പഴയ വീഞ്ഞ്​ പുതിയ കുപ്പിയിൽ

സാമ്പത്തിക പ്രതിസന്ധി രൂക്ഷമായ സാഹചര്യത്തിലാണ്​ രണ്ടാം മോദി സർക്കാറിൻെറ ആദ്യ ബജറ്റ്​ ധനമന്ത്രി നിർമലാ സീത ാരാമൻ പാർലമ​​െൻറിൽ അവതരിപ്പിച്ചത്​. തൊഴിലില്ലായ്​മ, ബാങ്കിങ്​ മേഖലയിലെ പ്രതിസന്ധി, ഉപഭോഗത്തിലുണ്ടായ കുറവ് ​, ഗ്രാമീണ മേഖലയിലെ വരുമാനം കുറഞ്ഞത്​ തുടങ്ങി സർക്കാറിന്​ മുന്നിൽ മറികടക്കാൻ നിരവധി വെല്ലുവിളികളാണ്​ ഉണ്ടായി രുന്നത്​. ഇതിലെ പ്രധാന പ്രതിസന്ധി തൊഴിലില്ലായ്​മയാണ്​. ഈ ദിശയിൽ പ്രതീക്ഷ നൽകുന്ന ബജറ്റല്ല അവതരിപ്പിച്ചത്​. പ െട്രോളിനും ഡീസലിനും അധിക തീരുവ ഏർപ്പെടുത്താനുള്ള തീരുമാനം ഇന്ധനവില വീണ്ടും ഉയരുന്നതിലേക്ക്​ നയിക്കും. അന്ത ാരാഷ്​ട്ര രംഗത്തെ പ്രതിസന്ധി കൂടി ഇക്കാര്യത്തിൽ പരിഗണി​ക്കേണ്ടിയിരുന്നുവെന്ന വിമർശനങ്ങൾ ഉയരുന്നുണ്ട്​.

​നേരിട്ടുള്ള വിദേശ നിക്ഷേപത്തിൽ കൂടുതൽ ഇളവുകൾ ബജറ്റിൽ പ്രഖ്യാപിച്ചിട്ടുണ്ട്​. ഇത്​ ഉദാരവൽക്കരണത്തെ കൂടുതൽ പ ്രോൽസാഹിപ്പിക്കുന്നതാണ്​​. ഇതിന്​ പു​റമേ പൊതുമേഖലയുടെ സ്വകാര്യവൽക്കരണത്തെ ഈ ബജറ്റും പിന്തുണക്കുന്നു​. മേ ാദി സർക്കാറിൻെറ അവസാന ബജറ്റിൽ പൊതുമേഖലയുടെ ഓഹരി വിൽപനയിലൂടെ 90,000 കോടിയാണ്​ സ്വരൂപിക്കാൻ ലക്ഷ്യമിട്ടതെങ്കിൽ ഇക്കുറി അത്​ ഒരു ലക്ഷം കോടിക്ക്​ മുകളിലാണ്​. ഈ രീതിയിൽ സമ്പദ്​വ്യവസ്ഥയുടെ ഉദാരവൽക്കരണത്തിനും സ്വകാര്യവൽക്ക രണത്തിനും വഴിയൊരുക്കുന്നതാണ്​ ​നിർമല അവതരിപ്പിച്ച കന്നി ബജറ്റ്​ ​.

സാമ്പത്തികമാന്ദ്യം മറികടക്കില്ല

സാമ്പത്തികമാന് ദ്യം മറികടക്കാനുള്ള നിർദേശങ്ങളൊന്നും ബജറ്റിൽ ഉൾപ്പെടുത്തിയിട്ടില്ല. ​കാർഷിക മേഖലയുടെ വരുമാനത്തിലുണ്ടായ കു റവ്​ ജി.ഡി.പി നിരക്കിനെ കാര്യമായി സ്വാധീനിച്ചിരുന്നു. എന്നാൽ മേഖലയുടെ വരുമാനം ഇരട്ടിയാക്കുമെന്ന്​ പറയുന്നുണ് ടെങ്കിലും അത്​ എങ്ങനെ ഉയർത്തുമെന്നതിനെ കുറിച്ച്​ സർക്കാർ മൗനം പാലിക്കുന്നു​. രാജ്യത്തെ ഉപഭോഗം വർധിപ്പിക്കുന്നതിനായുള്ള നിർദേശങ്ങളും ഉൾപ്പെട്ടിട്ടില്ല.

ജനങ്ങളുടെ കൈവശം കൂടുതൽ പണം ലഭ്യമാക്കുന്ന പൊതുമിനിമം പരിപാടി പോലുള്ള എന്തെങ്കിലുമെന്ന്​ പ്രഖ്യാപിച്ചെങ്കിൽ അത്​ ഉപഭോഗം വർധിക്കുന്നതിന്​ കാരണമാവുമായിരുന്നു. പ്രതീക്ഷിച്ച പോലെ മാന്ദ്യം മറികടക്കാൻ വൻ തുക അടിസ്ഥാന സൗകര്യമേഖലക്കായി ബജറ്റിൽ വകയിരുത്തിയിട്ടുണ്ട്​. അഞ്ച്​ വർഷം കൊണ്ട്​ 100 ലക്ഷം കോടി ചെലവഴിക്കു​െമന്നാണ്​ പ്രഖ്യാപനം​. എന്നാൽ, ഈ തുക എങ്ങനെ കണ്ടെത്തുമെന്നതിനെ കുറിച്ച്​ പരാമർശമില്ലാത്തത്​ ബജറ്റ്​ വാഗ്​ദാനത്തിൻെറ മൗലികതയെ ചോദ്യം ചെയ്യുന്നു.

തൊഴിലിനായി ഒന്നുമില്ല; വിലക്കയറ്റം സൃഷ്​ടിച്ചേക്കും

പെട്രോളിനും ഡീസലിനും ഒരു രൂപ വീതും അധിക സെസും തീരുവയും​ ഏർപ്പെടുത്താനുള്ള തീരുമാനം സാധാരണ ജനങ്ങളെ നേരിട്ട്​ ബാധിക്കും​. അന്താരാഷ്​ട്ര വിപണിയിൽ എണ്ണവില കുറയു​േമ്പാഴും എണ്ണ കമ്പനികൾ ഇന്ത്യയിൽ വില കുറക്കാത്ത സാഹചര്യമാണ്​ നിലവിലുള്ളത്​​. ഇതിന്​ പുറമേയാണ്​ അധിക സെസ്​ കൂടി ഏർപ്പെടുത്തുന്നത്​. അധിക സെസ്​ ഏർപ്പെടുത്തുന്നതോടെ രാജ്യത്തെ ഇന്ധനവില വീണ്ടും ഉയരും. ഇറാനും യു.എസും തമ്മിൽ നില നിൽക്കുന്ന പ്രശ്​നങ്ങൾ അന്താരാഷ്​ട്ര വിപണിയിലും എണ്ണവിലയെ സ്വാധീനിക്കും. ഇത്​ വരും മാസങ്ങളിൽ എണ്ണവില കുതിച്ചുയരാൻ കാരണമാകും.

രാജ്യത്തെ ഉൽപന്നങ്ങളുടെ ഉപഭോഗം വളരെ കുറഞ്ഞ അളവിലാണുള്ളത്​.​ സമ്പദ്​വ്യവസ്ഥയെ ഇത്​ പ്രതിസന്ധിയിലാക്കുകയും ചെയ്യുന്നു. ഇന്ധനവില വർധനവിലൂടെ വിലക്കയറ്റം ഉണ്ടായാൽ രാജ്യത്ത്​ ഉപഭോഗത്തിൻെറ അളവിനെയും അത്​ സ്വാധീനിക്കും. ഇത്​ സമ്പദ്​വ്യവസ്ഥയിൽ കൂടുതൽ പ്രതിസന്ധിയാണ്​ സൃഷ്​ടിക്കുക.

പുതിയ തൊഴിലുകൾ സൃഷ്​ടിക്കുന്നതിനും ബജറ്റിൽ കാര്യമായ നിർദേശങ്ങളില്ല. സ്​റ്റാർട്ട്​ അപ്​ സംരംഭങ്ങൾക്ക്​ ചില ഇളവുകൾ നൽകിയി​ട്ടുണ്ടെങ്കിലും അത്​ കൊണ്ട്​ മാത്രം പുതിയ തൊഴിലുകൾ സൃഷ്​ടിക്കാൻ കഴിയുമോയെന്നതാണ്​ ഉയരുന്ന ചോദ്യം. വിദേശനിക്ഷേപം ഉയർത്തുന്നത്​ തൊഴിൽ മേഖലയിൽ എത്രത്തോളം സ്വാധീനമുണ്ടാക്കുമെന്നത്​ കണ്ടറിയണം. 59 മിനുട്ടിനുള്ളിൽ ഓൺലൈനിലൂടെ ഒരു കോടി രൂപ സംരംഭങ്ങൾക്ക്​ വായ്​പ അനുവദിക്കുമെന്ന്​ ബജറ്റ്​ പ്രഖ്യാപനത്തിൽ ഉണ്ട്​. എന്നാൽ, ചുവപ്പ്​നാട കുരുക്കാകുന്ന ഇന്ത്യ പോ​ലൊരു രാജ്യത്ത്​ ഇത്​ എത്രത്തോളം യാഥാർഥ്യമാകുമെന്നതിനെ കുറിച്ചുള്ള ആശങ്കകൾ ഉയർന്ന്​ കഴിഞ്ഞു.

ബി.എസ്​.എൻ.എൽ പോലെ തകർന്ന്​ കൊണ്ടിരിക്കുന്ന പൊതുമേഖല സ്ഥാപനങ്ങളെ പുനരുദ്ധരിക്കാനുള്ള പദ്ധതികളും ബജറ്റിൽ ഇടംപിടിച്ചിട്ടില്ല. ഇത്തരം സ്ഥാപനങ്ങൾ തകരു​േമ്പാൾ വൻ തൊഴിൽ നഷ്​ടമാണ്​ ഉണ്ടാവുക. പൊതുമേഖല ഓഹരികൾ വിറ്റഴിക്കുന്നത്​ മൂലവും തൊഴിൽ നഷ്​ടമുണ്ടാക്കും.

നികുതി ഇളവ്​ കോർപ്പറേറ്റുകൾ മാത്രം

ആദായ നികുതി സ്ലാബുകളിൽ മാറ്റമാണ്​ മധ്യവർഗം പ്രതീക്ഷിച്ചിരുന്നത്​. എന്നാൽ, മുൻ ധനമന്ത്രി പിയൂഷ്​ ഗോയൽ അവതരിപ്പിച്ച ഒന്നാം മോദി സർക്കാറിൻെറ അവസാന ബജറ്റിലെ നിർദേശങ്ങൾ അതേപടി തുടരുകയാണ്​ നിർമലയും ചെയ്​തത്​. അതൊടൊപ്പം കോർപ്പറേറ്റുകൾക്ക്​ നികുതിയിളവ്​ പ്രഖ്യാപിക്കുകയും ചെയ്​തു.

ഓഹരി വിപണിയിലെ ദീർഘകാല നിക്ഷേപങ്ങൾക്ക്​്​ ചുമത്തുന്ന നികുതിയായ എൽ.ടി.സി.ജി, ഓഹരികളുടെ ലാഭവിഹിതത്തിന് ചുമത്തുന്ന ഡിവിഡൻറ്​ ഡിസ്​ട്രിബ്യൂഷൻ ടാക്​സ്​, സെക്യൂരിറ്റി ട്രാൻസാക്ഷൻ ടാക്​സ്​ എന്നിവയിലെല്ലാം ഇളവുകൾ ഓഹരി വിപണിയും പ്രതീക്ഷിച്ചിരുന്നു. പക്ഷേ വിപണിയേയും നിർമല നിരാശരാക്കി. ഇതിൻെറ പ്രതിഫലനം കൂടിയായാണ്​ ബജറ്റിന്​ പിന്നാലെയുണ്ടായ ഇന്ത്യൻ ഓഹരി വിപണിയുടെ തകർച്ച.

സ്വപ്​ന വാഗ്​ദാനങ്ങളിൽ ഗ്രാമീണ മേഖല

ഗ്രാമീണ മേഖലയുടെ സമഗ്രമായ പരിഷ്​കാരമാണ്​ ബജറ്റ്​ ലക്ഷ്യംവെക്കുന്നത്​. എല്ലാവർക്കും വീട്​, വൈദ്യുതി, പാചകവാതകം എന്നിവ ഗ്രാമീണ മേഖലയിൽ ഉറപ്പു വരുത്തുമെന്ന്​ പ്രഖ്യാപനം പറയുന്നു​. ധനകമ്മി സർക്കാറിനെ കടുത്ത പ്രതിസന്ധിയിലാക്കുന്ന സാഹചര്യത്തിൽ ഗ്രാമീണ മേഖലക്കായി എത്രത്തോളം ആനുകൂല്യങ്ങൾ നൽകാൻ കഴിയുമെന്നത്​ പരിശോധിക്കപ്പെടേണ്ട വിഷയമാണ്​​. ഗ്രാമീണ മേഖലയിൽ കടം മൂലം വലയുന്ന കർഷകർക്ക്​ പ്രത്യേക ആനുകൂല്യങ്ങളൊന്നും ബജറ്റിൽ പ്രഖ്യാപിച്ചിട്ടില്ലെന്നതും ശ്രദ്ധേയമാണ്​. കഴിഞ്ഞ ബജറ്റിൽ പ്രഖ്യാപിച്ച കർഷകർക്കുള്ള മിനിമം വേതനത്തിന്​ പു​റമേ മറ്റൊരു ആനുകൂല്യവും ഇക്കുറി പ്രഖ്യാപിച്ചിട്ടില്ല. കോർപ്പറേറ്റുകൾക്ക്​ നികുതിയിളവ്​ പ്രഖ്യാപിച്ചപ്പോഴും കർഷകരെ അവഗണിച്ചുവെന്ന വിമർശനങ്ങളും വ്യാപകമായി ഉയരുന്നുണ്ട്​.

കരകയറു​മോ ബാങ്കിങ്​ മേഖല

ബജറ്റ്​ അവതരണത്തിന്​ മുമ്പ്​ സർക്കാറിന്​ മുന്നിൽ വെല്ലുവിളി ഉയർത്തിയ മേഖലയായിരുന്നു ബാങ്കിങ്​. കിട്ടാകടത്തിൻെറ തോത്​ കുറഞ്ഞുവെന്ന്​ അവകാശപ്പെടു​േമ്പാഴും ബാങ്കുകളുടെ മൂലധന നിക്ഷേപത്തിനായി 70,000 കോടി രൂപയാണ്​ സർക്കാർ ​ നൽകുന്നത്​. മേഖലയിൽ ഇപ്പോഴും നില നിൽക്കുന്ന പ്രതിസന്ധിയിലേക്കാണ്​ ഇത്​ വിരൽ ചൂണ്ടുന്നത്​. തകർച്ചയുടെ വക്കിലായ ബാങ്കിങ്​ ഇതര ധനകാര്യ സ്ഥാപനങ്ങളെ കരകയറ്റാൻ പ്രത്യേക നിർദേശങ്ങളൊന്നും ഇത്തവണയില്ല. നിലവിൽ ബാങ്കിങ്​ ഇതര ധനകാര്യ സ്ഥാപനങ്ങൾക്ക്​ നൽകി വരുന്ന സഹായങ്ങൾ തുടരുമെന്ന്​ മാത്രമാണ്​ ബജറ്റിൽ വ്യക്​തമാക്കുന്നത്​.

പ്രവാസികൾക്ക്​ അതിവേഗ ആധാർ, ആദായ നികുതി റി​ട്ടേണിന്​ ആധാർ കാർഡ്​, ഇലക്​ട്രിക്​ വാഹനങ്ങൾക്കുള്ള നികുതി ഇളവ്​, ഭവന വായ്​പകൾക്ക്​ നികുതിയിളവ്​ തുടങ്ങി ചുരുക്കം ചില പ്രഖ്യാപനങ്ങൾ ഒഴിച്ച്​ നിർത്തിയാൽ നിലവിൽ രാജ്യം അഭിമുഖീകരിക്കുന്ന സാമ്പത്തിക മാന്ദ്യം മറികടക്കുന്നതിനുള്ള കാര്യമായ നിർദേശങ്ങൾ ബജറ്റിൽ ഉൾപ്പെട്ടിട്ടില്ല. കോർപ്പറേറ്റുകൾക്ക്​ ഇളവുകൾ പ്രഖ്യാപിക്കുന്ന ബജറ്റ്​ കർഷകർ അടക്കമുള്ളവരുടെ അടിസ്ഥാനപരമായ പ്രശ്​നങ്ങളോട്​ അനുഭാവപൂർവമായ സമീപനം സ്വീകരിക്കുന്നില്ല. നികുതി ഇളവുകൾ പ്രതീക്ഷിച്ച മധ്യവർഗത്തിനും ബജറ്റ്​ നിരാശയാണ്​ നൽകുന്നത്​. നോട്ട്​ നിരോധനവും ജി.എസ്​.ടിയും മൂലം പ്രതിസന്ധിയിലായ ചില്ലറ വ്യാപാര മേഖലയിലുള്ളവർക്ക്​ പെൻഷൻ മാത്രമാണ്​ ആശ്വസിക്കാൻ വക നൽകുന്ന ഏക പ്രഖ്യാപനം.