ബി.ജെ.പിക്കെതിരെ ഒരു ത്രിമുഖ പോരാട്ടം

തു​ട​ർ​ച്ച​യാ​യ മൂ​ന്നാം വി​ജ​യ​ത്തി​ലേ​ക്കു​ള്ള മു​ന്നേ​റ്റ​ത്തി​ൽ​നി​ന്ന് ബി.​ജെ.​പി​യെ ത​ട​ഞ്ഞു​നി​ർ​ത്താ​നാ​കു​മോ? ഭൂ​രി​പ​ക്ഷം ആ​ർ​ജി​ക്കു​ന്ന​തി​ൽ​നി​ന്ന് നി​ല​വി​ലെ ഭ​ര​ണ​ക​ക്ഷി​യെ ത​ട​യാ​ൻ ത​ക്ക ത​ന്ത്ര​ങ്ങ​ൾ കൈ​യി​ലു​ണ്ടോ? ഒ​ട്ടു​മി​ക്ക രാ​ഷ്ട്രീ​യ നി​രീ​ക്ഷ​ക​രും സ്വ​ത​ന്ത്ര വി​ശ​ക​ല​ന വി​ദ​ഗ്ധ​രും ഇ​ക്കാ​ര്യം ഉ​പേ​ക്ഷി​ച്ച​താ​യി തോ​ന്നു​ന്നു. അ​തു​പോ​ലെ നി​ര​വ​ധി പ്ര​തി​പ​ക്ഷ നേ​താ​ക്ക​ളും. എ​ന്നാ​ൽ, ഞാ​ന​തി​നോ​ട് വി​യോ​ജി​ക്കു​ന്നു. എ​ന്തെ​ങ്കി​ലും അ​വ​സാ​ന നി​മി​ഷ അ​ത്ഭു​ത​ങ്ങ​ളു​ണ്ടാ​വു​മെ​ന്ന ​പ്ര​തീ​ക്ഷ​യി​ല​ല്ല.

ഇ​ൻ​ഡ്യ സ​ഖ്യം ഭൂ​രി​പ​ക്ഷം നേ​ടു​മെ​ന്ന കാ​ര്യ​ത്തി​ൽ ആ​ത്മ​വി​ശ്വാ​സ​മു​ള്ള​തു​കൊ​ണ്ടു​മ​ല്ല. മൂ​ന്ന് ഹി​ന്ദി സം​സ്ഥാ​ന​ങ്ങ​ളി​ൽ ഈ​യി​ടെ ബി.​ജെ.​പി കൈ​വ​രി​ച്ച വി​ജ​യ​ത്തെ​യും ഞാ​ൻ കു​റ​ച്ചു​കാ​ണു​ന്നി​ല്ല. ന​രേ​ന്ദ്ര മോ​ദി സ​ർ​ക്കാ​റി​നെ സം​ബ​ന്ധി​ച്ച വ്യ​ക്തി​പ​ര​മാ​യ അ​ഭി​പ്രാ​യം എ​ന്തു ത​ന്നെ​യാ​ണെ​ങ്കി​ലും പ്ര​ധാ​ന​മ​ന്ത്രി​യു​ടെ ജ​ന​സ​മ്മ​തി സം​ബ​ന്ധി​ച്ച അ​ഭി​പ്രാ​യ സ​ർ​വേ ഫ​ല​ങ്ങ​ളെ​യും ത​ള്ളി​ക്ക​ള​യാ​ൻ എ​നി​ക്കാ​വി​ല്ല.ഇ​ങ്ങ​നെ​യൊ​ക്കെ​യാ​ണെ​ങ്കി​ലും 2024ലെ ​പൊ​തു​തെ​ര​ഞ്ഞെ​ടു​പ്പി​ന്റെ ‘കാ​ര്യം തീ​രു​മാ​ന​മാ​യി’ എ​ന്ന കാ​ഴ്ച​പ്പാ​ടി​നോ​ട് എ​നി​ക്ക് വി​യോ​ജി​പ്പാ​ണ്.

ശ​രി​യാ​ണ്, സ​മീ​പ​കാ​ല തെ​ര​ഞ്ഞെ​ടു​പ്പ് ഫ​ല​ങ്ങ​ളും സ​ർ​വേ തെ​ളി​വു​ക​ളും കാ​ണി​ക്കു​ന്ന​ത് -2004ൽ ​സം​ഭ​വി​ച്ച​തു​പോ​ലെ ബി.​ജെ.​പി​ക്ക് വ​ലി​യ മാ​ർ​ജി​നി​ലെ ഞെ​ട്ടി​ക്കു​ന്ന ഒ​രു തോ​ൽ​വി അ​സം​ഭ​വ്യ​മാ​ണ്. അ​തേ​സ​മ​യം, ഇ​ൻ​ഡ്യ സ​ഖ്യ​ത്തി​ന് ഭൂ​രി​പ​ക്ഷം ല​ഭി​ച്ചി​ല്ലെ​ങ്കി​ൽ​പോ​ലും ബി.​ജെ.​പി കേ​വ​ല​ഭൂ​രി​പ​ക്ഷ​ത്തി​നു​ള്ള സം​ഖ്യ​യാ​യ 273ൽ ​താ​ഴെ വീ​ഴാ​നു​ള്ള സാ​ധ്യ​ത​യും ത​ള്ളി​ക്ക​ള​യു​ന്നി​ല്ല. പ്ര​തി​പ​ക്ഷ​ത്തി​ന് രാ​ഷ്ട്രീ​യ ഇ​ച്ഛാ​ശ​ക്തി​യും ക്രി​യാ​ത്മ​ക​വു​മാ​യ ഒ​രു ത​ന്ത്ര​മു​ണ്ടെ​ങ്കി​ൽ, അ​ത്ത​ര​മൊ​രു ഫ​ല​ത്തി​ന് ഇ​പ്പോ​ഴും സാ​ധ്യ​ത​യു​ണ്ട്. പ്ര​തി​പ​ക്ഷ പാ​ർ​ട്ടി​ക​ൾ​ക്കു​ള്ള ത​ന്ത്ര​ത്തി​ന്റെ രൂ​പ​രേ​ഖ ഇ​പ്ര​കാ​ര​മാ​ണ്. 2024ലെ ​തെ​ര​ഞ്ഞെ​ടു​പ്പ് പോ​രാ​ട്ട​ത്തെ മൂ​ന്ന് മേ​ഖ​ല​യാ​യി തി​രി​ക്കു​ക: ഇ​വി​ട​ങ്ങ​ളി​ലെ പോ​രാ​ട്ട​ങ്ങ​ൾ​ക്കാ​യി വ്യ​ത്യ​സ്ത ത​ന്ത്ര​ങ്ങ​ൾ ആ​വി​ഷ്ക​രി​ക്കു​ക എ​ന്ന​താ​ണ് അ​ടി​സ്ഥാ​ന ആ​ശ​യം.

ബി.​ജെ.​പി വെ​റു​മൊ​രു നാ​മ​മാ​ത്ര തെ​ര​ഞ്ഞെ​ടു​പ്പ് ശ​ക്തി​യാ​യ മൂ​ന്നാം മേ​ഖ​ല​യി​ൽ​നി​ന്ന് തു​ട​ങ്ങാം. ദ​ക്ഷി​ണേ​ന്ത്യ​ൻ സം​സ്ഥാ​ന​ങ്ങ​ളാ​യ കേ​ര​ളം, ത​മി​ഴ്‌​നാ​ട്, ആ​ന്ധ്രാ​പ്ര​ദേ​ശ്, തെ​ല​ങ്കാ​ന എ​ന്നി​വി​ട​ങ്ങ​ളി​ൽ ബി.​ജെ.​പി പ്ര​ധാ​ന ര​ണ്ട് മ​ത്സ​രാ​ർ​ഥി​ക​ളി​ൽ ഒ​ന്ന​ല്ല. പ​ഞ്ചാ​ബ്, ക​ശ്മീ​ർ, മി​സോ​റം, നാ​ഗാ​ലാ​ൻ​ഡ്, ല​ക്ഷ​ദ്വീ​പ് എ​ന്നി​വ​കൂ​ടി കൂ​ട്ടു​മ്പോ​ൾ ഇ​വി​ട​ങ്ങ​ളി​ൽ 120 ലോ​ക്‌​സ​ഭ സീ​റ്റു​ക​ളു​ണ്ട്. ക​ഴി​ഞ്ഞ ത​വ​ണ ഇ​വി​ട​ങ്ങ​ളി​ൽ​നി​ന്നാ​യി ആ​റ് സീ​റ്റു​ക​ൾ മാ​ത്ര​മാ​ണ് ബി.​ജെ.​പി വി​ജ​യി​ച്ച​ത് - തെ​ല​ങ്കാ​ന​യി​ൽ നാ​ലും പ​ഞ്ചാ​ബി​ൽ ര​ണ്ടും സീ​റ്റു​ക​ൾ.

ക​ഴി​ഞ്ഞ അ​ഞ്ച് വ​ർ​ഷ​മാ​യി ഈ ​മേ​ഖ​ല​ക​ളി​ൽ ബി.​ജെ.​പി​ക്ക് കാ​ര്യ​മാ​യ മു​ന്നേ​റ്റ​മു​ണ്ടാ​ക്കാ​നാ​യി​ട്ടി​ല്ല. ബം​ഗാ​ൾ ആ​വ​ർ​ത്തി​ക്കാ​മെ​ന്ന അ​വ​രു​ടെ പ്ര​തീ​ക്ഷ തെ​ല​ങ്കാ​ന​യി​ൽ ഫ​ല​വ​ത്താ​യി​ല്ല. സാ​ധാ​ര​ണ​ഗ​തി​യി​ൽ, പ​ഞ്ചാ​ബി​ലെ അ​കാ​ലി​ദ​ളു​മാ​യും തെ​ല​ങ്കാ​ന​യി​ലെ ബി.​ആ​ർ.​എ​സു​മാ​യും പ്ര​ത്യ​ക്ഷ​മാ​യോ ര​ഹ​സ്യ​മാ​യോ സ​ഖ്യ​മു​ണ്ടാ​ക്കി​യി​ല്ലെ​ങ്കി​ൽ, ഈ ​മേ​ഖ​ല​യി​ലെ ആ​റ് സീ​റ്റു​ക​ൾ നി​ല​നി​ർ​ത്തു​ന്ന​തു​ത​ന്നെ ബു​ദ്ധി​മു​ട്ടാ​യി​രി​ക്കും.

‘ത​ട​യു​ക​യും ഒ​​തു​ക്കു​ക​യും ചെ​യ്യു​ക’ എ​ന്ന​താ​വ​ണം ഇ​വി​ടെ ഇ​ൻ​ഡ്യ സ​ഖ്യ​ത്തി​ന് ക​ര​ണീ​യം. ഈ ​സം​സ്ഥാ​ന​ങ്ങ​ളി​ൽ ബി.​ജെ.​പി വി​രു​ദ്ധ സ​ഖ്യ​ത്തി​ന്റെ ആ​വ​ശ്യം പോ​ലു​മി​ല്ല. കേ​ര​ള​ത്തി​ലെ തി​രു​വ​ന​ന്ത​പു​ര​വും ത​മി​ഴ്‌​നാ​ട്ടി​ലെ ക​ന്യാ​കു​മാ​രി​യും കോ​യ​മ്പ​ത്തൂ​രും പോ​ലെ ബി.​ജെ.​പി ക​ട​ന്നു​കൂ​ടാ​ൻ ശ്ര​മി​ക്കു​ന്ന മ​ണ്ഡ​ല​ങ്ങ​ളി​ൽ ശ്ര​ദ്ധ​വേ​ണം. പ്ര​തി​പ​ക്ഷ പാ​ർ​ട്ടി​ക​ളു​ടെ​യും പൗ​ര​സ​മൂ​ഹ​ത്തി​ന്റെ​യും കേ​ന്ദ്രീ​കൃ​ത പ്ര​ചാ​ര​ണ​ങ്ങ​ളി​ലൂ​ടെ​യും വേ​ണ്ടി​വ​ന്നാ​ൽ ഇ​ൻ​ഡ്യ സ​ഖ്യ പ​ങ്കാ​ളി​ക​ൾ ത​മ്മി​ലെ ചെ​റി​യ വോ​ട്ട് ധാ​ര​ണ​യി​ലൂ​ടെ​യും ബി.​ജെ.​പി​യെ ഇ​വി​ടെ ത​ട​യാ​നാ​കും. അ​തി​നൊ​പ്പം ബി.​ജെ.​പി​യു​മാ​യി നി​ല​വി​ൽ സ​ഖ്യ​മു​ള്ള​തും സ​ഖ്യ​സാ​ധ്യ​ത​യു​ള്ള​തു​മാ​യ ക​ക്ഷി​ക​ളു​ടെ കാ​ര്യ​ത്തി​ലും ശ്ര​ദ്ധ​വേ​ണം. ഈ ​മേ​ഖ​ല​യി​ൽ ബി.​ജെ.​പി​യെ ത​ൽ​സ്ഥി​തി​യി​ൽ നി​ർ​ത്താ​ൻ കാ​ര്യ​മാ​യ ബു​ദ്ധി​മു​ട്ടി​ല്ല.

ഇ​നി ര​ണ്ടാം പോ​ർ​മു​ഖ​മെ​ടു​ക്കു​ക. ബി.​ജെ.​പി ഒ​രു മേ​ധാ​ശ​ക്തി​യാ​യി നി​ല​കൊ​ള്ളു​ന്ന ഈ ​മേ​ഖ​ല​യി​ലെ 223 സീ​റ്റു​ക​ളി​ൽ മൂ​ന്നു​മാ​സം കൊ​ണ്ട് അ​വ​രെ മാ​റ്റു​ക​യെ​ന്ന​ത് ദു​ഷ്ക​ര​മാ​ണ്. മു​ഖ്യ​മാ​യും യു.​പി, ഉ​ത്ത​രാ​ഖ​ണ്ഡ്, മ​ധ്യ​പ്ര​ദേ​ശ്, ഛത്തി​സ്ഗ​ഢ്, ഝാ​ർ​ഖ​ണ്ഡ്, രാ​ജ​സ്ഥാ​ൻ, ഡ​ൽ​ഹി എ​ന്നി​വ​യു​ൾ​പ്പെ​ടു​ന്ന ഹി​ന്ദി ഹൃ​ദ​യ​ഭൂ​മി​യി​ലാ​ണ് ഈ ​സീ​റ്റു​ക​ൾ. ഗു​ജ​റാ​ത്ത്, അ​സം, ജ​മ്മു മേ​ഖ​ല, ത്രി​പു​ര, അ​രു​ണാ​ച​ൽ പ്ര​ദേ​ശ്, ഗോ​വ തു​ട​ങ്ങി​യ സം​സ്ഥാ​ന​ങ്ങ​ളും.

ക​ഴി​ഞ്ഞ​ത​വ​ണ ബി.​ജെ.​പി 85 ശ​ത​മാ​നം ആ​ധി​പ​ത്യം നേ​ടി​യ​ത് ഈ ​മേ​ഖ​ല​യി​ലാ​ണ്. കൃ​ത്യ​മാ​യി പ​റ​ഞ്ഞാ​ൽ 223ൽ 190 ​സീ​റ്റു​ക​ൾ. 2019ന് ​ശേ​ഷം ന​ട​ന്ന നി​യ​മ​സ​ഭ തെ​ര​ഞ്ഞെ​ടു​പ്പു​ക​ളും അ​ഭി​പ്രാ​യ സ​ർ​വേ​ക​ളും സൂ​ചി​പ്പി​ക്കു​ന്ന​ത് ഈ ​മേ​ഖ​ല​യി​ൽ ഇ​പ്പോ​ഴും ബി.​ജെ.​പി​ത​ന്നെ​യാ​ണ് പ്ര​ബ​ല​മാ​യ പാ​ർ​ട്ടി എ​ന്നാ​ണ്. നി​ല​വി​ലെ 85 ശ​ത​മാ​നം ആ​ധി​പ​ത്യം 75 ശ​ത​മാ​ന​മാ​യി കു​റ​ക്കാ​നാ​യെ​ങ്കി​ൽ​പോ​ലും അ​ത് ഭ​ര​ണ​ക​ക്ഷി​യു​ടെ ക​ണ​ക്കു​കൂ​ട്ട​ലു​ക​ളെ ത​കി​ടം​മ​റി​ച്ചേ​ക്കാം. അ​ത് പ്ര​തി​പ​ക്ഷ​ത്തി​ന് ത​ക്ക​താ​യ അ​വ​സ​ര​മാ​ണ്.

മു​ഴു​വ​ൻ ഊ​ർ​ജ​വും മു​ൻ​കൂ​ട്ടി നി​ശ്ച​യി​ച്ച ഏ​താ​നും ചി​ല നി​യോ​ജ​ക​മ​ണ്ഡ​ല​ങ്ങ​ളി​ലേ​ക്ക് കേ​ന്ദ്രീ​ക​രി​ക്കു​ന്ന​ത് ഉ​ൾ​പ്പെ​ടെ പ്ര​തി​പ​ക്ഷ​ത്തി​ന് ഇ​വി​ടെ ‘അ​ട​ർ​ത്തി​യെ​ടു​ക്ക​ൽ’ സ​മീ​പ​നം സ്വീ​ക​രി​ക്കാം. ഉ​ദാ​ഹ​ര​ണ​ത്തി​ന്, ഗു​ജ​റാ​ത്ത് ബി.​ജെ.​പി​യു​ടെ നെ​ടും​കോ​ട്ട​യാ​ണ്. എ​ന്നാ​ൽ, കോ​ൺ​ഗ്ര​സി​ന് അ​വി​ടെ നാ​ല് സീ​റ്റു​ക​ളെ ല​ക്ഷ്യ​മി​ട്ട് പ്ര​വ​ർ​ത്തി​ക്കാം, പ്ര​ധാ​ന​മാ​യും ഗോ​ത്ര​മേ​ഖ​ല​യി​ൽ. രാ​ജ​സ്ഥാ​ന്റെ വ​ട​ക്കു​കി​ഴ​ക്ക​ൻ മേ​ഖ​ല​യി​ൽ അ​ര​ഡ​സ​ൻ സീ​റ്റു​ക​ളി​ലും ഭാ​ര​തീ​യ ആ​ദി​വാ​സി പാ​ർ​ട്ടി​യു​മാ​യി സ​ഖ്യ​മു​ണ്ടാ​ക്കി​യാ​ൽ ദ​ക്ഷി​ണ​മേ​ഖ​ല​യി​ൽ ര​ണ്ട് ഗോ​ത്ര​വ​ർ​ഗ സീ​റ്റു​ക​ളി​ലും കോ​ൺ​ഗ്ര​സി​ന് മി​ക​ച്ച സാ​ധ്യ​ത​യു​ണ്ട്. ഉ​ത്ത​ർ​പ്ര​ദേ​ശി​ൽ കാ​ര്യം അ​ൽ​പം ക​ഠി​ന​മാ​ണെ​ങ്കി​ലും സ​മാ​ജ്‍വാ​ദി പാ​ർ​ട്ടി-​ആ​ർ.​എ​ൽ.​ഡി-​കോ​ൺ​ഗ്ര​സ് സ​ഖ്യ​ത്തി​ന് സം​സ്ഥാ​ന​ത്ത് ര​ണ്ട് ഡ​സ​ൻ സീ​റ്റു​ക​ളി​ലെ​ങ്കി​ലും ഉ​ന്നം​വെ​ച്ച് പ്ര​വ​ർ​ത്തി​ക്കാ​നാ​വും. ഈ ​സം​സ്ഥാ​ന​ങ്ങ​ളി​ൽ പ്ര​തി​പ​ക്ഷ​ത്തി​ന് ബി.​ജെ.​പി​യു​ടെ വോ​ട്ടു​ക​ൾ പി​ടി​ച്ചെ​ടു​ക്കേ​ണ്ട ആ​വ​ശ്യം പോ​ലു​മി​ല്ല; ഈ​യി​ടെ ന​ട​ന്ന നി​യ​മ​സ​ഭ തെ​ര​ഞ്ഞെ​ടു​പ്പു​ക​ളി​ൽ ല​ഭി​ച്ച സ്വ​ന്തം വോ​ട്ട​ർ​മാ​രെ നി​ല​നി​ർ​ത്തു​ക​യാ​ണ് വേ​ണ്ട​ത്.

ഇ​വി​ടെ​യു​മ​തെ, ഉ​ത്ത​ർ​പ്ര​ദേ​ശി​ലൊ​ഴി​കെ പ്ര​തി​പ​ക്ഷ പാ​ർ​ട്ടി​ക​ളു​ടെ മ​ഹാ​സ​ഖ്യ​മൊ​ന്നും വേ​ണ​മെ​ന്നി​ല്ല. ഒ​ര​ൽ​പം ശ്ര​ദ്ധാ​പൂ​ർ​വം ചി​ല പ്രാ​ദേ​ശി​ക സ​ഖ്യ​ങ്ങ​ൾ രൂ​പ​പ്പെ​ടു​ത്തു​ക​യാ​ണ് ഇ​പ്പോ​ഴ​ത്തെ ആ​വ​ശ്യം. പ്ര​തി​പ​ക്ഷം ഇ​ത്ത​ര​ത്തി​ൽ അ​മ്പ​ത് നി​യോ​ജ​ക​മ​ണ്ഡ​ല​ങ്ങ​ളി​ൽ ശ്ര​ദ്ധ​കേ​ന്ദ്രീ​ക​രി​ച്ച് പ്ര​വ​ർ​ത്തി​ച്ചാ​ൽ ഈ ​മേ​ഖ​ല​യി​ൽ ബി.​ജെ.​പി​യി​ൽ​നി​ന്ന് 20-25 സീ​റ്റു​ക​ളെ​ങ്കി​ലും പി​ടി​ച്ചെ​ടു​ക്കാ​ൻ സാ​ധി​ക്കും.

ശേ​ഷി​ക്കു​ന്ന 200 സീ​റ്റു​ക​ളി​ൽ ക​ഴി​ഞ്ഞ​ത​വ​ണ ബി.​ജെ.​പി മി​ക​ച്ച പ്ര​ക​ട​നം കാ​ഴ്ച​വെ​ച്ച​വ​യാ​ണെ​ങ്കി​ലും പ​ല കാ​ര​ണ​ങ്ങ​ളാ​ൽ അ​വ​ർ അ​വി​ടെ ദു​ർ​ബ​ല​മാ​യി​ട്ടു​ണ്ടാ​വാം. മ​ഹാ​രാ​ഷ്ട്ര​യി​ലും ബി​ഹാ​റി​ലും രാ​ഷ്ട്രീ​യ​സ​ഖ്യ​ങ്ങ​ളി​ൽ സം​ഭ​വി​ച്ച അ​ടി​മു​ടി മാ​റ്റം ഇ​ൻ​ഡ്യ സ​ഖ്യ​ത്തി​ന് വ​ഴി തു​റ​ന്നു​കൊ​ടു​ക്കു​ന്നു. 2019ന് ​ശേ​ഷം പ​ശ്ചി​മ ബം​ഗാ​ൾ, ഹി​മാ​ച​ൽ പ്ര​ദേ​ശ്, ക​ർ​ണാ​ട​ക എ​ന്നി​വി​ട​ങ്ങ​ളി​ൽ ന​ട​ന്ന നി​യ​മ​സ​ഭ തെ​ര​ഞ്ഞെ​ടു​പ്പു​ക​ളി​ൽ ബി.​ജെ.​പി ക​ന​ത്ത തി​രി​ച്ച​ടി നേ​രി​ട്ടു. ക​ർ​ഷ​ക മു​ന്നേ​റ്റം ഹ​രി​യാ​ന​യി​ലെ രാ​ഷ്ട്രീ​യ അ​ന്ത​രീ​ക്ഷം​ത​ന്നെ മാ​റ്റി.

ഒ​ഡി​ഷ​യി​ൽ, 2019 ​ലേ​തു​പോ​ലെ ലോ​ക്‌​സ​ഭ സീ​റ്റു​ക​ൾ ബി.​ജെ.​പി​ക്ക് സ​മ്മാ​നി​ക്കാ​ൻ ബി.​ജെ.​ഡി ത​യാ​റാ​ക​ണ​മെ​ന്നി​ല്ല. സി​ക്കിം, മ​ണി​പ്പൂ​ർ, മേ​ഘാ​ല​യ സം​സ്ഥാ​ന​ങ്ങ​ളെ​യും ല​ഡാ​ക്ക്, ച​ണ്ഡി​ഗ​ഡ്, പു​തു​ച്ചേ​രി തു​ട​ങ്ങി​യ കേ​ന്ദ്ര​ഭ​ര​ണ പ്ര​ദേ​ശ​ങ്ങ​ളെ​യും ഈ ​പ​ട്ടി​ക​യി​ൽ ചേ​ർ​ക്കാം. ഇ​വി​ട​ങ്ങ​ളി​ൽ​നി​ന്ന് ക​ഴി​ഞ്ഞ​കു​റി 107 സീ​റ്റു​ക​ൾ ബി.​ജെ.​പി നേ​ടി​യി​രു​ന്നു - 2019ലെ ​സ​ഖ്യ​ക​ക്ഷി​ക​ളെ​കൂ​ടി ഉ​ൾ​പ്പെ​ടു​ത്തി​യാ​ൽ 147 സീ​റ്റു​ക​ൾ.

ഇ​വി​ട​ങ്ങ​ളി​ൽ പ്ര​തി​പ​ക്ഷം അ​തി​ശ​ക്ത​മാ​യ ഒ​രു മു​ന്നേ​റ്റം സാ​ധ്യ​മാ​ക്കേ​ണ്ട​തു​ണ്ട്, ഭ​ര​ണ​ക​ക്ഷി​ക്ക് കാ​ര്യ​മാ​യ തി​രി​ച്ച​ടി​ക​ൾ സൃ​ഷ്ടി​ക്കു​ന്ന ഒ​രു സം​ഘ​ടി​ത ആ​ക്ര​മ​ണം. സീ​റ്റ് പ​ങ്കു​വെ​പ്പി​ലൊ​തു​ങ്ങാ​ത്ത, തീ​ർ​ത്തും പ്ര​വ​ർ​ത്ത​ന​ക്ഷ​മ​മാ​യ ഒ​രു സ​ഖ്യ​മാ​യി ഇ​ൻ​ഡ്യ പ്ര​വ​ർ​ത്തി​ക്കേ​ണ്ട​തു​ണ്ട്. ബി​ഹാ​റി​ലും മ​ഹാ​രാ​ഷ്ട്ര​യി​ലു​മാ​ണ് ഏ​റ്റ​വും ശ​ക്ത​മാ​യ സ​ഖ്യം രൂ​പ​പ്പെ​ടു​ത്തേ​ണ്ട​ത് (മ​ഹാ​രാ​ഷ്ട്ര​യി​ൽ വ​ഞ്ചി​ത് ബ​ഹു​ജ​ൻ അ​ഘാ​ഡി​യും ബി​ഹാ​റി​ലെ സി.​പി.​ഐ-​എം‌.​എ​ല്ലും ഉ​ൾ​പ്പെ​ടെ). ബം​ഗാ​ളി​ൽ കോ​ൺ​ഗ്ര​സ്-​ടി.​എം.​സി സം​ഘ​ർ​ഷം അ​വ​സാ​നി​പ്പി​ക്കു​ന്ന​തും സി.​പി.​എ​മ്മു​മാ​യു​ള്ള അ​നൗ​പ​ചാ​രി​ക ധാ​ര​ണ​യു​ണ്ടാ​ക്ക​ലും ഇ​തി​ൽ ഉ​ൾ​പ്പെ​ടും. ക​ർ​ണാ​ട​ക, ഹ​രി​യാ​ന, ഹി​മാ​ച​ൽ പ്ര​ദേ​ശ് എ​ന്നി​വി​ട​ങ്ങ​ളി​ൽ കോ​ൺ​ഗ്ര​സ് പു​തി​യ ശ​ക്തി​ക​ളു​മാ​യി (ഉ​ദാ​ഹ​ര​ണ​ത്തി​ന്, ജെ.​ഡി.​എ​സി​ൽ​നി​ന്ന് പി​ള​ർ​ന്ന വി​ഭാ​ഗ​വു​മാ​യി) ചെ​റി​യ സ​ഖ്യ​ങ്ങ​ളോ ക്ര​മീ​ക​ര​ണ​ങ്ങ​ളോ രൂ​പ​പ്പെ​ടു​ത്ത​ണം.

ഒ​ഡി​ഷ​യി​ലെ പ്ര​തി​പ​ക്ഷ ഇ​ടം വീ​ണ്ടെ​ടു​ക്കു​ക​യും വേ​ണം. ഇ​ൻ​ഡ്യ സ​ഖ്യ​ത്തി​ലെ എ​ല്ലാ നേ​താ​ക്ക​ളും ഉ​ൾ​ക്കൊ​ള്ളു​ന്ന ഊ​ർ​ജ​സ്വ​ല​മാ​യ ഒ​രു സം​യു​ക്ത കാ​മ്പ​യി​ൻ ഇ​തി​ന് പി​ന്നാ​ലെ ആ​വി​ഷ്ക​രി​ക്ക​ണം. ഇ​ൻഡ്യ സ​ഖ്യ​ത്തി​ന് ഒ​രു​മി​ച്ച് പ്ര​വ​ർ​ത്തി​ക്കാ​ൻ ക​ഴി​ഞ്ഞാ​ൽ​ത​ന്നെ ഈ ​സം​സ്ഥാ​ന​ങ്ങ​ളി​ൽ ബി.​ജെ.​പി​ക്ക് ഇ​പ്പോ​ഴു​ള്ള 30-40 സീ​റ്റു​ക​ൾ ന​ഷ്ട​പ്പെ​ടും. ഇ​ത്ത​ര​ത്തി​ൽ സം​ഭ​വി​ച്ചാ​ൽ 50 (0+20+30) സീ​റ്റു​ക​ൾ ന​ഷ്ട​മാ​യി ബി.​ജെ.​പി​യെ കേ​വ​ല ഭൂ​രി​പ​ക്ഷ​ത്തി​ൽ​നി​ന്ന് 20 കു​റ​വാ​യ 253 സീ​റ്റു​ക​ളി​ൽ കൊ​ണ്ടെ​ത്തി​ക്കും. ഇ​ത് ഏ​റ്റ​വും സാ​ധ്യ​ത​യു​ള്ള കാ​ര്യ​മാ​വ​ണ​മെ​ന്നി​ല്ല, പ​ക്ഷേ ഈ ​ഘ​ട്ട​ത്തി​ൽ ഇ​ത്ത​ര​മൊ​രു സാ​ധ്യ​ത ത​ള്ളി​ക്ക​ള​യാ​നാ​വി​ല്ല.

നി​ല​വി​ലെ സാ​ഹ​ച​ര്യം വി​ല​യി​രു​ത്തി​യാ​ണ് ഈ ​സാ​ധ്യ​ത​ക​ൾ മു​ന്നോ​ട്ടു​വെ​ക്കു​ന്ന​ത്. പ്ര​തി​പ​ക്ഷം ഒ​രു വാ​ക്കോ​വ​ർ ന​ൽ​കി​യി​ല്ലെ​ങ്കി​ൽ, അ​നു​യോ​ജ്യ​വും പ്രാ​യോ​ഗി​ക​വു​മാ​യ ഒ​രു ബ​ദ​ലാ​യി ഇ​ൻ​ഡ്യ സ​ഖ്യ​ത്തി​ന് സ്വ​യം അ​വ​ത​രി​പ്പി​ക്കാ​ൻ സാ​ധി​ച്ചാ​ൽ, രാ​ജ്യ​ത്തി​ന് ആ​ക​ർ​ഷ​ക​വും വി​ശ്വ​സ​നീ​യ​വു​മാ​യ ഒ​രു അ​ജ​ണ്ട വാ​ഗ്ദാ​നം ചെ​യ്താ​ൽ മാ​ത്ര​മേ ഈ ​അ​നു​മാ​ന​ത്തി​ന് നി​ല​നി​ൽ​പു​ള്ളൂ.