വോട്ട് ഗുജറാത്തിൽ, കൊട്ട് മഹാരാഷ്ട്രയിൽ

മ​ഹാ​രാ​ഷ്ട്ര മു​ഖ്യ​മ​ന്ത്രി ഏ​ക് നാ​ഥ് ഷി​ൻ​ഡെ​യു​ടെ​യും ഉ​പ​മു​ഖ്യ​മ​ന്ത്രി ദേ​വേ​ന്ദ്ര ഫ​ഡ്നാ​വി​സി​ന്റെ​യും മു​ഖ​ത്തെ ച​മ്മ​ൽ ശ്ര​ദ്ധി​ച്ചോ? 1.79 ല​ക്ഷം കോ​ടി രൂ​പ വി​ല​യു​ണ്ട് ആ ​ച​മ്മ​ലി​ന്. ഗു​ജ​റാ​ത്തി​നു​വേ​ണ്ടി മ​ഹാ​രാ​ഷ്ട്ര​ക്ക് ന​ഷ്ട​മാ​യ നാ​ലു വ​മ്പ​ൻ പ​ദ്ധ​തി​ക​ളു​ടെ തു​ക​യാ​ണ​ത്. അ​തി​ൽ ര​ണ്ടെ​ണ്ണം ​കൈ​വി​ട്ടു​പോ​യ​ത് ഷി​​ൻ​ഡെ-​ഫ​ഡ്നാ​വി​സ് സം​ഘം അ​ധി​കാ​ര​മേ​റി​യ​ശേ​ഷ​മാ​ണ്.

വേ​ദാ​ന്ത​യു​ടെ ഫോ​ക്സ്കോ​ൺ ചി​പ് ഉ​ൽ​പാ​ദ​ന പ​ദ്ധ​തി, ബൃ​ഹ​ത്താ​യ ഒ​രു മ​രു​ന്നു​ൽ​പാ​ദ​ന പ​ദ്ധ​തി, മെ​ഡി​ക്ക​ൽ പാ​ർ​ക്ക് എ​ന്നി​വ​ക്കു പു​റ​മെ സൈ​നി​ക​ഗ​താ​ഗ​ത​ത്തി​നാ​യി വി​മാ​ന​ങ്ങ​ൾ നി​ർ​മി​ക്കാ​നു​ള്ള ടാ​റ്റ-​എ​യ​ർ​ബ​സ് പ​ദ്ധ​തി​യാ​ണ് അ​വ​സാ​ന​മാ​യി ഗു​ജ​റാ​ത്തി​ലേ​ക്കു മാ​റ്റ​പ്പെ​ട്ടി​രി​ക്കു​ന്ന​ത്.

സ​മ​യ​മാ​ണ് കാ​ര്യം, ഗു​ജ​റാ​ത്ത് പോ​ളി​ങ് ബൂ​ത്തി​ലേ​ക്കു പോ​കാ​ൻ ത​യാ​റെ​ടു​ക്കു​ക​യാ​ണ്. ഈ ​ഘ​ട്ട​ത്തി​ൽ ഇ​ത്ത​രം കു​റ​ച്ച് വ​മ്പ​ൻ പ​ദ്ധ​തി​ക​ൾ പ്ര​ഖ്യാ​പി​ക്കു​ന്ന​ത് പ്ര​ധാ​ന​മ​ന്ത്രി​യു​ടെ ത​ട്ട​ക​ത്തി​ൽ വ​ന്ന് അ​ര​വി​ന്ദ് ​കെ​ജ്രി​വാ​ൾ ന​ട​ത്തു​ന്ന പ്ര​ചാ​ര​ണ​വേ​ല​ക​ളെ പൊ​ളി​ക്കാ​ൻ ഉ​പ​ക​രി​ച്ചേ​ക്കും.

മൂ​ന്നു മു​ഖ്യ പ്ര​തി​പ​ക്ഷ​പാ​ർ​ട്ടി​ക​ൾ ചേ​ർ​ന്ന് ഭ​രി​ച്ചു​പോ​ന്ന സ​ർ​ക്കാ​റി​നെ താ​ഴെ വ​ലി​ച്ചി​ട്ടാ​ണ് ഷി​​ൻ​ഡെ-​ഫ​ഡ്നാ​വി​സ് സം​ഘം അ​ധി​കാ​രം പി​ടി​ച്ച​ത്. സാ​മ്പ​ത്തി​ക ത​ല​സ്ഥാ​നം എ​ന്ന സ്ഥാ​നം​പോ​ലും മും​ബൈ​ക്കു ന​ഷ്ട​പ്പെ​ടു​ന്ന അ​വ​സ്ഥ സൃ​ഷ്ടി​ച്ച​തി​ന് ഇ​രു​വ​രും സ​മാ​ധാ​നം പ​റ​യ​ണ​മെ​ന്ന് പ്ര​തി​പ​ക്ഷ പാ​ർ​ട്ടി നേ​താ​ക്ക​ൾ ആ​വ​ശ്യ​പ്പെ​ടു​ന്നു. ത​മി​ഴ്നാ​ടി​നു പി​ന്നാ​ലെ രാ​ജ്യ​ത്തെ ഏ​റ്റ​വും വ​ലി​യ വ്യ​വ​സാ​യ​വ​ത്കൃ​ത സം​സ്ഥാ​ന​മാ​ണ് മ​ഹാ​രാ​ഷ്ട്ര, എ​ന്നി​​ട്ടെ​ന്തു കാ​ര്യം? ഗു​ജ​റാ​ത്താ​ണ് കാ​ര്യ​മാ​യ വ്യ​വ​സാ​യ​ങ്ങ​ൾ ന​ട​ത്തു​ന്ന​ത്.

ഷി​ൻ​ഡെ​യും മ​ഹാ​രാ​ഷ്ട്ര​യി​ലെ ബി.​ജെ.​പി നേ​താ​ക്ക​ളും പാ​ർ​ട്ടി അ​ണി​ക​ളെ​യും വോ​ട്ട​ർ​മാ​രെ​യും അ​നു​ര​ഞ്ജി​പ്പി​ക്കാ​ൻ നോ​ക്കു​ന്നു​ണ്ട്. പ​ക്ഷേ, സ​ർ​ക്കാ​റി​നു​ത​ന്നെ നി​ൽ​ക്ക​ക്ക​ള്ളി​യി​ല്ലാ​ത്ത അ​വ​സ്ഥ​പോ​ലു​ണ്ട്. ഈ ​കു​റി​പ്പ് എ​ഴു​തു​ന്ന​തി​ന്റെ ഭാ​ഗ​മാ​യി ശി​വ​സേ​ന ഉ​ദ്ധ​വ്-​ഷി​ൻ​ഡെ വി​ഭാ​ഗ​ങ്ങ​ൾ, എ​ൻ.​സി.​പി, ബി.​ജെ.​പി, കോ​ൺ​ഗ്ര​സ് എ​ന്നി​വ​യു​ടെ നേ​താ​ക്ക​ളു​മാ​യി ഞാ​ൻ സം​സാ​രി​ച്ചി​രു​ന്നു.

'മ​ഹാ​രാ​ഷ്ട്ര​യു​ടെ ചെ​ല​വി​ൽ ഗു​ജ​റാ​ത്തി​ന് സേ​വ ചെ​യ്യു​ന്ന​ത് അ​വ​സാ​നി​പ്പി​ക്കാ​ത്ത​പ​ക്ഷം മും​ബൈ ന​ഗ​ര​സ​ഭ തെ​ര​ഞ്ഞെ​ടു​പ്പി​ലും 2024ലെ ​ലോ​ക്സ​ഭ, നി​യ​മ​സ​ഭ തെ​ര​ഞ്ഞെ​ടു​പ്പു​ക​ളി​ലും മ​ഹാ​രാ​ഷ്ട്ര​ക്കാ​രു​ടെ​ രോ​ഷം നേ​രി​ടേ​ണ്ടി​വ​രും' എ​ന്ന കാ​ര്യ​ത്തി​ൽ കേ​ന്ദ്ര​മ​ന്ത്രി​മാ​രു​ൾ​പ്പെ​ടെ ബി.​ജെ.​പി​ക്കാ​ർ​ക്ക് മ​റ്റൊ​ര​ഭി​പ്രാ​യ​മി​ല്ല. വേ​ദാ​ന്ത​യു​ടെ ചി​പ് ഫാ​ക്ട​റി ഗു​ജ​റാ​ത്തി​ലേ​ക്കു പ​റി​ച്ചു​ന​ട​പ്പെ​ട്ട​തി​ന്റെ സ​ങ്ക​ടം മാ​റ്റാ​ൻ ടാ​റ്റ​യു​ടെ വ​ലി​യ ഒ​രു പ​ദ്ധ​തി ത​ന്റെ മ​ണ്ഡ​ല​മാ​യ നാ​ഗ്പു​രി​ൽ കൊ​ണ്ടു​വ​രാ​ൻ കേ​ന്ദ്ര​മ​ന്ത്രി നി​തി​ൻ ഗ​ഡ്ക​രി ഒ​രു​പാ​ട് പ​ണി​പ്പെ​ട്ട​താ​ണ്. ടാ​റ്റാ സ​ൺ​സ് അ​ധ്യ​ക്ഷ​ൻ എ​ൻ. ച​ന്ദ്ര​ശേ​ഖ​ര​ന് ക​ത്തു​ക​ള​യ​ക്കു​ക​വ​രെ ചെ​യ്തു അ​ദ്ദേ​ഹം. ഭ​ഗീ​ര​ഥ പ്ര​യ​ത്ന​ങ്ങ​ൾ​ക്കൊ​ടു​വി​ലും ഗു​ജ​റാ​ത്ത് തെ​ര​ഞ്ഞെ​ടു​പ്പി​ന്റെ മ​റ​വി​ൽ നാ​ഗ്പു​രി​ന് പ​ദ്ധ​തി ന​ഷ്ട​മാ​യി.

താ​ക്ക​റെ അ​നു​കൂ​ലി​ക​ൾ​ക്കു​ള്ളി​ലും രോ​ഷം പ്ര​ക​ട​മാ​ണ്. താ​ക്ക​റെ​യു​ടെ അ​ടു​ത്ത അ​നു​യാ​യി​ക​ളി​ലൊ​രാ​ൾ പ​റ​ഞ്ഞ​ത്, ''ഉ​ദ്ധ​വ്ജി സൗ​മ്യ​മ​ന​സ്ക​നാ​യ​ത് ബി.​ജെ.​പി​യു​ടെ​യും കേ​ന്ദ്ര നേ​താ​ക്ക​ളു​ടെ​യും ഭാ​ഗ്യ​മെ​ന്നു കൂ​ട്ടി​യാ​ൽ മ​തി; ബാ​ലാ​സാ​ഹെ​ബ് ഇ​പ്പോ​ൾ ഉ​ണ്ടാ​യി​രു​ന്നെ​ങ്കി​ൽ കാ​ണി​ച്ചു ​​​കൊ​ടു​ത്തേ​നെ, ഗു​ജ​റാ​ത്ത് അ​നു​കൂ​ലി​ക​ളെ മും​ബൈ​യി​ൽ താ​മ​സി​ക്കാ​ൻ​പോ​ലും അ​ദ്ദേ​ഹം അ​നു​വ​ദി​ക്കു​മാ​യി​രു​ന്നി​ല്ല.''

സൗ​മ്യ​നാ​ണെ​ങ്കി​ലും അ​ല്ലെ​ങ്കി​ലും മ​ഹാ​രാ​ഷ്ട്ര​ക്ക് ന​ഷ്ടം വ​രു​ത്തി ഗു​ജ​റാ​ത്തി​നോ​ട് പ​ക്ഷ​പാ​തി​ത്വം കാ​ണി​ക്കു​ന്നു​വെ​ന്ന ആ​ഖ്യാ​ന​ത്തെ ഉ​ദ്ധ​വ് ന​ന്നാ​യി മു​ത​ലാ​ക്കു​ന്നു​ണ്ട്. ഇ​രു സം​സ്ഥാ​ന​ങ്ങ​ൾ​ക്കു​മി​ട​യി​ൽ മ​ത്സ​രാ​ധി​ഷ്ഠി​ത​മാ​യ ഒ​രു ഉ​പ​ദേ​ശീ​യ വി​കാ​രം എ​ന്നും നി​ല​നി​ൽ​ക്കു​ന്നു​ണ്ട്. മ​റാ​ത്താ മ​ണ്ണി​ന്റെ മ​ക്ക​ളാ​യി സ്വ​യം പ്ര​തി​ഷ്ഠി​ച്ചി​രി​ക്കു​ന്ന സേ​ന​യും എ​ൻ.​സി.​പി​യും മ​ഹാ​രാ​ഷ്ട്ര​മ​ക്ക​ൾ ക​ബ​ളി​പ്പി​ക്ക​പ്പെ​ടു​ന്നു​വെ​ന്ന വാ​ദ​ത്തി​ന് വി​ത്തു​പാ​കു​ന്നു​മു​ണ്ട്.

സ്വ​ന്തം പാ​ർ​ട്ടി​ക്കാ​രാ​ൽ വ​ഞ്ചി​ക്ക​പ്പെ​ട്ട് അ​ധി​കാ​രം ഒ​ഴി​യേ​ണ്ടി​വ​ന്ന നേ​താ​വ് എ​ന്ന ധാ​ര​ണ വ​ള​ർ​ത്താ​നു​ള്ള സാ​ഹ​ച​ര്യ​മു​ണ്ടെ​ന്നും ഉ​ദ്ധ​വി​ന​റി​യാം. മ​ഹാ​മാ​രി അ​തി​ന്റെ തീ​വ്ര​ത​യി​ൽ നി​ന്ന ഘ​ട്ട​ത്തി​ൽ​പോ​ലും ഒ​രു ജ​ന​പ്രി​യ മു​ഖ്യ​മ​ന്ത്രി​യാ​യി​രു​ന്നു അ​ദ്ദേ​ഹം. ഉ​ദ്ധ​വി​നോ​ടു​ള്ള സ​ഹ​താ​പം അ​​ന്ധേ​രി ഉ​പ​തെ​ര​ഞ്ഞെ​ടു​പ്പി​ൽ പ്ര​ക​ട​മാ​വു​മെ​ന്നും മും​ബൈ ന​ഗ​ര​സ​ഭ തെ​ര​ഞ്ഞെ​ടു​പ്പി​നു മു​ന്നോ​ടി​യാ​യി ന​ഷ്ടം വ​രു​ന്ന​ത് ഇ​ഷ്ട​മി​ല്ലാ​ത്ത​തി​നാ​ലാ​ണ് ബി.​ജെ.​പി അ​വ​രു​ടെ സ്ഥാ​നാ​ർ​ഥി​യെ ഊ​രി​യ​തെ​ന്നും മ​ഹാ​രാ​ഷ്ട്ര നേ​താ​ക്ക​ൾ ക​രു​തു​ന്നു.

എ​ല്ലാ തെ​ര​ഞ്ഞെ​ടു​പ്പ് യോ​ഗ​ങ്ങ​ളി​ലും പ്ര​ധാ​ന​മ​ന്ത്രി​യും ബി.​ജെ.​പി നേ​താ​ക്ക​ളും ഊ​ന്നി​പ്പ​റ​യു​ന്ന ഒ​രു കാ​ര്യം കേ​ന്ദ്ര​ത്തി​ലും സം​സ്ഥാ​ന​ത്തും അ​വ​രു​ടെ പാ​ർ​ട്ടി​യെ വി​ജ​യി​പ്പി​ക്കു​ക​വ​ഴി കേ​ന്ദ്ര-​സം​സ്ഥാ​ന നേ​താ​ക്ക​ൾ ഏ​കോ​പി​ച്ച് ഇ​ര​ട്ട എ​ൻ​ജി​ൻ​പോ​ലെ പ്ര​വ​ർ​ത്തി​ക്കു​മെ​ന്നാ​ണ്. പ​ക്ഷേ, ഗു​ജ​റാ​ത്തി​ന് മു​ൻ​ഗ​ണ​ന ന​ൽ​കു​ക​യും മ​ഹാ​രാ​ഷ്ട്ര​യെ തു​ട​ർ​ച്ച​യാ​യി ച​വി​ട്ടി​ത്തേ​ക്കു​ക​യും ചെ​യ്യു​ക​വ​ഴി 'ഇ​ര​ട്ട എ​ൻ​ജി​ൻ' വാ​ഗ്ദാ​നം ഇ​പ്പോ​ൾ വ​ഞ്ച​നാ​ത്മ​ക​മാ​യി മാ​റി​യി​രി​ക്കു​ന്നു​വെ​ന്നാ​ണ് ആ​ദി​ത്യ താ​ക്ക​റെ കു​റ്റ​പ്പെ​ടു​ത്തി​യ​ത്.

സ​ഖ്യ​ങ്ങ​ൾ ത​മ്മി​ലെ വി​ശ്വാ​സ​രാ​ഹി​ത്യം​മൂ​ലം ഷി​ൻ​ഡെ സ​ർ​ക്കാ​ർ ആ​ക​പ്പാ​ടെ ആ​ടി​യു​ല​യു​ന്ന അ​വ​സ്ഥ​യാ​ണ്. ഷി​ൻ​ഡെ വി​ഭാ​ഗം ബി.​ജെ.​പി​യി​ൽ ല​യി​ച്ചി​ട്ടു വേ​ണം ത​ന്റെ ക​ളി​ക​ൾ പു​റ​ത്തെ​ടു​ക്കാ​ൻ എ​ന്ന് ക​രു​തി​യി​രി​ക്കു​ന്ന ഫ​ഡ്നാ​വി​സി​ന് സ​ഹി​കെ​ട്ടി​രി​ക്കു​ന്നു. ഷി​ൻ​ഡെ​യാ​വ​ട്ടെ ത​ന്റെ പാ​ർ​ട്ടി​യെ ല​യി​പ്പി​ക്കാ​നും സ്വ​ന്തം സ​ർ​ക്കാ​റി​ൽ ത​ന്നെ​യൊ​രു കാ​ഴ്ച​ക്കാ​ര​നാ​യി ഒ​തു​ക്കാ​നു​മു​ള്ള നീ​ക്ക​ങ്ങ​ളി​ൽ വ​ല്ലാ​തെ പ​രി​ഭ്രാ​ന്തി​പൂ​ണ്ട് നി​ൽ​ക്കു​ന്നു. 10 ദി​വ​സം മു​മ്പ് ത​ന്റെ പ​ക്ഷ​ത്തു​ള്ള എം.​എ​ൽ.​എ​മാ​രെ രാ​ജ​സ്ഥാ​നി​ലെ ഒ​രു റി​സോ​ർ​ട്ടി​ൽ ഒ​രു​മി​ച്ചു​ചേ​ർ​ത്ത് ത​നി​ച്ച് സം​സാ​രി​ക്കാ​ൻ അ​ദ്ദേ​ഹം ആ​ഗ്ര​ഹി​ച്ചി​രു​ന്നു​വെ​ന്നാ​ണ് ചി​ല വാ​ർ​ത്താ​​കേ​ന്ദ്ര​ങ്ങ​ൾ എ​ന്നോ​ട് പ​റ​ഞ്ഞ​ത്. ഉ​ദ്യോ​ഗ​സ്ഥ​ർ ഫ​ഡ്നാ​വി​സി​ന്റെ ആ​ജ്ഞ​ക​ളാ​ണ് ന​ട​പ്പാ​ക്കു​ന്ന​തെ​ന്നും മ​ന്ത്രി​മാ​ർ​ക്ക് താ​ന്താ​ങ്ങ​ളു​ടെ മ​ന്ത്രാ​ല​യ​ത്തി​ലും മ​ണ്ഡ​ല​ത്തി​ൽ​പോ​ലും സ്വ​ത​ന്ത്ര​മാ​യി പ്ര​വ​ർ​ത്തി​ക്കാ​ൻ സാ​ധി​ക്കു​ന്നി​ല്ലെ​ന്നും ഷി​ൻ​ഡെ പ​ക്ഷ​ത്തെ എം.​എ​ൽ.​എ​മാ​ർ​ത​ന്നെ പ​റ​യു​ന്നു. തു​ട​ര​ത്തു​ട​രെ സം​ഭ​വി​ച്ച ന​ഷ്ട​ത്തെ മ​റി​ക​ട​ക്കാ​നാ​യേ​ക്കു​മെ​ന്ന പ്ര​തീ​ക്ഷ​യി​ൽ സ​ഹ​സ്ര​കോ​ടീ​ശ്വ​ര​നാ​യ ഒ​രു വ്യ​വ​സാ​യി​യെ ഷി​ൻ​ഡെ തു​ട​​ര​ത്തു​ട​രെ വി​ളി​ക്കു​ന്ന കാ​ര്യ​മാ​ണ് ഒ​രു മു​തി​ർ​ന്ന എ​ൻ.​സി.​പി നേ​താ​വ് വെ​ളി​പ്പെ​ടു​ത്തി​യ​ത്.

ഷി​ൻ​ഡെ-​ബി.​ജെ.​പി സ​ഖ്യം പാ​ളു​ന്നു​വെ​ന്ന സാ​ഹ​ച​ര്യ​ത്തി​ൽ ഷി​​ൻ​ഡെ​യു​ടെ കൂ​ടെ​​പ്പോ​യ ഒ​രു സം​ഘം എം.​എ​ൽ.​എ​മാ​ർ ഇ​പ്പോ​ൾ ഉ​ദ്ധ​വു​മാ​യി ച​ർ​ച്ച​യി​ലാ​ണെ​ന്നും കേ​ൾ​ക്കു​ന്നു​ണ്ട്. അ​ധി​കാ​ര​ത്തി​ൽ​നി​ന്ന് വീ​ഴു​ന്ന​തോ​ടെ കോ​ൺ​ഗ്ര​സും എ​ൻ.​സി.​പി​യും ഉ​ദ്ധ​വി​നെ ​കൈ​യൊ​ഴി​യു​മെ​ന്നാ​ണ് ഫ​ഡ്നാ​വി​സ് കേ​ന്ദ്ര ബി.​ജെ.​പി നേ​തൃ​ത്വ​ത്തോ​ട് ഉ​റ​പ്പു​പ​റ​ഞ്ഞി​രു​ന്ന​ത്. പ​ക്ഷേ, അ​തു​ണ്ടാ​യി​ല്ലെ​ന്നു മാ​ത്ര​മ​ല്ല, രാ​ഹു​ൽ ഗാ​ന്ധി​യു​​ടെ ഭാ​ര​ത് ജോ​ഡോ യാ​ത്ര സം​സ്ഥാ​ന​ത്തെ​ത്തു​മ്പോ​ൾ മൂ​ന്നു പാ​ർ​ട്ടി​ക​ളു​ടെ​യും നേ​താ​ക്ക​ൾ അ​തി​നോ​ട് ഐ​ക്യ​പ്പെ​ട്ട് ഒ​പ്പം ന​ട​ക്കാ​ൻ​പോ​ലും പ​രി​പാ​ടി​യു​ണ്ട്.

അ​തേ​സ​മ​യം, അ​ധി​കാ​ര​മേ​റ്റ് നാ​ലു മാ​സം പി​ന്നി​ട്ട​പ്പോ​ഴേ​ക്ക് ഷി​ൻ​​​​ഡെ-​ഫ​ഡ്നാ​വി​സ് ഐ​ക്യം ഏ​റ​ക്കു​റെ അ​വ​സാ​നി​ച്ച മ​ട്ടാ​ണ്. സ​ർ​ക്കാ​റു​ക​ൾ ആ​ടി​യു​ല​യു​ന്ന​തി​ന്റെ ല​ക്ഷ​ണം കാ​ണി​ക്കു​മ്പോ​ൾ അ​വ​യെ നി​ല​ക്കു​നി​ർ​ത്താ​നു​ള്ള ഏ​ർ​പ്പാ​ടു​ക​ളാ​ണ് ബി.​ജെ.​പി ചെ​യ്യു​ക. ഈ ​ഘ​ട്ട​ത്തി​ൽ അ​വ​ർ ന​ട​ത്താ​ൻ പോ​കു​ന്ന ചി​കി​ത്സ ഷി​ൻ​ഡെ​യെ സം​ബ​ന്ധി​ച്ചി​ട​ത്തോ​ളം സു​ഖ​ക​ര​മാ​ക​ണ​മെ​ന്നി​ല്ല. തെ​ര​ഞ്ഞെ​ടു​പ്പ് ന​ട​ക്കു​ന്ന​ത് ഗു​ജ​റാ​ത്തി​ലാ​യി​രി​ക്കാം, പ​ക്ഷേ അ​തി​ന്റെ അ​നു​ര​ണ​ന​ങ്ങ​ൾ മു​ഴു​വ​ൻ മ​ഹാ​രാ​ഷ്ട്ര​യി​ലാ​ണ്.

(ദേശീയ മാ​ധ്യ​മ​പ്ര​വ​ർ​ത്ത​ക​യും ​I Am A Troll എന്ന ശ്ര​ദ്ധേയ​ കൃതിയുടെ ര​ച​യി​താ​വു​മാ​ണ് ലേ​ഖി​ക)