പു​ത്തു​മ​ല​യി​ലെ ചോ​രു​ന്ന പു​ന​ര​ധി​വാ​സം

ചെ​റി​യ കു​ടും​ബ​ങ്ങ​ളാ​യാ​ലും വ​ലി​യ കു​ടും​ബ​ങ്ങ​ളാ​യാ​ലും ഒ​രേ രൂ​പ​രേ​ഖയി​ലു​ള്ള വീ​ടു​ക​ളാ​ണ് എ​ല്ലാ​വ​ർ​ക്കും. ഇ​തി​നാ​ൽ പ​ത്ത് അം​ഗ​ങ്ങ​ളു​ള്ള കു​ടും​ബ​ങ്ങ​ൾ പോ​ലും ഇ​വി​ടെ ഞെ​രു​ങ്ങി​ക്ക​ഴി​യു​ന്നു

മു​ണ്ട​ക്കൈ ദു​ര​ന്ത അ​തി​ജീ​വി​ത​രു​ടെ പു​ന​ര​ധി​വാ​സ ച​ർ​ച്ച​ക​ൾ ന​ട​ക്കു​മ്പോ​ൾ ഇ​വി​ടെ നി​ന്ന് മൂ​ന്ന് കി​ലോ മീ​റ്റ​ർ മാ​ത്രം അ​ക​ലെ​യു​ള്ള പു​ത്തു​മ​ല എ​ന്ന ദേ​ശം ഓ​ർ​മ​യി​ലെ​ത്തു​ന്നു. 2019 ആ​ഗ​സ്റ്റ് എ​ട്ടി​ന് അ​താ​യ​ത് മു​ണ്ട​ക്കൈ ഉ​രു​ൾ​പൊ​ട്ട​ലി​ന് അ​ഞ്ചു​വ​ർ​ഷം മു​മ്പ് പു​ത്തു​മ​ല​യി​ലു​ണ്ടാ​യ ഉ​രു​ൾ ദു​ര​ന്ത​ത്തി​ൽ 17 പേ​രാ​ണ് മ​രി​ച്ച​ത്. അ​ഞ്ചു​പേ​രു​ടെ മൃ​ത​ദേ​ഹം ഇ​നി​യും ക​ണ്ടെ​ത്താ​നാ​യി​ട്ടി​ല്ല. ഇ​വി​ടെ​യു​ള്ള പ​ച്ച​ക്കാ​ട് ഉ​രു​ള്‍പൊ​ട്ടി താ​ഴ്വാ​ര​ത്തെ പു​ത്തു​മ​ല ഒ​ന്നാ​കെ ഇ​ല്ലാ​താ​വു​​​ക​യാ​യി​രു​ന്നു. 58 വീ​ടു​ക​ള്‍ പൂ​ര്‍ണ​മാ​യും 22 വീ​ടു​ക​ള്‍ ഭാ​ഗി​ക​മാ​യും ത​ക​ര്‍ന്നു. പു​ത്തു​മ​ല മു​തി​ര​ത്തൊ​ടി ഹം​സ (58), പ​ച്ച​ക്കാ​ട് നാ​ച്ചി വീ​ട്ടി​ല്‍ അ​വ​റാ​ന്‍ (62), പ​ച്ച​ക്കാ​ട് ക​ണ്ണ​ന്‍കാ​ട​ന്‍ അ​ബൂ​ബ​ക്ക​ര്‍ (62), പു​ത്തു​മ​ല എ​സ്റ്റേ​റ്റി​ലെ അ​ണ്ണ​യ്യ (54), പ​ച്ച​ക്കാ​ട് എ​ട​ക്ക​ണ്ട​ത്തി​ല്‍ ന​ബീ​സ (74) എ​ന്നി​വ​രെ​യാ​ണ് ഇ​നി​യും ക​ണ്ടെ​ത്താ​നാ​കാ​ത്ത​ത്.

അ​റി​യ​ണം വീ​ടു​ക​ളു​ടെ അ​വ​സ്ഥ

പു​ത്തു​മ​ല​യി​ൽ വീ​​ടും കി​​ട​​പ്പാ​​ട​​വും പൂ​​ർ​​ണ​​മാ​​യി ന​​ഷ്ട​​പ്പെ​​ട്ട​ 120 പേ​രു​ടെ പു​​ന​​ര​​ധി​​വാ​​സ​​ത്തി​​നാ​​യി മേ​പ്പാ​ടി​ക്ക​ടു​ത്ത പൂ​ത്ത​ക്കൊ​ല്ലി​യി​ലാ​ണ് സ​ർ​ക്കാ​ർ ‘ഹ​​ർ​​ഷം’ പ​​ദ്ധ​​തി ത​യാ​റാ​ക്കി​യ​ത്. ‘മാ​തൃ​ഭൂ​മി’ ട്ര​സ്റ്റ് ന​ൽ​കി​യ ഏ​ഴേ​ക്ക​റി​ൽ 52 വീ​ടു​ക​ൾ നി​ർ​മി​ക്കാ​നാ​യി​രു​ന്നു ല​ക്ഷ്യ​മെ​ങ്കി​ലും 49 എ​ണ്ണ​മേ പൂ​ർ​ത്തി​യാ​യു​ള്ളൂ. മ​ല​ബാ​ർ ഗോ​ൾ​ഡ് ആ​ൻ​ഡ് ഡ​യ​മ​ണ്ട്സ് ഗ്രൂ​പ് (16), പീ​പ്ൾ​സ് ഫൗ​ണ്ടേ​ഷ​ൻ (10), സാ​ന്ത്വ​നം (ആ​റ്), ആ​ക്ട് ഓ​ൺ ഗ്ലോ​ബ​ൽ (അ​ഞ്ച്), ത​ണ​ൽ (അ​ഞ്ച്), ഹ്യൂ​മ​ൻ റൈ​റ്റ്സ് പ്രൊ​ട്ട​ക്ഷ​ൻ മി​ഷ​ൻ (അ​ഞ്ച്), മൈ​ജി, ജി ​ടെ​ക് (ഒ​ന്ന്), അ​ബ്ദു​ൽ സ​ലീം (ഒ​ന്ന്), മു​ഹ​മ്മ​ദു​ണ്ണി ഓ​ല​ക്ക​ര (ഒ​ന്ന്) എ​ന്നി​ങ്ങ​നെ സ​ന്ന​ദ്ധ​സം​ഘ​ട​ന​ക​ളും വ്യ​വ​സാ​യ ഗ്രൂ​പ്പു​ക​ളും വ്യ​ക്തി​ക​ളു​മാ​ണ് വീ​ടു​ക​ൾ നി​ർ​മി​ച്ചു​ന​ൽ​കി​യ​ത്. കു​ടി​വെ​ള്ള പ​ദ്ധ​തി​ക്കു​ള്ള കി​ണ​ർ മ​ർ​ക​സും വാ​ട്ട​ർ ടാ​ങ്ക്, പൈ​പ്പ് ക​ണ​ക്ഷ​ൻ, പ്ര​വേ​ശ​ന​ക​വാ​ടം എ​ന്നി​വ മ​ല​ബാ​ർ ഗ്രൂ​പ്പും ന​ൽ​കി. റോ​ഡ്, അ​ഴു​ക്കു​ചാ​ൽ ശൃം​ഖ​ല തു​ട​ങ്ങി​യ​വ​യും സ​ന്ന​ദ്ധ​സം​ഘ​ട​ന​ക​ളും സ്ഥാ​പ​ന​ങ്ങ​ളു​മാ​ണ് പൂ​ർ​ത്തി​യാ​ക്കി​യ​ത്.

ഏ​ഴ് സെ​ന്റി​ൽ ര​ണ്ട് കി​ട​പ്പ് റൂം, ​അ​ടു​ക്ക​ള, സി​റ്റ്ഔ​ട്ട്, ഹാ​ൾ, ടോ​യ്‍ല​റ്റ് എ​ന്നീ സൗ​ക​ര്യ​ത്തോ​ടെ 690 സ്ക്വ​യ​ർ ഫീ​റ്റി​ലാ​ണ് വീ​ടു​ക​ൾ. എ​ല്ലാം ഒ​രേ പ്ലാ​നി​ൽ. മു​ൻ​ഭാ​ഗം ഓ​ടു​പാ​കി​യും ബാ​ക്കി ഭാ​ഗം കോ​ൺ​ക്രീ​റ്റി​ട്ടു​മാ​ണ് വീ​ടു​ക​ളൊ​രു​ക്കി​യ​ത്. കോ​ൺ​ക്രീ​റ്റ് ക​ഴി​ഞ്ഞ​യു​ട​ൻ ടെ​റ​സി​ൽ ഭി​ത്തി​കെ​ട്ടി ബാ​ക്കി​വ​രു​ന്ന ഭാ​ഗം ചെ​രി​ച്ച് ഓ​ട് പാ​കി. വീ​ടി​ന്റെ പ്ലാ​ൻ അ​ശാ​സ്ത്രീ​യ​മാ​ണെ​ന്ന് അ​ന്നു​ത​ന്നെ സ​ന്ന​ദ്ധ​സം​ഘ​ട​ന​ക​ൾ സ​ർ​ക്കാ​റി​ന്റെ ​ശ്ര​ദ്ധ​യി​ൽ​പെ​ടു​ത്തി​യി​രു​ന്നു. എ​ന്നാ​ൽ, ഉ​യ​ർ​ന്ന പ്ര​ദേ​ശ​മാ​യ​തി​നാ​ൽ ഇ​തു​ത​ന്നെ വേ​ണ​മെ​ന്നു​പ​റ​ഞ്ഞ് സ​ർ​ക്കാ​ർ വീ​ടു​ക​ളു​ടെ രൂ​പ​രേ​ഖ​യി​ൽ ഉ​റ​ച്ചു​നി​ന്നു. ഫ​ല​മോ വ​ർ​ഷം കു​റ​ച്ചാ​യ​പ്പോ​ൾ ത​ന്നെ വീ​ടു​ക​ൾ ചോ​ർ​ന്നു​തു​ട​ങ്ങി. മേ​ൽ​ക്കൂ​ര​യി​ലെ ചോ​ർ​ച്ച ത​ട​യാ​ൻ പ്ലാ​സ്റ്റി​ക് ഷീ​റ്റ് വ​ലി​ച്ചു​കെ​ട്ടി​യും ചു​മ​രി​ലൂ​ടെ ഒ​ലി​ച്ചി​റ​ങ്ങു​ന്ന മ​ഴ​വെ​ള്ളം വീ​ടി​ന​ക​ത്ത് വീ​ഴാ​തി​രി​ക്കാ​ൻ പാ​ത്ര​ങ്ങ​ൾ വെ​ച്ചു​മാ​ണ് വീ​ട്ടു​കാ​ർ മ​ഴ​ക്കാ​ലം ക​ഴി​ക്കു​ന്ന​ത്. നി​ർ​മാ​ണം ന​ട​ക്കു​ന്ന സ​മ​യ​ത്തു​ത​ന്നെ അ​ശാ​സ്ത്രീ​യ നി​ർ​മി​തി​യു​ടെ പോ​രാ​യ്മ എ​ല്ലാ​വ​രും ശ്ര​ദ്ധ​യി​ൽ​പെ​ടു​ത്തി​യി​രു​ന്നു. എ​ന്നാ​ൽ, ഇ​ത്ത​രം കാ​ര്യ​ങ്ങ​ൾ പ​റ​ഞ്ഞാ​ൽ വീ​ടു​നി​ർ​മാ​ണം നി​ല​ക്കു​മെ​ന്നും പി​ന്നെ ര​ക്ഷ​യു​ണ്ടാ​കി​ല്ലെ​ന്നു​മാ​യി​രു​ന്നു ഉ​ദ്യോ​ഗ​സ്ഥ​രു​ടെ മ​റു​പ​ടി. അ​തേ സ​മ​യം മു​ൻ​ഭാ​ഗ​വും കോ​ൺ​ക്രീ​റ്റ് ചെ​യ്ത വീ​ടു​ക​ളി​ൽ ചോ​ർ​ച്ച​യി​ല്ല. ചെ​റി​യ കു​ടും​ബ​ങ്ങ​ളാ​യാ​ലും വ​ലി​യ കു​ടും​ബ​ങ്ങ​ളാ​യാ​ലും ഒ​രേ രൂ​പ​രേ​ഖ​യി​ലു​ള്ള വീ​ടു​ക​ളാ​ണ് എ​ല്ലാ​വ​ർ​ക്കും. ഇ​തി​നാ​ൽ പ​ത്ത് അം​ഗ​ങ്ങ​ളു​ള്ള കു​ടും​ബ​ങ്ങ​ൾ പോ​ലും ഇ​വി​ടെ ഞെ​രു​ങ്ങി​ക്ക​ഴി​യു​ന്നു. നി​ർ​മാ​ണ സ​മ​യ​ത്ത് 70,000 രൂ​പ സ്വ​ന്ത​മാ​യി അ​ധി​കം ന​ൽ​കി​യ​വ​ർ​ക്ക് മു​ക​ളി​ലേ​ക്കു​ള്ള കോ​ണി​പ്പ​ടി​ക​ളും നി​ർ​മി​ച്ചു​കൊ​ടു​ത്തു. ഇ​വ​രി​ൽ ചി​ല​ർ മു​ക​ൾ​നി​ല കൂ​ടി സ്വ​ന്തം നി​ല​ക്ക് പ​ണി​തു. ബാ​ക്കി​യു​ള്ള​വ​ർ ​ഇ​ടു​ങ്ങി​യ വീ​ടു​ക​ളി​ൽ ഞെ​രു​ങ്ങി​ക്ക​ഴി​യു​ക​യാ​ണ്. ആ​ദ്യ​ഘ​ട്ട​ത്തി​ൽ ക്യാ​മ്പു​ക​ളി​ൽ ക​ഴി​ഞ്ഞ ഏ​റെ കു​ടും​ബ​ങ്ങ​ൾ പി​ന്നീ​ട് മാ​സ​ങ്ങ​ളോ​ളം വാ​ട​ക​വീ​ട്ടി​ലാ​യി​രു​ന്നു. ഈ​യി​ന​ത്തി​ൽ കു​റ​ച്ചു​തു​ക മാ​ത്ര​മേ സ​ർ​ക്കാ​റി​ൽ നി​ന്ന് കി​ട്ടി​യി​ട്ടു​ള്ളൂ​വെ​ന്നും വീ​ട്ടു​കാ​ർ പ​റ​യു​ന്നു.

ത​ക​രാ​റി​ല്ലാ​തെ സ​ന്ന​ദ്ധ​സം​ഘ​ട​ന​ക​ൾ പ​ണി​ത വീ​ടു​ക​ൾ

പു​ത്തു​മ​ല​യി​ൽ ദു​ര​ന്ത​ത്തി​നി​ര​യാ​യ 20ഓ​ളം കു​ടും​ബ​ങ്ങ​ൾ​ക്ക് ചി​ല സ​ന്ന​ദ്ധ​സം​ഘ​ട​ന​ക​ൾ സ്വ​ന്തം നി​ല​ക്കും വീ​ടു​ക​ൾ നി​ർ​മി​ച്ചു​ന​ൽ​കി​യി​രു​ന്നു. സ​ർ​ക്കാ​ർ പ്ലാ​നി​ല​ല്ലാ​തെ പ​ണി​ത ഈ ​വീ​ടു​ക​ൾ​ക്ക് ഇ​തു​വ​രെ ഒ​രു ത​ക​രാ​റു​മി​ല്ലെ​ന്ന് താ​മ​സ​ക്കാ​ർ പ​റ​യു​ന്നു. മേ​പ്പാ​ടി-​ക​ൽ​പ​റ്റ റോ​ഡി​ന് അ​ൽ​പ​മ​ക​ലെ കാ​പ്പം​കൊ​ല്ലി​യി​ൽ ഇ​ത്ത​ര​ത്തി​ൽ പീ​പ്ൾ ഫൗ​ണ്ടേ​ഷ​ൻ ആ​റു​വീ​ടു​ക​ളാ​ണ് നി​ർ​മി​ച്ചു​ന​ൽ​കി​യ​ത്. സ്വ​കാ​ര്യ​വ്യ​ക്തി ന​ൽ​കി​യ സ്ഥ​ല​ത്ത് ഏ​ഴ് സെ​ന്റു​ക​ളി​ൽ വീ​തം 750 സ്ക്വ​യ​ർ ഫീ​റ്റ് വീ​ടു​ക​ളാ​ണി​വ. ര​ണ്ട് കി​ട​പ്പു​മു​റി, അ​ടു​ക്ക​ള, ഹാ​ൾ, സി​റ്റ്ഔ​ട്ട്, ടോ​യ്‍ല​റ്റ് എ​ന്നീ സൗ​ക​ര്യ​ങ്ങ​ളു​ള്ള വീ​ടു​ക​ൾ ഭാ​വി ആ​വ​ശ്യ​ങ്ങ​ൾ വ​രു​മ്പോ​ൾ വ​ലു​പ്പം കൂ​ട്ടാ​ൻ ക​ഴി​യു​ന്ന രൂ​പ​ത്തി​ലാ​ണ് നി​ർ​മി​ച്ചി​രി​ക്കു​ന്ന​ത്. പു​ത്തൂ​ർ​വ​യ​ലി​ൽ ഒ​മ്പ​തു വീ​ടു​ക​ളും വി​വി​ധ സ​ന്ന​ദ്ധ​സം​ഘ​ട​ന​ക​ൾ പ​ണി​തു​ന​ൽ​കി​യി​ട്ടു​ണ്ട്.

ദു​ര​ന്ത​ത്തി​ന്റെ ആ​ദ്യ​ദി​ന​ങ്ങ​ളി​ൽ ഇ​ര​ക​ൾ​ക്ക് വീ​ട​ട​ക്ക​മു​ള്ള സ​ഹാ​യ​വാ​ഗ്ദാ​ന​ങ്ങ​ൾ ന​ൽ​കി​യ ചി​ല സ​ന്ന​ദ്ധ​സം​ഘ​ട​ന​ക​ളും സ്ഥാ​പ​ന​ങ്ങ​ളും പി​ന്നീ​ട് ഉ​ൾ​വ​ലി​ഞ്ഞി​ട്ടു​മു​ണ്ട്. ആ​വേ​ശം ത​ണു​ത്ത​പ്പോ​ൾ മു​ങ്ങി​യ​വ​രാ​ണ് ചി​ല​രെ​ങ്കി​ൽ മ​റ്റ് ചി​ല​ർ സ​ർ​ക്കാ​ർ നി​ല​പാ​ടു​ക​ളി​ൽ മ​നം​മ​ടു​ത്താ​ണ് പി​ന്തി​രി​ഞ്ഞ​ത്.

ഒ​ന്നി​നും തി​ക​യാ​ത്ത സ​ർ​ക്കാ​ർ ധ​ന​സ​ഹാ​യം

ഒ​ന്നു​കി​ൽ പു​ന​ര​ധി​വാ​സ പ​ദ്ധ​തി​ക്ക് കീ​ഴി​ലു​ള്ള വീ​ട്, അ​ല്ലെ​ങ്കി​ൽ 10 ല​ക്ഷം രൂ​പ. ഇ​വ​യി​ലേ​തെ​ങ്കി​ലു​മൊ​ന്ന് സ്വീ​ക​രി​ക്കു​ക​യാ​ണ് പു​ത്തു​മ​ല ഉ​രു​ൾ​പൊ​ട്ട​ൽ ദു​ര​ന്ത​ത്തി​നി​ര​യാ​യ കു​ടും​ബ​ങ്ങ​ൾ​ക്ക് മു​ന്നി​ലു​ണ്ടാ​യി​രു​ന്ന പോം​വ​ഴി. 20ഓ​ളം പേ​ർ സ​ർ​ക്കാ​റി​ന്റെ പ​ത്തു​ല​ക്ഷം രൂ​പ ധ​ന​സ​ഹാ​യം വാ​ങ്ങി സ്വ​ന്തം​നി​ല​ക്ക് വീ​ടു​വെ​ച്ചു. ജീ​വ​നോ​പാ​ധി ന​ഷ്ട​പ്പെ​ട്ട​വ​രാ​ക​ട്ടെ, ഇ​പ്പോ​ഴും ദു​രി​ത ജീ​വി​തം ന​യി​ക്കു​ന്നു. പു​ത്തു​മ​ല​യി​ൽ സ്വ​ന്ത​മാ​യി 35 സെ​ന്റോ​ളം സ്ഥ​ല​മു​ണ്ടാ​യി​രു​ന്ന​വ​രും ര​ണ്ടു​നി​ല വീ​ടു​ക​ളു​ണ്ടാ​യി​രു​ന്ന​വ​രു​മ​ട​ക്കം ഇ​ത്ത​ര​ത്തി​ൽ ഒ​ന്നി​നും തി​ക​യാ​ത്ത പ​ത്തു​ല​ക്ഷം വാ​ങ്ങേ​ണ്ടി​വ​ന്നു.

പേ​രി​ൽ സ്ഥ​ല​മി​ല്ല, ആ​നു​കൂ​ല്യ​വു​മി​ല്ല

പു​ത്തു​മ​ല​യി​ൽ ഉ​രു​ൾ​പൊ​ട്ട​ൽ ദു​ര​ന്ത​ത്തി​നി​ര​യാ​യ​വ​രി​ൽ സ്വ​ന്തം പേ​രി​ൽ ഭൂ​മി​യു​ണ്ടാ​യി​രു​ന്ന ആ​ളു​ക​ൾ​ക്ക് മാ​ത്ര​മാ​ണ് സ​ർ​ക്കാ​ർ ആ​നു​കൂ​ല്യം കി​ട്ടി​യ​ത്. ഉ​രു​ൾ​പൊ​ട്ടി​യ സ്ഥ​ല​ത്ത് വീ​ടു​ണ്ടാ​യി​രു​ന്ന, നി​ല​വി​ൽ ഉ​രു​ൾ​ഭീ​ഷ​ണി നി​ല​നി​ൽ​ക്കു​ന്ന​തി​നാ​ൽ അ​വി​ടം വി​ടേ​ണ്ടി വ​ന്ന​വ​ർ​ക്കും ഒ​രു സ​ഹാ​യ​വും കി​ട്ടി​യി​ല്ല. എ​ന്നാ​ൽ, സ​മാ​ന​സാ​ഹ​ച​ര്യ​ത്തി​ലു​ള്ള പ​ല​ർ​ക്കും രാ​ഷ്ട്രീ​യ ഇ​ട​പെ​ട​ൽ​മൂ​ലം ആ​നു​കൂ​ല്യം ല​ഭി​ക്കു​ക​യും ചെ​യ്തു. സ​ർ​ക്കാ​റി​ന്റെ പു​ന​ര​ധി​വാ​സ പ​ദ്ധ​തി​യി​ൽ വീ​ട് ല​ഭി​ച്ച​വ​രി​ൽ ചി​ല​ർ​ക്ക് രാ​ഷ്ട്രീ​യ സ്വാ​ധീ​ന​ത്താ​ൽ പ​ത്തു​ല​ക്ഷം രൂ​പ ന​ഷ്ട​പ​രി​ഹാ​ര​മെ​ന്ന നി​ല​യി​ലും കി​ട്ടി.

(തുടരും)