തി​രു​ന​ബി ന​ന്മ​യു​ടെ വി​ള​ക്കു​മാ​ടം

വാ​ക്കു​ക​ൾ​കൊ​ണ്ടും കൈ​കൊ​ണ്ടും മ​നു​ഷ്യ​രെ ദ്രോ​ഹി​ക്കു​ന്ന​വ​ൻ എ​ന്റെ അ​നു​യാ​യി അ​ല്ലെ​ന്ന് പ്ര​വാ​ച​ക​ൻ പ​ഠി​പ്പി​ച്ചു. ജീ​വി​ത​ത്തി​ന്റെ അ​വ​സാ​ന കാ​ല​യ​ള​വി​ൽ ന​ട​ന്ന അ​റ​ഫ പ്ര​ഭാ​ഷ​ണ​ത്തി​ൽ മ​നു​ഷ്യാ​വ​കാ​ശ​ങ്ങ​ളെ​ക്കു​റി​ച്ച് ത​ന്റെ അ​നു​യാ​യി​വൃ​ന്ദ​ത്തി​ന് കൃ​ത്യ​മാ​യ ബോ​ധ​വ​ത്ക​ര​ണം ന​ൽ​കി. ഏ​തൊ​രാ​ളു​ടെ​യും ജീ​വ​നും അ​ഭി​മാ​ന​വും വ​ലു​താ​ണെ​ന്ന് പ​ഠി​പ്പി​ച്ചു. ആ​രു​ടെ​യും ധ​നം അ​പ​ഹ​രി​ക്കാ​ൻ പാ​ടി​ല്ലെ​ന്ന് ഉ​ണ​ർ​ത്തി. ന​ന്മ നി​റ​ഞ്ഞ ജീ​വി​ത​മാ​ണ് ശ​രി​യാ​യ വ​ഴി​യെ​ന്ന് പ്ര​ഖ്യാ​പി​ച്ചു. ഈ ​പ്ര​ഖ്യാ​പ​ന​ങ്ങ​ളി​ലു​ട​നീ​ളം മ​നു​ഷ്യ​ന്റെ ജീ​വി​ത ദൗ​ത്യ​മാ​യി പ​ര​സ്പ​ര സ്നേ​ഹ​ത്തെ​യും ബ​ഹു​മാ​ന​ത്തെ​യും സാ​മൂ​ഹി​ക നീ​തി​യെ​യും പ​രാ​മ​ർ​ശി​ച്ച​താ​യി കാ​ണാം

ലോ​ക​ർ​ക്കാ​കെ അ​നു​ഗ്ര​ഹ​മാ​യാ​ണ് തി​രു​ന​ബി നി​യോ​ഗി​ക്ക​പ്പെ​ട്ട​തെ​ന്നാ​ണ് ഖു​ർ​ആ​ൻ അ​ധ്യാ​പ​നം. ജ​ന്മം​കൊ​ണ്ടും സാ​ന്നി​ധ്യ​ത്താ​ലും ഇ​ട​പെ​ട​ലു​ക​ൾ​കൊ​ണ്ടും ചു​റ്റു​മു​ള്ള​വ​ർ​ക്കാ​കെ ന​ന്മ​യു​ടെ വെ​ളി​ച്ചം വി​ത​റു​ക​യും സ​മൂ​ഹ​ത്തെ​യാ​ക​മാ​നം ന​വീ​ക​രി​ക്കു​ക​യും ചെ​യ്ത​തി​ലൂ​ടെ​യാ​ണ് ന​ബി​ജീ​വി​തം എ​ക്കാ​ല​വും ഓ​ർ​ക്ക​പ്പെ​ടു​ന്ന​ത്. അ​ത്ത​രം ന​ന്മ​നി​റ​ഞ്ഞ പാ​ഠ​ങ്ങ​ളു​ടെ ആ​ഘോ​ഷ​മാ​ണ് ഓ​രോ ന​ബി​ദി​ന​വും.

14 നൂ​റ്റാ​ണ്ട് ക​ഴി​ഞ്ഞി​ട്ടും ഈ ​ത​ല​മു​റ​യെ ന​വീ​ക​രി​ച്ചു​കൊ​ണ്ടി​രി​ക്കു​ന്ന, ഇ​നി​യും ആ​യി​ര​ക്ക​ണ​ക്കി​ന് നൂ​റ്റാ​ണ്ട് ലോ​കം നി​ല​നി​ൽ​ക്കു​ക​യാ​ണെ​ങ്കി​ൽ​പോ​ലും അ​പ്പോ​ഴും പ്ര​സ​ക്ത​മാ​വു​ന്ന ന​ബി​വ​ച​ന​ങ്ങ​ളെ അ​ടു​ത്ത​റി​യു​ക​യും അ​നു​ധാ​വ​നം ചെ​യ്യു​ക​യു​മാ​ണ് ന​ല്ല മ​നു​ഷ്യ​രാ​വാ​ൻ ന​മ്മെ പ്ര​ചോ​ദി​പ്പി​ക്കു​ക.

വ​ർ​ത്ത​മാ​ന​കാ​ല​ത്ത് നി​ന്നു​കൊ​ണ്ട് ച​രി​ത്ര​ത്തി​ൽ ന​ബി​യു​ടെ ഇ​ട​മെ​ന്താ​ണെ​ന്നും ഭാ​വി​യി​ൽ എ​ങ്ങ​നെ​യാ​ണ് അ​വി​ട​ന്ന് ഇ​ട​പെ​ടു​ന്ന​ത് എ​ന്നു​മെ​ല്ലാം ആ​ലോ​ച​ന​ക​ൾ ന​ട​ത്തു​മ്പോ​ൾ ഇ​വ​യു​ടെ അ​ർ​ഥ​വ്യാ​പ്തി അ​റി​യാം.

പ്ര​വാ​ച​ക നി​യോ​ഗ​ത്തി​ന് മു​മ്പ് മ​ക്ക​യി​ലെ ജ​ന​ങ്ങ​ൾ​ക്കി​ട​യി​ൽ, വി​ശ്വ​സ്ത​ൻ എ​ന്ന​ർ​ഥം വ​രു​ന്ന ‘അ​ൽ​അ​മീ​ൻ’ എ​ന്ന പേ​രി​ലാ​യി​രു​ന്നു മു​ഹ​മ്മ​ദ് ന​ബി അ​റി​യ​പ്പെ​ട്ടി​രു​ന്ന​ത്. ജ​ന​ങ്ങ​ൾ അ​വ​രു​ടെ വി​ല​പി​ടി​പ്പു​ള്ള വ​സ്‌​തു​ക്ക​ൾ സൂ​ക്ഷി​ക്കാ​ൻ വേ​ണ്ടി ന​ബി​യെ ഏ​ൽ​പി​ച്ചി​രു​ന്നു.

പ്ര​വാ​ച​ക​നി​ൽ അ​വ​ർ​ക്കു​ള്ള വി​ശ്വാ​സ​ത്തി​ന്റെ ആ​ഴ​ത്തെ​യാ​ണ് ഇ​ത് സൂ​ചി​പ്പി​ക്കു​ന്ന​ത്. അ​വ​ർ​ക്കി​ട​യി​ൽ ഒ​രാ​ൾ​പോ​ലും ന​ബി ക​ള​വ് പ​റ​ഞ്ഞ​താ​യി കേ​ട്ടി​ട്ടി​ല്ല. ശാ​മി​ൽ പോ​യി ക​ച്ച​വ​ടം ന​ട​ത്തു​മ്പോ​ഴും ഈ ​സ്വ​ഭാ​വ​ഗു​ണ​ങ്ങ​ൾ സൂ​ക്ഷി​ക്കാ​ൻ ന​ബി​ക്ക് സാ​ധി​ച്ചി​രു​ന്നു.

ഈ ​ഹൃ​ദ​യ​വി​ശു​ദ്ധി​യു​ടെ പ്ര​യോ​ഗ​ങ്ങ​ളാ​ണ് ന​ബി​യു​ടെ ജീ​വി​ത​ത്തെ ഇ​ന്നും ജ​ന​ങ്ങ​ൾ​ക്ക് മാ​തൃ​ക​യോ​ഗ്യ​മാ​ക്കി​യ​ത്. പ്ര​വാ​ച​ക നി​യോ​ഗ​മു​ണ്ടാ​യ സ​മ​യ​ത്ത് ഭാ​ര്യ ഖ​ദീ​ജ ബീ​വി മു​ഹ​മ്മ​ദ് ന​ബി​യെ ചേ​ർ​ത്തു​പി​ടി​ക്കു​ന്ന​ത് ഈ ​സ്വ​ഭാ​വ​ഗു​ണ​ങ്ങ​ൾ എ​ണ്ണി​പ്പ​റ​ഞ്ഞാ​യി​രു​ന്നു. കു​ടും​ബ​ബ​ന്ധം ചേ​ർ​ക്കു​ക, ദ​രി​ദ്ര​രെ സ​ഹാ​യി​ക്കു​ക, അ​തി​ഥി​ക​ളെ സ​ൽ​ക്ക​രി​ക്കു​ക, സു​ഹൃ​ത്തി​ന്റെ പ്ര​യാ​സ​ങ്ങ​ൾ നീ​ക്കി​ക്കൊ​ടു​ക്കു​ക തു​ട​ങ്ങി​യ ന​ബി​യു​ടെ സ്വ​ഭാ​വ​ഗു​ണ​ങ്ങ​ൾ ഖ​ദീ​ജ ബീ​വി എ​ണ്ണി​പ്പ​റ​ഞ്ഞി​രു​ന്നു.

ചു​റ്റു​മു​ള്ള ജ​ന​ങ്ങ​ളോ​ട് സ്നേ​ഹ​വും ക​രു​ത​ലു​മു​ണ്ടാ​കു​ന്ന സ​മ​യ​ത്ത് ഒ​രു മ​നു​ഷ്യ​നു​ണ്ടാ​കു​ന്ന സ്വ​സ്ഥ​ത​യെ​യാ​ണ് ഇ​ത് സൂ​ചി​പ്പി​ക്കു​ന്ന​ത്. ഈ ​സ്വ​ഭാ​വ​ഗു​ണ​ങ്ങ​ൾ ഉ​ൾ​ച്ചേ​ർ​ന്നു​കി​ട​ക്കു​ന്ന മ​നു​ഷ്യ​നാ​കു​മ്പോ​ഴാ​ണ് ന​മ്മു​ടെ ജീ​വി​ത നി​യോ​ഗം പൂ​ർ​ണ​മാ​കു​ന്ന​തെ​ന്നും ആ ​ജീ​വി​തം വ​ഴി കാ​ണി​ച്ചു​ത​രു​ന്നു​ണ്ട്.

പ്ര​ഭാ​ഷ​ണ​ങ്ങ​ൾ​ക്കും ആ​ജ്ഞ​ക​ൾ​ക്കു​മെ​ല്ലാം മു​മ്പ് അ​വി​ടു​ന്ന് ജീ​വി​തം​കൊ​ണ്ടാ​ണ് ജ​ന​ങ്ങ​ളെ സം​സ്ക​രി​ച്ച​ത്. ഒ​ന്നു​കൂ​ടി വ്യ​ക്ത​മാ​ക്കി പ​റ​ഞ്ഞാ​ൽ സാ​ന്നി​ധ്യം​കൊ​ണ്ട്. ഒ​ന്നാ​ലോ​ചി​ച്ചു​നോ​ക്കൂ, കേ​വ​ല സാ​ന്നി​ധ്യം​കൊ​ണ്ടു മാ​ത്രം ഒ​രു സ​മൂ​ഹ​ത്തെ പ​രി​വ​ർ​ത്തി​പ്പി​ക്കാ​ൻ ക​ഴി​യു​ക എ​ന്ന​തി​ന്റെ ശ​ക്തി! ചു​രു​ക്കി​പ്പ​റ​ഞ്ഞാ​ൽ, സ്വ​യം ന​ന്മ​യു​ടെ വി​ള​ക്കു​മാ​ട​മാ​യി മാ​റു​ക എ​ന്ന​താ​ണ് ​​പ്ര​വാ​ച​ക​നി​ൽ​നി​ന്ന് ന​മു​ക്ക് പ​ഠി​ക്കാ​നു​ള്ള ആ​ദ്യ​പാ​ഠ​ങ്ങ​ളി​ലൊ​ന്ന്.

ആ ​ജീ​വി​തം ഏ​റ്റ​വും അ​ടു​ത്തു​നി​ന്ന് വീ​ക്ഷി​ച്ച​വ​രി​ലൊ​രാ​ൾ, ബീ​വി ആ​ഇ​ശ പ​റ​ഞ്ഞ​ത്, ഖു​ർ​ആ​ൻ ആ​ണ് അ​വി​ട​ത്തെ സ്വ​ഭാ​വം എ​ന്നാ​ണ​ല്ലോ. എ​ത്ര വി​ശാ​ല​മാ​ണ് ഇ​തി​ന്റെ അ​ർ​ഥ​ത​ല​ങ്ങ​ൾ; ഖു​ർ​ആ​ൻ​പോ​ലെ സു​ന്ദ​രം, സ​മ്പൂ​ർ​ണം, സാ​ര​സം തു​ട​ങ്ങി എ​ല്ലാം. ഒ​രു വി​ശ്വാ​സി ഏ​തൊ​രു പ്ര​ശ്ന​ത്തെ സ​മീ​പി​ക്കു​മ്പോ​ഴും സ്വീ​ക​രി​ക്കേ​ണ്ട ഒ​രു ഫോ​ർ​മു​ല​യാ​ണി​ത്. സ്വ​ന്ത​ത്തി​ലേ​ക്ക് നോ​ക്കാ​ൻ അ​നേ​കം നി​ർ​ദേ​ശ​ങ്ങ​ൾ ഖു​ർ​ആ​നും ഹ​ദീ​സും വേ​റെ​യും ഏ​റെ ന​ൽ​കു​ന്നു​ണ്ട​ല്ലോ.

പ്ര​ത്യ​ക്ഷ​ത്തി​ൽ​ത​ന്നെ മു​ഹ​മ്മ​ദ് ന​ബി പ്ര​യോ​ഗി​ച്ച പ​രി​ഹാ​ര​ങ്ങ​ൾ വേ​റെ​യു​മു​ണ്ട്. മ​ദ്യം നി​രോ​ധി​ച്ച സം​ഭ​വം നോ​ക്കൂ, ഘ​ട്ടം​ഘ​ട്ട​മാ​യി ആ​യി​രു​ന്നു അ​ത്. അ​വ​സാ​ന​മെ​ത്തി​യ​പ്പോ​ൾ സ​മ്പൂ​ർ​ണ മ​ദ്യ നി​രോ​ധ​നം സാ​ധ്യ​മാ​ക്കി. അ​ടി​മ​ത്ത​മെ​ന്ന സ​ഹ​സ്രാ​ബ്ധ​ങ്ങ​ളാ​യി സ​മൂ​ഹ​ത്തി​ൽ വേ​രു​റ​ച്ച ഒ​ന്നി​നെ എ​ങ്ങ​നെ​യാ​ണ് ​പ്ര​വാ​ച​ക​ൻ ചി​കി​ത്സി​ച്ച​ത്, അ​ടി​മ മോ​ച​ന​ത്തെ പ്രോ​ത്സാ​ഹി​പ്പി​ച്ചു​കൊ​ണ്ടാ​യി​രു​ന്നു അ​ത്.

നി​ല​വി​ലു​ള്ള വ്യ​വ​സ്ഥി​തി​യെ പാ​ടേ മ​റി​ച്ചി​ടു​ന്ന​തി​ന് പ​ക​രം അ​തി​ന്റെ പ​രി​ഹാ​ര​ക്രി​യ​യെ ജ​ന​കീ​യ​മാ​ക്കു​ക എ​ന്ന​താ​ണ് പ്ര​വാ​ച​ക​ൻ ഇ​വി​ടെ ചെ​യ്ത​ത്. അ​ങ്ങ​നെ അ​ടി​മ​മോ​ച​നം എ​ന്ന​ത് ഒ​രു സം​സ്കാ​ര​മാ​ക്കി വ​ള​ർ​ത്തി​യെ​ടു​ത്തു.

എ​ന്നാ​ൽ, എ​ല്ലാ​യി​ട​ത്തും ഇ​തു​പോ​ലെ​യാ​ണോ, അ​ല്ല. സ്ത്രീ​യോ​ട് മ​നു​ഷ്യ​ത്വ വി​രു​ദ്ധ​മാ​യി മാ​ത്രം പെ​രു​മാ​റി​യ അ​ന്ന​ത്തെ ജ​ന​ത​യോ​ട് പെ​ൺ​കു​ഞ്ഞു​ണ്ടാ​യാ​ൽ കു​ഴി​ച്ചു​മൂ​ടു​ന്ന​തി​നെ​തി​രെ ആ​ഞ്ഞ​ടി​ച്ചു പ്ര​വാ​ച​ക​ൻ. പെ​ൺ​കു​ട്ടി​ക​ളെ പ​രി​പാ​ലി​ച്ചു വ​ള​ർ​ത്തു​ന്ന​വ​ർ​ക്ക് സ്വ​ർ​ഗം വാ​ഗ്ദാ​നം ചെ​യ്തു.

പ​ര​സ്പ​രം ചെ​റി​യ കാ​ര്യ​ങ്ങ​ൾ​ക്ക് കാ​ല​ങ്ങ​ളോ​ളം ക​ല​ഹി​ച്ച​വ​ർ​ക്ക് മു​ന്നി​ൽ വ​ർ​ഗ, വ​ർ​ണ വ്യ​ത്യാ​സ​ങ്ങ​ൾ​ക്ക​തീ​ത​മാ​യ ഒ​രു സാ​ഹോ​ദ​ര്യ​ത്തെ ന​ബി കാ​ണി​ച്ചു​കൊ​ടു​ത്തു. പി​ന്നീ​ട​വ​ർ സാ​ഹോ​ദ​ര്യം പ്ര​ക​ടി​പ്പി​ക്കാ​ൻ മ​ത്സ​രി​ക്കു​ക​യാ​യി​രു​ന്നു. എ​ത്ര​ത​വ​ണ​യാ​ണ് പ്ര​വാ​ച​ക​ൻ സാ​ഹോ​ദ​ര്യ​ത്തെ​ക്കു​റി​ച്ച് ഉ​ദ്ബോ​ധി​പ്പി​ച്ച​ത്.

സ​ർ​വ വി​ശ്വാ​സി​ക​ളും സ​ഹോ​ദ​ര​ങ്ങ​ളാ​ണെ​ന്ന്, അ​വ​ർ കെ​ട്ടി​ട​ത്തി​ന്റെ ക​ല്ലു​ക​ൾ​പോ​ലെ​യാ​ണെ​ന്ന്, നി​ങ്ങ​ൾ ചെ​യ്യു​ന്ന ഒ​രു കാ​ര്യം നി​ങ്ങ​ളു​ടെ സ​ഹോ​ദ​ര​ന് പ്ര​യാ​സ​മാ​കാ​തി​രു​ന്നാ​ൽ മാ​ത്രം പോ​രാ, അ​വ​ന​ത് ഇ​ഷ്ട​മു​ണ്ടാ​വു​ക​കൂ​ടി വേ​ണ​മെ​ന്ന്, ത​ന്റെ സ​ഹോ​ദ​ര​നെ സ​ഹാ​യി​ച്ചാ​ൽ ദൈ​വം സ​ഹാ​യി​ക്കു​മെ​ന്ന്, ഇ​ങ്ങ​നെ തു​ട​ങ്ങി അ​നേ​കം പാ​ഠ​ങ്ങ​ൾ.

പ്ര​തി​കാ​ര ന​ട​പ​ടി​ക​ളെ​ക്കു​റി​ച്ച് പ​റ​യു​ന്നി​ട​ത്തു​പോ​ലും എ​തി​രെ നി​ൽ​ക്കു​ന്ന​വ​രോ​ട് പൊ​റു​ക്കാ​ൻ മ​ന​സ്സ് കാ​ണി​ച്ചാ​ൽ അ​താ​ണ് ദൈ​വ​ഭ​ക്തി​യോ​ട് ഏ​റ്റ​വും ചേ​ർ​ന്നു​നി​ൽ​ക്കു​ന്ന​ത് എ​ന്നു​പോ​ലും പ​റ​ഞ്ഞു. ത​ന്റെ പ്ര​തി​കാ​ര​ത്തെ​ക്കാ​ളും വി​കാ​ര​ത്തേ​ക്കാ​ളു​മെ​ല്ലാം സ​ഹോ​ദ​ര​ന് മു​ൻ​ഗ​ണ​ന ന​ൽ​കു​ക. ഈ ​മു​ൻ​ഗ​ണ​ന (ഈ​സാ​ർ) ആ​ണ് ഇ​സ്‌​ലാ​മി​ക സ്വ​ഭാ​വ, സാം​സ്കാ​രി​ക മൂ​ല്യ​ങ്ങ​ളു​ടെ അ​തി​മ​നോ​ഹ​ര​മാ​യ അ​ടി​ക്ക​ല്ലാ​യി വാ​യി​ക്ക​പ്പെ​ടു​ന്ന​ത്.

പ്ര​വാ​ച​ക​ന്റെ സാ​മൂ​ഹി​ക ഇ​ട​പെ​ട​ലു​ക​ൾ ക്ഷേ​മ​ബ​ന്ധി​ത​മാ​യി​രു​ന്നു. വാ​ക്കു​ക​ൾ​കൊ​ണ്ടും കൈ​കൊ​ണ്ടും മ​നു​ഷ്യ​രെ ദ്രോ​ഹി​ക്കു​ന്ന​വ​ൻ എ​ന്റെ അ​നു​യാ​യി അ​ല്ലെ​ന്ന് പ്ര​വാ​ച​ക​ൻ പ​ഠി​പ്പി​ച്ചു. ജീ​വി​ത​ത്തി​ന്റെ അ​വ​സാ​ന കാ​ല​യ​ള​വി​ൽ ന​ട​ന്ന അ​റ​ഫ പ്ര​ഭാ​ഷ​ണ​ത്തി​ൽ മ​നു​ഷ്യാ​വ​കാ​ശ​ങ്ങ​ളെ​ക്കു​റി​ച്ച് ത​ന്റെ അ​നു​യാ​യി​വൃ​ന്ദ​ത്തി​ന് കൃ​ത്യ​മാ​യ ബോ​ധ​വ​ത്ക​ര​ണം ന​ൽ​കി. ഏ​തൊ​രാ​ളു​ടെ​യും ജീ​വ​നും അ​ഭി​മാ​ന​വും വ​ലു​താ​ണെ​ന്ന് പ​ഠി​പ്പി​ച്ചു.

ആ​രു​ടേ​യും ധ​നം അ​പ​ഹ​രി​ക്കാ​ൻ പാ​ടി​ല്ലെ​ന്ന് ഉ​ണ​ർ​ത്തി. ന​ന്മ നി​റ​ഞ്ഞ ജീ​വി​ത​മാ​ണ് ശ​രി​യാ​യ വ​ഴി​യെ​ന്ന് പ്ര​ഖ്യാ​പി​ച്ചു. ഈ ​പ്ര​ഖ്യാ​പ​ന​ങ്ങ​ളി​ലു​ട​നീ​ളം മ​നു​ഷ്യ​ന്റെ ജീ​വി​ത ദൗ​ത്യ​മാ​യി പ​ര​സ്പ​ര സ്നേ​ഹ​ത്തേ​യും ബ​ഹു​മാ​ന​ത്തേ​യും സാ​മൂ​ഹി​ക നീ​തി​യെ​യും പ​രാ​മ​ർ​ശി​ച്ച​താ​യി കാ​ണാം.

സ്ര​ഷ്ടാ​വി​നോ​ടും സ്വ​ന്ത​ത്തോ​ടും സ​മൂ​ഹ​ത്തോ​ടും സ​ത്യ​സ​ന്ധ​രാ​കാ​നു​ള്ള ആ​ഹ്വാ​ന​മാ​ണ് ന​ബി പ​ക​ർ​ന്ന മ​ഹാ മൂ​ല്യ​ങ്ങ​ളി​ൽ മ​റ്റൊ​ന്ന്. ത​ല പോ​യാ​ലും ക​ള​വ് പ​റ​ഞ്ഞു​കൂ​ടാ എ​ന്ന​ത് ഒ​രു വി​ശ്വാ​സി​യു​ടെ പ്രാ​ഥ​മി​ക ബോ​ധ​മാ​വു​ന്ന​ത് അ​ങ്ങ​നെ​യാ​ണ്.

വ​ഞ്ച​ന കാ​ണി​ക്കു​ന്ന​വ​ർ ന​മ്മി​ൽ പെ​ട്ട​വ​ന​ല്ലെ​ന്ന് പ​റ​ഞ്ഞ് ആ ​ഹീ​ന​കൃ​ത്യം ചെ​യ്യു​ന്ന​വ​രെ ഈ ​മ​ഹ​ത്താ​യ സൗ​ഹൃ​ദ വ​ല​യ​ത്തി​ൽ​നി​ന്നു​ത​ന്നെ അ​വി​ടു​ന്ന് പു​റ​ത്താ​ക്കു​ന്നു​ണ്ട്. ഇ​രു​ലോ​ക​ത്തും ഏ​റെ ആ​വ​ശ്യം​വ​രു​ന്ന ഈ ​സൗ​ഹൃ​ദ വ​ല​യ​ത്തെ ആ​രെ​ങ്കി​ലും കേ​വ​ല ഭൗ​തി​ക ലാ​ഭ​ത്തി​നു വേ​ണ്ടി ഉ​പേ​ക്ഷി​ക്കി​ല്ല​ല്ലോ.

വൈ​യ​ക്തി​ക​വും സാ​മൂ​ഹി​ക​വു​മാ​യ അ​നേ​കം പ്ര​ശ്ന​ങ്ങ​ളു​ടെ ന​ടു​വി​ലാ​ണ് നാം. ​ന​മു​ക്ക് പ​രി​ഹാ​ര​മാ​യി ന​ബി​ച​ര്യ​ക​ൾ കൂ​ടെ​യു​ണ്ടെ​ന്ന് എ​പ്പോ​ൾ തി​രി​ച്ച​റി​യു​ന്നു​വോ അ​പ്പോ​ൾ മു​ത​ൽ നാം ​ക്രി​യാ​ത്മ​ക​മാ​യ ഒ​രു സ​മൂ​ഹ​മാ​യി മാ​റും. പ​റ​ഞ്ഞു​ന​ട​ക്കാ​ൻ മാ​ത്ര​മ​ല്ല, പ്രാ​വ​ർ​ത്തി​ക​മാ​ക്കാ​ൻ​കൂ​ടി​യാ​ണ് അ​വ​യെ​ല്ലാം.

നാം ​ഇ​ങ്ങ​നെ​യെ​ല്ലാം പ്ര​യാ​സ​ത്തി​ലാ​കു​ന്ന ഒ​രു കാ​ലം വ​രു​മെ​ന്ന് ദീ​ർ​ഘ​ദ​ർ​ശ​നം ചെ​യ്തു​കൊ​ണ്ടു​ത​ന്നെ​യാ​ണ് തി​രു​ന​ബി ഇ​തെ​ല്ലാം പ​ഠി​പ്പി​ച്ച​തും. നി​ങ്ങ​ളി​ൽ ഞാ​ൻ ര​ണ്ടു കാ​ര്യ​ങ്ങ​ൾ വി​ട്ടേ​ച്ചു പോ​കു​ന്നു എ​ന്ന് അ​വി​ടു​ന്ന് പ​റ​ഞ്ഞ​ല്ലോ. ഒ​ന്ന് വി​ശു​ദ്ധ ഖു​ർ​ആ​നാ​ണ്; മ​റ്റൊ​ന്ന് അ​വി​ട​ത്തെ ച​ര്യ​ക​ളും.

ഉ​ദാ​ത്ത​മാ​യ ഈ ​സ്വ​ഭാ​വ​ഗു​ണ​ങ്ങ​ളു​ടെ കൈ​മാ​റ്റ​മാ​ണ് മു​ഹ​മ്മ​ദ് ന​ബി​യു​ടെ ദൗ​ത്യ​ത്തെ മ​നോ​ഹ​ര​മാ​ക്കു​ന്ന​ത്. അ​തി​ലൂ​ടെ​യാ​ണ് ലോ​കം തി​രു​ന​ബി​യെ വാ​യി​ക്കു​ന്ന​തും. ചു​റ്റു​മു​ള്ള മ​നു​ഷ്യ​രു​ടെ വേ​ദ​ന​യ​റി​യു​ന്ന മ​നു​ഷ്യ​നാ​വു​ക, അ​വ​ർ​ക്കെ​ല്ലാം വെ​ട്ടം വി​ത​റു​ക എ​ന്ന​താ​ണ് മു​ഹ​മ്മ​ദ് ന​ബി​യു​ടെ ജീ​വി​തം ന​മ്മെ ബോ​ധ്യ​പ്പെ​ടു​ത്തു​ന്ന​ത്.

(കേ​ര​ള സം​സ്ഥാ​ന ഹ​ജ്ജ് ക​മ്മി​റ്റി ചെ​യ​ർ​മാ​നും മ​ർ​ക​സ് ഡ​യ​റ​ക്ട​ർ ജ​ന​റ​ലു​മാ​ണ് ലേ​ഖ​ക​ൻ)