ളും മ​റ്റ് സ്ഥാ​പ​ന​ങ്ങ​ളും പ്ര​വ​ർ​ത്തി​ക്കു​ന്നു’’ എ​ന്നെ​ല്ലാം പാ​ർ​ല​മെ​ന്റി​ൽ ഉ​ൾ​പ്പെ​ടെ ഊ​ന്നി​പ്പ​റ​ഞ്ഞു അ​ദ്ദേ​ഹം.

മ​ണി​പ്പൂ​രി​ലെ നി​യ​മ​രാ​ഹി​ത്യ​വും അ​ക്ര​മ​വും കൈ​കാ​ര്യം ചെ​യ്യു​ന്ന​തി​ൽ പ​രാ​ജ​യ​പ്പെ​ട്ട​തു​കൊ​ണ്ട​ല്ല എ​ൻ.​ബി​രേ​ൻ സി​ങ്ങി​നോ​ട് മു​ഖ്യ​മ​ന്ത്രി സ്ഥാ​നം രാ​ജി​വെ​ക്കാ​ൻ ന്യൂ​ഡ​ൽ​ഹി​യി​ലെ പാ​ർ​ട്ടി നേ​തൃ​ത്വം ഉ​ത്ത​ര​വി​ട്ട​ത്. അ​ദ്ദേ​ഹം അ​വ​രു​ടെ വി​നീ​ത വി​ശ്വ​സ്ത​നും ഭി​ന്നി​പ്പി​ക്ക​ൽ ശ​ക്തി​ക​ൾ​ക്ക് സ​മൂ​ഹ​ത്തെ ധ്രു​വീ​ക​രി​ക്കാ​നും രാ​ഷ്ട്രീ​യ​ത്തെ വ​ർ​ഗീ​യ​വ​ത്ക​രി​ക്കാ​നു​മു​ള്ള ബി.​ജെ.​പി അ​ജ​ണ്ട​ക്ക് സൗ​ക​ര്യ​പ്ര​ദ​മാ​യ മ​റ​യു​മാ​യി​രു​ന്നു. താ​ൻ ചെ​യ്ത​തെ​ല്ലാം പ്ര​ധാ​ന​മ​ന്ത്രി​യു​ടെ​യും ആ​ഭ്യ​ന്ത​ര​മ​ന്ത്രി​യു​ടെ​യും സ​മ്മ​ത​ത്തോ​ടെ​യും ഉ​പ​ദേ​ശ​ത്തോ​ടെ​യു​മാ​ണെ​ന്ന് സി​ങ് മാ​ധ്യ​മ​ങ്ങ​ളോ​ട് പ​റ​ഞ്ഞ​തു​പോ​ലെ അ​ന്ന​ത്തെ മു​ഖ്യ​മ​ന്ത്രി കേ​ന്ദ്ര സ​ർ​ക്കാ​റു​മാ​യി ‘സ​ഹ​ക​രി​ക്കു​ന്നു​ണ്ടെ​ന്ന്’ അ​മി​ത് ഷാ ​സ​ഭ​യി​ൽ സ​മ്മ​തി​ക്കു​ക​യും ചെ​യ്തി​രു​ന്നു.

നി​യ​മാ​നു​സൃ​ത​മാ​യ ഭ​ര​ണ​ഘ​ട​നാ ന​ട​പ​ടി ക്ര​മ​ങ്ങ​ൾ സ്വീ​ക​രി​ക്കു​ന്ന​തി​നു​പ​ക​രം ബാ​ബാ​സാ​ഹേ​ബ് അം​ബേ​ദ്ക​ർ വി​ശേ​ഷി​പ്പി​ച്ച സം​സ്ഥാ​ന​ങ്ങ​ളു​ടെ ‘പ​ര​മാ​ധി​കാ​ര​വും സ​മ​ഗ്ര​വു​മാ​യ’ അ​ധി​കാ​ര​ത്തി​ലേ​ക്ക് ക​ട​ന്നു​ക​യ​റി കേ​ന്ദ്ര സ​ർ​ക്കാ​ർ. ചീ​ഫ് സെ​ക്ര​ട്ട​റി​യു​ടെ​യും സം​സ്ഥാ​ന പൊ​ലീ​സ് ഡ​യ​റ​ക്ട​ർ ജ​ന​റ​ലി​ന്റെ​യും നി​യ​മ​നം മു​ത​ൽ സു​ര​ക്ഷ​യു​ടെ​യും നി​യ​മ നി​ർ​വ​ഹ​ണ ഏ​ജ​ൻ​സി​ക​ളു​ടെ​യും ഏ​കോ​പ​ന​ത്തി​ന് ആ​ര് നേ​തൃ​ത്വം ന​ൽ​ക​ണ​മെ​ന്ന​തു​വ​രെ, പ്ര​തി​സ​ന്ധി​യു​ടെ ആ​ദ്യ ദി​നം മു​ത​ൽ കേ​ന്ദ്ര സ​ർ​ക്കാ​ർ സം​സ്ഥാ​ന സ​ർ​ക്കാ​റി​നോ​ട് നി​ർ​ദേ​ശി​ച്ചി​രു​ന്നു.

ആ​ക​സ്മി​ക​മാ​യി, ഈ ​കൈ​യേ​റ്റ​ത്തെ​ക്കു​റി​ച്ച് ബി​രേ​ൻ​സി​ങ് പ​ല​വി​ധ​ത്തി​ൽ പ​ര​സ്യ​മാ​യി സ​മ്മ​തി​ച്ചി​രു​ന്നു. ഉ​ദാ​ഹ​ര​ണ​ത്തി​ന്, സം​സ്ഥാ​ന പൊ​ലീ​സി​ന്റെ കു​റ്റാ​ന്വേ​ഷ​ണ വി​ഭാ​ഗം 15 മാ​സ​മാ​യി ത​നി​ക്ക് റി​പ്പോ​ർ​ട്ട് ചെ​യ്യു​ന്നി​ല്ലെ​ന്ന് അ​ദ്ദേ​ഹം പ​ര​സ്യ​മാ​യി പ​രി​ഭ​വം പ്ര​ക​ടി​പ്പി​ച്ചു. കേ​ന്ദ്ര സു​ര​ക്ഷാ ഏ​ജ​ൻ​സി​ക​ൾ അ​ദ്ദേ​ഹ​ത്തി​ന്റെ ഉ​ത്ത​ര​വു​ക​ൾ അ​നു​സ​രി​ക്കാ​ൻ വി​സ​മ്മ​തി​ച്ച​തും സു​ര​ക്ഷാ, നി​യ​മ നി​ർ​വ​ഹ​ണ ഏ​ജ​ൻ​സി​ക​ൾ​ക്കി​ട​യി​ലെ തു​റ​ന്ന ഏ​റ്റു​മു​ട്ട​ലു​ക​ളു​മെ​ല്ലാം മാ​ധ്യ​മ​ങ്ങ​ളി​ൽ വ്യാ​പ​ക​മാ​യി റി​പ്പോ​ർ​ട്ട് ചെ​യ്യ​പ്പെ​ട്ടു.

താ​ഴ്വ​ര​യി​ലെ​യും കു​ന്നു​ക​ളി​ലെ​യും ക്ര​മ​സ​മാ​ധാ​നം യ​ഥാ​ക്ര​മം താ​നും അ​മി​ത് ഷാ​യും പ​രി​പാ​ലി​ക്കു​ന്നു​ണ്ടെ​ന്ന് കേ​ന്ദ്ര ആ​ഭ്യ​ന്ത​ര​മ​ന്ത്രി​യെ ക​ണ്ട​ശേ​ഷം മാ​ധ്യ​മ​ങ്ങ​ളോ​ട് പ​റ​ഞ്ഞി​രു​ന്നു. മോ​ദി-​ഷാ​മാ​ർ നേ​തൃ​ത്വം ന​ൽ​കു​ന്ന ബി.​ജെ.​പി അ​വ​രു​ടെ ആ​വ​ശ്യ​ങ്ങ​ൾ പ​രി​ഗ​ണി​ക്കു​ന്ന​തി​ന് പ​ക​ര​മാ​യി തെ​ര​ഞ്ഞെ​ടു​പ്പ് സ​മ​യ​ത്ത് കു​ക്കി സാ​യു​ധ സം​ഘ​ങ്ങ​ളു​ടെ സ​ഹാ​യം തേ​ടി​യ​ത് പൊ​തു​ജ​ന​ങ്ങ​ൾ​ക്ക് അ​റി​യാ​വു​ന്ന കാ​ര്യ​മാ​ണ്.

ഈ ​അ​ട്ടി​മ​റി​യു​ടെ ഫ​ലം സ​ക​ല​ർ​ക്കും കാ​ണാ​നാ​വും-​പ്രാ​ദേ​ശി​ക പൊ​ലീ​സി​നു​പ​രി​യാ​യി 60,000ത്തി​ല​ധി​കം കേ​ന്ദ്ര സൈ​നി​ക​രു​ടെ സാ​ന്നി​ധ്യം ഉ​ണ്ടാ​യി​രു​ന്നി​ട്ടും, ഈ ​മ​നോ​ഹ​ര​മാ​യ സം​സ്ഥാ​നം അ​ഭൂ​ത​പൂ​ർ​വ​മാ​യ വേ​ദ​ന​ക​ൾ​ക്കും അ​പ​മാ​ന​ത്തി​നും വി​ധേ​യ​മാ​യി, ത​ൽ​ഫ​ല​മാ​യി നി​ര​പ​രാ​ധി​ക​ളാ​യ ജ​ന​ങ്ങ​ളു​ടെ ജീ​വ​നും സ്വ​ത്തി​നും വ​ലി​യ ന​ഷ്ട​മു​ണ്ടാ​യി.

ഇ​തെ​ല്ലാം കൊ​ണ്ടു​ത​ന്നെ, സം​സ്ഥാ​ന​ത്ത് ഭ​ര​ണ​ഘ​ട​നാ​പ​ര​മാ​യ ക്ര​മം പു​നഃ​സ്ഥാ​പി​ക്കു​ന്ന​തി​നു​ള്ള ഇ​ന്ത്യാ ഗ​വ​ൺ​മെ​ന്റി​ന്റെ നീ​ക്ക​മാ​യി രാ​ഷ്ട്ര​പ​തി ഭ​ര​ണ​ത്തെ കാ​ണു​ന്ന​ത് ദു​രി​ത​മ​നു​ഭ​വി​ക്കു​ന്ന ജ​ന​ങ്ങ​​ളോ​ടു​ള്ള ക്രൂ​ര ഫ​ലി​ത​മാ​ണ്. ഭ​ര​ണ​ക​ക്ഷി​യു​ടെ​യും അ​തി​ന്റെ ഇ​ര​ട്ട എ​ൻ​ജി​ൻ സ​ർ​ക്കാ​റി​ന്റെ​യും പ​രാ​ജ​യ​ങ്ങ​ൾ മ​റ​ച്ചു​വെ​ക്കാ​നു​ള്ള ശ്ര​മ​മാ​ണ് ഈ ​നീ​ക്കം. ബി​രേ​ൻ സി​ങ്ങി​ന്റെ പ്ര​വ​ർ​ത്ത​ന​ശൈ​ലി​ക്കെ​തി​രെ ബി.​ജെ.​പി​യു​ടെ നേ​തൃ​ത്വ​ത്തി​ലു​ള്ള ഭ​ര​ണ​സ​ഖ്യ​ത്തി​ലെ അം​ഗ​ങ്ങ​ൾ​ക്കി​ട​യി​ൽ അ​തൃ​പ്തി വ​ർ​ധി​ച്ചു​വ​രു​ക​യാ​യി​രു​ന്നു. പ്ര​തി​സ​ന്ധി കൈ​കാ​ര്യം ചെ​യ്ത നി​ല​വി​ലെ രീ​തി​മൂ​ലം ബി.​ജെ.​പി​യോ​ട് പൊ​തു​ജ​ന​ങ്ങ​ൾ​ക്ക് വ​ർ​ധി​ച്ചു​വ​രു​ന്ന വെ​റു​പ്പും ഈ ​നി​ല തു​ട​രു​ക​യാ​ണെ​ങ്കി​ൽ അ​ടു​ത്ത സം​സ്ഥാ​ന നി​യ​മ​സ​ഭാ തെ​ര​ഞ്ഞെ​ടു​പ്പി​ൽ പാ​ർ​ട്ടി പ​രാ​ജ​യ​പ്പെ​ടു​മെ​ന്ന സ​ത്യ​വും അ​വ​രി​ൽ പ​ല​ർ​ക്കും ബോ​ധ്യ​പ്പെ​ട്ടു. നി​യ​മ​സ​ഭ​യി​ൽ അ​വി​ശ്വാ​സ പ്ര​മേ​യം ഉ​ൾ​പ്പെ​ടെ തു​റ​ന്ന എ​തി​ർ​പ്പി​നു​ള്ള സാ​ധ്യ​ത​യും ബി.​ജെ.​പി നേ​രി​ട്ടു.

ഈ ​സം​ഭ​വ​വി​കാ​സ​ങ്ങ​ൾ ബി​രേ​ൻ സി​ങ്ങി​നെ​തി​രെ ന​ട​പ​ടി​യെ​ടു​ക്കാ​ൻ ഡ​ൽ​ഹി​യി​ലെ പാ​ർ​ട്ടി മേ​ല​ധി​കാ​രി​ക​ളെ നി​ർ​ബ​ന്ധി​ത​രാ​ക്കി. എ​ന്നി​ട്ടോ, സം​സ്ഥാ​ന നി​യ​മ​സ​ഭ​യി​ൽ വ​ൻ ഭൂ​രി​പ​ക്ഷം ഉ​ണ്ടാ​യി​രു​ന്നി​ട്ടും, ബി​രേ​ൻ സി​ങ്ങി​നു​പ​ക​രം ആ​രെ നി​യ​മി​ക്ക​ണം എ​ന്ന കാ​ര്യ​ത്തി​ൽ സ​മ​വാ​യ​ത്തി​ലെ​ത്താ​ൻ അ​വ​ർ​ക്കാ​യി​ല്ല. ഇ​തോ​ടെ​യാ​ണ് രാ​ഷ്ട്ര​പ​തി ഭ​ര​ണം ഏ​ർ​പ്പെ​ടു​ത്താ​നു​ള്ള തീ​രു​മാ​നം വ​ന്ന​ത്.

മ​ണി​പ്പൂ​രി​ൽ സാ​ധാ​ര​ണ നി​ല കൈ​വ​രു​ന്ന​തി​നും സം​സ്ഥാ​ന​ത്തെ ജ​ന​ങ്ങ​ൾ​ക്ക് നീ​തി ല​ഭി​ക്കു​ന്ന​തി​നും കേ​ന്ദ്ര ഗ​വ​ൺ​മെ​ന്റ് ഉ​ൾ​പ്പെ​ടെ ഉ​ത്ത​ര​വാ​ദി​ത്തം നി​ർ​വ​ഹി​ച്ചു​വോ എ​ന്ന കാ​ര്യം വി​ശ​ദ​മാ​യി പ​രി​ശോ​ധി​ക്ക​പ്പെ​ട​ണം. മ​ണി​പ്പൂ​ർ പ്ര​തി​സ​ന്ധി​യു​ടെ വി​വി​ധ മാ​ന​ങ്ങ​ൾ പ​രി​ശോ​ധി​ക്കു​ന്ന ഒ​രു സം​യു​ക്ത പാ​ർ​ല​മെ​ന്റ​റി സ​മി​തി​യെ​ക്കൊ​ണ്ട് മാ​ത്ര​മേ അ​ത് നി​ർ​വ​ഹി​ക്കാ​നാ​വൂ, അ​ല്ലാ​തെ രാ​ഷ്ട്ര​പ​തി ഭ​ര​ണം കൊ​ണ്ട് അ​ത് സാ​ധ്യ​മാ​വി​ല്ല.

(ഡ​ൽ​ഹി ജെ.​എ​ൻ.​യു​വി​ൽ അ​ധ്യാ​പ​ക​നും മ​ണി​പ്പൂ​രി​ൽ നി​ന്നു​ള്ള ലോ​ക്സ​ഭാം​ഗ​വു​മാ​ണ്)