അങ്ങനെ അമേരിക്കയുടെ അവസാന മിസൈലിനും ലക്ഷ്യം തെറ്റി

20 വർഷം നീണ്ട അധിനിവേശത്തിനൊടുവിൽ അഫ്​ഗാനിസ്​താനിൽ നിന്ന്​ അമേരിക്ക പിൻവാങ്ങുന്നതിന്​ ഏതാനും മണിക്കൂറുകൾ മുമ്പ്​ തൊടുത്ത അവസാന മിസൈലിനും ലക്ഷ്യം തെറ്റിയതായി തെളിയുന്നു. ആഗസ്​റ്റ്​​ 29ന്​ വൈകുന്നേരം കാബൂളിൽ നടത്തിയ ​േഡ്രാൺ ആക്രമണത്തിൽ ഇസ്​ലാമിക്​ സ്​റ്റേറ്റി​െൻറ കൊടുംഭീകരനെ വകവരുത്തിയെന്നായിരുന്നു അമേരിക്ക അവകാശപ്പെട്ടിരുന്നത്​. എന്നാൽ, 'ന്യൂയോർക്​ ടൈംസ്'​ നടത്തിയ അ​േന്വഷണത്തിൽ അമേരിക്കൻ ജീവകാരുണ്യ സംഘടനക്ക്​ വേണ്ടി പ്രവർത്തിക്ക​​ുന്ന യ​ുവാവ​ും അയാളുടെ കുടുംബാംഗങ്ങളുമാണ്​ കൊല്ലപ്പെട്ടതെന്ന്​ വ്യക്​തമായി. ഇൗ ​േഡ്രാൺ ആക്രമണത്തെ ന്യായീകരിച്ച്​ അമേരിക്ക ആ ദിവസങ്ങളിൽ ഉന്നയിച്ച വാദങ്ങളെല്ലാം 'ന്യൂയോർക്​ ടൈംസിന്'​ വേണ്ടി അവരുടെ നാലു റിപ്പോർട്ടർമാർ നടത്തിയ അന്വേഷണത്തിൽ പൊളിഞ്ഞുവീഴുകയാണ്​. കഴിഞ്ഞ രണ്ടുദശകങ്ങളിൽ അഫ്​ഗാനിസ്​താനിൽ അമേരിക്ക നടത്തിയ ലക്ഷ്യംതെറ്റിയ ആയിരക്കണക്കിന്​ ഡ്രോൺ ആക്രമണങ്ങളുടെ പട്ടിക ഇതോടെ പൂർത്തിയായി.

പകൽ മുഴുവൻ നീണ്ട നിരീക്ഷണം, ഉന്നം തെറ്റിയ ആയുധം

ഒരു പകൽ മുഴുവൻ നീണ്ട നിരീക്ഷണത്തിനൊടുവിലാണ്​ വെള്ള സെഡാൻ കാറിലേക്ക്​ മിസൈൽ തൊടുത്തതെന്നായിരുന്നു ആക്രമണത്തിന്​ പിന്നാലെ അമേരിക്കയുടെ അവകാശവാദം. കാബൂൾ വിമാനത്താവളത്തിന്​ നേർക്ക്​ നടക്കാനിരുന്ന വലിയൊരു ആക്രമണത്തെ ഇതുവഴി തടഞ്ഞുവെന്നും സൈന്യം വ്യക്​തമാക്കി. യഥാർഥത്തിൽ ന്യൂട്രീഷ്യൻ ആൻഡ്​ എഡ്യൂക്കേഷൻ ഇൻറർനാഷനൽ എന്ന കാലിഫോർണിയ ആസ്​ഥാനമായ എയ്​ഡ്​ ഗ്രൂപ്പിനൊ പ്പം 2006 മുതൽ പ്രവർത്തിക്കുന്ന സിമാരി അഹ്​മദി (43) ആണ്​ മരിച്ചതെന്നാണ്​​ 'ന്യൂയോർക്​ ടൈംസ്'​ കണ്ടെത്തിയത്​. സംശയാസ്​പദ യാത്രകളെന്ന്​ അമേരിക്ക പറഞ്ഞ അഹ്​മദിയുടെ ആ ദിവസത്തെ യാത്രകൾ അയാളുടെ പതിവ്​ ദിനചര്യയുടെ ഭാഗമാണെന്നും വ്യക്​തമായി. എയ്​ഡ്​ ഗ്രൂപ്പിന്‍റെ ഓ​ഫീസിലേക്കും തിരിച്ചും ജീവനക്കാരെ കൊണ്ടുപോകുന്ന ചുമതലയായിരുന്നു അഹ്​മദിക്ക്​. കാറിന്‍റെ ഡിക്കിയിലേക്ക്​ ​സ്​ഫോടക വസ്​തുക്കൾ കയറ്റിയതിന്‍റെ തെളിവായി അമേരിക്ക ചൂണ്ടിക്കാട്ടിയ ദൃശ്യങ്ങൾ യഥാർഥത്തിൽ വീട്ടിലേക്കുള്ള വലിയ വെള്ളക്കുപ്പികൾ കയറ്റുന്നതാണെന്നും തെളിഞ്ഞിരിക്കുകയാണ്​.

ഡ്രോൺ ആക്രമണത്തിൽ മൂന്നുപേർ മരിച്ചുവെന്നാണ്​ അമേരിക്ക പറഞ്ഞിരുന്നത്​. എന്നാൽ ജനസാന്ദ്രതയേറിയ റെസിഡൻഷ്യൽ ബ്ലോക്കിൽ ഉണ്ടായ ആക്രമണത്തിൽ ഏഴു കുട്ടികൾ ഉൾപ്പെടെ 10 പേർ മരിച്ചതായും 'ന്യൂയോർക്​ ടൈംസ്​' വെളിപ്പെടുത്തുന്നു. കാബൂൾ വിമാനത്താവളത്തിന്​ അഞ്ചുകിലോമീറ്റർ അകലെയുള്ള കുടുസുവീട്ടിൽ തന്‍റെ മൂന്നുസഹോദരൻമാർക്കും അവരുടെ കുടുംബങ്ങൾക്കുമൊപ്പമായിരുന്നു​ അഹ്​മദിയുടെ താമസം. ന്യൂട്രീഷ്യൻ ആൻഡ്​ എഡ്യുക്കേഷൻ ഇൻറർനാഷനലിന്‍റെ (എൻ.ഇ.​െഎ) അഫ്​ഗാൻ ഓഫീസ്​ മേധാവി ആ ദിനം രാവിലെ 8.45നാണ്​ അഹ്​മദിയെ വിളിക്കുന്നത്​. തന്‍റെ ലാപ്​ടോപ്​ എടുത്തുകൊണ്ടുവരണമെന്ന്​ പറയാനായിരുന്നു ഇത്​. ഒമ്പതുമണിയോടെ അഹ്​മദി ജീവിതത്തിൽ അവസാനമായി വീടുവിട്ടിറങ്ങി. എൻ.ഇ.ഐയുടെ '96 മോഡൽ വെള്ള കൊറോള കാറിലാണ്​ യാത്ര.

ഈ സമയം മുതലാണ്​ അഹ്​മദിയും വെള്ള കാറും അമേരിക്കൻ റഡാറിൽ പെടുന്നത്​. ഓഫീസിലേക്കുള്ള വഴിയിൽ മൂന്നിടത്ത്​ അഹ്​മദി കാർ നിർത്തി. ദുരൂഹമായ നിർത്തലു​കളെന്ന്​ അമേരിക്ക വ്യാഖ്യാനിച്ച ഈ ഇടവേളകൾ രണ്ടു സഹപ്രവർത്തകരെ കയറ്റാനും ബോസിന്‍റെ വീട്ടിൽ നിന്ന്​ അദ്ദേഹത്തി​ന്‍റെ ലാപ്​ടോപ്​ എടുക്കാനുമായിരുന്നു. എൻ.ഇ.ഐ മേധാവിയുടെ ഈ വീടിന്​ അടുത്തുനിന്നാണ്​ ഐ.എസ്​ ഭീകരർ അടുത്തിടെ ടൊയോട്ട കൊറോള കാറിന്​ പിന്നിൽ ഒളിപ്പിച്ച ലോഞ്ചറിൽ നിന്ന്​ കാബൂൾ വിമാനത്താവളത്തിന്​ നേർക്ക്​ ഒരു മിസൈൽ പ്രയോഗിച്ചത്​. ഇതാണ്​ അമേരിക്കൻ നിരീക്ഷണ സംഘത്തിന്​ സംശയമായത്​. എൻ.​ഇ.ഐ മേധാവിയുടെ ഈ വീട്​ 'ന്യൂയോർക്​ ടൈംസ്​' സംഘം കഴിഞ്ഞദിവസം സന്ദർശിച്ചു. 40 വർഷമായി കുടുംബം താമസിക്കുന്ന വീടാണെന്ന്​ വീട്ടുകാർ വ്യക്​തമാക്കി.

ദിവസത്തിന്​ നീളം കൂടു​േമ്പാഴും എം ക്യു - 9 റീപ്പർ ഡ്രോൺ അഹ്​മദിയുടെ കാറിനെ പിന്തുടർന്നുകൊണ്ടേയിരുന്നു. 9.35ന്​ അഹ്​മദിയുടെ കാർ എൻ.ഇ.ഐ ഓഫീസിലെത്തി. അൽപം കഴിഞ്ഞ്​, അഹ്​മദിയും ചില സഹപ്രവർത്തകരും കാബൂൾ ഡൗൺടൗണിലെ താലിബാൻ നിയന്ത്രിക്കുന്ന പൊലീസ്​ സ്​റ്റേഷനി​ലേക്ക്​ പോയി. സമീപത്തെ പാർക്കിൽ തമ്പടിച്ചിരിക്കുന്ന അഭയാർഥികൾക്ക്​ ഭക്ഷണം വിതരണം ചെയ്യാനുള്ള അനുമതി വാങ്ങാനായിരുന്നു അത്​. ഉച്ചക്ക്​ രണ്ടുമണിയോടെ അവിടെ നിന്ന്​ ഓഫീസിൽ തിരിച്ചെത്തി. അര മണിക്കൂറിന്​ ശേഷമുള്ള ക്യാമറ ഫൂ​േട്ടജിൽ അഹ്​മദി വെള്ളമൊഴുകുന്ന ഹോസുമായി ഓഫീസ്​ വാതിലിന്​ പു​റത്തേക്ക്​ വരുന്ന ദൃശ്യങ്ങളുണ്ട്​. ഓഫീസ്​ ഗാർഡിന്‍റെ സഹായത്തോടെ പ്ലാസ്​റ്റിക്​ കണ്ടെയ്​നറുകളിൽ വെള്ളം നിറച്ചു. വീട്ടിലേക്കുള്ള കുടിവെള്ളമാണ്​ അഹ്​മദി നിറക്കുന്നത്​. അഫ്​ഗാൻ സർക്കാർ വീണതിന്​ പിന്നാലെ അഹ്​മദി താമസിക്കുന്ന പ്രദേശത്ത്​ ജലവിതരണം നിലച്ചിരുന്നു. ഈ വെള്ള ക്യാനുകളെയാണ്​ സ്​​ഫോടക വസ്​തുക്കളായി അമേരിക്ക വ്യാഖ്യാനിച്ചത്​.

3.38 ന്​ ഗാർഡും മറ്റൊരു സഹപ്രവർത്തകനും കയറിയ കാർ അഹ്​മദി മാറ്റിയിട്ടു. 'ന്യൂയോർക്​ ടൈംസ്'​ സമാഹരിച്ച ക്യാമറ ഫു​​​േട്ടജ്​​ അവിടെ അവസാനിക്കുന്നു. അധികം കഴിയുംമുമ്പ്​ ജനറേറ്ററുകൾ ഓഫ്​ ചെയ്യപ്പെട്ടു. ഓഫീസ്​ അടച്ചു. അഹമദിയും രണ്ടു സഹപ്രവർത്തകരും കാറിൽ മടക്കയാത്ര തിരിച്ചു. അമേരിക്കൻ വ്യാഖ്യാനത്തിൽ കാർ നിറയെ സ്​ഫോടക വസ്​തുക്കളുമായി ലക്ഷ്യം തേടിയുള്ള യാത്ര ആരംഭിച്ചിരിക്കുന്നു. വെള്ള ക്യാനുകൾക്ക്​ പുറമേ, രണ്ട്​ ഓഫീസ്​ ലാപ്​ടോപുകൾ മാത്രമാണ്​ കാറിൽ ആകെയുണ്ടായിരുന്നത്​. സാധാരണ യാത്രകളിൽ നല്ല പാട്ടുകൾ ഇടുമായിരുന്നു അഹ്​മദി. താലിബാൻ മേൽക്കൈ നേടിയ ശേഷം അഹ്​മദിയുടെ കാർ സ്​റ്റീരിയോ മിണ്ടിയിട്ടില്ല. താലിബാന്​ സംഗീതം ഇഷ്​ടമല്ലെന്ന്​ അഹ്​മദിക്ക്​ നന്നായി അറിയാം. പോകുന്ന വഴിയെ മൂന്നു സഹപ്രവർത്തകരെയും അഹ്​മദി അവരുടെ വീടുകളിൽ ഇറക്കി. വീട്ടിൽ കയറിയിട്ട്​ പോകാമെന്ന്​ അവസാനത്തെയാൾ ക്ഷണിച്ചു. ക്ഷീണിച്ചിരിക്കുകയാണ്​, പിന്നെയാകാമെന്നായിരുന്നു​ അഹ്​മദിയുടെ മറുപടി.

നേരെ വീട്ടിലേക്കായിരുന്നു പിന്നീട്​ യാത്ര. 4.50. വീടിന്‍റെ ഗേറ്റിന്​ മുന്നിൽ കാർ നിർത്തി. ഡ്രോൺ കമാൻഡ്​ സെൻററിൽ ടാക്​റ്റിക്കൽ കമാൻഡർ ആക്രമണത്തിനായി ഒരുങ്ങി. ജനവാസ മേഖലയാണ്​. ഡ്രോൺ ഓപററ്റേർമാർ പ്രദേശം അതിവേഗം സ്​കാൻ ചെയ്​തു. ഒരേയൊരു പുരുഷൻ മാത്രമാണ്​ കാറിന്​ തൊട്ടടുത്ത്​ ഉള്ളതെന്നാണ്​ നിരീക്ഷണം. വനിതകളില്ല, കുട്ടികളില്ല. മറ്റാരുമില്ല പരിസരത്ത്​. ഓപറേറ്റർ സ്​ഥിരീകരിച്ചു. പക്ഷേ, അഹ്​മദിയുടെ കുടുംബം പറയുന്നത്​ മറ്റൊരു കഥയാണ്​: അഹ്​മദിയുടെ കാർ വന്ന്​ നിന്നതും അദ്ദേഹത്തിന്‍റെയും സഹോദരൻമാരുടെയും മക്കൾ കാറിനടുത്തേക്ക്​ ഓടിയെത്തി. കാർ തിരിച്ചിടാൻ അഹ്​മദി ശ്രമിക്കു​േമ്പാഴേക്കും പിള്ളേർ സെറ്റ്​ കാറിന്‍റെ പിൻ സീറ്റിലേക്ക്​ ഓടിക്കയറി. അഹ്​മദിയുടെ കസിൻ നാസർ ഡിക്കിയിലെ വെള്ളകുപ്പികൾ എടുക്കാൻ കാറിനടുത്തേക്ക്​ വന്നു. കാർ ഓഫ്​ ചെയ്യാൻ അഹ്​മദി കൈനീട്ടി.

അതിനും മു​േമ്പ, കമാൻഡ്​ സെൻററിൽ ഒരു സ്വിച്ച്​ അമർത്തപ്പെട്ടു. റീപ്പർ ഡ്രോണിൽ നിന്ന്​ ഹെൽഫയർ മിസൈൽ വിക്ഷേപിക്കപ്പെട്ടു. കണ്ണടച്ചുതുറക്കും മുമ്പ്​ അഹ്​മദിയുടെ കാർ അയാളെയും കുട്ടികളെയും കൊണ്ട്​ ഒരു തീഗോളമായി മാറി. ഭൂമികുലുങ്ങുന്നത്​ പോലൊരു ഭീകരശബ്​ദത്തിനൊപ്പം വീടിനകത്തേക്ക്​ ചില്ലുകഷ്​ണങ്ങൾ ​ആഞ്ഞുപതിച്ചുവെന്ന്​ കോലായയിൽ നിൽക്കുകയായിരുന്ന അഹ്​മദിയുടെ സഹോദരൻ റുമാൽ ഒാർത്തു. അഹ്​മദിക്കൊപ്പം അദ്ദേഹത്തിന്‍റെ മൂന്നുമക്കൾ, റുമാലിന്‍റെ മൂന്നുമക്കൾ, വെള്ളം ക്യാൻ എടുക്കാൻ വന്ന കസിൻ നാസർ എന്നിവരുൾപ്പെടെ 10 പേരുടെ മൃതദേഹങ്ങൾ അട​ുത്തദിവസം കുടുംബം ഖബറടക്കി. 'നിരപാധികളായിരുന്നു എല്ലാവരും. നിങ്ങൾ പറയുന്നു, അഹ്​മദി ​ഐ.എസാണെന്ന്​. പക്ഷേ, അവൻ ജോലി ചെയ്​തിരുന്നത്​ അമേരിക്കക്ക്​ വേണ്ടിയായിരുന്നു.'- അഹ്​മദിയുടെ സഹോദരൻ ഇമാൽ കണ്ണീർ വാർക്കുന്നു.