ചീ​ഫ് ജ​സ്റ്റി​സ് നാടുവിട്ടതെന്തിന്? ഹ​സീ​നരാജിലെ ന്യൂനപക്ഷ വേട്ട

1971ൽ ​പാ​കി​സ്താ​നി​ൽ​നി​ന്ന് വി​ഘ​ടി​ച്ച് ബം​ഗ്ലാ​ദേ​ശ് പി​റ​വി​കൊ​ണ്ട​പ്പോ​ൾ മു​ജീ​ബു​ർ​റ​ഹ്മാ​ൻ അ​തി​നെ വി​ശേ​ഷി​പ്പി​ച്ച​ത് സു​വ​ർ​ണ ബം​ഗാ​ൾ എ​ന്നാ​യി​രു​ന്നു. പ​ക്ഷേ, ബം​ഗ്ലാ​ദേ​ശി​ക​ൾ​ക്ക് ല​ഭി​ച്ച​ത് രാ​ഷ്ട്രീ​യ സ്വാ​ത​ന്ത്ര്യം നി​ഷേ​ധി​ക്ക​പ്പെ​ട്ട ഏ​ക​ക​ക്ഷി ഭ​ര​ണ​മാ​ണ്. 75ഓ​ടെ എ​ല്ലാ രാ​ഷ്ട്രീ​യ ക​ക്ഷി​ക​ളും, അ​വാ​മി ലീ​ഗൊ​ഴി​കെ, നി​രോ​ധി​ക്ക​പ്പെ​ട്ടു. 75ൽ​ത​ന്നെ​യാ​ണ് ഇ​ന്ദി​ര ഗാ​ന്ധി ഇ​ന്ത്യ​യി​ൽ അ​ടി​യ​ന്ത​രാ​വ​സ്ഥ പ്ര​ഖ്യാ​പി​ക്കു​ന്ന​ത്. ബം​ഗ്ലാ​ദേ​ശി​നെ അ​വ​ർ ഒ​രു പ​രീ​ക്ഷ​ണ​ശാ​ല​യാ​യി ക​ണ്ടി​രു​ന്നോ എ​ന്ന സം​ശ​യം അ​സ്ഥാ​ന​ത്താ​ണെ​ന്ന് പ​റ​ഞ്ഞു​കൂ​ടാ. 75ൽ ​ഇ​ന്ദി​ര ഗാ​ന്ധി​ക്കു​ള്ള താ​ക്കീ​തെ​ന്നോ​ണം​കൂ​ടി​യാ​ണ് ഇ​ന്ത്യ​യു​ടെ സ്വാ​ത​ന്ത്ര്യ​ദി​ന​മാ​യ ആ​ഗ​സ്റ്റ് 15നു​ത​ന്നെ വി​ദേ​ശ​ത്തു​ള്ള ഹ​സീ​ന​യും സ​ഹോ​ദ​രി​യു​മൊ​ഴി​കെ മു​ജീ​ബ് കു​ടും​ബ​ത്തെ ഒ​ന്നാ​യി കൂ​ട്ട​ക്കൊ​ല ചെ​യ്ത് പ​ട്ടാ​ളം അ​ധി​കാ​രം പി​ടി​ച്ച​ട​ക്കു​ന്ന​ത്. മു​ജീ​ബ് മ​ന്ത്രി​സ​ഭാം​ഗ​മാ​യി​രു​ന്ന ഖ​ണ്ഡാ​ക്ക​ർ മുശ്​താ​ഖ് അ​ഹ്മ​ദാ​ണ് അ​ട്ടി​മ​റി​യെ തു​ട​ർ​ന്ന് വ​ന്ന സ​ർ​ക്കാ​റി​നെ ന​യി​ച്ച​തെ​ന്ന​ത് ശ്ര​ദ്ധേ​യ​മാ​ണ്. അ​വാ​മി ലീ​ഗി​ന​ക​ത്തു​ള്ള​വ​ർ​ത​ന്നെ മു​ജീ​ബി​ന്റെ ഓ​ട്ടോ​ക്ര​സി​ക്കെ​തി​രാ​യി​രു​ന്നു​വെ​ന്ന​ർ​ഥം. ഹ​സീ​ന​യെ ഓ​ടി​ച്ച ജ​ന​കീ​യ പ്ര​ക്ഷോ​ഭം ന​ട​ന്ന​തും ഒ​രു ആ​ഗ​സ്റ്റി​ലാ​ണെ​ന്ന​ത് യാ​ദൃ​ച്ഛി​ക​മാ​കാം. ഹ​സീ​ന അ​വാ​മി ലീ​ഗു​കാ​ർ​ക്കി​ട​യി​ൽ​ത​ന്നെ​ വെ​റു​ക്ക​പ്പെ​ട്ടി​രു​ന്നു എ​ന്ന വ​സ്തു​ത ഇ​ന്ത്യ​യി​ലെ ഗോ​ദി മീ​ഡി​യ ഒ​ഴി​കെ ലോ​ക​ത്തു​ള്ള എ​ല്ലാ മീ​ഡി​യ​ക്കും വ്യ​ക്ത​മാ​യി​രു​ന്നു. അ​വാ​മി ലീ​ഗി​ന്റെ സ​മു​ന്ന നേ​താ​വും മു​ജീ​ബ് മ​ന്ത്രി​സ​ഭാം​ഗ​വു​മാ​യി​രു​ന്ന ക​മാ​ൽ ഹു​സൈ​നെ പോ​ലു​ള്ള​വ​ർ ര​ണ്ടും മൂ​ന്നും ഭ​ര​ണ ടേ​മു​ക​ളി​ൽ ഹ​സീ​ന​യു​ടെ മ​നു​ഷ്യാ​വ​കാ​ശ ലം​ഘ​ന​ങ്ങ​ൾ​ക്കെ​തി​രെ ക​ടു​ത്ത വി​മ​ർ​ശ​ന​മാ​ണ് അ​ഴി​ച്ചു​വി​ട്ട​ത്. സു​പ്രീം​കോ​ട​തി ജ​ഡ്ജി​മാ​രെ പു​റ​ത്താ​ക്കാ​നു​ള്ള ഭ​ര​ണ​ഘ​ട​ന ഭേ​ദ​ഗ​തി​യെ അ​നു​കൂ​ലി​ക്കാ​ത്ത​തി​ന്റെ പേ​രി​ൽ ഹ​സീ​ന പു​റ​ത്താ​ക്കി​യ സു​പ്രീം​കോ​ട​തി​യി​ലെ ഹി​ന്ദു ചീ​ഫ് ജ​സ്റ്റി​സാ​യ സു​രേ​ന്ദ്ര​കു​മാ​ർ സി​ൻ​ഹ​ക്കും ഹു​സൈ​ൻ പി​ന്തു​ണ ന​ൽകി. അ​റ​സ്റ്റ് ചെ​യ്യ​പ്പെ​ടു​മെ​ന്ന് ഇ​ന്റ​ലി​ജ​ൻ​സ് വൃ​ത്ത​ങ്ങ​ളി​ൽ​നി​ന്ന് വി​വ​രം​കി​ട്ടി​യ സു​രേ​ന്ദ്ര​കു​മാ​ർ നാ​ടു​വി​ടു​ക​യാ​യി​രു​ന്നു. മ​ത​മൗ​ലി​ക വാ​ദി​ക​ളെ അ​ടി​ച്ച​മ​ർ​ത്തി​യ, ന്യൂനപക്ഷ സംരക്ഷകയായി പേരെടുത്ത ഹ​സീ​ന ഒ​ന്നാം​ത​രം ഹി​ന്ദു ഷോ​ പീ​സാ​യ സു​രേ​ന്ദ്ര​കു​മാ​റി​നെ വ​ലി​ച്ചെ​റി​ഞ്ഞ​തെ​ന്തു​കൊ​ണ്ടാ​ണ്?

ഇന്ദിര ഗാന്ധിയും മുജീബുർറഹ്മാനും

 സു​രേ​ന്ദ്ര​കു​മാ​റി​ന്റെ ഭ​ഗ്ന​സ്വ​പ്നം

കോ​ട​തി​യെ പാ​ർ​ല​മെ​ന്റി​ന്റെ വ​രു​തി​യി​ലാ​ക്കാ​നുള്ള ക​ടു​ത്ത സ​മ്മ​ർ​ദത്തിനൊടുവിലാണ്​ സുരേന്ദ്രകുമാർ നാ​ടു​വി​ടാ​ൻ നി​ർ​ബ​ന്ധി​ത​നാ​കു​ന്ന​ത്. ദി​വ​സ​ങ്ങ​ളോ​ളം അ​ദ്ദേ​ഹം സു​പ്രീം​കോ​ട​തി​യി​ൽ ഹാ​ജ​രാ​യി​രു​ന്നി​ല്ല. ആ​രോ​ഗ്യ​പ​ര​മാ​യ കാ​ര​ണ​ങ്ങ​ളാ​ൽ ലീ​വി​ലാ​ണെ​ന്നാ​യി​രു​ന്നു നി​യ​മ​മ​ന്ത്രി അ​നീ​സു​ൽ ഹ​ഖ് അ​ന്ന് പ​റ​ഞ്ഞി​രു​ന്ന​ത്. പ​ക്ഷേ, രാ​ജ്യം​വി​ടു​ന്ന സ​മ​യ​ത്ത് വി​മാ​ന​ത്താ​വ​ള​ത്തി​ൽ​വെ​ച്ച് വാർത്താ​ലേ​ഖ​ക​രു​മാ​യി സം​സാ​രി​ച്ച സി​ൻ​ഹ പ​റ​ഞ്ഞ​ത് താ​ൻ പൂ​ർ​ണ ആ​രോ​ഗ്യ​വാ​നാ​ണെ​ന്നാ​ണ്. ആ​ദ്യം ആ​സ്ട്രേ​ലി​യ​ക്ക് പോ​യ അ​ദ്ദേ​ഹം പിന്നീട്​ നോ​ർ​ത്ത് അ​മേ​രി​ക്ക​യിൽ അ​ഭ​യം തേ​ടി​യെന്ന്​ പറയപ്പെടുന്നു. 2017ലാ​ണ് ഈ ​സം​ഭ​വം. വി​ദേ​ശ​ത്തെ​ത്തി രാ​ജി​വെ​ച്ച​ ശേഷം അ​ദ്ദേ​ഹത്തിന്‍റെ പേരിൽ അ​ഴി​മ​തിയാരോപണം വരികയും 11 വ​ർ​ഷം ത​ട​വി​ന് അ​ഭാ​വ​ത്തി​ൽ ശി​ക്ഷി​ക്ക​​പ്പെ​ടുകയും ചെയ്തു.

2017 ഒക്ടോബറിൽ ആസ്ട്രേലിയയിലേക്ക് പുറപ്പെടുന്നതിന് മുൻപ് മാധ്യമങ്ങളുമായി സംസാരിക്കുന്ന ജസ്റ്റിസ് സുരേന്ദ്രകുമാർ സിൻഹ (ഫയൽ ചിത്രം)

യ​ഥാ​ർ​ഥ​ത്തി​ൽ എ​ന്താ​ണ് ന​ട​ന്ന​ത്? ‘ഭ​ഗ്ന​സ്വ​പ്നം’ (എ ​ബ്രോ​ക്ക​ൺ ഡ്രീം: ​റൂ​ൾ ഓ​ഫ് ലോ, ​ഹ്യൂ​മ​ൻ റൈ​റ്റ്സ് ആ​ൻ​ഡ് ഡെ​മോ​ക്ര​സി) എ​ന്ന പേ​രി​ൽ പി​ന്നീ​ട്​ അ​ദ്ദേ​ഹം എ​ഴു​തി​യ ആ​ത്മ​ക​ഥ​യി​ൽ അ​ത് വി​വ​രി​ക്കു​ന്നു​ണ്ട്. ‘മ​ത​മൗ​ലി​ക​വാ​ദി​കളെ’ പ​ഴി​ചാ​രി ഹ​സീ​ന​ക്ക് വേ​ണ്ടി ക​ണ്ണീ​രൊ​ലി​പ്പി​ക്കു​ന്ന​വ​ർ വാ​യി​ക്കേ​ണ്ട പു​സ്ത​ക​മാ​ണ് ഈ ​പീ​ഡി​ത ഹി​ന്ദു​വി​ന്റെ ആ​ത്മ​ക​ഥ. ബം​ഗ്ലാ​ദേ​ശ് യു​ദ്ധ​കാ​ല​ത്ത് ‘റ​സാകാർമാ​ർ’ ന​ട​ത്തി​യ ‘കൂ​ട്ട​ക്കൊ​ല’​ക​ളു​ടെ യ​ഥാ​ർ​ഥ വ​സ്തു​ത​ക​ള​റി​യാ​ൻ സു​ഭാ​ഷ് ച​ന്ദ്ര​ബോ​സി​ന്റെ പേ​ര​ക്കി​ടാ​വാ​യ ശ​ർ​മി​ള ബോ​സി​ന്റെ ’71ലെ ​യു​ദ്ധ​സ്മ​ര​ണ​ക​ൾ’ (Dead Reckoning. Memories of the 1971 Bangladesh war) എ​ന്ന കൃ​തി​യും അ​നു​ബ​ന്ധ​മാ​യി വാ​യി​ക്കാം.

ജീ​വ​ഭ​യ​മാ​ണ് നാ​ടു​വി​ടാ​ൻ പ്രേ​രി​പ്പി​ച്ച​തെ​ന്ന് 2018ൽ ​കാ​ന​ഡ​യി​ൽ​വെ​ച്ച് ‘അ​ൽ​ജ​സീ​റ’ ലേ​ഖ​ക​ൻ ഡേ​വി​ഡ് ബ​ർ​ഗ്മാ​ന് ന​ൽ​കി​യ അ​ഭി​മു​ഖ​ത്തി​ൽ ജ​സ്റ്റി​സ് സു​രേ​ന്ദ്ര​കു​മാ​ർ സി​ൻ​ഹ വെ​ളി​പ്പെ​ടു​ത്തിയിരുന്നു. ഡി.​ജി.​എ​ഫ്.​ഐ (ഡ​യ​റ​ക്ട​റേ​റ്റ് ജ​ന​റ​ൽ ഓ​ഫ് ഫോ​ഴ്സ​സ് ഇ​ന്റ​ലി​ജ​ൻ​സ്) രാ​ജിക്ക്​ ക​ടു​ത്ത സ​മ്മ​ർ​ദം ചെ​ലു​ത്തി. അ​ല്ലെ​ങ്കി​ൽ ര​ണ്ടു മാ​സ​മാ​യി ക​സ്റ്റ​ഡി​യി​ലു​ള്ള അ​ദ്ദേ​ഹ​ത്തി​ന്റെ സു​ഹൃ​ത്ത്​ അ​നി​രു​ദ്ധ റോ​യ് എ​ന്ന ബി​സി​ന​സു​കാ​ര​നും സ്വ​ന്തം കു​ടും​ബാം​ഗ​ങ്ങ​ൾ​ത​ന്നെ​യും വ​ധി​ക്ക​പ്പെ​ട്ടേ​ക്കാ​മെ​ന്നാ​യി​രു​ന്നു ഭീ​ഷ​ണി. ജി.​ഡി.​എ​ഫ്.​ഐ​യെ അ​ദ്ദേ​ഹം താ​ര​ത​മ്യ​പ്പെ​ടു​ത്തു​ന്ന​ത് ഹി​റ്റ്ല​റു​ടെ ‘ഗ​സ്റ്റ​പ്പോ’യോടാ​ണ്. പ്ര​ധാ​ന​മ​ന്ത്രി​ ഹസീനയു​ടെ നേ​രി​ട്ടു​ള്ള നി​ർ​ദേ​ശ​മാ​ണെ​ന്ന് പ​റ​ഞ്ഞു​കൊ​ണ്ടാണ് ഡി.​ജി.​എ​ഫ്.​ഐ അ​ദ്ദേ​ഹ​ത്തെ ഭീ​ഷ​ണി​പ്പെ​ടു​ത്തി​യ​ത്. 2009ൽ ​ഹ​സീ​ന അ​ധി​കാ​ര​ത്തി​ലെ​ത്തി​യ​തോ​ടെ ഡ​സ​ൻ ക​ണ​ക്കി​ൽ പ്ര​തി​പ​ക്ഷ പാ​ർ​ട്ടി പ്ര​വ​ർ​ത്ത​ക​ർ ഡി.ജി.​എ​ഫ്.​ഐ​ക്കാ​രാ​ൽ പൊ​ക്ക​പ്പെ​ടു​ക​യോ കാ​ണാ​താ​വു​ക​യോ ചെ​യ്ത​താ​യി മു​ൻ ചീ​ഫ് ജ​സ്റ്റി​സ് പ​റ​യു​ന്നു. സ​ർ​ക്കാ​റി​നെ​തി​രെ വി​ധി പ്ര​സ്താ​വി​ച്ച​പ്പോ​ഴാ​ണ് തനിക്കെതിരെ അ​ഴി​മ​തി ആ​രോ​പ​ണ​ങ്ങ​ൾ ഉ​യ​ർ​ത്തി​യത്​. ബം​ഗ്ലാ​ദേ​ശി​ൽ ഒ​രു ചീ​ഫ് ജ​സ്റ്റി​സി​ന് നീ​തി ല​ഭ്യ​മ​ല്ലെ​ങ്കി​ൽ മ​റ്റു​ള്ള​വ​രു​ടെ കാ​ര്യം എ​ന്താ​യി​രി​ക്കും എ​ന്നാ​ണ് അ​ദ്ദേ​ഹ​ത്തി​ന്റെ ചോ​ദ്യം.

ഏ​റ്റു​മു​ട്ട​ലി​ന്റെ തു​ട​ക്കം

2015ലാ​ണ് ബം​ഗ്ലാ​ദേ​ശി​ലെ പ്ര​ഥ​മ ഹി​ന്ദു ചീ​ഫ് ജ​സ്റ്റി​സാ​യി സു​രേ​ന്ദ്ര​കു​മാ​ർ സി​ൻ​ഹ സ്ഥാ​ന​മേ​ൽ​ക്കു​ന്ന​ത്. 2016ൽ​ത​ന്നെ സ​ർ​ക്കാ​റു​മാ​യി ഇ​ട​യാ​ൻ തു​ട​ങ്ങി. ന്യാ​യാ​ധി​പ​ന്മാ​രെ പു​റ​ത്താ​ക്കാ​ൻ പാ​ർ​ല​മെ​ന്റി​ന് അ​ധി​കാ​രം ന​ൽ​കു​ന്ന 16-ാം ഭ​ര​ണ​ഘ​ട​ന ഭേ​ദ​ഗ​തി ബി​ല്ലാ​യി​രു​ന്നു നി​മി​ത്തം. ബി​ല്ലി​ന്റെ നി​യ​മ​സാ​ധു​ത ഹൈ​കോ​ട​തി​യി​ൽ ചോ​ദ്യം​ചെ​യ്യ​പ്പെ​ട്ടു. വി​ധി പ​റ​യേ​ണ്ട മൂ​ന്നം​ഗ ബെ​ഞ്ചി​ലെ ഒ​രു ജ​ഡ്ജി അ​തി​നി​ടെ സി​ൻ​ഹ​യെ ചെ​ന്നു​ക​ണ്ടു. സ​ർ​ക്കാ​റി​ന​നു​കൂ​ല​മാ​യി വി​ധി പ​റ​യാ​ൻ ചേം​ബ​റി​ൽ വ​ന്നു​ക​ണ്ട ഡി.​ജി.​എ.​ഐ​യി​ലെ ഒ​രു ഓ​ഫി​സ​ർ സ​മ്മ​ർ​ദം ചെ​ലു​ത്തി​യ​താ​യി ജ​ഡ്ജി പ​റ​ഞ്ഞു. എ​ങ്കി​ലും ബി​ല്ലി​നെ​തി​രാ​യി​രു​ന്നു ഹൈ​കോ​ട​തി​യു​ടെ ഭൂ​രി​പ​ക്ഷ വി​ധി.

2017 ഒ​ക്ടോ​ബ​ർ ഒ​ന്നി​ന്, അ​പ്പീ​ലി​ന് വി​ധി പ​റ​യേ​ണ്ട​തി​ന്റെ ത​ലേ​ദി​വ​സം രാ​ത്രി വൈ​കീ​ട്ട് പ്ര​സി​ഡ​ന്റും പ്ര​ധാ​ന​മ​ന്ത്രി ഹ​സീ​ന​യും നി​യ​മ​മ​ന്ത്രി​യും അ​റ്റോ​ണി ജ​ന​റ​ലും പ​​ങ്കെ​ടു​ത്ത യോ​ഗ​ത്തി​ലേ​ക്ക് സി​ൻ​ഹ ക്ഷ​ണി​ക്ക​പ്പെ​ടു​ന്നു. സു​പ്രീം​കോ​ട​തി​യി​ൽ എ​ത്തി​യ അ​പ്പീ​ലി​ൽ ഗ​വ​ൺ​മെ​ന്റി​ന് അ​നു​കൂ​ല​മാ​യി വി​ധി പു​റ​പ്പെ​ടു​വി​ക്ക​ണ​മെ​ന്ന് അ​വ​ർ ജ​സ്റ്റി​സ് സി​ൻ​ഹ​യോ​ട് ആ​വ​ശ്യ​പ്പെ​ടു​ന്നു.

‘‘പ്ര​ധാ​ന​മ​ന്ത്രി​ക്ക് ആ​ന്ധ്യം ബാ​ധി​ച്ച​പോ​ലെ​യാ​ണ് എ​നി​ക്ക് ​തോ​ന്നി​യ​ത്. അ​ടു​ത്ത തെ​ര​ഞ്ഞെ​ടു​പ്പി​ൽ അ​ധി​കാ​രം നി​ല​നി​ർ​ത്തു​ക എ​ന്ന ഏ​ക ല​ക്ഷ്യ​ത്തി​നു​വേ​ണ്ടി സു​പ്രീം​കോ​ട​തി​യെ അ​വ​ർ​ക്ക് നി​യ​ന്ത്ര​ണ​ത്തി​ലാ​ക്ക​ണം. ഇ​ത് മാ​ത്ര​മാ​യി​രു​ന്നു അ​വ​രു​ടെ ചി​ന്ത’’ -സി​ൻ​ഹ എ​ഴു​തു​ന്നു. ‘‘ഭ​ര​ണ​ഘ​ട​നാ വി​രു​ദ്ധ​വും നീ​തി​ക്ക് നി​ര​ക്കാ​ത്ത​തു​മാ​യി​രു​ന്നു അ​വ​രു​ടെ സ​മീ​പ​നം.’’

ബി​ല്ലി​ന​നു​കൂ​ല​മാ​യി വി​ധി പു​റ​പ്പെ​ടു​വി​ച്ചി​രു​ന്നെ​ങ്കി​ൽ സ​ർ​ക്കാ​റി​നും രാ​ഷ്ട്രീ​യ​ക്കാ​ർ​ക്കു​മെ​തി​രെ വി​ധി പു​റ​പ്പെ​ടു​വി​ക്കു​ന്ന ജ​ഡ്ജി​മാ​ർ സ്ഥാ​ന​ഭ്ര​ഷ്ട​രാ​ക്ക​പ്പെ​ടു​ക എ​ന്ന​താ​യി​രി​ക്കും ഫ​ലം എ​ന്ന് ജ​സ്റ്റി​സ് സി​ൻ​ഹ അ​ൽ​ജ​സീ​റ​ക്ക് ന​ൽ​കി​യ അ​ഭി​മു​ഖ​ത്തി​ൽ പ​റ​യുന്നുണ്ട്​. പിറ്റേ​ന്ന് സി​ൻ​ഹ അ​ധ്യ​ക്ഷ​നാ​യ സു​പ്രീം​കോ​ട​തി ബെ​ഞ്ച് ഏ​ക​ക​ണ്ഠ​മാ​യി ബി​ൽ ത​ള്ളി വി​ധി പ്ര​സ്താ​വി​ച്ചു.

രൂ​ക്ഷ​മാ​യ വി​മ​ർ​ശ​നം

2017 ആ​ഗ​സ്റ്റി​ൽ വി​ധി​യു​ടെ ലി​ഖി​ത പ​ക​ർ​പ്പ് പു​റ​ത്തു​വ​ന്ന​തോ​ടെ സ​ർ​ക്കാ​റി​ൽ​നി​ന്നും സ​ർ​ക്കാ​റി​നെ പി​ന്തു​ണ​ക്കു​ന്ന​വ​രി​ൽ​നി​ന്നും അ​തി​രൂ​ക്ഷ​ വി​മ​ർ​ശ​ന​ങ്ങ​ളാ​ണ് ജ​സ്റ്റി​സ് സി​ൻ​ഹ​യു​ടെ നേ​ർ​ക്കു വ​ന്ന​ത്. ചീ​ഫ് ജ​സ്റ്റി​സ് ഒ​രു മാ​സ​ത്തി​ന​കം പ​ടി​യി​റ​ങ്ങ​ണ​മെ​ന്നും അ​ല്ലാ​ത്ത​പ​ക്ഷം അ​ദ്ദേ​ഹ​ത്തെ നീ​ക്കം​ചെ​യ്യാ​ൻ അ​ഭി​ഭാ​ഷ​ക​ർ ശ​ക്ത​മാ​യ പ്ര​ക്ഷോ​ഭം ന​ട​ത്തു​മെ​ന്നും ഭ​ക്ഷ്യ​മ​ന്ത്രി ഖ​മ​റു​ൽ ഇ​സ്‍ലാം ഭീ​ഷ​ണി​പ്പെ​ടു​ത്തി. പി​ന്നെ ഹി​ന്ദു​വാ​യ സി​ൻ​ഹ​യും ‘റ​സാ​കാറാ’​കാ​ൻ താ​മ​സ​മു​ണ്ടാ​യി​ല്ല. ചീ​ഫ് ജ​സ്‍റ്റി​സ് വി​മോ​ച​ന​സ​മ​ര വി​രു​ദ്ധ ശ​ക്തി​ക​ൾ​ക്ക് ചൂ​ട്ടു​പി​ടി​ക്കു​ക​യാ​ണെ​ന്നാ​യി ഖ​മ​റു​ൽ ഇ​സ്‍ലാം. ‘‘ഒ​രു രാ​ജ്യ​വും ഒ​രു​ ദേ​ശ​വും ഒ​രാ​ൾ മാ​ത്ര​മാ​യി​ട്ട് നി​ർ​മി​ക്കു​ന്ന​ത​ല്ല’’ എ​ന്നൊ​രു പ​രാ​മ​ർ​ശം ​കോ​ട​തി വി​ധി​യി​ലു​ണ്ടാ​യി​രു​ന്നു. പ്ര​ധാ​ന​മ​ന്ത്രി​യു​ടെ പി​താ​വും സ്വാ​ത​ന്ത്ര്യ​സ​മ​ര നേ​താ​വു​മാ​യ ശൈ​ഖ് മു​ജീ​ബു​ർ​റ​ഹ്മാ​നെ​ക്കു​റി​ച്ച ദുഃ​സൂ​ച​ന​യാ​യാ​ണ് അ​വാ​മി പാ​ർ​ട്ടി പ്ര​വ​ർ​ത്ത​ക​ർ ആ ​പ​രാ​മ​ർ​ശ​ത്തെ ക​ണ്ട​ത്. ‘‘ചീ​ഫ് ജ​സ്റ്റി​സ് രാ​ഷ്ട്ര​പി​താ​വി​നെ​യും രാ​ജ്യ​ത്തി​ന്റെ സ്വാ​ത​ന്ത്ര്യ​ത്തെ​യും ചോ​ദ്യം ചെ​യ്തി​രി​ക്ക​യാ​ണെ’’​ന്ന് പ്ര​ധാ​ന​മ​ന്ത്രി ഹ​സീ​ന പാ​ർ​ല​മെ​ന്റി​ൽ പ്ര​സ്താ​വ​ന​യി​റ​ക്കു​ക​യും ചെ​യ്തു.

ഡി.​ജി.​എ​ഫ്.​ഐ ഇ​ട​പെ​ട​ൽ

ഡി.​ജി.​എ​ഫ്.​ഐ ഓ​ഫി​സ​റു​ടെ ഭീ​ഷ​ണി വ​രു​ന്ന​ത് 2017 സെ​പ്റ്റം​ബ​റി​ൽ ജ​പ്പാ​നി​ൽ വെ​ച്ചാ​ണ്​. രാ​ജ്യ​ത്തേ​ക്ക് മ​ട​ങ്ങ​രു​തെ​ന്നും ആ​സ്ട്രേ​ലി​യ​യി​ലേ​ക്കോ കാ​ന​ഡ​യി​ലേ​ക്കോ പോ​ക​ണ​മെ​ന്നു​മാ​യി​രു​ന്നു​വ​ത്രെ ആ​വ​ശ്യം. അ​ടു​ത്ത ന​ട​പ​ടി​യെ​ക്കു​റി​ച്ച് തീ​രു​മാ​ന​മാ​കു​ന്ന​തു​വ​രെ അ​വി​ടെ​ത്ത​ന്നെ നി​ൽ​ക്ക​ണ​മെ​ന്നും ഓ​ഫി​സ​ർ പ​റ​ഞ്ഞു​വെ​ങ്കി​ലും അ​ത് കൂ​ട്ടാ​ക്കാ​തെ അ​ദ്ദേ​ഹം ബം​ഗ്ലാ​ദേ​ശി​ലേ​ക്കു​ത​ന്നെ മ​ട​ങ്ങി. 2018 ഒ​ക്ടോ​ബ​റി​ൽ ഒ​രു സീ​നി​യ​ർ ജ​ഡ്ജി സി​ൻ​ഹ​യെ സ​ന്ദ​ർ​ശി​ച്ചു. അ​ദ്ദേ​ഹ​ത്തെ​യും മ​റ്റൊ​രു ജ​ഡ്ജി​യെ​യും പ്ര​സി​ഡ​ന്റ് വി​ളി​പ്പി​ച്ച​തും സി​ൻ​ഹ​ക്കെ​തി​രെ ഗു​രു​ത​ര​മാ​യ അ​ഴി​മ​തി ആ​രോ​പ​ണ​ങ്ങ​ളു​ള്ള​തി​നാ​ൽ അ​ദ്ദേ​ഹ​ത്തി​ന്റെ കൂ​ടെ ബെ​ഞ്ചി​ൽ ഇ​രി​ക്ക​രു​തെ​ന്ന് ആ​വ​ശ്യ​പ്പെ​ട്ട​തും അ​ദ്ദേ​ഹം വെ​ളി​പ്പെ​ടു​ത്തി.

വി​ധി പു​റ​പ്പെ​ടു​വി​ച്ച​തി​ന്റെ പി​റ്റേ​ന്ന് ഡി.​ജി.​എ​ഫ്.​ഐ ത​ല​വ​ൻ മേ​ജ​ർ ജ​ന​റ​ൽ മു​ഹ​മ്മ​ദ് സൈ​ഫു​ൽ ആ​ബി​ദീ​ൻ സി​ൻ​ഹ​യെ കാ​ണാ​ൻ കോ​ട​തി ചേം​ബ​റി​​ൽ എ​ത്തി. വി​ധി പ്ര​തി​പ​ക്ഷ​മാ​യ ബി.​എ​ൻ.​പി​യെ ആ​ഹ്ലാ​ദി​പ്പി​ച്ചി​ട്ടു​ണ്ടെ​ന്ന് ചീ​ഫ് ജ​സ്റ്റി​സി​നോ​ട് അ​ദ്ദേ​ഹം പ​റ​ഞ്ഞു. സ​ന്തു​ഷ്ട​രാ​യ ബി.​എ​ൻ.​പി പ്ര​വ​ർ​ത്ത​ക​ർ മി​ഠാ​യി വി​ത​ര​ണം ന​ട​ത്തു​ക​യും ത​ങ്ങ​ൾ അ​ധി​കാ​ര​ത്തി​ൽ തി​രി​ച്ചു​വ​രാ​ൻ പോ​വു​ക​യാ​ണെ​ന്ന് ടെ​ക്സ്റ്റ് മെ​സേ​ജു​ക​ൾ അ​യ​ച്ചു​തു​ട​ങ്ങു​ക​യും ചെ​യ്തി​രു​ന്നു.

വീ​ട്ടി​ൽ തി​രി​ച്ചെ​ത്തി​യ​പ്പോ​ൾ സു​ര​ക്ഷാ ഭ​ട​ന്മാ​രാ​ൽ വീ​ട് വ​ല​യം ചെ​യ്യ​പ്പെ​ട്ട​താ​ണ് സി​ൻ​ഹ ക​ണ്ട​ത്.ആ​രോ​ടും സം​സാ​രി​ക്കാ​ൻ പോലും അനുമതിയില്ലാതെ 15 ദി​വ​സ​ത്തോ​ളം അ​ദ്ദേ​ഹ​ത്തി​ന് വീ​ട്ടു​ത​ട​ങ്ക​ലി​ൽ ക​ഴി​യേ​ണ്ടി​വ​ന്നു.

നാ​ടു​വി​ടു​ന്നു

രാ​ജ്യം​വി​ടു​ക​യ​ല്ലാ​തെ ഇ​നി ര​ക്ഷ​യി​ല്ലെ​ന്ന് സി​ൻ​ഹ​ക്ക് ബോ​ധ്യ​മാ​യി. 2017 ന​വം​ബ​റി​ൽ ആ​സ്ട്രേ​ലി​യ​യി​ൽ​നി​ന്ന് കാ​ന​ഡ​യി​ലേ​ക്ക് പോ​കാ​നി​രി​ക്കെ ഡി.​ജി.​എ​ഫ്.​ഐ ഓ​ഫി​സ​ർ കേ​ണ​ൽ മു​ഹ​മ്മ​ദ് ന​സീം ബി​സി​ന​സു​കാ​ര​നാ​യ അ​നി​രു​ദ്ധ ​റോ​യി​യെ വി​ട്ട​യ​ച്ചി​ട്ടു​ണ്ടെ​ന്നും അ​തി​നാ​ൽ, ചീ​ഫ് ജ​സ്റ്റി​സ് പ​ദ​വി രാ​ജി​വെ​ക്ക​ണ​മെ​ന്നും അ​ദ്ദേ​ഹ​ത്തോ​ട് ആ​വ​ശ്യ​പ്പെ​ട്ടു. വി​ട്ട​യ​ച്ച​താ​യി ബോ​ധ്യ​പ്പെ​ടാ​തെ രാ​ജി​വെ​ക്കി​ല്ലെ​ന്ന് സി​ൻ​ഹ പ​റ​ഞ്ഞു. അ​തി​ന് ആ​ദ്യം അ​നി​രു​ദ്ധ​യു​ടെ ഭാ​ര്യ​യു​മാ​യി സം​സാ​രി​ക്ക​ണ​മെ​ന്ന ഉ​പാ​ധി​യും വെ​ച്ചു. ഓ​ഫി​സ​ർ അ​നി​രു​ദ്ധ​യു​ടെ ഭാ​ര്യ​യു​മാ​യി ക​ണ​ക്ട് ചെ​യ്ത ഫോ​ൺ സി​ൻ​ഹ​ക്ക് കൈ​മാ​റി. ഭ​ർ​ത്താ​വി​ന്റെ ജീ​വ​ൻ ര​ക്ഷി​ക്കാ​ൻ രാ​ജി​വെ​ക്ക​ണ​മെ​ന്ന് ക​ര​ഞ്ഞു​കൊ​ണ്ട് അ​വ​ർ അ​പേ​ക്ഷി​ച്ചു. തു​ട​ർ​ന്ന് റോ​യി​യു​മാ​യി സി​ൻ​ഹ സം​സാ​രി​ച്ചു. ‘‘സ​ർ, ഞാ​ൻ വീ​ടി​ന്റെ പ​ടി​ക​യ​റു​ക​യാ​ണ്’’ എ​ന്ന് റോ​യ് പ​റ​ഞ്ഞ​തോ​ടെ​യാ​ണ് സു​രേ​ന്ദ്ര​കു​മാ​ർ സി​ൻ​ഹ ചീ​ഫ് ജ​സ്റ്റി​സ് പ​ദ​വി രാ​ജി​വെ​ച്ചു​കൊ​ണ്ടു​ള്ള രേ​ഖ ഡി.​ജി.​എ​ഫ്.​ഐ ഓ​ഫി​സ​ർ​ക്ക് കൈ​മാ​റു​ന്ന​ത്.

ഇ​താ​ണ് ഹ​സീ​നാ രാ​ജി​ലെ ഹി​ന്ദു സു​ര​ക്ഷി​ത​ത്വ​ത്തി​ന്റെ ‘സു​വ​ർ​ണ​രേഖ’. ബം​ഗ്ലാ​ദേ​ശി​ന്റെ പി​റ​വി​കാ​ല​ത്ത് അ​ബു അ​ബ്ര​ഹാ​മി​ന്റെ ഒ​രു കാ​ർ​ട്ടൂ​ൺ പ്ര​ത്യ​ക്ഷ​പ്പെ​ട്ടി​രു​ന്നു. ജി​ന്ന​യു​ടെ ദ്വി​രാ​ഷ്ട്ര സി​ദ്ധാ​ന്തം തി​രു​ത്തി ഇ​ന്ദി​ര ഗാ​ന്ധി ത്രി​രാ​ഷ്ട്ര സി​ദ്ധാ​ന്തം എ​ന്നെ​ഴു​തു​ന്ന ഒ​രു ചി​ത്രം. ഒ​രു ശ​ത്രു​വി​ന് പ​ക​രം ര​ണ്ട് ശ​ത്രു​ക്ക​ൾ എ​ന്നാ​യി​രു​ന്നു അ​തി​ന്റെ വ്യം​ഗ്യം.

ഹ​സീ​ന​യെ ന​മു​ക്ക് കൈ​വി​ടാ​ൻ പ​റ്റി​ല്ലെ​ന്ന് വ്യ​ക്തം. പ​ക്ഷേ, ബം​ഗ്ലാ​ദേ​ശി​ലെ താ​ൽ​പ​ര്യ​ങ്ങ​ൾ ബ​ലി​ക​ഴി​ച്ചു​കൊ​ണ്ടാ​യി​രി​ക്ക​രു​ത് അ​ത്. ബം​ഗ്ലാ​ദേ​ശി​ൽ തെ​ര​ഞ്ഞെ​ടു​പ്പാനന്തരം വ​രാ​നി​രി​ക്കു​ന്ന സ​ർ​ക്കാ​റി​നും ഇ​ന്ത്യ​യു​മാ​യു​ള്ള ച​രി​ത്ര​പ​ര​മാ​യ ബ​ന്ധം മ​റ​ക്കാ​ൻ ക​ഴി​യി​ല്ല. ഭ​ര​ണ​ക​ർ​ത്താ​ക്ക​​ളു​ടെ വി​വേ​കം പ്ര​വ​ർ​ത്തി​ക്കേ​ണ്ട സ​ന്ദ​ർ​ഭ​മാ​ണി​ത്.