ഈദ് ന​മ്മോ​ടു പ​റ​യു​ന്ന​ത്...

ത​ക്ബീ​ര്‍ ധ്വ​നി​ക​ള്‍കൊ​ണ്ട് മു​ഖ​രി​ത​മാ​യ പെ​രു​ന്നാ​ള്‍പു​ല​രി​ക്കെ​ന്തൊ​രു മ​നോ​ഹാ​രി​ത​യാ​ണ്. അ​ല്ലാ​ഹു​വി​ന്റെ ഇ​ഷ്ട​ങ്ങ​ള്‍ പ​രി​ഗ​ണി​ച്ച് നോ​മ്പു​നോ​റ്റ വി​ശ്വാ​സി​ക​ൾ​ക്കി​ത് വി​ജ​യാ​ഘോ​ഷ​ത്തി​ന്റെ ത​ക്ബീ​ര്‍ വി​ളി​ക​ളാ​ണ്. ന​ന്മ​ക​ളു​ടെ​യും സ​ഹാ​നു​ഭൂ​തി​യു​ടേ​യും വ​ഴി​ക​ളി​ലാ​ണ് സു​ന്ദ​ര കാ​ഴ്ച​ക​ളു​ള്ള​തെ​ന്ന​നു​ഭ​വി​ച്ച​വ​ര്‍ക്ക് നി​ര്‍വൃ​തി​യു​ടെ ത​ക്ബീ​റു​ക​ളാ​ണ്. ഒ​രു​പാ​ടി​ര​ട്ടി​യാ​യി തി​രി​ച്ചു​കി​ട്ടു​ന്ന നാ​ളേ​ക്കു​വേ​ണ്ടി ഓ​രോ ന​ന്മ​ക​ളെ​യും പെ​റു​ക്കി​യെ​ടു​ത്ത് കൂ​ട്ടി​​വെ​ച്ച​വ​ര്‍ക്ക് പ്ര​തീ​ക്ഷ​യു​ടെ ത​ക്ബീ​റു​ക​ളാ​ണ്.

ത​ക്ബീ​ര്‍ ത​ന്നെ​യാ​ണ് ഈ​ദി​ന്റെ വ​ലി​യ സ​ന്ദേ​ശം. ജ​ഡി​കേ​ച്ഛ​ക​ള്‍ക്കും ഭൗ​തി​ക താ​ല്‍പ​ര്യ​ങ്ങ​ള്‍ക്കും മീ​തെ സ്ര​ഷ്ടാ​വി​ന്റെ ഇ​ഷ്ട​ങ്ങ​ളാ​ണ് പ്ര​ധാ​ന​മെ​ന്ന് തെ​ളി​യി​ക്കു​ന്ന പ​രി​ശീ​ല​ന​മാ​യി​രു​ന്നു വ്ര​തം. അ​ത് വി​ജ​യ​ക​ര​മാ​യി പൂ​ര്‍ത്തീ​ക​രി​ച്ച​തി​ന്റെ ആ​ഹ്ലാ​ദ​മാ​ണ് ഈ​ദി​ല്‍ പ്ര​ക​ടി​പ്പി​ക്കു​ന്ന​ത്. ഈ ​ലോ​ക​വും ഇ​വി​ട​ത്തെ മ​നു​ഷ്യ​രും ഇ​തി​ലെ വി​ഭ​വ​ങ്ങ​ളും എ​ല്ലാ​ത്തി​ലും അ​ക്ബ​റാ​യ​വ​ന്‍ (വ​ലി​യ​വ​ന്‍) അ​ല്ലാ​ഹു മാ​ത്ര​മാ​ണെ​ന്ന പ്ര​ഖ്യാ​പ​ന​മാ​ണ​ത്.

നോ​മ്പു​കാ​ർ നേ​ടി​യെ​ടു​ത്ത കു​റെ ന​ന്മ​ക​ളു​ണ്ട്. ശ​വ്വാ​ല​മ്പി​ളി മാ​ന​ത്ത് കാ​ണു​ന്ന​തോ​ടെ ഊ​രി​ക്ക​ള​യേ​ണ്ട​ത​ല്ല ആ ​സു​കൃ​ത​ങ്ങ​ളൊ​ന്നും. മ​റ്റൊ​രു ജീ​വി​തം സാ​ധ്യ​മാ​ണെ​ന്നു തെ​ളി​യി​ച്ച ദി​ന​രാ​ത്ര​ങ്ങ​ളി​ല്‍ നേ​ടി​യെ​ടു​ത്ത സൂ​ക്ഷ്മ​ത​യും ഉ​ദാ​ര​മ​ന​സ്‌​ക​ത​യും കു​റെ​യൊ​ക്കെ ഇ​നി​യും ബാ​ക്കി നി​ര്‍ത്താ​നാ​ക​ണം.

വ്യ​ക്തി​യു​ടെ സം​സ്‌​ക​ര​ണ​വും അ​തി​ലൂ​ന്നി​യ ആ​ത്മീ​യ​ത​യും നോ​മ്പി​ന്റെ പ്രാ​ഥ​മി​ക ല​ക്ഷ്യ​ങ്ങ​ളാ​ണെ​ങ്കി​ലും പ​ര​സ്പ​ര ബ​ന്ധ​ങ്ങ​ളും കൂ​ട്ടാ​യ്മ​ക​ളും അ​തു​വ​ഴി സാ​മൂ​ഹി​ക സം​സ്‌​ക​ര​ണം കൂ​ടി​യാ​ണ് ആ​രാ​ധ​ന​ക​ളു​ടേ​ത​ട​ക്കം ല​ക്ഷ്യ​മാ​യി ഇ​സ്‍ലാം കാ​ണു​ന്ന​ത്. ഭൗ​തി​കാ​ധി​കാ​ര​ങ്ങ​ളു​ടെ ബ​ല​ത്തി​ല്‍ അ​ഹ​ന്ത കാ​ണി​ച്ച അ​ധാ​ര്‍മി​ക ശ​ക്തി​ക​ളെ ആ​ദ​ര്‍ശ സം​സ്‌​കാ​ര​ത്തി​ന്റെ ബ​ല​ത്തി​ല്‍ മ​റി​ക​ട​ന്ന ബ​ദ്‌​റി​ന്റെ സ്മ​ര​ണ​ക​ള്‍ കൂ​ടി​യാ​ണ​ല്ലോ ഓ​രോ നോ​മ്പു​കാ​ല​വും. അ​തി​ന്റെ വി​ജ​യാ​ഘോ​ഷം കൂ​ടി​യാ​യി​രു​ന്നു ആ​ദ്യ​ത്തെ പെ​രു​ന്നാ​ള്‍.

പെ​രു​ന്നാ​ള്‍, സ​ന്തോ​ഷ​ത്തി​ന്റെ​യും ആ​ഹ്ലാ​ദ​ത്തി​ന്റേ​യും സ​ന്ദ​ര്‍ഭ​മാ​ണ്. പ​ങ്കു​വെ​ക്കു​മ്പോ​ഴാ​ണ് സ​ന്തോ​ഷ​ങ്ങ​ള്‍ വ​ലു​താ​കു​ന്ന​ത്. സ​ക്കാ​ത്തു​ല്‍ ഫി​ത്ർ ന​ല്‍കി ഇ​ല്ലാ​യ്മ​യു​ടെ പ്ര​യാ​സ​ങ്ങ​ള​നു​ഭ​വി​ക്കു​ന്ന​വ​രു​ടെ വ​യ​റ് നി​റ​യു​മെ​ന്നു​റ​പ്പി​ച്ചാ​ണ് ഓ​രോ​രു​ത്ത​രും പെ​രു​ന്നാ​ള്‍ ന​മ​സ്‌​കാ​ര​ത്തി​ലേ​ക്കെ​ത്തു​ന്ന​ത്. പെ​രു​ന്നാ​ള്‍ ദി​ന​ത്തി​ല്‍ ക​ണ്ടു​മു​ട്ടു​ന്ന​വ​ര്‍ പ​ര​സ്പ​രം പ്രാ​ര്‍ഥി​ച്ചും ആ​ശം​സ​ക​ള്‍ നേ​ര്‍ന്നും ആ​ലിം​ഗ​നം ചെ​യ്യു​മ്പോ​ള്‍ ശ​രീ​രം മാ​ത്ര​മ​ല്ല, മ​ന​സ്സു​ക​ള്‍ കൂ​ടി​യാ​ണ് കൂ​ട്ടി​ച്ചേ​ര്‍ക്ക​പ്പെ​ടു​ന്ന​ത്. പ​ര​സ്പ​ര സ​ന്ദ​ര്‍ശ​ന​ങ്ങ​ളി​ലൂ​ടെ ബ​ന്ധ​ങ്ങ​ളും സൗ​ഹൃ​ദ​ങ്ങ​ളും ഊ​ട്ടി​യു​റ​പ്പി​ക്കു​ന്ന​ത് പെ​രു​ന്നാ​ളി​ന്റെ മ​റ്റൊ​രു സൗ​ന്ദ​ര്യ​മാ​ണ്.

സാ​മൂ​ഹി​ക ജീ​വി​ത​വു​മാ​യി ബ​ന്ധ​മി​ല്ലാ​ത്ത​ത​ല്ല ഇ​സ്‍ലാ​മി​ലെ ആ​രാ​ധ​ന​ക​ളും ആ​ഘോ​ഷ​ങ്ങ​ളും. ചു​റ്റു​മു​ള്ള​വ​രോ​ട് മാ​ന്യ​മാ​യി ഇ​ട​പെ​ടാ​നാ​കാ​ത്ത​വ​രു​ടെ ഉ​പ​വാ​സം പ്ര​യോ​ജ​ന​പ്പെ​ടി​ല്ലെ​ന്നും ആ​ളു​ക​ളെ സ​ഹാ​യി​ക്കാ​ത്ത ന​മ​സ്കാ​ര​ക്കാ​ർ​ക്ക് നാ​ശ​മാ​ണെ​ന്നും സ​മ്പ​ത്തി​ൽ മ​റ്റു​ള്ള​വ​ർ​ക്കു​കൂ​ടി​യു​ള്ള അ​വ​കാ​ശ​ങ്ങ​ൾ വ​ക​വെ​ച്ചു ന​ൽ​കാ​ത്ത​വ​ൻ ക​ഠി​ന​മാ​യി ശി​ക്ഷി​ക്ക​പ്പെ​ടു​മെ​ന്നും ഹ​ജ്ജ് ചെ​യ്യു​ന്ന​വ​ർ ഒ​പ്പ​മു​ള്ള​വ​രോ​ട് ത​ർ​ക്കി​ക്കാ​തെ​യും മോ​ശ​മാ​യി പെ​രു​മാ​റാ​തെ​യും ക​ർ​മ​ങ്ങ​ൾ ചെ​യ്യ​ണ​മെ​ന്നു​മെ​ല്ലാം ഉ​ണ​ർ​ത്തു​ന്നി​ട​ത്തൊ​ക്കെ ഈ ​സാ​മൂ​ഹി​ക​ത നി​ഴ​ലി​ച്ചു കാ​ണാ​നാ​കും. പെ​രു​ന്നാ​ൾ ന​മ​സ്കാ​ര​ത്തി​ന് ഒ​ത്തു​കൂ​ടി​യ​വ​ർ പ​ര​സ്പ​രം ആ​ലിം​ഗ​നം ചെ​യ്ത് ആ​ശം​സി​ക്കു​ക​യും പ്രാ​ർ​ഥി​ക്കു​ക​യും ചെ​യ്യു​മ്പോ​ൾ ത​ളി​ർ​ക്കു​ന്ന​ത് സു​ന്ദ​ര​മാ​യ സാ​മൂ​ഹി​ക ബ​ന്ധ​ങ്ങ​ളാ​ണ്.

പു​തു​വ​സ്ത്ര​ങ്ങ​ള​ണി​ഞ്ഞ് ന​ല്ല ഭ​ക്ഷ​ണം ക​ഴി​ച്ച് പെ​രു​ന്നാ​ളാ​ഘോ​ഷി​ക്കു​ന്ന​ത് ഇ​സ്‍ലാം വി​ഭാ​വ​ന ചെ​യ്യു​ന്ന ക്ഷേ​മ​രാ​ഷ്ട്ര​ത്തി​ന്റെ പ്ര​തീ​കം കൂ​ടി​യാ​ണ്. നീ​തി ഉ​റ​പ്പ് ല​ഭി​ക്കു​ന്നി​ട​ത്താ​ണ് സ​മാ​ധാ​ന​വും സ​ന്തോ​ഷ​വും നി​ല​നി​ല്‍ക്കു​ന്ന​ത്. അ​നീ​തി​യും വി​വേ​ച​ന​ങ്ങ​ളു​മ​നു​ഭ​വി​ക്കു​ന്ന​വ​രെ പ്രാ​ര്‍ഥ​ന​യി​ലൂ​ടെ ചേ​ര്‍ത്തു​പി​ടി​ക്കാ​നാ​യാ​ൽ പെ​രു​ന്നാ​ളി​ന് തെ​ളി​ച്ചം കൂ​ടു​ത​ലു​ണ്ടാ​കും. ധ്രു​വീ​ക​ര​ണ​ങ്ങ​ൾ​കൊ​ണ്ട് അ​തി​ര് വ​ര​ച്ച്, ആ​ഘോ​ഷ​വേ​ള​ക​ളെ മ​റ്റു​ള്ള​വ​രു​ടെ വി​ശ്വാ​സ​ങ്ങ​ൾ​ക്കു​മേ​ൽ അ​തി​ക്ര​മം കാ​ണി​ക്കാ​ൻ ദു​രു​പ​യോ​ഗി​ക്കാ​നു​ള്ള അ​വ​സ​ര​ങ്ങ​ളാ​ക്കി മാ​റ്റു​ന്ന സ​മ​കാ​ലി​ക പ​ശ്ചാ​ത്ത​ല​ത്തി​ൽ സൗ​ഹൃ​ദ​ങ്ങ​ളെ​യും പാ​ര​സ്പ​ര്യ​ങ്ങ​ളേ​യും ആ​ഘോ​ഷി​ക്കാ​നാ​യാ​ൽ അ​തൊ​രു സ​ർ​ഗാ​ത്മ​ക പ്ര​തി​രോ​ധം കൂ​ടി​യാ​യി മാ​റും തീ​ർ​ച്ച.

മ​ത​വി​ഭാ​ഗ​ങ്ങ​ൾ​ക്കി​ട​യി​ൽ പൊ​തു​വെ സൗ​ഹൃ​ദം നി​ല​നി​ൽ​ക്കു​ന്ന നാ​ടാ​ണ് കേ​ര​ളം. ആ​ഘോ​ഷ സ​ന്ദ​ർ​ഭ​ങ്ങ​ളി​ലെ പ​ങ്കു​വെ​ക്ക​ലു​ക​ൾ​ക്ക് കൃ​ത്രി​മ​ത്വ​ങ്ങ​ളി​ല്ലാ​ത്ത സൗ​ന്ദ​ര്യം ഇ​വി​ട​ത്തെ സം​സ്കാ​ര​മാ​യി​രു​ന്നു. പ​ക്ഷേ, അ​തൊ​ക്കെ മാ​റി​ക്കൊ​ണ്ടി​രി​ക്കു​ക​യാ​ണ്. ധ്രു​വീ​ക​ര​ണ​വും വി​ഭാ​ഗീ​യ​ത​യും വേ​ഗ​ത്തി​ൽ പ​ട​ർ​ന്നു​ക​യ​റു​ന്ന വ​ർ​ത്ത​മാ​ന​ങ്ങ​ൾ ഓ​ൺ​ലൈ​ൻ ഇ​ട​ങ്ങ​ളി​ൽ മാ​ത്ര​മ​ല്ല, ഓ​ഫ് ലൈ​നി​ലും നി​റ​യു​ക​യാ​ണ്. ശ​ക്ത​മാ​യ ചി​റ കെ​ട്ടി​യി​ല്ലെ​ങ്കി​ൽ ന​ഷ്ട​പ്പെ​ടു​ന്ന​ത് എ​ല്ലാ​വ​രു​ടേ​യും സ​മാ​ധാ​ന​മാ​യി​രി​ക്കും.

സ​ഹ​വ​ർ​ത്തി​ത്വ​മെ​ന്ന​ത് വ്യ​തി​രി​ക്ത​ത​ക​ൾ ഇ​ല്ലാ​താ​വു​ക​യെ​ന്ന​ത​ല്ല. ഓ​രോ വി​ശ്വാ​സ​ത്തി​ന്റെ​യും സം​സ്കാ​ര​ത്തി​ന്റേ​യും വ്യ​തി​രി​ക്ത​ത​ക​ൾ നി​ല​നി​ർ​ത്ത​പ്പെ​ടു​ന്ന ത​ര​ത്തി​ൽ ആ​രോ​ഗ്യ​ക​ര​മാ​യ പ​ങ്കു​വെ​ക്ക​ലു​ക​ളാ​ണ് ന​ട​ക്കേ​ണ്ട​ത്. എ​ല്ലാ​വ​രും എ​ല്ലാ​വ​രു​ടേ​തും ആ​ഘോ​ഷി​ക്ക​ല​ല്ല മ​റി​ച്ച്, പ​ര​സ്പ​രം മാ​നി​ക്ക​പ്പെ​ടു​ന്ന അ​ന്ത​രീ​ക്ഷ​മു​ണ്ടാ​വ​ലാ​ണ് പ്ര​ധാ​നം. അ​തോ​ടൊ​പ്പം ആ​രോ​ഗ്യ​ക​ര​മാ​യ ഒ​രു സം​വാ​ദ സം​സ്കാ​രം കൂ​ടി വ​ള​ർ​ന്നു​വ​രേ​ണ്ട​തു​ണ്ട്. ഓ​രോ മ​ത​വും വി​ശ്വാ​സ​വും ഓ​രോ ആ​ശ​യം കൂ​ടി​യാ​ണ്. ആ​ശ​യ​ങ്ങ​ളി​ൽ തെ​റ്റും ശ​രി​യു​മൊ​ക്കെ കാ​ണും. അ​തൊ​ക്കെ തു​റ​ന്ന് സം​വ​ദി​ക്കാ​നും സ്വീ​ക​രി​ക്കാ​നും തി​ര​സ്ക​രി​ക്കാ​നും ക​ഴി​യു​ന്ന സ​മൂ​ഹ​ത്തി​ലാ​ണ് സ​ഹി​ഷ്ണു​ത വേ​രോ​ടു​ന്ന​ത്.

ഇ​സ്‍ലാ​മി​നെ​യും മു​സ്‍ലിം​ക​ളെ​യും കു​റി​ച്ച് വം​ശീ​യ മു​ൻ വി​ധി​ക​ൾ നി​റ​ഞ്ഞ പ്ര​ചാ​ര​ണ​ങ്ങ​ൾ ഉ​ത്ത​ര​വാ​ദ​പ്പെ​ട്ട​വ​രി​ൽ​നി​ന്നു​പോ​ലും വ​ന്നു​കൊ​ണ്ടി​രി​ക്കു​ന്ന​ത് അ​ത്യ​ന്തം ഖേ​ദ​ക​ര​മാ​ണ്. ബോ​ധ​പൂ​ർ​വം ഇ​വി​ടെ സൃ​ഷ്ടി​ക്ക​പ്പെ​ടു​ന്ന വി​ദ്വേ​ഷ രാ​ഷ്ട്രീ​യ​ത്തെ തി​രി​ച്ച​റി​ഞ്ഞ് പ്ര​തി​രോ​ധി​ക്കേ​ണ്ട​ത് എ​ല്ലാ​വ​രു​ടെ​യും ബാ​ധ്യ​ത​യാ​ണ്. ഈ​ദു​ൽ ഫി​ത്ർ ദി​നം ഫാ​ഷി​സ​ത്തി​ന്റെ പ്ര​ത്യ​ക്ഷ ഇ​ര​ക​ളാ​യ മു​സ് ലിം ​സ​മൂ​ഹ​ത്തോ​ടു​ള്ള ഐ​ക്യ​ദാ​ർ​ഢ്യ​പ്പെ​ടാ​നു​ള്ള അ​വ​സ​ര​മാ​യി മ​ല​യാ​ളി സ​മൂ​ഹം ഏ​റ്റെ​ടു​ക്കു​മെ​ങ്കി​ൽ അ​ത് സ​മ​കാ​ലി​ക കേ​ര​ള​ത്തി​ന്റെ മ​നോ​ഹ​ര​മാ​യ അ​ട​യാ​ള​പ്പെ​ടു​ത്ത​ലാ​കും തീ​ർ​ച്ച.