സ​ന്ന​ദ്ധ സം​ഘ​ങ്ങ​ളെ ഞെ​രി​ക്കു​മ്പോ​ൾ ജ​ന​ങ്ങ​ൾ​ക്കാ​ണ് ശ്വാ​സം​മു​ട്ടു​ന്ന​ത്

അ​ഴി​മ​തി ത​ട​യ​ൽ ല​ക്ഷ്യ​മി​ട്ടെ​ന്ന പേ​രി​ൽ നി​യ​മ​ങ്ങ​ൾ പ്ര​യോ​ഗി​ച്ച് വി​ദേ​ശ സം​ഭാ​വ​ന സ്വീ​ക​ര​ണ​ത്തി​ന് ത​ട​യി​ടു​മ്പോ​ൾ എ​ന്താ​ണ് സം​ഭ​വി​ക്കു​ക​യെ​ന്ന് നേ​രി​ട്ട് ബോ​ധ്യ​പ്പെ​ട്ട​യാ​ളാ​ണ് ല​ക്ഷ്മ​ൺ യെ​മെ. മ​ഹാ​രാ​ഷ്ട്ര​യു​ടെ തീ​ര​പ്ര​ദേ​ശ​ത്തു​ള്ള അ​ഞ്ജ​ൻ​വേ​ലി​ലെ ആ​ശു​പ​ത്രി​യി​ൽ ഡോ​ക്ട​റാ​ണി​ദ്ദേ​ഹം. സൗ​ക​ര്യ​ങ്ങ​ളും സ​ജ്ജീ​ക​ര​ണ​ങ്ങ​ളു​മി​ല്ലാ​തെ ഏ​താ​ണ്ട് ശൂ​ന്യ​മാ​യ ഒ​രു കെ​ട്ടി​ട​ത്തി​ൽ വ​ർ​ഷ​ങ്ങ​ളോ​ളം ഏ​താ​ണ്ട് ഒ​റ്റ​ക്കു​നി​ന്ന് പ​ണി​പ്പെ​ട്ടു യെ​മെ. മൂ​ന്നു​വ​ർ​ഷം മു​മ്പ് ബോം​ബേ സ​ർ​വോ​ദ​യ ഫ്ര​ണ്ട്ഷി​പ് സെ​ന്റ​ർ (ബി.​എ​സ്.​എ​ഫ്.​സി) എ​ന്ന സ​ന്ന​ദ്ധ സം​ഘ​ട​ന ഡോ​ക്ട​റു​ടെ സ​ഹാ​യ​ത്തി​നെ​ത്തി. ഒ​രു ഓ​പ​റേ​ഷ​ൻ തി​യ​റ്റ​ർ നി​ർ​മി​ക്കാ​നും കൂ​ടു​ത​ൽ ജീ​വ​ന​ക്കാ​രു​ടെ ശ​മ്പ​ള​ത്തി​നും ശ​സ്ത്ര​ക്രി​യ​ക​ൾ​ക്കു​ള്ള സാ​മ്പ​ത്തി​ക സ​ഹാ​യ​ത്തി​നും അ​വ​ർ ഫ​ണ്ട് ന​ൽ​കാ​മെ​ന്നേ​റ്റു. പ​ക്ഷേ, വി​ദേ​ശ സം​ഭാ​വ​ന​ക​ൾ സ്വീ​ക​രി​ക്കാ​ൻ ബി.​എ​സ്.​എ​ഫ്.​സി​ക്കു​ണ്ടാ​യി​രു​ന്ന ലൈ​സ​ൻ​സ് 2021 ഒ​ക്ടോ​ബ​റി​ൽ കാ​ല​ഹ​ര​ണ​പ്പെ​ട്ടു, പി​ന്നീ​ട​ത് പു​തു​ക്കി​യെ​ടു​ക്കാ​നു​മാ​യി​ല്ല.

ഒ​റ്റ​രാ​ത്രി​കൊ​ണ്ട്, ആ​ശു​പ​ത്രി​യു​ടെ പ്ര​വ​ർ​ത്ത​ന​ങ്ങ​ളെ​ല്ലാം ത​കി​ടം​മ​റി​ഞ്ഞു. യെ​മെ വീ​ണ്ടും പ​ഴ​യ​പ​ടി​യാ​യി. ഓ​പ​റേ​ഷ​ൻ തി​യ​റ്റ​ർ പ്ര​വ​ർ​ത്ത​നം പൂ​ർ​ണ​മാ​യും നി​ർ​ത്തി. രോ​ഗി​ക​ളെ പ​രി​ശോ​ധി​ക്കാ​ൻ എ​ത്തി​യി​രു​ന്ന ഡോ​ക്ട​ർ​മാ​രു​ടെ വ​ര​വ് പോ​ലും നി​ല​ച്ചി​രി​ക്കു​ക​യാ​ണെ​ന്നും അ​ദ്ദേ​ഹം പ​റ​യു​ന്നു. ഒ​രു​പാ​ട് രോ​ഗി​ക​ൾ​ക്ക് ആ​ശ്വാ​സ​വും പു​ഞ്ചി​രി​യും പ​ക​ർ​ന്ന ആ ​ആ​ശു​പ​ത്രി ഇ​പ്പോ​ൾ കാ​ണു​മ്പോ​ൾ​ത​ന്നെ സ​ങ്ക​ടം തോ​ന്നും- കി​ട​ക്ക​ക​ൾ ശൂ​ന്യം, എ​ക്സ്റേ മു​റി​യും ഓ​പ​റേ​ഷ​ൻ തി​യ​റ്റ​റും പൂ​ട്ടി​ക്കി​ട​ക്കു​ന്നു, ക​സേ​ര​ക​ൾ മു​ഴു​വ​ൻ പൊ​ടി​യി​ലും മാ​റാ​ല​യി​ലും മു​ങ്ങി. മ​ഴ ന​ന​ഞ്ഞ് ചു​മ​രു​ക​ളി​ലെ പെ​യി​ന്റ് അ​ട​ർ​ന്നു തു​ട​ങ്ങി​യി​രി​ക്കു​ന്നു.

ലാ​ഭേ​ച്ഛ​യി​ല്ലാ​തെ പ്ര​വ​ർ​ത്തി​ക്കു​ന്ന സം​ഘ​ങ്ങ​ൾ​ക്കു​മേ​ൽ ന​രേ​ന്ദ്ര മോ​ദി സ​ർ​ക്കാ​ർ നി​രീ​ക്ഷ​ണം ക​ർ​ശ​ന​മാ​ക്കി​യ ശേ​ഷം രാ​ജ്യ​ത്തെ ആ​യി​ര​ക്ക​ണ​ക്കി​ന് സി​വി​ൽ സൊ​സൈ​റ്റി ഗ്രൂ​പ്പു​ക​ളു​ടെ, വി​ദേ​ശ സം​ഭാ​വ​ന നി​യ​ന്ത്ര​ണ നി​യ​മ (എ​ഫ്‌.​സി.​ആ​ർ.​എ) പ്ര​കാ​രം വി​ദേ​ശ സം​ഭാ​വ​ന​ക​ൾ സ്വീ​ക​രി​ക്കാ​നു​ള്ള ലൈ​സ​ൻ​സു​ക​ളാ​ണ് റ​ദ്ദാ​ക്ക​പ്പെ​ട്ട​ത്. സ​ന്ന​ദ്ധ സം​ഘ​ട​ന​ക​ൾ വ​രു​ത്തി​യ ക്ര​മ​ക്കേ​ടു​ക​ളാ​ണ് ലൈ​സ​ൻ​സ് റ​ദ്ദാ​ക്ക​ലി​ന് കാ​ര​ണ​മെ​ന്ന് സ​ർ​ക്കാ​ർ പ​റ​യു​മ്പോ​ൾ എ​തി​ര​ഭി​പ്രാ​യ​ങ്ങ​ൾ ത​ട​യു​ന്ന​തി​നു​ള്ള അ​ടി​ച്ച​മ​ർ​ത്ത​ൽ ന​യ​ത്തി​ന്റെ ഭാ​ഗ​മാ​ണ് ഈ ​ന​ട​പ​ടി​യെ​ന്ന് സി​വി​ൽ സൊ​സൈ​റ്റി പ്ര​വ​ർ​ത്ത​ക​ർ ആ​രോ​പി​ക്കു​ന്നു. ലൈ​സ​ൻ​സ് റ​ദ്ദാ​ക്ക​പ്പെ​ട്ട സം​ഘ​ട​ന​ക​ളു​ടെ പ​ട്ടി​ക​യി​ൽ ഓ​ക്സ്ഫാം, ആം​ന​സ്റ്റി ഇ​ന്റ​ർ​നാ​ഷ​ന​ൽ, വേ​ൾ​ഡ് വി​ഷ​ൻ തു​ട​ങ്ങി​യ​വ​യും ഉ​ൾ​പ്പെ​ടു​ന്നു. തി​ങ്ക് ടാ​ങ്ക് എ​ന്ന നി​ല​യി​ൽ പേ​രെ​ടു​ത്ത സെ​ന്റ​ർ ഫോ​ർ പോ​ളി​സി റി​സ​ർ​ച്ചി​ന്റെ (സി.​പി.​ആ​ർ) ലൈ​സ​ൻ​സ് ജ​നു​വ​രി​യി​ലാ​ണ് റ​ദ്ദാ​ക്കി​യ​ത്.

ലാ​ഭേ​ച്ഛ​യി​ല്ലാ​തെ പ്ര​വ​ർ​ത്തി​ക്കു​ന്ന 230,000ത്തി​ല​ധി​കം ര​ജി​സ്റ്റ​ർ ചെ​യ്യ​പ്പെ​ട്ട സ്ഥാ​പ​ന​ങ്ങ​ളി​ൽ വ​ള​രെ കു​റ​ച്ചെ​ണ്ണം മാ​ത്ര​മേ നി​യ​മ​പ​ര​മാ​യ അ​ടി​സ്ഥാ​ന ബാ​ധ്യ​ത​ക​ൾ നി​റ​വേ​റ്റി ഫ​ണ്ടു​ക​ൾ ശ​രി​യാ​യി ഉ​പ​യോ​ഗി​ക്കു​ന്നു​ള്ളു എ​ന്ന​തി​നാ​ൽ വി​ദേ​ശ സം​ഭാ​വ​ന​ക​ൾ സ്വീ​ക​രി​ക്കു​ന്ന​തി​നും വി​നി​യോ​ഗി​ക്കു​ന്ന​തി​നു​മു​ള്ള ഉ​ത്ത​ര​വാ​ദി​ത്തം വ​ർ​ധി​പ്പി​ക്കു​ന്ന​തി​ന് നി​യ​മ​മാ​റ്റം അ​നി​വാ​ര്യ​മാ​ണെ​ന്ന് മോ​ദി സ​ർ​ക്കാ​ർ പ​റ​യു​ന്നു.

തു​ട​ക്ക​ത്തി​ൽ പ​രാ​മ​ർ​ശി​ച്ച ബോം​ബേ സ​ർ​വോ​ദ​യ ഫ്ര​ണ്ട്ഷി​പ് സെ​ന്റ​റി​നെ സം​ബ​ന്ധി​ച്ചി​ട​ത്തോ​ളം ലൈ​സ​ൻ​സ് റ​ദ്ദാ​ക്ക​ൽ വ​രു​ത്തി​വെ​ച്ച ആ​ഘാ​തം ചെ​റു​ത​ല്ല. ‘‘ജീ​വ​ന​ക്കാ​രു​ടെ എ​ണ്ണം 30ൽ ​നി​ന്ന് ഏ​ഴാ​യി കു​റ​ക്കാ​ൻ ഞ​ങ്ങ​ൾ നി​ർ​ബ​ന്ധി​ത​രാ​യി, ന​ട​ത്തി​വ​ന്ന പ​ദ്ധ​തി​ക​ളും നി​ർ​ത്തേ​ണ്ടി​വ​ന്നു’’- ബി.​എ​സ്.​എ​ഫ്‌.​സി ട്ര​സ്റ്റി അ​നി​ൽ ഹെ​ബ്ബാ​ർ പ​റ​യു​ന്നു.

വി​ദേ​ശ സം​ഭാ​വ​ന നി​യ​ന്ത്ര​ണ നി​യ​മ പ്ര​കാ​രം ലൈ​സ​ൻ​സു​ള്ള 15,947 സ​ർ​ക്കാ​റി​ത​ര സ​ന്ന​ദ്ധ​സം​ഘ​ട​ന(​എ​ൻ.​ജി.​ഒ)​ക​ൾ മാ​​ത്ര​മേ ഇ​പ്പോ​ൾ സ​ജീ​വ​മാ​യി​ട്ടു​ള്ളൂ എ​ന്ന് സ​ർ​ക്കാ​ർ രേ​ഖ​ക​ൾ സൂ​ചി​പ്പി​ക്കു​ന്നു. 35,488 സം​ഘ​ട​ന​ക​ളു​ടെ ലൈ​സ​ൻ​സു​ക​ൾ റ​ദ്ദാ​ക്കു​ക​യോ കാ​ല​ഹ​ര​ണ​പ്പെ​ട്ട ശേ​ഷം പു​തു​ക്കി​ന​ൽ​കാ​തി​രി​ക്കു​ക​യോ ചെ​യ്തി​ട്ടു​ണ്ട്.

ഇ​ത് പ​ല സം​ഘ​ട​ന​ക​ളു​ടെ​യും നി​ല​നി​ൽ​പ് പ​രി​താ​പ​ക​ര​മാ​ക്കു​ക​യും 140 കോ​ടി ജ​ന​ങ്ങ​ളു​ള്ള രാ​ജ്യ​ത്തെ അ​വ​ശ്യ​സേ​വ​ന​ങ്ങ​ൾ ല​ഭി​ക്കേ​ണ്ട ദു​ർ​ബ​ല​രാ​യ മ​നു​ഷ്യ​ർ​ക്ക് അ​വ ന​ഷ്ട​മാ​ക്കു​ക​യും ചെ​യ്തു.സ​ർ​ക്കാ​റി​ത​ര സ​ന്ന​ദ്ധ സം​ഘ​ട​നാ പ്ര​വ​ർ​ത്ത​ന മേ​ഖ​ല ഭാ​വി​യി​ൽ അ​ട്ടി​മ​റി​ക്ക​പ്പെ​ട്ടേ​ക്കു​മെ​ന്നും ഭാ​വി​യി​ൽ സ​ർ​ക്കാ​ർ പി​ന്തു​ണ​യു​ള്ള പ​ദ്ധ​തി​ക​ളു​മാ​യി ബ​ന്ധ​പ്പെ​ട്ട് പ്ര​വ​ർ​ത്തി​ക്കു​ന്ന​തി​ലേ​ക്കെ​ത്തി​ച്ചേ​ക്കു​മെ​ന്നും പ​റ​ഞ്ഞ സി.​പി.​ആ​ർ ​ഫെ​ലോ മു​ക്ത നാ​യി​ക് ആ​ളു​ക​ൾ​ക്ക് ശ​രി​ക്കും എ​ന്താ​ണ് വേ​ണ്ട​തെ​ന്ന് മ​ന​സ്സി​ലാ​ക്കാ​നു​ള്ള ഈ ​ഇ​ട​ത്തെ നി​യ​ന്ത്രി​ക്കാ​ൻ സ​ർ​ക്കാ​ർ ശ്ര​മി​ക്ക​രു​തെ​ന്നും കൂ​ട്ടി​ച്ചേ​ർ​ത്തു.

1976ൽ ​അ​ന്ന​ത്തെ പ്ര​ധാ​ന​മ​ന്ത്രി ഇ​ന്ദി​ര ഗാ​ന്ധി വി​ദേ​ശ സം​ഭാ​വ​ന നി​യ​ന്ത്ര​ണ നി​യ​മം കൊ​ണ്ടു​വ​ന്ന​ത് പൗ​രാ​വ​കാ​ശ ലം​ഘ​ന​ത്തെ വി​മ​ർ​ശി​ക്കു​ന്ന​വ​രെ ല​ക്ഷ്യ​മി​ട്ടാ​യി​രു​ന്നു. 2020ൽ ​വി​ദേ​ശ സം​ഭാ​വ​ന ല​ഭി​ച്ച സം​ഘ​ട​ന​ക​ൾ ആ ​തു​ക​യി​ൽ​നി​ന്ന് സ​മാ​ന ലൈ​സ​ൻ​സു​ള്ള മ​റ്റ് സ​ന്ന​ദ്ധ സം​ഘ​ട​ന​ക​ൾ​ക്ക് പ​ണം കൈ​മാ​റു​ന്ന​ത് നി​രോ​ധി​ച്ചും സ്റ്റാ​ഫ്, ഓ​ഫി​സ് എ​ന്നി​വ​യു​ൾ​പ്പെ​ടെ​യു​ള്ള ഭ​ര​ണ ചെ​ല​വു​ക​ൾ​ക്കാ​യി ചെ​ല​വാ​ക്കാ​വു​ന്ന തു​ക​യു​ടെ 20 ശ​ത​മാ​ന​മാ​യി പ​രി​മി​ത​പ്പെ​ടു​ത്തി​യും നി​യ​ന്ത്ര​ണ​ങ്ങ​ൾ കൂ​ടു​ത​ൽ ക​ർ​ശ​ന​മാ​ക്കി.

‘‘എ​ഫ്‌.​സി.​ആ​ർ.​എ ലൈ​സ​ൻ​സു​ള്ള പ​ല ചെ​റു​കി​ട സം​ഘ​ങ്ങ​ൾ​ക്കും ഫ​ണ്ട് സ്വ​രൂ​പി​ക്കാ​ൻ ശേ​ഷി​യി​ല്ലാ​ത്ത​തി​നാ​ൽ സ്വാ​ഭാ​വി​ക​മാ​യും വ​ലി​യ സം​ഘ​ട​ന​ക​ളെ ആ​ശ്ര​യി​ക്കും’’- എ​ഫ്‌.​സി.​ആ​ർ.​എ ലം​ഘ​ന​ങ്ങ​ൾ ന​ട​ത്തി​യെ​ന്ന സ​ർ​ക്കാ​ർ ആ​രോ​പ​ണ​ത്തെ​ത്തു​ട​ർ​ന്ന് 2020ൽ ​രാ​ജ്യ​ത്തെ പ്ര​വ​ർ​ത്ത​നം അ​വ​സാ​നി​പ്പി​ച്ച ആം​ന​സ്റ്റി ഇ​ന്ത്യ​യു​ടെ മു​ൻ മേ​ധാ​വി അ​വി​നാ​ഷ് കു​മാ​ർ പ​റ​യു​ന്നു. തൃ​ണ​മൂ​ല​ത​ല​ത്തി​ൽ പ്ര​വ​ർ​ത്തി​ക്കു​ന്ന സം​ഘ​ട​ന​ക​ളെ ധ​ന​സ​ഹാ​യം കി​ട്ടാ​തെ സ​മ്പൂ​ർ​ണ​മാ​യി ശ്വാ​സം മു​ട്ടി​ക്കാ​ൻ ല​ക്ഷ്യ​മി​ട്ട് ന​ട​പ്പാ​ക്കി​യ​താ​ണ് 2020ലെ ​ഭേ​ദ​ഗ​തി​ക​ളെ​ന്നാ​ണ് അ​വി​നാ​ഷ് കു​മാ​റി​ന്റെ പ​ക്ഷം. മോ​ദി സ​ർ​ക്കാ​ർ ഭ​ര​ണ​ത്തു​ട​ർ​ച്ച നേ​ടി​യ​തോ​ടെ ഇ​ത്ത​രം അ​ടി​ച്ച​മ​ർ​ത്ത​ൽ തു​ട​ർ​ന്നേ​ക്കു​മെ​ന്ന ആ​ശ​ങ്ക​യി​ലാ​ണ് പൗ​ര​സം​ഘ​ട​ന​ക​ൾ.

സ്വീ​ഡ​നി​ലെ വി-​ഡെം ഇ​ൻ​സ്റ്റി​റ്റ്യൂ​ട്ടി​ന്റെ ക​ണ​ക്കു​പ്ര​കാ​രം 2013ൽ 0.84 ​ഉ​ണ്ടാ​യി​രു​ന്ന ഇ​ന്ത്യ​യു​ടെ സി​വി​ൽ സൊ​സൈ​റ്റി പ​ങ്കാ​ളി​ത്ത സൂ​ചി​ക 2023 ആ​യ​പ്പോ​ളേ​ക്ക് 0.61-ലേ​ക്ക് താ​ഴ്ന്നു- 47 വ​ർ​ഷ​ത്തി​നി​ട​യി​ൽ രേ​ഖ​പ്പെ​ടു​ത്തി​യ ഏ​റ്റ​വും ക​ന​ത്ത ഇ​ടി​വാ​ണി​ത്. ഇ​തി​ന​കം ത​ന്നെ നി​ര​വ​ധി സ​ന്ന​ദ്ധ​സം​ഘ​ട​ന​ക​ൾ ഒ​ന്നു​കി​ൽ പ്ര​വ​ർ​ത്ത​നം പൂ​ർ​ണ​മാ​യും നി​ർ​ത്തു​ക​യോ നാ​മ​മാ​ത്ര​മാ​യി വെ​ട്ടി​ച്ചു​രു​ക്കു​ക​യോ ചെ​യ്തി​ട്ടു​ണ്ട്. ത​ൽ​ഫ​ല​മാ​യി നി​ര​വ​ധി ആ​ളു​ക​ൾ​ക്ക് ജോ​ലി​യും ന​ഷ്‌​ട​പ്പെ​ട്ടു.

ന്യൂ​ഡ​ൽ​ഹി ആ​സ്ഥാ​ന​മാ​യു​ള്ള ഒ​രു എ​ൻ.​ജി.​ഒ​യു​ടെ അ​ർ​ബ​ൻ കോ​ഓ​ഡി​നേ​റ്റ​ർ എ​ന്ന നി​ല​യി​ൽ 14 വ​ർ​ഷ​മാ​യി ന​ഗ​ര​ത്തി​ലെ ചേ​രി​ക​ളി​ലും അ​നൗ​പ​ചാ​രി​ക താ​മ​സ​കേ​ന്ദ്ര​ങ്ങ​ളി​ലും സാ​മൂ​ഹി​ക പ്ര​വ​ർ​ത്ത​നം ന​ട​ത്തു​ക​യാ​യി​രു​ന്നു മീ​നാ​ക്ഷി എ​ന്ന 39കാ​രി. അ​വ​രു​ടെ സേ​വ​നം ല​ഭി​ച്ചു​വ​ന്നി​രു​ന്ന ജ​ന​ങ്ങ​ൾ​ക്ക് മാ​ത്ര​മ​ല്ല, ഏ​റെ വ​ർ​ഷ​ങ്ങ​ൾ​ക്കു​മു​മ്പ് ത​ന്നെ ഭ​ർ​ത്താ​വ് മ​ര​ണ​പ്പെ​ട്ട മീ​നാ​ക്ഷി​ക്ക് ര​ണ്ട് മ​ക്ക​ളെ വ​ള​ർ​ത്തു​ന്ന​തി​നും ആ ​ജോ​ലി പ​ര​മ​പ്ര​ധാ​ന​മാ​യി​രു​ന്നു. മീ​നാ​ക്ഷി പ്ര​വ​ർ​ത്തി​ച്ചി​രു​ന്ന​തു​ൾ​പ്പെ​ടെ അ​ഞ്ച് സ​ന്ന​ദ്ധ സം​ഘ​ട​ന​ക​ളു​ടെ വി​ദേ​ശ​സം​ഭാ​വ​ന സ്വീ​ക​രി​ക്കാ​നു​ള്ള ലൈ​സ​ൻ​സ് ഇ​ക്ക​ഴി​ഞ്ഞ മാ​ർ​ച്ചി​ൽ കേ​ന്ദ്ര​സ​ർ​ക്കാ​ർ റ​ദ്ദാ​ക്കി. അ​തോ​ടെ ആ ​സം​ഘ​ട​ന​യു​ടെ നി​ല​നി​ൽ​പു​ത​ന്നെ അ​വ​താ​ള​ത്തി​ലാ​വു​ക​യും 250 ജീ​വ​ന​ക്കാ​രി​ൽ മീ​നാ​ക്ഷി ഉ​ൾ​പ്പെ​ടെ 220 പേ​രെ ഉ​ട​ൻ ജോ​ലി​യി​ൽ​നി​ന്ന് ഒ​ഴി​വാ​ക്കു​ക​യും ചെ​യ്തു.

കൗ​മാ​ര​ക്കാ​രാ​യ ര​ണ്ട് മ​ക്ക​ളു​ടെ വി​ദ്യാ​ഭ്യാ​സ​ത്തി​ന് പ​ണം ക​ണ്ടെ​ത്തേ​ണ്ട​തു​ള്ള​തു​കൊ​ണ്ട് ജോ​ലി​യി​ല്ലാ​ത്ത ജീ​വി​തം അ​വ​ർ​ക്ക് അ​ചി​ന്ത്യ​മാ​യി​രു​ന്നു. സ​ന്ന​ദ്ധ സം​ഘ​ട​ന​യി​ൽ പ്ര​തി​മാ​സം 45000 രൂ​പ ല​ഭി​ച്ചി​രു​ന്ന മീ​നാ​ക്ഷി ഡ​ൽ​ഹി​യി​ലെ ഒ​രു ഹാ​ർ​ഡ് വെ​യ​ർ ക​ട​യി​ൽ 5000 രൂ​പ ശ​മ്പ​ള​ത്തി​ന് ജോ​ലി ചെ​യ്യു​ക​യാ​ണി​പ്പോ​ൾ. തൊ​ഴി​ലി​ല്ലാ​യ്മ ക​ടു​ത്ത ആ​ശ​ങ്ക​യാ​യി നി​ൽ​ക്കു​ന്ന ഒ​രു രാ​ജ്യ​ത്ത് ഇ​ങ്ങ​നെ ഒ​രു ജോ​ലി​യെ​ങ്കി​ലും ല​ഭി​ച്ച​ത് ഭാ​ഗ്യ​മാ​ണെ​ന്ന് അ​വ​ർ​ക്ക​റി​യാം.

അ​ഞ്ജ​ൻ​വേ​ലി​ലെ ആ​ളു​ക​ൾ​ക്കി​പ്പോ​ൾ വൈ​ദ്യ​പ​രി​ര​ക്ഷ തേ​ടു​ന്ന​തി​ന് 50 കി​ലോ​മീ​റ്റ​ർ യാ​ത്ര ചെ​യ്യ​ണം. ‘‘ക​ഴി​ഞ്ഞ ദി​വ​സം ഇ​വി​ടെ ഒ​രു ബൈ​ക്ക് അ​പ​ക​ട​മു​ണ്ടാ​യി, ര​ണ്ട് പേ​രു​ടെ കാ​ലു​ക​ൾ​ക്ക് പ​രി​ക്കേ​റ്റി​രു​ന്നു, മെ​ഷീ​ൻ പ്ര​വ​ർ​ത്തി​പ്പി​ക്കാ​ൻ മാ​ർ​ഗ​മി​ല്ലാ​ഞ്ഞ​തി​നാ​ൽ അ​വ​രു​ടെ എ​ക്സ്റേ എ​ടു​ക്കാ​ൻ പോ​ലും സാ​ധി​ച്ചി​ല്ല. ആ ​പ​രി​ക്കും വെ​ച്ച് അ​വ​രെ ഒ​ന്നേ കാ​ൽ മ​ണി​ക്കൂ​ർ യാ​ത്ര ചെ​യ്തെ​ത്തേ​ണ്ട എ​ക്സ്റേ സൗ​ക​ര്യ​മു​ള്ള മെ​ഡി​ക്ക​ൽ സെ​ന്റ​റി​ലേ​ക്ക് പ​റ​ഞ്ഞു​വി​ടേ​ണ്ടി​വ​ന്നു.’’-​ഡോ. യെ​മെ പ​റ​യു​ന്നു.

(​പ്ര​മു​ഖ മാ​ധ്യ​മ പ്ര​വ​ർ​ത്ത​ക​നും ഗ്ര​ന്ഥ​ക​ർ​ത്താ​വു​മാ​യ ലേ​ഖ​ക​ൻ തോം​സ​ൺ റോ​യി​ട്ടേ​ഴ്‌​സ് ഫൗ​ണ്ടേ​ഷ​ന്റെ www.context.newsൽ ​എ​ഴു​തി​യ​ത്).